رواية دليفري الجثث الفصل الثالث بقلم محمود الأمين
الجث. ة كانت لشاب في العشرينات، والشاب ده يبقى هو نفسه اللي ظهر في تسجيلات كاميرا السوبر ماركت، واللي ركبت معاه المجني عليها، واللي عرفنا إن اسمه محمد العطار، الشهير بميدو، وده كان آخر شخص اتشافت معاه المجني عليها قبل ما تختفي وتتق. تل، وده معناه إن ميدو ده مش هو اللي قت. لها، وأكيد الجري. مة دي ليها علاقة بجري.مة قت. ل رنا.
في الوقت ده لقيت وكيل النيابة بيتكلم وبيقول:
_ بعيدًا عن الولد ده، واللي أكيد هنعرف قصته من خلال التحريات، أخدت بالك من س. لاح الجري. مة المستخدم في القت. ل؟!
= أيوه يا باشا، مشرط طبي، واللي بيستخدموه في التشريح.
_ أكيد كده وصلتك وجهة نظري. واضح إن اللي قت. ل الشخص ده واحد ليه علاقة بالتشريح، ولو جينا بصينا على المشتبه فيهم، هنلاقي إن الشخص الوحيد اللي تنطبق عليه المواصفات هو والد رنا، الدكتور مطاوع، دكتور طب شرعي طلع على المعاش، مطلق مراته، ورنا وقتها كان عندها أربع سنين، واتطلقت منه بسبب إنه كان شخص عصبي وبيمد إيده عليها.
ومن خلال زمايلنا في الطب الشرعي، واللي كانوا يعرفوا الدكتور مطاوع كويس، قالوا عليه إنه شخص متهور ومش بيفكر، يعني وارد يكون مطاوع شاف بنته مع الشاب ده، فقرر يخل. ص عليه، خصوصًا بعد ما بنته اتق. تلت، وأكيد كان عنده يقين إن الشاب ده هو اللي قت. ل بنته.
= هي وجهة نظر تحترم يا باشا وكل حاجة، بس أنا خايف التحريات تهد. م وجهة النظر دي، ونرجع نعيد الموضوع من الأول تاني.
_ عمومًا اعمل تحرياتك عن الشاب ده، وبعد كده هنفهم هو مين وكانت علاقته إيه برنا.. واشمعنى يوم ما يتق. تل يتق. تل بمشرط تشريح.
= تمام يا باشا، تحت أمرك.
....
بعد ما الرجالة خلصت شغلها واتنقلت الجث. ة للمشرحة، رجعت على مكتبي من تاني عشان أبدأ التحريات عن محمد العطار، الشهير بميدو.
ولكن في الوقت ده، كان في واحدة أنا لسه ما تكلمتش معاها، ودي كانت نقطة تقديرية مني بسبب حالتها النفسية، والواحدة دي تبقى والدة رنا، مدام سميرة.
واللي رغم إنها كانت بتحب عباس أوي، إلا إنه من يوم ما اتحبس وعرفت هو متهم بإيه، وهي مختفية، وعشان كده قررنا إننا نستدعيها عشان نفهم سبب الاختفاء ونتكلم معاها شوية.
وفعلًا مدام سميرة جت حسب الاستدعاء، وبدأت أتكلم معاها:
_ مدام سميرة، أنا عندي كام سؤال كده لحضرتك، وعاوز عليهم إجابات صريحة ومباشرة، ده لو عاوزة حق بنتك يرجع.
= أنا تحت أمرك يا باشا، اتفضل.
_ عاوز أعرف شكل العلاقة ما بين رنا وعباس جوزك كانت عاملة إزاي؟!
= علاقة عادية جدًا. هي في البداية كانت بتتخنق من تحكماته الزيادة، بس هو كان شايفها زي بنته، خصوصًا إن عباس ربنا ما كرموش بالخلفة من مراته اللي توفت قبل ما يتجوزني، والعيب كان منه هو، ودي حاجة هو صارحني بيها من قبل الجواز.
بس أنا عشان كنت بحبه وافقت، لكن لما بدأت المشاكل ما بيني وبين رنا تكتر، أنا اتكلمت معاه وطلبت منه يكبر دماغه شوية من رنا عشان مش عاوزين مشاكل، وهو فعلًا سمع كلامي وعمل كده.
_ طيب أنا في حاجة عندي ومش عارف أقولها إزاي؟!.. على حسب شهادة آلاء، صاحبة بنتك الوحيدة، واللي كانت بايتة عندها يوم اختفائها، قالت إن بنتك اعترفت ليها إن عباس جوزك اعت. دى عليها، وإن بنتك مش بنت بنوت.
واللي زوّد صدق كلام آلاء إنها كانت بتتردد مع بنتك على دكتور نسا وتوليد.. فهل حضرتك تعرفي حاجة عن الكلام ده؟!
= مستحيل! الكلام اللي بتقوله حضرتك ده مستحيل. عباس مش ممكن يعمل كده. أنا أصلًا مش مصدقة إنه قت. لها، فإزاي عاوزني أستقبل خبر إن عباس اعت. دى على بنتي؟! أنا مستحيل أصدق الكلام ده.
_ أنا مقدر صدمتك، وعلى فكرة إحنا لسه ما أكدناش أي حاجة، سواء في موضوع القت. ل أو موضوع الاعت. داء. لسه التحقيقات شغالة، بس أنا عاوز حضرتك تساعدينا، يعني لو كنتي لاحظتي تصرف كده أو كده في تعاملك مع عباس جوزك.
= عباس راجل محترم وأحسن واحد قابلته في حياتي، ومش هصدق عليه أي حاجة من الكلام ده.
....
بعد ما اتكلمت معاها، اتأكدت كويس إنها مستحيل تصدق الكلام ده في عباس، حتى لو في أدلة.
وعشان كده.. فضلت إني أنتظر التحريات اللي هتطلع عن المجني عليه محمد العطار، الشهير بميدو، اللي ظهرت بعد 24 ساعة، وكان فيها تفصيلة قلبت الدنيا.
التحريات كانت بتقول إن الاسم الثلاثي هو محمد حسن العطار، الشهير بميدو، عنده 24 سنة، وكان من عيلة ظروفها المادية كانت واقعة، يعني من عيلة فقيرة.
والد محمد اتوفى بالسرطان، وحصلته والدته من الزعل على جوزها، ومحمد في الفترة دي كان بيحاول يشتغل أي حاجة عشان يكفي احتياجاته، ولكن الموضوع كان صعب.
بس فجأة، وبعد مرور سنتين بس، الناس بدأت تلاحظ إن محمد بدأ يمسك فلوس، ولما الناس كانت بتسأل محمد هو بيجيب الفلوس دي منين، كان بيقول إنه اشتغل في محل كويس وبياخد منه مرتب بيمشي معاه الحال.
لكن الكلام ده مش صح، عشان على حسب التحريات، محمد كان عاطل عن العمل، وكان بيختفي كل فترة عن البيت اللي قاعد فيه، ومحدش بيكون عارف هو فين؟!
وبعدها يرجع، بس معاه فلوس وظاهر عليه العز، ولما الكلام بدأ يكتر عليه، قرر إنه يعزل من المنطقة خالص ويروح مكان تاني محدش يعرفه فيه.
أما بالنسبة للمشاكل، فالمشكلة الوحيدة اللي حصلت كانت أيام الدراسة، والصدم. ة إن المشكلة دي كانت مع والد رنا، اللي اكتشف إن بنته على علاقة بمحمد وبتكلمه، ولكن الناس تدخلت وقدرت تحل الموضوع وقتها.
بس التفصيلة اللي موجودة في التحريات، واللي هتقلب القض. ية، هي مشوار محمد اتعود يروحه في الفترة الأخيرة.
والمشوار ده كان عيادة النسا والتوليد، اللي رنا وآلاء كانوا بيروحوها هما كمان.
وبكده مكنش قدامي غير المشوار اللي مأجله بقالي فترة بسبب السحلة اللي إحنا فيها.
ولكن قبل ما أروح المشوار ده، طلع قرار من النيابة بعد الاطلاع على التحريات بالقبض على والد رنا، الدكتور مطاوع، والتحقيق معاه.
وفعلًا قدرنا نقبض عليه عشان يخضع للتحقيق.
_ دكتور مطاوع.. إحنا قدامنا تحريات بتثبت إنك كنت على خلاف مع المجني عليه محمد حسن العطار، والشهير بميدو، والكلام ده كان أيام الدراسة، لما اكتشفت إنه بيكلم بنتك رنا.
فما أقوالك فيما هو منسوب إليك من إنك قت. لت المجني عليه محمد العطار، الشهير بميدو؟
= محصلش.. أنا مقت. لتش حد، والموضوع اللي حضرتك بتتكلم عليه ده موضوع قديم وراح لحاله.
_ غريبة، رغم إن القات. ل استخدم مشرط طبي، اللي بيستخدموه في تشريح الجث. ث، وقت. ل بيه ميدو.. تفتكر دي صدفة؟
= أنا قولت اللي عندي.. ومعنديش كلام تاني أقوله.
....
كانت غلطتي أثناء التحقيقات إني قولت قدامه على موضوع الاعت. داء اللي جايز بنته تكون اتعرضت ليه، وإن المتهم في الموضوع هو عباس جوز الأم.
الراجل ما تحملش الصدم. ة ووقع من طوله، ونقلناه بسرعة على المستشفى.
ولما وصلنا هناك، عرفنا إن حالته مش مطمئنة، وإنه هيستمر في العناية الفترة دي لحين استقرار الحالة.
خرجت من المستشفى أنا والرائد أحمد دياب، واتحركنا على عيادة النسا والتوليد، واللي كانت مملوكة لدكتور اسمه يوسف عياد.
لما وصلنا هناك كان موجود، ولما سألته عن آلاء ورنا اللي كانوا بييجوا العيادة، قال إن الحالات اللي بتتردد عليه كل يوم كتير، وإن في عمليات كتير بيرفض يعملها لأنها ضد ضميره.
فطلبت إني أطلع على الكشف الخاص بالمرضى اللي عنده، جايز لما يشوف اسمها في الكشف يفتكرها.
وأثناء فحص الكشف، اكتشفنا حاجة غير متوقعة.. حاجة فسرت كل حاجة قدام عينيا، وعرفتني مين القات. ل.
والحاجة دي هي..
شكرا لزيارتكم عالم روايات سكيرهوم
