رواية حب وعناد الفصل الثالث بقلم سولييه نصار
الجزء الثالث♥️
-ابنك؟
قولت بصدمة فرد مستر فؤاد وقال :
-ايوة عايزك تتجوزيه ....مازن ابني شوفتيه قبل كده ...
هزيت رأسي وقولت :
-اكيد عارفاه...وعارفة انه متجوزش قبل كده...فازاي حضرتك عايزه يتجوز واحدة مطلقة ....ده ....
قاطعني مستر فؤاد وهو بيبصلي بلوم وقال:
-ده برده كلام يا ليليان هو أنا من النوع اللي افكر بالشكل المتـ.خلف ده ...بالعكس أنا مش شايف حد غيرك ينفع معاه ...
-اشمعنا يعني مش فاهمة...
قولتها بقلق فضحك وقال :
-بصي يا ستي ...ابني مهندس بس بجد مطرقع اوووي...شايف أن الحب ده مجرد خر.افة وان المودة و الاحترام في الجواز اهم من أي حاجة ...وكل ما بيعرض افكاره على أي عروسة تهرب منه ...وحاسس يا ليليان أنك أنتي اللي هتنفعي معاه ....
-انا ...
قولتها وانا بضحك فهز رأسه وقال :
-أيوة أنتي اللي تقدري عليه بصراحة ....أنا متأكد انه هيحبك وحتى لو محصلش أنا عارف ابني كويس....البنت اللي هيتجوزها هيتقي ربنا فيها ومش هيجرحها. ...ها قولتي ايه ؟أنا عايزة افرح بيه يا ليليان ....
سكت وانا بفكر...بصراحة كنت بحس مازن شبهي بس الفرق انه عرف من بدري أن جواز الحب ملوش لازمة وانا عرفت بعد ما قلبي اتكـ.سر بسبب أيمن ....لان الحب لوحده مش كفاية نبني عيلة...أنا حبيت ايمن وعشان حبيته سيبته يجي عليا كتير ...لحد ما خلاص فاض بيا وقدر يقـ.تل حبه جوا قلبي....مين قال ان الحب مهم عشان الجواز
..أنا افتكرت كده وافتكرت ان اللي بيحبني مستحيل يأ.ذيني ...بس كان هو اول واحد يضر.بني بسكـ.ينة في قلبي ....
اتنهدت وقولت لمستر فؤاد
-ممكن نتقابل الأول ونتكلم وبعدين أقرر .
.........
في البيت ....
كنت قاعدة في اوضتي بتفرج على مسلسلي المفضل وانا بفكر بطريقة افاتح فيها اهلي عن موضوع مازن لما الباب خبط ودخل بابا..
اتعدلت فقرب مني وقعد وقال :
-يا بنتي لحد امتى هتفضلي كده؟
بصتله بحيرة فكمل :
-مينفعش تعيشي من غير جواز ...
لسه هرد بس هو صد.مني وهو بيقول :
-إيمن مستعد يجيب اهله ويجي ويعتذرلك قدام الكل وهيتعهد انه مش هيزعلك تاني
-زي المرتين اللي غضبت فيهم وعمل كده ورجع يخو.نني ...
قولتها بسخرية وكملت:
-هو ليه حضرتك مش قادر تستوعب انه شخص خاين ومش هيتغير......وبعدين متقلقش عليا أنا كنت حابة أكلم حضرتك في عريس متقدملي
-مين ده ؟
-يبقى مازن ابن مستر فؤاد اللي بشتغل عنده ..
.....
مستر فؤاد كان محامي ناجح وابنه مهندس ....ناس سمعتهم كويسة جدا ...أنا شوفت مازن مرتين قبل كده جه لوالده...وانا حقيقي مبصتش عليه كويس ولا هو كمان ....كنت بسأل نفسي هو عايز يتجوزني ولا هيعمل كده عشان والده !
........
جه اليوم اللي هنقعد فيه سوا في الكافية .
جبت بابا واخويا عشان لو إيمن حاول يضا.يقني هما يتصرفوا معاه.
......
كنت قاعدة قصاد مازن وانا متوترة بشكل غريب ....كان وسيم ...عيونه سودا واسعة وشعره كثيف...كان انسان مرح د.مر افكاري عن ان المهندسين دمهم خفيف .....
فضل دقايق يهزر عشان يشيل التوتر عني بس أنا كانت عيني على باب الكافية وخايفة ايمن يبوظ الموضوع ليا كالعادة.....
وفعلا مكد.بش خير ولقيته جاي يقرب مننا ويقول :
-مراتي!
بصتله بغضـ.ب فقام اخويا وقرب منه وهو بيقول :
-أيمن ...امشي من هنا أنا مش عايز ازعلك ...
-انا جاي لمراتي ..مراتي اللي عايزين تجوزوها .....
بصيت لمازن وانا خلاص اتأكدت انه هيمشي زي الباقي ...قلبي و.جعني المرة دي ان أيمن مش بس كـ.سر قلبي ..ده مصمم كمان يوقف حالي
حط مازن رجل على رجل وقال :
-اكتر ناس بقر.ف منهم هما الرجالة اللي كرامتهم ممسو.حة على الاخر ...أنت بجد يا أيمن عا.ر على الرجالة!!!!!
