رواية قاتلة ابي الفصل الثالث والثلاثون بقلم بنت الشيخ ترابية
في مكان مُغلق
واصوات النُباح
في مكان يجمع بين أثنين
همس بصـوت هامس : هنادي
ابتعدت عنه وگامت وكفت ولبست الروب
سليل: ياهنادي؟ وتالي وياك؟
ايهم: شكو ليش كمتي؟
سليل: هنادي شنو؟
ايهم: شكو ليش كمتي؟
سليل: هنادي شنو؟
ايهم: منو كال هنادي
سليل: لتضحك عليه
لبس ملابسه وغسل وجهه واخذ السويچ وكال
: مو صوجج صوجي انا اجيج
وطلع وسد الباب
والله اعرفك ايهم ناصب عليه .. تمشيهن عليه عود
بس اريد اعرف وين تريد توصل وبوقتها ارتاح ..
رگضت للتلفون ورفعت واتصلت ؏ احد الارقام وكال
: احنا موجودين شنو قابل نسينا هو شسوه بينا؟
اذا ما ناخذ الحك من عينه واذا ما انطانا الحك نروح نقتله
وسدو بوجهي .. شصخمت يا ايهم ماتكلي شمسوي
.
هامود .. راڤير
هل الاسمين جانو القاب لشخصين وهميين
شخصين عايشين ويانا وبشر بس مو بعالمنا
جنت اشوفهم واسمعهم يهمسون بهل الاسماء
بس انا متأكده لقب واذا مو لقب يعني خيالي صح
وهذول من عالم الجـ//ـن
فزيت اتنفس بقوه مختنكه والعرك بكصتي
الشباك مفتوح وهوى عالي .. بلش الفجر يطلع علينا
والكهرباء طافيه تعوذت من الشيطان وكمت
اتلمس الحايط لحد ما وصلت للباب وفتحتها
وبقيت اتلمس وانزل درجه درجه
مديت ايدي اتلمس وصلت للميز الي يم الدرج صغير
بس عليه جداحه ومفاتيح اكيد مال ماهر
اخذت الجداح واچدح بيها لحد ما وصلت للمطبخ
فتحت الجرار وطلعت شمعتين ثبتتهم عدل وشغلتهم
ضوء الشموع
نسيم نص بروده
ظلام ممزوج بضوء الفجر
هدوء .. واصوات افكاري فقط
حسيت بأيد تلتف على خصري ونفس صار بركبتي
جمدت بمكاني من حسيت اسنان صارت ؏ شحمه اذني
ردت اندار بسرعه اجت لهفه هوى قويه وطفت الشموع
شغلتهم بسرعه وانداريت واضوي بالشموع
ماكو احد بس انا بالمطبخ
طلعت امشي بهدوء للصالة ماكو احد
رجعت وردت اصعد للغرفة وانا اذكر جانو جداحه ومفاتيح ع الميز .. الجداحه بيدي بس المفاتيح ماكو
معقوله ماهر؟ بس ماهر ميتقربلي بهل الشكل اصلا حرام؟
رجعت اخذت نظرة اخيرة للبيت وصعدت للغرفة
قفلت الباب ورحت ثبتت الشموع ؏َ الطبله ونمت
اثناء نومي
احس الشباك انسد والبرده انسدت
الباب انفتحت دقايق ورجعت تقفلت
وحسيت الغطى يرتفع شويه
والجرباية من ورايه نزلت شوي
ورجع الغطى نزل عليه ..
دقيقه وحسيت بأيده صارت ع خصري و وجهه بشعري
فتحت عيني وتنفسي صار يصعد وينزل بسرعه
حَـس عليه وحط ايده عَ حلكي مثبتها بقوة حتى ميطلع صوتي ..
هَمسلي : ولحد الان مافهمتي تصرفاتي شنو معناهن؟
بَـعد ايده عني انداريت ماشوفه من الظلام وهو سد البرده صارت ظلمة ..
: الي سويته انت لا ينغفر عنه ولا يُنسى
-: انتي تحبيني المفروض تفهميني؟ ماسوي شي عبث
: شتريد اجيت لهنا!
-: اخذ راحتي وياج لانو مشتاقلج
: نسيت شنو سويت بيه قبل يومين من خطفتني؟
-: هنا المكان الوحيد الامان والي اكدر اخذ راحتي وياج
: وليش شنو الفرق؟
-: هنا مو مُراقب وراحتي كلها الي بحچه الزعل اجيتج
: يازعل؟ شدتحجي؟ مُراقب شنو؟
-: موضوع طويل وقصة ما الها نهاية بس انا راح اسويلها نهاية وانهيها هي وابطالها ..
: انت تقربت لبنت بالحرام وخيانه تعتبر الي لانو انا زوجتك؟
-: عقدت عليها
: عفوًا؟
-: من تردين تهجمين على فريستج لازم تمهدين الها الطريق حتى ماتحس بيج واذا دخلتي هجوم فاحش راح تنطيج الرد بأضعاف وانتي ممستخدمه طريقتج بعد ولا راح تلحكين عليها تشرد منج وتسوي الي تريده
: ليش اختاريت سليل؟
-: عجبني العب عليها
: ايهم لا تستفزني
-: ماناويه تسكتين شوي
: شوكت توصل ورقة الطلاك؟
-: ياطلاك؟
: طلاكنا
-: يجذب الجذبه ويصدكها
: ايييهمممم .. حط ايده عَ حلكي وشغل ضوه تلفونه
و وجه الضوه على عيوني وصفن ..
غمضت عيني حيل
-: افتحي عينج
هزيت راسي وغمضت حيل
-: هنادي لا تلعبين ؏ گلبي وهو رايدج
فتحت عيني وباوعتله
عيونه تلمع بدموع .. صوته تحول لبحه حزن وحنيه
انفاسه صارت مُتضاربه مع بعض .. صار يلهث بخفه
مايرمش مجرد صافن بعيوني
نزلت التلفون وطفه الضوه مالته تقرب يمي
باسني من خدي وراها لرگبتي
وهَمس وانفاسه الحاره تحت اذني : لا تحرميني منچ
عصر خصري بيده وصعد لوجهي باسني من عيوني
وراها نزل لشفايفي
بدون وَعي ؏ نفسي بس محسيت الا وانا اقربه واسحبه الي .. عَبرنا بهل الليلة عن مشاعرنا المدفونه لبعض .. حاول يعبرلي عن موقفه ويحاول يحجي بس انا فهمته عن طريق قُربه الي ..
فهمت منه مجبور ع هذا الشي .. عنده خطه تجاه سليل .. قرب ايهم الي وعاني على نفسي وع الوقت الي مشى وانا كارهته بيه ..
نمنا بحضن بعض براحه .. احنا الاثنين نتمناها سويه ..
ولك البدو راح يدخلون
فهد: امي وخواتي وحدهن بالبيت فاقد
فاقد: اروحلهم
فهد: قفل الباب و وصيهم مايطلعن دير بالك فاقد
جعفر: شكو غير افتهم
فهد: اكو كم رجال من عصابة د١عش يردون ايهم
وايهم مختفي ماندري وين ومايرد علينا وهذول يراقبون
فاقد: بدوووووو تعال حددت موقعهم يمعود
فهد: مايفيد ذول ارهاب يوكفون كدامك احباب تلف وجهك عنهم ينبلعون
زين: شنسوي هسه
جعفر: گلبي ناغزني ويكول ايهم ببيت هنادي
فهد: ماكو صار فترة ميروح الهم
جعفر: بكيفكم بعد
فاقد: بدو لازم نتلاحك عندنا وقت 6 ساعات بعد
وهسه بلش الصبح يصبح علينا
فهد: وانا شسسوووي وين اشوووفه بعد
جعفر: اتصل على زينب بسرعه وشوفها
.
.
كعدت الصبح ع صوت دگ الباب
انتبهت للجربايه فارغة
انا نايمه بملابسي؟
شموع ماكو والشباك مسدود
كمت على حيلي وباوعت للمرايه ركبتي صافيه؟
حلمانه ؟؟!!!
فتحت الباب وطلعت
زينب: وج وينج ادك وماكو
: نايمه وين يعني؟
زينب: اكلج ماتعرفين ايهم وين ماسمعتي عنه خبر؟
: لا ليش؟
زينب: مادري فهد خابرني يكول ماشفتو
: لا مشفته .. اكول زينب الفجر هم طفت الكهرباء
زينب: لا ماطفت ليش
: لا بس هيج
ودخلت للغرفة وكعدت على الجرباية وعيني بالكاع
حاولت استرجع الي صار الفجر
اذكر كلشي اذكر بس ماكو دليل يثبت ذاكرتي
لا آثار ولا علامة ولا حتى شي يثبت !!!
بس شي واحد غريب بأنو الفرشه رطبه
دنكت شميتها ريحتها غسول بس رطبه
مبينه مغسوله جديد ومفروشه .. الي صار تقريبا جانت ساعة 4 فجر وهسه ساعة 10 الصبح
يعني وقت كلش هواي .. نزلت اركض لزينب
: زييينب زينب
اندارت عليه ودموعها تصب بسبب البصل وتشهك
: انتي غاسله الفرشه مالتي؟
: انتي غسلتيها قبل لا تنامين شنو نسيتي!
: اني غاسلتها؟
: ايي انتي وحتى دفرتيني من الحمام وكلتي زينب اطلعي بره خلي اغسلها بيدي قبل لا يجي فهد هذا الحجي
هزيت راسي وصعدت بدلت ونزلت
سمعت زينب تحجي بهمس بالمطبخ
زينب: هاا .. ليش؟ .. لا اني كلت الها انتي غسلتيها
لا لا ماحست ع شي .. علامة مال شنو؟ .. لا ماكو شي صافيه .. ايدها اليمنى؟ شبيها؟.. خوش صعدت تبدل تنزل واتأكد منها .. شكللها؟... اذا طلعت ايدها حمره ع زراك مثل ماكلت اكللها انضربتي بالباب
خوش انتبه لنفسك .. يلا باي
رفعت ايدي ماكو شي رحت للحمام ورفعت رداني
وشفت ع جهه متني علامه .. هزيت راسي وفهمت الموضوع وتفكيري صح بس ديحاول يوهمني
طلعت ورحت للمطبخ وشديت شعري
زينب: ءء هنادي شو تعالي شويه
هزيت راسي بمعنى شنو؟
زينب: انضربتي البارحه بمتنج شو خلي اشوفها شلون صارت
رحت يمها ورفعت رداني وهزت راسها
زينب: سوده عليه هسه انطيج ثلج الها
: ميحتاج علامات الحب حلوه اذا بقت
رفعت حاجبها مستغربه
زينب: مافهمت؟
: يعني الضربه .. خليها يمعوده مالي خلك
زينب: الفجريه خابرني فهد ع ايهم وماندري وين
: ويامن جنتي تحجين چا
وجهها صار اصفر وصفنت بوجهي
زينب: سمعتي الكلام؟
: اخر كلمتين ال خوش وباي ويامن؟
زينب: هو ايهم بس مرايح الهم
: وين راح يعني
زينب: مادري والله
ومشى اليوم بروتين عادي بس الي استغربنا
ايهم ما اتصل علينا ولا راح لاحد بيتونا
فهد وفاقد وجعفر وزين وماهر
يفترون ويدورون عليه وكل شوي يتصلون خاف
متصل او سمعنا بشي يخصه ومن نسألهم يكولون
ماكو شي بس نطمن عليكم .. مع انو گلبي لاعب واحس اكو شي مو طبيعي ..
صعدت فوك لغرفتي ومانمت بقيت كاعده اكلب بالفيس ودخلت لصفحه ايهم مجان ينشر هواي
وطلعت للواتساب وانستكرام اشوف حساباته بس صافيه ومابيهم ظهور والواتس اخر ظهور الأمس ساعة 10صباحًا
وينه؟
يم سليل؟
ڪلكم صَرِت ماضي وما اهمه؟
أنتهَى كُلشي ويريد ابريله الذمه؟
آنـه تخونِي ذاكرتي مَرات
رَحمه لوالديكم هوَ شسمه؟
حَسباله يجيني الخَبرّ وأنهار؟
وسبع سنين أظل عايش الصدمة؟
أمشي ؏َ البحر أگضيها صفنات
احب ضي الگمر وتحبني نَجمة
وأشخطب ؏َ الرمل وأبنيله تمثال
وأظل ابجي وتجي الروَج وتهدمه
ويملون أهلي مَـن الأطباء
ويتجهون بيه ؏َ الأمـه
خطية هواي حلم رايح بعيد
وفَرق مابيٓن حلمي وحلمه
مَره حلمتّ چّني أمشي وياه
وبحلم زرت الحلم گصيت چدمه
أيهم
مَشتاقلها
وأفكاري مُتضاربه
في مكان مُغلق
أنفاسًا مقطوعة
مُربط اليدين ومُغلق العينين
هدوء ورطوبه
انا وين؟
هنادي ... هنادي رمز قوتي
انا بدونها ما اسوى شي
سويت كل الي سويته بسبب مُعين
راح تسامحني او لا ماعرف
.
زينب: مُسسسسستحيل لا تدخلووووني
فهد: بسسس اسمعي ولاتقاطعيني
اذا ماصرتي ويانا مراح يصدكووووووون
زينب: زين انا شعليييه
فهد: لخاطر ايهم لازم نسوي هيج ساعدينا زينب
فاقد: احلفج بالبدو زينب بس هل المره
نزلت عيني للكاع وغمضت بيأس وانا تحت قدرتهم ومو عارفه شنو اسوي او شنو راح اسوي
زينب: بس اذا انحل الموضوع ماتكولون زينب تدري
فهد: نحلها بس وافقي
زينب: خوووش صااار
.
ساعة 2 ليل
اندكت باب غرفتي
كمت فتحتها ماكو احد .. توقعي لو اسراء او زينب يمزحون وياي .. دورت بالطابق ماكو هدوء نزلت للمطبخ كذلك ورجعت لغرفتي
قفلت الباب
وانداريت وردت امشي بس استوقفني شي غريب
رجال واكف بنهايه الغرفة بالزاويه وداير وجهه
ماعرف اذا رجال او مره بس كـ هيئة طول وضخامه رجال بس كله اسود
ماحجيت
مديت ايدي للقفل داحاول افتح الباب
درت وجهي للباب
ومن الخوف رجعت ردت اتأكد من الموجود واول مادرت وجهي لكيته واكف بوجهي شي اسود واضخم مني نفخ بوجهي وانا احس بلعت لساني لانو ماصرت انطق واصيح
انسحبت من شعري حيل وانشمرت ع الجربايه انداريت ماكو احد بس شي اسود واكف بزاويه الغرفة
دثرت روحي بالبطانيه وانا الخوف ماليني ملي وماكدر احجي احس فقدت حاسه النطق عندي
صار عندي ادرار من الخوف والرهبه
والتنفس مادري اذا جنت اتنفس او لا من الخوف
وغطيت نفسي وغمضت حيل
ماحسيت الا على ...
