رواية قاتلة ابي الفصل الثامن والعشرون بقلم بنت الشيخ ترابية
كعدت الصبح على صياح ماهر وفتح الباب بسرعة عليه واجه سحبني من الفراش ولزم ايدي حييل وعصرها
ماهر: انا تالي متالي مرتي تنزل وتفتح الباب للزلم بملابس النوم وبنص اللييييييييييل اسرررررررااااء؟!!!
اسراء: ماهر بس اسمعني والله مو هيج
دفعني وكعد كدامي ع الجربايه ويهز برجله ويباوعلي بخزره يعني احجي.. رغم شكد يعصب بس ماخذ طبع انو بالعصبيه مايمد ايده ويضرب لهذا اخذ راحتي بس ما اتمادى لانو يزعل وزعله ثگيل
اسراء: وره مانمت انت سمعت صوت جوه ماكدرت ونزلت لكيت زينب وكالت فاقد يريد ثلج وهسه جاي ياخذ الثلج والبنيه جانت لابسه صايه وحجاب مو مفرعه واجه فاقد وانطته وراح الولد وهي سدت باب البيت ودخلت طلعت انا وطفيت الاضويه البره كلت هسه يطلع الضوه عليش بعد ورحت دخلت للمطبخ وقفلت البيبان وانداريت لكيت عمتي وراي وكالت انا اكل لرجلج طالعه للزلم بالليل بس ماهر والله الي كلته هو هذا الصار وماجذبت بحرف واحد وذيج زينب وروح شوفها وفاقد هم
هز راسه وطلع انا بسرعه لبست دشداشه وطلعت وراه
نزل بسرعه ودخل للمطبخ وصار يرعد
- يالكائناااااااااااااااات ككممممم مررررره احجي بعد مرتي وخواتي ابتعدددددددددي عنهن بيتي معليج بيه عسى ما يحترك بينا وينطفي الصمي حلكج ولاتدخليييييييييين الطلعنا صحتي وين والرجعنا صحتي هاا والحجينا صحتي شكووو والصار وماصار نبشتي روحج ادري انا رجلج ومادري برووووحي وفوك هذاااااااااا القهر كله انتي متبريه من عندنا من چنا صغار ورجعتيلي علمود الفلوس خااااااايبه رجلج ويييييييييييين مايجي مايكول مرتي وين مفتقدها
مايريد يمشي شهواته براااااسج ويخلصنا منننججج
لج انتي ام انتتتييييي هم محسوبه ع الامهات والجنه تحتجججج ايدي اكصها من الجتف اذا الله معتبرج من اهل الجنه
وصار يحجي زياده ويكفر وهي واكفه بالزاويه يم الكاونتر خلص وشمر الكلاص جان على البراد بالكاع وصعد فوك وطبك الباب حيل اندارت عليه وغمتني
حنان: اوهو يالخوووثه ماتصدك يصير شي وتروح توزه براسنا الحيه المسمومه عسانا لا شفناج ولا ردناج الله ينتقم منج يارب
هزيت ايدي وصعدت وراه روحه بخشمه وكاعد على القنفه يدخن وانا مانعته
اسراء: حبيبي لا تـ
قاطعني بصوت
ماهر: اسراء سكتي عني ماريد اتجاوز وانا مو بوعيي
سكتت بس ردت اتقرب رفع ايده بتهديد
: ابتعدي عني يول انتي حامل
خفت ليسوي شي بسرعه ابتعدت ورحت غسلت ونزلت سويت ريوك هو نزل سابح ومبدل
اسراء: تعال تريك حبيبي
ماهر: ماريد زقنبوووت ... وطبك الباب وره وطلع
تقريبا ساعه ورجع اول مادخل باس راسي وكال
: وين ريوكي؟ وتعالي انتي وياه
هزيت راسي وابتسمت واخيرا صحصح شويه
جهزت ريوكه وكعدنا ناكل بهدوء وهو لازم ايدي متركها نهائي خايف عليه من حنان وانا لازمه گلبي هاي فلك مو مره شوكت تنكلع مادري زينب تكول من زمان ع اساس نروح وچلبت وتكول ابوج سافر ميرجع
ورجع ماهر يتصفن عرفته يفكر بهنادي عاد الله يساعده والله رواحتنا طلعت ومشتاقيلها حيل
كعدت ساعة 11 الصبح الغرفة باااااردة وظلمة بسبب البردات تسوي واهس للنوم
كمت لميت شعري ولبست تراجي مالتي حتى متنسد اذني وطلعت
لكيت الشقه ريحتها تجنن والريوك مجهزه على الميز وكاعد مخلي رجل ع رجل ويباوع تلفزيون
هنادي: صباح الخير
: صباح النور هلا
كعدت اكل وهو متريك
خلصت لميت المواعين وغسلتهم وردت اسوي غدى كال انا اجيب من بره لا تسوين شي نهائي بس اكعدي وارتاحي واذا ضايجه كليلي اطلعج
كتله نعسانه
ايهم: چا روحي نامي وتغطي زين
رحت للغرفة شمرت نفسي على الجرباية ونمت
حسيت عليه ينومني عدل ويغطيني ويبوس راسي
وطلع من الغرفة
عطره تارس الجرباية والبطانية نمت ع ريحته بس متقززه بشكل لو فاتحه عيني اتقيء
بقيت نايمه لحد مافزيت من وجع راسي ساعة 4 عصر!!!!!!
ومن كل عقله مخليني على رااااحتي؟؟؟؟!
طلعت لكيته بالمطبخ يغسل المواعين
: هاي شدسوي؟
ايهم: صفيت الكاونتر وغسلت المواعين
: ايهم شلون تخليني نايمه ليهسه وراسي يوجعني غير تكعدني
ايهم: عندنا شي؟ احد ورانا؟ عندج بيت؟ كلشي ماكو جايين تركيا نتونس فترة ونرجع ف ارتاحي
: منو كلك ارجع مارجع انا ولا اجيت اتونس اجيت حتى اخلص منكم واطلع بروحي ماجيت وياكككك انتبه لكلامك
ايهم: اي حبيبي واليوم هم العشى من بره لا تتعبين انتي
: ع فكره دتستفزني حيل
ايهم: وباجر نبدي نروح للشيخ
واندارلي وانتجه على الكاونتر
ايهم: جنتي تعبانه كعدتج علمود تتغدين وكلتي ابتعد عني تحجين بدون وعي وانا روحي منج واشوفج بهل الحال والتعب وترديني اكعدج علمود تشتغلين او شي ثاني! من كل عقلج انتي؟
: عود ليش هلكد تحبني؟
ايهم: طفل تايهه ولگه حضن امه .. انا جنت تايه بحياتي وشفتج وحسيتج حياتي المتيهها والمو داري عنها وتمسكت بيج الى ان عشقت انفاسج وراها صرت مهووسج ويوم عن يوم ازيد واكف كدامج هسه وكل لحظه تمر وي كل حجايه احبج بيها اكثر وانتي تخيلي
: بس انا اكرهك؟؟
ايهم: مايهم المهم انتي يمي وحلالي هذا الي اريده
: بس لا تفكر بيوم اصيرلك زوجه
ايهم: اجيتج؟ طالبت بحقوقي؟ كتلج يابت الناس انتي مرتي وهذا حقي وحلالي وكيت وكيت؟
مخليج على راحتج وكلشي ماريد غير صحتج وابتسامتج تسوى ابو الحقوق وابو الزواج عندي
هزيت راسي ورحت للصالة تلفونه جان على الطبله
دك 3 مرات تقريبا وانا كاعده اكرز حب واباوع مسلسل
عاد من الملل واريد اركز والتلفون يفصل ويرجع يتصل صحت بصوت عالي عليه
: تتتتتتتعااااااااال وشووووووووف كـ******* ديتصلننننننننن اريد افهم من المسلسل ششييييي ماكدددددددر
هو اجه بسرعه اخذ التلفون فتحه وخزرني خزرره يولووووووو
ايهم: ايي خويه .. تمام شوكت؟.. ماشي نهاية الاسبوع
تسلم تسلم.. الله وياك..
ماتعرفين تلزمين لسانج ڪ****** شنو بويه شايفتني ملتهي بالملاهي؟
: انصرعت واريد انتبه اخذ تلفونك بجيبك
ايهم: يلا مايهم تردين شي لو اروح اتمدد
: مادري شلون طلعت مني بس كتله
: لا تروح خليك يمي
ابتسم وهز راسه وكعد يمي وحضني
وكعدنا نباوع مسلسل سويه
همسلي: يولو كومي خلي ننام حتى نطلع بالليل كافي
طفى التلفزيون ورحنا للغرفة
تمددت على الطرف وهو بالجهه الثانيه طفى التيبلام واندار حضني ويشم بركبتي
: وين نطلع؟
ايهم: الي يريده مخج
هزيت راسي وغمضت واجت على بالي سليل
: يابه وسليل هم حجت وياك؟
ايهم: اتصلت وطگيتها برزاله هلكبرها وحظر
: ليش ماتنطيها مجال؟
ايهم: يولو غير احبج ومتزوج شعندي وي بنات الحرام؟
ماتحلى بعيني غيرج
: بس عادي احجي وياها البنيه تحبك؟
باوعلي ورفع حاجبه مندهش من كلامي: احجي وياها؟؟؟
: ايي تحبك غير
ايهم: مضروبه على راسج بويه؟ نامي نامي
: شكوو شنو اتزوجها اصلا عادي
خزرني : داكلج نااااااااامي
درت وجهي حتى انام شبيه هذا؟؟
شحجيت انا؟؟؟ ناقصني خبال
همسلي: لا تفكرين بشي بس ماتقبل كلامج ولا اتقبل غيرج تردين تستفزيني كوليلي تزوج او حب وحده غيري انجن خلص ماتحمل غيرج بگلبي وعقلي واذا صارت واستفزيتني المره الثانيه راسج اكسره
: مو جريت ناعم بالبدايه
ايهم: سكتي خلي ننام عاد
خنست لحد مانمت وهو نايم
ماكعدت الا على صوته
ايهم: بويه شني سالفتج اكلج متزووج واحب مرتي شتردين بعد ... ايييييييي هناااااااااادي مررررررتي بعددددددد ؟؟؟؟؟
والله دنعل ابوج ع هل الخلفه
وشمر التلفون بالكاع حيل وطلع من الغرفة وطبك الباب
كمت وشلت التلفون لميت شعري وطلعت لكيته كاعد
بالصالة يدخن وصافن
: هاا شبيك
ايهم: روحي بدلي يلا
: ويامن جنت تحجي
ايهم: سليل
: وشتريد
ايهم: الي شفتي
: وانت ماتبدل؟
ايهم: ابدل بويه بس روحي كملي
هزيت ايدي ورجعت للغرفة ورحت بدلت وهو اجه يبدل ويشمر بملابسه والكنتور يسده حيل
حتى العطر شمره ع الميز وطلع
كملت وطلعت وراه وطلعنا حتى ماكلف نفسه يلزم ايدي
: عود ليش مخليني امشي وراك؟؟؟
لزم ايدي وشغل المصعد سحبت ايدي منه
صعدنا وكتله: الزم ايدي ولا تفلتها
لزم ايدي وشابك اصابعه بأصابعي وحطها بجيبه
سحبتها باوعلي
: تقززت ولعبت نفسي
هز راسه واستغفر ربه
بس ضجت يعني شلون متحملني انا وخبالاتي هيج
وصلنا للسيارة وصعدنا حتى اغاني ماكو جان ضايج حيل بس تأفأفت شغل الاغاني وفتح الجام وكام يدخن
: لا تدخن اختنكت
هز راسه وشمر الجكاره
وصلنا للمطعم وتعشينا وراها اخذني للحديقة كعدنا هم شويه واباوع للجهال شلون يلعبون صفنت عليهمم وابتسم
ايهم: تردين جهال؟
: اي بس مامستعده هسه اربي
ايهم: اعالجج ونسوي مو حاجه هسه
: بس انا مابيه شي
ايهم: يُبا ماكليج اكل بالسحر حتى للذاكرة مسويلج
: وانا شسوي هسه
ايهم: لا تسوين بس خلي ايدج بيدي واسمعي مني
: خلي نرجع تعبت
رجعنا للشقة راح بدل هو واجه
مدري شجاني بس كل الي اريده يعصب
: انت مو رجال صراحه ماشوف بيك أيّ رجوله
هز راسه وتمدد
: انا داحجي وياك؟؟؟؟
مابيك رجوله انا متزوجه مره مو رجال ع فكره
باوعلي ورجع عينه للتلفون
: اهمداني اي والله حتى قسمتي زفت
انداريت وانسحبت على الجربايه وصرت جواه
: خير شبيك
طابك حواجبه ويخزر ورفع ايدي فوك راسي ولزمهن حيل
ايهم: تلعبين على الاعصاب وترديني اعصب عليج مو؟
: عليش تعصب انا وانت من نفس الفصيلة
ماحسيت الا ملابسي تشككت عليه
وسد حلكي وحاول يتقربلي وانا ابجي بس ماتقرب بسرعه كام وسد الباب حيل وطلع
لملمت نفسي واشهك
بس ليش ماتقربلي؟
مرته واستفزيته؟
لبست ملابس وطلعتله
: طلكني
ايهم: روحي منا
: ايهم طلكني ماررررريييييييدك
ايهم: هنادي كفي الشر وروحي
: مااااااااااا اريد طلكني
سحبني وكعدني بحضنه وحضني لصدره ويمسد على راسي ويمسح دموعي
ايهم: انكسرت ايدي
سكتت باوعت لعيونه تلمع ونظرتهن مليانه حنيه
: ليش؟
ايهم: حاولت اتقربلج بطريقة مو زينه وآذيج
باسني من خدي وحضني حيل
ايهم: تنكسر ايدي لو انمدت عليج حتى لو شقه
حضنته ونمت على صدره
العب بياخه البدي وافكر
ليش يتحملني؟ وليش يحبني؟ ليش هو؟
وشديصير ويايه؟ وهم ارجع مثل قبل واحبه؟
"" "" "" ""
