رواية قاتلة ابي الفصل التاسع والثلاثون بقلم بنت الشيخ ترابية
تقرب يمي وحاوطني .. باسني بخدي الايمن
وهمس يم اذني : انـه بحلم لو علم؟
لفيت ايدي ؏ ركبته .: لا علم
ايهم: هاا بدينا بالسوالف المسربته؟
ابتسمت ومشيت اصبعي ع ركبته
: ليش تتحارشين وتصيحين عالو بينا يمحمد الحگ
ضحكت وابتعدت عنه .. رغم حجيت بس بثگل واحس تعودت ع السكوت والخنسه ماحب احجي هواي ولا اشارك بالحديث .. اكثر اجوبتي تكون يا اما هزت راس او كلمه وحده تختصر كل كلامهم ..
طلعت دشداشه عريضه لون احمر غامق
وحجاب مثلث .. سبحت ولبستها وطلعت فتحت شعري ومشطته وبقيته مفتوح ولبست الحجاب مثل الاتراك العرب .. حطيت حمره حمره خفيفه مو غامق
وخطيت الكحل بعيني .. واخذت كحله زرگه عندي ع خضار .. سويت بيها مثل الدگه بحنچي ثلاث نقاط
ولبست سوارين وگلاده وتراجي ع شكل فراشه طويله .. هديه من ايهم بعيد ميلادي
نزلت زينب طالعه وفهد ماكو وماهر هم ماكو
الي سمعته من اسراء ماخذ الجهال وطالع وبس نوفه واسراء كاعدين جوه اول مانزلت نوفه باوعتلي وتقره بوجهي وتنفخ
: ت تغى ج جمال طبيعي وم ملاممحح ععاديه مو جمال
اشرت بمعنى روحي وبقت تقره طلعت بره
شفت ايهم كاعد ويزرع .. لابس جفوف وتراك اسود كامب وبيه خيط احمر .. امنيتي جانت اعرف ايهم ليش يلبس بس اسود بالبيت ؟!!
جنت لابسه شحاطه صوتها عالي مثل الكعب
ف رفع عينه وصوفرلي
شمرلي علچ اخذته وتخصرت وبقيت انفخ بالعلچ واطگه .. همس : تعاي يمي چيفه تعاي
رحت كعدت يمه وتربعت
: ولج الكاع وصخه
: عادددي
همس بصوت شبهه مسموع : اللهم انت اعلم بالنيات
غلست وسويت نفسي ماسمعت .. كمت اخذت الجفوف من يمه ودنكت عليه بدون قصد
باوعلي ونزل عينه ورجع همس بينه وبين نفسه بس سمعته
: انا مؤدب ياربي بس عبدك قهر بقهر
هنادي: ح حجيت ششي؟
هز راسه بـ لا ومارفع عينه بعيني ابد
صرت احجي وياه وبس يهز براسه ومينطق حرف ولا يرفع وجهه .. متجاهل وجودي بالنظر للكاع والزراعه ملتهي فقط واحجي لو ينتبه ويهز راسه لو يغلس
ضجت من الموقف الزفت نزعت الجفوف شمرتهن ودخلت جوه .. ذبيت العلچ بالزبل وكعدت بالصالة ونوفه كاعده بالكاع تقره قرآن واسراء بغرفتها صعدت تسبح ..
ساعه تقريبا ودخل ايهم غسل واجه كعد يمي ومسح ايده .. جانت الحجيه تقره ف من يحجي ويايه يهمس علمود صوتنا .. همس : تعبت حيل ظهري انكسر
مارفعت عيني ولا انطيته جواب ولا هزيت راسي حتى
: مادري ببالي اشتري كتاب عن لغة العيون عاجبني
هزيت راسي بـ اي بدون ما اباوعله وبقيت مركزه بالكاع اباوع ع اصابع رجلي ..
: باجر ان شاء الله نروح ونبدي نأثث بيتنا حتى نسهل امورنا
هزيت راسي
حسيت بيه ضاج ويريد يتأكد اذا اكو شي او لا
سأل سؤال
ايهم : نطلع نفتر شوي ؟
هزيت راسي بـ لا
صفك ايده حيل والحجيه نزت خزرته ورجعت تكمل
: شبيج رحمه للكائنات متكليلي شكووووو
كمت من يمه وصعدت فوك وهو لحكني
دخلنا للغرفة وجرني من ايدي بسرعه
: ماتحجين
: لليشش تتجاهل م من ااحجي وياااك قببل ششوي
رخت ايده وملامحه رخت وابتسم ابتسامه خفيفه ودنك .. وراها سحب ايده جتف ايده وبقى يحك بلحيته بخفه وصافن عليه
: ششووف ووغلسست هسهه وواناا اكغه ههذا التصغف
ابتسم وبينت اسنانه سحبني من ايدي وحاوطني
:متعرفين ليش غلست ام لدغه؟
هزيت راسي بـ لا
وعكدت الحاجب ..
باسني وهمس ..:
غلست ودعيت ربي يبعدني
عنچ حتى ماأذيج بكد مامشتهيج
ورجع باسني وهمس بصوت اقل : واحنا شلون بهاي اللدغه الي لعنت جدي السابع عشر فوك قهري؟
وباسني وهمس بصوت ممزوج ببحه وحب :
چا شدعوه الاحمر بس عليچ يلوگ؟
انخفضت انفاسي واريد اتنفس عدل ماكدر
ابتعد وراح للحمام يغسل ويضحك ويصيح خبله
اقسم بالله هو الخبلني هووو الخبل
يايمه خرب بيك فاقد الخبل ...
...............................
في مكان اخر من احداثٌ قادِمة مُهمةَ
: تأدب واحترم نفسك انت كلك خلك سايكو
رخت اعصابي وخزرته
وقبضت ع ايدي اقوة وصحت بيه
انااااااا مووووو ساااااايكوووو
كله بسببكم وصلت لهااااي المرحله فاااااااهم
: الي يدور نسوان ويضرب ويأذي والي يهلوس ويمتلك وهواس قهري وفكري واااااااالي يحب يأذي الي يحبه هذا مو مريض نفسي وسايكو
ياااا استااااذ فااااااقد !!!!!!!!!
................
