رواية مأمورية خارج السيطرة الفصل الثالث 3 بقلم ياسمين رمضان

اتصدم من ال شافو واحد بيدخل من البلكونة ال فيها شقه ليندا...!!!

عمر بسرعة نزل من عربيتو ودخل علي البيت الي في ليندا وطلع بيجري جامد لحد ما وقف عند باب شقتها، لسة هيكسر الباب سمع صوت دربكة جوا وفجأة اختفي الصوت خالص ..

عمر بقلق/ لا كدا الوضع ملوش ملامح.

بيرجع لورا عشان يكسر الباب عضلاتو برزت جامد ولسه هيهجم ، فجاة ليندا فتحت الباب معرفتش حتي تتفاجي ف عمر دخل فيها و وقعوا علي الارض جامد.

ليندا بوجع/ اه يا ضهري مش قادرة في حد داعي عليا اكيد.

ولسة هتتعصب علي عمر لاكن بسرعة خافته لقت الي بيرفعها من علي الارض وزقها علي الحيطة وحط ايدو علي فمها بسرعة قبل ما تصوت،

عمر وهو واقف قدامها قريب منها واتكلم بصوت واطي وبحده ...

_ شششش متعمليش اي حركة انا هشيل ايدي بس اياكي تعملي صوت سامعة..

ليندا هزت راسها بأنها موافقة، عمر نزل ايدو من عليها، ليندا اتكلمت بفضول وصوت منخفض...

_ هو احنا بنتكلم بهمس ليه..

رد عمر وقال....

_ فين ال اوضة الي فيها البلكونة...

ليندا بفضول/ دا لي أن شاء الله.

عمر بعصبية مكتومة وقال..

_ مش وقتو تردي عليا سوال بسوال اخلصييي..

ليندا بسرعة / الي في وشك دي ...

عمر شاف الاوضة ال قدامو ومشي بحذر وهو بيقرب بحرص شديد قدام اوضة ليندا ف قال ...

_ خليكي هنا متقربيش.

ليندا بثبات/ حاضر انا واقفة اهو ... 

ابتسمت ابتسامة جانبيه بدون ما يلاحظ...

عمر بيفتح باب الاوضة بحذر لاكن اتفاجئ انو مبيفتحش مقفول ...

لف بجسمو ليها وا اتفاجئ أنها ماسكة في أيديها مفتاح..

ليندا بضحكة / انا سيبتك تعيش دور الأكشن والإثارة بس لحد هنا ومقدرتش بصراحة... 

وهنا انفجرت من الضحك عليه و الذهول ال مالي وشو...

ليندا وهي بتقرب ليه وبتفتح الباب بالمفتاح وبتدخل وهو دخل وراها اتفاجئ بالشاب ال ف ايدو فيها كلبش مربوط في السرير وعلي فمو طرحة قديمة و وفي اثار قطع مزهرية علي راسو و في الأرض ..

عمر بصدمة / اي دا انتي ال عملتي في كدا .

ليندا بسخرية / يعني هيكون مين غيري.

عمر بذهول/ لا انتي تحكيلي ال حصل وحالا.

ليندا بتنهيده وقالت .. الموضوع كالآتي......

فلاش باك..

ليندا اول ما دخلت الشقة اتجهت بسرعه علي اوضتها و لسة بتجيب هدومها من الدولاب فجأة لفت لقت الحرامي دخل عليها..

ليندا بصريخ / حرااااامي ...

الحرامي لسة هيمسكها و يخبطها ، بسرعة خافته ليندا مسكت المزهرية وضر*بتو علي راسو وقع علي الارض بالم ولسة هيقوم تاني ضر*بتو برجليها جامد.

الحرامي بوجع / اعععع يا بنتتتتت الل ***

ليندا بغضب / اه يا واطي جي تسرقني انا حظك انك جيت في البيت الغلط.

وبسرعة طلعت الكلبشات من شنطتها ال لبساها و  حطيتو في ايدو بسرعة وكلبش تاني ف رجل السرير وجابت طرحة قديمة تبع لمامتها وربطتها في فمو وخرجت وقفلت الاوضة بالمفتاح وبتجري عند الباب عشان تستنجد ب اي حد يلحقها ....

باااك

ليندا افتكرت الواقعة اول ما عمر وقع عليها وقالت بوجع خفيف....

_ بعدها حضرتك دخلت ووقعتني ..

عمر واقف مصدوم وهو سامع كل كلام ال بتقولو كان فاكر بأن لو ملحقهاش كان ممكن الحرامي يعمل فيها حاجة لاكن ال شايفو دلوقتي العكس الحرامي هو الي بيستنجد..

ليندا بكبرياء/ كويس انك موجود تقدر بقا تخدو وتحبسو.

عمر بحده مزيفة/ انا ال أقول مش انتي سامعة. وسعي كدا وهاتي المفتاح كلبشات دي عشان افكو.

ليندا بغيظ / امسك اهو ...

كملت كلامها بشماته للحرامي وقالت...

_ مش قولت ليك انك حظك جيت للبيت الغلط اهو سيادة المقدم بنفسو هياخدك معاة وهيسليك اوي....

الحرامي برق جامد واتخض و عمر بصلها بغضب جامد بس مسك نفسو و فتح كلبشات وشال الطرحة من علي فمو ...

الحرامي بخوف / والله يا باشا حرمت ما هعمل كدا تاني انا خلاص توبت من النهاردة....

عمر بحده / يعني دي مش اول مره بس فعلا زي ما هي قالت انك جيت البيت الغلط ..

بسرعة خافته عمر ادالو بو*كس جامد ف وشو و واحد ورا تاني لحد ما وشو نز*ف.

ليندا بتردد و خوف/ عمررر بيه.

عمر وقف ضر*ب فيه اول ما سمع اسمو منها وبصلها لقاها واقفة خايفة من ال بيحصل. 

عمر سابو وقام وقف وخرجها برا الاوضة ودخل تاني وعمل مكالمة وبعد ١٠ دقايق دخلو اتنين شرطيين و شافو عمر واقف وادو التحية ف شاور لهم عمر يدخلو ياخدو الحرامي من الاوضة، اما ليندا واقفة مذهولة مش فاهمة ال بيحصل ..

عمر بصلها و تجاهل الذهول ال هي في وقطع تركيزو 

الحرامي وهو بيصيح لعمر وقال..

_ والله يا باشا مش هعمل كدا تاني انا خلاص توبت.

عمر كان واقف بجمود ومرمش حتي ولا اكنو بيتكلم ، ليندا واقفة بتابع الموقف في صمت لحد ما الشرطين خرجوا من الشقة خالص وقطع الصمت هي ف قالت ..

_ هو... ازاي وصلو بسرعة دي انا مش فاهمة حاجة خالص..

عمر بهدوء/ لما خرجتك من الاوضه كلمت اتنين زمايلي كانو قريبين من هنا وعرفتهم الموضوع وأنهم يجو بدون ما يحصل ازعاج عشان متحصلش شوشرة مش اكتر بس..

ليندا بتفهم/ اه شكرا يا عمر بيه انك جيت في الوقت المناسب ..

عمر بسخرية / لا وقت مناسب اي دا انتي ال قومتي بالواجب وظبطي كويس قبل ما أمسكوا.

ليندا بغيظ / يعني كنت عايزني اسيبو يعمل فيا حاجة انت غريب اوي بجد.

عمر بهدوء تام وبصلها بشك و قال..

_ تب بصي قبل اي حاجة عشان متحصلهوش انتي كمان اي حوار الكلبشات دي لان مش من الطبيعي يكونو عند حد وخصوصا معاكي انتي بذات الا لو ....

ليندا بتحكم وخدت نفس عميق وقالت بهدوء و توتر...

_ زي ما حضرتك تعرف انا بنت عايشة لوحدي مفيش حد معايا يحميني ف كنت بدافع عن نفسي وانا لسة جايبهم جديد و زي ما شوفت اهو واحد زيو دخل يسرقني وعملت الازم معاه وكمان متتهمنيش علي الفاضي والمليان لان بجد انا مش هستحمل اسلوبك دا تاني معايا.

عمر وهو بيقرب منها ببطء وقال بخبث شديد..

_ عينك لي مش ثابتة عليا وانتي بتقولي يبقا كدا في حاجة ومخبياها احكي عشان اقدر اساعدك قبل ما تتورطي في حاجة و ساعتها محدش هيساعدك.

ليندا بصتلو بثبات مزيف وقالت بتوتر من قربو ليها...

_ الموضوع مش زي ما انت فاكر كدا انا عندي كلبشات دي عشان التسلية مش اكتر.

عمر بمكر اكثر وقال...

متاكدا أنها للتسلية مش لحاجة تانيه اي وراكي يا ليندااا ... ، قالها وهو تك علي سنانو..

ليندا بصتلو بابتسامة وهي بتقرب من جانب اذنو وقالت ...

عجبك تمثيلي يا سيادة المقدم ولا لا محتاجة أمثل صح...

وبعدت شوية عنو وقالت بمرح أكثر ...

_ بصراحة انااا...

وقبل ما تكمل كلامها سحبها عمر من وسطها،

ليندا شهقت من سرعتو الخافته وقربها ليه وارتسمت الابتسامة علي وشو وقال بمكر شديد وصوت هادي..

_ متتذاكيش عليا تاني لان عارف ال بتعملي وسايبك بمزاجي لحد ما تخلصي المشهد ال السخيف دا لان عارف انك سرقتي الكلبشات من العربية..

ليندا بصتلو بصدمة و بخجل..

كمل عمر كلامو وهو لسه ماسكها ..

_عملت نفسي مش واخد بالي لحد ما اشوف اخرك اي وهتعملي بيهم اي واديني شوفت بس ال مش فهمو سرقتيهم لي دا ال هتقولي دلوقتي علشان انتي هتتفاجئ انا ممكن اعمل اي ومتفتكريش اني هسيبك كدا بسهولة .

ليندا بخجل/ ممكن تبعد مش هعرف اتكلم وانت مسكني كدا...

عمر رفع حاجبه بخبث وقال...

_ اي الفرق احكي يلا سامعك.

ليندا بخجل شديد منو وكانت عيونها علي مكان تاني غير عيونو عشان تتلاشي وقالت ...

_ متقولش سرقت بس انا اخدتهم عشان اعمل ذكريات ليا لان بحب اي حاجة مختلفة اخدها وبصراحة لفتت نظري وكنت هرجعهم تاني بطريقتي .

عمر بعد عنها وهو مستغرب منها وقال ...

_تعملي ذكريات ب الكلبشات..

ليندا بمرح/ انا مختلفه بحب الحجات الغربية احتفظ بيها أو اصورها بس.

عمر بحده / ليندا قولي الحقيقة أنا مش بحب الكذب..

ليندا بسرعة/ والله دي الحقيقة أنا استحالة اعمل حاجة غلط.

عمر حس انها صادقة  بس جواه مليون سؤال دماغه ف اتنهد وقال بهدوء ..

_ لما تعوزي حاجة متخديهاش بسرقة لان دا غلط محدش هيفهم دماغك بتفكر ازاي استاذني قبل ما تعملي حاجة زي كدا مفهوم.

ليندا بغيظ / مفهوم.

عمر بنفاذ صبر/ اقفلي الباب كويس بعد ما اخرج وانا هبقا أمن المنطقة هنا عشان متحصلش حاجة من دي تاني.

ليندا هزت راسها بابتسامة..

اتحرك عمر واتجه عند الباب وقبل ما يخرج قال ببرود ...

ياريت منتقابلش تاني .. ،وخرج.

ليندا بغيظ / مغرورررر.

وراحت قفلت الباب كويس وراحت اوضتها و ظبطتها و ودخلت الحمام وبعد ١٠ دقائق طلعت وجففت شعرها ولبست هدوم مريحة و طلعت علبه دواء من الدرج واخدت وحدة منو ومسكت كوب المياه وشربت و اترمت علي السرير من التعب ونامت نوم عميق...

..************..

في مكان راقي يدخل عمر بعربيتو ويقف أمام 

فيلا راقية يحاوطها جميع من مداخلها من الحراسة،

نزل عمر من عربيتو ومشيى من وسط الحراس بكل قوة وانضباط والكل أدا لي التحية ، ودخل الفيلا وطلع علي اوضتو الراقيه كانت منظمة وكل حاجة في مكانها تصميمها كلها بلون الرمادي الفاتح و في دولاب في نصف الاوضة حاطط في كل الارفف شهادات و ميداليات ال نجح فيها في أثناء سنوات عملوا و كان جنب السرير كومودينو حاطط عليه صورتو وهو في مكان عملو كان لابس بدلته الرسمية وعضلاتوو بارزة وبجانب اخر مزهرية راقية و علي جانب كومودينو الآخر عليه صورتو هو و أخيه و والدته.

عمر دخل الي الحمام ليرتاح من تعب اليوم وخرج نشف شعرو وفتح الدولاب طلع تيشرت و بنطلون وخلص و نام علي السرير وكان عقلو مشغول بحاجة واحدة ، قال ..

_ لينداا ..

بعدها نام بعمق ..

...*************...

في صباح اليوم التالي.... 

عمر كان صاحي واقف قدام المرايا بيعدل ساعتو 

واخد من العطر ال قدامو ورشو برفق وظبط نفسو واخد تيلفونو والمفاتيح ونزل لتحت وشاف الخادمة وهي واقفة قدامو وقالت .

_الفطار جاهز يا عمر بيه.

عمر بهدوء/ رقيه هانم و ودكتور فارس مش موجودين ولا اي.

الخادمة/ حضرتك رقيه هانم ودكتور عمر مشيو امبارح بليل لان والد حضرتك تعب فجأة وراحوا لعندو .

عمر بجمود / تمام روحي انتي انا ماشي.

الخادمة مشيت راحت شافت شغلها.

عمر خرج وركب عربيتو واتجه إلى القسم و اول ما دخل بهيبتو الكل ادا لي التحية وقبل ما يدخل المكتب نظر لسعيد وشاور له حركة بايدو.

سعيد فهم وراح بسرعة....

عمر اتنهد وقعد علي مكتبو ولسة هياخد نفسو..

خبط عليه الظابط ايمن .

عمر بانشغال وهو بيظبط الملف ال قدامو قال...

_ ادخل..

دخل الظابط  ايمن وادا التحية وفي ايدو ملف وعلي وشو الإحباط.

عمر بصلو واتنهد وقال ...

برضو نفس الجريمة ال بتحصل كل كام يوم دي.

الظابط ايمن / لقينا ج.ثة البنت جنب بيت قديم مهجور وكان عليها آثار التعذ*يب و كاتب علي وشها رقم ٢٠ الموضوع بقا صعب ومحدش عارف يمسك اي دليل عليه يا فندم.

عمر وهو بيشوف الملف وشاف البنت شكلها وبيانات.

قال بديق ....

البنت لسة صغيرة علي ال حصلها دا عايز افهم لي بيعمل فيهم كدا مرض يعني ولا متعة منسبالو بس انا وراه  وراه مش هسيبو غير لما يتعاقب علي كل جرايمه دي سيبني دلوقتي يا ايمن وانا هتابع الملف كويس وأشوف هعمل ايه في القضية دي لحد ما نشوف مين الضحية جديدا وقبل ما يعمل كدا المفروض نكون قبضنا عليه .

الظابط ايمن بثقة/ انا واثق أن حضرتك انت ال هتكسب القضية دي وهتعرف تحلها محدش يجي جنب ذكائك ... اتفضل انا بقا يا عمر بيه.

عمر ابتسم ليه بجادية وهز راسو وتابع القضية.

دخل سعيد و في ايدو القهوة وحطها علي المكتب وقال...

_ القهوه زي ما طلبت يا عمر بيه.

عمر بانشغال / روح انت يا سعيد دلوقتي..

سعيد/ أوامر يا عمر بيه.

عمر فضل مركز جامد في كل تفاصيل القضية ويترا هيعرف يحل اللغز دا ولا لا...

                     ــ**********ــ

في بيت ليندا في أوضتها بتحديد كانت نايمة وبتفتح عنيها بنوم بتشوف المنبه مرنش وشافت ساعة ١١ الصبح لسة هتنام تاني وبعض لحظات قامت بفزع وقالت ...

_ ينهار ابيض الشغل ازاي نسيت المنبه دلوقتي مدام هويدا هترفدني اعمل اييييي.

بسرعة قامت دخلت الحمام وبعد دقائق خرجت طلعت فستان بيج وجاكت صغير اسود ولبست بسرعة ولمت شعرها  كحكة عشوائية واخدت تليفونها وشنطة والمفاتيح ونزلت بسرعة ركبت ميكروباص علي طول ....

                     ..*******..

في محل الملابس....

البنات واقفين قدام مدام هويدا وعمالة تتكلم بصوت عالي وهما واقفين بتوتر خايفين يطردو..

هويدا بصوت عالي / بقا اغيب يوم واحد يحصل كدة في المحل دلوقتي اجيب مين عشان يظبط المحل ويرجع زي الاول كل الاثاث اتكسر ورصا*ص ال مخرم الحيطان اعمل اي بس.

داليا بلطف/ مدام هويدا الشرطة جات في الوقت المناسب والحمد لله الفلوس زي مكانها و البضاعة كلها اهي حضرتك لو كان في أيدينا حاجة كنا عملناها.

ميار بديق/ يا مدام هويدا ليندا هي ال مسؤولة علي كل ال خسائر ال في المحل دي لو ماكنتش عملت دور البطولي بتاعها دا مكانش حصل كل دا.

داليا بديق من ميار قالت ..

_ ليندا هي ال انقذتنا يا ميار لو تفتكري لو مكنتش عملت كدا كان هي هتروح فيها واحنا كمان...

ميار بصتلها بديق لأنها دايما بدافع عن ليندا .

اتكلمو روان و وسلمي صحاب داليا و ليندا قالو..

روان/ يا مدام هويدا ليندا دلوقتي في الحجز بسبب انها انقذتنا ارجوكي لو تساعديها تخرج لأنها هي ال هتعرف تحل المشكلة دي.

سلمي / حضرتك انتي عارفة أنها اشطر واحدة فينا هنا وهي ال كانت بتخلي زبائن يجو بسبب معملتها الحلوة معاهم .

هويدا فضلت بصالهم وحيرانة هتعمل اي في المحل ال فضلت سنين عشان يبقا حاجة كبيرة في تعبها وشقاها كلو في. قطع حيرتها علي صوت ليندا من برا.

ليندا بنهج من جري ودخلت شافت مدام هويدا واقفة وكلهم عيونهم عليها باستغراب وقالت...

_انا اسفة علي التأخير يا مدام هويدا 

بس والله المنبه نسيت اعملو انا ....

وقبل ما تكمل كلامها داليا و روان وسلمي جريو عليها بفرحة وحضنوها وقالو...

داليا / انتي خرجتي امتا .

روان / ازاي المقدم المغرور دا سابك كدا.

سلمي/ الحمد لله علي سلامتك يا لينو.

ليندا بحب/ هفهمكوو كل حاجة بس مش دلوقتي .

والتفتت الي مدام هويدا و وقفت قدامها بخوف وقالت....

_ مدام هويدا انا اسفة علي ال حصل للمحل بسببي انا مستعدة اتحمل اي حاجة بس ارجوكي متتطردنيش.

هويدا بهدوء/ انتي عارفة اني بحبك وبحب ذكائك بس برضو يا ليندا مكانش ينفع ال حصل دا كان ممكن انتي اول واحدة تتاذي وكمان اديكي شوفتي اهو المكان بقا عامل ازاي اعمل اي دلوقتي..

ليندا سكتت بحزن معرفتش تقول اي ...

اتكلمت ميار بديق وقالت...

المشكلة يا مدام هويدا حتي لو المحل رجع زي الاول مين هفكر يجي تاني ويشتري بعد ال حصل هنا كلو هيخاف علي حياتو .

هويدا بتفكير/ معاكي حق يا ميار دي مشكلة لو بعت المحل دا هخسر في نص الفلوس ودلوقتي لو اجرنا محل تاني هيكون السعر غالي مش عارفة اعمل اي .

ليندا بتفكير وقالت...

_المحل مش هيتباع والمحل هيرجع زي الاول أن شاء الله.

ميار بسخرية/ دا ازاي بقا يا ليندا هانم.

بصولها كلهم بديق بسبب كلامها ال بيوتر الجو .

هويدا بحده/ ميار اسكتي دلوقتي خلينا نشوف ليندا هتفكر ازاي قولي يا ليندا اي الي في دماغك..

ميار سكتت بغضب .

ليندا بهدوء/ سيبي الموضوع عليا يا مدام هويدا اديني مهلة بس يومين وانا هصلح كل حاجة.

هويدا وهي بتطبطب علي كتفها بحنان وابتسامة قالت..

_ انا واثقة فيكي يا ليندا وعارفة بشطارتك هتعرفي تحلي كل حاجة.

ليندا بابتسامة / ثقتك فيا هي ال بتقويني يا مدام هويدا و المحل هيرحع زي الاول وتعبك كلو مش هيروح هدر ..

البنات وقفو جنب ليندا ما عدا ميار وضمو نفسهم سوي وقالو.

_ ليندا مش لوحدها كلنا هنقف سوي وهنرجع كل حاجة زي ما كانت.

هويدا ابتسمت بحب ليهم وشافت ميار واقفة جنب لوحدها .

هويدا بنفاذ صبر / وانتي يا ميار مش هتقفي معاهم ولا هتفضلي تخدي جنب كدا اكسبيهم مش هتلاقي حد بحبك زيهم .

ميار سكتت وبصتلهم و وقفت جنبهم بس عشان مدام هويدا.

هويدا / انا عارفة أن مش هينفع تدفعو من معاكو عشان كدا الفلوس ال كانت هتتسرق دي خدوها واعملوا كل حاجة وانا هرجع بعد يومين اشوف ليندا الخطة الي رسمتها هتنجح ولا لا يلا سلام .

ليندا راحت ورا هويدا وحضتنها وقالت...

_شكرا بجد لانك بتقفي جنبي.

هويدا بابتسامة وحب/ رغم لمضتك و جنانك ال بيوديكي في داهية دا بس انتي ليكي مكانة عندي كبيرة  يلا روحي شوفي هتبداي منين عشان انتي عارفة لما بقلب هاااا.

ليندا بضحكة/ حاضر .

وراحت ليهم و مشيت هويدا.

                     ..********..

ليندا /انهاردة هنظبط المحل كويس ونشتري كل اللوازم ال محتاجينها عشان يرجع زي الاول وبكرا أن شاء الله بعد ما المحل يكون جاهز للزبائن هتبدا ال الخطة "ب" بكرا لانو دي هتكون العنصر المهم ال للمحل يرجع من تاني كلكو معايا في ولا اي.

داليا، روان،سلمي/ معاكي.

وبصو ل ميار .

ليندا / انتي هتساعدينا عشان مدام هويدا مش علشاني يلا ...

ميار بتردد وقالت...

_ معاكي..

ليندا ابتسمت.

..*********..

خطتت ليندا ابتدت فضلوا يظبطو المحل وجابو كذا حد يظبط ليهم الحجات ال اتكسرت ويخفو اثار الطلقا*ت ال كانت موجودا وظبطو الهدوم كلهم ونظموها من جديد و بعد ساعات طويلة و الوقت بقا الساعة ١٠ بليل كلهم قعدوا مش قادرين من التعب.

ليندا بتعب قالت ل روان ...

_ ما تجبيلنا اي حاجة نشربها يا روان حتي لو عصير مانجا .

روان بصدمة و بصوت عالي وبخل قالت..

_ اي عصيرررررر مانجااااااا

ليندا و داليا و سلمي وميار مسكو في بعض من صوتها.

داليا بضحك/ ياستي ذلت لسان من ليندا هي من التعب نسيت وقالت ليكي.

ليندا بغيظ / يابت كفاية بخل بقا حرام عليكي دا عصير مانجة ب ٣٠ جنيه مش فلوس يعني .

روان ببخل/ ٣٠ جنييه انتي عايزاني ادفع في عصير ٣٠ جنيههه.

ميار بديق/ يعني الفلوس هتنقص من جلدك عشان لو 

جبتلنا مرة علي حسابك ....

روان بديق / متدخليش يا ميار انا ضغطي علي عليا ينهاري مش قادرة.

سلمي بضحك / بسرعة يا جدعان خدو من شطنتها فلوس نجبلها حاجة تفوقها .

ليندا لسة هتاخد شنطة روان ،و  بسرعة خافته روان مسكت الشنطة وجريت علي الباب وقبل ما تمشي قالت بخفه كعادتها ...

_ حاسبو بقا علي الاكل ال جبتهولي معاكو يلا سلاااااام.

كلهم انفجرو من الضحك عليها .

داليا بضحك/ ينهاري جلدة ومش هتتغير ابدا .

ليندا و سلمي وميار بضحك/ دا شي اكيد .

كلهم لمو حاجتهم وطفو الانوار وخرجو وقبل ما ميار تمشي وقفها صوت ليندا .

ليندا / شكرا يا ميار علي المجهود ال عملتي.

ميار / مش علشانك عشان مدام هوايدا مش اكتر .

ومشيت .

داليا / سيبك منها يا ليندا هي كدة مش هتتغير.

سلمي / هي ال حطاكي في دماغها من ساعت ما جيتي تشتغلي  ف فكك منها.

ليندا بابتسامة/ كفاية انتو معايا.

سلمي / تب يلا سلام اشوفكو بكرا .

ليندا و داليا/ سلام .

داليا بلهفة/ انا اهو استنيت لحد ما كلو مشي مفيش غيري وغيرك ال حصل بقا وخرجتي ازاي.

ليندا بضحكة/ تصدقي انا نسيت .

داليا بفضول/ يلا يا ليندا احكي فضول هيجنني ازاي المقدم المغرور دا سابك كدا عادي.

ليندا ابتسمت وقالت ليها كل حاجة ...

داليا بصدمة / كل دا حصل وساكتة .

ليندا بضحكة عليها من صدمتها وقالت ..

ـ انشغلنا طول اليوم ملحقتش احكيلك والله.

داليا بغمزة/ بس شكل المقدم عمر دا ورا حوار كبير..

ليندا بعدم فهم / مش فاهمة حوار اي ..

داليا بابتسامة / مش وقتو ممكن تفهمي مع الوقت.

ليندا بغيظ/ علي طول كلامك كلو الغاز مش بفهم منو حاجة .

داليا بضحك/ هتفهمي كلامي بعدين المهم يلا انا هركب اوبر زمانو جي دلوقتي .

ليندا بضحكة/ ماشي اشوفك بكرا سلام .

وحضنو بعض بحب.

ومشيت ليندا تتمشي شوية وفجأة شافت بنت شابه بتجري عليها لبسها متسخ وشعرها متبعتر قالت البنت ببكاء...

_ساعديني ارجوكي.

ليندا بقلق من شكل البنت وقالت..

_مالك يا حبيبتي فيكي حاجة جاية بتجري كدا لي..

البنت ببكاء/ بابا وقع في الشارع ال ورا ومش بيقوم خالص ارجوكي ساعديني ملقتش حد غيرك شكلك هتقفي جانبي.

ليندا قالت بقلق و بسرعة ..

_ طيب اني شارع من الورا دول ...

البنت مسكت ايديها ومشيو سوي بسرعة لحد المكان، ليندا حست بقبضة في قلبها لما لاقت الشارع مقطوع وفاضي.

ليندا بخوف/ هو فين بابكي.....

قبل ما تكمل كلامها لاقت ابو البنت نايم علي الارض من بعيد  وجريو عندو بسرعة ليندا بتجس نبضو لقيتو لسة عايش.

وبصت ل البنت وقالت...

_ بابكي كويس اهو اومال هو وقع ازاي....

وقبل ما تكمل كلامها الراجل فتح عينو و زق ليندا وقعت علي الارض، ليندا بصت حواليها فجاة لقت البنت اختفت والراجل قام وقوم ليندا غصب عنها وهو ماسك مشر*ط في ايدو  و ضحك بشر و قال...

_هاتي كل ال معاكي يا اما محدش هيعرفلك طريق.

ليندا اتمالكت أعصابها و هزت راسها وقالت بخوف مزيف..

_حاضر... 

و بتعمل نفسها بتطلع الفلوس لاكن طلعت رذاذ الفلفل ورشطو علي عينوو وبتجري بسرعة لاكن وقفت مرة وحدة و لقت ٣ شباب ظهرو قدامها ولفو حواليها.. ليندا لسة هترش علي واحد منهم لاكن شاب منهم مسكها وحط السك*ينة علي رقبتها ليندا عيونها برقت جامد من الخضة و الخوف..

مرة واحده  لقت الشابين ال قدامها اتحدفو لبعيد من قوة الضر*بة وظهر قدامها وهو عيونو كلها شرار.

ليندا بصدمة و ذهول قالت بصوت ضعيف....

_عمررر......