رواية قاتلة ابي الفصل الثاني والاربعون بقلم بنت الشيخ ترابية
دخلوا
مهدودين الحيل وابتسامه التعب مبينه عليهم
ركضت نوفه
: ولكم وليدي وينه
طلع من بينهم فاقد
لطمت على صدرها وراحت حضنته
: ولك يمه وينك سوده بوجهج نوفه
وحضنته وتبوس بيده وبوجهه وهو لمعة عينه تتكلم
همس فاقد بصوت مليان تعب وعينه ع ايهم :
بعدك راح اصعد فوك الهَزّل
وحدي وانتَ غايب ادخل للخرايب ..
ابتسم ايهم لكلامه وطبطب ع متنه وكعدو بالصالة
فهد: شسويتله
فاقد: بوسته واطمنت عليه
فهد: احجي فاقد ترى صبري راح يخلص
فاقد: اشحنه
صفك ايده واستغفر ..
تنهد فاقد وكال: طهرته وحركته
باوعوله بصدمه .. همس فهد : شلون؟
فاقد: شبيكم اخذت فحمايه وطهرته
ايهم: البناااات صووووتك
جعفر: ااااااخ
فاقد: شبيك؟
جعفر: مدري شو حسيت
باوعلي وايهم وأشرلي فهمت قصده
اخذت البنات واسراء وصعدت فوك
باوعتلي زينب
والخوف مالها وهمست : هذا الغريب منين
صفنت بوجهها .. ورجعت
گالت: هنادي خايفه من لا شيء
لزمتها اسراء تنظف بشرتها وتنظيف وعناية
صعدت حجيه نوفه
نوفه: چا غير عگبه خطبه هنادي وايهم وفهيدان وزازه
زينب: عليج الله عزه وين الحك؟ شبيه هذا
هنادي: تغى انا متزوجة يعني عادي اتفغغلج(اتفرغلج)
زينب: بس خطبتج وياي لازم تجهزين
هنادي: ايهم مجهزلي كلشي لتخافين
زينب: بس اريد افهم شبي مستعجل
نوفه: هسه وجه النعال جهزي واسكتي ليش تخلينا نغلط
زينب: حجيه مستعجل بشكل يعني بعد الخطبه اسبوع يريد العرس هيج تفكيره
نوفه: اي علينا لتخافين
نزلت حجيه نوفه وبدينا نجهز ونسوي عناية كاملة
صدك مانلحك بس مانريد نخوفها
سمعت صوت الماي ينگط بس المشكله لاتوترت ولا شي
جنت طبيعيه لابعد حد لازم احجي وي ايهم حتى افهم
لا خوف لا توتر لا خربطه !!!
اسراء: اكلج هنادي ماتنزلين تشوفيلي الجهال فدوه
نزلت .. وين جعفغ الصغيغ؟
جعفر: يابعد اخوج رجعت تحجي؟ چا ليش مادري
فاقد: عندچ لدغه؟
هزيت راسي
فاقد: اخرب عليها
ضربه فهد وخزره ... لا تستخف مرت اخوك
فاقد: لك لا بس انه بشكل عام اموت ع اللدغه
اذا اتزوج اخذلي ام لدغه
ايهم: گولي يُبا
هنادي: اريد جعفغ
جعفر: عيونه يبعد اخوچ
هنادي: لا جعفغ الصغيغ
ايهم: بالحديقه توهم طلعو
هزيت راسي وطلعت لكيتهم يركضون
والي يوصل للحايط اول فايز والي يطول ينضرب
صحتلهم واخذتهم وياي وجعفر خبصني بنعاله
التك بتك يمشي ويدنك يعدله لانو جبير عليه
صعدتهم فوك يمنا وكعدو
جعفر مدنك راسه ميباوع النا
جعفر: مادلتو كاعد تسوون صعدوتني وانا ردال
( ماكلتو كاعد تسوون صعدوتني وانا رجال)
زينب: اتنرفز من الطفل الي يحجي مكسر الا جعفر
ضحكنا وجعفر معصب
مافد يوم ضحك شسالفته مدري عليمن طالع
ورقية تخلي حمره وتمسحها
بحيث الحمره وصلت للنخاع
نزلت اسراء تجيب ماي النا وصعدت
كالت ماهر جاب التحليل راح ادخل احلل واجيجن
ماخلينا دعاء مكلنا حتى سورة الكوثر قريناها
زينب رادت تروح زايد وتقره سورة البقرة ومحافظتها
وطلعت اسراء
اللمعه بعيونها كفيله تشرح الي بداخلها والي لازم نسمعه بسرعه كمت حضنتها وبجت بحضني
واجتي زينب .. دقايق وانفتح الباب ودخل ماهر
وبعيونه يريد يعرف الجواب
اللمعه بعيونها كفيله تشرح الي بداخلها والي لازم نسمعه بسرعه كمت حضنتها وبجت بحضني
واجتي زينب .. دقايق وانفتح الباب ودخل ماهر
وبعيونه يريد يعرف الجواب
اسراء: انه حامل
دخل ماهر وسجد حمد وشكر وحضنها وباس راسها
ماهر: ول يمعوووودين راح اصير اب يووولووو
ويضحك ممصدك وتالي نزل يم الزلم وبقينا وحدنا
هل المره احنا سوينا عناية الها ومخليناها تنزل من الجرباية خايفين عليها رحمها ضعيف وحملها صعب
دك الباب بخفه
عرفته هو .. ترخصت وطلعت اله
: بس اريد ابارك لاسراء سويلي مجال
دخلت وحجيت عدلت ملابسها خلت الحجاب فوك راسها وزينب راحت دخلت للحمام وشالت الغراض
دخل ايهم وباس راسها وباركلها وحط بيها ثلاث اوراق
رفضت وكاللها هديه حمل مايصير تعترضين عليها ولج
صاحت زينب من وره الباب : جعلني حامل
ضحك وطلع من الغرفة
واحنا خلصنا ومن التعب قفلنا الباب ونمنا سويه ع الجربايه ..
..........
فاقد : اريد اخطبها بس ايهم
ايهم: مادام بينكم حب وهي تحبك ف تأكد مراح يهمها واول وتالي ابقى وياك واعالجك وبعدين بس انا وفهد ندري بالموضوع يعني يا اما انا اساعدك او فهد
بس بكل الاحوال انا بظهرك سواء قبلت او لا
فاقد: زين شسوي شلون ادبر روحي
ايهم: خليها عليه وانه اعالجك بس نخلص العرس
فاقد: خير إن شاء الله
دخل جعفر ينافخ ودخل وراه زين يضحك ويهز ايده
ايهم: شكو؟
جعفر: هذا زين الططو اخذ مني اللفه واكلها ويصيح لا تبقى مجوع وتنهش بيك النسوان ابو الزرك
ايهم: ابو الزرك شنو؟
جعفر: فشورة عوفها
ايهم: المصطلحات الغريبة عدلوها واحجو عدل
جعفر: خوش لعد يگلي ابو الخصـ* تمام هجي
ايهم: كلت الك عدلها مو احجيها ... قلة ادب
زين: اخخخ شبعت
جعفر: سم وزقنبوت
...........................
سدرة : چا اذا هچي ليش ماتحجين وياه
شهل : حجيت وياه حجيت بس رفضني يگلي ماحبج
ترانيم : اگصو للساني اذا ميطلع هذا الفاقد يحبچ هم
شهل : هو رفضني شنو يحبني
لباب : دسوولي مجال خلي اكعد واحجيلجن سالفة
شهل : تعالي اكعدي .. سوينا الها مجال وكعدت بالنص
لباب : على گول ترانيم هذا الفاقد يحبج والا ليش يراقبج ليش من تحجين وياه عيونه تلمع ليش يهتملج ليش من احتركت ايدج خبص الدنيا فكري بيها عاد
شهل : بس حجيت وياه وكال ماكدر حتى علاقة مؤقتة ماريد رافضني رفض قطعي ونهائي شسوي اني؟
ترانيم: لسانج هطولو ويانا وي هذا الفاقد ماتعرفين تحجين كلمتين بالشوي
لباب: اهوووو شعندج وياها انتي معليج خليج بعيده
ترانيم: خل اكوم لجهال احسن الي هاي بنت خالتج راح تجلطو لقلبي اقسم بالعذراء
لباب: دروحي شكد حُقنه .. معليج منها حبيبه
بس افهمي السالفة منه شنو مو رفضج هاي هي لازم اكو سبب حاولي تعرفين
شهل: لباب اني بنت وعليه سمعه وكرامه
مو ولد حتى اذا انرفض احاول واجرب واتقرب
رفضني والمفروض هو يبادر مو اني وخلص كسرني
مايصير اتقرب واحجي اني بنت يا ناس اني بنت
سدرة: خلصتن كوميديا؟
الولد يحبج
لباب: وهاي المره سدرة كالتها معليه اني شفتييي
كامت لباب غمتني وطلعت وسدت الباب وراها
وسدرة كاعده على الصبه يمي
سدرة اذا تگول شي ف تكون متأكدة منه حيل
مو نوب صفنت وحجت يعني هنا كلامها 100٪ لانو علويه وتحس وتتأكد رؤية ...
اني شهل .. فتاة العمر 23 سنة
من عائلة فقيرة جدًا وبحت في هذا الوقت
اني الوحيدة لأهلي واخوي استشهد
بيتنا رغم سطح مابي لهل الدرجه بس جبير
اني وامي وابوي ننام بغرفة وحدة
سدرة ولباب بنات خالتي وخالتي وزوجها توفو بحادث
وترانيم مرت عمي .. وعندها اربع جهال
ثنين بنات وثنين ولد .. عمي مسافر للبصرة يشتغل بمعمل طحين علمود يعيشنا .. ابوي مريض مايكدر يشتغل وامي تخبز وترانيم مرت عمي تخيط ( مسيحية اخذها عن حب والحمدلله اسلمت لكن عندها الحلفان والاقتداء) ... وماعندي عمه او عم ثاني علاقتنا احنا البنات وي ترانيم قوية لدرجه الميانه المو طبيعيه لكن اني هادئة وماخذ ميانه مثل الباقي
مره من المرات رحت للمحل جانو عندي 4 آلاف
رحت اجيب بيض بألف والفين اجبان والالف الاخير صمون ريوك للصبح .. طلعت ولبست عباتي
: السلام عليكم
معتز: يا اهلا وسهلا ببنيتي كل الهلا
شهل: شلونك عمو ... وسلام وانطيته ثلاث آلاف
رحت اخذت علاكه وافتريت ع الثلاجه اختار
دخل ولد طويل وضخم ومبين عليه من عائلة معروفة وهيج سمعه لانو انيق مرتب .. خليت علاكه الاجبان على الميز وهو هم خله علاكه هناك ورجعت اشتهيت عسل بس مالكيت ..
شهل: المهم عمو هذا حسابي ثلاث آلاف
معتز: الف عافية بويه
اخذت العلاكه وطلعت بيتنا جان بنهاية الشارع والمحل بالبدايه ركن .. الجو مغيم جان وسنة 2016 بوقتها
وبارده شتاء ..
سمعت احد يصيحلي
: عفوًا اختي .. يمعوووده
انداريت عليه
شهل: تفضل خويه
فاقد: العفو خويه بس علاكتي بيدج
شهل: شنو .. فتحتها شفت بيها كرزات وجكاير ومشروبات .. هااا العفو العفو ممنتبه
رفعت عيني وانطيته العلاكه صفن بوجهي
العفو خويه بس علاكتي
فاقد: ء هاا ايي ايي تفضلي تفضلي
مبين عليه التوتر جان اخذت العلاكه من ايده وابتسمتله ومشيت .. وصلت لبيتي وسديت الباب بس شفته بعده واكف شبيه هذا انسحل
دخلت جوه
ترانيم: ها يولو جبتي حگ الريوگ ابوي عيقعد
شهل بهدوء : تفضلي حبيبتي
دخلت جوه اجت لباب لابسه عبايه
وتركض وتروح وترجع
لباب: هلال شوووفي مو چَني باتمان شوووفي
وتركض وتضحك .. هزيت راسي ضاحكه ع تصرفها الطفولي رغم عمرها 18 سنه وسدرة عمرها 25 سنة
رحت دخلت لغرفة اهلي « الغرف بيهم سگف»
ندست امي ع كيف وكعدت فازه بوجهي
ابتهال: ياهو مات يااهو
شهل بهمس: ماكو شي بس الريوك زهب يمه
ابتهال: هسه اگعد ابوج ونجي
طلعت من غرفتها ورحت وي ترانيم
شهل: نايمين الجهال
ترانيم: ايي نايمين احلى لحظات تمر عليه لما ينامو الجهال عبحس بسعاده فائقه
شهل: ههههههه بعد يومين يكبرون ويروحون من ايدج
هذا الي يتزوج وهذا الي يسافر
ترانيم: خليهم المهم عيعيشون حياتهم بسعاده وراحه
سدرة بهدوء: صباح الخير
: صباح النور
سدرة: اساعدكم بشي
ترانيم: سوي چاي
هزت راسها وراحت .. سدرة مثل خبال لباب جانت
لكن بعد زواجها بشهر زوجها قتلو اهل الاحزاب وبقت ارمله ويتيمه بنفس الوقت فَ اعتكفت وصدف تحجي وتعلق .. لباب عكسنا كلنا .. ضحكة البيت
بنت الحلال ع البال
اجت همست يم اذني
لباب: اعترفي ياهو ترى شفتكم شفتكم
شهل: فهمت قصدها .. خبطنا بالعلاليك ورجعناهم
لباب: عبنه ابن حلال وحليو
شهل: مو حلو احسه فاهي
لباب: لا لا حلو حلو
اجت امي وكالت طالعه اخبز للغده
وطلعت وخلصنا ريوك واجه ابويه والبيت صار هدوء غير اصوات الاكل منسمع ...
..................
