رواية قاتلة ابي الفصل الثاني والعشرون بقلم بنت الشيخ ترابية
أيامًا معدودة ..
خميس الشهر القادم
شهرًا مليئ بالغموض
حياة جديدة خالية من الراحة
تناقض كره حقد يجتمعان في قلب امرأة واحدة
قاتِلة آبي 2014.. بقلمي ( ترابية)
......................................................................
مر على وجودنا بالمستشفى يومين
واليوم لازم نطلع
ماهر وضعه تمام واحنا الحمدلله تمام
زينب قبل يوم رجعت للبيت بس الشباب نفسهم لا راحو ولا رجعو بقو وياي وما انسى هل الوكفه الهم ابد
ايهم: عندج شي بعد؟
: بس جنطتي انا اخذها روح اطلع
ايهم: عوفي مفتاح الباب على الميز
: خوش .. تلفوني طفى شحن واخذت غراضي وطلعت للكراج جانو 3 سيارات
سيارة انا وايهم وماهر
وسيارة لزين وفهد
وسيارة لجعفر وفاقد
ايهم: خرب بالحظ نسيت كتابي هناك
: انزل جيبه وتعال
نزل ايهم وماهر متمدد وره
ماهر: ولكم يابط يابط اسبح بالشط
: ماهر اسكت راسي يوجعني
ماهر: اسراء وين ماشفتها اجت ليش؟
: ايهم ماجابها
ماهر: لا لا هي ماقبلت تجي ماحجي وياها بعد
: مااااااهر اعقل كافي
ماهر: هي ماتريدني
: اهووووووووو
ماهر: اكو وحده عايفه خطيبها بالمستشفى ومسوي حادث وماتجي ولا تسأل حتى لو ايهم ماقبل تكدر تلح حتى تجي تشوفني عايفتني ونايمه ومرتاحه وانا هنا عود تحبني؟ والله جذب هذا الحب من طرفي بس
: ماااااااااااااااااااهررررر
ماهر: هاا
: وجع صوتك ماسمعه
ماهر: اهمداج
اجه ايهم وصل للباب غمزلي وضحك
وصعد للسيارة
ايهم: خو ماطولت عليكم؟
: لا .. شنو هذا الكتاب اشوف بلا
ايهم: كتاب الجاذبية من تركيا جبته
: راح اقره
ايهم: اقري
بديت اقره .. الكتاب يجنن يتكلم عن هواي مواضيع
مليااااان عـَبر ونصائح ملييياااااااان وغير هذا كله يتكلم عن الطبيعة والدفاع عن النفس
يعني اسم واحد لمجموعة مواضيع مختلفة
يتكلم عن جاذبية العين وجاذبية الاشخاص
وكيف تجذب هذا وكيف تجذب ذاك يعني باختصار وحرفيا الكتاب يجنن
قريت جزء حيل حلو وعجبني وحسيت بيه معنى
كل انسان يمتلك حياة خاصة به .. لكن هنالك لحظات يجب للغير بأن يتدخل ويتكلم فيها ..
الانسان لما يـمُر بعّدة مواقف يجب ان يستدعي الاخرين للمساعدة او لطلب الرأي .. وطلب المساعدة يجب ان يكون من اشخاص أيجابيين ويجذبون الايجابية .. قوة التجاذب في حياتنا مهمة .. لكن نحنُ لا نهتم لها ولا نتكلم عنها ولا نصدق بوجودها
لكن للجاذبية انواع وتستطيع أن تجذب أيّ شيء في بالك بكل سهولة .. جرب تفكر في شيءً ما واغلق عينيك وتخيله وتكلم في داخلك وتمنى هذا الشيء
وتحلى بالايجابية وابعد الافكار السلبية عنك وابعد وهـَم بأن هذهِ التجربة لن تنجح .. ڪن في مكانًا هادئ خالي من الاشخاص المُقربين .. انتَ لوحدك
: والعباس اجرررررررررب
ايهم: شبيج
: حباب اريد الكتاب اليووووووووووم اليوم
ايهم: اخذي بس صووووتج
: مااااشي بس راح اخذه عندي فد تجربه واريد اجرب
ايهم: شراح تجذبين
: شعليك؟
ايهم: الكتاب كتابي ترى
: بكيفي
ماهر: عيني صوتكم بلا زحمه نريد ننطمر
ايهم: دكوم صارلك اربع ايام نايم ماشبعت
ماهر: ياقوم لوط لا يخلوك تنام ولا يخلوك تكعد
ايهم: اششش ناااام نااااام
هنادي: المهممم
ايهم: يامهم؟
هنادي: اريد اتزوج
ايهم: خلي يفكنه اخوج
ماهر: شنيييي تريد تزوج هناااادي وانا مادددري شني ططو هنا
ايهم: درجع نام لو مو موافقتي ماجان خطبت اسراء
ماهر: اسفين عيني اسفين والله وكت يجي الفارس ياخذ فريسته واخوها كاعد ومايحجي
ايهم: مااااااااهر
ماهر: صااااااااار نمت
: ايهم اريد شعر بنات
ايهم: ماكو هنا
: بس مشتهيته
ايهم: يبوي اسكتي اريد اوصل وانام ماكو لا تلحين
: شجاك شنو هل الاسلوب هذا
ايهم: هنادي ولا حرف عاد سكتي
درت وجهي على الجامه فوكاها يعني
شبيه هيج انكلب؟؟؟؟
مو صوجه صوجي انا احجي وياه
وصلنا وانا نزلت وركعت باب السيارة حيل وسمعته يصيح
ايهم: التبربك هذا بطلييييييييييييي
دخلت للبيت حتى الكتاب مانزلته وياي
حنان: لك شوفو منو اجه ونور البيت
: وخري حنان اريد انام
حنان: دسلمي اول
: هلا بيج
وصعدت لغرفتي وشمرت الجنطه
جانت زينب نايمه على الجرباية
وانا قفلت باب غرفتي وسديت البردة صارت ظلمة
اول مرة انام بظلمة عادي وما اتوتر ولا شي
دحست نفسي يم زينب ونمت
.
.
اسراء: كاعدة بالطارمة ولامه رجلي لحضني وصافنه بالكاع والدمعه جامده بعيني
ام اسراء: ولج يمه كافي كوومي اليوم يجون ايهم خابرني
ساكته ومارديت عليها بس باوعتلها
ام اسراء: ولج نزلتي 7 كيلوات بثلاث ايام شسالفتج شو كومي
: ماااا وخرررري عننننيييييي رددددت ارووووح يممممه جانننن تعبااااااان ومسوي حااااااادث حرمتووووني وما اخذتوووووني ايهم جذاااااااب كال اخذج ومن كتله تعال شنوووو كال؟؟؟؟؟ هااااااا؟؟؟؟ كال ماكدر زلم هناك زين وهنادي وزينب اربع ايام نايمات بين الولد عاااااددددييي موووووو؟؟؟؟ اكيد جان بحاجتي انا متاكدة جان
بحااااجتي ادري بيه محتاجني
ردت اروح يمه واوكف على رااااسه واشوفه اول ما يصحى وشنو يكول بس لاااااا ما اخذتووووني خليتونييي هنا لا نوم ولا اكل مخلصه يومي بالبجي والدموع وخاطركم ما انكسر عليه
ام اسراء: ولج يمه بس اسمعيني
: ماااا اسممممممع وخرررررري .... صعدت لغرفتي وقفلت الباب وكعدت ابجي حيلي انهد تمنيت اكون يمه
لشوي وسمعت صوت سيارة يمنا عبالي النا وماكمت
اندكت باب غرفتي
ام اسراء: اجو اجووو اهل ماهر
بسرعه كمت للشباك وشفت سيارتهم
وخليت الشال ونزلت اركض وطلعت للشارع
ايهم: هاا بويه
: هاا .. وعيني على ماهر ماباوعلي اصلا
: شلونك ماهر
هز راسه ودخل لجوه
ايهم: تعبان معليج بس الحمدلله احسن
عفته ورجعت لبيتي مقهورة حييييييل
وهم رجعت لغرفتي امي سكتت وماحجت وياي
فرشت السجادة وكعدت اصلي وادعي اله
وبقيت هيج تقريبا ساعة كاملة كاعدة ابجي وادعي
لميت السجادة ونمت
كعدتني امي ساعة 7 المغرب ورحت غسلت وفتحت باب غرفتي
ام اسراء: وينج ادك بالباب وماكو
: نايمه
ام اسراء: هاج هنادي وياج على الخط
: اخذت التلفون وخليته على اذني وسديت الباب ..
الو
هنادي: الو هلا حبيبي شلونج
: تمام وانتي؟
هنادي: تمام عمري.. وينج لا اجيتي ولا شي
: اخوج ما ستقبلني
هنادي: غير تعبان ياروحي معليج بدلي وتعالي مشتاقتلج اريد اشوفج
: هسه دقايق واجي
هنادي: منتظرتج
سديت التلفون وطلعت فستان مال طلعة مو سهرة او شي محتشم لونه احمر ولبست الحجاب وخليت بس مسكارة وعطر وطلعت
ام اسراء: ها رايحه لبيت هنادي
: اي تجين وياي؟
ام اسراء: لا راح اصلي وانامن مابيه حيل
: براحتج حبيبي .. طلعت وسديت الباب ورحت لبيت هنادي .. دكيت الباب وفتحته زينب
زينب: كل الهلا بجنتنه
: حبيبتي شلونج
زينب: الحمدلله بش هل الضعف اسراء شهل التغيير
: هاي بعد
زينب: تعالي دخلي يلا
دخلنا جوه وجانو كاعدين بالصالة بس ماهر ماكو
حنان: اشرفت وانورت
اسراء: تسلمين
حنان: ايي شجابج
هنادي: حنان مالج حق تتدخلين اولا خطيبة اخويه وچنه هذا البيت وثانيا البيت بيتي رجاءا الي يدخل والي يطلع متحجين وياه
حنان: لسانج شطوله
هنادي: لا تنسين انا منو وانتي منو
هلا حبيبي .. شنو هاي
اسراء: شنو؟
هنادي: شهل الضعف اسراء صدك تحجين والهالات جوه عيونج شكووو؟؟؟
اسراء: تعبانه شويه
هنادي بهمس: علمود ماهر مو؟
دمعت عيوني.. وينه؟
هنادي: صعدي فوك بغرفته كاعد
: وحده؟
هزت راسها وكالت
هنادي: يلا حبيبتي صعدي لزوجج منتظرج فووك
ابتسمت الها وصعدت .. مترددة وصلت للباب ولزمت اليده بس مترددة حييييييل
فتحتها باوعلي ورجع نزل عينه للتلفون
سديت الباب ورحت كعدت يمه وهو مارفع عينه ولا حجه حرف واحد
اسراء: شلونك؟
هز راسه
اسراء:ماهر لا تتجاهلني
باوعلي ورجع باوع للتلفون
نزلت دمعتي ماكدرت اسيطر على نفسي
كمت وردت اروح لزم ايدي
ماهر: وين؟
اسراء: هدني وجودي ديضايقك
ماهر: وين رايحه؟
اسراء: ارجع لبيتي عوفني .. ضغط على ايدي وبجيت
وخررررر عنننيييي
سحبني بسرعه وحضني حييييل
ايد على خصري حاضني حيل وايد على راسي
ماهر: اششششش بسسس كافي
اسراء: تجاهلتني وأذيتني حييييل
ماهر: ليش ما اجيتيني
اسراء: ايهم ماقبل ولا امي لانو اكو ولد محد قبل ياخذني
ماهر: ليش هيج ذبلانه؟
اسراء:بسببك
ماهر: وكله علمودي؟
اسراء: وانت تجاهلتني
ماهر: شو باوعيلي
رفعت عيني عليه هو باوعلي
عاكد حواجبه ومبتسم ..
يباوع لوجهي ومركز بملامحي حييييييل واستحيييت انا استحيت كلش
تقرب مني اكثر ورفعني اله وباسني من خدودي
ماهر: ماريد دموعج المالحه تنزل عليهن بعد
وانا ساكته حرف واحد ماحجيت ... وباسني من شفايفي بوسه سطيحة و وراها ...
.
.
.
بعد ماكعدت المغرب واجت اسراء دك الجرس وطلعت زينب وكالت عمو ايهم لبسو حجاب .. لبست حجاب وانا اصلا مطنكره عليه دخل علينا لابس بنطرون اسود وضيق شويه والبدي نفس الشي اسود وهم ضيق ورافع شعره ولابس نظاراته وساعته السوده طالع يشك شك باختصار بس عادي ماجذبني نهاااااائي درت وجهي ومارديت على السلام
ايهم: ماهر كاعد؟
زينب: ايي واسراء يمه هسه
ايهم: خليهم لعد
حنان: ها عيني تريد ماي جاي عصير
ايهم: الحمدلله شارب وماكل جنت بمطعم وهسه اجيت
حنان: هاا ويامن؟
ايهم: عفوا؟
حنان: يعني وي منو وحدك لو هيج
ايهم: وي جماعتي
شفت بيده لازم الكتاب بس رجعت عيني ع التلفون غلست عليه
زينب: رايحه اسوي فطاير انا اذا تردون شي صيحوني
حنان: وانا رايحه اسوي عنايه
صعدت حنان وزينب راحت للمطبخ بقينا بس انا وايهم
ايهم: احممم
باوعتله ورجعت اگلب بالتلفون
ايهم: احممممم
: شكووو؟؟
ايهم: منو يمج انتي ؟؟؟
درت وجهي منه
ايهم: هاج هذا الكتاب ما اخذتي اليوم
: شكرا ما اريد اخذه
ايهم: هنااااااادي الكتااااااب اخذي
اخذت الكتاب وخليته ع الطبله يمي ورجعت اكلب بالتلفون
ايهم: شبيج كالبه خلقتج؟
: اسلوبك اسلوووووووبك شبيك اليوووووم
ايهم: شبيه؟؟؟؟؟ مختنك وتعبااااااان تعرفين شنو يعني تعباااااننن؟؟؟ بس علمودج ادخل واطلع واضحك واسولف جيتي لهنا مو علمود ماهر جيتي لهنا علمود اشوفج لانو اليوم ضجتي منييييي وهذا كله وماعاجبج
: بس اسلوووبك تهديد بتهديد ومو اسلوبك نفسه
ايهم: هنادي عندي استعداد هسه اخذج للمحكمه واعقد عليج وشيخ هم بس علمود انام بحضنج بهل اللحظة لانو حيل تعبان ومحتاجج وانتي جااايه وتحجين هيج؟؟؟؟ من كل عقلج؟؟؟
دفع الكوشة بيده وكام ديريد يطلع صحتله ماسمع مني
وطلع للطارمه ديريد يفتح الباب وانا انضربت برجلي
: اخخخخخخ رججججلي اووووووووي
ايهم: شبيججج؟؟؟؟
واجاني بسرعه
: شكووو شووو اشوف
: اوووي اووووي شيلني شيلني ماكدر اوكف
ايهم: بس خليني اشوفه
: مااااكدددرر رجلي خدررررررتتت اخخخ
ايهم: خدرت؟ لا حول الله
وشالني
: صعدني لغرفتي ما ابقى هنا
تأفأف وصعدني لفوك
ايهم: فتحي الباب
فتحتها وحطني على الجرباية وشاف رجلي مابيها شي باوعلي ورفع حاجبه هز ايده ودار وجهه
لزمت ايده
: وينن عااايفني رجلي رااااح امووت
ايهم: مابيج شي ليش تجذبين
: هاا؟ موو اوووووي رجلي
ايهم: صووووووتج
خنست وبقيت اباوعله رجع هز ايده ولزمته بسرعه لانو راد ينزل
ايهم: دوخري ايدج
ماااااا انت تحبني شكو نازل وعايفني هااااا؟
ايهم: وخري هنادي
حضنته حيل .. تشلبخت عليه ورفعت رجلي وحضنت خصره برجلي
ايهم: شني قردة بويه؟
: اششششش احضني يلا
ايهم: مااا
: شنوو؟ باوعتله وفتحت عيني... مااا شنو ولك؟؟؟؟؟
ايهم: دنززززلي شثكلج
: ماااااا انززززززل ورجعت حضنته وهو استسلم وحضني
: مو تكول عندي استعداد اخذج واعقد عليج هسه
ايهم: ايي؟
: اخذني يلا بس اللبس نعالي
ايهم: نزلي لا املص اذاناتج
: دروووح خشمك يابس شسوي بعد ابوس ايدك
ايهم: شوف الاسلوب واللسان وتصيح شبيه يتغير عليه
: ايي اذا انت ماتتحمل رقيق
دفعني حيل وشمرني على الجربايه وطلع وسد الباب حيل
ضربت كصتي.. اهمدااااااااااااااني شكد سز اهمداني
.
.
.
ماهر: كومي نزلي لا ابتلي بيج
: هممم
ماهر: لججج صحصحي خرب بالكـ***
: اييع ماهر احجي عدل ... كمت واخذت الشال ودخلت للحمام اغسل
باوعت للمرايه.. فلك طرك ماهر فلك فلكك عود مريض
لبست الشال وطلعت جان متمدد ومخلي ايده على راسه
وانا بسرعه طلعت ونزلت جوه
زينب: ها حبيبي
: ها قلبي .. وينها هنادي
زينب: مادري يمكن بغرفتها
: شدسوين؟
زينب: فطاير
: خلي اسوي وياج
زينب: تعالي
وكعدنا نسوي فطاير قسم بالزعتر وقسم بالجبن
وهكذا خلصنا وقت واجت هنادي كالبه خلقتها ع 180 وخلص اليوم هيج ورجعت لبيتي وانتهى هذا اليوم المُتعب....
. .
.
.
*******
رسالة : أيامًا معدودة هنادي ... انتبهي للساعة
11:11 ... الساعة والدقيقة راح تتكرر بـ خميس الشهر القادم ... راح تكون من اتعس الساعات بحياتج ....
