رواية خيط وابرة الفصل الرابع والثلاثون 34 بقلم شمس العراقية

لينــا ـ طول هالفتره المرت والأمتحانات هم خلصت بس الانكليزي أجلته جانت الأسئله صعبه ونور ولبنى يحجون عليه جان أمتحنيتي شكو عايفه بس هالدرس وأصلاً أني من نفس مستواي الأول ما درست رغم شگد جان عندي حماس وواهس طفيت كلش ومعدلي طلع مو شيء ٧٠ وحيل ضجت وقفلت الأ أعيد حتى خالتي هم گالت عيدي ونافع أيديني أعيد گال بعدج تلحكين عالجامعه وكلهم وكفوا وقنعنوني أعيد أحسن

وخالتي هم ضاجت لان شكد صرفت عليه فلوس وأكل وكرزات شكد وكلتني عبالك رابطتلها طلي أضحيه تريد تسمنه واني لا اسمن ولا اضعف جسمي مأخذ قالب . 

بس لبنى شحيات من تريد تسمن تسمن من تريد تضعف تضعف هسه هي لان ترضع ضعيفه جسمها رشيق وأثنيهن على صدرها وأبداً ما ترضع حليب بس الفضل يرجع لخالتي يجزيها الخير هواي تهتم وتعتني بأكلها كله من شجره لاخلاط حتى شعرها طولان من الأكل التأكله والرضاعه صحه للطفل والأم وخالتي گالت طالعه على أمج جانت مترضع قواطي كله طبيعي . 

رحت القصر جانت نظراته هالمره فاضحته وأحس الكل كاشفينه حتى نافع مركز ويانا وداك عيونه علينا شگد أتهرب منه الكاه يباوعلي .. 

من نكون بمكان واحد أحس بس أني وياه وفاصلين عن العالم .. بس نظرات ما بيها أي شيء ثاني ما أعرف هو يريد يختبرني لو فعلاً معجب مرات نظراته بيها حنيه مرات حاده يمكن ما يريد يفضح روحه كدام أهله وهو عاقل وشيخ بس شنو شيخ ما يحب ما عنده گلب . 

كاعده بالمطبخ يمهن ويشتغلن ويطبخن وطبخ هواي وصعب الله يساعدهن كل جدر وگومه لحم وتمن وشعريه بس عمتي صالحه ذيب تمعط الشغل معط على كولت حبوبه . 

صالحه ـ لينا گومي جيبي الصياني من المخزن وأكعدي صفطي الخبز بيهن وبدربج شطفيهن عالبوري زين دبة التايت عالمبرده هي والجلافه . 

أي عمه گمت وعيون لبنى وراي والله قلقتني بنظراتها

طلعت وأعدل بشالي وسمعت صوته من ورايه 

الشيخ حربي ـ لينا . 

لينا ـ فراشات بگلبي من گال أسمي هيج لزمتني رجفه أريد أندار ما بيه هذا شلون متبع أثري وين أروح وين اجي ولحگني شمدري أني هنا .. 

أنداريت وحجيت وأني منزله رأسي .. ها شيخ .

الشيخ حربي ـ هلا بيچ وين هالغيبه والجلب العضج حشيت رجلينه طولتي علينا 

ـ أرتبگت بالمهلي شيخ . 

ـ عاينيلي ليش عيونج بالكاع .. يا بنت الأجاويد لتكابرين هواي تره عيونج گالن الحچي كله گبل لا تحاچيني . 

ـ لازم أروح شيخ تأخرت... مشيت منهزمه منه وأنضربت بعمتي وهبيه باوعتلي بشك هو تشوفه عبر من يمنا أنتظرته يمشي وگبل جرتني وضغط على لحم أيدي عمه على كيفج جاي توجعيني وين مأخذتني . 

وهبيه ـ تعاي چاي أحاجيج يالمكموعه شعدج ملاحكه أبني ما تركحين بكاعج رأسج راس المطيور 

ـ عمه شهل الحجي هذا شجابني على أبنج 

ـ شجابج ولج منو چا عبالج أني غشيمه عبالج ما أدري بيج مركصتله بعيونج مسودنته من الله يكمعج .. وأنه الأوصي وأكولج ثكلي ولج يمه ثگلي لاتضلين بس تفترين بس حجي عبس ما منج فايده خفيفة رأس بس لو تموتين ما تلوحين ذيال دشداشته . 

ـ عمه حدج لهنا مـا أسمحلج شتحجين عليه هذاك أبنج وروحي حاجي أني شگو وهو ملاحگني مو أني ملاحكته

.. عفتها وهي تحجي وراي حيل ضجت منها وگبل رحت الغرفه يم البنات حبست نفسي يمهن دمي أحترك من كلامها وأني لا حاجيه لا فاگه حلگي أبنج هو رايدني . 

ومن نور گالتلي روحي گولي لنافع علمود يوصلنا رحت وسمعتهم يحجون هو وأخو وگفت لان وگفني كلامه 

حربي ـ أني ما أريدها وحتى لو صارت هم مو الأولى أخذها الثانيه أو أثني عليها 

نافع ـ هااا حجج وأنتِ ذبيتها برأسي لان حاط بالك وعينك على لينا وأني أحساسي ميكذب لاتقنعني

بس خلص صارت بعد وأني ما مستكثر هذا الزواج بس بالنهاية أمانة باقر ولازم نصون ونحافظ على أمانته وتوقعتك أنتِ الأول بهذا القرار أصلاً من طلع أربعين المرحوم گلت مـا يناقش أحد گبل يعقد عليها علمود البنات بس تفأجئت بيك طلعت ما تريدها وأبالك أختها 

وهذا هو في حال وافقت... لبنى وبنات صارن بمسؤوليتي من هاي للحظه وأنت ساحب نفسك بكل الأحوال وخطية أمك ودمعتها أني بريء منها مالي شغل أنت حاجيها وفهمها هالحجي لحد يلموني بأي قرار أتخذته دامكم تردون أني أتزوجها . 

لينا ـ طلع سريع وشافني صفن عليه وصاح بيه 

نافع ـ شعندج واكفه 

ـ دزوني عليك گالن خل يشغل سيارته نروح البيت 

ـ ماشي .. يله روحي منا 

ـ حجاها والشيخ جان واكف مشيت ونافع مشىٰ وهو ضل يباوعلي نظراته تبين هو شكثر مزعوج ضايج من نافع وأني ضايجه أمه وصفنت بوجه وهو ساكت وتذكرت كلام أمه وأحترگت بنفط ونار . 

الشيخ حربي ـ عش فاتحه حلگج بوجهي

لينا ـ عفته ومشيت سريع ورجعنا البيت بدون ما أباوع وراي ونار تأكل الأخضر واليابس أني غبيه شلون هيج تعلقت بي وبنظراته وعيونه وصوته أويلي على صوته سوى ضجه برأسي .. ليش هيج عمه إشسويتلج 

مرت هالفتره بزواج لبنى ونافع ورحت السوك وياهن وخالتي أشترلي ما خلت شيء بنفسي وما أريد أثكل عليها لان هواي صرفت عليه بالسادس بس هي متقبل تكول راتب أمج وأبوج منين تميلين تغرفين ..

ولبنى گامت تبقي راتب يم خالتي هي تتصرف بي نشوفها ما مقصره وزينه أكثر من اللازم صح مرات تتعصب عليه وتحجي بس متعلمه عليها أني وياها من يوم يومنا مناگر بس الشاهد الله زينه ولا عبالك هذيج المره المتسلطه الحرمتنا من أبونا وخلت أمي بحصرته بس يله هي هاي الدنيا يوماً لكَ ويوماً عليكَ .. 

والحمدلله أرتاح گلبي من لبنى صارت لنافع هيج صدك أكول أختي صارت بإمان .. 

‏مثل كل يوم اتعلم دماغي يكعد الصبح و‏مثل المنبه الكه نفسي كاعده ‏طلعت الكل نايمين خالتي ونور نايمات فتحت عليهن الباب وأباوع على بنين رجليها بلحك أمها هالفتره مأخذات الجربايه وخالتي وميثم ينامون بالگاع .. أنقهرت عليها وعلى بنتها يمتى

يجي دورج وترتاحين .. 

عمي جان ملتحق وبس نبأ هم بعدها نايمه هذنيج موليات بيت جدي وخلصانين منهن ومن شرهن 

طلعت بالباب المطبخ بس ميثم يفتر ‏شنو ما نايم لهسه لو كاعد شابع نوم 

ميثم ـ لا كعدت قبل شويه راح أروح اجيب صمون أسوي ريوك جوعان ‏تردين شيء أجيبلج وياي 

ـ ‏أي هاك ملازمي رتبهن خل يجلدهن أبو المكتبة 

ـ ‏اووو شيوديني اله مو وگتج سوالفج لينا أجليها عالعصر 

ـ الله عليك وتلكاه مفتح هسه لأن جماعه المعهد يجن من الصبح يستنسخن عنده .. أوكف أنتظرني ‏رحت جبتهن وأنطيته كروه هم ‏اخذهن وطلع غسلت ورفعت شعري ذيل حصان وافتر بالحوش عبالك تأخر ‏هستوني ردت افتح الباب امد رأسي اشوفه ‏جان يندك الباب قوي أنكرصت كبل فتحته ‏وتطلعلي خالتي لميعه ‏والشيخ!! 

‏انخبصت وتوترت ‏هلا بيكم . 

الشيخ حربي ـ ‏هلا بيج عيني شعدج كاعده من الصبح

لينا ـ ‏أجاني صوته المسوي ضجه برأسي وخالتي گبل أنهزمت راحت المطبخ ورجع حجه 

حربي ـ ‏شعدج واكفه وره الباب شتنتظرين

‏ـ انتظر مستقبلي .. أقصد أنتظر ميثم دزيته يسوي ملازمي يكبسهن وأشو أتاخر .. 

‏اركز عليه شلون سد الباب وارتاج وأيده مخليها عالحايط

و‏عيونه تبحرلي بكل جرأه وصلافه 

ـ ‏ليش مو كملتي سادس شسوين بالملازم بعد 

ـ ‏لا اني كملت بس معدلي ما ينطلع بي راح اعيد

‏ـ ليش ٧٠ شبيها ما ينطلع بيها

ـ ‏عززا بعيني هذا شمعرفه بمعدلي جاوبته .. ‏لا شيخ ما بيها شيء بس مو البالي وأني ‏البالي معدل وقسم يناسب شخصيتي . 

‏ـ أهــا جيد جيد

ـ هذا عينه صلفه شلون يباوع ويتفصح بيه ‏اني لابسه تراك عريض لونه ابيض وردي ومخليه شال نص ردن كفالة وجه .. اخذت نفسي ‏وكتله ‏أروح اكعد خالتي 

‏ـ لا ما يحتاج اني ما جاي على عمتي 

ـ ‏التفت عليه وإني اشوف خالتي لميعه تشرب الچاي وتباوعلي وترفعلي بحواجبها و‏عفته ومشيت عليها

هذا نظراته تحسسني اني عاريه! 

‏ما أدري هو هيج نظراته ما أدري اني مو راحه واتخيل وعقلي عاش بإحلام ورديه حتى سافر هم وياه ‏رحت اخذت ازار الصلاه لبسته وخالتي لميعه تضحك 

‏ضحكيني يخاله شيخكم شبي وياي اني مو غشيمه 

لميعه ـ ‏دروحي شوفي شيريد جابني مستعجل وعلى عمى وجهي من وراج 

لينا ـ عزه عمه تردني أني أروح عليه شسالفه 

لميعه ـ أي چا أني دأمشي شوفي شيريد

ـ أها 

ـ يريد يجس نبضج تحرگي گبل لا أحد يگعد 

ـ هزيت رأسي و‏رحت لكيته كاعد بالحديقه ‏كعدت كباله عالكراسي .. باوعلي وحجه 

حربي ـ ‏اني جيت وگلبي مطاوعني عليج ‏أني شاريج

‏قصدي گلبي هاويچ و‏من الاخير اني طالبج على سنه الله ورسوله ‏وجيت اعرف حقيقه نظراتج ‏اريد اعرف گلبج هم دك من شافني

‏اني ما أتوقعت يوم هيج يصير بيه من نظراتج وحركاتج

‏غيري يشوفج خفيفه ‏بس اني اشوفج ريشه تلعبين على گلبي 

‏أنتِ حتى سكوتج يوجع أنتِ لسان مو فقيره و‏انه شايفج شون تتداهرين ويه نافع و‏سامعج شون تراددين عمتي سميعه و‏اعرف بيج حقانيه وكحه هم. أنتِ عقلج يوزن بلد وثگيله بإفعالج

و‏يمكن اني اتسرعت بقراري بس أنه أنظر لبعيد حيل بعيد اني رايدج وهاويج وگلبي حبج ودفر بشوفتج

لينا ـ ‏هو يحجي واني عصافير ما تزقزق بالحديقه لا بگلبي وأول مره إنسان يصارحني ويشوفني مثل ما اني ويفهمني بكل حالاتي. ‏ضليت ساكته ورجع حجه 

ـ هسه ندري هذا ثكل مستحى رايده تلعبين علينا . 

ـ لا شيخ 

ـ چا شنهي طلابتج ويه طلابة گلبي 

ـ و‏فجآه واندك الباب قوي وجفلت من الدگه حتى هو حس بيه ‏طلعت ‏هو يبتسم وخالتي لميعه اجت كعدت يم حربي

‏فتحت الباب ميثم ووراه نافع ‏! أدري شجابك انقبضت روحي عبالي جلمود الحصو أجانا 

‏نافع ـ هلأ صباح الخيــر 

لينا ـ ‏هلا عيني صباح النور .. باوعلي بشك وعبرني وراحلهم گدامي .

نافع ـ ‏اليوم الشيخ منورنا زارتنا البركه والله وأني اليوم هجيت من وره البنات مخلصات حفاظات وامهن هججتني رحت جبت ورجعت وشفت السيارة طابگه يم الباب كلت اصبح عليكم

حربي ـ ‏هلا بيك نافع اكعد اكعد اشرب جاي

‏لينا ـ أخذت الملازم ورحت للمطبخ خليتهن عالثلاجه وصبيت الجاي وميثم خبصني يريد ريوك 

ميثم ـ تعالي طگيلي بيض سويلي ريوك مو گبست الج الملازم وجبتلج صمون

لينا ـ دعوفنني هسه وگتك ووگت گرشك

ميثم ـ لو مولي متريك يم لبنى أشرفلي 

ـ دولي روحلها خل تسويلك 

ـ هو رايحلها چا أضل مگابلج 

ـ روح وخلصني طلع ويغم بيه وطلعت وديت الچاي لـ نافع يباوعلي صفح وحجه بصيغة أمر وبحديه 

نافع ـ ‏سويلنا ريوك وصارلهم ساعه هنا شجنتي تسوين .

حربي ـ ‏على كيفك نافع ما صار ربع ساعه

نافع ـ ‏شيخ اني حجيت وياها مو وياك

لينا ـ خررب بيومك نافع شون حس

نافع ـ ‏عمتي وين ما تعرفين مالات الأوادم 

لينا ـ شبيك نافع شديت وياي خالتي لميعه ماعدها شيء وأجتي علينا وكالت خليهن نايمات ‏والشيخ كعد هنا . 

‏ـ وأنتِ وين جنتي 

ـ ‏يم خالتي

ـ شيخ أني حذرتك بس أنت ما ناويها على خير 

ـ حجاها و‏حربي عبالك أنزعج حيل من تصرف نافع وكلامه ضل ساكت وكاعد على أعصابه وواضح من لزمة السبحه شلون ضاغط عليها وكل هذا ‏نافع مغلس واندار صفح ‏وهو گام بدون كلام وطلع واني رحت اسد الباب وراه و‏نافع مركز بحياتي اكثر مني ضل يباوعلي وراي متبع أثري خرب بيومك شجابك هسه دضل يم لبنى ما تنعاف . 

حربي شگد جان مزعوج بس قبل لا يصعد السياره التفت عليه ومبتسم . 

‏لينا ـ أنطيني وگت .. ما حجه بس هزلي رأسه ‏وسديت الباب ‏ومن رجعت تلگاني نافع متحزملي هذا ما ناويها على خير شد وياي بعد جيب اليخلصني منه . 

نافع ـ أي ست لينا ‏بعد جم يوم لا تجين تبجين يمي

وتگولين أني تسرعت بقراري وتندمت! 

‏لان من هسه أحطهن كدامج لا يوالمج لا بعمرج لا بثقافتج لا بيئتج لا مجتمعج ‏كلشي ما يناسبچ وأنتِ مو لبنى ولا هو باقر ولا نافع .. 

‏وأني ما تخفى عليه شغله ‏البزون بالشارع يفوت اشوف أثره 

ـ ‏مو هيج سالفه نافع 

ـ لا هيج ونص ومحد رايدج بس هوو وتالي وياج تردين تخبليني هاي عيونج أفگسهن الج لينا ‏بس ميفيد وياج الحجي عبس وأنتِ هم قافله مثله

‏هاي عيونج من تباوعله هاي النظرات حافظهن عالغيب اعرفهن أني و‏يلا توكلي اني كلشي اسوي لمصلحتج وحجيت العندي وسويت العليه والله والله أنتِ اعز من خواتي على گلبي

‏وهاي عمتي لميعه تشهد وخل تحجيلج ‏حبوبه شكالت من گالوا لينا لحربي ‏مو كالت التاخذ شيخ مثل المي بالصينيه ‏على ياساعه يجيبلها شريجه وتوقعي على ساعه يجيبلج وحده ويصدمج فتحضرلي من هسه 

ـ اشو حبوبه جدو حبيب ما جابلها شربجه . 

‏ـ لچ أنتِ شمعرفج ‏هاي عطايات چرىٰ على گلبها شرايج مو وحده ثلاثه! ‏بس ماضل منهن ولا وحده ‏لان هيه مره شيخه تحملت وصبرت وحكمت عالكل وما خلت مره تاخذ منها الشيخه 

ـ ‏يعني ثلاث شرايج

‏ـ أي 

ـ ‏لعد وين راحن

ـ ‏وحده ماتت على الولاده هي والبطنها ‏ووحده بس ليله وحده ولد عمها أخذوها ‏وحده تطلكت ‏وضلت بس عطايات شيخة القصر 

‏بس أنتِ وين بيج حمل هيج سوالف ‏أقسم بالله اذا ما غازلج يوم تطنكرين عليه ولج أرعنه هذا الشايلته برأسج شغلي و‏لا تنغرين بالشكل والهيبه والقيافه ‏ترى داخل الأنسان شي وخارجه شيء وواقعه شيء ثاني . 

ـ ضليت ساكته 

ـ ما منج فايده وصغيره شحجي وياج شيفهج بهل السوالف ينراد الج سنة كاملة تمرغلج الدنيا وتدگج دگه زينه وهذاك الوگت تعرفين نفسج وتعرفين الله وين حاطج 

لميعه ـ نافع عمه لاتثگل بالحجي ومهما يگون أخيك لاتكسر بي وحربي خوش حربي چا شبي ما تريدها اله 

نافع ـ عمه أدريج صافه وياه وجايبته وچايه ومكعدتها گباله بس الما تدرينه هاي يتيمه وجاهله مو گد حربي وعيشته وفصوله وينها وينه

والعيب مو بأخوي ما حاجي ولا مصخم وجهي وجايب طاري بس ما ترهمله وما أريد أشيل خطيتها هاي جاهله عمي جاهله ما تتحمل 

لينا ـ بقيت ساكته وهو طلع جگارته دخنها وموبايله أتصل جاوب وهو يباوعلي بعصبيه 

نافع ـ أي هسه أجيبهن وأجي .. أجييت . 

لينا ـ قطع الخط وشال جيس الحفاظات وعلاكة الصمون والكيمر وطلع ونفض جكارته بالكاع بعصبيه باوعت على خالتي لميعه ساكته مثلي حيرني نافع حيرني .. 

‏للظهر خالتي لميعه ضلت يمنا ورادت تروح على لبنى تشوف البنات بس أتصلت على لبنى تجس نبض أحسها تخاف من نافع ولبنى گاللتها من رجع لحد

هسه عصبي يفور فور وخلت وگعدت. 

واني طاوعت كلبي هالمره وتجاهلت كل الاصوات

‏إلي تمنع گلبي من الفرح وأني أتذكر أبتسامته ولمعة عيونه من يباوعلي أفصل بحضرته . 

‏خالتي لميعه كاعده تقنع بخالتي ‏وخالتي رافضه أمر من نافع وكلها رافضتنا ورافضين أرتباطنا ورافضين حبنا كلها ضدنــا يا شيخ .. 

گمت عليهن وأسمعهن يحجن بينهن وخالتي رافضه 

سميعه ـ ‏لينا بنت دلال يلميعه مو حمل وهبيه وشغلها

‏ويأخذها للقريه وهي ما متعلمه على الشغل الثگيل

لميعه ـ خوما يأخذها يحصدها وينگلها چا ما تدرين بشغلنا . 

ـ چا ودراستها منو يخليها تدرس والله اني تعبت وياها وشهدت عليه شكد تعبت بدراستها و‏لينا احلامها جبيره

أنه أريدنها تدرس تتخرج تتعين ما أريد ينشلع گلبها مثل أخواتها شنهي ما عندي خبز أزوجها بهذا العمر يله هسه خلصت السادس وتلحك على شلعان الگلب 

وأنه أدري بعيونها تزرزر بيهن ‏بالتالي القرار إلها اني اخاف لا تجيني يوم مهضومه . 

ـ ‏لا تخافين هو يحبها ورايدها وعاند امه عليها وقابل ما تعرفين ولد أخوج شكثر يحبون نسوانهن مو باقر الله يرحمه جان يباوع على حلك لبنى ويتفدا طولها . 

لينا ـ باوعتلها وسگتت .. وتغدينا وبالي كله يمه 

‏للعصر ونور تفتر وتباوعلي

‏نور ـ هسه من يجي عمج محمود عود استلمي عجاجته عليج . 

لينا ـ ‏ليش اني شمسويه . 

‏ـ أنتِ مو ردتي تعيدين والبارحه امي كالتله لو كلب الدنيا جنتي نايمه و‏كال تنجب وتروح تقدم تربيه ام حلك

ـ ‏اووو ليش هو بكيفه اني أقرر اعيد هو شگو مدخل روحه وصاير والي 

‏ـ چا بكيف الشيخ مووو

ـ تحجي وتغمز نور دگافي عاد صرتي مثل ربعج 

ـ منو ربعي 

ـ نافع ولبنى أنتِ هم طبگتي وياهم شدعوه عليچن ما حبيتهن ما عشگتن ما گلبچن دفر بالعشك بس لينا حرام عليها وعليجن حلال كفرتني بالأسلام 

ـ أكولج أگلتيني حاصل فاصل شگو ووجع زين 

ـ روحي عني نور أكرهه المثاليات لاتصيرين برأسي الخوش بس أني طايح حظي ورأسي خفيف ومن هالحجي خو لبنى عبالك جايبته للبيت . 

ـ صخام الصخمج سدي حلكج هي غير علمودج ترى خابرتني مقهوره عليج وگالت نافع علمودها يخاف عليها لينا بعدها جاهله 

ـ ليش جاهله مو گملت السادس هي ما تگول على نفسها من أخذت باقر بعدها جاهل عقد ما عقدوا الهم الا جدي راح المحكمه شوي بطلن هالأسلوب التحجن بي

ـ خلص الحياة حياتج كيفج بس ما نريد ينشلع گلبج 

ـ سگتت ‏وسمعت صوته بالمطبخ يمكن رجع يأخذ خالتي لميعه طارت روحي وأني أسمع صوته گبل رتبت نفسي دفعتها وهي مجلبه صحت بيها د‏عوفينني اني رأسي خفيف شعليكم بيه .

‏طلعت هو كاعد عالكرسي يفر بسبحته ‏من شافني رفع رأسه يبتسم عاض شفته ‏خررب لكيتهن كلهن يباوعلي ‏استحيت ورجعت هو يبتسم ما بطل حلكه انشك من الابتسامه كون عطايات تجي تخيطه 

‏تحضرت خالتي لميعه تمشي وياه وطلعت عليه وهو رافع راسه يدور عليه 

‏طلعتله من باب الصاله بس أبتسمت و‏هو يضحك ويه خالتي جن الكاع ما سايعته عاد‏ دخلت ونور تگفخ بيه رجت رأسي رچ 

‏نور ـ أني أطرد بيج منا تطلعين من باب الصاله تأشريله

‏لينا ـ عززززه نووور والله ما أشرت بس ابتسمت ‏والله هو الشيخ خفيف مو اني 

نور ـ أي طبعاً شافج وأستخف ضل بيها شيخ 

ـ نور لاتزعليني منج أمانه صارلي شگد أحبج لاتخليني أكرهج بهاي تصرفاتج خليج صاحبة موقف لاتمشين ويه الموجه ترى بعدين تصفى سوالف وكلمن يضل بسواد وجهه . 

سگتت ما حجت بعد تخاف تخسرني وأجتي خالتي تضحك وفرحانه ..حاجيتها ضحگينا وياج خاله 

‏سميعه ـ جان ضحكتينا وياج أنتِ وحربي حلوگمم ما أنسدت نسردت سريده 

لينا ـ ‏فشلت ورجعت لغرفتي للليل وبعد ما طلعت وعمي محمود جان بالدوام وخابر على خالتي والعرفته منها ‏باجر المشيه وگطعان المهر و‏الشيخ طالب لينا 

‏وخالتي أنخبصت خبيصه وأني متمدده فرحانه والكاع ما شايلتني من الفرحه... سواها الشيخ وراح يچي يخطبج يا لينا هيج حظي حلو! .. 

_____

لبنى ـ گعدت الصبح على صوت الدريل والصوت يدك برأسي شهل الأزعاج من الصباحيات هذا شعنده شنو ما نايم حلمان بالشغل .. 

گمت أدور شالي والملم بثوبي والباب أندك 

نافع ـ لبنى فتحي الباب . 

لبنى ـ گمت فتحلته ودفعه ودخل مزعوج أخذ شاحنته وطلع وقبل لايطلع گال 

ـ كعديهن خل ينامن بالصاله أجه يشوف التبريد وأنتِ روحي بالغرفه الثانيه .. بس أستعجلي 

ـ كعدتهن وفرشتلهن بالصاله بعد النوم بعيونهن وأطبب عليهن ودخل هو أشرلي ورحت الغرفه الثانيه حاره جنهم أنسلك سلك وطولوا 

نافع ـ يعني هسه ما يتصلح 

ـ لا والله أستاذ وعبالي شغله كهرباء بسيطه گلت أسويها الك .. الا واحد شغلته هاي . 

لبنى ـ طلعوا وأندك الباب طلعت مختنگه ها سواه 

نافع ـ لا مو شغلته وهذاك أبوي متوفي دبرن نفسجن بالصاله لما يجيني ويصلحه . 

ـ هزيت رأسي ودخل أخذ ملابسه ودخل الحمام وخليت الچاي عالنار وطلع بنشف بالمنشفه لونها أحمر وبداخليات وأجتني الضحكه تذكرت سالفة لينا 

ـ ووجع شگو تضحكين شفتي شيء 

ـ أختفت أبتسامتي ووفشلت منه لا ششوف قابل

ـ شمدريني شككتيني بنفسي عبالي طالع مصلخ كدامج وما أدري 

ـ يبووه صخام الصخمني هذا وين راح باله . الله لاينطيج لينا على هالموقف الخايس. لملمت كرامتي ومشيت صبيت الچاي وهو دخل لابس وأجه أسويلك ريوك . 

ـ لا بس چاي 

ـ طلع جگارته ودخنها ويشرب چاي هذا ريوكك 

ـ أي 

ـ رجعت أطبخ الغده وعاف الأستكان عالسنك وراح كعد بالصاله بس أسمع صوت موبايله يتصفح .

تغدينا وهو ضل بالبيت ما طلع عبالي أروح بيت أهلي بس هسه يگول البارحة جنتي يمهم خليت وكعدت . 

وأجه لليل وسالفة المنام الگشره بس أظلمت الدنيا نقبضت روحي وأخاف من خياله مو بس منه عكس النهار مكشوف وأمن من عنده والبنات يلعبن مسويتهن درع

بس أشو هسه بس يتعشن يطفن وگبل ينامن مدري لان هدوء وسكينه والنهار كله يلعبن فه يتعبن وينامن 

چبتله الچاي ما منتبه عيونه بالموبايل .. كعدت أباوع ويه البنات شيباعن أباوع ورانيه نامت بس رفيف تفرك بعيونها گمت فرشلتهن وفرشتلي وهو يتصفح

نافع ـ ها تنامون 

لبنى ـ أي البنات نعسن 

ـ ديله وأني أنام بالغرفه ما أخذ راحتي هنا 

ـ حسيته يبسمر عود يقصدني .. جاوبته مو حاره

ليش ما تنام بالأستقبال

ـ لا عادي أني أحب الحاره والأستقبال ما بي سبلت بعدني ما شادله وهيج أحسن علمود تأخذين راحتج ولاتخلين بالج وتخافين مني أمني وارتاحي . 

ـ شال موبايله وقفل الأبواب وراح الغرفه نوعاً ما أطمنيت ما بدر منه أي نظره أو حركه محترم نفسه 

.. طفىٰ الأضويه والبيت صار أظلم وباب الغرفه عافها مفتوح وبس شاشة موبايله مضويه المكان .. 

ونمت والصبح كعدت قبله خفت نفسي أتكشف شوي مخربطه بنومي همزين جان بعده نايم والبنات كعدن ورانيه راحتله للغرفه عفتها وشلت رفيف أشطفها وأسمعها يحاجيها

نافع ـ وين بابا وين تردين هاج موبايلي وروحي على أمچ . 

لبنى ـ دخلت الغرفه وهو نگلب على بطنه نعسان وأجيت أدور حفاظات ماكو شلون سالفه نافع گوم مخلصه حفاظات . 

نافع ـ ونافع يشتغل عند الخلفوج نافع گوم

ـ شگولك 

ـ ما جان تحجين 

ـ وهسه حجيت . 

گعد گبل همزين مو عجوزي جان طگ گلبي .. غسل وشال محفظته وبطريقك صمون 

ـ بعد تردين شيء تذكري 

ـ أخذ موبايلك أذا أجه أبالي أگولك 

ـ غده عندج مو

ـ أي 

ـ ديله ديري بالج عليهن من الدرج لما أجيبله واحد يسولي باب وأخلص من هالسالفه . 

ـ طلع وتأخرت وأجه ميثم سويتله ريوك ويحجيلي منو يمهم وتفاجئت الشيخ يمهم ها شوگت أجو 

ميثم ـ أجيت ولگيتهم عفتهم وأجيت عليج 

لبنى ـ هلا بيك عيوني تريك بالعافيه عفته وأتصلت على نافع وعاط بيه وواضح النبره شگو يا ساتر وأجه وعافهن وصاح عليه 

نافع ـ أني مو موصيج من الدرج شوفيها وين صاعده 

لبنى ـ شمدريني هي سريعه 

ـ شنو شمدريج غير تتنبهين عليها

ـ نزلتها ودخل وركع باب الغرفه شاله من مكانه الا فزيت 

ورانيه لحكته وعاط بيها 

ـ تعاي أخذيها من يمي 

ـ دخلت شلتها وركع الباب وراي هذا شبي جنا بارود وميثم خطيه شال لفته ونهزم 

للظهر كمل الغده وهوو ما طلع من الغرفه ودگيت الباب نافع كاعد 

ـ أي دخلي . 

ـ ما تجي تتغده ما حجه بس يدخن نافع شبيك 

ـ أختج لينا 

ـ شبيها

ـ حربي يريدها وقافل عليها وهي كذلك وهذا الشيء. مو من صالحها أختج عودها طري مو مال هيج زواج ومسؤوليه وعوفج من حربي وخالتي ما تريدها بإي شكل من الأشكال هي من سالفة زواجنه حاقده أدور حربي يكحلها بسالفته . 

ـ حجيت وياها هي تسمع منك وأني هم والله أحسها ما توالمه 

ـ حجيت بس ميفيد بالنهاية هاي حياتها ومو من حقي أحجي وأتدخل وتكرهني بس أني علمودها ما أريدها تنكسر وينها وين الزواج خل تكمل دراستها على الأقل ولعلمج حربي مستعجل . 

ـ مستعجل شگو ومنو يكول نوافق خوما بكيف لينا هذا زواج مو لعبه 

ـ چا بكيفي وبكيفج .. عوفيها لاتتدخلين لا خابرني وگال لاتتدخلون لا أنتِ ولا أم رانيه . 

ـ خله وطلع مزعوج وردت وخابرت نور وحجيتلها وأنصدمت مبلغهم على المشيه ورجعت على نافع لكيته طالع . راسلته وين أنت 

نافع ـ يم أبويه كاعد هسه أجي ليش رايده شيء 

لبنى ـ لا هيج بس سألت .. تعرف الشيخ يريد يجي يخطب 

ـ أي عرفت وصايره مشكله بالقصر هو وخالتي وهبيه محد راضي الكل رافض رفض قطعي الوحيد هو ضال على قراره ومصمم بصم . 

ـ تمام .. عفته وضليت حايره ولكيت نور دازتلي رساله 

نور ـ لبنى تعالي العصر من وگت خل نافع يجيبج بس أمانة الله من هسه من تجين أفرحيلها خطيه وأمي وصتني أكولج هي رايدته بعد شنسويلها تحبه المسودنه وهو هم قافل عليها والله گايل لأمي لو تخلونها بقوطيه أخذها من حلك السبع . 

لبنى ـ تمام عيني هسه يجي نافع وأكوله .. وأجه عادي تأخذني البيت أهلي خالتي دزت عليه 

نافع ـ ديله تحضري 

لبنى ـ لبست عالسريع وطلعنا البيت وشفتها باركلتها الف مبروك حبيبتي تستاهلين كل الخير .. عيونها لمعت وحضنتني 

لينا ـ الله يبارك بيج عيني .. أجت لبنى ونور فرحانات إليه ‏بس بينهن يتهامسن . 

لبنى ـ ‏والله امه ما راضيه ومتعاركه بس شنسوي هي بعدين ترضىٰ أول تالي ‏

نور ـ دباعي عليها شلون فرحانه 

ـ ‏سوده عليه گظتها هم بهم

‏ـ أمي توصي وتكول لا تنغصن فرحتها. 

ـ ‏لا شعلينا مزال يحبها ورايدها اكيد ماراح يقهرها أن شاء الله 

أكولج لينا نافع يگول باجر المشيه گطعان المهر

‏لينا ـ مـــا أدري أني گلشي مـــا أدري . 

لبنى ـ ‏دكومي كومي نحضرج كبل لا يجي نافع ياخذني

لينا ـ تمام و‏نور جابت الشمع والجهاز أكولجن أصلاً اني شهبه مابيه شعر . 

نور ـ ‏دنجبي هو كله ينشال حتى الزقب تتقربي عليها خل تحفلج زين 

‏لينا ـ أخذت من حواجبي ورتبتت وجهي 

لبنى ـ و‏فستان منين نجيب 

لينا ـ ‏مدري خالتلي كالت الصبح هي ونور هم يروحن يشترن غراض تقديم وسوالف لكطعان المهر 

لبنى ـ نور فدوه أشترلها فستان قفطان مرتب

نور ـ أي شلون تدلل 

لينا ـ ‏كملت ورحت سويت تقشير لبشرتي و‏عبالك تحسست . 

لبنى ـ ‏اي بالهبله هو أنتِ شمعرفج من تحفين لازم ما تقشرين هاج هذا مرطب زين خلي منه خلي 

لينا ـ أخذت المرطب وخليت منه ونمت ولبنى شالت جنطتها مليانه ملي هاي شلون تشيلنها شبيها 

لبنى ـ گلشي بيها علاجات شاحنه مرطب واقي لصقات جروح لهايات البنات أحتياطيه .. نامي نامي الصبح أجيج من وگت وجان بقيت بس نافع ما قبل أبات 

ـ ها من هسه مـا يقبل 

ـ لا ما يگول بس ما أدري گال تعالوا غير مره من يروح الخفاره أجي أبات 

نور ـ لا وين تبات عوفيها خل تروح البيتها شنو أني ما اكفي وأسد مكانها 

لينا ـ لا تكفين وزايد فدوه لعينج.. أروحلجن فدوه أخواتي أنتن أحلى أخوات هواي أحبجن عسى ما أنحرم منجن . 

لبنى ـ أي أبجي أبجي عايزين قهر.. وگت فرح يمعوده 

لينا ـ حضنتني ولبنى صلفه ما تأثرت بس نور گامت تبجي هاي فطيره ودمعتها صايره رخيصه من ورا غافر 

نور ـ يله لاتتأخرين عليه 

لبنى ـ يله عيني نتخابر تحتاجن شيء راسلني . 

لينا ـ ودعتها ونور شالت رفيف ووصلتها ورجعت نمت 

و‏كعدت لكيتهن جالفات البيت والاستقبال ريحته حلوه عمي محمود كاشخ ونبأ صبتله الغده تغده ‏وخالتي ونور توهن طبن للبيت ‏رحت ساعدتهن بالأغراض

خالتي ‏مشتريه غراض كلاصات صياني جدد تحفيات وشغلات للاستقبال خاوليات ‏علب كلنكس فخمه

‏إستكانات مرتبه ‏وأنطتني علاكه ‏اخذتها قفطان ابيض حزامه لون ذهبي من فوك شكل الفراشه ردانه خفيفه يبين كلشي صدره كيبور خفيف

‏وياهن كلاده نقش فراشات واسوار ملتصق بالمحبس مشبك ‏وتراجي فراشات وسلاسل

‏بشعري سلاسل مثل المشبك وبي بالنهايه فراشات

‏كلشي كان منسق بشكل حلو ومرتب 

‏صفنت يمكن اني محجيت وما طلبت كل إلي بالبيت يعرفون اني شكد مطالبي خفيفه وعفويه ‏كله فراشات

و‏اليوم ابيع فراشات من بطني وأخذتهن ‏لأن وره الغدا المشيه ‏خالتي تصيحلي اروح اتغدا‏ وعفت كلشي رحت عبيت بطني ورحت ‏طلعت سشورت شعري وبرمته 

‏لبست القفطان وخصرته بالحزام و‏برمت شعري أكثر

‏اجت لبنى هي وجنطتها الجبيره بجتفها التخبل مثلها لابستها ولابسه عبايه سوده وشال أسود وسلبر عبالك هذه اللي يسون دعايه للعبايات تخبل 

ومخبوصه هيه وبناتها تسگت هاي تعيط هذيج ومطوله بالها وخلگها عليهن وأجتي تنطي رأيها وتعلق

لبنى ـ ‏لج هاج مكياج منا منا تعاي أخليلج 

لينا َـ ‏لا كافي بس الكحله 

لبنى ـ شو ‏دنجبي مو هو يوميه الواحد يعيش هيج لحظات حلوه وهذا حقج قابل يوميه تنخطبين كعدي 

ـ ‏كعدت وهيه تخلي مكياج وذوقها بالمكياج يفوز فنانه 

من دور باقر الله يرحمه جانت تهتم بشكل وما تطلع أذا تصبغ جهرتها هسه ما تخلي وجهه على الطبيعه بس لايك الها وتعلمنا عليها . 

وتمكيج لي و‏نور خلت مشبك براسي و‏حضرت الشال

‏وأجه ميثم 

‏ميثم ـ أحوي اجوي لا تطلعن و‏لينا لأيصير راسج خفيف

لينا ـ أ‏نجب أنجب روح تلكاهم يالزلمه طلع يضحك

‏وكلنا نضحك ولحظات حلوه عشناها من بعد معانات جرت على گلوبنا 

‏كملت كلشي صبغن رجليه بلون أحمر دم الغزال طلع لونهن وردي فاتح طلعت ‏كآني الاميره و‏اجت خالتي لميعه و‏حبوبه وعمتي صالحه بس عمتي وهبيه ماكو ‏يلا شسويلها وحتى زهور وزينب ‏جايات ‏حمودي اجا كبل حضني

‏حمودي ـ أتي راح تجين يمنا 

ـ ‏هههههه أي ليش

ـ ‏حت كل يوميه تستريلي

ـ ‏ايا مصلحجي وباوستهم كلهم ضلينا كاعدين حبوبه مثل الما مرتضيه بس تجامل گوه ‏خالتي من شافت كلهن مبوزات اخذها الواهس وضمت سنها 

‏لحد ما صاح السيد ‏ويحجي اني ماسمع شي انثولت

‏بس ميثم شاورني . 

ميثم ـ ‏كولي نعم أنت وكيلي

لينا ـ ‏نعم أنت وكيلي .. و‏باوعت عليهن هاي المن كلت أنت وكيلي ! 

‏خالتي تعض بشفتها وتضحك 

سميعه ـ ‏لعمج محمود

لينا ـ التفت على صفحه ‏غدي وكش انت صرت وكيلي 

‏رجعنا كعدنا شوي وتم كلشي لا هلهلوله ولا شيء 

‏مبروك عيني ومباوس طيرن خدي بهل البوس 

‏عبالك مستعجلات مدري منو راكض وراهن جيتهن گفالة وجه بس يردن يگومن ‏حتى عمي محمود حضر جنطته والتحق لان جان بالدوام ومخابرينه ونزل . 

‏بعد نافع وجدي حبيب وعمي مشعان وهو بعدهم كاعدين .. 

كلهن كاعدات بس متوترات ‏ما أعرف ليش ‏غلست كعدت يم نور تضحك وتصور بيه لبنى نافع دز عليها باركتلي 

‏بس هم ضاجت ‏عليش سويتوها سم عليه

‏كلهن راحن و‏خالتي لميعه ضلت ‏وحبوبه تباوعلها صفح

‏راحن وطلعت وياهن ما شفته رايح وأختنكت عمي مشعان وحبيب‏ كلهم راحوا محد ضل 

‏خالتي سميعه بس طلعن جتي باوستني وفرحانه عكسهن هنا

سميعه ـ ‏سونها سم من أنتن ما راضيات هالطفيله شنو ذنبها عبالك جايات الفاتحه ‏ما مرتضيات شكو تجن

لميعه ـ ‏شسويلهن يسميعه حتى اني أمي گلبت عليه تكلي دسترين لحربي ‏وسوا البراسه وخالف شور أمه وزعلها وأمي حيــل مقهوره على وهبيه ما حظت لا بنات باقر لا بحربي دگول خلفتي راحوا من أيدي طاسة ماي ونگبت كل خير مــا حصدت منهم . 

سميعه ـ چا شتسوي غير الله هيج كاتب . 

لينا ـ سگتن من شافني واخذت خالتي ونور وراحن لغرفتي يحجن عود ما يردون يضوجني ما يدرن سونها سم عليه . 

‏ضجت طلعت بالحوش أختنكت ‏اني وفستاني شفتهمت من هالخطوبه . ‏فزززني صوته . 

حربي ـ ‏شبيج يحلوه

لينا ـ ‏تفاجئت گبل ضحكت .. ‏أنت هنا مو رحت 

َ ‏لا ما رحت صار أشهور انتظر هاللحظه واروح وأعوفج عليمن أنتِ تدگين بگلبي دك. شلون أعوفج تعاي 

‏ـ إنطيته ايدي سحبني للاستقبال واني علامات الفرح وآلدهشه كلهن تكومن بوجهي و‏حلكي شبيك دنسد 

‏فضحتني

‏سحبني لحضنه بكل قوته ولهفته واني جسمي يرجف أول حظن أول تجربه ‏اول عطر رجال مر على خشمي 

‏حتى ابويه ما يوم حظني راح وأني بحسرة حضنه وحبه وحنانه عليه جنت كلما أنام أتمنى يوم يحن عليه وحيل أحبه حتى وهو قاسي بس راح الله يرحمه . 

غلبتني مشاعري ‏وتمسكت بي وحنيه ما بعدها حنيه ما أريد أبتعد أريد أبقى حاضنته هيج شعور سكن گلبي وتعب والمعاناة العشتها من وفاة أمي كلهن كومتهن على صدره وأني مغمضه وأستنشق عطره

‏رفعت راسي باوعتله وهو يتأمل وجهي ويرفع خصلات شعري عن وجهي ‏باس راسي وكصتي بـبوسه عميقه 

وصفن بـبحر عيوني 

حربي ـ لا تضوجين ادري كلها مغندبه لأتهتمين أبداً 

‏اني احبج ورايدج وما مهتم لكلام احد أن رضوا وان ما رضوا و‏انه البراسي اسوي ... أنتِ مرتي حلالي 

ـ ‏هزيتله براسي أي 

ـ ‏صوتج وينه

ـ ‏هياته موجود .. ضحك وضحكته تجنن وباسني من خدي وهو يبعد الشعر عن اذاني . 

ـ ‏ليش فاله شعرج يزعج . 

ـ ضحكت من وره مشبك الفراشات 

‏ـ رفع الخصلات واخذ يبوس بركبتي للاذاني بوسات خفيفه ويستنشق عطري ويرجع يركز بعيوني و‏اني الخجل موتني اريد اوكف على حيلي ارجف و‏حس بيه اخذني كعد عالتخم وكعدني على رجله عبالك بنته ضعت هو ضخم بسلامته وتذكرت الحسناء والوحش .. 

‏غلبت مشاعره على طفولتي معرفه هالاشياء 

‏لهفه غريبه كانت بالحلال شيء مختلف ما عايشه شعوره قبل ‏رجفه جسمي وأبتسامتي والأمان السكني

‏لهفته غريبه وقويه حضني حضن قوي يوجع .. 

‏وكف يعدل روحه رجع شالني وحضني مره ثانيه 

ـ ‏اني مابيه أنتِ هواي عليه اروح اصلي صلاة شكر

‏مووو

ـ ‏ليش .. لا تحسسني بفرق جبير 

‏ـ أنتِ عندي شيء ما ينحجي ضامه بگلبي مستعزز بي

ـ تقرب ‏لزم شفتي ويمسح على وجهي باسني من بين عيوني 

‏ـ ثقي وأعتقدي ماكو بشر ثقي بالدنيا يحبج بكدي

‏صرتي حرم الشيخ حربي 

ـ ‏ههههه مو عبالك الاسم جبير عليه

‏ـ لاتستهينين بروحج لينا أنتِ روحي صرتي مرتي بعد

أعيد هالكلام حتى أصدك 

ـ ضحك وحضني 

ـ ‏باجر أجي نسوي تحليل دم حضري روحج ولبسج شوي مستور إذا امكن

ـ ‏هههههه من أولها شيخ 

ـ ‏لا من تاليها اني اكيف من الكاچ لابسه تراكات الوان بناتيه بالأخص للون الوردي تطلعين چنج لعابه أحطج بكنتوري . 

ـ ‏طلعت هم تباوع

ـ ‏عجل أغمض عيني واني رايد 

ـ ‏مو حرام

ـ ‏لا حلال هسه أنتِ مرتي .. ‏لا بس إذا لبسج فستان عادي مو شرط جبب أو عبايات أسلاميه اني ما أجبرج على شيء ‏هاي حياتج ما اجي أغيرها بلحظه وافرض عليج شغلات تعجبني ‏لا الشيء اليريحج سوي موو 

ـ ‏اي صح شيخ 

ـ ‏يلا يحبابه كومي من يمي . 

ـ عادي ‏نطلع اني وياك كدام نور وخالاتي. 

ـ ‏هههه ليش

ـ ‏حتى يصدكن اني صرت مخطوبه وهاي وبعد محد يحاجيني 

ـ ‏ههههه فدوه لعقلج تعاي 

‏ـ أخذ أيدي ودخلنا للصاله لكيناهن كاعدات ‏باركن النا

‏سلم وطلع ‏وأني رحت لغرفتي غامرتني السعاده وعايشه أحلى لحظات عمري شعور الفرح الساكني ما ينوصف بالكلام أني طايره ويه الفراشات طايره .. 

وثاني يوم من الصبح كعدت گلني نشاط ولكيت خالتي مسويه الريوك كعدت أتريك لان بعد وگت وبعدني بكفشتي وبملابسي مال النوم وجفت علينا الشيخ من الصبح . وطلعله ميثم ودخل يمشي بثگل وأني واكفه باب المطبخ أباوعله والأبتسامه شاكه حلگي . 

سميعه ـ ولج شعندج متبسمره أنتِ ودرفيلج أمشي ركضي لبسي وذبي بجامتج 

لينا ـ ووصلنا وأبتسم وحجه 

حربي ـ صبحكم الله بالخير والعافيه 

سميعه ـ هلا عمه صباح الخيرات أتفضل يمه أتفضل 

حربي ـ زاد فضلج عميمه أخاف بعدكم ما متريگين أخذوا راحتكم أنه كاعد بالأستقبال 

لينا ـ مشى الأستقبال ورفعت خصلات شعري أكلت لفه عالسريع من أيد ميثم وخليته يلطم 

ميثم ـ لفتي وين صفطتيها بلحكج درينا صرتي مرت الشيخ أدور نسويلج لفات شبيك مكسره 

سميعه ـ ولك شبيك مناكر أنت وأختك .. شو أكعد تريك 

ميثم ـ كاعد بس هاي أخذت لفتي من أيدي 

لينا ـ أكلتها وهو يدردم وخالتي تحجي عليها ولفته لفه وسگت

سميعه ـ دهر دهرج مخليه عقلج وياه دأمشي لبسي تحضري لما اسويله أستكان چاي وكعديلي نور علمود تلزم البيت تنظفه لان أنه اروح وياج وديري بالج لاتكعدين بنتها ما تخليها . 

ـ ماشي خاله بس أشو ماكو أحد وياه يعني على أقل خالتي لميعه 

ـ شمدريني يا يمه ولا وحيده أجتي .. هذا حظه مخالف أمر من أخوه وولد أخوي ما عدهم حظ ويه أمهاتهم . 

ـ سگتت يله شسويلهن .. رحت كعدت نور وتكعد وترجع تنام گومي خالتي گالت كعديها . 

ـ ما بيه عفيه عوفيني هاي بنين بالليل ما خلتني أنام ما اعرف شبيها بس تتنعوص 

ـ تريد رجال گامت تغار من خالتها 

ـ خرب بيومج .. روحي هسه أجي وراج .. صدك شيخج هنا 

ـ أي فدوه لطوله أجه وهيج ريحته ريحة بخور وعود ومسك تأخذج لعالم ثاني ينگط نظافه 

ـ الله يبختج بي تستاهلين ليونه 

ـ حبيبي الله يسمع منج .. يله گومي مو وگت سوالف .. عفتها وركضت سبحت ودخلت لبست وأجتني نور نقذتني ولبست فستان وأضافات من لمساتها وخلتلي مكياج خفيف وخالتي هم لبست وكشخت وطلعنا 

وهو بعده ما صاعد بالسياره ويحجي بالموبايل وعيونه تدور عليه وأني وراه وأحترمت نفسي وصعدت 

وطلعنا وهو عمتي يسولفون ويا محلاه سوالف وأني كظيتها بس أباوعله وأرسم تفاصيله وأطبعن بعقلي عطره وعرض أكتافه لبسه الرسمي طالع أحلى بهواي من الدشداشه والعبايه

وأني عكسه هو مندمج ويه عمتي وأحس هذا الزلمه عنده گلشي بحساب وگلشي اله وگته 

وصلنا المستشفى وهو يمشي گدامنه وگف يسأل وأني وخالتي كعدنا وشويه وأجه 

الشيخ حربي ـ يله بويه گومي 

لينا ـ مشيت وياه ولزگت بصفه وأشرلي وكعد وأجه ممرض وممرضه وسبحوا الدم وهو فوك روؤسهم لما گملوا وسحب الگطنه قبلهم وخلاها علمود ينكطع الدم لما جابوا لاصقه وخلته البنيه .. 

وأدور هو كعد ترس الگرسي ترس وأني صافنه عليه وهو مبتسم عيونه دخلن بعيوني من عمق النظره ما حس بالبنيه من سحبت الدم لان باله عندي . 

گملنا وطلعنا وگالوا يومين ويطلع ورجعنا البيت ومر أخذ غده وخالتي ما رضت بس هذا كرم الشيخ جابه وريحة المشاوي تهفهف ولاحظت أكو حصة لحال ومن وصلنا طبگ باب بيت نافع وطلعله وأنطاه الغده ونافع رفعلنه أيده يسلم .. 

وصلنا وخالتي رادت منه يبقى ما فعل وطلع مستعجل حتى ما لحگت أحجي وياه يمكن يريد يرجع القريه .. 

ولكينا نور الوجه يبجي والتمن ريحة الشعواط واصله للفرع ومسويه طرشانه جنها عصير بس بالاسم طرشانه وشافتها خالتي گامت تحجي عليها 

سميعه ـ أشو صايره تلوصين هذا طبخ يا ماما

نور ـ شسويله ماما يله هيج صار بس شوفي والله طيب بنين أكلت منه حبته 

ـ وبنين حبته لازم أحنه نحبه هي جاهل شمعرفها بطعم حلگها .. همزين جبنه غدانا ويانا 

ـ عوذه جان گلتوا ليش طبخت وتعبت نفسي وحتى نبأ هشام أجه أخذها گال تتغدا يمنا . 

ـ بعد أحسن شگو راحن أخواتها وعافنها خطيه هي هم ما الها حس وباقيه تخدم أبوها 

لينا ـ صدك خاله بعد ما يرجعن يعني 

سميعه ـ لا وين يولن هسه يومين ومهديه تطفهن بالنعل هذن صاحبات مشاكل منو يحملهن 

لينا ـ هم صدك عساهن لا رجعن وكعدنا نتغدا أكلن هذا بخير رجلي وهناك وحصلت كفخه من خالتي أخ الله طار رأسي

سميعه ـ رجاجه چا بس رجلج مو أبن أخوي شنهي بس حصتج هذا حصتي هم 

ـ دسگتي خاله هو بدون شيء طالعه عليج سمعه أم الحصص ونافع حصتج وأدور حربي شيخلصج من عماتي هسه أنتِ صايره الحدث 

ـ وشسويلهن عشتوا قابل يكرهون عمتهم هما من يومهن حنان قبل لا أخذ أبوجن 

نور ـ لا ماما لا حنان ولا هالسوالف بس لان عندج بنات 

وعندج خليه نحل فديتج 

لينا ـ وغمزتلي وخالتي كفختنا أثنينا ونور غصت وهي تضحك وكل هذا ما عافت شيش الگباب وكملنا الغده وكعدنا نشرب الچاي وندك الباب وطلع ميثم ودخل حربي گبل لـ الأستقبال خالتي كعدت وياه والعرفته جايب المقدم مالتي .. سويتله الچاي وأخذته اله 

وصلت قدمتله وصفن بوجهي وأخذه 

الشيخ حربي ـ عافية أيدج بويه 

لينا ـ بالعافيه 

حربي ـ مو تروحين گعدي گابليني العصر ارد القريه 

لينا ـ تمام كعدت بصف خالتي ومستحيه يمه من رجلي زلمتي شيخي جان لابس دشداشه أحسه يرتاح بيها . 

الشيخ حربي ـ عمه بعد يمج أنتِ تصرفي وجهزيها من مجاميعه وشنو ينقصج بلغيني رقمي موجود عندج 

سميعه ـ أن شاء الله يمه لايضل بالك 

حربي ـ وأريد بهذا الأسبوع يكمل الجهاز حاولي تستعجلين شگد ما بيج من تكملن أنطني خبر 

سميعه ـ أن شاء الله .. 

الشيخ حربي ـ يله أنه أتوكل فيمالا 

سميعه ـ بالسلامة يمه 

لينا ـ گام وعيونه عليه ومشىٰ ووكف بالطرمه وخالتي وراه نور تغمز الها من كثر من تغمز احولت البنيه بالكوه خالتي حست ومشت وضلينا بس أني وياه . 

حربي ـ متعود على الهدهد مالتي يغرد هواي وأنه ما أحب سكوته السگوت هذا يزعج أذاني وخاصة اذا بدر منج .. ليش ساكته 

ـ لا عادي 

ـ مستحيه 

ـ غمضت عيوني خجلانه أي .. مد أيده بجيب دشداشته وعيوهن تراقب نظراتي وطلع جهاز موبايل بعده بالكارتون وفتحه ليش كلفت على نفسك عندي والله

ـ تستاهلينه ما لحگت أرتبه الج عندي شغل جثير وبعد هو جهازج أنتِ رتبي 

ـ تمام شكراً كلك ذوق 

ـ يله أنه أمشي رايده شيء 

ـ رايده سلامتك 

ـ يسلمج الله ويحفظج 

ـ تقرب باسني من گصتي لو بيده ما يبتعد 

ـ گربت وأجيبج يمي 

ـ رجفت من كلمته ومشى وأني حاضنه أيده وسحبني تحت ذراعه ولامني لم لما وصلنا باب الحوش أبتعد عني وطلع جگارته دخنها وهو صافن بوحهي ومصغر عيونه ويدخن جگارته ما اعرف شيدور باله بهاي النظرات أتمنى افتح عقله وأعرف .. لما طلع السويج وطلع وصل سيارته وحجه بصوت خشن 

ـ حدري بويه 

ـ الله وياك .. رجعت وطارت فراشات بطني ودخلت عليهن نور فتحته 

نور ـ أيفون يابه الأصدار الجديد والله تستاهلين يا لينا 

عين بارده مبرده يخيتي 

لينا ـ فدوه لطولج .. كعدت ترتبه اليه وسجلتلي رقمه اكولج اراسله 

نور ـ والله ما أدري بهاي السالفه بس أي ليش لا هو رجلج بعد . 

لينا ـ اخذته خليته عالشحن وسمعت نورس تصيح على أخواتها خير اللهم خير عوذه جنه خلصانين .. دخلت والوجه مبوز زين ما حجت لا سلام لا كلام مدري شعجب 

نور ـ چاي تموت شلون نافع تزوج لبنى كون تموتين ونسويلج فاتحه ونأكل هبيط .

لينا ـ اي والله وموتتهم .. ما تحرشنا بيهم وهنا هم عازلات نفسهم .. للعصر جنت بالمطبخ ورن موبايل خالتي عالثلاجه وخالتي جاوبت وتهز برأسها وتضحك وتباوعلي مدري أجاني احساس هو وأشرتلي ها خاله أنطتني موبايل والله هو . جاوبته الو 

الشيخ حربي ـ هلا يابه هلا بالشيخه 

لينا ـ هلا بيك شلونك 

ـ جنت زوين وهسه صرت زين .. شلونچ أنتِ 

ـ بخير .. وين أنت 

ـ طالع وجاي أشوف الغرف گلت احاجيج شتحبين أخذ 

ـ بكيفك أنت 

ـ ها بس لا هم لازم نأخذ شورج .. هذا عندج حساب رقم نحجي بي 

ـ أي عندي 

ـ أي دگي عليه من موبايلج وهم أدزلج الموديلات وأختاري 

ـ تمام .. شعچب ما مريت أخذتني ونختار سوا 

ـ ما صارلي مجال ليش تردين تجين 

ـ بگلبي لا اريد أشوفك .. لا لا بكيفك بعد 

ـ يله تعالي هناك على هذا الرقم دگي عليه

ـ تمام عيني 

ـ سالمه العيون وصاحبتهن 

ـ يمه صوته شگد حلو هسه أراسلك 

ـ كاعد أنتظرج 

ـ تمام .. سد الخط وعفت موبايل خالتي جنت مسجله رقمه بس أستحي اراسله ما ردت يكول عني ملكوفه وتعرف سوالف المراسلات وهالأمور خليته هو يبادر بالسؤال .. 

دزيتله هلا عيني أني لينا . 

ـ تعاي مخابره هاي مراسلات ما توكل عندي خبز 

ـ أتصلت وصوت هوسه يمه ها عيني 

ـ يا يابه .. گولي 

ـ حرت شجاوبه علمود الغرفه بكيفك أنت شتفضل 

ـ أنه أفضلج . 

ـ غمضت عيوني أخزن كلامه نبرة صوته يحجي بهدوء ونبرته تسلسل لأعماق روحي بي شيء حلو هيج بحه مميزه .. رجعت حجيت هم تمرلنا 

ـ أكمل شغلي أذا صارلي مجال أمر ليش لأ أكو واحد يحصله فرصه ويشوف حور العين وما يمر . 

ـ خجلتني

ـ أخجلي يابه أخجلي الخجل لايكلج ومتكعبج بيج 

ـ وأجه صوت صاحوا اله 

ـ شيخ أتفضل 

ـ يله أنه أمشي بعدين أدك عليج 

ـ ماشي الله وياك .. راح وحضنت الموبايل شگد حلو عشقك شگد حبيتك وتعلقت بيك سبحان من زرع حبك بگلبي وتجذر .. الله يحفظك اليه .. 

ووضليت بس عيوني تراقب موبايلي ما أتصلت ولا لحيت خليته على راحته أكيد عنده شغل بس شنو صوته وسوالفه ما ينشبع منهن أحب أضل أسمعله من يحجي حتى ما أتقيد بسرعه روحي أخذت عليه .. 

العصر ساعدت خالتي وغسلت الحوش ما بيها خطيه مفاصلها تأذيها ونور هالفتره نفسيتها حيل متأذيه تحجي وتسولف وتضحك ويه الهوا بس بداخلها نار 

من يجي الليل أسمع شهگاتها وهي من النوع تكتم ما تحب أحد يشوف ضعفها ولا تحجي أو تشگي كاسره خاطري أنهضمت هواي الله يحبر خاطرها ويسامحك يا غافر على اللي سويته بيها . 

تعشينا وغسلت المواعين ودخلت غرفتي وأتصل عليه وأول ما فتحت الخط أجاني الصوت 

حبك غدا بالروح نهر وجاري

‏منك محبه تفوح بس اداري

‏تنشدني كل الناس عن اخباري

‏حال الشمع ضليت ناري بيه

‏اسمه الاغنيه بكلبي كلت والله طلعت ذواق تسمع لابو مازن . 

الشيخ ‏حربي ـ ها عجبتج 

لينا ـ ‏اي كلش عجبتني بس المقطع الوراها أيبجي

ـ ‏الله يبعدنا عنه هالمقطع

ـ ‏ اي والله 

ـ ‏اي زين شتسوين أنتِ إتصلت عليج كبل ساعه ماكو

‏جنت اتعشى والمواعين عليه نور أخذت بنتها وفلتت

‏ـ هــههه أنتِ شاغوله لــو مايعه

ـ ‏هيج وهيج خالتي علمتني عالدلال

ـ ‏يعني شون 

‏ـ أغسل مواعين ملابس انظف تنظيف عميق و‏اغسل الحوش عندي واهسي بالملابس تصفيط وكوي وتعطير وأما ‏الطبخ بعيد عليه لا اعرفه ولايعرفني

ـ ‏هــهههه چا شون أنتِ ماخذه شيخ

‏ـ عود اتعلم محد طلع من بطن كلشي يعرف و‏بني يا ادم لما يموت يحتاج تعلوم

ـ ‏حلوه هاي 

ـ ‏مأخذه استراحه من القرايه

ـ ‏اي والله لان هالسنه هدت حيلي دا اجهز ملازمي وكتبي 

ـ ‏اي زين حتى إنقلج قريب عالقصر 

ـ ‏يعني بالقريه

ـ ‏اي شبيها

ـ ‏لا هيج بس سألت 

‏ـ أي أكو إعداديه قريبه علينا 

ـ ‏اها زين بس اني ماريد اداوم

‏ـ چا شسوين

‏ـ أبقى نفس مدرستي بس اسوي انتساب 

‏ونص السنه أروح أمتحن 

ـ ‏اي جيد جيد 

ـ ‏عندك مانع

ـ ‏لا شلي غرض هاي مستقبلج وأنتِ تقررينه 

‏ـ تمام .. أنت وين

ـ ‏كاعد بالسياره 

ـ ‏بالقصر

ـ ‏اي ليش

ـ ‏هيج سألت

ـ ‏كاعد بالسياره اخابرج لان غرفتي طلعت كل غراضها علمود أصبغها واغلقها واسوي سقف مالتها هم

ـ ‏اها

ـ ‏اي .. ‏دفتحيلي كاميرا وين أنتِ 

ـ ‏بغرفتي

‏ـ وأنتِ عدج غرفه خاصه

ـ ‏اي هيه من يومها خالتي اني ولبنى انطتنا غرفه بعد من راحت ضلت الي بوحدي

ـ ‏اي زين دفتحي عاد

ـ ‏اني الهي حتى اضم كفشتي

ـ ‏وين رحتي 

ـ ‏كبل اتصل فيديو 

ـ ‏ فتحت ‏ما مبين منه شي بس فتح اضويه ‏عالطبيعه بددون عكال لابس تشيرت لونه زيتوني مدري رمادي 

ـ ‏شبيج صفنتي

ـ لا ‏هههه هسه تجي نور تكلي سرسحت شبيكم وياي وياي ومشكلتي بس افهى اشويه

ـ ‏هههه مو شويه هواي

ـ أي هوايه شسوي هاي بعد صارت

ـ ‏ههههههه شبيج كفشتج كابه

ـ ‏سبحت وما لحكت امشط ومخلصه سيروم ‏عاد انتظر نور تنام إبوك منها وامشط 

ـ ‏هههههه ابوك فد مره

‏ـ مو هي نحسه بسالفه السيروم مشتريته غالي

ـ ‏ههههه وأنتِ ليش ما مشتريه . 

ـ خلصت عاد يما خالتي تحن عليه وتشتريلي

ـ ‏ماكو داعي كم يوم وتصيرين يمي 

ـ ‏يعني شنو

ـ هل اليومين أجي نعقد محكمه وراها بس اكمل شغلي أسبوع اكثر أنتِ يمي

ـ ‏اكول عبالك مستعجل

ـ ‏اي كلش

ـ ‏واني شلحك

ـ وشعندج أنتِ .. و‏ملابس ذهب اجي وباج واخذي 

شيعجبج

ـ ‏يعني ما أروح ويه احد

‏ـ لا لا 

‏ـ أي زين

ـ ‏روحي نامي

ـ ‏ها ليش اكو شيء 

ـ ‏روحي نامي يابه 

ـ ‏حسيته بس يريد ينهزم سميت الخط ونمت

وكعدت الصبح نشيطه خفيفه لكيت من عنده رساله 

الشيخ حربي ـ يابه صباح العافية .. علمود جهازج طلعتي شغله بالقصر وعندي عمال ما أكدر أجيج وأعوفهم .. روحي ويه عمتي أشتري التكدرين عليه والذهب من أجي أخذج ونروح نشتري وتكملين نقوصاتج . 

لينا ـ هذا هو التشوفه 

حربي ـ باليل أحاجيج 

ـ على راحتك .. شافها وما رد 

.. رحت بلغت خالتي وسكتت ها خاله شو سكتي 

سمعيه ـ ما أدري شگولج يا لينا بس أشو من عقدتوا محد وصل منهن ولا وحده أجتي حتى لميعه كطعت رجلها ما عاد تجينا . 

لينا ـ شنسويلهن خاله ونروح نجهز لوحدنا أحسن ما تجي وحده منهن ويضلن بكيفهن وأنتِ تعرفين أكثر منهن 

ـ لا يا يمه تدللين ما متعاجزه هذا واجبي بس حزت بخاطري يله ولا يهمج أنه وأخواتج نجهزج أحلى جهاز شتردين بعد 

ـ تسلمين خاله 

.. وفعلاً بيومها خالتي دزت على لبنى تروح وياها للسوك بالبداية ردت نور بس أشو خالتي كالت لا لبنى يمكن رادت لبنى تجهزلي خاف تزعل .. مدري خالتي تحسب حسابات مو مثلي وخابرتها وكالت 

لبنى ـ والله خاله كتله ما يقبل 

سميعه ـ ليش ما يقبل شعنده الج 

ـ لا ما عنده شيء بس علمود البنات يگول وين تعوفيهن وتعالي لبسي عباية رأس عقدني بهل السالفه 

ـ شجاه گام يغار 

ـ ما يقبل جايبلي عبايه مدري مالت عمتي مالت الحجيه بس جديده ويكولي لبسيها 

ـ والله منج لرجلج اني ما أتدخل أخاف احجي ويكولي طبكتي وياها وتصير مشكله تفاهموا بينكم وانه علمودج كلت خطيه خيتها تجهزلها 

لينا ـ لبنى عليج الله وافقي ولبسي عباية رأس شبيها تخبل وأنتِ جسمج حلو تلوكلج 

ـ أي أضحكي عليه .. خل أشوف 

ـ العصر تعالي من وگت وأذا ما تجين علمود نور تروح 

ـ أحاول خل اشوفه شيگول واردلجن خبر . 

ـ راحت وخالتي طلعت فلوس تحسب وخلت قسم تأخذهن وياها وقسم ضمته وللعصر دخلوا علينا فيلق اجتي هي وبناتها ولابسه عباية رأس والوجه يبجي شگو 

لبنى ـ تعارگنا 

لينا ـ يبووه خوما من ورايه

ـ لا من وراه عبايته بس تفض سالفة السوك اني اعلمه اذا لبستها

ـ يعني تضحكين عليه 

ـ لعد تردين البسها ترى اكو هواي ملابس مستوره بس هو معقدني يكولي جسمج مبين طبعاً أذا انت مركز وداك عيونك ورايه . 

ـ خرب بيومج يغمض عيونه على جمالج 

ـ والله العظيم ما البسها يله خل نروح علمود ارجع من وكت اسويله عشه اليوم عنده خفاره 

ـ ها تبانين يمنا 

ـ اي أبات .. يله خاله نمشي .. نور بناتي عيني ما اوصيج عليهن 

نور ـ بعيوني يمعوده شكو عليهن بس هذولاك الجماعة رجعوا 

لبنى ـ ها شوكت 

نور ـ اليوم والوجوه مگلبه 

لبنى ـ وگلبتهم هذا كله علمود نافع شهل الحب الدفين 

نور ـ هههههههه خرب بيومج .. يله أمشن تأخرتن

لبنى ـ لينا لبسي شالج زين صرتي مرت الشيخ حجابج ضبطي ماما مو حجاب نص ردن تضحكين علينا عطوبج تضل تهفهف

لينا ـ أي شلون لعد مو مرت الشيخ 

لبنى ـ أستلم بعد شيحاجيها راح تطگ علينا هسه كلما نحاجيها مرت الشيخ دفضينا عيني . 

سميعه ـ أمشن شگد تهرطن سوالف 

لينا ـ طلعنا ولبنى تدردم على نافع واكفه وتباوع على نفسها بجامة مطبخ دأمشي عندج عرض أزياء 

لبنى ـ لا عرض عبايات .. بس خل أرجع الا أشككها

لينا ـ نگول مشت وطلعنا ولگينا نافع منتظرنا مو على أساس نروح بتكسي شنو رجلج يوصلنا 

لبنى ـ أي هيج الظاهر بس ما گال أني أوصلكم وغير الخطه

لينا ـ صعدنا وهو يباوع على عبايتها وهي تلملم بيها والوجه يبجي ووصلنا السوك وراح وبلشنا نجهز وفرينا السوك فر خالتي ما خلت محل ما دخلتله وكلهم يعرفونها وهلا أم نور وهلا أم نور خرب هيج هيبه من تمشي ويرحبون بيها عبالك عميد ركن حتى تخفيضات سوا النا وكومه اخذتلي شغلات ملابس بيت ونوم وطلعات وهوايه شغلات كل عروس تحتاجها وما كملنا كالن الصبح يرجعن لما يكملن .. 

ولبنى خابرت عليه ربع ساعه وأجه وما يباوعلي ضجت منه شدعوه عليك .. شال الأغرض وقبل لايصعد ضربني على خشمي خبيث . 

نافع ـ هم صايره أم خشم ما تردين السلام 

لينا ـ أني لو أنت 

نافع ـ أني كلشي ما بيه كاعد وساكت . 

سميعه ـ خطيه يمه أنت هم مثل أهلك كلهم وجوهم تتباجى 

نافع ـ لا عمه شعليه بإهلي هما من يومهم وجوهم تتباجى بوجه الله وعباده .. غلسي يابه غلسي الدنيا ما تسوى . 

لينا ـ ما حجيت ووصلنا بس لبنى ما نزلت ما خلاها ونزلنا الأغراض وراحوا وتلگنا البنات ونور تركض وراهن لليل ضلن يمنا ورفيف نامت بس رانيه تحوص ما تكعد خالتي تكول تشبهج يمكن لان خفيفه شبهنه بيه.

وتعشينا ولبنى مـا بينت علينا .. أكولج مو كالت تسوي عشه ونافع يروح الخفاره وتجي أشو تأخرت 

نور ـ هسه تچي .. أروح أغسل المواعين عينج على رانيه ترى تفتر اخاف عليها . 

لينا ـ ماشي عيني واخذتها ورحت يم خالتي لكيتها تعزل بأغراض وكعدت يمها وعيني عالساعه انتظرها تجي تأخذ بنتها ما خلت عليه رجلين بس افتر وراها 

أتصلت عليها ما جاوبتني وينج تعالي عاد .. شويه وطبت علينا همزين اجيتي 

لبنى ـ ليش شعدكم اليه وين بناتي رفوفه نامت يمه سوده عليه ما شفتها .. تعشن زين 

لينا ـ أي نامت أشو تأخرتي 

ـ لما سويتله عشه وتعشى وغسلت المواعين ونظفت البيت وهو بدل وجابني وتوكل لدوامه . 

ـ ها زين اليوم نسهرج للصبح 

ـ لا ما بيه أني اذا ما أنام رأسي يطك ويني وين السهر 

ـ نجبي شگو جايتنا .. كفختني وكعدنا واجتي نور واحلوت الكعده وسوينا كعده وكرزات وحبشكلات وخالتي تعد النواقص ونور تكتب بالورقه ولبنى فاقده تراسل بنافع باوعت الشاشه وضمتها ها متطوره الأمور 

ـ لا ولج خطيه ناسي ملابسه ورجع يأخذهن أني خبصته من طلعنا وناسهن 

ـ ها زين .. وضلينا كاعدين نسولف وأني وخالتي متعاندين على الملابس ونور واكفه وياي ولبنى ويه خالتي والناس أذواق وسوالف وضحك وما حسينا بالوقت غير دگت بـ 3 ولبنى طفت نامت على رجلين خالتي 

ونور بقت كاعده وياي وتعلمني سوالف أدبسززيه مثلها ولج كافي عيب شگد ساقطه أنتِ 

نور ـ أنجبي اعلمج غير وهذن النايمات ما يعلمجن والله يستحن خو لبنى شخصيه عسكريه قافله وأمي تعلمج تكظيها بس رزايل اني شخصيه لطيفه خفيفه ونيسه اوصلج الكلام مثل العسل على قلبك يا قلب قلبي . 

ـ أي أحجي بس صوتج نصي عيب سوالفج تخزي شنو بوسي ما ابوس اني استحي خل هو يبوسني هاي السالفة عليه مو عليه عيب أنتِ راح تفسقيني والله 

ـ أنجبي خوما كلما تشوفينه تبوسينه تكرهينه بالبوس وبعدين تكولين نور علمتني أموتج لينا 

ـ چا شگوله ما يگولي منين متعلمه عيب 

ـ وتكولين نور علمتني عزه 

ـ ها لا ما أكوله ههههه كفختني وشمرت عليها المخده وأجتي على دولكه مالت الماي وكعت والماي نزل وصل لبنى عزه هسه تكعد وتصخمنا عوفيها والصبح اذا كعدت نكول الها أنتِ مسويتها على نفسج شاخه 

ـ عوذه منج شگد خبيثه گومي نامي لا انومج بالدفرات خل اجيب وصله أنشف الماي لا أخشاب أمي يتدمر حرام تطردنا من البيت بالنعل . 

ـ گامت جابت وصله نشف الأخشاب وأباوع على لبنى ثوبها نكعان عزه ولا تحس عوفيها عوفيها هاي اذا تكعد ما نخلص من للسانها اني من اشوفها تصيح على بناتها أخاف منها . 

ـ أي صايره تخوف أحسها مستقويه 

ـ مو زوجها نافع هسه يجلبها علينا .. خل أنام اهنا 

ـ نامي بس صعدي على الجربايه هنا بالكاع ماكو مكان 

ـ لا انام يمجن شسوي يم مثيم بس يمد بكراعينه أهفه بجلاق أودي يم بيت الحلاق 

ـ كيفج عيني نامي بصف لبنى 

ـ تقربت وخرت أيدها ونمت بحضنها ريحتها صابون وغطست رأسي بحضنها وكبت عليه ريحة الحليب وكل هذا ولا تحس وحضنتها حضن قوي وشميت بيها ريحة أمي وأختنگت تذكرتها من يوم الماتت ولا يوم تذكرتها بصلاة بدعاء والمشاكل المرت علينا ما خلتنا نتنفس 

شكثر سوالف جرت على گلوبنا .. الله يريح بالنا ونرتاح عاد والله تعبنا وعشنا أشياء وضيم مو لعمرنا .. 

وجان هذا اليوم حلو بكل تفاصيله ونمت نومه طيبه وكعدت الصبح على عياط لبنى وذبتها برأسي 

لبنى ـ عييع شنو هاي مسويتها عليه 

لينا ـ أني شعليه .. تنفض بثوها ونفسها لعبانه 

لبنى ـ كعدت أصلي منين اجه هالصخام عوذه سبحت وأجيت 

نور ـ شگو شبيجن 

لبنى ـ ثوبي منكع هاي سالفه هاي 

نور ـ گومي بدلي شگو خابصتنا من الصبح . 

لينا ـ گامت وأني ضحكت ونور جرتني من رأسي خرب شعري ولفيت رأسي ونمت وخلينا لبنى تسبح وما حجينا الها على الفاينه السويناها بيها .. 

والصبح كعدت عليها تلم بأغراضها ها تروحين

لبنى ـ اي أجه نافع والبنات راح اعوفهن نايمات وأروح 

لينا ـ ليش تعوفيهن خو اخذيهن هنا نايمات 

ـ ما نايمات على گلبج شو وخري خل أروح 

ـ كبر زعلتي 

ـ لا على شنو بس عبالي ما اخرب نومتهن واني عندي ملابس اريد اغسلها وطابق الثاني اريد اعزله ونافع عنده شغل بالبيت يضلن يفترن وراه ويضل يصيح عليه 

ـ يله كافي كافي تلطمين فهمنا عوفيهن 

ـ ديري بالج عليهن 

ـ راحت ورجعت نمت ومر يومين وكملنا الجهاز مره نور مرة لبنى وبس باليل نحجي بس مبين عليه تعبان أني هم ما أطول بالحجي خل يرتاح خطيه .. 

وثالث يوم اجه للعقد المحكمه ورحنا عقدنا ونافع ويانا ولا نظره لا سالفه لا گلشي وهو شگله جان يوحي بالعصبيه والإنزعاج بس أبداً ما يبنيلي .. 

ورجعت تعبانه من الأزدحامات والهوسه ونمت ما كعدت غير على نور تكعدني هاا شگوو 

نور ـ ولج أكعدي عبالنا ميته شبيج رجعتي كبل حضنتي مخده وفطستي والشيخ ختيبج أتصل على أمي يسأل عليج يگول ماكو على موبايلها خطيه خايف عليج . 

لينا ـ سوده عليه جريت جنطتي لكيته متصل وجاوبته جنت نايمه هسه كعدت گبل أتصل ما يحب المراسله جاوبته هلا عيني 

حربي ـ نوم العافية يابه 

ـ الله يعافيك 

ـ الصبح تحضري أجيج أخذج نشتري الذهب وأذا عندج نقوصات نكظيهن بيوم واحد 

ـ ها تجي .. ونور تسأل 

نور ـ سألي منو ومنو يجي وياك أمي تسأل 

لينا ـ هم أحد يجي وياك 

حربي ـ لا بس أنه ليش تحتاجين أحد يجي وياي 

ـ ها لا أنت تكفي بس خالتي سألت 

ـ لينا يابه من أجي باجر نكعد ونحجي بالعرس 

ـ بشنو نحجي 

ـ من أجي باجر .. يله رجعي نامي الكاج الصبح مصحصحه . 

ـ سد الخط ما فهمت منه عن شنو نحجي ورحنا على خالتي وحجينا الها وكالت 

سميعه ـ أحتمال ما يسويلج لا حنه ولا عرس! 

نور ـ شلون خطيه ليش ما يسون الها مو حقها تفرح بعرسها هاي فرحة العمر 

سميعه ـ مو دفنا زلمه شبيج يمه 

ـ حتى لـو .. مات الله يرحمه وخطيه هي شنو ذنبها 

ـ خل يجي ونفهم منه لاتشبجن بالحجي بس هذا الأظنه وهو بسلامته مستعجل ما ينتظر ولا يريد تأجيل متشوفين محد منهن وصلتنا أتصال محد أتصل من يوم العقدتوا محد وصل لا بجهاز لا بتحليل لا بعقد محكمه والذهب ذبنا عليه وهو يچي لوحده تشوف عينجن اذا تجي وياه وحيده هذا حظه مخالف . 

لينا ـ ضجت حيل وگبل رحت نمت وهو بعد ما حجه وياي وحسيت بي ضايج والله حسيت صوته مو مثل كل يوم هيج مرتاح .. وأعرف الكل ضده هذا القرار صعب هو يواجه أهله لوحده .. ما أعرف اني ما عندي حظ لو هو .. 

الصبح كعدت عيوني منفخه على الرغم ما بجيت بس الشوطة صعدت لرأسي .. أجه وخالتي سلمت عليه وعمي محمود جان موجود ومن وراه ما طلعت عليه أنحسبت بالمطبخ وسويتلهم الجاي وميثم اجه أخذه عوذه وأني 

ميثم ـ عمي يضل بس بخزر بيج ما تعرفينه 

لينا ـ أخذ الچاي وأجتي خالتي ضايجه ها خاله 

سميعه ـ لبسي وبالسياره يحجيلج 

لينا ـ رحت لبست وطلعت ورا خالتي ومن طلعت عمي أشرلي بأيده 

محمود ـ وين موليه شعدج مأخذتها وياج 

سميعه ـ غير أخذلها ذهب چا شلون ما تكف عنها خليني أشوف شغلي . 

لينا ـ بگلبي خفت صماخك .. طلعنا وخالتي صعدت ليگدام وسلمت وصعدت . 

الشيخ حربي ـ لينا بويه السالفه وما بيها تخص العرس وأنه لو بيدي أسويلج عرس وحنه لان هذا حقج ومحد اله حق يمانع بس الظروف حكمت علينا عالشكل ووفاة أخوي كسر ظهرنا والدار مو مال فرح .. بس أنه أريد أكظيها وما اتأني .. 

.. خوما تزعلين أذا ما سويتلج عرس 

لينا ـ باوعت على خالتي 

ـ عوفج من عمتي عاينيلي بويه هذا حقج بس تعرفين الوضع ووعد مني أعوضج 

ـ التشوفه مناسب سوي ما عندي أي مانع 

ـ عرس أسوي بس حنه لا ميشوله من هسه 

ـ أهتضمت وجنت ناويه البس بدله وأفرح ويه أخواتي وصور وذكريات .. باوعتله لكيته حاير ومحتار والدنيا ضايگه بعينه سهلي عليه لينا المهم هو وهو يحبج 

.. جاوبته هو صح شيء حلو وذكريات أعيشها وما تنسي بس ما تهمني بكثر ما يهمني الأنسان الراح أعيش وياه عمري يقدرني ويصوني هذا كلش كافي مقابل هل الأمور وشكليات كدام المجتمع . 

أبتسم أبتسامه وكأنما هم وأنزاح عن صدره ورجع يتنفس طبيعي . 

حربي ـ ونعم منج ومن مرباج يا أصيله يا بنت الأصول 

لينا ـ أبتسمتله ووصلنا السوك وگبل رحنا على الصايغ وأخذنا ذهب وهو هم اخذ حلقه وأشترى محبس لخالتي سميعه وخطيه كلش فرحت وبعدها أفترينا بالسوك كملت نقوصاتي وهو أخذ ملابس اله وداخليات وشغلات الغرفه وخالتي ساعدته وحيل أنقهرت عليه

لا ماما لا داده شدعوه عليجن .. خطيه خالتي ما قصرت كومه أخذت وخلتهن بالسياره 

سميعه ـ هذن الأغراض أخذهن وياك خليهن بغرفتك 

حربي ـ لا عمه بقيهن يمج الأربعاء أجي أخذ كل جهازها وأخذهن وياي والأثنين التجي العرس . 

سميعه ـ كيفك يمه هذا هو عمه بالمبارك بالمبارك 

حربي ـ يبارك بعمرج عميمه ما قصرتي تعبناج ويانا 

سميعه ـ لا وليدي تعبكم راحه واجبي هذا

لينا ـ الأثنين يعني ما ضل وگت بعد أسبوع

. وصلنا وطلع للبيت كال يرجع القريه ولكيت لبنى يمنا والظاهر تعرف بس ما بينتلي هي ضايچه . 

نور ـ حجيتوا وما قنعتي ترى هذا حقج على الأقل بس حنه نسويلج بينا صديقاتج الجوارين .. ماما والله ما يصير شنو أرمله مطلقه شسالفه 

سميعه ـ هذا هو يمه حجوا اتفقوا بينهم وهي موافقه 

نور ـ وافقتي 

لينا ـ أي مـا أريد گلشي هذا هو على اليناسبه 

نور ـ شهل الحجي حقج هذا حقج يوميه متزوجه لبنى ما تحجين أشو ساكته لو عاجبج علمود باقر وطابگه وياهم . 

لبنى ـ لا شعليه أني رجعتي عليه هما ما يردون بس عالكد الغده وعزيمه وهاي هي لا حنه ولا قاعه لا شيء 

وزفه منا للقصر 

نور ـ هاي هي وصور شيء 

لبنى ـ لا طبعاً يأخذلها بس يقصد ماكو لا أغاني لا هوسات لا هلاهل لا حنه وهل الأمور مالت الأعراس 

نور ـ هو المسوي عرس وكاسر الحزن ضلت على هالسوالف 

سميعه ـ شعليج يمه والميت عزيز يمه عزيز أستشهد بعز شبابه أشاف من حياته ما تسكتين . 

لينا ـ لبنى نزلت رأسها ما حجت شويه وگامت جانت لوحدها والبنات مو وياها .. أشو لوحدج بناتج وين 

لبنى ـ أخذهن نافع على عمي وجابني عليكم 

ـ دبقي وين تروحين 

ـ لا أروح أحسن .. 

ـ راحت وباوعت عليها تمسح بدموعها أدري بيها مقهوره عليه .. تجاهلت كلشي يخرب فرحتي ورجعت اضحك وأسولف ما اريد طاقة سلبيه وهنا هم وياي ولبنى ما شفناها بعد الا خالتي دزت عليها وأجتني باليل هي ونافع والبنات همزين شفناج وينج 

لبنى ـ موجوده والله لازمتني أنفلونزا ورأسي موتنني 

أي أخباركم أشسويتن ما سويتن خوما أكو مشاكل 

لينا ـ لا خلصانين مبين خانسات 

لبنى ـ شعجب مو بالعادة 

نور ـ يمكن عمي ضابهن زين لان من يوم تزوجتي هنا ما الهن صوت وأصلاً قليل تجي هنا من يلتحق عمي تروح بيت جدي من ينزل يجي . 

لبنى ـ مهم ماكو مشاكل . 

نور ـ أي بس هم مرات تدردم بس احنه مغلسين عليها 

 

لينا ـ يحجن بيهن وأني اراسله ها يعني أدز ملابسي وأغراضي كلهن

الشيخ حربي ـ أي دزيهن ويه أم رانيه تجي ترتبهن الج كيفج تردين تجين وأجي أخذج

ـ ها لا لا خل لبنى ترتبهن .. لعد أكول الها وادزهن وياها

ـ أي أني بلغت نافع باجر يجون القريه

ـ تمام هسه أكول الها .. أكولج أغراضي وملابسي صارن مهمتج تروحين للقريه ترتبيهن اليه

ـ أي گالي نافع گومي نحضرهن ونخليهن بالسيارة الصبح نطلع

لينا ـ كمنا حضرناهن كلهن وخليناهن بسياره نافع بقيت بس الاحتاجهن ولبنى تكفلت بالباقي خالتي مبين ما الها واهس تروح كلفت لبنى بهل المهمه

ورحنا الصالون وأخذنا خالتي ويانا والبنات عفناهن على نافع ثلاثتهن أبتلش بيهن الا يطلك لبنى على هالسالفه .. وهم محد وصل منهم أبداً بس هو رايح جاي سوده عليه رجلين ما ضلت عنده والعرفته بس نافع واكفله وغرفة النوم هديه من نافع هو دافع فلوسها

وصلنا وبلشنا شغل وحفيت وعنايه وصبغ شعر وهالسوالف كل عروس تسويها ونور كذلك حفت وصبغت شعرها هي من يوم يومها تهتم بنفسها وما تهتم لكلام الناس أهم شيء نفسها وهذا الصح .

أما لبنى رادت تحف وبعدين تراجعت

نور ـ ليش حفي وجهج يمعوده صارلج شگد ما حافه

لبنى ـ لا عوفيني يمعوده تجيني سالفه ويگولن تحف وترتبله ما مصدكه هو بدون شيء ما خلصانه .

لينا ـ سگتت وما لحينا عليها وخلصنا ورجعنا البيت وجان يوم متعب وبالليل خابرته حجيتله تفاصيل يومي وهو مستمع اليه وعكب باجر العرس وأخذتني خالتي كعدت تعلمني وتنصحني وأني بس أهز برأسي ..

وأجه موعد العرس وطبول الفرح دگت بگلبي على الرغم ماكو هوسات ولا أي شيء بس أخواتي ما خلني احس بهل الشعور وأضوج ..

لابسه بدلتي وتسريحتي نازكه وكاعده وكل نسوان جوارينه كاعدات وبنات عمي محمود هم كشخن وحسيت محمود موصيهن ما اريد مشاكل مبين خانسين هنا وأبوهن!

ونور تضيف الهن بس لبنى ما موجوده بالقريه رايحه عالغده گالت تجي قبل الزفه ..

أباوع عالساعه وموبايلي يم نور ردت أتصا عليه بس گلت لا عيب هو مشغول وعصبي ما يتحاجى لان ناسه هواي وما عنده مجال وأدري بي ضايج ومقهور عليه

وطبت علينا لبنى شاورت خالتي ودخلت تغير ملابسها

وواجتي شايله وحده من بناتها والثانيه يم نافع وسمعت صوت الهورنات ...

فز گلبي والدمعه بطارف عيني طردتها ما أريد أضوج أريد بس أفرح ما اريد أحسسه اني ضايجه أريده يفرح

من يشوفني .. كلها دخلت وأخوانه وهو دخل لابس زي العربي وگمر ويضوي بگلبي .. تقرب والوجه يلمع وعيونه تحجي تقرب وگف بصفي وحضن أيدي ويباوع بعيوني .

حربي ـ غمضي وفتحي

لينا ـ غمضت وفتحت يحب هالحركه مني ..

خالتي تقربت حجت وياه وتوصي عليه ولبنى ونور صعدن أغراضي الباقيات وتقرب عليه

حربي ـ ما شاء الله .. نتوكل يابه وهلا بيج بيتي .

لينا ـ خله الطرحه على وجهي وطلعنا والسياره بنص الطرمه وأخواتي ساعدني صعدت بالصدر بس أني ووياه ..

أخواتي همزين أجني خالتي تعذرت ما گدرت بس نور صاعده ويه لبنى ونافع ليورا باوعتلها وأنقهرت عليها وهي أبتسمتلي وشمرتلي بوسه .

وأجه صعد السياره وعدل أطراف شماغه وباوعلي وصغر عيونه لاتباوعلي هيج أخاف منك

حربي ـ ليش يابه تخافين مني .. أمني بويه أمني

لينا ـ شغل السياره وطلعنا وخالتي شمرت ورانا دولگه ماي ميثم رفعلي أيده وباوعت على خالتي تبچي نزلت دمعتي عليها حربي أوكف

حربي ـ ليش عيني

ـ أوكف فدوه .. وگف ونزلت بدلتي شايلتها وهي جانت تمسح دمعتها تقربت خاله گبل حضنتها بكل قوتي أني هواي أحبج

سميعه ـ شنزلج ولج هسه وگت سوالفج الماصخه

لينا ـ مو مال زينه لا والله عود أنقهرت عليج

ـ ليش تنقهرين يمه الله يسعدج ويهينج أصلا أني فرحانه خلصت منج ومن مشاكلج وخل حربي يبتلش الله يعينك على مصيبتك يمه

لينا ـ أباوعله يضحك وصدره يهتز

حربي ـ يله بويه نمشي .

لينا ـ أجتي ساعدتني وصعدت وكلهم بالباب وأحنه بعدنا .. وطلعنا ومر الأستديوا أخذنا صور بس نور نزلت ويانا ساعدتني تفتهم بگلشي وكملنا وتوجهنا القصر

هو ساكت بس يدخن وترني أكثر ما أني متوتره ويحجي على الموبايل هواي موبايله ما يطفى بالدقايق أتصالاته شغاله ..

حربي ـ هاي اليوم شطالعه بس مو أحلى بالبجامه الورديه والعطوب كامزات .

لينا ـ أنت تحبني عالطبيعه .. ما حجه ويسوق وأباوع على أيده والمحابس لابسهن والساعه تلمع وحلقته تجنن ..

ومن بعد طريق ووصلنا القصر وكل ناسهم موجودين عادي عرس حلو بس ماكو أغاني ولا هلاهل ونزلني كعدني وهو ما اعرف وين راح بس على كد ما طبك السياره بعد ما شفته ..

‏هوسه العالم الواكفه وحبوبه ‏عمتي وهبيه كاشخه اسود باسود ‏وبنات القريه شگد وكلهن عيونهن عليه

‏والله هو موقف يخوف من تشوف كلها ما هاضمتك

‏لبنى ونور يمي كاعدات ..

‏حربيه مثل الحيه نفتر ‏رافعه الخشم وتباوع بحقد وهم لابسه اسود أم فنود عود حزينه شگد أحقد على نافع من أذكر هو قنع عمي مشعان ورجعلج عساج لا رجعتي

بس تفتر عبالك هي أم العريس ولازكه بذيال ثوب عمتي وهبيه صايره حنينه .

و‏لحد ما كالن يلا دخلنها للغرفه جثير تعبت ‏هو اني هلكت يا تعبت احس روحي راح افقد من الهوسه ومن الجهال بس يتراكضون وعالصياني الشربت نجلبوا

‏نور دخلت وهي تدردم ومقهوره ..

نور ـ ‏عليمن شايفين حالهم شهل الحقد هذا يمه مثل جماعتنا أبداً ما شفت ناس حقد وما تريدلك الخير

‏لج اكو وحده مدري منين ‏تكول هيه هاي الجابها الشيخ جنها بريعصي كوه حاصراتها بالبدله ردت أعضها السوده

‏لبنى ـ ما عليج منهن نور خيولن لأتنغصين فرحه ليونه

لينا ـ ‏ضليت ساكته

نور ـ لينا عيني ‏حضرنالج كل أغراضج هذا الحمام هو مسوي جديد وره القصر ومخلي بابه للغرفه داخلي

‏احسن خصوصيه الج حبيت مداري من ناحية هالسالفه

لينا ـ ‏هزيت رأسي أني بلغته

نور ـ ‏اي زين معليج بإحد مزال هو يحبج كافي

لينا ـ ‏هو يموت عليه حييل يحبني

لبنى ـ ‏الله يهنيج يارب بي ويسعدج .

لينا ـ ‏طلعن من الغرفه وكفت ‏اباوع بالمرايه المستطيله

‏على شكلي مكياجي ‏ترتيبي

إ‏نفتح الباب ضليت ما انداريت اشوفه قفل الباب

و‏بكل حنيه حضني من ظهري و‏نزع العگال والشماغ رتب شعره شكله بدونهن طبيعي أحلى وإنزك وتقرب ‏باسني من ركبتي .

الشيخ حربي ـ ما حاجيتج جنت ضايج ومزعوج ما ردت أضوج وياي بس هسه ‏صرتي اليه ‏يمي وبحضني

لينا ـ ‏يمك والك انداريت واني ايديه على اكتافه تقرب لوجهي أكثر وأختلطت انفاسنا خشمه يطخ خشمي

ـ ‏حيل أشتاك لأول حضن وأول تجربه عشتها وياج

ـ ‏باسني من رأسي وحجه

ـَ ‏يلا بدلي حتى نصلي نحاول كلشي نبدي صح حتى الله يوفقنا.

ـ ‏هو راح يتوضى واني بدلت كملت ورحت للحمام توضيت وطلعت لبست ازار الصلاة وأخذني من أيدي

‏وقام الصلاة و‏أجمل لحضات حياتي ما أتمنى توكف

‏

گملنا الصلاة و‏رحت للحمام غسلت من كلشي وأخذت السيت العرايس ‏لبست وطلعت ‏كانت لحضات حلوه وصعبه نفس الوقت وهو متمدد عالجربايه يتصفح بموبايله ومسوي نفسه ما مهتم ‏واني أخذت راحتي بكلشي بس احس نفسي متقيده من هذا اللبس

ـ ‏اذا ما مرتاحه بي لبسي دشداشه قصيره احسن واحلى و‏هيج سوالف ما متعلمه عليهن بعدج

ـ ‏ضحكت أي والله بس شون حسيت بيه

ـ ‏انه حافظج بصم عالغيب

‏ـ أخذت دشداشه بيها كيبور وفانيل لطش ‏حلوه لبستها ورحت تمددت يمه .. ‏الله عليك اني خايفه أقصد ‏يعني هاي لا توترني .

ـ ‏ههههه شبيج شو تعاي بحظني وما عليج ‏ليش خايفه مني

‏ـ أني خايفه من الكل إلا منك انت مرايتي مرات أكثر حجي بداخلي احجي الكاك تحل مشكلتي بدون ما أحجي

‏ـ زين سهله عش خايفه من الكل

‏ـ ما أعرف احس مو الكل طايقني

‏ـ أحساس لا اكثر واذا اكو مغثه للكل فهو السبب اني منتظرت وره وفاه اخوي واخذتج وهم عاندتهم ومشيت وره گلبي

ـ ‏زين . . وعمتي

ـ ‏كلها كم يوم وتتعود ماكو أم تريد خراب لابنها

ـ شيخ أني حيل أحبك

ـ هو أنتِ حيل تحبيني موو

ـ ‏اي والله

ـ ‏زين سدي حلكج وبدون صوت

ـ هـــهههه ليش

ـ ‏سدي سدي كلت

ـ ‏اي ضحكت من جديد وهو يخلي راسه بركبتي ويرفع شعري يسحب سحب الگيتر من المجر شده قوي ورفعه

ـ ‏هيج أحلى وارتب

ـ أريحلك طبعاً

ـ ‏ايووو اجيتي عالجرح

ـ تقرب ‏صرت ما احس

بروحي مثل الفراشه ‏وهو يلاعب اصابيعه بركبتي و‏ايديه على ضهري و‏حضنته قوي ما اريد هالشعور يغادرني .. ‏قمه السعاده قمه الفرح

‏هي ساعه مرت بس ‏نهايتها كان الم حقير مر بجسمي

‏لميت روحي ونمت و‏حسيت بي وهو يحضني

ـ ‏يوجعج شيء اجيبلج شيء أحجي گولي

ـ لا ‏لا مـا أيد شيء بس نعست .. ‏واني الوجع ذبحني مثل الم الشهريه بس هذا أقوى اخذت روحي للحمام غسلت وسبحت ‏بدلت وطلعت ‏انطاني مسكن اخذته فتحلي حظنه ورجعت نمت على صدره ‏باس راسي

‏شعجب ما طلعت بشرتهم ..

ـ ‏بشنو

ـ ‏بالوصله .. خصوصاً بالقريه يهتمون لهاي السالفه

عدهم ‏عاده مقدسة

ـ ‏متهمني بشيء شمرتها بالزبل

ـ ‏يعني ما اشوفها

ـ ‏ناويه تمدين ايدج بالزبل

_ ‏لا هيج بس إذا احد راد يشوفها

‏ـ أشريلهم عالحاويه احسن

ـ ‏ليش احس تصرفك بي غايه

ـ ‏ليش ردتج لأن ذكيه وميعبر عليج شيء و‏من اسمح لاحد باقل تفصيل بحياتي وابرر ‏راح يتمادون بعد

‏بكلشي

‏من البدايه تعلمي حتى إذا غلطتي بهذا البيت ما مجبوره تبررين وأنتِ مرتي

‏بس اني تحجيلي مو تبررين ومو كدام احد بس بغرفتنا

‏حتى لا تقل قيمتج كدام احد و‏كل كلمه تكوليها وازنيها على نفسج إذا قبلتيها احجيها وأذا ما عجبتج غيرها

‏تعلمي حتى لا اعيد وازيد .

و‏بعد كل علاقه اتم وياج لا تكمزين بسرعه موزين عليج

ـ ‏شون يعني ‏فهما اليه عادي صارلي ساعه زمن متمدده بيها شيء

ـ ‏لا ‏وهسه نامي حبيبي

‏ـ وأنت مـا تنام

ـ ‏لا شون بحضني أنتِ وما نام .

ـ ‏تمسكت بي كل قوتي أول نومه عميقه رجليه بين رجليه رأسي على صدره وأيديه محاوطتني و‏هسه إذا نور تشوفنا ‏تكول هذا مو شيخ زومبي شون جاعصج

‏ضحكت ونمت ..