رواية ماخفي كان أكبر الفصل الثاني بقلم جمانه السعيدي
ميار....طبعا صبحي عنده معمل حلويات باسمه
يشتغل شغل خاص للمحل مالته
واكو محلات تاخذ منهم اصلا اسم المحل صبحي الحلواني
هاي المهنه متوارثيها اب عن جد بعد ما مات ابو صبحي
صبحي دفع حصص خوانه وأخذ المحل والمعمل
وصار يشتغل شغلة اهله المتعود عليها هذا الكلام الي عرفته
من نور
حلوياتهم تخبل شغل خاص
نور ما صدكت اجت وحده تشتغل وياها
كتت الأول والتالي من اول يوم ومن اول ساعة شغل
حجت كلشي تعرفه عن صبحي وعن شغله
مع ان اني ما يهمني اعرف هيج معلومات
اهم شي بلنسبه اليه شغلي يرضي صبحي
واحصل الراتب الي يساعدني اعيش اني واهلي
عيشه زينه وما نحتاج اي احد
رجعت اول يوم متاخره لكيت امي بقلق
ميار....هااا حبيبتي واكفه بلباب
امي.. وين جنتي كلبي وكف من الخوف عليج
ليش اتاخرتي لكيتي شغل
ميار.. اي لكيت خوش شغله ومابيها تعب
امي...شنو من شغله
ميار... على المبيعات بمحل حلويات
امي...منو يشتغل بلمحل
ميار. .ماكو بس اني وبنيه اسمها نور وصاحب المحل رجال جبير بلعمر
امي....شكد رمشت عليج
ميار...واني ميلي رصيد بعدين اني بس وصلت
خليت الجنطه على صفحه حتى انتبه الشغلي
لان صاحب المحل دقيق بلتعامل
يريد ترتيب ونظافه وشغل خفت التهي بلتليفون
ويطردني من اول يوم
على فكره كل يوم راح ارجع هيج وكت لا تخافين عليه
امي..بس كون المكان الي تشتغلين بي امان
ميار..امان ااكثر ما تتصورين
الرجال حيل محترم ومبين ابن ناس
امي.. الله كريم
جمانه السعيدي
ميار...ثاني يوم لبست بنطرون جينز وقميص ابيض طويل
وحجاب وخليت مكياج خفيف
وصلت قبل لايوصل صبحي ولا نور
وبقيت واكفه بلباب مااريد اتأخر على الشغل من اول يوم
اجا استاذ صبحي من شافني واكفه باب المحل بقه يباوع عليه
بس قرب
ميار...صباح الخير استاذ
صبحي...صباح الخير من يمتى انتي هنا
ميار...صار عشر دقايق تقريبا
صبحي...تمام احسن من نور كله تجي متاخره
ميار... ايجوز عدها مسؤليه وتتاخر اني ماعندي شي
صبحي....دائما انشاء الله ما تتاخرين
فتح باب المحل ودخلنا شغل الاضويه
واني دخلت خليت جنطتي ولبست صدرية التنظيف
مسحت الميز لان جام وكلشي يبين بي
لمعته وخليته يخبل لازم الحلويات تبين حلوه من ورا الجام
رجعت مسحت الارضيه بلماسحه ورشيت معطر جو
استاذ صبحي دخل للمكتب
من كملت دخلت عليه
ميار.. استاذ انظف مكتبك
صبحي...اي المكتب محتاج تنظيف خل اخذ القهوه واطلع برا
وانتي ادخلي نظفي
اخذ كهوته وطلع واني نظفت المكتب
خلصت طلعت برا نزعت الصدريه وكعدت ورا الميز
شويه ودخل صبحي
شاف المكتب كال عاشت ايدج
اذا بقيتي على هذا النشاط راح تجيج اكراميه
على راتبج
ميار.... شكد فرحت على هذا الشغل البسيط تجيني اكراميه الحمد لله والشكر
بعد ما فتحنا المحل بنص ساعه اجت نور
نور. صباح الخير
ميار...صباح الخير
نور...شنو هلنظافه شنو الريحه الطيبه يمتى اجيتي
ميار...صار نص ساعه اجيت قبل صبحي
نور....شهلزين شهالتريب
طلع استاذ صبحي
صبحي...نور ليش متاخره اني مو كلت مااربد تاخير
نور...بصوت ناصي شهلصباح الزفت
اسفه استاذ تعرف ازدحامات
صبحي...انتي اعذارج ما تخلص هذا اخر انذار اللج
نور...تمام استاذ
جمانه السعيدي
رجع صبحي المكتبه
نور...كله بسببج
ميار...واني شعليه
نور...ليش تجين من وكت تعالي متاخره شويه
ميار....انتي ما تتخيلين اني شكد محتاجه هذا الشغل
مااكدر اتأخر خاف يطردني
نور...اني الي راح انطرد بسببج
ميار....لاتكولين هيج انتي عندج خبره بلمكان
وصبحي مايكدر يستغني عنج
نور....تدرين اني حتى ما تريكت كعدت متاخره
كبل سبحت وبدلت واجيت
ميار...اني أسد بمكانج لا تخافين
نور....انتي راح اطيريني من مكاني
ميار...لا تكولين هيج حبابه
استمريت اجي قبل صبحي كل يوم كل يوم اكون واكفه باب المحل قبل لا ينفتح وهذا الشي فرح صبحي حيل
بقت نور كل يوم تجي متاخره وصبحي يحجي عليها
بس ما تتعض ولا تحاول تحافظ على شغلها
اما اني كل يوم اوصل قبل صبحي
وانظف المكان وارتبه قبل لا يجونا الزباين
كنت احصل المديح والكلام الحلو من صبحي
كان صبحي هو الي يستلم صواني الحلويات
من المعمل توصل بسياره هو يطلع يستلمها
ويحسبها وهو الي يتصل على المعمل اذا اكو نقص
صبحي...ميار اريدج انتي تسلمين الصواني
وقوالب الكيك وتكتبين النوع والعدد لان اني راح
اطلع شويه وارجع
فعلا من اجت الصواني استلمتها وسجلت العدد والنوع
من اجا سلمته الوصل
بيومها انطاني ٢٥ الف
صبحي..هاي اكراميه مالها شغل بلراتب
ميار...شكرا استاذ
صبحي... تستاهلين
نور شافته وهو ينطي الفلوس
نور....هااا جنج سيطرتي على كلشي
ميار...اني ما طلبت هو انطاني
نور....شوفي ميار اني كبل اكول عليج فقيره
بس طلعتي مو فقيره
مثل الحيه ناعمه وتشغلين من جوه جوه
لو تحترمين نفسج لو تشوفين وجهي الثاني
ميار...ليش اني شسويت
نور...بعد شنو الي ما سويتي صبحي من يوم اجيتي لليوم
شاد وياي وجاي ينطيج فلوس
ميار...لان اشتغل ومااخالف اوامره
انضبط بشغلج وشوفي شلون راح يعاملج
نور...شنو شنو انتي تعلميني شلون اشتغل اني بهذا المكان صار خمس سنوات
وانتي مصار اسبوعين وكمتي تحجين وتعلميني
ميار...اني هذا شغلي ولا مجاوزه عليج ولا تعديت على شغلج
نور...زين خل نشوف منو راح يبقى هنا ومنو الي راح ينطرد
ميار..عفتها ورحت ارتب واشتغل الضاهر هاي مو سهله
رغم اني ما اجاوزت على شغلها بس ملتزمه
بشغلي اخذت موقف مني
اني ما مسويه شي غلط مراح اخاف منها
صار التعامل بينا اني ونور رسمي
على كد السلام وبس بعد شنو اكو بكلبها مااعرف
الله اعلم
المهم اني استلمت راتبي اول شهر
وكدرت اجيب لخواني ملابس وتسوكت للبيت
واشتريت النفسي ملابس للشغل
بعد مرور ٣ اشهر للشغل بهذا المكان
وبعد ما تعودت على الشغل وصرت اني المسؤله
بهذا المكان ااكثر من نور
وهذا الشي مجان عاجب نور ابد
دائما تسمعني كلام يغثني بس اني ساكته
بيوم دخل ولد شاب تقريبا عمره ٢٨ سنه
أنيق وملابسه ماركه الساعه شنو العطر ترس المكان
جان لازم التليفون ويحجي
سيف....اي توني وصلت نزلت من المطار كبل هنا راح اخذ حلويات وارجع للبيت
بعدين نتواصل نشوف وين نسهر اليله
واحجيلك على سفرتي تخبل من العمر فاتتك
مو عبالك شهرين فاتن وكانما يوم واحد
يله بعدين نحجي
التفت عليه شافني بقه يباوع بوجعي
ميار..تفضل بيش اكدر اخدمك
طفرت نور من يمها هلو استاذ سيف حمدلله على السلامه
صار فتره ماكووو
سيف....اهلا وسهلا اريد الطلب الي كل مره اخذ هم عدكم شي جديد
نور...اي هذني نوعين جدد موالح
سيف......خلي خمس كيلوات ومن هذا الجديد كيلو نص من كل نوع
ميار...رجع يباوع عليه انتي جديده بلمكان
ميار.. اي رفع حواجبه وكال
سيف...توه حله المكان
ميار...شكرا
اخذ طلبه وانطا فوك فلوس الطلب ٢٥ النور
و٢٥ خلاهن كدامي
ميار...شكرا مااخذ
نور...عوفها استاذ اني اخذ هاي وحده من خارج هذا الكوكب
ميار...جان تكول ثوله بدون صوت بس حركت شفايفها
كانت مبينه
مدت ايدها تاخذ ٢٥ الي خلاهن كدامي هو باوع عليه
اخذهن منها ورجعهن كدامي
سيف....هاي هديه اللج مايصير الهديه ترجع
ميار...شكرا ما متعلمه اخذ هدايه من احد
سيف...بس اني مو اي احد
منار.. اني مااعرفك اعذرني
دار وجها وطلع وبقن الفلوس كدامي
نور.. اخذي يحضي انتي تعرفين هذا منو ابن منو
ولج ذوله الفلوس عدهم بكد الزباله
اتعلمي تستغلين الفرص ااكو فرص ما تتعوض
ميار...اخذتهن وضميتهن بجنطتي
واني اكول بيني وبين نفسي ايجوز الدنيا تمشي هيج
واني الي مااعرف
جمانه السعيدي
ثاني يوم رجع بنفس الوقت ويااا ولد اتلاثه
نفس شاكلته ونفس كشخته
بس دخل وشافته نور طفرت من مكانها
نور...هلو استاذ، سيف نور المكان
سيف....شكرا
التفت على جماعته كاللهم هااا شنو رائيكم
باوعو على نور وكالو هاي الحلويات قديمه
ميار...مشا سيف وصار كدامي وواشر على صواني الحلويات
الي كدامي وكال لا هاي الحلويات جديده
جان يباوعون اتلاثتهم عليه
ردو بصوت واحد ااي هاي صدك جديده وحلوه
سيف...هسه على اتفاقنا ناخذ منها
رد الأول....نتشارك بيها كلنا
الثاني....اي ولله تسوه
الثالث.... نوع مختلف ما مجربينا
سيف....تمام اتفقنا يعني عجبتكم
ميار...اني كلشي ما افتهمت كنت أتوقع يحجون عن الحلويات
بس نور لكطتها عرفت قصدهم عليه
نور...هذا النوع ما يفيدكم مو طيب مابي طعم
حلاته قليله
سيف...احنا عاجبنا انتي ليش تدخلين
ميار...اني عبالك اطرش بلزفه ما افتهمت شنو قصدهم
سيف...نريد خمس كيلوات نوعي حلو ومالح
ميار...اني ونور كل وحده بدت اجهز من يمها
وهو واكف هو وجماعته يسولفون
بعدين ضحك بصوت عالي وكال هنا ٣ ايام
ويكون الحلو كله بجيبي اني ماكو شي مااكدر اجيبه
اخذو الحلويات وطلعو
القصه وما بيها سيف جاي يستغل فلوس ابو
ويضحك على البنات ياخذ منهن اي شي يريده
وبعدين يعوفهن
اي وحده تعجبه يتراهن عليها ٣ ايام وياخذ منها اعز شي تملكه ويكسب الرهان كدام جماعته
بس حتى يتسلى ويضحك
مو مهم عنده بنات الناس شنو مصيرهن بعد
هذا الاستغلال
ااكثر البنات هنا يركضن ورا بسبب فلوسه
واذا وحده عجبته مجرد ما يستعرض فلوس اهله كدامها
توكع بلمصيده
عنده علاقات ويا بنات لا تعد ولا تحصى
من شافني امس عجبته
هلمره الرهان عليه
الرهان ويا جماعته ٣ ايام واكون ويا بشقته
وماخذ مني شرفي
حتى يعزم جماعته عليه
يتراهن بكل ثقه وهو متأكد اني مراح اكدر اقاوم فلوسه
جاب جماعته حتى يشوفوني ويأكد الرهان وياهم
