رواية قاتلة ابي الفصل الثالث والعشرون بقلم بنت الشيخ ترابية
أيامًا معدودة ...
''''''''''''''''''''''''''''''''''''''''''''''''''''''''''''''''''''''''''''''''
هذا شبي متجاهلني؟؟؟؟؟؟؟؟
زينب: شكو شبيج
: ايهم شبي ولا كأنو واكفه شهل التصرفات
زينب: خاف ضايج من شي؟
: مادري انا راح اصعد لغرفتي من يروح صيحيلي
زينب: تمام
صعدت لغرفتي وقفلت الباب
شبي هذا النهار كله اتصل عليه ويرفض الاتصال
واجه النا وماكال راح اجي
نوب حتى سلام ميسلم عليه
بلشت احس علاقتنا توترت بدون سبب
هو يبتعد عني وانا ماتحمل بعده عني ولا اريد قربه
توتر قوي بعلاقتنا مو طبيعي
.
اسراء: كعدت الصبح ورحت لحجيه نوفه
ردت ادك الباب وطلعت هي
نوفه: ها ولج ام شعر شلونج
اسراء: هلا بيج حجيه عود جيت اشوفج
نوفه: چا انـه طالعه للسوگ تعالي وياي
اسراء: هاا .. يلا لعد امشي
مشينا ورحنا للسوك وانا ببالي شلون تكول لماهر رحت للسوك ومابلغتك .. موشغله اتقيد بوجوده بس شغله احترام اله
نوفه: باع المكياج باع الوصخ وجهها قطن والايد زركه
اسراء: مكياج غير
نوفه: يعني بحياتي ماشايفه شعر اخضر اكو واحد يصبغ شعر اخضر
اسراء: كلشي توقعي من هذا الجيل نوفه
نوفه: شحلاتها الحنه ولازكات بالصبغ واللطخ
اسراء: جيل عن جيل يختلف خاله
.
.
هنادي: هاي ليش زينب؟
زينب: شنو لعد شخلي؟
هنادي: بشرفج تخلين شكر للبيتنجان
زينب: عزه ياااا عبالي ملح والله
هنادي: ذبي وسوي غيره يلا
زينب: دقيقه
جاي اعلم زينب على الطبخ طبعا بطلب منها ما اجبرها على شي انا ف سمعت صوت شي وكع على الدرج كل الي ببالي جهال .. زينب راحت تغسل الطاوه وتقلم بيتنجان وانا مديت راسي حتى اشوف شكو .. وشفت حنان واكفه وماعرف شلازمه بيدها وتحاول تفتح باب غرفتي لانو قافلتها وتباوع خاف واحد يجي .. اخذت المفتاح وحاولت امشي بهدوء حتى ماتنتبه وهي مركزه بالقفله ..
شفت بيدها ماشه سوده .. عايشه بهوليود عبالها الماشه تفتح؟
هنادي: انطيج المفتاح اسهل؟
فزت واندارت عليه بسرعه
حنان: هااا ءء شنوو هههه لا لا شسوي بيه بس ردت اشوف الباب اذا مقفوله او لا علمود الجهال لا يدخلون للغرفة وبس هاي هي
ونزلت بسرعه
لا اله الا الله انا شلون بيه ياربي .. فتحت باب غرفتي ودخلت وقفلتها واخذت تلفوني جان على الشحن
وشفته داز رسالة ممعقوله متجاهلني طول الوقت اكيد غلطان بالرساله
فتحتها وجان كاتب
: 12:00 مساء هذا اليوم
دزيت : شنو؟
وخليته عام وطفيته ورجعته على الميز رحت سبحت وبدلت ملابسي وكعدت انشف شعري وراها خليت مكياج وسمعت الرسالة بسرعه طفرت شفته من البرده مال الاشعارات
: تجهزي لمناسبه اليوم وبس
مناسبه؟ ماكو مناسبه اصلا؟
يلا ننتظر ونشوف
نزلت يمهم وعلمت زينب على كم طبخه وكم شغله مهمه للطبخ وماحجي على حرك الايد والاصابع بالزيت
حنان: زينب اليوم نروح للسوك
زينب: لا عمو ايهم كال اخذكم لمكان تباتون بيه مادري ليش
حنان: خاف يريد يطردنا؟
زينب: لا اعتقد علمود د١عش
هنادي: الله يخليكم لا تجيبون الارهاب بالنص فدوه ماحب اسمع بيهم
حنان: الله ينتقم منهم قتلو رجلي وابني
هنادي: يقتل المقتول ويمشي بجنازته
حنان: شني؟
هنادي: مو يمج هيج .. يارب يطلع احساسي غلط لانو انتقم منها والله قاتله ابويه واخويه وكاعده بنص بيتي ويمي ومادري وغافله عنها اقتلها وانتحر وراها ...
''''''''''''''''''''''''''''''''
في مكانـًا اخر ...
: مالعبت نفسك كافي صارلك 3 ساعات
: لا والله جسمج مو للشبع
: ديلا كوم كافي تعبت
: بالليل ناخذ جوله ثانيه
: عوفك مني دحجي شصار على السالفة؟
: ياسالفة؟
: بدون استغباء
: كلشي جاهز بس ماعتقد تفيد الصور مو سويناها ومافاد لا تبقين ثوله
: چا انا اشتغل احسن
: شتسوين؟
: انا انطيتها موعد الخميس من الشهر الجاي وانطيتها الساعه لازم اشتغل
: ترى البنية بيها حالة نفسية يعني شبهه مخبله لا تسوين شغله اكبر من خشمج؟
: لا يابه لتخاف شغلي كله يم النسوان
: مو راحه انتي
:ليش منو كلك راحه اصلا؟
: ناخذ جوله
: خوش تعال
............................
الساعة 10 ونصف ليلاً
هستوني كعدت من النوم
احس نفسي مصفوكه نـ***ل على وجههي
نزلت البيت هدوووء معقوله نايمين؟
دخلت لغرفة حنان فارغة رجعت لغرفة ماهر فارغة؟
وينهم هذول .. رحت لباب البيت مقفوله؟؟؟؟؟؟؟؟؟
يعني البيت مقفول والطارمه فارغه زين منو قافل الباب اذا مموجودين؟
للحظه حسيت حلم
رحت باب المطبخ مقفول وباب الصالة نفس الشي
والمفاتيح ماكو !!!!!
رجعت لغرفة حنان مقفوله؟؟؟؟؟
وماهر نفس الشي؟!!!!
راح اتخبل ياربي
اضويه المطبخ مطفيه والمطبخ ظلاااااااام هستوني دخلت وجانو الاضويه مشتغلين !!!
يارب سترك شسالفه
صعدت لغرفتي لكيت الاضويه مشتغله
بسم الله الرحمن الرحييييم .. انا متأكده من نفسي ممشغله ولا ضوه .. باب الحمام مفتوح ومشتغل الضوه .. رحت للحمام ودخلت
شفت ورقه صغيره على المغسله
اخذتها وقريتها
افتحي الخانة الثانية من كنتورج
لزمت گلبي كلت هسه يطلعون الارهاب مابيها مجال
رحت للخانه الثانيه اول مافتحتها اجتني كفخه من العطر القوي بشكل مو طبيعي باوعت لكيت فستان بـُني معلك و وياه كعب والمكياج وكلشي موجود والكنتور فارغ من ملابسي ماكو بس هذول ؟!!!
شديصير ياااااربي شكوووو ؟؟؟؟؟
شفت ورقة جوه الفستان
اقفلي باب غرفتج وخلي المفتاح على ميز المرايه
رحت قفلتها وخليته المفتاح على ميز المرايه وشفت ورقه موجوده اخذتها وجان مكتوب
لبسي ونزلي عند الساعة 11:30
انا خفت ورحت كعدت على الجربايه اخذت تلفوني
اتصل على ايهم مره مرتين بالثالثه رد بصوت واحد كأنو فاز من النوم
ايهم « بهمس»: الوو؟
: هاا ايهم انت وين؟
ايهم: بالبيت وين يعني؟
: شدسوي؟
ايهم: نايم ليش؟
: ماهر يمك؟
ايهم: قبل لا انام قبل ساعه اتصلت عليه كال راح انام
: زين والبنات وحنان ع اساس يباتون بره البيت؟
ايهم: لا ما اخذتهم أجلتها ليش؟
: ايهم ماكو شي طبيعي ماعرف شديصير بالبيت؟
ايهم: شكو؟ اجيج؟
: هاا لا لاتجي ارجع نام بس اذا صار شي ابلغك
ايهم: هنادي بلا اكلان زفت تقفلين باب غرفتج وماتنزلين لو الدنيا تحترك جوه
: لا قافلتها والبيت كله مقفل
ايهم: رجعي نامي ولا تخافين ماكو شي
: تمام
ايهم: اجيج هنادي؟
: لا ميحتاج
ايهم: اكيد؟
: لا حبيبي لا تجي مو مشكله هسه اقفل الباب مره ثانيه وانام
ايهم: واي شي يصير او تخافين اتصلي عليه اجيج خوش
: خوش يلا تصبح على خير
ايهم: اجمعين هلو
ايهم صوته مال واحد جان نايم وبالكوه تطلع الحجايه
ياربي سترك والله خفت شديصير
سمعت صوت احد يمشي كمت طفيت الاضويه بسرعه
الاضويه الي بره مشتغله ف شفت خيال احد ديمشي يم باب غرفتي .. بسم الله شنو هذا؟
بقى دقايق وراح الصوت واختفى اصلا
شغلت الاضويه وشفت الفستان حيل حلو عجبني اجربه مدري ليش
تجيني سوالف بمواقف غير محل فستان بهل الزلك
بس لبسته وجان على جسمي وع القياس ويجننننن
قصير والردان ربع يعني مو طويله ولا على النص
ولونه بني ومابيه اي لون ثاني
ولبست الكعب وفتحت شعري جان كيرلي بس من جوه
وخليت حمره بني ومسكاره وايلاينر وكعدت اخذت صور
سمعت صوت شي طگ بصوت عالي
گلبي صار بخشمي من الخوف
كأنو نفاخه طگت او هيج شي لانو الصوت هيج
فتحت باب غرفتي
بسم الله الرحمن الرحيم
نوب اريد اقره سورة الكرسي نسيتها والفاتحه نسيتها غير الصلاة على النبي والبسملة ما اجه على بالي وهم جفصت وماضبطتها
ظلاااااام البيت كله انزل درجه درجه اخاف اوكع
وصلت للدرجه الاخير اشتغلت اضويه خافته
مثل الشموع الدائرية بس هذول اضويه ولونهم اصفر فاااتح
كل خطوه امشي يشتغلن اثنين صايرين من الجهتين
بقيت امشي على اثر الاضويه و وكفت بمكان معين
واشتغلن الاضويه مال الصالة
شفت ميز وعليه كيكة بني لونها
وبيها شمعة على كلمة Love
وداير مداير الميز بالكاع نفاخ باللون الاسود والابيض والبني
وعلى الحايط وره الميز مرايه طويله وانا مبين عليها بس ماكو شي ورايه بس انا واكفه .. وداير المرايه ورد بني محاوطها ومحاوط الحايط
زين هذا كله شوكت مو قبل شويه نزلت؟
باوعت للجهه الثانيه قلب مرسوم بالكاع بورد بني
واكو شموع وي الورد
رجعت عيني على المرايه شفته واكف وراي
انخلست خلسه غير لو ابقى اعالج 10 سنين ليكدام ما احبل بعد
لابسه قاط اسود والقميص هم اسود
ورافع شعره والساعه سوده وحتى الحذاء
عباره عن قلم اسود ساده واكف
مخلي ايده بجيوبه ويباوعلي بالمرايه بدون ابتسامه حتى
انداريت عليه باوعلي
هنادي: ءءء ا انت م مو كلت ر رح اانام؟؟
ايهم: شبيج؟
هنادي: زر*ت العافيه
ايهم: ليش بدلتي؟ مو كتلج نامي؟
هنادي: حبيت ابدل واصور وهيج وسمعت الصوت ونزلت ...هذا كله شنو وانت كلت راح انام؟
زين انا مو نزلت شوكت جهزت كل هذا
ايهم: مجهزهن من ساعه 7 المغرب
هنادي: نزلت ماشفت شي اول مره ؟؟؟؟!!!!!!
ايهم: نزلتي مطفيه كدامج واكف ماشفتيني
هنادي: زين نزلت بشكل اوكي حلو لو لا
ايهم: نزلتي بوضع استغفر الله
هنادي: بلعت ريكي... احجي؟
ايهم: عاااري
هنادي: اااايييييهم
ايهم؛ انا شكو؟
: زين ماهر وحنان وبناتها وين؟
ايهم: للفندق
: ليش؟
ايهم: كلت الهم اريد اصالح هنادي واتقدم الها وعافوني يسمعون الكلام
: البيبان تقفلت بعد مافتحتهم بس ماسمعت صوت شلون؟
ايهم: بويه نزلتي خدرانه انتي مو نايمه المهممم يلا تعالي
لزم ايدي ورحنا للميز وشغل الشمعه وكلها صارت نار
ايهم: كل عام وانتِ حـُبي
هنادي: شنو المناسبة؟
ايهم: كل عام وانتُ مسكني ..
كل عام وانتِ هدوئي
كل عام وانتِ هوسي وسكينتي
كل عام وانتِ المتمردة الخاصة لي
كل عام وانتِ جنوني وعشقي
كل عام وانتِ عشيقتي ومحبوبتي
لزم ايدي وباسها وهمس : كل عام وانتِ ضوء عيناي الي ميفارقني طول حياتي
هنادي: كل عام وانت كل حياتي .. وبسته من خده
بس شنو المناسبة
ايهم: التاريخ مكتوب على الكيكة
: شفت التاريخ بس مابيه أي مناسبه؟
ايهم: صممت هذي المناسبه حتى تكون مناسبه خاص النا عيد حبنا .. عيد خاص النا ينعاد بكل سنه ..
بتاريخ شهر يوليو بيوم 10... رح يكون عيد خاص النا
هنادي: ترى شي حلو ع فكرررره حلوووووو
ايهم: تعالي
اخذني بنص القلب ورجع للميز ورجعلي
وكف كدامي ابتسمتله ورجع ابتسملي
وركع كدامي وفتح علبه وبيها خاتم يجنن يجنن
ايهم: نحجي فصحى؟
هزيت راسي وضحكت
ايهم: بلا هل السخافه .. هنادي
هنادي: هاا؟
ايهم: موافقة على ان تكونين زوجتي ونصفي الثاني طول العمر؟
صفنت بوجهه ورجع كال
ايهم: موافقة تدخلين حياتي وتكونين ايهم الثاني؟
موافقة على انو تشاركين ايهم حياته كلها؟
تقبلين بأيهم زوجـًا لطول العمر؟
دمعت عيوني تمنيت العالم كلها تشوفنا سويه وبهل الموقف بس استغليت الفرصه
هنادي: ايوا موافقة طبعا ... بعدني هستوني حجيت
واشتغل مثل البخار بالصالة ارضي
والشموع الناريه .. والتصفيق والضحك انداريت لكيت زينب واسراء وماهر وحنان وام اسراء وحجيه نوفه
والجهال واكو بنات اعرفهم انا الي هم خوات فهد 3
وخوات جعفر 2 ومرت اخ فاقد وامه وكلهم واكفين ورايه ويصفگون والشموع الناريه يطفن ثنين ويشتغلن غيرهن والهلاهل والضحك وانا بسرعه بجيت
اباوع لايهم يباوعلي ويبتسم
رفعلي حاجبه وانا رحت حضنته
ماهر: بطل لككككككككك بطل
وكام يصوفر النا
هنادي: لكم اجواء هوليود تجنن
ماهر: هم هوليود؟؟؟؟؟؟؟؟
هنادي: لا بس يعني ... ورجعت اباوع لايهم
ايهم: هااا؟
وضحكلي
انطيته ايدي ولبسني الخاتم ...
همسلي
: السبت العقد مالتنا
انا بموقف لا اعرف احجي ولا شي كلهم باركولي
الاجواء لو ابقى طول عمري اصمم الها مستحيل تنعاد ولا يجي يوم واشوف هل الاجواء عند احد لانو هل الاجواء فقط بالمسلسلات والافلام شايفتهم
مخططين لكلشي وانا ماحاسه على شي اصلا
نوفه: چا شوكت تركصون؟
ايهم: هسه اكيد
اخذني لنص القلب والاضويه طفت واشتغلت اضويه زرك خاااااااااااافته وبخار الارضي اشتغل هم
واغنية ( سمعني نبضك ) لـ سلمى رشيد
عبالك واكفين نركص بقاعه وانا ماقهرني غير جيراني
رفعت عيني عليه هو صافن بيه ومبتسم
غنيت وياها هل الجزء وهو ضحك وباس راسي
: يافرح عمري ..
معاك الوقت يجري ..
من شوفك ليه مادري ..
تذوب الروح ..
انسى الي فيني ..
حضنك بين اديني ..
ياحبي وكل سنيني ..
فداك الكون ..
