رواية نوح مريض بالتوحد الفصل الثالث والأخير بقلم ياسر عوده
الاول اذكر الله وصل على الحبيب المصطفى وادعوا لاخوانكم بفلسطين والسودان وكل بلاد المسلمين .
اتمنى منكم تعلقوا اقل حاجه 10 تعليقات ده غير التفاعل ده اللى بيشهر الصفحه واعتبروه ده تقدير من حضراتكم ليا وشكرا احبائي.
اصحاب مرض التوحد لا يفصحون على مشاعرهم بسهوله لذلك تشعر بانهم باردون المشاعر ولكن ذلك غير صحيح فكل ما فى الامر انهم لا يستطيعون البوح ما بداخلهم بسهوله .
ذهب نوح الى العمل اليوم التالى وكان طبيعى جدا ، وهذا ما اغاظ بسمه كثيرا فهو يتعامل معها بشكل طبيعى وكانها لم تعترف بحبها له ، ومرت عدة ايام على ذلك وكل يوم بسمه تتحول فيه الى قنبله على وشك الانفجار ، ولكنها كانت لا تريد التنازل عن كرمتها اكثر من ذلك وانتظرت حتى يتحدث نوح بالامر ، فى يوم استدعت عيون نوح لتخبره انها استطاعت التحرى على تلك الشركه اليابانيه واكتشفت انها كانت مجرد نصب مش اكتر ، فاحد ملاك تلك الشركه قد انفصل عن باقى المجموعه وحاول استغلال اسم الشركه والاوراق التى كانت تثبت مشاركته بها بان يعقد صفقه مع احد المستثمرين المصرين لبناء مصانع دون ان يتكلف هو بشيء .
طبعا كان كل ذلك جيدا بالنسبه لعيون فهى لم تقع فريسه هذه المؤامره ، ولكن نوح قد سئلها وقال : هى عيون اللى اتصلت باللجنه وعرضت عليهم المشاركه ، ولا اللجنه هى اللى اتصلت بعيون ؟
عيون : لا هما اللى اتصلوا بى وقالوا انهم بيختاروا بين مجموعه كبيره من رجال الاعمال المشهورين بمصر .
نوح : اللجنه قالت لعيون هما اتصلوا بمين من رجال الاعمال دوول ؟
عيون : لا طبعا قالوا دا سر ، انا مش فاهمه انت تقصد ايه يا نوح ؟
نوح : نوح شايف ان عيون هى المقصوده بالنصب دا مش مجرد صدفه او اختيار عشوائى زى ما عيون فهمه .
عيون : انا مفكرتش بالامر دا بس انت عندك حق لازم اعرف انا مقصوده ولا لا ، ولو انا مقصوده يبقى مين عاوز يعمل كدا فيا ، تعرف المسئول عن الامن بشركتنا كان لواء سابق بالشرطه ، واكيد هيجبلى اصل الموضوع دا .
نوح توجه الى باب المكتب لمغادره مكتب عيون وقال : نوح مش عارف عيون من غيره كانت هتعمل ايه ، انتى كنت عيشه ازاى وانا مش بشركتك ، وعمله نفسها سيده اعمال شطره وهى بتغرق بشبر مايه ، ثم غادر نوح وبالطبع سمعته عيون وهو يتحدث وكادت تقع من كثرة الضحك على كلام نوح وردت عليه بصوت عالى ليسمعها وهو يبتعد عن المكتب وقالت : انا سمعاك على فكره ، برطم برطم بالكلام برحتك يا عم نوح ، حقك بس انا مش عرفه الغرور بتاعك دا كله انا مستحملاه ليه .
عندما كان نوح بمكتب عيون وقد غاب عندها فتره ، اصبحت بسمه بركان ثائر من الغيره وظلت منتظره عوده نوح وعندما عاد جريت اليه بشكل تلقائى وسئلته لماذا تاخر عند عيون ؟
نوح : عيون كانت بتستشير نوح فى امر ما ؟
بسمه : انت عارف ان انا بغير عليك صح ، وانت بتعمل كدا قاصد ؟
نوح : نوح مش فاهم بسمه عوزه ايه منه .
وهنا بسمه انفجرت من البكاء بشكل مفاجأ ولاحظ الموظفين هذا الامر ، ونوح لم يفهم ماذا فعل لبسمه ولماذا هى تبكى فقال لها : نوح ميحبش يشوف بسمه بتبكى ، اللى عوزاه هعمله بس بلاش بكاء ؟
هنا ضحكت بسمه وحضنت نوح وارتفع صوتها وقالت بجد نوح طبعا موافقه ، ونادت على جميع الموظفين الموجودين واخبرتهم ان نوح تقدم لخطبتها ، وبالطبع هنئهما كل الموظفين اما نوح فقال لبسمه : نوح مش فاهم خطوبه ايه ؟
لكن بسمه لم تجبه وقامت بالغروشه والالهاء لكلام نوح وظلت تستقبل تهنئات الموظفين ، وبعد انصراف الموظفين همست الى نوح وقالت له : ايه يا نوح مش انت لسه موافق على الخطوبه ، مش انت قولت من شويه ان انت موافق على اللى انا عوزاه .
نوح : نوح مكنش يقصد الخطوبه دى ، انا كنت عاوزك تبطلى بكاء ؟
بسمه : انا اسفه فهمتك غلط بس ارجوك يا نوح هنعلن الخطوبه فتره وبعدين نفسخها انت متقبلش انى اتحرج امام الناس والموظفين ، ارجوك ادينى فرصه يمكن تحب الارتباط بيا بعد ما تعرفنى كويس .
نوح : نوح مبيحبش الكدب ، ومش بيكدب على حد او بسبب حد .
بسمه : لو حد سئلك انت اتخطبت ولا لا ابقى قول الحقيقه ، محدش هيسئلك كدا اساسا .
نوح : نوح هيعمل كدا علشان تبطلى بكاء ، بس مش هيكدب .
انتشر خبر ان نوح تقدم لخطوبه بسمه فى الشركه كلها وبالطبع علمت عيون بالامر ، ولكنها لم تظهر اى رد فعل لذلك ، ولكن منذ ذلك الوقت ولم توافق على مقابله نوح فى مكتبها فكلما يذهب لعرض شغل او امر ما تخبر السكرتاريه ان تستلم الشغل منه لانها مشغوله جدا ، وان صادف وجودها بمكان به نوح لا تتوقف وتحدثه ابدا بحجه انشغالها ، كان هذا الامر متعب جدا لنوح لانه تعود على التحدث معها يوميا ، ولم يفهم سبب تصرفات عيون .
كان نوح يشعر بتورطه بخطوبه بسمه ، فهى تعرف الناس عليه بكل مكان على انه خطيبها وايضان تتسبب باحراجه الشديد حيث انها تورطه بحضور حفالات وعزومات خاصه بها وتجعل منه عاجز عن التصرف او التفكير ، وبالطبع نوح من الناس الذين لا يحبون الاختلاط كثيرا بالاخرين ، وكان يشعر ان الشخص الوحيد القادر على اخراجه من تلك الورطه هى عيون ، فهى تستطيع انصاحه بالتصرف السليم ولكن عيون تتهرب من لقاءه دائما .
بعد عدة ايام قال احد الموظفين لنوح انا سمعت ان انت وبسمه هتعملوا الخطوبه الشهر القادم
نوح : نوح مقلش الكلام دا مين قالك كدا ؟
الموظف : بسمه هى اللى قالت ، وكمان هتقيموا الحفله فى قاعه بوسط البلد ؟
نوح ترك الموظف وتوجه الى بسمه وقال لها : هى بسمه ليه بتقول ليه للناس ان خطوبتها على نوح الشهر القادم ، انتى ليه بتصعبى المواضيع على نوح ، ازاى يعنى نوح هيتفصل عنك وانتى بتورطيه ، نوح بيعز بسمه زى اخت ليه وصديقه ومينفعش يتجوز بسمه ولازم بسمه تفهم كدا .
حاولت بسمه تهدائه نوح واقناعه انها اتورطت هى ايضا بقول معاد الخطوبه غصب عنها وانها لن تقوم بتوريط نوح فى شيء اخر .
كان نوح متضايق جدا وغاضب مما يحدث ، واول مره يشعر بالوحده الشديده ، رغم انه طول عمره وحيد الا انه لم يشعر بتلك الوحده الا الان ، ثم اتخذ نوح قراره اخيرا وتوجه الى مكتب عيون ولم يستأذن من السكرتاريه ودخل مكتبها عنوه ، بالطبع حاول العاملين بالسكرتاريه ايقافه ولكنه كان قد دخل بالفعل وحينما حاولوا اخراجه بالقوه ، وشاهدت عيون ذلك الامر حينها لم تستطيع تحمل ان يستخدم احدهم العنف مع نوح امامها وهنا اعطتهم الامر بتركه يدخل مكتبها ، وجلس نوح مع عيون وقال : نوح زعلان وغاضب جدا من عيون لانها ترفض مقابلته ، هى عيون بتعمل كدا ليه فى نوح ، نوح غلط معاها فى ايه ، نوح متورط فى موضوع ومش عارف يخرج منه ازاى وكان محتاج لعيون تلحقه ، هى عيون قالت لنوح قبل كدا ان هو ميقلقش طول ما هى موجوده ، بس عيون كدبت على نوح وسبته من غير حتى ما تقول السبب
كادت عيون تنفعل على نوح من اتهامها بالكدب وايضا عدم معرفته بسبب غضبها ولكنها تنبهت بكلامه عن وقوعه بورطه فسئلته : ورطيت ايه يا نوح اللى انت فيها ؟
وهنا قد قال نوح لعيون حن قصته مع بسمه وكيف تورط بالخطوبه معها وانه لا يجد حل يخرجه من تلك الورطه ، بالطبع فرحت عيون فرحا شديدا بسماع قصه نوح ببسمه فهى تعرفه جيدا وتعرف انه لا يكدب مهما حصل ، وقالت له : اهو طبتك دى هتوديك فى داهيه يا عم نوح ، وانا اللى كنت زعلانه منك وانت اصلا متنيل متورط وذكائك دا كله منفعكش فى حاجه ، كويس ان انت جتلى علشان ميقدرش على السيت غير ست مثلها ، وانا هفرجك هعمل ايه فى الزفته اللى اسمها بسمه دى ، ليلتها سوده معايا ان شاء الله .
نوح : نوح عاوز يعرف ايه كان مزعل عيون منه ، وكمان عيون هتعمل ايه فى بسمه ؟
عيون : ملكش دعوه ومتشلش هم الموضوع دا ، انا اصلا كنت مستنيه اتأكد من امر وكنت هتصرف معاها لو شكى طلع فى محله ؟
نوح : نوح مش فاهم ، شكه فى ايه ؟
عيون : فاكر الموضوع بتاع اللجنه اليابانيه لما انت نبهتنى انهم كانوا قصدينى ، كلامك طلع صح وعارف طلع ايه ابن عمى اسامه على علاقه بالشريك اليابانى اللى قبلناه ، بس انا منعت نفسى عنى لغايه ما اعرف مين هنا بينقله اخبرنا ، فى موظف بالسكرتاريه عندى بينقله اخبارى وكمان شكه فى بسمه دى تكون ليها علاقه بيه لان واحد من الموظفين شفها اكتر من مره بتصور اوراق من الشركه بتعتى كتير خاصه بالميزانيه وحسابات العملاء ، انا مستنيا اتأكد بس من اللواء السابق بالشرطه لانه حاطط ناس تراقبها ولما يأكدلى الخبر هتصرف معاها هى واسامه واللى فى السكرتاريه بطرقتى ، هعرفهم مين هى عيون وتقدر تعمل ايه باللى يفكر يتلاعب بيها ، بس عوزاك يا نوح تصبر لغايه ما اتأكد وسعتها همسحلك بيها الشركه ، وهربيها على اللى بتعمله فيك ، خصوصا انها شكلها مش بتحبك من الاساس وان كل همها ان تبعدك عنى وخلاص .
نوح : نوح الايام اللى فاتت كان حزين جدا لان عيون مش موجوده معاه ، كنت حاسس بحاجات مش فهمها ومش عارف ايه هيا ، كان نوح بيفكر كتير بعيون طول الليل وبيسئل نفسه هى عيون زعلانه ليه وامتى هتكلمه ، نوح كان عنده قلق وارق شديد ، نوح كان تعبان اوى وزعلان وكل دا وعيون مهمهاش تعبه ولا حتى تفهمه بيحصل ايه ؟
عيون : مكنش ينفع يا نوح اكلمك ، كان لازم ابين ان خطتهم نجحت ، بس وغلوتك يا نوح عندى انى مش هرحم اى حد اتلاعب بينا وكان سبب فى تعبك يا نوح ، بس اصبر شويه بس ؟
نوح قام من مكانه وتوجه الى باب مكتب عيون للمغادره وقبل الخروج عاد مره اخرى الى عيون واقترب منها وهمس باذنيها كما كانت تفعل معه من قبل وقال لها : نوح شكله كدا وقع فى حب عيون ، تفتكرى لو اتنين مغرورين زيهم اتجوزوا اطفالهم هيطلعو ايه ، ربنا يستر على الناس اللى هيتعامله معاهم .
غادر نوح مكتب عيون بعد قول تلك الكلمات القليله وترك عيون فى ذهول تام ، كانت عيون لا تتوقع ان يصارحها نوح بحبه بها الشكل ، وايضا تحدث اليها عن رغبته بالزواج هكذا بدون قلق او خوف ، وايضا اقترابه منها بهذا الشكل كان مثل الحلم لها لم تفيق منه حتى غادر نوح المكتب ، ولكن كان قلبها فرحان جدا مما سمعته من نوح .
فى اليوم التالى كان اللواء السابق بالشرطه الذى كلفته عيون بالبحث بامر بسمه واسامه قد طلب مقابلتها وعندما دخل اكد لها جميع شكوكها ، بالفعل كانت بسمه تعمل مع نوح هى والشخص الاخر بالسكرتاريه فلقد اكدت المراقبه الموضوعه عليهم تقابلهم مع اسامه بمزل اسامه نفسه ، لم تتمالك عيون نفسها وطلبت افراد امن الشركه الحضور لمكتبها وعند حضورهم طلبت منهم تسليم الشخص الذى يعمل بالسكرتاريه للشرطه واتهامه بتسريب اسرار ومستندات الشركه ، ثم قامت هى وتوجهت الى مكتب نوح وبسمه ودخلت المكتب ثم قامت بامساك بسمه من شعرها وقامت بجرها وسحبها الى باب الشركه ثم قامت بالقائها خارج الشركه وطلبت من افراد الامن تسليمها هى ايضا الى الشرطه وتقديم الفديوهات الخاصه التى تصورها وهى تصور المستندات الخاصه بالشركه لتقديمها كداليل ادانه عليها ، بالطبع كان الامر محير للعاملين بالشركه لماذا فعلت عيون ذلك فهم لا يعرفون السبب ، اما عيون فاخذت حراسها الشخصين وتوجهت بهم الى الشركه التى يمتلكها اسامه ابن عمها لمواجهته .
حاول الامن الخاص بشركه اسامه منعها ولكن دون جدوى ، وهنا اعطى اسامه اوامره لحراسه بتركها ودخلت عيون مكتبه وتركت حراسها خارج المكتب وبداءت حديثها معه فقالت : زمان لما كنا مابنفرقش بعض يا اسامه ، وكنت انت بالنسبه ليا اعز صديق واخ وجيت فتحتنى فى موضوع الارتباط وانا قلتلك انى مبفكرش فيك بالشكل دا ، بس انت صممت ورحت فتحت عمك المهدى بالموضوع ، ومع الضغط الشديد منك ون ابى وافقت رغم انى قولتلك الموضوع دا ممكن يتسبب فى انتهاء صداقتنا بس انت مهمكش كل كلامى ، وبعديها اتخطبنا وانت طلعت زباله اوى بعلقاتك النسائيه ، وكان لازم ننفصل وفسخنا الخطوبه ، لان انت مكنتش بتحبنى بصدق انت بس كنت عاوز تمتلكنى وتمتلك شركات ابى كلها ، ورغم دا كله والجرح اللى سببتهولى بعلقاتك القذره دى ، حاولت اتناسا لانك ابن عمى وابى يحبك بشده ، بس يجيلك الجراءه ان انت تحط عندى جواسيس بشركتى ينقلولك اخبارى وشغلى ، لا ومش كدا كمان تحاول تدمرنى بالنصبايه بتاعت الشركه اليابانيه دى ، لا انت شكلك متعرفش عيون كويس انا مش هرحمك يا اسامه ومش هراعى صله القرابه والدم اللى بنا وهسجنك وحيات ابى لسجنك ؟
اسامه : اهدى بس يا عيون ومتقوليش كلام تتحسبيه عليه ، انا بقى علشان بحبك هقولك الحقيقه ، عرفه اه حاطط جواسيس عندك بالشركه ، وكمان كنت عاوز اخسرك كل قرش تملكيه فى حسابك الخاص ، علشان انتى تستهلى كدا ، انا حبيتك رغم غرورك وتكبرك وكل عيوبك ، وانتى محبتنيش علشان لو كنتى حبتينى نصف حبى ليكى كنتى اكيد هتسمحينى على غلطى دا ، عرفه يا عيون انا كنت مستعد اتغير علشانيك بس انتى بغرورك وتكبرك متدينيش فرصه حتى ادافع عن نفسى ، وفى الاخر ريحه تحبى واحد اهبل وعبيط ومجنون ومتخلف اسمه نوح مستعناش اشغله عندى خدام .
تقدمت عيون نحو اسامه وصفعته بالقلم على وجهه وقالت : نوح دا انضف من مليون واحد من عينتك ، نوح دا انسان صادق مش كداب زيك ، تعرف يا اسامه اه انا بحبه ومش بحبه بس دا انا اشتريه وابيع الدنيا دى كلها ، انا مستعده اسيب كل حاجه علشان اعيش معاه ، بس اللى زيك ميفهمش معنى الكلام دا وخساره فيك الكلام من الاصل .
ثم تركت عيون اسامه للمغادره وهى تقول له : انا هسجنك يا اسامه ، ومعايا الدليل عليك غير شهادة جواسيسك اللى هيعترفوا بيها .
وقبل ان تخرج عيون من مكتب اسامه استوقفها اسامه بقوله ، جرى ايه يا بنت عمى مش عوزه تعرفى شريكى فى المأمره ولا ايه ؟
فعادت عيون الى اسامه وسئلته : انت بتتكلم عن مين ؟
اسامه : لا ازاى هسمك كلامه بنفسك استنى ، ثم اخرج اسامه هاتفه وقام بالاتصال بشخص ما وشغل مكبر الصوت حتى تسمع عيون صوت المتحدث مع اسامه ، وكانت صادمه بالنسبه لعيون فكان اسامه قد اتصل بعمه المهدى والد عيون ، وبداء اسامه بالتحدث معه وقال : ايوه يا عمى عرفت اللى حصل ؟
المهدى : اه عرفت جتلى الاخبار ان عيون اكتشفت اثنان من الناس بتوعنا بالشركه ومنهم البنت الخايبه اللى اسمها بسمه اللى حضرتك كنت منبهر بيها وقلت ان هى دى اللى هتقدر تخلى عيون تسيب الزفت اللى اسمه نوح .
اسامه : اعمل ايه يا عمى مش انت اللى بلتنا باللى اسمه نوح دا لما عينته بالشركه ؟
المهدى : وانا كنت هعرف ازاى ان عيون هتحب المجنون دا ، من ساعت ما عينته وهو اكتشف السرقه بالميزانيه والحسابات ورجعت البيت وكانت فرحانه جدا بنوح ومن سعتها وانا حسيت بانها هتقع بحبه ، انا عمرى ما شفت بنتى مبهوره بحد زى المجنون دا ، كانت غلطة عمرى انى عينته بالشركه بتعتى وفى الاخر جاى يسرق منى بنتى اغلى حاجه عندى ، وانت يا اسامه بغبائك وتصرفاتك الطايشه ضيعت منك عيون قبل كدا كنت السبب انها تتعلق بحد صادق زى نوح دا .
اسامه : كانت غلطه يا عمى غصب عنى ، معلش يا عمى هقفل عندى شويه مشاكل وهتكلم معاك بعدين ، ثم اغلق اسامه الاتصال مع عمه المهدى وكانت عيون فى صدمه مما سمعته ، لا تصدق ان هذا ابيها اكثر شخص تحبه فى الدنيا يتعاون مع اسامه ابن عمها عليها .
تحدث اسامه الى عيون وقال لها : على ما اظن يا عيون لو روحتى تبلغى الشرطه عنى ، انا سعتها مش هتحبس لوحدى ، اكيد هاخد عمى معايا يونسنى بالسجن .
خرجت عيون من عند اسامه ولم تتحدث بكلمه واحده ، توجهت عيون الى منزلها للتحدث مع ابيها ، وعندما وجدت والدها قالت له ، ايه رأيك يا ابى فى راجل اتحالف مع ابن اخيه ضد بنته ، تفتكر البنت تعمل ايه ؟
المهدى : انا مش فاهم يا عيون ، انتى بتتكلمى عن ايه ؟
عيون : مفيش داعى للانكار ، انا كنت مع اسامه لما كان بيكلمك وسمعتك ؟
المهدى : اسامه الغبى دا ، يا بنتى افهمى انا عملت كل دا علشان بحبك وعاوز مصلحتك ، انا ابوكى اكتر واحد بيحبك يا بنتى .
عيون : واللى يحب بنته يعمل فيها اللى انت عملته ، قولى الحقيقه يا مهدى عملت كدا فيا ليه ؟
المهدى : اهدى يا عيون ، انا هقولك انا خفت تتجوزى واحد زى نوح ، سعتها هتخلفى اطفال مثله وكمان هتتعبى نفسك طول حياته ، دا واحد مجنون واهبل ومينفعش يجوز وحده زيك ، انتى بنت المهدى من اكبر واغنى رجال الاعمال بمصر .
عيون : لو غلط فى نوح تانى يا مهدى هنسى ان انت والدى ، على الاقل نوح معيشنيش بكدبه طول عمرى زيك .
المهدى : ايه يا عيون خلاص هتبيعى ابوكى علشان واحد زى دا ، انا اللى خليتك عيون اشطر سيده اعمال فى البلد .
عيون : وكمان خلتنى انسانه مغروره ومتكبره وبدوس على اى حد فى الشغل ، بس نوح لما ظهر فى حياتى ورغم انه كسر غرورى وتكبرى بس حسيت نحيته بالحب والصدق والاخلاص ، قول يا مهدى انت ليه كنت عوزنى اخسر كل اموالى الخاصه فى الشركه اليابانيه النصابه ، وكمان ليه كنت مصمم تفرقنى عن نوح بالشكل دا ؟
المهدى : علشان انتى بنتى عيونى ورجلى وقلبى وكل اللى ليا ، انتى سندى وظهرى وعكازى اللى بتسند عليه ، كنت عوزك تتجوزى اسامه علشان تحفظوا سوى على الاسم والشركات والفلوس الكتير اللى تعبت لما عملتهم ، اللى زى نوح دا يأخرك ميقدمكيش ابدا ، انا حبت ان انتى تخسرى كل فلوسك الخاصه علشان تفضلى محتجالى ومحتاجه لفلوسى علشان كدا وافقت على خطه اسامه بتاعت الشركه اليابانيه .
عيون : بتقول انا ظهرك وعكازك ، طيب احب اطمنك يا مهدى باشا عكازك وظهرك انكسروا خلاص ، خليك مع ابن اخيك اديلوا كل اموالك ، لان بنتك عيون اعتبرها ماتت من النهارده ، ثم تركته عيون وغادرت المنزل ، واخذ المهدى ينادى عليها ولكن دون جدوى ، وبالفعل اختفت عيون ومعها نوح من مصر كلها ، فلم يعلم المهدى الى اى بلد سافرت مع نوح .
شكرا لزيارتكم عالم روايات سكيرهوم
