رواية قاتلة ابي الفصل التاسع والعشرون بقلم بنت الشيخ ترابية
خوفًا بلا حـَد
رهبة وخيبة
صوت دقات الباب
صوت المشي
هواءً عاليًا
شبابيكّ وأبوابّـــًا تتفتح وتنضرب
صوَوت نـُباح الڪلاب
ليلاً وضوء قمر خافتـًا
صوت الحذاء تتقرب مني وانفتحت الباب
دخل وكعد على الكرسي مقابيلي وانا بالكاع مربطة
صفك ايده وتنهد وصاح .... : دللتلج وطلعتج من عتمتج ومافاد
حاولت احجي حلڪي مربط
: عالجتج وساعدتج تكملين حياتج ومافاد
كام وكف كدام الشباك وطلع جكاره ويدخن
: انا تالي عمري تجين انتي وتسوين هيج بيه
بجيت بقيت اسحل برجلي اريد افتح حلكي او ايدي
اريد احضنه اريد احجي وياه واجامله
طبك الشباك بقوته انكسر الزجاج
: صووووووووووتج
خنست ورجعت للزاوية ولميت رجلي وصفنت عليه
تقدم وكعد كدامي بـَعد شعري عن وجهي
: عركانه وشعرج على وجهج؟
عيوني دم حمر من البجي و وجهي كله احمر
والخوف الي بگلبي والرجفه رجلي تطك ببعض
وايدي جرت دم من اظافري بسبب الخوف
: ليش تبجين مو ردتي تسوين هيج؟
مو ردتي تعيشين حياتج؟
اصبريلي بس اليوم وباجر اطلعج لحياتج
لزم فك وجهي بقوة وتقرب مني وعت وجهي وكام طلع وسد الباب حيل
اجاني هوى نسيم بارد
بردت وانا لابسه هلقطعه الوحده ومتشككه وبيها ماي
كمت ارجف خوف وبرد
ما اسيطر على نفسي ومثانتي طگت ماتحمل الوجع
صار عندي ادرار بدون سيطرة على نفسي
ضربت راسي بالحايط وبجيت بكل حيلي اريد اصيح ماكدر صوتي مايطلع
يعني راح يعوفني بحال سبيلي يا الله ما اتحمل والله
الشباك انضرب بحجاره
كاعدة بنص وحوش
مخزن بنص ذياب والاسد مالي ضدي وماموجود يمي
نرجع لوره شــــــــــَوي
كعدت الصبح لكيت نفسي بحضنه وهو نايم ع كعدته
كعدته وراح نام بالغرفة وانا كمت صليت الفجر
وسويت ريوك مو كافي هو يسوي
متحمسه اليوم نروح للشيخ حتى اتعالج من السحر واخلص .. سويت الجاي وكعدت اغسل الطاوه وغسلت الكلاصات ميحب ياكل ويشرب بمواعين اذا ممغسوله قبل خلصت الجاي وخليت الاكل كله ع الميز رتبته وفتحت شباك الصالة و وكفت وصفنت على الشارع
عقلي يفكر بشي ماعرف شنو بس احس اريد شي وبعيد عني تفكير صعب وغريب مامسيطره على اعصابي ومزاجي ومافهم شكو وشريد ..؟؟
حسيت بأيده تلتف على خصري وانفاسه برگبتي ويبوسها بهدوء ... وقطرات الماي تنزل على رگبتي بسبب شعره المَبلل
انداريت عليه
يلا روح نشف شعرك وتعال نتريك حتى نروح
ايهم: لا خلي نكعد ناكل اول
كعدنا على الميز ناكل وخلصنا رحنا بدلنا كال لبسي اسود .. لبست نفس ماطلب وطلعنا بالساعتين تقريبًا و وصلنا لقرية؟
: الله تشبه الريف بالعراق واهل العرب
ايهم: الي هنا عراقيين مهجرين من العرب اصلا
نزلنا وكال هذا كله للشيخ وهذاك هو بيته
رحنا واستفسارات منو انتو وشنو شعندكم وشكو
عرف عن نفسه ايهم عرفو لانو جاي قبلي لهنا
دخلنا للشيخ
: السلام عليكم شيخنا
الشيخ: وعليكم السلام ورحمة الله وبركاتهَ هلا ابني تفضل شلون الصحه الاحوال عسى ما شر جاي خوماكو شي
: هههههه لا والله وضعي الحمدلله بس كتلك سابقًا على مرتي
: اهااا ايي اهلا وسهلا بيها تعالي بويه
كعدت كدامه وراح جاب ماي وقرآن وهيل
وكعد يسوي طقوس ويرتل القرآن
حسيت نفسي مختنكه وهو كل 10د يرتل ويصدق ويشربني من الماي ويرجع
ماتحملت بالكوه كاعده احس روحي تتغريف
اشوف خيال اسود يمشي ويروح ويرجع بس ماركز بيه من الدوخه والخنكه الي صارتلي
عيني بالكوه فاتحتهم بس حسيت شي يطلع من اطرافي ماتحملت اغمى عليه
"" "" "" "" "" "" ""
نظفت تنظيف مال عيد وكعدت واجتني زينب وكعدنا نسولف شويه راحت زينب وانا تمددت
حسيت شي ينزل عليه كلت هاي عرڪانه من الشغل
ماهر طلع يتسوك ويجيب غراض واحتياجات للبيت
وراها صار عندي وجع بنهايه بطني كلت لا اكو شي مو طبيعي
رفعت البطانيه عني زاد الوجع حيل وشفت دم جوايه غركانه بيه
كمت اصيح واعيط بصوت عالي واجتني زينب وراها حنان واتصلو على ماهر كال وصلت وصلت
: ااااااااااااااااااااااااااااااخ بطنننننييييييييييييييي
ماتحملت كفشت شعري واملخ بوجهي من الوجع
حسيت دا اولد وشي ينزل مني بس عاصي بالرحم ماتحملت الوجع نهائي كمت ويركضون وراي
نزلت وكعدت على الدرج وابجي وملخ روووحي
اجاني ماهر بسرعه شالني وطلعني لا عبايه ولا حجاب لنص الطريق اغمى عليه ويرجعون يصحوني اخر شي صحت
: عوووووووووفوووووني لاتكعدووووووني الوجع ذبحنننييييييييي
وصلنا وانا بس ادعي ربي يغمى عليه حتى اتناسى الوجع
دخلنا والدكتورة تدردم
: شهل العياره عيني بس انتي تسقطين
: انچبييييييي صوووووووتج ما اسمعه وربي اشتكي عليكم شنو جايبيلي سستررررررررررررررررر
طلعت هي وجهه اصفر صار وانا بودي اكوم واملخهم انطوني ابره مهدئ ومادري شصار بعد
فهد: سلامات شبيها؟ شصارلها
زينب: سقطت الطفل
ماهر: بس اريد افهم ليش تخلوها تتحرك وحدها
زينب: كله من امي تخلي الشغل عليها وتروح لغرفتها
خزرتني وعضتلي شفه وسوتلي حركه عود انا الج
"" "" '" ""
﴿ يَأٓتِ بِهَا اللهُ ﴾
ف يا ابني انتبه عليها وسوي مثل ماكتلك وانطيها الماي بوقت الاذان وشغل سورة البقرة اسبوع ويطلع منها نهائي ويصير باطل بإذن الله
ركزت على كلامهم بس عيني ثگيله
حسيت نفسي ارتفعت عن الكاع واخذني للسيارة
ونمت ما كعدت الا عليه وهو يشيلني ويصعدني للعمارة وصدفة طلعت ريناد وفتحت الباب النا ودخلنا
اخذني للغرفة وطلع دقايق ورجعلي
طلعلي ملابس وبدلي وغطاني وباس راسي وطلع
راسي راح ينفجر واطرافي ليهسه ترجف لانو حسيت شي طلع مني بقوه
ظلام .... وفَمي مخيط
ايدي ورجلي مربطات
ومشورة بالكاع
حسيت بأحد يجي يمشي ورايه
سمعت صوت ضحكتها بأعلى صوت
رجفت همست بأذني .. ليش ترجفين له له ههههههههه
راحت ورجعلي صوت همس بأذني بس مو صوتها
رجفت وصاح الهمس
: قاتِلـــة آبـي
"" "" "" "" ""
فتحت عيني وحسيت على ريحه المعقمات الي بالمستشفى .. رفعت عيني ماهر كاعد ومخلي ايده على راسه وزينب واكف وصافنه على الشارع من الشباك والدكتوره تعدل الكانونه همسلتي
: عندج العافية ياقمر
نزلت دمعتي عرفت سقطت طفلي
كاملي ماهر لزم ايدي وباسها ومسح دموعي
: يروح يجي غيره اختبار من ربج المهم لا انا ولا انتي بينا شي والحمدلله عندنا حياتنا طويله ونترس البيت
: بس بسببي مات انا اشتغلت هواي
: لا وعيونج بسبب حنان وانا الها بس نرجع المهم انتي بخير مايهمني الطفل حتى ماتعلقنا بيه بس شهر وراح الحمدلله
: بس ابني ماهر هز راسه وباسني ومسح دموعي اجتني زينب
زينب: يول شكد تتبجبجين اشش وانطمي فهد راح يدخل يسلم
هزيت راسي وانطتني حجاب شمرته على راسي ودخل فهد
فهد: عندج العافية خويه
: الله يعافيك اخويه انتَ ... يحجي ومدنك راسه على الكاع
فهد: خويه لا تهمين ولا تبجين يروح يجي غيره تعويض من ربج هل كدامج النسوان كلهن نفس الشي وانتي بعدج صغيره وعروس بس اصبريلج وخلي صبرج بيد ربج وهسه ينطيج التعويض خويه انتي كدهل وسنعه وام بيت
: تسلم فهيدان والله كلامك دره
فهد: كلنا بظهرج كدامج ذيبج واحنا اخوتج وياج ومانعوفج والله عيونا انتي
: يابعد روحي ماقصرت والله وجودكم يمي كلش كافي
كام ماهر وطلع وي فهد ويحجون بره علمود طلعتي من المستشفى
زينب: ترى حلو والله شكد احب اسلوب
: هو انتي تحبي اصلا
زينب: بس هو لا
: بيني وبينج ع اساس يرجع ايهم ويخطبج
زينب: بس راح اتعب بالزواج لانو انا احبه وهو صارحني وكال ما احبج مجرد اعجاب باخلاقج وطلبتج
: الزواج مودة ورحمة
هزت راسها وبقت ساكته وصافنه عليه وتبتسم
"" "" "" "" "" ""
كعدت متكسره من الحلم
احس اعضائي مضروبه نعال لاستيك اصفر
كمت على كيف وطلعت للصالة لكيتة يصلي المغرب وانا واكفة وراه واباوعله شلون يصلي بهدوء دخلي يخلص صلاته الا ماااا ابووووووسه
بقيت صافنه عليه سبح وكمل ولم السجاده اندار لكلاني واكفه مثل الـ فز بس ثولها وعود نغلس
حط السجاده بمكانها واجه شالني وكعدني بالصالة وانا صافنه عليه
ايهم: متيهه امج بوجهي؟
ابتسمت ودنكت كعد كدامي ولزم ايدي
ايهم: هااا؟ رجعنا للحب مو؟ لو بعدنا متقززين
: مادري مشاعر متضاربه
ايهم: هسه افاككهم
كام وصبلي ماي وانطاني شربته كله واخذ الكلاص وجابلي الطبله كدامي وحط الصينيه بيها اكل
اكلت شويه وهو يكلب تلفزيون
شبعت
شال الصينيه وغسلها وانا اخذت تلفونه وفتحت حسابي بيه لانو تلفوني طافي
وكعدت اكلب بحسابي واشوف شبي مابيه طلعت من حسابي وحذفته وكعدت اكلب بتلفونه
جابلي صينيه بيها فواكهه وحلويات باوعتله وابتسمت دنك باسني من خدي وكعد وطلع فلم ويباوع
اخر شي تمدد وحط راسه على رجلي ويكرز حب ويباوع الفلم وانا بتلفونه
وصل اشعار من ماهر
ماهر: هاا اخوي شلونك اخبارك؟
شصار على هنادي والله گلبي متگطع ونار عليها
وابشرك اسراء سقطت اليوم تمنيتك يمي وبظهري والله وتمنيت هنادي
نزلت دمعتي وشهكت هو كام يباوعلي واخذ التلفون بسرعه وشاف الرساله مدري شكتب وشمره وحضني
ايهم: اشششش خلص بس نخلص العلاج نرجع للعراق
: صدك اسراء سقطت؟
ايهم: هي اصلا حملها ضعيف
: شنو مايدرون انت يمي؟
ايهم: كل الي يعرفون بيه انا بتركيا ادور عليج مايدرون تزوجنا ولا يعرفون بشي ثاني بس كتلهم لا تدورون بالعراق لانو سمعت بيها بتركيا وبس
هزيت راسي
وخليت راسي بحضنه وكعد هو يلعب بشعري وانطاني تلفونه ونزلت لعبه جانت كلش حلوه
اسمها المزرعة السعيدة
احب هيج العاب وسويت الحساب مالها وكعدت ارتب واسوي
وييييين للساعة 9 حسيت بالوقت وتلفونه وشل شحن
طفيته وانطيته ... هاك خلص الشحن
: انعم الله عليج رحمه الله والديج ماقصرتي
ضحكت وكال
روحي بدلي حتى نطلع شوي نفتر
كمت بدلت وعدلت نفسي واجه بدل وطلعنا نفتر
طبعا اجيت لتركيا عادي بس بعد ماعقد عليه يوميه طالعين حتى المطاعم حفظو ملامحنا ع ما كد نروحلهم
مـر اسبوع وحسيت حالتي تحسنت صرت اتقبل ايهم
حبيته حب اقوى من حبي السابق وراجعت الشيخ وگدرنا نبطل السحر ورجعنا فرحانين اغاني وردح بسيارتنا
هنادي: سحر بطل عطر رطل
ايهم: ماتسكتين؟
: دعوفي متونسه بوس ايدي
ضحك واخذ ايدي باسها وضمها لصدره
مرتاحين اسبوع كامل
دللني دلال للكاع ميخليني اوصل
بس احداث 2014 ورايه ورايه
ماتوقعت يصيرلي هيج ولو شويه بس صار
قاتِلة ابوي رجعتلي ورجعتلي وياها 2014
