رواية قاتلة ابي الفصل الواحد والثلاثون بقلم بنت الشيخ ترابية
ليتنا كُنّا من أهالي السلام
سلامًا على الذي وفى بالحـب
"" "" "" "" "" "" "" ""
ماهر: يمعوووووووووده هناااااااااااااااااادييي
وانسحبت السجين من ورايه حيل جرحت ايدي شوي
وسحبني وطلعني من الغرفة بسرعة
طفى النار وفتح الباب وشبابيك البيت حتى يتهوى وانا كاعده على القنفة واخزر بحنان نزلت من فوك
شلت المزهريه وشمرتها حيل بالحايط الي يمها
: والله لاشوووووووووووفج نجووووووم الظهرررررر
اسراء: يمعوده كولي يا الله شجاج هنود
: اسسكتييييي صووووووت ما اسمع
نزل ماهر بسرعة
ماهر: ماتكليلي شجاج تخبلتي هااااا
اندار وكاللهم روحو منا
واجاني وحضني ومسد ع راسي ويقره قرآن
ماهر: شبيج ابويه وامي انتي شصاير اهدي امي اهدي
: ماهر راسي راح ينفجر
ماهر: اوكفيلي
كام وراح للمطبخ وانا لزمت راسي واون من الوجع
عفته ورحت لغرفة احتياط ونمت
"" "" "" "" "" "" "" ""
في مكانـًا لا يخلـو عن الاصوات المُقززة
تتلاعب بين أثنين طـول الوقـــــت
مدافع بين أثنين وتلامس جسـدي
رغبةٌ وشهوة لا يمكن السيطرة عليها
في حضنها وتتلاعب في شعـرة
: مشتاقلها؟
ايهم: وشنو هيَ حتى اشتاقلها؟
هههههههههههههههههههه بطرانه
"" "" "" "" "" "" "" "" "" ""
خيبةٌ ... ماذا لو ادركتُ المضموم عني؟
كعدت الصبح بدلت بسرعة وطلعت افتر بالمنطقة
الكل نايم قفلت الباب ودفعت المفاتيح من جوه الباب
طلعت افتر وامشي حسيت احد وراية بس غلست
لحد ما انسحبت وتلثمت وانشمرت بسيارة ومشت بينا
اصيح من وره اللثام
: وخررروووو عني منووووو انتوووو
ومحد يرد وكفت السيارة بمكان
وسحبوني سحب وشمروني بالكاع
كعدوني على الكاع وربطو ايدي لوره وربطو رجلي وخرو اللثام فتحو عيوني وشدو حلكي
شفت نفسي بغرفة اشبهه بمخزن
والي واكفين 12 نفر وكلهم ضخام ويخوفون
ارجف بين ايديهم
اخاف ع غفلة وياخذوني او يسوون الي شي يكدرولي
دموعي بلشت تنزل وسحبو الشال من شعري وفتحو شعري خفت لا يتمادون بعدت راسي عنهم وطلعو وسدو الباب حيل
اسمع ضحكهم وسوالفهم
وكلماتهم المُقززة
وضحك البنات الي جابوهم بره
رجعت راسي لوره وغمضت عيني بسرعه نمت
الحر ذبحني والجوع والعطش
مافتحت عيني الا ع الليل والغرفة ظلمة
هنددددس صووووت ماكو
بس ضوة من القمر من الشباك والوضع يخوف
ماكو لا حركه ولا صوت
حركت رجلي وسمعت صوتها خفت
لعد لو اكو احد شلون؟
وينك ايهم تعال وشوفني وانقذني
وين راح عني .. محتاجتك حيل
حسيت بشي يصعد على ايدي بسرعه نكثته وطكت ايدي من المتن روحي شاااغت .. بس شبيدي شسوي
ياربي ساعدني اريد اخلص مشموره بمكان لا هو خرابه لا هو مخزن لا هو بيت وين انا؟؟؟؟؟
اهلي ما افتقدوني؟
رجعت ونمت
اعتقد الفجرية
بس ضوه بعده ماكو
ماطولت بالنوم ونومتي جانت خفيفه
صوت الحذاء تتقرب مني وانفتحت الباب
دخل وكعد على الكرسي مقابيلي وانا بالكاع مربطة
صفك ايده وتنهد وصاح .... : دللتلج وطلعتج من عتمتج ومافاد
حاولت احجي حلڪي مربط
: عالجتج وساعدتج تكملين حياتج ومافاد
كام وكف كدام الشباك وطلع جكاره ويدخن
: انا تالي عمري تجين انتي وتسوين هيج بيه
بجيت بقيت اسحل برجلي اريد افتح حلكي او ايدي
اريد احضنه اريد احجي وياه واجامله
طبك الشباك بقوته انكسر الزجاج
: صووووووووووتج
خنست ورجعت للزاوية ولميت رجلي وصفنت عليه
تقدم وكعد كدامي بـَعد شعري عن وجهي
: عركانه وشعرج على وجهج؟
عيوني دم حمر من البجي و وجهي كله احمر
والخوف الي بگلبي والرجفه رجلي تطك ببعض
وايدي جرت دم من اظافري بسبب الخوف
: ليش تبجين مو ردتي تسوين هيج؟
مو ردتي تعيشين حياتج؟
اصبريلي بس اليوم وباجر اطلعج لحياتج
لزم فك وجهي بقوة وتقرب مني وعت وجهي وكام طلع وسد الباب حيل
اجاني هوى نسيم بارد
بردت وانا لابسه هلقطعه الوحده ومتشككه وبيها ماي
كمت ارجف خوف وبرد
ما اسيطر على نفسي ومثانتي طگت ماتحمل الوجع
صار عندي ادرار بدون سيطرة على نفسي
ضربت راسي بالحايط وبجيت بكل حيلي اريد اصيح ماكدر صوتي مايطلع
يعني راح يعوفني بحال سبيلي يا الله ما اتحمل والله
الشباك انضرب بحجاره
كاعدة بنص وحوش
مخزن بنص ذياب والاسد مالي ضدي وماموجود يمي
نمت
"" "" "" "" "" "" "" ""
في عتمة الهدوء
: تاخذها للسجن؟
ايهم: لا يابه شسالفه
سليل: لا اخذها
ايهم: يابه المره مايصير تدخل سجن شبيج؟
سليل: يعني تبقى ع گلبي
ايهم: كومي وياي وعوفيها هسه
الاصوات المُقززة ؏ طول الوقت
"" "" "" "" "" "" "" "" ""
كعدت ع صوت فتح الباب
فتحت عيني ودخل هو لابس اسود نص ردان
ونظارة شمسية كعد كدامي وابتسم
ايهم: ها يحلو تعبان؟ هسه نطلعك منا
عيوني تصب واباوعله اناشد بيه وهو يضحك عليه
وخر القماش من حلكي
شهكت
ايهم: له له له عليش هذا كله؟
: ايهم وين رحت عني
ايهم: مو انتي ماترديني؟
: منو جابني هنا وخطفني؟ شنو تريد بالضبط؟
ايهم الله يخليك طلعني منا والله خايفه
ايهم: هو انا جبتج هنا وتردين اطلعج؟؟؟
والي اريده معروف
صفنت بوجهه وابجي دنك راسه وكال
ايهم: ليش ماكلتيلي انتي الي قتلتي اهلج؟
وسعت عيني وصفنت بوجهه ودموعي جمدت بعيوني
: ش شنوو !!
صفك ايده وباوع لجهه الشباك صفن شوي وهز راسه بخفه ورجع باوعلي وطلع
صفنت بالكاع وكعدت ادندن بأغنية
انفتح الباب دخل بيده علاكه صغيره واكل
ايهم: هاج لبسي هذا القميص فوك ملابسج وهذا اكل اكلي
: شلون اللبس واكل وانا مربطه
ايهم: من نطلع عود اللبسي
كعد كدامي وفتح الاكل
وكعد يوكلني
اجتني مثل الصعقه او خدر براسي
وعيوني ماترمش والرجفه الي صارت بيه
من شفت أثر بركبته
ايهم: متاكلين شبيج؟
: شنو ه هذا الي بركبتك؟
ايهم: وشعليج انتي؟
: لا تتسى انا مرتك اييييهم شنوو هذذذااا
: صووووووتج ومعليج هل اليومين ونطلك
اكل وخلصيني يلا
درت وجهي ومنعته رجع الاكل ومسح ايده وصفكهن وكعد كدامي ع الكرسي ويدخن جكاره
وانا عيوني ماجمعت دموع من الصدمة
ماتوقعت ولو بنسبه 1٪ ايهم يسوي هيج؟
ايهم يحبني؟ ويحبني بجنون هم معقول يمثل؟
من تمرضت يشيلني وماخلاني اوصل الكاع
خلاني افكر انا مشلوله كد مايشيلني
وين ميروح مخليني بحضنه وماينام اذا ميخليني بحضنه وكل هذا الاحساس جذذذذب وتلفييييق؟؟؟؟
عيوني صارت عليه جان صافن بالكاع
سحبت ايدي وصرخت باوعلي ببرود
: شبيج؟
ماجاوبته اجاني هو فتح ايدي ماكدرت احركها
: مخلوعه هاي هسه من اطلعج اخذج دكتور
غلست وماجاوبته بس ماروح ولا اخلي يصرف عليه بعد .. جان يفتح بيدي وانتبهت ع ركبته وحتى بيها أثر حمره تلمع خفيفه
دنك عليه وانتبهت حتى ع صدره
وانا مرته ماخليته يتقربلي نهائي
همست بصوت خافت دامج الخوف والتوتر والرجفه
: منو هاي؟
ايهم: ايييييه خلي اطمنج .. سليل
رفعت عيني بعينه وخزرته كرهته حيل
دنكت سمعته ضحك وهمس : ياريت تفهمين موقفي
رفعت راسي عليه عيونه تختلف عن قبل شويه
نظرته نفس نظره ايهم الي اعرفه
من يباوعلي بحنيه وحب
همس بصوت اخفت من الي قبلها وكال : تبقين هنا
وأشر ؏ گلبه
هنادي: انت واحد جذاب وخاين مادري شلون حبيتك بس صدك كل حبي حيتحول ولا افكر ارفع عيني بعينك
ايهم: عجل نزليها
نزلت عيني ودرت وجهي بس انتبهتله باوع للشباك وصاح بصوت
: وانتييييي مصدكه انا احبج؟؟؟؟؟؟
من تالي؟؟؟؟ يابه ماخذج لعبه وانتهيتي مثل ما لعبت وياج العب وي غيرج ...
وضحك بصوت عالي ورجع كعد دخن ومبتسم
مجاي افهم شي شنو تبقين هنا شنو موقفي
يضحك عليه؟ فر عقلي فر؟
: دتضحك عليه؟
ايهم: ليش هو شكتلج اصلا؟
: طلعني منا
ايهم: هسه اطلعج
: زين تعال ساعدني اللبس القميص
ايهم: اتقزز منج
صفنت عليه مو هستوه وكلني؟
شمر القميص وكال : انتظرج
وطلع وسد الباب
لبست وتأذيت حيل من ايدي وكمت وكفت جان فاتح رجلي ... مشيت بس عرجت من الكعده
كعدتي جانت ع رجلي ف تأذيت حيل بالمشي
طلعت لكيته واكف ومخلي ايده بجيبه
احب وكفته هاي بس هسه كرهتها
ايهم: امشي وراي
صعد بالسيارة وصعدت وره باوعلي وهز ايده وحرك السيارة وصلني لعيادة
: وروح ابويه ما انزل امشي يلا
ايهم: انزلي بويه ايدج مخلوعه يمعوده
: مااااا انزززززل
اندار عليه وكال
ايهم: فدوه اروحلج نزلي وياي
: ماجاي افهمك؟
ايهم: تفهمين بس مو هسه يلا نزلي
نزلت وياه وقفل السيارة وشمر ع راسي شال جرجيت
ودخلنا للعياده علمود ايدي
انطاني علاج وطكها ومدري شسوه بس روحي صعدت ونزلت وانطاني ابره وطلعنا
ردت افتح الوره
ايهم: صعدي يمي هنادي
باوعت ورجعت كعدت وره
وهو عينه عليه بس مغلسه عنه ... تنهد وصعد للسيارة
متقززة منه ولعبانه نفسي من شفت الاثر بركبته
وانا بودي الزمه واذبحه بس ماكدر ..
كسرني ونهاني خلـص
الحب صعب حيل صعب ..
وصلني للبيت بسرعه نزلت انا وهو راح
دخلت جانو كلهم كاعدين وحجيه نوفه تلكتني
نوفه:ولج يمگصوفه الرگبه انتي وتالي وياج هاه حدري يمي
رحت يمها لزمتني من اذني وماخلت واحد يحجي ويكوملي
نوفه: احشلج رجلج حش لو طلعتي بره بعد
دتحجي وبجيت وحضنتها
بسرعه حضنتني
نوفه: ولج يمه اسم الله شمالج؟
ولج يمه بنيتي شمالج احجي
: تعبت حجيه ماريد احد
اشرت الهم يكومون من الصالة وبقيت انا بحضنها
: تعبت من كلشي .. اريد اتطلك حجيه
نوفه: ولج شتطلكين وين اكو مثل ايهم ولج
: لا اكو زبايل مثله هووووواي موجودين امثاله ماريده
نوفه: يول احجي عدل شمالج انتي؟
: حجيه يخون .. وهو الخطفني
وحجيتلها الموضوع كله لحد مادخلت للبيت
صفنت بوجهي وكالت
نوفه: والله انـه هذا گلبي لاعب ويكول ايهم مسوي هل السوالف عمد ولموضوع والله گلبي يعلم
: حجيه يسوي علاقات علمود موضوع بباله يتقرب من بنت بالحرام؟ وين اكو هيج .. واذا كلامج صح انا مستحيل اتقبله
نوفه: خاب اكلي زفت واسكتي خنشوفه شماله هذا الفرخ
عفست وجهي .. حجيه كلمه فرخ فشوره
نوفه: كومي مني لا اكسر راسج
كمت منها وصعدت لغرفتي منظفيها ومسوين الشبابيك
سبحت لانو وصخه وبدلت وتمددت وتلمست مكانه
شميت المخده بيها من ريحته حضنتها وبجيت
صح خان وصح لعبانه نفسي منه بس يبقى حبي الاول
ومن عقدنا حسيت شي بداخلي ارتبط بيه .. فكرة بأنو ايهم ماعاد الي صارت صعبه عليه .. غمضت ونمت على ريحته ..
"" "" "" "" "" "" ""
: باجر بإذن الله اتقدملج
زينب: بس مو بعد وكت؟
: لا كافي باجر وهاي هيَ
فاقد ندس جعفر وهو ياكل
جعفر: ها ففه
فاقد: البدو راح يتزوج
جعفر: لككك بدوووو
اندار عليه فهد
جعفر: راح تتزوج ملعون
فهد: مو بعينك؟
فاقد: جوجو باع ع عيونه ونظراته من دخلت للبيت
جعفر: حجايه التنكال ترى البدو مايحبها مجرد معجب بيها
فهد: عاشت ايدك
زين: چا ليش ماتحبها شمالك مرعوص من الحب
فاقد: لكم باعو زين شكد هادئ صدف يفتح حلكه
من فدوه لهل الجهره
جعفر: شلون تعرف فاقد عنده مصلحه .. دحك التسربت
فاقد: لك انا ابو العقل والفخامه والشيخ
فهد: فاقد ابو العقل فقط غيرها ف لا حبيبي
زين: ففه اليوم شاد عكاله ودارع حلكه وابن امه اليسده
فاقد: جا كعدو خلي احجيلكم شلون تكسرت قبل اسبوع
زين: غرد
فاقد: البدو جان كاعد هو وجماعته وانا رجعت سكران وركبتي مطكعه وشعري كفشه .. لكم صحصحت على دك نعال ع راسي .. من صحصحت شفت البدو شايل نعال وجماعته بيدهم دكوني دك نعلو سلفه سلفاي ومن ذاك اليوم ماشربت بعد والله
فهد: المطي يمشي من وحده؟
زين: الا بالدك
فهد: هاي هيَ
فاقد: مرجيه منك خوي
"" "" "" "" "" "" "" ""
حسيت بوجوده
موجود والله موجود
عطره وملمسه
كلشي يخصه موجود
فتحت عيني ..
