رواية مأمورية خارج السيطرة الفصل الثاني 2 بقلم ياسمين رمضان

_خدها معاك دخلها الحجز.

ليندا بصدمة عارمه/ اييييي الحجز.

وفضلت تحرك عينيها علي عمر و والعسكري سعيد بصدمة ف قالت بصوت عالي .

_ فاكر نفسك مين انت عشان تحبسني وعلي أساس اي وفين الدليل اصلا عشان تحبسني بييي ...

عمر كل مرة بيتفاجئ من كلامها ال بتقولو عمرو ما حد يتجرأ يكلمو بطريقة دي...

عمر بغضب/ خدها من قدامي يا سعيييد بدل ما اخلص عليها دلوقتي.

سعيد بسرعة شد ليندا من ايديها وفضلت تزعق في جامد بصوت عالي و تبعد ايدو من عليها لاكن فضل يمشيها بالعافيه وماشي بيها،

تحت نظرات كل ال في القسم واصحاب ليندا واقفين مصدومين من ال شايفينو...

خرج عمر من مكتبو شاف الكل واقف ونظراتهم علي ليندا...

عمر بصوت جهوري/ اي اول مرة تشوفو متهمة ولا ايييي كلو علي شغلو.

الجميع اتنفض وكلو راح شاف شغلو معادا داليا راحت لي بسرعة و قالت....

_ عمر بيه حضرتك ليندا معملتش حاجة عشان تقبض عليها حتي حضرتك اسال الظابط ايمن وهيقولك نفس كلامي.

عمر بحده/ انا هنا ال اقول مين عمل ومين معملش مدام حضرتك انتي وال معاكي مفيش حاجة عليكم يبقا اتفضلو .

داليا لسة هتتكلم تاني ، عمر بصلها جامد بأنها تسكت وكمل كلامو بصوت هادئ لاكن ورا شر ...

_ ولا تحبي حضرتك تشرفي معاها.

داليا خافت ومشيت من قدامو ،راحت وقفت مع اصحابها.

وعمر دخل وقفل الباب بقوة،

و خرج ايمن من مكتبو شاف البنات لسة واقفين .

ايمن باستغراب/انتو واقفين لسة ممشيتوش ليه.

داليا بسرعة / ايمن بيه لو سمحت المقدم عمر بيه لو تخلي يطلع صحبتنا من الحجز هي معملتش حاجة والله زي ما قولنا لحضرتك .

ايمن بتعجب / دخلها الحجز معقول .

وشاف داليا واصحابها باين عليهم الحزن معادا ميار.

ايمن باطمئنان / متقلقيش هتكلم معاه يخرجها روحو انتو دلوقتي .

داليا بفرحة / شكرا بجد يا ايمن بيه عن اذنك .

ايمن ابتسم برسمية واتجه الي مكتب المقدم عمر.

والبنات خرجوا من القسم واتجهوا الي بيوتهم .

---************---

في الحجز ....

العسكري سعيد بيفتح الباب عشان يدخل ليندا بقوة..

ليندا بعصبية/ بقولك سيبني انا معملتش حاجة صدقني مش هسيبك انت و المقدم بتاعك ال شايف نفسو دا .

العسكري بغضب / ما تسكتي بقا مسمعش صوتك .

وراح قبل الباب ف وشها .

ليندا فضلت تشتمو في سرها بغضب، وسمعت صوت بنت اكبر منها من وراها وقالت .

_ جرا اي ياحلوة مالك كدا هدي نفسك شوية ...

البنت الاخري قالت ،..

_ انتي فاكرة نفسك مين عشان تقفي في وش المقدم عمر دا انتي بتحلمي.

ليندا اتمالكت أعصابها وبصت ليهم بديق وقالت ..

_ بقولك اي انتي وهي انا مش ناقصة صداع كل وحدة تحط لسانها جوا بوقها لأن انا عفاريت الدنيا كلها بتتنطط قدامي سامعين ف متخلوش غضبي يطلع عليكو.

البنات و الستات وقفو كلهم في صف بعض بديق وغضب منها واتكلمو بدور .

_ جرا اي يا حبيبتي مالك كدا داخلة نافشة ريشك علينا كدا لي.

_ البت دي لازم تتعلم الادب حالا.

_ جرا اي ياروح ماما غضب مين دا الي طلعي علينا دا احنا نجيبك تحت رجلينا .

_بنااااات شكلنا كدة عندنا سهرة حلوة اوي و هنتعشا بيها انهاردة .

ليندا فضلت سامعة كل كلمة بيقولوها وقالت بابتسامة شر...

_ خليكو فاكرين انتو الي ابتديتو .

وفجاه هجمت عليهم والصوت علي وووو

ـــ*************ـــ

في مكتب المقدم عمر .

عمر كان قاعد علي مكتبو و وشو مليان غضب متحكم كان مخنوق لدرجة انو مش عارف يفكر في اي حاجة تاني بسببها ومفيش في دماغو غير اسم واحد وهو" ليندا " ، قطع تفكيرو علي صوت الباب بيخبط ، عمر عدل لبسو وسند علي المكتب وقال.. 

_ ادخل ...

دخل ايمن وادا التحية ليه ، قال عمر ..

_ اي يا ايمن عرفت حاجة بخصوص العيال ال بيسرقو المحل أنا قولت اسيبك تحقق انت ولو حصل حاجة هشوف انا الموضوع بطريقتي.

ايمن بهدوء/ فضلوا ينكرو كتير و طلعوا عيننا لحد ما عرفنا و حققت معاهم يا فندم وعرفت أنهم مش اول مرة يسرقو فيها بس مش ناقص غير حضرتك انك تحولهم للمحكمة بأمر منك..

عمر بتركيز / تمام هعمل الإجراءات القانونية وأحولهم تقدر تتفضل يا ايمن... واه مسي عليهم شوية انت وصحابك لان ال رعب ال عملوا في الناس والبنات دا مش قليل .... وتقدر تتحرك دلوقتي.

ايمن وقف بتردد ، و عمر لسة هيركز في الأوراق ال قدامو شافو لسة واقف ف قال ...

_في حاجة ولا اي يا ايمن بقولك اتفضل .

ايمن بتوتر/ عمر بيه كنت جي اتكلم مع حضرتك بخصوص البنت ال دخلتها الحجز هي ....

عمر سند علي كرسي واتكلم بابتسامة جانبية وقال بذكاء تام...

_عارف انها معملتش حاجة وهي ال خططت عشان تحاول تنقذ الموقف قبل ما يحصل جريمة.

ايمن بذهول/ يعني حضرتك فهمت أنها ملهاش علاقة ب الحصل و حبستها تب ليه .

عمر قام من علي مكتبو وقف قدام ايمن بكل قوة وانضباط واتنهد بقوة ف قال ....

_ انت عارف اني استحالة اجي علي حد مع انك مش بقالك كتير هنا بس انت عارف طبعي وأسلوبي عامل ازاي ف لما تيجي وحدة زي ليندا تقف ف وشي وتتكلم معايا بدون رسميات وقله ادب ف لا دا مش في قاموسي يا ايمن عشان كدة انا بقولك متقلقش روح شوف شغلك وانا عارف انا بعمل اي كويس.

سابو عمر وراح قعد علي مكتبو و شاف شغلو ،

أما ايمن فهم كويس دماغ عمر ف هو مش بيعمل حاجة غير و وراها سر كبير محدش يعرفو غيرو ف ادا التحية وخرج.

ـــ************ـــ

في الحجز عند ليندا كانت معركة نسائيه ملهاش حدود.

ليندا هجمت عليهم ووو....

مسكت اول وحدة خطبتها في راس التانية بقوة،

الاتنين وقعوا علي الارض، وتلاته لسة هيمسكوها بسرعة مسكت اول وحدة فيهم وراحت زقاها عليهم خلت ال وراها كلهم وقعو جامد،

وجم خمسة عليها مرة وحدة ليندا زعقت بصوت عالي وقفتهم كلهم.

ليندا بخفة/ بصو كدا فوق شايفين اللمبه ال فوق دي.

كلهم بصو لفوق ...

ليندا بسرعة خافته ضر*بت اول اتنين ب البوكس وقعو في الأرض و تلاتة الباقيين كذا قلم ورا بعض واتخبطو في بعض.

و كان كل ال البنات ال قدامها ال واقع ف الأرض و الي واقفين خايفين وبصولها بذهول وخوف ،

وقالت بصوت عالي وغرور...

_ ميغركوش البسكوتة ال قدامكو دي وتقولو دي كيوت وكدا واستحالة تخربش لاااااا ال يجي عليا ميلومش غير نفسو سامعينننن.

البنات كلهم بخوف وبصوت واحد" سامعينننن".

ليندا بصلتهم بقرف وراحت قعدت علي الارض من التعب بسبب الفرهدة وقالت ف سرها .

_ يا انا انت يا عمر بيه.. 

ونفخت بزهق وبصت للبنات ال واقفين كلهم بخوف منها،. ليندا ضحكت بصوت واطي غصب عنها بسبب الرعب ال عملتو فيهم .

ليندا بابتسامة ونصر في سرها وقالت..

_ مش عارفة جبت القوه دي منين بس لو سكت كانو كلوني كلهم بس احسن يستاهلو ..

---***********---

بعد مرور ٣ سعات وساعة بقت ١٢ بليل...

في مكتب المقدم عمر ..

خلص عمر الاوراق ال ف ايدو بعد إرهاق و قام من علي مكتبو واخد تيلفونو و المفاتيح سحب الجاكت بتاعو ولبسو ولسة هيفتح الباب وهيخرج.

عمر بنسيان/ ينهار ابيض انا نسيت ليندا كل دا في الحجز .

وبسرعة نده للعسكري بصوت عالي ، دخل و ادا التحية وقال..

_ انا اهو يا افندم.

عمر بهدوء / البنت ال قولتلك نزلها الحجز جبهالي هنا المكتب بسرعة يلا .

العسكري سعيد / حالا يا افندم .. 

أما عمر فضل واقف و قال بديق ..

_ هتروح ازاي دي الوقت اتاخر عليها ... ، واتنهد بديق لانو هيشوفوها تاني قدامو..

---**********---

في الحجز تحت ..

نزل العسكري سعيد عشان يخرجها لاكن وقف لحظة شاف البنات كلها قاعدة علي جنب بقلق وخوف و وشهم احمر و شعرهم متبهدل .

أما ليندا كانت نايمة بتعب و وشها كلو براءة بس مين يصدق أن الوش البريئ دا يعمل كدا في كل البنات دي .

سعيد بغضب/ انتو اتخانقتوو تاني مفيش فايدة فيكو.

بنت منهم قالت ..

_ والله هي ال عملت فينا كدا مش شايف نايمة ازاي من التعب ومن ال عملتو فينا ..

سعيد بغضب / بسسس خلاص اسكتي ..

بعدين كمل كلامو على ليندا وفضل يصحيها بزعيق 

لاكن مش بتفوق لاكن البنات كلهم قالوا بصوت عالي 

_ اصحييييييي..

ليندا صحيت بفزع من صوتهم وقالت ..

_في اييي

كلهم مسكوو في بعض بقلق منها سعيد استغرب منهم وفهم أن ال حصلهم كدا منها.. 

العسكري سعيد بسخرية وقال ...

_ عامله للبنات رعب وانتي مكملتيش حتي يوم .

ليندا بزهق/ خلصت كلامك يلا سيبني بقا اكمل نوم ..

سعيد بديق/ كملي نوم بعدين يلا المقدم عمر طلبك عندو.

البنات كانو هيزغرطو من الفرحة بس مسكو نفسهم بسرعة .

أما ليندا قالت بغرور..

_ ومالو يلا بينا نشوف حضرتو عايز اي .

سعيد لسة هيمسك أيديها عشان يمشي بيها لاكن وقفو صوتها .

ليندا بحدة / متمسكنيش انا ماشية معاك اهو مش ههرب يعني .

سعيد بسخرية / تب يلا قدامي يا هانم .

ليندا مشيت قدامو بغرور وهي ناوية مش هتسيب عمر ف حالو .

ـــ*******ـــ

في مكتب عمر واقف مستني سعيد يجيب ليندا،

فاق علي خبطة الباب.

عمر بهدوء/ ادخل.

العسكري دخل وادا التحية وقال ..

_ البنت واققة برا يا يا افندم بس عايز اقول لحضرتك علي حاجة .

عمر بتركيز / قول سامعك.

العسكري سعيد / بصراحة روحت عشان اطلعها زي ما حضرتك قولت اتفاجئت أنها عاملة رعب لكل البنات ال في الحجز وكمان ضر*بتهم كلهم .

عمر رفع حاجبه ومستغرب و واقف بيسمع الكلام ومذهول ازاي الشكل البرئ دا يطلع منو كل دا معقولة قدرت علي كل البنات دول واغلبهم اكبر منها 

ابتسم غصب عنو من الكلام وقال ..

_ خلاص روح انت يا سعيد دخلها واستناني برا دقيقتين عشان تقفل المكتب قبل ما اروح .

سعيد / تمام يا فندم .

وخرج ودخل ليندا ال باين علي وشها اثار النوم .

عمر بحده مذيفه قال ...

_ اي الي انتي عملتي في البنات دا فاكرة نفسك فين انتي عشان تعملي فيهم كدا. 

ليندا قالت بصوت هادئ غير عن العاده... 

_ بصراحه يا عمر بيه كانو هيتهجمو عليا ف انا دافعت عن نفسي ..

قالتها بطريقة خلتو مذهول منها مبقاش عارف يفهمها فا اتنهد وقال..

عمر بخبث/ يعني مش انتي ال استفزتيهم عشان عايزين يهجمو عليكي .

ليندا بهدوء/ ابدا يا عمر بيه انت تعرف عني كدا 

عمر بسخرية / دا انا مكملتش كام ساعة وعرفتك ...

ف سكت دقيقة وهي واقفة بصالو ومره وحده قرب منها ببطء وقال بمكر شديد ...

_ اعتذري عشان اخليكي تمشي .

ليندا قربت اكتر ليه وخرجت عن هدوئها قالت بكبرياء..

_ لو معتذرتش هتعمل ايه .

عمر ابتسم بخبث اكتر وقال ..

_ ال عمرك ما شوفتي لانك لسة متعرفنيش .

ليندا حست ب انو هيتهور ويعمل حاجة ف اتنازلت عن كبيرائها وقالت في سرها المرة دي هعديها بس لسة ال جي كتير ..

عمر استغرب سكوتها ولاكن فاق علي صوتها ، وهي بتبتسم و بتقول بصوت هادئ ساحر .

_ انا بعتذر يا عمر بيه.

عمر ابتسم لانو فهم أنها خافت منو ف قال باستفزاز اكتر ..

_ بسهولة دي ...

ليندا بخبث اكتر / تحب حضرتك اسحب اعتذاري ...

عمر بص في عيونها الجميلة البني وكانت واسعة و مع أثار الإرهاق ال باين عليها مخليها زي القمر وبشرتها البيضاء الصافيه و علي شعرها ال مبتعتر خفيف عليها وعلي خفه كلامها ال بيطلع بدون ما تخاف حس أن أول مرة يقابل وحده تخليه مش عارف يتحكم في تصرفاتو قدامها ولاكن فاق علي صوتها .

ليندا بديق / حضرتك سرحت ف اي انا اعتذرت اهو ممكن امشي بقا ..

عمر بهدوء/ تقدري تمشي .

ليندا بفرحة فتحت الباب بسرعة وخرجت برا القسم .

عمر بذهول / مجنونة والله مجنونة.. 

وخرج من المكتب وقال ل العسكري سعيد يقفل المكتب وسلم علي زمايلو وخرج وراح عند عربيتو عشان يركب شافها لسة واقفة عماله تلف حاولين نفسها ، راحلها عشان يشوف في اي ..

ليندا بديق / وقتك تفصل دلوقتي هروح ازاي انا .

عمر من وراها قال ..

_ في مشكلة ولا اي .

ليندا بخضه / انت بتتطلع منين مش كنت لسة جوا .

عمر بسخرية / اي الخضه دي شوفتي عفريت .

ليندا بسخرية / لا شوفت الارعب منو ..

عمر بابتسامة عريضة/ كويس اني عامل رعب عليكي و دا المطلوب ..

و كمل بسخرية اكبر..

_ مروحتيش ليه ولا حابه تكملي شوية في الحجز .

ليندا مهتمتش ل كلامو وقالت بزهق ..

_ تليفوني فصل و مفيش مواصلة ف كنت هطلب اوبر يوصلني .

عمر بتفهم / فعلا الوقت اتاخر تعالي اوصلك في طريقي.

ليندا برفض / توصلني لي حضرتك سواق أو خطيبي مثلا ..

عمر بنظرة خلتها ترجع لورا ف قال...

_ قدامك حل من الاتنين يا هتركبي باحترام يا اما هعمل حركة تخليكي تركبي غصب عنك..

ليندا هزت راسها بتوتر وقالت...

_ طيب متزقش بس كدة قولي فين العربيه..

عمر بتنهيده وشاور ليها علي العربيه ،، و في ثانيه جريت علي العربية وركبت.

عمر وهو بينفخ بتعب منها قال..

_ انا عملت أي عشان اشوف البلوه دي ..

وراح ركب جنبها وفضل يبصلها بديق.

ليندا كانت بتبص علي ناحية الشباك عشان تتلاشي نظراتو ال بتوترها ..

اتحرك عمر بالعربية وفي الطريق ..

كان في صمت تام بينهم بس كسر الصمت ليندا قالت...

_ زي ما قولت ليك هتدخل اخر يمين وهتلاقي شارع رائيسي وتوقف عندو .

عمر من غير ما يبصلها قال ..

_ مدام قولتي مره يبقي خلاص احنا مش راكبين في ميكروباص..

ليندا بغيظ / ما انت ال اصريت توصلني ف استحملني بقا...

عمر بصلها بغيظ وركز تاني علي طريق.

بعد دقائق....

ليندا بصوت واطي/ ممكن بقا تنزلني هنا عشان مش هينفع توصلني لتحت البيت.

عمر باستغراب / دا لي أن شاء الله.

ليندا بهدوء/ لان ممكن حد يشوفنا سوي ف طبعا هيفتكر حاجة غلط.

عمر بصلها وقال..

_ حد يتجرأ بس يتكلم وانتي هتشوفي انا هعمل ايه وكمان متنسيش انا مين كويس. 

ليندا بصتلو وقالت بصوت واطي ..

_ مغرور ..

عمر بمكر/ سامعك متحاوليش تتذاكي عليا لانك لسه متعرفنيش ..

ليندا عينها وسعت و اتفاجئت من الدهاء ال هو فيه.

عمر ابتسم علي صدمتها وقبل ما يدخل علي شارع بيتها ..

شاف ليندا بتنزل لتحت ببطء علي كرسي.

عمر بصلها باستغراب و قال ...

_ دا اي اصلو دا كدة يعني محدش هيشوفك.

ليندا / ما انا هنزل من العربيه واتسحب براحة وادخل البيت.

عمر ابتسم علي خفتها وطريقتها الغربية.

و وقف بالعربية قدام بيتها افتكر حاجة وقال باستفتسار ..

_ نسيت أسألك صح محدش من أهلك لي سال عليكي .

قالت ليندا بابتسامة بس وراها حزن..

_ ماما و وبابا اتوفو و مليش اخوات ف عايشة هنا لوحدي .

عمر اتفاجئ وحس أنو جرحها غصب عنو من سوال.

عمر بهدوء/ مكنتش اعرف عشان كدا سالتك .

ليندا بمرح / عادي شكرا علي توصيلة يا سيادة المقدم .

عمر تنهد و ابتسم ف قال ..

_ اتمني مشوفكيش تاني .

ليندا بفرحة / دا يوم السعد كويس انها جات من عندك يلا سلام.

ولسة هتمشي وقفت ورجعت لعمر تاني و قالت بابتسامة خفيفه...

_ و اه شكرا تاني علي توصيله.

وطلعت علي شقتها بسرعة ..

عمر بصلها مكانش عارف يفهمها ازاي بتتحول كدة،

وشاف شبااك شقتها نور،

ف اتنهد براحه و شغل العربية ومشي مسافه بسيطة واتصدم من ال شافو واحد بيدخل من البلكونة ال فيها شقه ليندا...!!!

و فجأة.....

عايزة رايكو في البارت في الكومنتات.

لجميع الفصول من هنا