رواية قاتلة ابي الفصل الاربعون بقلم بنت الشيخ ترابية
فتحت عيني ؏ خبصه أيهم بالغرفة
عدل كعدتي وخليت ايدي ع رجلي سانده وجهي بيها
: لوو بسس اافهم شبيكك
ايهم: تأخرت تأخرت نعنعلا
ودخل للحمام وغمضت عيني دقايق طلع
بحلكه الفرشه والمعجون يفرچ وطلع بنطرونه ورجع دخل للحمام .. الحمد والشكر ربي
غفيت وفزيت ع صوته
: كوووووومي
انگطع النسل مالتي
ايهم: لج بابا شبيج كومي نروح نجهز وراي شغل
رحت غسلت وبدلت ومادري وين حطلع
نزلنا حجيه نوفه مجهزه الريوك وخابزه خبز حار
كعدت ع الميز نمت .. فزيت ع صفگته ع الميز حيل
نوفه: خرب وشك ايهم البغل
عگدت حاجبي وخزرته باوعلي صفح وشرب چاي
هنادي: وين غايحين غيغ ادغي؟
ايهم: حجيه چنتج كله بالغاء تتعامل
درت وجهي عنه مالي خلكه وكعدت متنحسه
ماهر: عاش من سمع شوفكم يمعودين متأخر للنخاع
نزلت اسراء تركض وراه : صباح الخير مع السلامة
وطلعو
نوفه: شمالكم يمه ماعندكم تنبيه
شاف ايهم الساعه وهي كومه من الكرسي وهو كلب الميز وطلع يركض وراها رجعلي
: ولج غضب كوووووووومي
طلعت اركض بنعالي وصلت للباب انتبهت رجعت اخذت حذائي وطلعت
ايهم منتظرني بالسيارة وماهر واسراء راحو بسيارتهم
: ماتكلي شكو شبيكم صدك جذب
ايهم: اريد اروح للمحكمه اليوم الدعوه والحكم مال امج وسليل والسربوت الي متفق وي سليل
وراها نروح نشتري آثاث
وراها نطلع عمال وبعدها نجيب الحلقات
ونروح نحجز محكمه للعقد مالتنا
شغل للنعال عندي اليوم وساعه 9 وبعدني ليهسه ممسوي شي والحكم مال امج ساعه 10
صارت مثل الغصة بداخلي من گال حكم امج
احساس صعب رايحه حتى اشهد ضد امي بالسجن
تعبتنا ولعبت بينا لعب بس صعبه ع كل بنيه
وانا ماشفت الحب والحنان منها كل الي شفته طمع وكره وحقد
زط بط وصلنا للمحكمه نزلنا ودخلنا
وبدت سوالف المحكمه المحاميين
والسلام والشهود
وهذا يكول الحق وياها
وهذا يكول الحق مو وياها
ضرب القاضي ضربتين خنسو ..
كامت شاهده من الشهود
مجهولة الهوية : انا راقصة بأحد ملاهي اربيل
بعد سالفة القتل وهذا الحجي اجتني لاربيل وع اساس نازحه ومطروده من قبل اولادها وكالت اخذتهم وتعبت عليهم بتركيا تالي طردوني واجت لاربيل حتى تعيش وصارت كدامي .. انا وحدي مامتزوجه كعدتها ببيتي اكل وشرب ودلال وحتى شغلي عفته علمودها
فترة وتعرفت ع جيراني مطلگ وعنده ثنين بنات
تزوجت منه وهي ع علاقه صداقه ويايه
جان يأذي بناته ويأذي ابنه بس وياها ودود واخر شي تركهم وهجرهم وراح تزوج وطلع للخارج وعاف الجهال عليها وبيوم كالت راح ارجع لتكريت اولادي رجعو من تركيا ويردوني .. اخذت غراضها وطلعت من اربيل
وراها قطعت الاتصال نهائي بيه..
ورجعت لشغلي بس الي يوصلني عنها
انو هي متفقه مع واحد بالملهى الي اشتغل بيه انا
ع اساس كل شهر تاخذ فلوس وتدز اله بس حتى يتزوجها ويسفرها للخارج جانت تكول اولادي مايرحموني وبالكوه يوكلوني وهذا الكلام
بقيت صافنه هذا كله من وراي
والشهود كلهم ضدها لحد ماكام ايهم وانصدمت
دخل لسجن الاعتراف و وكف باوعلي وأشرلي بمعنى اهدي .. ابتسملي براحه .. ايهم بهذا الوقت كل الي يريده فقط ياخذ حقي لا غير
بلش يتسلسل بالكلام
وبلش يحجي عنها ...
ايهم : دائما مع الحق وزوجتي عانت من الكثير بسبب والدتها الي حرمتها من طفولتها وحياتها.. كان عمر زوجتي بأقصى حد من المراهقه واستغلت والدتها غياب والدها المرحوم واخوها وحاولت تزوجها لشخص غريب الي بعد مرور الزمن كان هو الارهابي المتفق عليه ع قتل والدها واخوها كانت مجهزه الشيخ والناس لحتى تعلن عن عقد بنتها من رجل غريب
وزوجتي كانت صغيرة وماكانت تعرف تتصرف بالمنطق الا ان وصل والدها واخوها بخبر من اهالي المنطقه لحكو بالخبر..
هذا اول افعالها وثاني افعالها هو قتل والدها الي اندفن هذا الموضوع تحت التراب لايام وسنين ولازم ينكشف
كانت ع اتفاق بأن تتخلص من زوجها وابنها حتى تأخذ الممتلكات والفلوس والبيوت وكل مايملك سيد المرحوم
بعد ماتهجرو ورجعو لوحدهم من دون امهم
كانت زميلتي او اختي الي هي حاليا متواجده ويانا
كانت تتكلم عن هنادي بكثره وصرت اراقب هنادي من بعيد جذبني موضوعها حيل وصرت اراقب واتوصل لناس وكدرت اوصل للمعلوم ...
وبلش يفتح صور وفيديوات لناس تتكلم ضد امي
وتأيد كلام ايهم وصدق الموضوع
دموعي نزلت على خدي وتسلل بهدوء وحراره
مسح دمعتي ماهر وكال : فخر الج ايهم اليوم
ابتسمت ونهينها المحكمة بالحكم ع امي 15 سنة
طلعنا وانا مانطقت ولا حرف
العب بالسوار بيدي واصفن
ايهم: نتريك ونروح نكمل شغلنا
ماهر: اي والحسين جوعان ميت
رحنا لمطعم ونزلنا كعدنا ع طاوله ع كدنا
اسراء يمي وكدامنا ماهر وايهم
طلبنا مخلمة لحم وليمون وياها
وجبن عرب للباقي وريوك عادي بس انا مالي نفس
انتبهت لاسراء بس نزلو المخلمة خلت ايدها ع خشمها
وعفست وجهها متقززه من الريحه ..
باوعلها ماهر بقلق
هزت راسها بالنفي وكامت للحمام
ماهر: طگها عرج مرتي؟
ايهم مدنك ياكل وهمس : كوم شوفها ولا تصير گرن
كام وراها ماهر
دعيت الله الي ببالي صح
ايهم: نطلع اول شي نروح لولد اعرفه
ابلغ العمال وادفعلهم حتى يطلعون من باجر
وراها نروح نجهز آثاث للبيت وبعدها نروح نحجز محكمه ..
سكت وراها رجع كال
: المحكمه يوم الثلاثاء والخطبه عكب باجر
شني زط بط؟
هنادي: شسالفه مو استعجال
ايهم: ترى احنا متزوجين اصلا
بس الي داسوي علن كدام الناس
هزيت راسي وبقيت اخوط بالچاي رفعت عيني لگيته مشابك ايد بايد ومرخي وجهه عليهم ويباوعلي بتضييق العين ..
ايهم: مو اخذنا حقچ؟
: صعبه ايهم حيل صعبه امي انحكم عليها 15 سنة بأجغام
ايهم: بس عوفي الغاء رحمه للغاء
اجت اسراء تمسح وجهها واجه ماهر الي يراقبها بقلق
ماهر: والعباس راح اتخبل صارلها يومين تكلب معدتها
واكللها حللي ماتقبل تكول ماكو متأكده وانا من شكي بيها اقسم بيسوع حبلت
ايهم: فضحتنا اكعد واسكت
اسراء: مابيه ماهر بس لعبان نفس عادي ترى
باوعتلهم ورجعت دنكت
وهمست : غوحي حللي كلشي يصيغ
سمعت صوت ضحك بخنكه وكتم
بس يصنفون غلست عليهم ومارفعت عيني
سمعته يهمس الهم
:الي يضحك سنونه تتكسر بحلكه
تروحون فدوه للغاء مالتها ..
ابتسمت وكمت تحمدت ورحت غسلت ورجعت
ايهم ماكو
ماهر: راح يجيب كلينكس خلصته الست اسراء بس تمسح مو خشمج راح يخرط شكد تمطين بيه؟
وبقو يتداهرون ع ابسط الامور
خلصنا وطلعنا لصديق ايهم واتفق وي العمال وحدد بالخريطه وكال انا وياكم ماعوفكم وانطاهم الرقم والفلوس وراها طلعنا لابو الاثاث انا واسراء نختار الاثاث مال البيت وايهم وماهر يختارون للحديقه وترتيب خارجي .. حجزناهم ودفعنا فلوس عربون
وراها رحنا للصايغ نختار الحلق والذهب
ورجعنا للبيت هلكانين ساعه 4 العصر
نوفه: ها يمه خلصتو شغلكم؟
ايهم: الحمدلله
نوفه: وهاي حوينه؟
ايهم: حكم 15 سنة
وهلهلت الحجيه
فرحت وحسيت براحه بس حزت بداخلي
انتبهت اليوم والبارحه لا لمحت شي ولا شفت شي
استغربت الوضع لكن غلست وماحجيت ...
صعدت بدلت ونزلت جانت صابه الغدى الحجيه ومجهزه السفره
ماهر:لعنت الله ع امي ورحمه الله ع ابيج ميت جوع
نوفه: اكعد يمه اكعد لا بارك الله بأمك
كعدنا ناكل ونضحك وسفرتنا دايمه لكن اجانا اتصال من زين وهو
يگول:- الحكووو فاقد مختفي ومايرد علينا من الفجر
كام بسرعه ايهم طفر من السفرة
وكانو واحد كله واحد من ولدك وكع
وماهر طلع وراه ونزلت زينب توها كاعده من النوم
: هذا شبيه فهد خابرني بس يصيح والغسل
نوفه: احجي عدل لا افرك حلكج رجلج هذا
: يصيح يمه يصيح
.
كعدت ع صوت تلفوني يدك
فتحت الخط بدون ماشوف الاسم
بنعاس وخمول : هاا الو
فهد: ايهم وينه
: هااا
فهد: لا حول الله زينب ايهم وين؟؟؟؟؟
: يا ايهم؟ انت منو؟
فهد: خرب بالكـ*** اييييهمممم وييييين
صحيت ع صوته شفت الاسم الافيفس
بسرعه رجعته ع اذني
هاااااا ايهم جوه وين يعني
فهد: وينه اتصل عليه مايرد
: هو مايرد اني شعليه؟
كفر بوجهي وسد التلفون .. شبي هذا؟ مو حمل؟
زينب: وهذا الي صار
هنادي: غبائج هذا شوكت تبطلين يمه؟
جعفر: هاي غقية الططو جغتني من شعغي
نوفه: شني؟
اسراء: هههههههه رقية جارته من شعره
نوفه: يجي ايهم ويتصرف وياكم انتو تشلعون الگلب
غسلنا المواعين وبقينا ع نار منتظرين خبر عن فاقد
.
عن لسان فاقد //
فاقد : معليك انتَ بس الزمه وباجر ابلغ ايهم واجي هذا الڪـ *** ماخذ راحته هو انا منتظره صارلي سنين والله لعلمه واربي من جديد مايطلع علي شارب
وبقيت منتظر وصارت ساعه 5 الفجر ماتحملت كمت بدلت وتلثمت واخذت سلاحي وطلعت
اتصلت عليه
فاقد: انت وين؟ يمعود قفل المخزن عليه جايك انا
الطريق طويل وماجاي اوصل اله
الطريق تعبني والخطوات هلكتني هلك
وصلت ساعه 6 الصبح غلقت تلفوني وشمرته بالسيارة اخذت سلاحي ونزلت جان ضرغام واكف بالباب
بدون سلام دفعته بخفه اريد ادخل
ضرغام: لا تتهور فاقد انتبه
باوعتله ودخلت للمخزن جان لابس دشداشه رصاصي وشعره مزين ولحيه مزينه ومليانه شيب
اول مانزعت اللثام تفلت ...: هاي لشيباتك حجي
باوعلي بجبروت وقوة نفس النظرة ونفس الشر
: منو انت؟
جريت الكرسي وخليت سلاحي بالكاع وكعدت كدامه
فاقد: چاي گهوه؟
نزيه: كلت الك كول منو انتَ؟
فاقد : ياحبيبي راح يمعط گلبي هذا
نزيه بصياح وجبروت: تحجي لووووو لاااا
فاقد: خزرته ونزلت راسي وباوعتله بطرف عيني وهمستله بصوت شبه مسموع ...
انــه فاقد ابنك الچبير بويه
باوعلي مصدوم وسكت
فاقد : اكره عيونك سدهن
نزيه : شجابك فاقد؟
فاقد: ملك الموت دزني عليك
كال بروح امك روح اقبضلي روح هذا العار مابيه حيل
