رواية قاتلة ابي الفصل الواحد والاربعون بقلم بنت الشيخ ترابية
(هذا البارت مُختص لفاقد)
اول مانزعت اللثام تفلت ...: هاي لشيباتك حجي
باوعلي بجبروت وقوة نفس النظرة ونفس الشر
: منو انت؟
جريت الكرسي وخليت سلاحي بالكاع وكعدت كدامه
فاقد: چاي گهوه؟
نزيه: كلت الك كول منو انتَ؟
فاقد : ياحبيبي راح يمعط گلبي هذا
نزيه بصياح وجبروت: تحجي لووووو لاااا
فاقد: خزرته ونزلت راسي وباوعتله بطرف عيني وهمستله بصوت شبه مسموع ...
انــه مُهيب ابنك الچبير بويه
باوعلي مصدوم وسكت
فاقد : اكره عيونك سدهن ..
نزيه : شجابك مُهيب؟
فاقد: ملك الموت دزني عليك
كال بروح امك روح اقبضلي روح هذا العار مابيه حيل
نزيه: احجي شتريد وفكني خنروح
فاقد: اكله ملك الموت دزني يكلي خنروح
نزيه: شجابك عليه؟
فاقد: حجي شارب عر*ك انتَ؟
داكلك ملك الموت ملك الموووت المووت
نزيه: چنك ناسي منو انا
فاقد: كلشي اذكر لا تخاف انه فاقد ...
تريد احجيلك ماعندي مانع
نزيه: شغير اسمك؟ جان اسمك مُهيب انت؟
فاقد: چا غير تغيرنا يبعد عيني
نزيه: دحجي وخلصني شترررريد
فاقد: صوتك لتجيك كفخه توكع سنونك
انت هم تدخل الجنه لانو اب؟
نزيه: احترم نفسك لا تخليني اكوم واحط بالكاع وادوس ببطنك
فاقد: لك حجي فاقد ابو العر*ك انه صدك تحجي
نزيه: نعال ماتسوه انت
واحجي عدل وي ابوك قليل تربية
دنكت وزفرت النفس
وهمستله : هم سويت وي اخوتي مثل ماسويت بيه
نزيه: اخوتك يستاهلون الدلال
فاقد: وشناقصني انه؟
نزيه: ماناقصك بس انت ابن امك
فاقد :امي توفت وكول المرحومه حتى حلكك يبقى حلك
نزيه: لا تنسى انا صكارك
فاقد: زر*ه
المهم .. تدري بسببك حتى ماكدر اتزوج؟
نزيه: ههههههه جا المطلوب من افعالي هو هذا
لا تمارس حياتك عدل ولا تحب ولا تزوج
فاقد: جماعتي عبالهم اروح للنسوان واسوي علاقات
ميدرون اروح اجرب واحاول اثبت نفسي
نزيه: هههههههههههههههههههه
وصلتك لمرحله تروح تنام وي بنات حتى تجرب رجولتك واكيد ماتكدر وتطلع وانت مليان يأس وخيبه؟
فاقد: ضغطت ع ايدي الزم اعصابي
فقدت رجولتي بسببك ..
نزيه: ادري ياحلو
فاقد: تدري شنو راح يصير بيك هسه؟
باوعلي وضحك كمت اخذت الماي الحار ودرته بحضنه
وكام يشيل ويركع بالكاع حتى بجي بجه ...
راحت رجولتك لو بعدها؟ سوي عمليه تجميل
نزيه: الله ياااااااااااااخذك ابن ااااااالكلبه
فاقد: ابن الكلبه؟
كمت جبت الفحمايه وخليتها بيده وسديت ايده بيدي
اغمى عليه من الوجع شمرت الفحمايه ورجعت شمرت عليه ماي بارد وصحه يبجي
ااااااخ نكعد نسولف؟
يلا نسولف واذا قاطعتني افرك حلكك
جان عمري 5 سنوات من تزوجت على امي
وامي من صدمتها توفت لانو ضحت بحياتها علمودك
جانت تحبك وتدللني .. اخر مره قبل وفاتها بيوم كالت اريدك مهيب اسم ع مسمى ..
رغم بحملها جانت ناويه تسميني فاقد صح؟
بس انت نبشت روحك
بعد وفاة امي خليتي خادم لمرتك الثانيه هي واولادها وانه عمري 5 سنوات كلام ماعرف احجي
حتى للمحل جانت العار مالتك تكتبلي بورقه وتدزني
ومن دخلت 8 سنوات شنو سويت جنابك؟
تعاركت وي مرتك ومانطتك حقك الشرعي وشسويت؟
اجيتني انه الطفل ساعه 12 بالليل اعتديت عليه مو؟!
راد يحجي رفعت المسدس وسكت
اييي استاذ نعيل احجيلي
شنو شفت بيه واجيتني؟
اولا ابنك ثانيا ولد
وثالث طفل ورابعا عندي * مو !!!!
نزيه: انت غلطت وياي
فاقد: وووووولك شغلططططتتت عمررررري 8 سنووووووات شغلطتتتت؟؟؟؟؟؟؟؟
خنس وانه سكتت شويه ورجعت حجيت
وراها شسويت؟
خليتني حقل تجارب مو؟
عوفك من هذا الموضوع
بسببك صار عندي عدم بلوغ وفقدت رجولتي
موووووووو؟؟؟؟؟
سكتت ...
منو جان يدزلي ناس تنطيني مخدرات ع ابو علاج؟
نزل راسه .. ورجع رفع راسه وضحك بصوت عالي
نزيه: امك عار
كمت جبت الفحمايه وشلت الدشداشه
نزيه: مهيب لا
خزرته .. اسمي فاقد
وخليت الفحمايه كام يرفس ويصرخ
عفته وطلعت صعدت سيارتي ورحت لبيت امي القديم
فتحته ودخلت مشيت وايدي تسلل ع حيطان البيت والصور معلگه واسمع ضحكه امي وصوتها من تغني
: ماما زمنها گيه .. گيه بعد شويه
گايبه العاب وحاگات ..
جانت تگلي احجيها بالكاف المشدوده مو بالجيم
دخلت لغرفتها وكعدت بالكاع يم جربايتها
واخذت دشداشتها وحضنتها
هسه تگولون عاق لانو اسوي هيج وي ابوي
ابوي جان يلزم امي كدام مرته الثانيه ويخنكها
لو يضربها لو يعتدي عليها كدامهم وغيرها وغيرها
......................................................................
انه مهيب نزيه ..
من مواليد 1987
مساعد دكتور .. لكن تارك شغلي هاي الفترة
الوحيد لامي وماعندي اخوان منها
لكن عندي ثلاث اخوان ولد من مرت ابوي
من جان عمري 5 سنوات امي توفت بسبب عذابها وقهرها بوقتها اعتدى عليها وبقت تنزف و ودعت ثاني يوم ... خلاني خادم لمرته وبيته الثاني بعمر الـ 5 سنوات .. كبرت وصار عمري 8 سنوات وانه اخدم بيت ابوي الثاني وارجع لبيت امي انام مثل الحيوانات لا اكل ولا شرب يعطف عليه يجيبلي لفه وعصير مره وحده بالاسبوع وهاي اذا شربت ماي يعني انا ملك
من دخلت 8 سنوات ابوي جان يجي ساعة 12 ليل
شارب ويطوطح .. كلما يتعارك وي مرته يجي لبيت امي يحصرني بالمخزن ويعتدي عليه .. فقدني رجولتي بهذا العمر الصغير .. ابوي جان يعتدي عليه لحد مادخلت 13 سنة عافني .. جان يشربني حبوب مخدره
ومن دخلت 17 سنه دز عليه حتى تحلق شعري
وتنطيني علاج للبلوغ
من كل عقلي جنت اخذ بالعلاج دخلت الـ 20 سنة
واكتشفت وي البدو طبعا بعد ماساعدني انو انه جاي اخذ مخدرات .. يعني اتعاطى بدون علم واربع سنوات انه اتعالج وبالگوه خلصت منها ابوي طردني وتبره مني من جان عمري 19 سنة وانشمرت ع بيت امي فقط
اهتم بيه البدو وامه لانو ابو متوفي
صرت شخصيه مشابهه للسايكو
كل الي يحبوني اخدعهم بصحتي وأذيهم
ماعرفت معنى الامان والراحة والخوف
الا بحضن ايهم .. ايهم احتضني واحتضن كل جماعتي
صار النا اب واخ وصديق ..
يخاف علينا من الهوى اذا مر
انه صرت مساعد الدكتور
مساعد ايهم لان ايهم دكتور لكن بعد استشهاد اخوه
صار يحارب داعش ..
جنت اطلع من ساعه 5 الفجر للساعه 12 ليل
ابيع طحين وكلينكس علمود اجيب بيها فلوس
ممكن تجيبلي ماي ولفه .. وهذا كله يهون ع الي شفته بأمي من جان يسوي بيها العمايل كدام مرته ..
كمت طلعت من غرفة امي ورحت للمخزن
فتحته جان عباره عن ادوات مقززة لكن تسعد نفسي
سلاسل حديد اربعه معلكه بالشباك
وممدوده لنص المخزن ..
مضرب اسود .. كلبشات .. حبل .. وصيخ نار
جنت هنا اتربط واتعذب
هنا جنت اموت وانه طفل ومافاهم شكو
حبتني بنت ورفضتها رغم انه احبها
بس ماكدر اتزوجها .. افشل نفسي واخرب حياتها
كعدت بالمخزن وارتميت على الحايط
حضنت نفسي وغمضت عيني
واجت بأذني صرخات امي
فريحة: نزيه لا ابوووس ايدك لا
مو كدام الجهال فدوه رحتلك لاااااا نزززيييه
وشك الدشداشه عليها واعتدى عليها وشمرها بغرفتها
رحت يمها كعورت نفسي وجان عمري 5 سنوات
لزمتني ودموعها تنزل واباوعلها دمها ينزل بطبيعه غير معقوله
فريحة: اريدك مهيب من صدك يمه وهذا البيت لا تبيعه
جانت نفسها بأسم فاقد بس ابوي مانع
دخلت ال22 سنة وغيرت اسمي من مهيب الى فاقد
فاقد الحريه
فاقد الحب
فاقد الحنان والامان
فاقد الحياة والي بيها
كمت وطلعت من البيت بحدود الساعه 5 العصر
ورجعت لنزيه دخلت عليه متمدد بالكاع ويون
ومربط .. جبت ماي بارد وذبيته عليه فز وبقى يرجف
نطقت من بين شفايفي كلمه
: ليش؟
وفتحته وعفته وطلعت اخذت غراض اكل وغيره
ركبت سيارتي ورجعت للبيت مال امي
دخلت للمطبخ سويتلي لفه جبن وعصير
سمعتها تضحك ابتسمت
طلعت واللفه بيدي انتجيت ع باب المطبخ
باوعت لگيتها كاعده بالصاله
لابسه دشداشه وردي وشعرها مفتوح ومدندشه بالذهب وتغني
طالعة من بيت ابوها ورايحة لبيت الجيران
فات ماسلم عليه يمكن هل الحِلو زعلان
نزلت عيني .. هذاااااك هووو مهييب
جان صغير حيييييل وناعم
اييي هذاك مهيب كاعد بحضنها وهي تبدل اله وتغني
رحت كعدت كدامهم اباوع عليهم
ودمعتي تنزل وابتسامتي مافارقتني ابد
فريحة: ولك يمه اكعد هههههههههه
ضحكتها ترن وترجع بالبيت
ريحتها ملت المكان ملي
كامت باوعتلي ولوحت بيدها بأشارة باي
وترجع ليوره مبتسمه ...
مثل المخبل كمت اصيح لاااا لا تروووووحين
كمت وراها للغرفة شفتها متمدده على الجربايه
تنزف وانه كاعد بصفها .. دشداشتها مشكوكه
شفايفها زرك وعيونها حمر وجسمها متزلخ وتنزف
ورجعت عينها عليه باوعتلي ولوحت بيدها مره ثانيه
كعدت بالكاع وصرت ابجي مثل الطفل
اريدهاااااا امي ولكم امييييي
قفلت البيت وطلعت جانت ساعه 12 ليل
حركت ورجعت لبيتنا
اول مادخلت شفت ايهم والجماعه كلهم هناك
واصدقاء فهد والضباط ماليه بيتي ملي
بسرعه رحت وارتميت بحضن الامان والحنان
صار يفتش بيه مثل المخبل عباله بيه شي
لزمت ايده ..
: اهده ايهم والله مابيه شي بس رحت لبيت امي
فهد عاط من مكانه : شلون راح عن بالي بيت امه
تعذرو والضباط سلمو عليه والكل انسحب
جعفر: ففه گلوبنا وكعت
ابتسمت ورجعت خليت راسي بحضن ايهم
كلهم طلعو بقى بس ايهم
همسلي : لزمته؟ اذاك لو انته أذيته؟
باوعتله وابتسمت وحجيت :
أذيته وطلعت بس ماتأذه مثلي مع الاسف
ايهم: ربك موجود فاقد يلا تعال ويانا لبيتي
حجيه نوفه ميته عليك والبنات راح يموتن
كمت وجان فهد واكف بالباب
فهد: هم شفتها؟
همست : لابسه وردي وفاتحه شعرها وعطرها ملاني ملي وشحلات ضحكتها وصوتها من تغني ..
تخبل ولك فهد تخبل ملاااااااااااك
دنك راسه مسح عينه وطلعنا لبيت ايهم ...
