رواية ماخفي كان أكبر الفصل الثالث بقلم جمانه السعيدي
ميار...كان الرهن عليه ٣ ايام واكون موجوده بلشقه
الي يمتلكها سيف
طبعا هو ما ميت عليه ولا اني احلى وحده بلكون
صح اني شكلي حلو بيضه وطويله وعيوني حلوات
بس ااكو احلى مني هواي
وخاصه وواحد مثل سيف
مامبقي بنيه تعتب علي
غروره خلا يتصور هو يكدر يسوي اي شي يريده
ومستحيل اكو وحده تصعب علي
واني وحده من ذني البنات
سيف يعتقد هو محور الكون الكون كله يفتر علي
ماكو شي يصعب علي
يدخل رهانات ويا جماعته لغرض التسليه ولاكشن
مجرد تغير لا اكثر
الغرض منه التسليه واللعب على البنات
اليوم الي بعده اجا للمحل
طبعا نور بس تشوفه تطفر علي لان كلما يجي ينطيها فلوس
نور...اهلا وسهلا نور المحل
عافها مارد عليها ااجا عليه
اني وياها ووحده واكفه بداية الميز الزجاجي المعروض علي الحلويات ووحده واكفه بنهايته
نور واكفه بدايته واني كاعده بلاخير
ميار...سيف عاف نور واجا عليه
طبعا هيه تمشي ويا الميز وتحجي ويااا
يااهلا وسهلا بيش اخدمك تفضل عدنا انواع جديده
وهو ولا عبالك جاي يشوفها
اجا عليه
ابتسم وكال شلونج
وكفت وكتله اهلا وسهلا بيش اكدر اخدمك
نور...اني اخدمك استاذ
وهو يباوع عليه رفع ايده وكاللها اااشش
راسا سكتت بس ضاجت حيل
سيف...ممكن اعرف اسمج
ميار.....اسمي ميار تفضل بيش اخدمك
سيف....الله اسمج حلو وشكلج احلى
ميار.....رجعت كررت علي الكلام بيش اكدر اخدمك
سيف...اني الي جاي اخدمج
ميار.....نزلت حواجبي وكتله بانزعاج نعم
سيف...نعم الله عليج
ممكن نتعرف
ميار...لا مو ممكن هذا مكان شغل مو مكان تعارف
سيف...ممكن نطلع نكعد بمكان
ميار...لا مو ممكن
سيف...ليش تعرفين اني منو
ميار....لا مااعرف وماايرد اعرف
تفضل اذا تريد تشتري اهلا وسهلا
واذا جاي تتحرش تفضل
اطلع برا جمانه السعيدي
نور....انجبي حيوانه اكو واحد يكول الاستاذ سيف اطلع برا
هذا احسن زبون عدنا
ميار.. انتي الي تسكتين وما اسمع صوتج فهمتي لو لا
احنا جايين هنا نشتغل وبس
مو نواعد الزباين ونطلع وياهم
نور.. عوفك من هاي الغبيه اني مستعده اطلع وياك ورا الشمس
سيف... اني مو كتلج اسكتي لا تحجين
ميار..ماكو غيرج غبيه واستغلاليه ممنوع اسمعج تغلطين عليه مره ثانيه فهمتي لو لا
لا انزع الي برجلي واكطعه عليج
سكتتلج هواي عبالي محترمه
سيف....اي برد كلبي تستاهلين عفيه ميار
نور...بكيفك ردت اساعدك
ميار...استاذ انت جاي تعطلنا عن شغلنا شوف انت شتريد
حتى اساعدك
دخلو زباين للمحل
عفته ورحت اشوف شنو طلبهم
بقا واكف بمكانه ويباوع عليه
نضرات كلها حب واعجاب بس مو نضرات حقيقيه
نضرات مزيفه حتى اوكع بحبه
كملت شغلي وهو بعده واكف
كعدت بعيد عنه
اجا وراي
سيف....انتي ليش ماخذه موقف مني ترا اني اريد اتعرف عليج وبس
ميار...شنو المناسبه اعرفك تعرفني
سيف...اي مو جاي اكول نتعرف
ميار...مااريد اتعرف
سيف.....واني مصمم شوفي شنو طلباتج واني حاضر
ميار...انت صدك ماتستحي شنو طلباتي انت اخوي
ابن عمي ابن خالي
شنو طلباتج عيب هذا الحجي تفضل اطلع اذا ما تشتري شي
سيف...يعني مصممه
ميار...تفضل
سيف...مو راح تتندمين
ميار....سكتت مارديت علي
طلع من المحل
ميار....شكد يلح الخاطر الله
اجتني نور.....انتي هيه شحاسبه نفسج كلج خلك بياعه
شلون اطردين سيف من المحل
هذا احسن زبون عدنا
ميار.. الزبون اذا محترم احترمه واذا يجاوز عليه
ماله اي احترام عندي
نور.. واني راح اكول هذا الحجي الصبحي
ميار..تفضلي المكان الي مااحافظ بي على كرامتي مااريده
جمانه السعيدي
دخلت نور تحرض صبحي عليه حتى يطردني من هذا المكان وترجع هيه الكل بلكل
ترجع اسيطر على المحل وتقضي على اكبر منافسه الها
من يوم اشتغلت بهذا المكان لليوم
دخلت المكتب صبحي
شويه وطلعت كالت صبحي يريدج
رحت المكتبه
ميار.. نعم استاذ
صبحي.. ليش طردتي سيف من المكان
ميار....لان قل أدبه مجاي يشتري جاي يعرض عليه
اطلع ويااا
اكثر من مره كتله تفضل بيش اساعدك
بيش اخدمك
وجان يرد عليه اريدج تطلعين وياي نتعرف
هذا المكان مكان شغل مو مكان تعارف
اني جايه هنا اشتغل وبس
مو اشوف وين الزبون المغرور وشايف نفسه واكعد اتعارف
التعارف بكون خارج مكان العمل
صبحي....جنت متأكد انتي ما تغلطين بشغلج
بس نور حجت غير شي تفضلي ارجعي الشغلج
ودزيلي نور
طلعت نور جانت مبتسمه ابتسامة شماته
ميار.. استاذ صبحي يريدج
كامت دخلت للمكتب
اسمع صبحي يحجي عليها انتي منافقه
انتي استغلاليه هذا اخر انذار اللج اذا تكرر هذا الشي
اطردج مايفيد بيج الكلام
طلعت من المكتب حيل منزعجه وضايجه
تباوع عليه بحقد
ثاني يوم جان علينا ازدحام وهوسه
واني انشغلت ويا الزباين
بعد ما خلصنا شغل اجا سيف جايب باقة ورد ابيض
سيف....شلونج ميار
ميار...باوعت علي ورديت من ورا خشمي اهلا
نور...اهلا استاذ سيف شنو هذا الورد الحلو
مارد عليها
سيف...ممكن تقبلين مني هذا الورد
اريد أقدم اعتذاري لان ضوجتج البارحه اني جدا اسف
ميار...قبلت اعتذارك بس مراح اقبل الورد
سيف...بعد مراح ازعجج ابد
ميار...هاي هيه قبلت اعتذارك بيش اخدمك
سيف..اريد خمس كيلو مشكل على ذوقج
ميار...اني بديت اخلي بلعلب واوزن وهو عينه عليه
ونور تغلي شلون سيف ذابح نفسه عليه
كملت كتله تفضل
سيف..ذني هديه مني اللج
ميار....شنو المناسبه
سيف.. اعتبريهن عربون صداقه
ميار...شكرا مراح اقبلهن
سيف...انتي ليش هيج صعبه موجاي اعتذر منج
ليش ما تقبلين اعتذاري
ميار..قبلت اعتذارك بس مااكدر اقبل منك اي شي
سيف...اوووف ياربي اني سيف الي مدوخ نص بنات العراق
لمن أحب من صدك احب وحده صعبه وخشمها يابس
ليش باربي
ليش تختبر صبري ويا وحده مغروره مثل ميار
اسمعي اني احبج واموت عليج ومستعد الاي شي تطلبي
بس انطيني مجال نتعرف
ميار. تحبني صار يومين من شفتني وتحبني
روح العب على غيري
سيف...صدكي احبج واموت عليج انتي ما تعرفين
الحب من النظره الاولى
اني مو بس حبيتج اني هايم بيج
ومراح اعوفج اله تقبلين نتعارف اني قصدي شريف
ومجاي اللعب عليج
جمانه السعيدي
ميار....واني مااريد اتعرف عليك
سيف..مو كتلج قصدي شريف
ميار...واني ما مستعده لا اتعرف ولا ازوج
سيف.. يعني يرضيج تكسرين خاطري
ميار... سكتت
سيف...السكوت علامة الرضا يمتى عندج وقت
نطلع نتعرف
ميار..انت صدك ما تستحي شو اطلع خلصنا هذا مكان عمل مو مكان علاقات
سيف...تعبتيتي تعبتيني ااكيد هذا عقاب من رب العالمين
لان شكد عرفت بنات بحياتي
بس اتعرف عليهن امل منهن واعوفهن
بس لمن حبيت صدك احب وحده اطلع كلبي
اني احبج احبج
مستعد اطلع بلشارع واصرخ احبج
ميار.. خلصت تفضل الله وياك
سيف...اني راح اروح بس اذا متت انتي السبب
مااابريج الذمه اذا صار بيه شي
انتي مجرمه
طلع من المحل
نور...يحضي اكو وحده ترفض سيف يتعرف عليها ويدخل وياها علاقه
صدك ينطي الجوز للما عنده سنون
ميار.. تفضلي روحيله مهنايه بي
بهذا اليوم من خلص الدوام ةاجينا نحاسب صبحي
طبعا احنا نسجل الحساب اول بااول
اي شي ينباع يسجل النوع والوزن والسعر
اخر النهار يطلع مجموع الحساب
نجمع الفلوس نسلمهن الصبحي
اجينا نسلم الفلوس ناقصات ١٥٠ الف
صبحي الفلوس ناقصات
نور...يااا ناقصات شلون اني كلشي بعته سجلته
ميار. استاذ احسبهن مره ثانيه
صبحي...قابل مااعرف احسب
نور...استاذ فتشنا اني جنطتي ما بيها غير خمس الاف
ماكو غيرهن
هاي جنطتي فتشها
ميار...فتح صبحي جنطة نور ما بيها غير خمس الالف
نور...روحي ميار جيبي جنطتج خاف استاذ صبحي يشك بينا
ميار..رحت جبت جنطتي
ميار.. اني عندي عشره خمسه الالف وخمسه براسها
فتحت الجنطه وخليتها كدام صبحي
مد ايده بالجنطه طلع ١٥٠ مربوطين بلاستيكه
ومن غيرهن فلوسي العشره
ميار...ذني شنو مو فلوسي ذني اني ماعندي غير عشره
فتحهن صبحي وحسبهن طلعن فعلا ١٥٠ الف
باوعت عليه نور وابتسمت بخباثه
صبحي...ذني شنوو
ميار.. مااعرف بس ذني مو فلوسي
صبحي....شجابهن بجنطتج
ميار...مااعرف اني متأكده ماعندي غير عشره
صبحي...ليش اتمدين ايدج على فلوس المحل
ميار.. انت تشك بيه لو اموت جوع مااخذ شي مو اليه
نور....لعد شوصلهن الجنطتج
طارن من المجر وراحن الجنطتج
ليش ما كلتي محتاجه جان ساعدج استاذ صبحي
حرام عليج
تاكلين تعبه
صبحي....انتي مااخذتي فلوس
ميار.. مستعده اقسم قسم بعمري ما مديت ايدي على شي
مو اليه
لا اكل حرام ابد
صبحي...دقيقه اني هسه اعرف منو الي اخذ الفلوس
ااكو كامرة مراقبة وحده بلمحل
صايره ورانا وين احنا نوكف
مسلطه على باب المحل تسجل منو يدخل منو يطلع
ربطها صبحي للشاشه الجبيره
وشغلها
طول وقت العمل واني باقيه بمكاني
اوزن للزباين واشتغل ماغيرت مكاني
ابيع واخلي الفلوس بلمجر
بس نور طلعت مرتين من مكانها وراحت للمكان الي اخلي بي جنطتي
بس ما مبين اذا اكو بيدها فلوس
صبحي... نور الحراميه
نور...شنو حراميه مااسمحلك انت لكيت الفلوس بجنطة ميار لو جنطتي
شنو تريد تلبسني القضيه
ميار دائما تشكي ضروفها صعبه
ماكو غيرها هيه الي اخذتهن
اروح اشتكي عليكم تردون تلبسوني قضيه
شنو شايفني حايط نصيص
على كد ايدكم
خوش ولله يطلع الفلوس من جنطة ميار
ويكول نور الحراميه
اني اعرف ماعندي حظ من زمان حتى الناس الي اخدمهم
ماعندي حظ وياهم
اني بعد ماارجع للدوام اذا ما تقدملي اعتذار
وتطرد ميار من الشغل
خوش ولله
يردون يلبسوني قضيه
ميار...اخذت جنطتها وطلعت من المكان وهيه تحجي وتدعي عليه
ميار....استاذ ولله اني مامديت ايدي على فلوسك
صح اني فقيره وعلى كد حالي
بس ماامد ايدي على شغله مو اليه
صبحي....اني رجال قديم بلشغل واكدر اعرف الانسان
الصادق من الانسان الي يجذب
نور لو ماهيه الي مدبره هاي السالفه
مجان انفعلت هيج
بعدين مبينه بلكامره تعوف مكانها وتروح للمكان الي بي الجنطه
وهيه الي اقترحت افتش الجنط
لان متأكده هيه خلت الفلوس بجنطتج
ميار...شكرا استاذ على هاي الثقه وجدا اسفه
اذا ازعجتك
واذا ماتريدني بلشغل اني مستعده اترك هذا المكان
صبحي....لا نور الي راح تترك المكان
هاي فرصة واجتني اني اريدها تترك العمل من زمان
ميار...شكرا استاذ
عندي اقتراح اني ابيع ووازن وانت الي تستلم
الفلوس هيج أأمن واحسن
صبحي....تمام
