رواية انجدني من الغرق الفصل الثالث بقلم امل بكر
-كخطيبك ياحبيبتي اكلم ابوكي عليه ؟
ضحكت بسخريه ،
-اروح اشتري ورد واتقدم يعني ولا اي
بابتسامه كبيره ،
-يعني موافقه عليه هو شخص كويس ومحترم جداً
-انا مش حابه ادخل في علاقه ياريت تقفلي الموضوع ده لو سمحت
-لي كده ياليلوو جربي علي الاقل
-لا شكراً مش عايزة ممكن امشي ؟
-هتروحي فين؟..
-مش عارفه هتمشي شويه
-متتأخريش هنروح النهارده بليل عيد ميلاد صحبتي
-لاء روحي انتي مليش مزاج
-تعالي فكي يلا هطلع انا اجهز نفسي
سابتني وطلعت وانا طلعت السواق فتحلي الباب ولكني شاورت بايدي
-لا شكراً هتمشي علي رجلي
-تمام ياهانم الي تؤمري بيه
مشيت وقعد في كافيه طلبت قهوة وسند ضهري وفضلت ابص للي حواليا بانتباه ياتري مين غلط هما ولا انا !!!
موبايلي رن وكانت "كارما " رديت باستغراب
-ايوه
-اخبارك ياليال طمنيني باباكي طلع انا نمت امبارح ومتأسفه متصلتش
حطيت ايدي علي كوبايه المايه وقولت ،
-طلع الحمدلله هو اخوكي قالك حاجه ؟!
-هو مش موجود صحيت وهو دلوقتي بيكون في مكتبه
-اممم يعني متكلمتوش ؟!!
-لاء هو في حاجه ؟!..
-لا لا بسألك عادي يعني
-اهااا
كملت بضحكه ،
-طلع شاطر مش كده
-هو مين ؟
-صالح
-مين صالح ؟
-مالك ياليال اخويا الي اجه امبارح ليكي
-اه اه معلش مش مفوقه انتي فين ؟!
-في البيت وانتي ؟
-قاعده في كافيه
-لوحدك
-امم
-طب انا هاجي اقعد معاكي
قولت بسرعه ،
-لاء مفيش داعي
-انتي مش عايزاني اقعد معاكي!!
نفيت براسي ،
-لا مقصدش كده خلاص مستنياكي
-طيب
حطيت الموبايل واتنهد بتوتر فات نص ساعه ولقيت كارما بتقعد قدامي كانت لابسه جيبه بيضا وبلوزه بينك واسعه جمب واسع وجمب عادي وطرحه خلتها شكلها حلوه اوي
-اتأخرت عليكي ؟!
-لا .. شكلك حلو انهارده
ابتمست ،
-شكراً انتي احلا
-لسه بتروحي الچيم ؟
-اه بروح انتي لي مش بتيجي
-بروح اوقات النادي مع ماما وحفلات وهكذا فامش بلاقي وقت
-اممم حاولي تيجي الكل هناك بيسألو عليكي
-اكيد هحاول
-انتي مالك حساكي مش علي بعضك انهارده
-لا خالص انا تمام يمكن علشان نمت امبارح متأخر
-معلش ان شاء الله امبارح ميتعدش تاني
-يارب
"""""""""""""""""""""""""""""""""""""""
||في مكان شركه منصور أشرف ||
"في اوضه كبيره راقيه تلت اشخاص قاعدين مع منصور ومن ضمنهم المحامي الخاص الي وصل من السفر "
منصور وهو ماسك ورقه ،
-اخر الاسبوع في واحد هيجي عايز بضاعه مننا ومش عايزين اي غلطه وناخد حذرنا
شخص اتكلم ،
-طب والي مبلغ عملت معاه اي يامنصور باشا ؟
منصور بصله وقال ،
-مرمي في المخزن لغيت لما اشوف هعمل معاه اي
الشخص التاني ،
-اوعك تتهور فكر براحتك
منصور بوعيد ،
-هيندم انه فكر يلعب معايا
المحامي ،
-طب دلوقتي احنا مينفعش نتحرك خطوه العين عليك يامنصور باشا
-يعني اي ده واحد تقيل مقدرش ارفض شغل زي ده هيخلينا نطلع لفوق
المحامي ،
-اظن لو نزود بضاعه بنسبه ٥٪ وبنفس السعر مش هيرفض لو يستلم علي الاسبوع الجديد
-منصور بانتباه ،
-واي الفرق ياأسامه احنا هناخد حذرنا ملهوش لازمه التعطيل
أسامه المحامي ،
-يامنصور باشا خلينا في الامان لان لو حد اتمسك من الرجاله مش بعيد يعترف وكل الي بنعمله يروح في الهوا
تدخل شخص ،
-انا شايف انه معاه حق يامنصور باشا احنا مش عايزين يحصل مشكله
الشخص التاني ،
-بصراحه يامنصور باشا وانا رائ كده برده
منصور سكت دقيقه وقال بثبات،
-ماشي رتب انت الأمور ياأسامه
قامو وهيخرجو من الاوضه ولكن منصور قال
-استني انت ياأسامه عايزك
الباقي طلع واسامه قعد في مكانه من تاني ،
-اتفضل يامنصور باشا خير
بصله بنظره عصبيه ،
-انت عارف سفرك من غير اذني ده هبب اي !!
أسامه بارتباك ،
-انا متأسف بس كان سفر فجأة وملحقتش اعرف حضرتك لانه ده يوم ومكنتش اعرف انه هيحصل يوم لما اسافر ان حضرتك تتمسك
خبط بايده علي المكتب ،
-وانت عارف ان شغلنا مفهوش وقت معين يعني لازم تكون موجود لو حصل حاجه زي امبارح كده
-متأسف مره تانيه ياباشا الحمدلله عدت علي خير
حط ايده علي دماغه وقال ،
-شكلها معدتش علي خير
اتعدل اسامه في قعدته ،
-لي حضرتك بتقول كده في حاجه حصلت
-بنتي جابت محامي امبارح وطلع مش بيحل القاضيا دي
-وحضرتك حد قاله حاجه
-حسيت انه مش هيرضي فامضرتش احكي
-طيب كويس انك عملت كده لي قلقان بقي
رفع راسه وبصله ،
-مش مرتاح عايزك تعرف عنه كل حاجه اعرف اسمه من يحيي
قام وقف ،
-تمام تطلب بأي حاجه تاني
شاورله بايده ،
-لا روح شوف شغلك
"""""""""""""""""""""""""""""""""""""""
||في الكافيه ||
-مكنتش اعرف ان اخوكي صغير ومحامي
-فكرتي كبير ؟!
-اهاا اول مره اقابل محامي في سنه
ابتمست وقالت،
-صالح اشتغل علي نفسه كتير وانه يفتح مكتب بتاعه ده كان بعد تعب رهيب فاهو يستاهل كل خير
-امم شكلكم قريبين
-اخويا واكبر مني وانا الي قدامه فاطبيعي هيرازي في مين غيري
هزيت راسي بهدوء ..هي اتكلمت ،
-انت عندك اخ واكيد فاهمه
-فاهمه اي ؟!
-ان يعني يرازيكي ديماً ولما تضايقي تحكيله وهكذا
هزيت راسي بكذب ،
-اه طبعاً ده دماغه وجعته مني ومن حكايتي
ابتسمت ،
-ربنا يباركلك فيه
-شكراً
-موبايلك بيرن
رديت بانتباه ،
-ايوه ياماما
-انتي فين ياليال ؟!! تعالي يلا علشان تجهزي
-ماما روحي انتي مش عايزه اروح اعياد ميلاد انا
-نڤين هتزعل دي اكدت عليا انك تيجي معايا وكمان طارق
-ماشي ياماما
-متتأخريش
-طيب
قفلت معها وكارما سألت ،
-انتي تمام متأخره او حاجه
رجعت قصتي ورا ودني ،
-ماما راحه عيد ميلاد صحبتها وعايزاني معها
-اهاا طب مضايقه لي علشان اعياد الميلاد حرام ؟!
لتاني مره اسمع كلمه حرام علي حاجه في روتينا الطبيعي !!
بلعت ريقي وقولت ،
-هو حرام ازاي يعني ؟
ملامحها اندهشت من كلامي ولكني قولت بسرعه وكأني فاهمه ،
-انا فاهمه الحرام اقصد يعني ان ربنا غفور رحيم وهنستغفر عادي
معجبهاش كلامي فهمت كده من ملامحها وقالت،
-طبعاً. ربنا غفور رحيم بس مش نعمل الحرام ونكون قاصدين و..
وقفت كلامها لما موبايلها رن ردت وبعدين قامت وهي بتقول
-أسفه ياليال ماما بتكلمني علشان الغدا
قومت انا كمان،
-لا تمام انا هروح كمان
"طلعنا بره الكافيه مع بعض كارما وقفت قدام عربيتها الصغيره البيضه "
اتكلمت باعجاب ،
-دي عربيتك !!
-اه لسه بابا جبهالي مفأجاه علشان جبت تقدير في اخر سنه من كليه الطب
رفعت حاجبي باعجاب ،
-ده حلو جداً بالتوفيق شكلنا لسه معرفناش بعض كويس دكتوره اي ؟!
-لا انا مش هشتغل بالشهاده هفتح مركز وابقي لايف كوتش
-واهلك مش هيرفضو!!
-الحقيقه هما اتكلمو معايا ولكن دي رغبتي وهما سابوني علي راحتي
-اممم بالتوفيق ياكرما
-يلا اركبي هوصلك
نفيت براسي ،
-لا لا انا..
مسابتنيش اكمل كلامي ومسكتني من ايدي وفتحتلي الباب دخلت وهي قفلت الباب
اتكلمت بعد لما وصلتني قدام الفيلا،
-انا حاسه اني عطلتك!
اتكلمت وهي بتشاور ،
-علفكره فيلتنا اخر الشارع ده علطول
-بجد ده انتي قريبه مني
ابتسمت ،
-شوفتي ..لسه مكملناش كلامنا لينا قاعده اكيد
-تمام باي
-في رعايه الله
ابتسمت ومعرفتش اقول اي وفتحت الباب ولكنها قالت ،
-قولي في رعايه الله وحفظه
بصلتها وقولت ،
-في رعايه الله وحفظه
نزلت وانا بقول لنفسي ..اكيد اخوها هيخليها متكلمنيش تاني كارما لطيفه كان نفسي يكون بينا رابط الصداقه
دخلت اكلت في المطبخ وطلعت اوضي.. طلعت جيبه لبعد الركبه بيضا وبلوزه حمرا وقفت قدام المرايا فرد شعري ولميت الاطراف بتوكه ونزلت قصتي القصيره وحطيت روج احمر لايق علي لون بشرتي لبست الهيلز وشديت شنطتي ونزلت
ماما متقلش فخامه عني كانت لابسه فستان اسود مبين جسمها وشنطه حمرا وميكب صارخ
ماما اتكلمت وهي بتعدل شعري برفق ،
-حبيبتي انا اي الحلاوي دي !
ابتمست بهدوء ،
-مفيش احلا منك
يحيي دخل وهو بيمسك ايدي وبيلفني ،
-اوووه اي ده !!!
ساب ايدي وراح لماما عملها نفس الحركه
-رايحين فين بالحلاوي دي ؟!!
ماما ردت ،
-عيد ميلاد صحبتي يلا احنا هنمشي باي
يحيي،
-مع السلامه …ياسنااااء حطيلي الاكل
سناء ،
-حاضر يابيه في ثواني
"""""""""""""""""""""""""""""""""""""""
السواق وقف قدام فيلا طنط نڤين الي بتكون بعدنا بشارع
-ماما هو العيد ميلاد في ڤيلتها
ردت وهي بتفتح الباب ،
-ايوا
"نزلت وراها ودخلنا كل الانظار اتحولت علينا واحنا دخلين الجنينه فيها بلالين وستات لابسه فساتين ورجاله كمان فيه"
"وقفنا علي تربيزه وحطيت شنطتي عليها وانا بلف بعيني علي المكان حطيت ايدي علي قلبي لما طارق وقف في وشي "
مدلي ايده بالعصير وابتسم ابتسامه واسعه ،
-ازيك ياليلوو وحشتيني
رديت وانا ببعد الكوبايه الي في ايده عني ،
-شكراً مش بشرب الحاجات دي
ضحك ،
-وماله نجيب حاجه تانيه لاجل عيونك
وقف الجرسون الي بيلف بالعصير واخد عصير اتنفست بضيق من طريقته الي بتقلبلي بطني
اخده منه ولفيت وشي ولكنه اتكلم ،
-قوليلي انتي كويسه ؟!
قولت بصوت مضايق ،
-كويسه شكراً
ايده كانت هتمسك ايدي ولكني بعد بسرعه ،
-انت بتعمل اي ؟!!
-كنت همسك ايدك نرقص!!
-لا لا انا مش بحب الرقص شكراً
-طب بتحبي اي واعملهولك ؟..
"نفخت بصوت مسموع يمكن يحس اني مش طايقا "
قرب علي ودني وهمس ،
-لو مش بتحبي الدوشه ممكن ندخل جوه الڤيلا
مرتحتش لكلامه ولا لنبرته ،
-معلش يااستاذ طارق سيبني علي راحتي
-استاذ اي بس قوليلي طارق بس ياحبي
فتحت بوقي بدهشه ،
-لو سمحت متكلمنيش بالطريقه دي
-طب خلاص لي مضايقه اوي كده
قولت بنفاذ صبر ،
-بص انا مبحبش الكلام بحب اقف كده ساكته ممكن تسبني علي راحتي بقي
غمزلي ،
-طبعاً ياحبي اسيبك بس هرجعلك تاني
لفيت وشي بعيد عنه بقرف مشا اخيراً من جمبي وماما اجت وقفت جمبي
-اي الاخبار كنتو بتحكو في اي ؟!
شكرا لزيارتكم عالم روايات سكيرهوم
