رواية قاتلة ابي الفصل الثلاثون بقلم بنت الشيخ ترابية
من بعد الحب والدلال منه صار الوقت حتى
تخرب حياتي
ايهم كال لا تخبرين احد بوجودج وانا راح ارجعج اليوم للعراق
جهزنا وحجزنا وقفلنا ورجعنا للعراق ..
موقف يقشعر البدن
عند نزولي من المطار ودخلت بأرض العراق
امشي بشوارع بغداد ذاهبة الى محافظتي
اشتغلت اغنية مـــَوطنِي
للحظة حسيت نفسي يتيمة ولگيت اهلي بعد معاناة
شنو جنت احس لما طلعت منا؟
وصلنا وشفت باب بيتي
خفت ادخل
شنو راح يكون ردهم؟ شراح يسوون؟
دخل ايهم الباب جانت مردوده
اسمع الحجيه نوفه تحجي عرفتها موجوده من شحاطتها نفسها
: لبالي تدخل وياك وادحك على الباب
وبجت ضحك وأشرلي دخلت للصالة
رفعت راسي عليهم
ماهر كاعد وصافن بوجهي
واسراء لازمه الصينية وصافنه
وزينب واكفه يم حنان وكلهم صافنين
ضحك ايهم
: ول يابه هااااا جبتها لو ما جبتها؟؟؟
اسراء وكعت من طولها وماهر اجاني وحضني حيل كسر ضلوعي بحضنه ويبجي ممصدك يبتعد يبوس بوجهي ويرجع يحضني حيل اخر شي حيله نهد كعد بالكاع وسحبني وبقى حاضني وانا دموعي تصب عليه وع حنيته مالحكت حتى احضنه ولا اقاوم حنانه
واجتني اسراء مثل المخبله تركض وتحضن بيه
وزينب كـذلك ممصدكين بوجودي بيناتهم
ايهم: ولكم عوفو مرتي لا اكسركم والله
ماهر: مامصدك لا مرتك شنو نوب ولي منا خلي اشبع منها
ايهم: يولو عاقد عليها شيخ ومحكمه وتريد تبعدني عنها وخر شو وخر
وسحبني ايهم وكلهم ضحكو ونوفه هلهلت وكالت
: تعالي ولج خلي احبچ
ورحتلها وتهلهل فرحانه
حنان: ولج صدك تزوجتي
هزيت راسي وابتسمت
حنان: شرجعج ماتكليلي؟
صفنت بوجهها حتى سلام ماسلمت
ايهم: الي رجعها زوجها ورجعها لبيتها واحنا نحب نستقبل الخطار بس مو كأنو خطارنا ثگل علينا؟
رفعت حاجبها وراحت لغرفتها ماعاجبها الكلام
هزيت ايدي هم عايزني
ايهم كال بيتي اريد ارممه وابني ف راح ابقى هنا
عاد نوفه كالت : نام يم مريتك يمه
ايهم: اكيد هم عوزي تعزلولي فراشي؟
ضحك وصعد للغرفة قبلي
نوفه: انكلعي يمه شكو مكابلتني؟
ماهر: وين حجيه خلي نشوفها والله مشتاقلها
: وچ اصعدي لا بالعوچيه على راسج وانعل امج فوك اخوج
صعدت بسرعه للغرفة وراه
لكيته نازع القميص وصافن بالكاع ويدخن
شافني ومدلي ايده رحت وكعدني ع رجله وحضن خصري بيده وباسني من خدي
ايهم: تذكرين اليوم كتلج بيه لا تعوفيني وعفتيني؟
: بس انت اجيتني وجنت بعذر انا؟
ايهم: هل المره اكلج انتبهي عليه لا انا اتعوض ولا انتي
: اهوو شكو شراح يصير بعد؟
ايهم: مادري بس المهم ديري بالج ... وجان اخذج
اخذت عقلج وگلبج واخذتج حلال ورجعتج لحضني
: والله انك كفو وشاربك عليك رجال
ايهم: خوش يحلو باجر اطلع من الصبح اشوف البيت
: خوووش نام يلا
كام مني وتمدد وانا سبحت وبدلت طلعت لكيته غافي حضنته ونمت
نفس الحلم ينعاد عليه مادري ليش واكعد مختنكه منه
كعدت الفجر ساعة 3 ونزلت جوه
ماهر جان كاعد على الابتوب ويدخن
: ها حبيبي
ماهر: هلا كبد تعالي
رحت يمه وكعدني بين رجليه بس بالكاع
وباس راسي
: شدسوي؟
ماهر: اشتغل .. شوكت كعدتي؟
: هستوني ونزلت
ماهر: وايهم؟
: نايم بعده .. حسوي اكل تاكل وياي؟
ماهر: لا گلب بس سويلي جاي راسي
: تمام
رحت سويتله جاي واخذته باس ايدي
ورجعت سويت اكل الي ميته ميته كأنو جايه من صحراء مدري شسالفه
اثرم بالطماطه وعيني على الحديقه من الشباك اباوع
وافكر بالحلم مالتي ممنتبه وجرحت نفسي بالسجين
خليته جوه الماي ماوكف لزمته ورحت اخذت كلينكس
ولفيته وكام يوجعني لانو جرحت الابهام واحس ايدي كلها انشلت رجعت للطماطه شفت بزونه سوده بس بيها رصاصي وابيض بره ووصغيره تجنن رحت اخذت تغذيه شويه وطلعت انطيتها واكلتها
دخلت للمطبخ انداريت مموجوده
طلعت ماكو احتمال شردت
ورجعت قفلت الباب
وشفتها تاكل؟
احتمال رجعت
شغلت الطاوه واخذت الطماطه وشفتها على الشباك واكفه وتباوعلي بسرعه فزيت ونفخت بوجهي وركضت
بسم الله الرحمن الرحيم دخيلك ربي شنو هاي؟
خلصت الطماطه وثرمت بيتنجان وفلفل وياها سويت حميسه
دخل عليه ماهر وحضني
ماهر: مشتاقلج ياسز
: وانا هم يروحي انت
ماهر: ليش سافرتي وعفتيني؟
: بسبب مشكله صغيره ونحلت روح اكعد يلا
ماهر: ما خليني يمج
راح وكعد ع الكاونتر الي يشوفه يكول طفل ولا كأنو رجال وصاحب بيت ومتزوج ومرته سقطت قبل اسبوع .. يصير طفل يمي
تذكرت ايهم من يكول
تايه ولكيت روحي يمج
لو من يكول
يتيم وشفت هَـلي بيج
امعطوووووو شكد مشتاقتله وينه
نصيت الطاوه وكلت لماهر: اشوف ايهم واجيك
هز راسه صعدت اركض فتحت الباب بسرعه وسحبت البطانيه هو كعد فز بسرعه كعد ع الجربايه
لزمت وجهه وطحت بيه بوس بكل قوتي وهو يصيح
: ولج شكوووووووو شبيج شصاير شجاج؟؟؟
وانا ابوس بيه وارجع ليوره طلعت كل حبي بيه
وهو يصيح يريد يفتهم شكو النوم بعينه
وخرت
يايابه تعبت
: شبيج؟؟؟؟؟؟؟
تذكرتك وكزكزت عليك وصعدتلك
هز ايده ... والله يا الله صدك جذب بويه خرطت العافية دسدي الباب خلي انطمر
: خوش... بقيت كاعده هو تمدد ورجع غفى ورجعتله مره ثانيه اخر شي صاح
: يعنيييي شلوووووون ما ننااااااام
عفته وطلعت اركض واسمعه يصيح
: هذا لو ايهم هيج سوه جان بسرعه صحتي الحكولي راح يشكني
متت متت ونزلت اركض
سويت الاكل اكلت ورجعت صعدت فوك جان كاعد
هااا يول كاعد
ايهم: ادم يشرد منج استغفر الله ياربي
رحت بدلت عمدًا ولبست ملابس نوم لونهم بُني
وفتحت شعري وخليت مكياج خفيف وطلعتله
وكعدت على ميز المرايه عود اصبغ واعدل
اشوفه صافن عليه
ويمسح كصته اخر شي همس بصوت مسموع ودار وجهه ونام
: استغفر الله ياربي قريش ماسوو هجي بالاسلام
رحت نمت يمه وحضنته
ومشى روتين عادي لمدة ثلاث ايام شغل وروتين عادي وايهم اقترح يسوي حفلة زواج النا حتى نعلن للعالم واهل المنطقه بس بعدنا ممقررين شوكت
بيوم من الايام
كعدا المغرب گلبي مقبوض
والتنفس صعب عليه احس نفسي كاعده بمكان مليان رطوبه ايهم ماكو يمي والكل كاعدين وضحكهم وسوالفهم جوه نزلت وكفت على الدرج
: شنو هذا الصوت
زينب: نزلت الچيفه ؏ گولته لايهم
: يعني هذا البيت مابي هدوء ... رادو يحجون وصحت بصوت عالي كلهم خنسو
: لحد يحجي انتوووووو شنوووو من بشررررر هاااا
ماهر عباله اضحك واخذها بالضحك ومدلي ايده
جانت مزهريه يمي قريبه شلتها وركعتها بالكاع
مثل المنهارة بس بأعصاب
بقو صافنين واحد بوجه الثاني ومحد فتح حلكه بعد
جعفر: ابيها هاي؟ ويأشر بيده « شبيها هاي»
رحت للقنفه واخذت كوشه وضربته بيها وكع بالكاع كعد وصفن عليه ودموعه ملت عيونه
ماهر: هاااااااي شبيج؟؟؟؟
اشششششش ولا صووووووووت وانت بالذات صوووووتك حسككك عينككككك
ايهم: سلام علـ
ماخليته يكمل وشمرت الكلاص بالكاع
صوووووووووووتتتتككككك
تخبلت عليهم وهو صافن عليه
ايهم: شكو شبيج؟ هاي شبيها منو كعدها من النوم؟
اشرله ماهر بأنو يسكت
ايهم: يول شفتني حجيه نوفه وتسكتني شووو تعاااي
ولزم ايدي حيل وانا ادفع بيه صعدني للغرفة ودخلني وقفل الباب ورفعلي ايده ويحجي
ايهم: شبيج تخبلتييييييييي اعوفج نايمه واطلع ارجع الكيج كالبه الدنيييياااااا؟؟؟؟
: لا تعييط لكككككككك اكرررررررهك
ايهم: صووووووووووتج
خنست بس بقيت اخزر بيه
ايهم: عينج راح يجيج راجدي
: شحدك ايدك اكسرها
بقى صافن عليه وجتف ايده مستعد يسمع كلامي الجاي .. وانت هيييييييي لو بيك ذرة رجولة وكبرياء ورجال من صدك وحوك هسه تعوفني وتنفصل وتطلع من بيتي
رفعلي حاجبه مامستوعب الكلام الي اكوله وهز ايده
ايهم: منو كافخج وانتي نايمه؟
: لو انت رجال اطلع بره واتركني
هزلي راسه واخذ التلفون وطلع سمعته يصيح ع الدرج وعرفته يريد يسمعني
: وكفت وياها وماتركت ايدها لحظه وحده وتخليت عنها وتالي تجي وتكول اذا انت رجال اطلع من بيتي
المهم ماهر كدامك اختك يومين وتوصل الها ورقه طلاك من المحكمه ماريد اعلكها بيه وهي ماتحبني
وسمعت صوت الباب
للحظة كل الانهيار الي جان والاعصاب كلهم اختفو وغير الدموع ماكو بدون سبب كعدت بالزاوية وابجي
اعصابي تلفت كمت طشرت غراضي وكسرت ميز المرايه وشمرت المزهريه على باب الكنتور وطشرت بالكاع الشباك جان مسدود وهم شمرت عليه وانكسر اخر شي جبت جداحه من جوه وصعدت اركض
نزلت البرده وطلعت ملابس ايهم وخليت غراضي وملابسي وشغلتهم بنار وقفلت الباب وكعدت بالزاويه اباوعلهم شلون يحتركون ودموعي تصب بس بداخلس اريد اجرم بعد
للحظه حسيت نفسي سايـ**و
الباب تندك وانا مغلسه عنها وصحت بصوت واحد
: اذا سمعت صووووووووووت اشمر نفسي وي الملاااااااابس مفهووووووووووم
ومسحت العرك من كصتي ورحت غسلت من الحمام ورجعت وسديت الشباك والغرفة صار بيها ضغط حيل قوي من النار والخنكه ومن كد قوة الضغط تكسرت الشبابيك وماهر يصيح ويضرب بالباب يريد يفتحها صاج ماتنكسر وانا كاعده بالزاويه والعرك يصب والخنكه بدت عندي بسبب الجو
بعدها النار مشتعله وكمت فتحت الباب وعبرت من بينهم ونزلت امشي وعيني ؏ كدامي
رحت للمطبخ طلعت سجين
ورحت صعدت ماهر جان يطفي النار واسراء تركض بالماي وزينب تبجي والجهال تصرخ
جريت حنان من دشداشتها ولزكتها بالحايط انطيتها راجدي ونومتها بالكاع وكعدت فوكاها صافنه بيها ورافع ايدي الي بيها سجين
هي لازمه ايدي الي خانكتها بيها وتصيح
: اروحلج فدوه لا يمه اصحي
رفعت ايدي حيل مستعده للضربه وصاح ماهر بصوت عالي وتجاهلته
ماهر: يمممممعووووووووووووده هنااااااااااادي
في مڪان مليئ بالظلام ونُباح الكلاب
صوتًا مهموس وتهمس بڪُل دلع
: اااه ايهم
بمرور ثلاث ساعات بدون توقف صـَدِرَ صوتًا من الخارج ... ابتعدو عن بعض وارتدو ثيابهم
خرج ذاك الرجُل ليذهب للخارج
صوتًا مهموس ايضًا
: هسه وكته الباب يندك خرب عليه اجمل لحظات حياتي ..
نظرت تلك المرأة لتعلم من دق الباب في منتصف الليل !؟
ڪان هناك رجلاً طويل القامة « مُلثم »
الدهشة بينت على ملامُحها وقالت بصوت مسموع
: ياربي هذا شجابه مو على اساس مات ؟؟؟؟؟
رن التلفون ينبه عن اتصالاً مُهم
: وهذا وكته الثاني وين التفت ياربي
حديثًا بين الاثنين
ايهم : تفضل؟
: تعرف بنت اسمها هنادي بنت حنان؟
ايهم: وليس تنطيها بأسم الام؟
: رجاءاً جاوب على السؤال
هزيت راسي مستعد لسماع كلامه الي كان
مثل الصعقه ونزلت ؏ راسي وانا اركز بكلماته من گال
: هنادي هي القتلت ابوها واخوها بيدها ورمتهم لـد١عش
مامعقول؟
: انطيني دليل؟
طلع فيديو لرجال وزوجته واطفال اثنين يتكلمون بخوف
الرجل : انا بعيني بعيني شفتها طلعت واخذت سلاح واحد من الملثمين وسمعنا صوت الرمي وراها فتحت الباب لـد١عش
الزوجة : اجتني قبل الحادثة بساعه تقريبا وكالت اريدج تخلين امي واخوي الصغير يطلعون من البيت عندي شغل مهم
وقال احد الاطفال ذو الاعمار الصغيرة
:عمو هي طلعت الهم وايدها كلها دم و وجها جان يخوف
صعقة نزلت على راسي اختل توازني وانتجيت على الحايط هنادي ماتسويها؟
ممكن تسوي كلشي بس تقتل ؟؟؟؟؟؟؟؟؟؟
ليش ابوووها وليش اخوووها؟
: واذا تعرف مكانها سلمنا البنيه حتى نعتقلها والا ندخل مداهمه على البيت وراح نتصرف وي الكل
سكتت
: نتأكد من صمت جنابك بأنو سامحلنا ندخل مداهمه ع الكل؟
ايهم: لا دقيقه ..
انا اكلك هنادي وين
