رواية قاتلة ابي الفصل الواحد والعشرون بقلم بنت الشيخ ترابية
أيامًا مَعدودة
.............................
ايهم: مو كتلج لا تكثرين شرب
هنادي: يابه رااااااااسي راح ينفجر
ايهم: ادري فهد الغبي بويه نگرصت الا من هذا المحل تجيب عصير؟
فاقد: ولكم يبوووووووووووووووووووووووو
جعفر: فاقد طلعت روحه من روحه
زينب: اشو انا متخربطتت ليش بس انتو؟
فهد: دنطي مجال توج شربتي اخخ بوووووويه
فاقد: ولكم اااااااااااااااااااااااااااااااه
هنادي: ايهم اخذهم للدكتور
ايهم: رجلي ماتشيلني نعلعلا ابيك فهد معدتي گبت
زينب: ياااا نوب انت عموووو
ايهم: اي عمو ايييي
هنادي: اخخ معددددددتي يممممه شمنطيني
زينب: ولكم اجاني مغص وراح
فاقد: يتأكد من الوضع ويرجعلج يبوووووووووووو
زينب: ولكم بطني بطننننننننني
فهد: هذا مخلي شي بالعصير مو طبيعي ايهم راح اموت
ايهم: هسه اصيح الدكتور اصبرولي
طلع ايهم يطوطح من الغرفة بالكوة يمشي وكأنو شارب
الولد عيونهم تتگلب ومو طبيعيين نهائي
وزينب تمددت بالكاع ولازمه بطنها
وانا روحي تلووب من الوجع احس شي يتگطع بداخلي
دخل علينا دكتور وشاف وضعنا بسرعه كال
الدكتور: بابا هذا تسمم شوو كومو وياي بسرعه
تسمم قوي صارلنا بسبب العصير مادري شبيه
اخذنا الدكتور سوه غسيل معدة لفهد وفاقد كلش وضعهم واحنا الباقيين انطانا مغذي وعلاج
فهد: نعلعلا ابوي اذا بقيت المحل
فاقد: احس نفسي حامل وجاي اطرح
ايهم: سكتو شويه
زينب: مااهر ماهر وحده بقى
هنادي: هسه يخلص المغذي مالتي واروحله
اباوع للمغذي من يقطر وينزل بالصونده
عيني منه حتى ما ارمش للحظة حسيت بأيده على ايدي داااااافيه لا اراي ضغطت عليها حيل وقربتها من شفايفي وبستها درت وجهي عليه شفته صافن عليه ومبتسم وحضنت ايده لصدري ورجعت عيني على المغذي
فهد: الصوندة طعمها مر
فاقد: حسيت شي يرگص بمعدتي انا
جعفر: غير غسيل بلا شحسيتو
فاقد: لو باقيه الصونده بمعدتي شويه استفرغ بيده
فهد: نعلعلا ابيك
ايهم: هسه شويه وراجعلكم
خلص المغذي مالته وطلع بره الغرفة مادري وين راح حتى ما كال وانا المغذي بلش يخلص وزينب نامت وفهد كاعد يمها يراقب بالمغذي مالتها وهو حالته حاله وجهه اصفر
خلص المغذي مالتي وطلعت حتى اروح يم ماهر
دخلت لكيته كاعد
ماهر: وينكم عني
: فهد مشتري عصير النا وشربنا منه وتسممنا
فهد وفاقد غسيل معده واحنا مغذي وعلاج
ماهر: هنادي لا تكولين العصير الي على الميز؟
: هااااااااااااااااااا؟؟؟؟؟؟؟؟؟؟
ماهر: شربت منه والله
: ولكككككك مااااااااااهر
ماهر: معدتي بدت توجعني ولج
: ولك عزززه ... وطلعت اركض ورحت للغرفة الثانية وصحت زين
زين: شبيج
: ولك فدوه كوملي ماهر شارب من العصير ومعدته بدت توجعه
زين: صدك تحجين
فهد: شجابه للزفت متكلولي
: مادري فدوه تعال
رحنا نركض ودخلنا للغرفة ماهر مكفكف على بطنه ولازمها حييييل
زين: رايح اصيح الدكتور
طلع يركض وانا رحت يمه
: هااا حبيبي شو باوعلي هسه يجي الدكتور
وماكو مكفكف على نفسه .. سوده عليه ياروووحي
دخل جعفر يطوطح بالكوه يمشي خطيه والكانونه بيده
جعفر: هاا شبي شووو مااااهر
: ميكدر يرفع راسه مكفكف على نفسه وبس يون
جعفر: صحتو دكتور شي؟
: اي زين راح
دخل زين وايهم والدكتور
ايهم: هااا شلحكت وشربت ولك
هنادي: عباله من مالاته
ايهم: كومي من يمه خلي يشوفه الدكتور
كمت وكفت يم ايهم والدكتور لزم معدته اول شي وراها طلعت الممرضه حتى تجيب مغذي
وانطاه حبايه كال اشربها هسه قبل المغذي
يعني مثلنا وحطله المغذي وماهر نااااااااااام نووومة عميييييقة
الدكتور: انطيته منوم وي العلاج لانو مسوي عمليه اذا يزيد الالم عليه وهو بوعيه يتخربط حيل علينا وماعنده الا العافيه وانتبهو على المغذي ليخلص
ايهم: مشكور دكتور ماتقصر
جعفر: هي هاي التايهات
زين: فاقد وفهد وزينب هناك انا اروح يمهم وانت ابقى يم ايهم وهنادي
جعفر: انگلع
رحت كعدت يمه واراقب بالمغذي
بس شنو؟ العرك ينكط مني نگط
عيوني ماترمش وصااافنه على المغذي من ينزل
بس اصحى من ايهم يعصر ايدي ويمسح عليها
ادري بيه حاس بيه وفاهمني كلش زين
جعفر: شو الحمام مابيه ضوه شسالفه
ايهم: بيه بس مطفي
جعفر: هسه اشوف لانو وترني
كام للحمام وشغل الضوه ورجع طفى الضوه و رد الباب بس ماسدها
وبقت عيني على فتحة الباب وعلى الظلام
عين على الحمام وعين على المغذي
والعرك من كصتي كام ينزل مااااي مااااي
همسلي : ماتعبن عيونج من اللوفات؟
ابتسمت وفركت ايدي ببعض
: ءء لا بس شويه متوتره
همس : خلي توترج بس يمي
وغمزلي انا ابتسمت
جعفر: خلص المغذي خوويه شيلي
: تمام
شلت المغذي بس الله ستر وايهم يمي لانو فلتت الابره مال المغذي وايده نزفت من الكانونه وبسرعه ايهم عدلها وسدها
: يبووووو والله مامنتبه
ايهم: عاادي ماصار شي تصير تصير
ذبيت المغذي بالزبل جانت يم باب الحمام وبطريقي طبكت باب الحمام
دخل فاقد لازم بطنه.. يمشي ومنتجي على الحايط
فاقد: ها شبي ماهر
ايهم: تسمم وهسه تمام
فاقد: ولكم معدتي راح اموت يمه راح اطرح
جعفر: ففه خلصها علينا يطرح ويطرح بويه اعقل
فاقد: جوجو اسكت
جعفر: تعال تمدد هنا
فاقد: مااااااا وخرووو عني راح اموت وخرو
جان اكو لفاف على الطبله هو اخذه وحطه بحلكه ويصك عليه ويصيح
فاقد: نعلعلا ابوووووي نعلعلا ابوووووووووووي
ايهم: كافي دراما كلنا وياك وهذاك هو فهد وساكت
فاقد: فهد اسم ع مسمى ابن المطي مايحس
ايهم: ولككككك صوووووووتك
جعفر: الي يسمع فاقد هسه يكول خطيه هل المريه چاي يگتلوها
فاقد: اكل زفت جعفر
جعفر: نجب لك
ايهم:هاااااااااااااااااااااا
جعفر: اللهم صلي على محمد وآل محمد
فاقد: بسم الله الرحمن الرحيم
جعفر: صدق الله العظيم
فاقد: صدق رسول الله (ص)
ايهم: ختامها مسك اسكتوو
خنسو بعد ماحجو بس فاقد يون من بطنه ويعض على اللفاف وماهر نايم وجعفر منتجي على الكرسي ويباوع على السگف وايهم يكلب بالتلفون وانا لازمه ايد ماهر
كام فاقد طلع للغرفة الثانية حتى ينام وجعفر تمدد ونام على القنفه الموجودة
اجه ببالي سؤال لايهم
: ايهم سؤال
ايهم: هممم
: عوف التلفون وتقربلي
طفى التلفون وتقرب يمي : كولي
: تذكر من اعترفتلي؟
: ايي؟
: وانت كلت حبيتج حب مثل حب علي لفاطمة
: ايي؟
: هذا اقتداء منك لو تشبيه؟
: هسه لو نرجع للواقع ونگول هل الجمله ف اكيد مو تشبيه لانو ماكو شبيه لحب فاطمه وعلي معروفه هاي لا انا ولا انتي نكدر نغير الواقع ونخلي اثنين يحبون بعضهم مثل فاطمة وعلي لانو هذول اساس الحب وحبهم مقدس
: لعد!؟
: انا اقتدي بحبهم حيييل اقتدي بس ماجنت اعرف الحب
: شلون يعني؟
: يعني جنت اثق واقتدي بحب فاطمه وعلي بس بعمري ماعرفت شنو الحب! مجرد مقتدي بحبهم بدون معرفة وجيتي انتي وصرتي انتي حبي
ف من كتلج هيج مو تشبيه وانما اقتداء قوي مني الهم لانو انا حابج حب مو طبيعي وكتلج هيج حتى بس اريد اعرف شكد علي حب فاطمة؟!
: يعني من كد حبك الي حسيت نفسك واصل الهم؟
: حسيت نفسي واصل لاقصى مرحله بالحب بس اكيد ما اوصل الهم ولا ذرة لانو حبهم عظيييييم هند عظييييييم
: حلووووو .. طيب شنو معنى احببتك على عدد الشرع الاربع؟
: حبيتج على عدد الشرع الي حلله الله والنبي
: شلون؟
: حبيتج اربع مرات بالحلال وحبيتج اكثر على الشرع
: شرحك يحتاجله شرح
: الله محلل للرجال اربع نسوان وانا حبيتج على عددهم
: دكول هيج من البدايه يعني شيصيرلك اذا حجيت هيج
: وشمدريني انا استيعابج بطيء بهل الشكل
: هسه المهمممم داشوف فهد يهتم بزينب وزينب طول الوقت وياه
: صراحه فهد مايحبها بس يريدها بالحلال
: منو كالك؟
: هو طلبها مني وعلى اساس احجي وياج وصارت سالفة ماهر
: وهو شلونه الولد؟
: دره يجنن فهد تربيتي رغم عصبي بس مختلف عنهم وهادددددئ الى ابعد حددد
: منتبه عليه انا
: يهتم الها مو بيها وميحبها مجرد معجب بيها ورايدها بالحلال ف مني وعني مواقف اذا يرجع الموضوع الي لانو ما الكه احسن منه واذا الموضوع يمج بعد بكيفج
: انا مني موافقه اشوف ماهر وامها
: هم تعتبر ام وتاخذين رأيها؟
: طبعا امها ايهم
: لعبانه نفسي منها
: ليش شبيها؟
: من سمعتها تحجي وي الزلم كشت نفسي
: حتى انت؟
: شنو حتى انا؟
: الدنيا كلها سامعتها تحجي وي زلم
: بابا هي مره د**رة ليش تخليني احجيها بوجهج وهي امج
: اهمداني اي والله لانو هاي امي اهمداني
: اي اهمداج كومي شوفي اختج يلا
كمت وطلعت للغرفة الثانية
فاقد وزين نايمين وفهد هستوه يريد ينام وزينب بسابع حلم
فهد: هاا خويه خيرج
: لا بس اجيت اشوف زينب
فهد: مابيها شي الحمدلله وماكعدت جرتها فد نومه
: چا نام انت كافي
فهد: هو دنام هسه
: كوم هناك يمنا الغرفة ابرد واكو مكان كوم
فهد: وزينب
: عادي اخوانها يمها ونايمين كلهم كوم يمنا يلا
فهد: بس اجيب تلفوني واجي
: خووش
.
.
نايمه بس اسمع صوتهم يحجون بهمس وركزت بالصوت هنادي وفهد
اخر كلمه سمعتها: بس اجيب تلفوني واجي
حسيت ايد نمدت جوه المخده مالتي وحسيت بأنفاس حارة بوجهي .. فتحت عيني شفته فهد
بالكوه ركزت بيه
: وين رايح؟
باسني من راسي وكال: انام هناك
: لا لا تعوفني حباب
ديريد يحجي وغمضت عيني ورحت لساااابع حلم ماحسيت على نفسي اصلا بس حسيت بيه كام من يمي وانا غطيت نفسي ورحت للحلم الثامن
.
.
الساعة 12 ليل
الكل نايم وهدووووء
الغرفتين ظلام وكلهم نايمين الا انا كاعدة على الكرسي واكلب بالفيس .. وصلني اشعار من حساب يريد ارسال اليك رسالة ... دخلت على الطلبات وشفت الحساب داز رساله من 5د
بلا صورة وبلا اسم مجرد مستخدم فيسبوك
دخلت للرساله وجان مكتوب
أيامًا معدودة
وانا داشوفها اندزت الثانية
خميس الشهر القادم .. أيامًا معدودة
مافهمت؟ خميس الشهر القادم شنو؟
دزيت
: منو؟
الرسالة: الشهر القادم مليئ بالغموض
: عفوا؟
: حياة جديدة لكنها بائسة سوف تتمنين الموت ..
عاد ماعندي مواقف بسرعه انطيت بلوك وحذف
النوب عليه هل النماذج ويني وين حظي هسه انا
هسه تطلع من هذول الفلكيين وجايه تبيعهم براسي
والله يالله
وكعدت اگلب والفيس عبارة عن
انتقل الى رحمة الله
استشهد البطل الضابط فلان ابن فلان
تم القبض على المجرم الذي اعتدى على طفلة تبلغ من العمر 9 سنوات
تم قتل هذا الرجل من قبل الارهاب بدون سبب
وهكذا.. كمية السلبية الموجودة بالفيس مو طبيعية
واجاني اشعار على الطلبات هم
اهوووو شلون بيه انا اليوم
حساب بأسم احمد المجروح وداز رسالة
: ممكن نتعرف والله علاقة جادة.. ويمها قلب مكسور
دزيتله
: خاب اكل خـ** وروح من وجهي
وانطيته بلوك
ماعرف لازم ارد وابلك اذا مارد گلبي مايبرد
شفت منشور لوحدة بأحد البيجات وكاتبة فد موقف يضحك قريته
صاحبة المنشور : من جنت صغيرة بيه سوله
اذا احد ضوجني او تحارش بيه اكتله وانزع بجامتي واكله كثك كثك وخاصة لصديق ابوي كلما يجي ويكلي طبي جوه انزع بجامتي بالشارع واكله كثك كثك وشكد اهلي ضربوني ويجنزووووني وهسه كبرت وصار عمري 22 سنة وصديق ابوي البارحة خطبني لابنه وبنات امي تلح اوافق اكلله يوم نازعتله بجامتي شلون وتكلي اكلي خـ** قابل هو ماخذج ولجن عادي اوافق احسهه صعبة بشرفجن انطني رأيجن ولتجاوزن وبس ...
وانا طگيتها بضحكة تسوى ابو ابوهم بس الحمدلله محد حس وكعد.. دخلت للتعليقات اقره
ف البنات يكتبن
: عادي خيه چا انا رجلي جنت اكله مصه مصه ولليوم من يصفن يباوعلي ويكول مصه مصه
وهم ضحكت بس محد حس
: انا لابوي ولجن ابوووووي اكله اكل خـ** ولا تمصمص بأمي اطم رووووووووووووحي
والتعليقات كلها هجي وانا اضحك على الصامتحتى مايكعدون والله لو يكعد ايهم ينتف شعراتي شعره شعره
طفيت التلفون وتمددت يم ماهر الجرباية جبيرة تووسع وتكفي تغطيت عدل ونمت
.
.
.
: دزيتي رساله؟
: دزيتلها شافتها وردت وانطتني بلوك
: خوش المهم صار عندها علم
: وشراح نسوي
: انا اكلج شنسوي بس تعالي وراي للغرفة
: لعبت نفسي ...
: يلا
.
.
********
أيامًا معدودة ...
فهمتو القصد لو بعد؟؟؟ ☹️☹️♥
