رواية قاتلة ابي الفصل الثاني والثلاثون بقلم بنت الشيخ ترابية
في ظَلام الحُب
مَشاعر مُتضاربة
اصوات الرِياح والعصافير ليلاً
فتحت عيني لكيته كاعد فوك راسي ومايل راسه عليه
فزيت بمكاني هو ابتعد وحمحم
هنادي: شعندك جاي لهنا؟
باوعلي بطرف عينه ورجع دار وجهه وراح للكنتور
بدون ميجاوب طلع ملابس اله وحطهم بجنطه
وحط احتياجاته كلهن
صافاها للجنطه وطلع فلوس وحطهن ع ميز المرايه
وكعد ع القنفه
بقينا رُبع ساعة صافنين بالكاع وانا تمددت ونمت بس ماغفيت .. بس غمضت حسيت بيه كام .. مسد على شعري وباسني من نهاية خدي وحسيت بيه سحب نفس مني وطلع..
ليش ديسوي هيج؟
ترى نفسي لعبانه منه حيل ومتقززه
ايده الي لمست شعري نفسها لمست شعر سليل
بسرعه دخلت للحمام وفتحت الماي على ملابسي
وافرك بشعري وراسي حيل
ولزمت الليفه وخليت بيها غسول
وبقيت افرك وجهي كله لحد ماصار احمر وكام يحركني
ايدي فركتها فرك والمتن وجعني حيل لانو ميصير اتقرب منه لحد ما اخلص العلاج ويرجع طبيعي بس صار عندي وجع بيه
وركبتي حيل جلفتها وسديت الماي وكعدت بالكاع وبحيت بكل حيلي .. سمعت صوت تقطير الماي باوعتله ورجفت بسرعه طلعت من الغرفة وسديت الباب وكعدت على الجرباية وغطيت نفسي وبس عيوني طالعه والجرباية نكعت ماي
عيني على باب الحمام
صار عندي وهواس لدرجه اكول الباب راح ينفتح
وحسيته انفتح
صوت فتح الباب بخفه بلش يبين
وبلش يعلن الصوت ع انو الباب انفتح
انفتح الباب شوي وجان الحمام اظلم مع انو شغلت الاضويه انا ماطفيتها .. تمددت وغطيت راسي ومت الرجفه غفيت ؏َ نفسي
.
البدووووووو وينك كابتن
فهد: نعم؟
فاقد: هذا جوجو يكول اكو احد بالباب يريدك
طَلعت اله جان رجال ملثم
فهد: تفضل؟
: اجيتك واريدك توكف بالموضوع
ايهم جاي يلعب بذيله كول اله صادق بصدق احسن الك لانو جفصه وحده منك هنادي موجوده للثمن
لزمته من ياخته دفعني هو و ولد وياه وشردو
فهد: ادبسززززززيه والله لَـ الزمكممممممم
رتاج: سلامات سلامات شبيك؟
فاقد: خير شكو
فهد بضچر: مو كلنا فاقد عقل؟ هاي شنو؟ شوكت جبتها
رتاج: هههههه يقصدني .. اجيت البارحه بالليل
فهد: هههه دلمي غراضج وطلعي من بيتي يلا
جعفر: ع كيفك وياها ففه يضوج
فهد: عاد انعل ابوك لابو ففه وياك چوله مزعطه
زين: شبيه؟
فاقد: ديتشاقه متعرفو
زين: لا يابه شنو السالفه بيه شي
رحت كعدت بالصالة واجاني زين
البدووو شبيك؟ شصايرلك احجيلي
فهد: يمعود مدري منو جاي وكال روح لايهم وكله لاتلعب بذيلك هنادي موجوده للثمن
زين: مالزمته بدو شبيك؟
فهد: هو ينلزم جفتوني وشردو
زين: كامرات بالبيت الركن ونشوفهم
فهد: لا بربك؟ هم عبرو الشارع بويه شلون نلزمهم
زين: خلي نروح نراقب بيت هنادي ونبقى وياهم احسن
فهد: اي نروح ليش لا بس مو كلنا يعني اثنين يروحون بينا
زين: فاقد وجعفر
فهد: انا وفاقد
زين: هو انت الاساسي طبعا تروح مصلحتك
فهد: شني
زين: سلامتك حبيبي
كعدت الصبح عركانه والصخونه ذابحتني
الفراش مبلل وملابسي رطبه
اريد اخلي رجلي بالكاع ماكدر
اتلوى من الوجع
دخلت زينب
زينب: صباح ال .. شبيييج؟؟
اريد ارفع ايدي الها ماكدر احس مشلوله من الصخونه
اجت لزمت كصتي وصاحت .. عززززه ولك ماهرررر
ونزلت تركض وصعدلي ماهر رادو يشيلوني ماكدرت وبعدتهم مني جسمي جان يوجعني
نزلو ليجوه وانا درت وجهي وغمضت عيني وحضنت البطانيه
نص ساعه هيج تقريبًا
حسيت بأيد انمدت وسحبت البطانيه مني وصارت ايد ع ظهري وايد جوه رجلي وانشلت من الجرباية
مجنت اكدر افتح عيني ولا اركز
كل الي اسمعه وشوشه ولا اكثر
ماحسيت الا انا بماي بارد ثلج فزيت بس حتى صوت مابيه اطلع .. الوجع الي جان بيه والشعور
كأنو واحد لازمني اسبوع يدك بيه
وراها حسيت كل ملابسي انشالت عن جسمي وبقيت عَاريه تمامًا والبرد بعظامي
كل الي ببالي اسراء او زينب مجنت متوقعته هو
لما فتحت عيني وشفته يمي يفرك بيدي
مصدكت بسرعه سحبت ايدي بس الدوخه سيطرت عليه و وكعت ..
.
صحيت على صوت كلام مهموس
: راح تطلكها؟
ايهم: مُستحيل اتخلى عنها ماصدكت اربطها بأسمي
: ايهم ركبتك حمره شايف لو تعرف هنادي شتسوي
:تدري هنادي بكلشي تدري بس محتاج وقت واكشف الاوراق
: ع شنو ناوي؟
ايهم: ع كلشي
: يلا نازله اعوفكم وحدكم
راح فتح الكنتور دقايق واجاني لبسني وانا ركزت بيه وابتعدت بس بوجع تحركت
ايهم: مراح اسويلج شي تمددي
تمددت وسحبت البطانيه جان مغير البطانيه والجرجف
بقيت اون وهو يمسد ع راسي
همست
: اخخ عظامي يمه
سمعته همس بصوت خاااافت ومليان هدوء وحنيه
ايهم: بيه ولا بيج عساني احترك بنار وما اطفى منها
انداريت عليه
بتعب وصوت مبحوح : شتريد بالضبط؟
ركز بعيوني وراها نزلت عينه ؏َ شفايفي
ودنك باسني .. اللهفه والاشتياق
دقايق وابتعد وباسني من كصتي ونام بصفي وحضني حيييل .. وجع الصخونه بأعظامي و وجع اعظامي من حضنته مدري منين اتلكاها
حاولت ادفعه بس ماقاومته
حط راسه بركبتي وحضني حيل
اختنكت بس دفيت ونمت
كعدت العصر بس راسي يوجعني
وحدي بالغرفة معقوله جنت احلم بيه؟
عطره بالمخده وبملابسي ممعقوله
بس شكد اكره ريحته العطور الي يختارهم مدري شلونهم رغم ريحتهم طيبه بس ماتعجبني
نزلت البيت هدوء ماهر جان طالع وحنان ماخذه جهالها وطالعه بس زينب موجوده
اسراء: هاا حبيبي شلون تحسين نفسج؟
هزيت راسي .. سؤال .. ايهم مو اجه يمي؟
زينب: عمو ايهم؟
وباوعت لاسراء بأستغراب وثنينهم نظرتهم شك الي
اسراء: خاف حلمانه؟
: لا هو سبحني مو؟
زينب: اسراء سبحتج وحتى تماطلنا علما شلناج واخذناج للحمام ومشطنا شعرج وعطرناج ونومناج وطلعنا
: بس ريحه عطره
زينب: خليتلج من عطره الازرك ماعرف اسمه بس لكيته كدامي
درت وجهي وصعدت للغرفة جان اكو عطر ازرك صدك رحت وشميته .. صحيح نفس الريحه
زين معقوله الحضن والبوسه خيال وحلم؟
سمعت زينب تصيح
زينب: لا والله فد مرررره كووووول ارهااااب
نزلت اركض
شكو شبيكم
فهد جان واكف وفاقد وياه
فاقد: ماكو شي بس اجينا يمكم حمايه.. شلون صرتي
نغزه فهد وخزره
: ليش شبيه
فاقد: مو ءء سمعت بيج مريضه
زينب: اا اني كتله اني
هزيت راسي
الحمدلله تمام عال العال
فاقد: والله ياخويه بجعفر ولا بيج ماتستاهلين
هنادي: ههههههههه تسلم
زينب: چا غير سويت كليچه
فاقد: والله بوكتها مشتهيها حيل والبدو كال عود هو يسوي النا وماسوه
زينب: هسه اجيبلكم
راحت جابت صينيه بيها جاي مهيل
وماعون كليچه
اخذ فاقد وحده وصفن بيها وكلبها وكال
: ضميها من نحتاج ترب
خزره فهد واخذ وحده
ولزمها رفع حاجبه بتعجب ورجع حمحم
فهد: ءا احم بسم الله
فاقد: گض الحشوه مال رحاتك خوي
فهد: اسكت فاقد
عضها فهد ورجع طلعها من حلكه وصفن بيها
فاقد: مكثره اسمنت بويه؟
زينب: شنو سالفتكم ترى عاديه شنو هاي
فهد: ترى طيبة بس انت ماعندك ذوق انطيني بعد وحده
فاقد: دگرط الي بيدك واخذ الثانيه
فهد: كتلك انطيني
فاقد: هاااااك اگرط يلا حتى الترب مو هجي
زينب: يعني مو طيبه
فهد: كلش طيب .. شنو المقادير؟
زينب: كاتبتهن بورقه دقيقه اجيبها
جابتها وصفنت بيها
زينب: لا يا الله من هذا طلعت قويه !!
ودمعت عينها بفشله من فاقد وفهد
فاقد: راح تبجي
فهد: عليش؟
زينب: تفشلت وياكم بسبب غلط بالمقادير
فهد: بويه طيبه فاقد اكل وشوف
فاقد: الحشوه مالتي فهد
فهد: كتلك اكل
فاقد: زين انطوني ماي انكعها بيها شويه حتى تلين
فهد: اكل وانت ساكت
اكل منها فاقد سمعنا صوت گرط وطگه
فاقد: نعلعلا ابيك بدو حشوتي وكعت
ولزم حلكه وركض للحمام
فهد: شدعوه مكبر الموضوع ترى طيبه
من الحمام صاح
فاقد: الله يلعن الحب الي بعقلك يا بلا احساس
دنكت زينب خجلانه من الموقف
انتبهت فهد ابد ما انطه بزينب ورغم الكليجه كرطها كرط وقويه جانت حاول ياكلها بكل الطرق مكدر بس بقى مُصر ع انو طيبه وعاجبته ويريد بعد
اختي وياه راح تعيش براحه بإذن الله
زينب: شكد عيب صرتله سبب هسه
وغمت نفسها انتبه عليها فهد ودنك وضحك
فاقد: وكعت الحشوه بدو خلي نروح للدكتور بسرعه بلش الوجع يمي
فهد: انت رقيق .. زينب خليلي بماعون منها خلي اخذ وياي
فاقد: بعده مُصر يا انبياء والمرسلين وال12 معصومين
زينب: بلاها فهد ادري بيها قويه بسبب غلط بالمكونات
فهد: منتظر الماعون
وهم ماحب يكسر خاطرها وراحت خلت اله بماعون وغلفته وانطته الماعون سلم وطلع
رفعت عيني شفت شي خطف من فوك الدرج
حسيت رجلي انشلت من الموقف وگلبي يريد يطلع
: لا لا اكيد من انفتحت الباب مستحيل بيتي مابيه شي
كعدنا واسراء جابت كيك وحلويات وكعدنا بالصاله
بس سمعت صوت شي انهبد فوك زينب تبرعت وكالت خلي اصعد واشوف .. نكثت ايدها ورفعت شعرها وصعدت وكفت ع اخر درجه وصاحت
زينب: يبوووو عليك ماهر عايف الشباك مفتوح وداخله بزونه شيطلعها هسه؟ چنها جرثوم جيبولي عوده ماسحه اي شي
كامت اسراء وانطتها مكناسه طويله
وهذيج راحت الها كش وبش
وسدت الشباك ونزلت وبيدها كزاز
: شنو هذا؟
زينب: المزهريه واكعه
خلصنا كعده واجه ماهر كعد شوي وصعد لغرفته ينام وصعدت وراه اسراء واحنا طشينا للغرف حنان مشفتها ولا جهالها سمعت بيها طلعت لاقاربها ورجعت ونامت هي وجهالها
دخلت لغرفتي وقفلت الباب
شفت شباكي مفتوح والبرده طايره بالهوى
رحت سديته وعدلت البرده بس لفت انتباهي مثل البقجه صغيره حييييل بكد كف اليد لونها بيضه مشموره يم الشباك بالكاع مبينه واكعه من بره اا مشموره
شلتها وفتحتها لكيت بنصها گلاده بيها قلبين يتلاسقون بالمغناطيس وحمره لون تُرابي ومكتوب بورقه صغير
چيفة گلبي ام لسانين
اخذت الكلاده ولبستها جانت فضيه حيل حلوه بس انتبهت عليها حرفين
A,H
ع گل نص قلب حرف ومن يتلاسقون يكونون قلب واحد بنصه حرفين
اتذكرت الاثار الي على ركبته ومعاملته الي سحبت الگلاده من ركبتي حيل وشمرتها بزاويه الغرفة يم الحمام ورحت تمددت والدمعه بعيني مو راضيه تنزل
الغصه بنص بلعومي لا انا البالعتها ولا انا المتخلصه منها
نمت بنص الغصه
