رواية قاتلة ابي الفصل السادس والثلاثون بقلم بنت الشيخ ترابية
بعد مرور يومان
كعدت من الفجر بكل نشاط
ساعة 9 الصبح المحكمة مالتنا
ايهم نايم وبس انا وزينب نفتر بالبيت ونجهز
خايفين من الي حيصير
ومتوترين عن الموضوع المخفي عنا
ايهم البارحه كال : انتهت الرواية ونختمها بالنهاية
حنان وجهها اصفر وكأنو الموت يكللها تعالي
ومثل النسيم ويانا وتمشي ع هوانا وحتى ماتعاندنا
كلشي نكوله تكول تم
صارت ساعة 7 وكعدوا كلهم يتريكون
اجوا فهد وفاقد وجعفر
زين مااجه لانو مريض بوقتها
حنان وجهها اصفر وكأنو الموت يكللها تعالي
ومثل النسيم ويانا وتمشي ع هوانا وحتى ماتعاندنا
كلشي نكوله تكول تم
صارت ساعة 7 وكعدوا كلهم يتريكون
اجوا فهد وفاقد وجعفر
زين مااجه لانو مريض بوقتها
وحجية نوفه ويانا
طبعا من رجعت من تركيا لليوم حجية نوفه ماتروح الا ساعة وحدة تفر بيتها والمنطقه وترجع
وابنها تزوج قبل يومين .. فَ بقى بيتها لچنتها وابنها
وبيتنا صار بيتها
هي صارت امنا وصارت الكل بالكُل
كعدنا نتريك بالطرمه ونوفه كاعده ع الصبه يم باب
الصالة وحاطه ايدها ع خدها وصافنه علينا ..
نوفه: هسه شني يُمه ايهم شراح يصير شو گلبي مخموش
ايهم: لا يمه مراح يصير الا الخير ان شاءالله
باوع لحنان ابتسم وهز راسه
يحجي بغموض وحنان بلعت العافية
كامت تبلعم .. وبقت مدنكة راسها
ضحك بصوت عالي وكال : حنون جهزي نفسج تروحين ويانا اليوم .. هزت راسها وكامت دخلت جوه للبيت
نوفه: چا ماتاخذوني
ايهم: اي امشي ويانا مابيها شي شهود
جعفر: حنان من كل احترامي لأولادها والكم بس احسها مليانه حنحان
فهد: جعفر اسكت عيب شهل الكلام هذا؟
جعفر: ماحجيت الا الحق
فهد: تأدب
فاقد: اشد الوصله اذا نخلص منها غير
اجت اسراء تركض من جوه وتصيح عزه وعزه وتلطم ع خدها .. كأنو ممنتبه للولد لزمت طرف دشداشتها
باوعتلي وكالت
: عززززه ولج الدكتور النفسي حجيت وياه علمود اقاربي ونوب كتبت « غير » بدون نقطه وكتبت وياها يمك عزه عزززه شسوييي
طگوها ضحكه الولد وهي انخلست ماجانت منتبه عليهم من التوتر الي هي بيه
ماهر: اهمداني اي والله
فاقد: هذا اختيارك بالله هاي مرتك مفتخر بيها
ماهر: قسمة ونصيب
فهد: قضاء وقدر
جعفر: الشرقية نيوز تقدم جفصة اسراء باشا لاول مره مع الدكتور النفسي في كلمه غير هي قضيتنا
ايهم: كافي شكد لزكه؟
فهد بهدوء: لزكه ام العلچ؟
سحبتني اسراء ودخلنا للبيت
اخذتني لغرفتها وخطت الكحل بعيني
والحمره ومسكارة وعدلت خلقتي
اسراء: يولي راح نرتاح اليوم يامحمد اهلهل؟
احسهم يعرفون شي انا ما اعرفه كلهم مرتاحين
وفرحانين الا انا ماليني الخوف وماعرف شنو وشكو
دك الباب دكتين وطلع البدو
فهد: استعجلوا
صعدت لفوك بدلت ملابسي ولبست حجابي
ودخل ايهم .. لزم ايدي وباس الباطن
ايهم .. بهدوء : راح ترتاحين والله
باوعتله ورفعت حاجبي هو انطاني تلفونه
كتبتله ..: مدافهم شي احسكم كلكم تعرفون شكو الا انا؟
ايهم: وعيونج محد يعرف غيري انا وفهد
بس احتمال شاكين بالموضوع او متأكدين لانو واضح
كتبت ..: وشنو الواضح؟
ايهم: راح نروح وتعرفين
كتبت ..: مااا احجيلي
ايهم: هند نروح وتعرفين
طفيت التلفون وخليته بيده ونزلت قبله
نوفه: شكو شكو گالبه خلقتج ولك اااااايهمممم
نزل وراي يلبس بالساعه مالته
باوعلها ورفعت ايدها عليه
شمسويلها وهجي ضايجه
ايهم: ممسوي شمسوي؟ يلا كملتوا؟
وطلع قبلنا
انا وحجيه نوفه وزينب وحنان وفهد وفاقد وجعفر
انا والحجيه وحنان وزينب بسيارة
فهد وفاقد وجعفر وماهر بسيارة
بقت اسراء يم الجهال بالبيت
حنان: يمه ايهم شكو شصاير غير نعرف
جانت كاعده يمنا وره لانو الحجيه كدام
باوعلها بالمرايه الاماميه وغمزلها
ورجع يسوق وهو مبتسم
زينب « بهمس»: حركات عمو لماما يمكن راح يخطبها
كرصتها من ايدها
زينب: اخخ شحجينه بس ماشفتي شلون يغمز
يباوع علينا من المرايه ويبتسم
كارثه هذا مبين وراه شي
نوفه: شيصير لو ايهم ينتبه للطريچ؟
ايهم: حجيه كاعده ع عيوني شسالفتچ
نوفه: افتهمنا مرتك كافي ماتشبع منها
حنان: اي والله حتى احنا استحينا
نوفه: باوعلها يمه وطبنا طوب خل تنگلب السيارة بينا باوعلها مريتك هاي
حنان: اسم الله شسالفه اريد اعيش حياتي خاله
ايهم: خوش رح تعيشيها
حنان: ايهم والله مخوفني
ايهم: ليش شمسويه؟
حنان: مامسويه بس تصرفاتك تخوف
ايهم: مابيه شي الحمدلله صاحي
وصلنا للمحكمة ونزلنا وانتظرنا سيارة فهد
دقايق و وصلوا ودخلنا للمحكمة كعدنا وداخل سجن الاعتراف وكف رجال جبير بالعمر .. بعد ما القاضي سرد النا القضيه مالتنا وفهمت ع شنو جايين وحنان صارت صفرة ورادت تطلع وايهم منعها
: انا كُنت ساكن بنفس المنطقة سابقًا
والحادث صار في سنة 2014.. جانوا مسافرين بالخارج اتصل عليه وبلغني انو راح يجون للعراق فترة ويرجعون للخارج .. مفاتيح بيته نسخ ثانيه جانت عندي فَ دخلت لبيته وشفت النواقص وجهزت غراضهم يعني من اجوا كلشي جاهز الا البسيط ..
بعدها بيوم طلعت مرت المرحوم خارج البيت مع ابنها الصغير .. وجنت كاعد بالمحل انا
بحدود الساعه او الساعتين بعد طلوع مرت المرحوم
اقتحموا الارهاب بيت الحجي .. ودقايق وسمعنا صوت الرمي وراها طلعوا والتمو الناس ..
بعد ماطلعوا بنص ساعه اجت مرت المرحوم تركض وتطلم رغم محد كال الها بس اعتقد سمعت من الناس والباقي صار معلوم ..
صفنا ع كلامه نفس تفكيري
استغفر الله بس افكر بهل الطريقه تجاه امي
نزل من سجن الاعتراف وصعدت مره
: انا جابني زوج بنت المرحوم شاهده ع الي صار لانو جنت موجوده بالفترة الاخيرة ... يعني ماعرف شنو اشرح واكول لانو الحجي عثمان كال المطلوب ..
بس بعد وفاة المرحوم بثلاث ايام مرته ماتقبل توزع ورثه او تخلينا ندخل وكلما نكللها سولفيلنا الي صار تحجي بغير موضوع وغير حادث
بقينا صافنين ع كلامها وسألوها شتقصد
: يعني الكلام الي كاله حجي عثمان يختلف عن الكلام الي جانت تكلي بيه مرت المرحوم ..
جانت تكلي طلعنا للمطعم واقتحموا المطعم وذبحوا وشمروا ببيتنا ولانو احنا نسوان ماسوولنا شي
وابني قتلوا لانو وكف بوجهم
نزلت المره وصعدوا طفلة !!!!
الطفلة مايصير تشهد .. انداريت ع ايهم هز راسه وهمس
: الكلام الي لازم ينحجي راح تحجي الطفلة
: السلام عليكم ... انا رقية وعمري 14 سنة
اجيت شاهده ع القضية لانو صار كلام كدامي وسمعته بأذني .. قبل وفاة الحجي وابنه العصرية يعني لانو قتلهم صار بالليل .. شفت مرت المرحوم واكفه بالباب تخابر وانا جنت رايحه الهم انطيهم خبز .. سمعتها تحجي وتتفق وي احد وتكله انا ساعه 7 اطلع من البيت واخذ ابني الصغير وتبقى بنتي وابني وزوجي
وتكله لتتقرب من البنيه والولد نهائيًا
انا دكيت الباب وهي سكتت واخذت الخبز مني وسدت الباب بوجهي..
السمعته يدل ع انو هي المجرمه لانو بعد ماطلعت ساعه 7 فعلا اجوا الارهاب ودخلو للبيت وابتعدوا عن البنت لكن قتلوا الولد مع ابوه
نزلت من السجن وكعدت يم امها
اجو الشرطه وسحبوا حنان من سجن الاعتراف واخذوها وياهم وهي تصيح وتدعي
: الله لا يوفقك يا ايهم خربت حياتي ومتفق وياهم
جذابين والله جذابين
جان ايهم منطيهم فيديو ورسائل ومكالمات كـ دليل
وسليل جانت مشتركه وياها
علاقته بسليل جانت مجرد خطه ومتندم لانو متقربلها بس جان مجبور .. كال اجو ناس جنت متفق وياهم يجوني يم سليل ويكولون هنادي مجرمه وهي الي قتلت اهلها بسبيل اخليها تثق بيه
وانا الي خطفت هنادي حتى امنعها من سليل لانو سليل جانت ناويه تخطفها وجانت تراقبني خطوه بخطوه اثناء الخطف حاولت اوجعها واضربها بس كله ع الخفيف حتى هي ماحست بالوجع وكله علمود سليل تبتعد عنا ..
في سنة 2016 شهر 12 يوم الخميس
تم اعتقال حنان بالسجن المؤبد مع الاعدام
بقضية قتل وارهاب
رجعنا للبيت والطريق كله ساكتين
كلنا بأثر صدمه ومانطقنا.. زينب تصيح
خلوني انتحر هاي امي هاي
رجعنا للبيت وصوت ماكو غير صوت الاحذية اثناء مشينا ماكو صوت بعد ..
صعدت لغرفتي وسديت الباب نزعت حجابي وفتحت شعري وكعدت ع الجرباية وصفنت بالكاع واتذكر كلام الطفلة شلون تحجي بحركه گلب
وشلون يحجون الناس وشلون شهدوا عليها
وصوتها بالمكالمات من جانت تتفق ع قتل ابويه واخويه .. واتفاقها ع زواجي بدون علم اهلي
ايهم كشف كل الارواق المضمومة وكشف اوراق انا جنت غافلة عنها بأنو جانت تسلل لغرفتي وتفتح الخزنه اكثر من مره لكن ايهم يلزمها
لو من سافرت لتركيا رادت تاخذ المفتاح من زينب واسراء .. لو من رجعت للعراق رادت تشك الجنسيه وجواز السفر وتخطط لخطفي
لو من سوتلي سحر مرتين وهسه مسويتلي عمل اسود للوسواس
حسب كلام ايهم يكول حتى للحمل مسويتلج عمل
رفعت عيني شفت ظل اسود يم باب الحمام
غمضت عيني بيأس هزيت راسي تمددت وتغطيت ونمت ..
.
شفت فاقد متصل بالنت
احب احجي وياه يغيرلي مزاجي
وحيل ضايجه من تصرفات امي
كرهت نفسي حيل وحقدت ع نفسي لانو بنتها
الجهال بقوا بركبتي وفاقد كال انا اتكفل بالجهال وياج من بعد ايهم
راسلته وكتبتله دمج
سلامنعليكم
دقيقتين ورد
فاقد: وعليكم السلام؟
كتبت : لو سمحت عندكم مكان اكدر افرغ سلبيتي بيه
فاقد: بدينا بالنكد ياعلي
كتبت: فاقد مو وكتك حيل مختنكه
فاقد: يابعد اخوج راح اطلع من المحادثه وكتبي الي يعجبج ومن تخلصين رمشي عليه خوش
كتبتله خوش وكعدت افضفض واطلع قهري وسلبيتي وكأنو داحجي وي امي واعاتب واغلط وحتى فشرت
رمشت عليه فتح خط
فاقد: ارتاحيتي يبعد اخوج
: اي الحمدلله بس لا تدخل احذفها
فاقد: فشارج الا بشده
: فاقد عزه بعينك احذفها
فاقد: حذفتها بس قريت الفشار من الاشعارات
سمعت صوت فهد يكله: هاا ڪـ*** جديدة؟
فاقد: نعنعلا شرفك هاي زينب
سمعته يكول: وشعندها زينب متصله عليك بهيج وقت
حمحمت وكلت لفاقد روح وباجر تعالوا ع الغدى تصبح ع خير .. جاوبني وراها سديت التلفون
يابه فهد شكد حُقنه
.
حاولت اتجاوز صدمة الي حسيت بيه
وحاولت اتخلص من الحالة الي انا بيها
وحاولت استوعب الي يصير بحياتي
لكن ماكدرت وفشلت وكأنو المصايب وراي وراي
