رواية قاتلة ابي الفصل الخامس والثلاثون بقلم بنت الشيخ ترابية
في مُقدمة الأحرف
لا يوجـد حطَبٌ من دون نارًا
"" "" "" "" "" "" "" "" "" "" ""
نوفه: تعالن اسولفلچن ع رجال مُهيب
كعدنا كلنا منتظرينها تحچي طكت اصبعها وتنهدت
كعدنا كلنا منتظرينها تحچي طكت اصبعها وتنهدت
نوفه: چنت اعشق شي اسمه مُهيب
هذا الرجال هيبه من الله .. الله سلطه علينا وجانت احلى سلطه ..
اسراء: ياهوَ هذا؟
نوفه: جايتچ بالحجي .. هذا الرجال جان يطلع من ساعة 4 العصر للـ 6 المغرب يبقى يفتر بأنحاء العراق
ويختبر الناس بيه .. ومره چنت طالعه وبالسوك وتعبت
وماكو سيارات أجرت تكسي وصعدت جان السايق ملثم
ومامبين منه شي .. من التعب حتى بصوته ماركزت ولا توقعت
اسراء: ليش هو ينعرف بصوته يعني؟
نوفه: صوته مميز وحده يكلج هذا انـه
المهم سألني سؤال وگال الرئيس مالتكم شلونه زين شين؟... انـه ردت احجي بس ربچ باوعت للمرايه ورجفت رجلي جمدت ولساني ثگل .. عرفته من عيونه
عيونه وحدهن بيهن رسمه خزره .. يخوفن مرسومات رسم .. اذا يضحك الخزره تبين بعيونه الحواجب معگوده والعين چبيرة وصفرة والرموش طوال ومخنزره
ماهر: چنها طخت براسي وعرفته
هنادي: كتبتله... حباب كول والله فضول
نوفه : صَدامّ حَسيِن
اسراء: عزه حجيه ملتقيه بيه؟
نوفه: مايعتبر لقاء
ماهر: اذكر سوالف ابوي من يحجي بيه ويكول كل دوله يلبس لبسها المُحدد ودائما يتنكر بالعراق بوقت قصير علمود يطلع يشوف الاوضاع مثل ماكالت الحجيه من ساعه 4 لل6
36 دولة هاجمته وماكدرتله
اسراء: والله هل الصدام لو اكو مثله جان تزوجته
هنادي: كتبت بتلفوني وشوفتها لماهر ..
ماهر: شنو رتبته؟
نوفه: مُهيب
ماهر: ماكدرو يوصلون للرتبه الي واصل الها
هزيت راسي وباوعت ع الدرج
جان واكف ومنتجي ع المحچر
وصافن عليه ومبتسم .. شفت وراه ظل اسود
بسرعه دنكت راسي وبقيت اجلخ بيدي من الخوف
هو واكف يمه
خايفه خاف يدفعه ع الدرج
زين اصيح؟ ماكدر اصيح ماعندي صوت
بسرعه شلت الگلاص الي يمي وشمرته بالكاع
هو عباله بيه شي بسرعه نزل يركض والظل اختفى لزمته وحضنته وابجي ولازمته حيل
ايهم: اششش اهدي مابيه وعيونچ
اخذني للغرفه وهو يحاول يسكتني ويطمني
كتبت اله والرجفه ماخذتني
: كلهم يكولون جذابه بس ايهم انا اشوف ظل اسود دائما وهم نفخ بوجهي ومن نفخ انا فقدت حاسه النطق
وصرت اوكع واتوجع هواي وبدون سبب صرت اخاف من نفسي صرت منعزله ايهم الماي الي اشربه ماثق بيه واخاف منه حيل اخاف
كتبتله الكلام وهو يقراه ورفعت عيني شفته واكف بزاويه الكنتور حاولت ما ابين شي وكتبت لايهم
: ولا صوت ولا تتحرك لانو واكف بزاويه الكنتور
بسرعه ايهم رفع عينه عليه بأستغراب وتعجب
همس : وين بالضبط
كتبت : زاويه الكنتور .. من جهه الحمام
رفع عينه عود يكحكح وشي بس اختفى
مهما يكن ومهما تصرفنا يبقى اذكى من عندنا
لانو هو شيطان واحنا بشر بني ادم
اندارلي ورفع ايده بمعنى ماكو شي
ايهم : تخافين وانـه يمچ؟
هزيت راسي بـ لا ودرت وجهي عنه وكعدت ع الجرباية
كعد كدامي ولزم ايدي ..
جنت مختنكه حيل
لزم ايدي وباس الباطن وحضنها وهمسلي : ليني يابويه تراني گوه گاض روحي عنچ
نزلت دمعتي
ايهم: هنادي الخميس كلشي ينكشف
والاوراق تتفتح كلها .. بس سانديني فدوه اروحلج
وراها راح تعرفين ليش سويت هيج
جنت محتاجه حضن بس كبريائي قوي
هو فهمني وتقرب وحضني
حسيت بأحد موجود ويانه بالغرفة
بس بقيت بحضنه احس بالامان والراحه
خايفه من المواجهه
وخايفه من الموجود
فهد: لبوه؟ مو احجي وياچ
فزيت من صفنتي وتفكيري بالموضوع
وجاوبته بـ هاا گول
فهد: هسه مثل ما اتفقنا الجمعه؟
هزيت راسي بـ اي
فهد: ماشي هسه يجي فاقد ويجيب الغراض الي ترديهن وانا رايح لانو البيت فارغ تمام؟ سدي الباب وقفليها
طلع وسديت الباب وراه
حنان شقصدها؟
شنو تقصد بكلامها؟
صعدت ودكيت باب غرفة هنادي وفتحها ايهم
: عمو عادي ادخل عندي موضوع
فتحلي الباب ودخلت وسدها وكعد كدامنا ع القنفه
منتظريني احجي تنهدت وحجيت
زينب: شوف عمو اليوم سمعت امي تخابر
وكانو انطيته الضوء الاخضر بسرعه ابتسم وكال احجيلي
زينب: شوف راح احجيلك بالتفصيل المُمل
جنت اسوي فطاير بالمطبخ ودك تلفونها طلعت وعافتني .. انا مابطبعي اتنصت بس گلبي لزمني وراها لانو بسرعه باوعتلي من دك التلفون و وجهها صار اصفر طلعت من المطبخ وطلعت وراها واتنصت عليها بغرفتها سمعتها تحجي وي واحد وتكله
حنان: شوف لحد الان الاوضاع تمام وزوجي بالعراق مو بالخارج بس كتله بنتي مريضه ولازم ابقى يمها
وطلب من عندي الجهال ورفضتهم ف شوفلي حل وسفرني للخارج ... لا لا الجهال ما اريدهم وياي
والله ماعرف الخزنه رمزها يم هنادي حاولت افتحها وماكدرت والمفاتيح مدري وين تخليهن
بس الي صدمني اكثر من حجت بعمو ابو هند
من كالت
: هو محد يدري كله اتفاق لا تخاف .. المهم مات الله يرحمه
هز راسه عمو ايهم وكال محتاجج الخميس
كتله تمام وانداريت لهنادي الصافنه
لزمت ايدها
: هاا هنود شلونچ اليوم؟
ابتسمت ابتسامه خفيفه
وتوجهه نظرها لجهه الكنتور
باوعت ماكو شي
ايهم حس علينا وتحمحم
ايهم: ء احم هاا زينب تروحين تنامين لو تبقين؟
زينب: لا اروح بس اجيت احجيلكم الموضوع
مسيت عليهم وطلعت من الغرفة
سمعت اسراء وماهر يتعاركون بالمطبخ
: هاااا هااا خيركم
ماهر: اذا تبقى اسراء هنا باجر اطلگها
: ياااستار شكووو
اسراء: عود لانو كتله شواربك مثل شوارب حجيه نوفه
بقيت صافنه وهو يغلط عليها ويسب وهي تكله روح بالمرايه وشوفهن شثخنهن .. وكعدو يتعاركون عفتهم ورحت للغرفة .. حنان منيمه الجهال ولابسه هيتفون
وتسولف شافتني خزرتني ودارت وجهها
الحمد والشكر .. تمددت ونمت
.
بعد ماطلعت زينب اختفى الظل ايهم كام طفى الاضويه وفتح الشباك وشغل سورة البقرة وتمددنا حتى ننام ..
ايهم بس يسمع قرآن يخدر وينام
بقيت بس انا كاعده مع انو هم انام ع القرآن بس مادري ليش بقيت كاعده وانعادت اربع مرات وراها طفيتها ونمت
احساس بأيد تتلمس رچلي
وتصعد للرگبه وترجع تنزل لاصابع قدمي
حسيت بحراره بنص قدمي مثل النار
سحبتها جوه الغطى .. انرفع الغطى
وايد صارت تتلمس كل جسمي
حسيت بالبجامه تنسحب مني
وايد تدخل من تحت التيشيرت وتعصر بخصري
جنت ماكدر اقاوم وافتح عيني
احس نفسي مشلوله ومو كادره اسوي شي
وراها صعدت لركبتي وخنتكتني حيل
بسرعه صحت صوت عالي
وفزيت وايهم وفز وياي
التميت بحضنه وگمت ابجي
بس هم صوتي ماكو مجرد صحت
رفعت الغطى البجامه ماكو
ومشموره بالكاع والتيشيرت صاعد لبطني
جان طويل هو ..
رفعت عيني لايهم والتقينا بنفس النظره
استغراب وعدم فهم
جابلي البجامه حاول يلبسني بس رفضت وتركني لوحدي وراها شغل القرآن وحضني .. يمسد ع راسي ويرتل وي الشيخ ..
.
جعفر : ففه وينه؟
زين: نايم
فاقد: مساء الخـ**
زين: ابن حلال بذكره
جعفر: شبيك مطنكر
فاقد: البدو مخليني بنكلاديشي هنا
زين: اي كال من يكعد يروح ياخذ الغراض مال زينب
فاقد: وانا حاير بيها؟
فهد: سلام عليكم
: وعليكم السلام
فهد: مافهمت قصدك فاقد
فاقد: قصدي ابدل واروح شفايتلي اشوف مرت العزيز؟
زين: شصار ع سالفة ايهم
فهد: الخميس الكعدة بالمحكمة
زين: منو يشهد؟
فهد: لحد الان هنادي وايهم وكم شخص محتاجي راح يكعد واحتمال زينب
زين: وليش زينب
فهد: وضعها مو طبيعي وكأنو تعرف شي
فاقد: هسه وين اروح انا
جعفر: اخذ غراض مرت اخوك
صعد فهد
فاقد: فهد چنه هتلر مجبور بزينب انا؟ بعد يومين يكلي اعقد عليها
فهد: ماتروح تاخذ الغراض وتسكت؟
فاقد : صااار بنكلاديشي مجاني
.
: هاج استممي
سليل: ماتحجين عدل هيووو اكوم افرك حلكج؟
: دحترمي نفسج لج ام الزلم وجايتني تحاسب
سليل: الا اشوفكم الويل انا الكم سليل ماتعرفوها
: دروحي بابا نامي وتغطي لا تشخـ**ن
سليل: سهله انا ايهم يلعب عليه ويسوي نفسه يحبني؟ بسيطه تنحل ..
.
كعدت الصبح ع صوت نوفه تصيح
اسمعها تحجي
نوفه: ولچن جيبن الباميا خلي اقلمها نعنعلا شرفچن
مطيت جسمي وحسيت بأيد دخلت تحت ظهري
وايد ع خصري ونفس صار بوجهي .. خفت بس فتحت عيني شفته مبتسم ابتسامه خفيفه مبين طالع من الحمام
بهمس: صباحي عيونچ
ابتسمت .. دنك باس نهاية خدي
: چا شبيه من اكعد الصبح عتوي فاسـ** بوجهي
ضحكت ولفيت ايدي حول رگبته
: ول يُبا تطورات
ابتسمت
: ابقي وزعي ابتسامات انتِ هاا
دنك عليه ديريد يبوسني انفتح الباب
: ادري ماكو كنترول دايسين بانزين ع طول فتحتو الباب دكوها ولد الادبسزيه متزوجين بالغرفة شمالكم؟
نوفه: شمالك انفتحت اسكت لا اهفك بهل المكنسه
هز راسه وكام فتح الكنتور يطلع ملابسه
نوفه: ها ولچ يبعد بيتي شلون صرتي يمه؟
اكو شي يوجعج؟ هذا الهتل مسويلج شي؟
باوعلها صفح ورجع يطلع ملابس
هزيت راسي بـ لا
نوفه: لا يمه احجي حتى اكسره بهل المكنسه
ايهم: المكنسه قضيتنا
نوفه: صوتك حسك .. وانتي يمه كومي تريكي وي رجلج يلا يبعد بيتي ..
هزيت راسي
ايهم: حجيه المنشفه راح توكع
نوفه: چا خل توكع
ايهم: تخترعين وداعتها لهنادي
نوفه: چا الله يكون بعونها من هذا البنيه خرسه
ايهم: لا حول الله
طلعت حجيه نوفه وهو بقى يضحك ويتسغفر
غطيت وجهي بالبطانيه لحد ماخلص تبديل وكمت
غسلت وبدلت بالحمام وطلعت اريد افتح الباب حسيت اندفعت بخفه وانقفل الباب وصار كدامي وحاوطني
: صدك تخترعين مني؟
هزيت راسي بـ لا
: زين اذا ناخذ جوله تخترعين؟
اشرت بمعنى شنو؟
: ابو قاسم يريد يتزوج مو بس ع ورق
دفعته بخفه واخذت تلفوني وكتبت
: خلي يتزوج؟
: منتظرج
فهمت قصده ضربته بمتنه وبقى يضحك وانا نزلت
نوفه: وجهها اصفر كون شمسويلها
نزل ورايه
ايهم: مامسوي مامسوي
نوفه: كون اخترعتي من نزع
اسراء غصت بالاكل وزينب صفنت
زينب: شنزع؟
ايهم: حجيه ناويه عليه اليوم؟
اسراء: سكتي زينب
نوفه: ولچن البنيه مخترعه منه وانخرست بسببه
زينب: عزه شسويتلهاااااا
نوفه: كدامها ناز ...
قاطعها
ايهم: ابوس حنجچ بس اسكتي
نوفه: چا تعال بوسه
حنچها بيه ثلاث دگات زرگ يجننون وعندها غمازه بحنچها راح باسها وهي ضحكت وحضنته وبقت تبوس بيه والجهال فرحانين عليمن مادري
رحت للمطبخ وي اسراء
اسراء: شلونج حبيبه
هزيت راسي
اسراء :مشتاقتلج والله حاسه نفسي چنه هنا مو كانو صديقه طفوله
طبطبت ع متنها
لانو ماعرف شسوي
اسراء: زينب مسويه فطاير تاكلين؟
هزيت راسي وكعدت ع الميز بالمطبخ
صبتلي جاي الي ولايهم وطلعت ماعونين فطاير
وصاحت لايهم
واجه كعد كدامي وطلعت اسراء من المطبخ
ايهم: مابي شكر مالتي شسالفه
كمت حتى اجيب الشكر سحبني لحضنه وكعدني بحضنه واخذ اصبعي وحطه بالجاي جان حار بس مو كلش حراره مدري انا محسيت ..
ايهم: اي هسه تمام يلا اكلي
تلفونه جان ع الميز اخذته وفتحته وكتبت
: عود ليش انتو الزلم نفس الغزل
يعني اكثر من رجال مسوي هل الحركه مال الاصبع
شنو الفائده منها
ايهم: صراحه يصير طعم مدري شلونه بس حلو حيل
عفست وجهي
دياكل وانا بحضنه وانركعت الباب بعوچيه
نوفه: ادري شني سالفتك ولك هتل بكل مكان حاضنها وكاعد ولك جهال انا شلون بيه
ردت اكوم وحجت : اكعدي ولج حضن رجلج لا تتحركين بس انتبهو من الجهال خاف احد يدخل انبطحو
وسدت باب المطبخ علينا وصاحت
: محد يدخل للمطبخ والحسين اكسركم تكسر
ضحكنا وكعدنا ناكل هو يسولف وانا اكتب
