رواية قاتلة ابي الفصل الثالث والاربعون بقلم بنت الشيخ ترابية
غُرباء
ابناء آدمّ
أولادّ العِراقُ
رَجُل وإِمرأةَ
لقاءٌ بالصَدفةِ
أعجابُ مُستعين
حُب من بَعد أعجابُ
صُدفة ولِقاء مُستمر
انا نارٌ وانتِ ماءٌ
أحترّقُ و تطفٔي ناري
هكذا نحنُ .. انا وانتِ
( فاقد .. شهل)
..................................................
هنادي
اليوم هو يوم الخطبة
توتر وقلق مستمر ولا كأنو متزوجة وهذا اعلان الي
حسيت نفسي بالمنبر الاول
لبست فستان بصلي طويل
وزينب لبست احمر بطلب من فهد
گالوا راح يدخل العريس
بالبداية فهد ف لبست انا وانتظرناه ودخل
سلم ع زينب ولبسها وطلع
نص ساعة وگالوا العريس راح يجي
وصارت العكس زينب لبست ودخل ايهمي
باس راس زينب والحجية واجاني
باسني من كصتي همستله
: ليش ماسلمت عليه اول .. وبرطمت
ايهم : سلمت عليهم حتى اتفرغلج اخر شي انتي
ضحكت ولبسني الذهب فد نازك اختاريته
ماختاريت هوسه وثگيل الا فهد
شكو گلاده وتراجي مال هنود جايبها ترسها ترس وهي تخزر بيه وتصيح كافي راح اوكع من الثگل وهو مغلس
طلع ايهم وبقينا بس احنا نسوان ورگص وهوسه
كوثر اخت فهد الصغيرة تخوزر بزينب
وزينب متجاهلتها
هنادي: هاي شبيها تخوزغ هجي
زينب: علاج الجاهل بالتجاهل يول معليج بيها
رحمة: يايمه صلو ع النبي باعو مرت اخوي شلون جمال
وخلت النسوان كلها تباوع لزينب ويهلهلن
رحمة انسانه هادئه لكن الهدوء اختفى اليوم
ومانشوف منها الا الرگص والهلاهل والفرحه
ملامحها بشوشه بس للفرحه مو لغير شي
.........................
شهل
( نختصر الماضي)
مرت ايام بعد لقائي بيه ومرت سنه واشهر
بس دائما اشوفه وصار يجي لمنطقتي بأستمرار
بس مانحجي ولا التقينا بمكان نهائي ..
اذا اشوفه من بعيد واذا هو نفس الشي
ابد ما اجتمعنا بمكان ولا حجينا لا من ثوبي ولامن ثوبه
خفت يجي يوم من الايام ويرتبط بيه
واني لا حول ولا قوه كلش كلش انام بغرفة اهلي علمود السگف ..
(الحاضر)
كعدت المغرب متكسره تكسر اكره نومة الظهر بس ابوي يغصبنا ننام الظهر من عاداته وتقاليده ...
طلعت من الغرفة وشفت امي وترانيم بالطارمه
امي تخبز وترانيم تحجي وياها ويضحكن
ابوي كاعد بالمطبخ وي الجهال ويشرب جاي
وسدرة ولباب ماكو؟
شهل: يمه البنات وين؟
ابتهال: طلعن للمحل ماترحين تشوفيهن صارلهن هواي
هزيت راسي ولبست عباتي وطلعت
بطلعتي شفته نزل من سيارته
گلبي رگص بداخلي بس تجاهلت ودخلت للمحل
جانن واكفات يختارن
رحت وراهن شفتهن حايرات بالربع الاخير يجيبن جبس لو كيكة وكل وحده تنطي رأي والثانيه تعصب
شهل: جيبن الربع الي واسكتن
لباب بخوف: فلك طرج والحسين خفت
سدرة: هم صدك شهل ماشترت ترى انطيها لو حرام؟
لباب: اييي طمع طمع وره فلوس الزمي هاج
ودارت وجهها وبقينا نضحك اني وسدرة كلت الهن روحن واجي وراجن .. راحن واني جنت جايبة وياي الف .. رحت اخذت جباسه وكيك وطلعت
فاقد: بس لحظه
شهل: تفضل
فاقد: شنو اسمج؟
شهل : شهل
فاقد: تمام شهل عندي موضوع وياج ومحتاجج بيه
شهل: تفضل
فاقد: وين نكدر نسولف الموضوع طويل شويه
فكرت بيها اهلي يرحون لعمامي باجر واني والبنات عند جيراني نبقى ف كلت اله
شهل: باجر العصر تعال
هزلي راسه وسلم وراح
صح غلط الي سويته بس اخلي احتياجاتي يمي وما ادخله للبيت .. رجعت لبيتنا وانطيت الغراض الهن فرحهن وكامن يهزن ودخلت جوه اني سبحت وبدلت وسويت عشا
لباب عندها تلفون عمو اشترالها علمود دراستها
تدرس خارجي واني وسدرة معتمدات عليها
وكال نهاية الاسبوع اجيب الجن تلفونات
لباب: اكلج شو هاي صديقتي تدزلي نقاط بنهاية المحادثة لوحدهن بدون كلام ومن اكللها شنو يعني تكلي علم النفس وافهمي مافهمت قصدهة وانتي تعرفين علم النفس احجيلي
شهل: هههههه
النقاط اثناء كتابة الجملة ونهايتها نقاط ف هذا الشخص خلص كلامه وماعنده شي يحجي بعد
لكن اذا نقاط لوحدهن ف هذا الشخص ضايج او عصبي او متوتر او مبتعد حسب علم النفس..
ف اذا دزتهن وحدهن ابتعدي عنها
لباب: وتكرار الحرف؟ هم كالت اسألي
شهل: تكرار الحرف مو شي مهم
مجرد حماس من الي يكتب وراحه للمقابل
لانو المقابل راح يحس بأنو الطرف الثاني متحمس يحجي وياه ومرتاحين سويه
لباب: شمسويه اكل؟
شهل: مخلمة وفطاير
لباب: كتابج مال علم النفس وينه
شهل: بالغرفة جوه المخده مالتي
راحت تركض واني كملت كل شغلي وامي كالت اني اصب
راحت تركض واني كملت كل شغلي وامي كالت اني اصب
رحت للغرفة وتمددت حتى انام
لنص الليل حسيت بأحد اندحس وياي بالفراش
امي وابوي نايمين ع الجرباية
انداريت شفت لباب وبيدها الكتاب وصافنه تقره بيه
همست: متوخرين شبيج
همستلي ..لباب : اششش داقرة بلغة العيون
همست : يالون وصلتي؟
لباب: البني
همست: فد اروحلج ولي مني خلي انام امي لا تكعد
تندت شويه بس ماكامت واني رجعت نمت
.............................
خلصت الحفلة وكلمن طش لبيته زينب نامت بملابسها واسراء كالت معليج انا ابدللها .. صعدت بدلت وايهم ماجه راسلني
ايهم: شلونها ملاكي؟
دزيتله : وينك؟ شو ماكو ماتجي شنو؟
ايهم: ابقى يم الولد ابات لانو مايصير
دزيتله : شوكت العرس؟
ايهم: مستعجله؟
: لا بس شوكت هو
ايهم: الاسبوع الجاي غير هيج متفقين
: زين خلي نقسم
ايهم: شلون يعني
: يعني يوم عرسنا وثاني يوم عرس زينب وفهد
ايهم: ومنو گلج ماسويت هيج؟ يابه حجزت وعدلت
: حجية نوفه تكول سويه
ايهم: ايي حجزت العصر وخلصتها السالفه
وبقينا نحجي شوي وكال راح اروح انام تعبان
وانا هم نمت
اسراء: صباح الخير
: صباح النور
اسراء: زينب وين؟
هنادي: بعدها نايمه
نوفه: عوفنها معليجن بيها
اسراء: ماهر وين؟
نوفه: طلع من الصبح مادري وينه
راحت اسراء تخابره
...........
اسراء
خابرته دك مره مرتين مارد اخر شي دزلي رسالة
ماهر: انـه بالشركة اريد اقدم ع سيارة صوريلي المُستمسكات ع السريع اسراء
اسراء: ششتريت بالله؟
ماهر: خرب بمذهبج لج مو وكتج بسرعه
اسراء: دخلي اشوفهن لحظه
دخل جعفر يمي وانا ادور وماهر يتصل ويدز
اسراء: دوكف شبيك
ماهر: دزيهه عاد واكف بالمعرض
اسراء: شدز؟
ماهر: الخـ**
اسراء: اي شنو بالضبط؟
ماهر: المستمسكات مالتي ع السريع
دخلت عليه هنادي وحجيت وياها شويه وطلعت
ماهر: وين صرتي لخاطر الله تبقين ثوووله؟
خرب بيج لج وييييينج
اسراء: دوكف داحجي ويه هنادي
هسه شبيك والله خبلتني
ماهر: راح اكفر
اسراء: ياااا ليش هسه اروح اصبرلي
ماهر: كاعد على نار ومستعجل
وانتي تحجين وي خـ**
اسراء: صورتها
هايه؟
ماهر: ههههه يعني معقوله؟ صدك تحجين؟
اتصل عليه مارديت لانو جعفر شمر المكياج بالكاع
ماهر: هسه غير ترد
اسراء: هاا شبيك شنو؟
ماهر: فتحيها للكـع*** وطگيلها صوره عدل
فتحتها واخذت صوره بس جعفر دفعني ودزيتها
ماهر: هاا متأكده؟
اتصل عليه
ماهر: فتحيها عدل واخذيلي صورة للمستمسكات والجنسيه
اسراء: خوش اصبر
سد الاتصال ودز يلا
جعفر يمي ماكدرت عدل اصورها ادزلك مالاتي؟
ماهر: شسوي بمالاتج يا الله .. رقم 3 سامعه بيه؟
اسراء: لا شنو هذا
ماهر: اسألي امج وهي تجاوبج
اسراء: دقيقة اسأل حجيه نوفه
ماهر: لا يالله
ليش عندج مجال وتسألين
بابا لمي غراضج وفلتي لامج ماشوف جهرتج اليوم
اصلخ جلد ع جلدج
وراح
شبي هذا؟ فوكاها؟
والله يالله طفيت تلفوني ونزلت
هنادي: هاا خابرتي
اسراء: ايي يريد يشتري سيارة
هنادي: اي زين الحمدلله
نوفه: چا شبيها سيارتكم
اسراء: حجيه تعبتنا يوميه ذابه دهن بكد الكون
نوفه: عين وماصلت ع النبي
اشترو يمه مادامكم بچال ايهم
.
...................
شهل
نزل العصر علينا وطلعو الاهل
اندكت الباب عرفته هو
البنات راحن لبيت جيراني كلت الهن اسبح واجيجن
جنت لابسه عبايه اصلا
فتحتها ودخل هو
فاقد: سلام عليكم
: وعليكم السلام تفضل
دخل وكعد جبتله ماي وتحمحم وكال
فاقد: جايج بطلب
: تفضل
فاقد: انـه معجب بأختج الصغيرة
واريدها وماعرف شلون اتواصل وياها
حسيت مثل السجين بداخلي بس بقيت مدنكه
: ء العفو بس هاي مو اختي هاي
بنت خالتي بس منو بيهم؟
فاقد: الشگره
: هااا لباب .. زين واني شنو علاقتي بالموضوع؟
فاقد: اريدج حلقة وصل بيناتنا
: عندها تلفون واخذ رقمها عليش بعد
فاقد: ياريت تنطيني رقمها
صعب الموضوع اكثر عليه
اذا انطيه رقمها بدون علمها احتمال تضوج
وشلون اجمعهم؟ شلون اجمع بنت خالتي بشخص اني صارلي سنه واكثر احبه واهواه؟
: العفو اعذرني ماكدر اتصرف بدون علمها
فاقد: لا ترى والله اكللها انه غصبتها واخذته وماحجي هواي بس اعترف واحدد يوم وياها واتقدملها
بعد ماقنعني بكلامه انطيته الرقم سلم عليه وطلع
رحت وراهن لبيت جيراني شفتها كاعده تسوي كليجه وي ام سامي
ام سامي: كل الهلا تعالي يمه تأخرتي
شهل: دنكت بوستها ... علما سبحت ومشطت وبدلت
لباب: تذكرت المقطع من بنيه تكول بالعيد امي تسوي كليكه وجيرانه يسوون كليچه
والجهال يضحكون ع تفاهتها واني ابتسمتلها
لباب جميلة وحلوة واحلى مني بعد تستحق واحد مثله
اجتها رسالة ع تلفونها فتحت تلفونها وقرت الرسالة
رفعت عينها علينا بسرعه وكامت دخلت جوه
عرفته دزلها .. ااااخ يانار گلبي
حبيته وكل عقلي فكرت بيه يحبني
طلع يراقبني علمود بنت خالتي
شسوي بروحي بعد وشتسوي بيه الدنيا اكثر؟
صار الليل واجو اهلي مرو علينا ورجعنا لبيتنا
اول مادخلت نمت الكل متعشي وتعبان
جنت اخلص وقتي اكل وشغل وصلاة وعلم النفس
بس اليوم ماكو خلص نوم وصفنات وكسر
..........................
رجع ماهر يخوزر بأسراء واسراء مستغربه ماتدري شكو
اسراء: شبيك حبيبي
ماهر: حبتج حيه تأجل موضوعي للشهر الجاي ارتاحي
هزت ايدها وعوجت حلكها ...
: كله لانو الصور مواضحه شدعوه عليهم
صعدت فوك يم زينب لكيتها نايمه
شبيها هاي ماصدكت انخطبت
اكعد بيها متكعد نايمه فد نومه
تمددت يمها ونمت وياها
............................
« بعد مرور اسبوع»
اليوم عرسي انا وايهم
التوتر الف
اشتريت بدلة بس جبيره وهوسه
لا نازكه وساده وحلوه مرتبه عليه
طلعنا من الصالون واخذنا صور عادي ودخلنا للبيت هلاهل ورگص
رفضت عرسي يكون بقاعه لانو الحنه صارت بقاعه
وميحتاج احنا بس اعلان ف كلت زينب قاعه احسن
طلعنا بالزفه للفندق ...
صعدت اسراء ونوفه يمي
نوفه: ان شاء الله تردين نعلمج؟
اسراء: ختولي بس علمود الناس
صعدت الها والا هي متزوجه اصلا
مايدرون انا ايهم بس يحضني من ينام ومرات لا
واللبس كدامه ردان طويله لا متقربلي ولا شي
دخل ايهم وسلم عليهم وهم طلعو وانا رحت للحمام
...
طلعت انڪث من الحمام والماي ينڪط من شعري
هو ڪاعد ؏ الجرباية مخلي رجل ع رجل ومتمدد
ويڪلب بالتلفزيون
باوعلي وابتسم صفح ودار وجهه
كعدت اجفف شعري نص ساعة اجفف اباوعله بالمرايه صافن عليه هز ايده وڪال :
هاي انتن العرايس 8 ساعات بالصالون وتالي بالليل تغسلن الشعر والوجه صارلج نص ساعة تجففين وساعتين تسبحين و10 دقايق تبدلين انا ماراح آكلج ترى هي ڪلها 5 دقايق
باوعتله ودرت وجههي اباوع ايدي ترجف
خلصت كمت وكفت يمه وتخوصرت
: اشرط عليڪ شرط
: أمري يابه
: ماتسوي الي تريده اذا ماتنفذ 5 طلبات الي
: احجيهن بويه
: اول طلب جوعانه واريد فلافل وانت جايب كباب ماينفع
: چا منو موجود هسه غيرنا احنا؟
: الطلب الثاني
: انعدام الاحترام بلسانج من عرفتج لليوم
: اريد ماي مالح وفوكاه ليمون
: كولي اريد انتحر انتحار اسلامي
: الطلب الثالث اريد اضويه خضر
: ونخلي حنه بالباب ونحط علك اخضر
: الطلب الرابع تروح تلبس قاط وتنام يمي
: زين سؤال
: الطلب الخامس والاخير
: چيفه ام لسانين كملي
: شوف هو شوف الخامس دقيقه خلي اتذكر
: بويه تعاي
: مااا والعباس شني ماريد .. بقيت اعاند
وهو يضحك عليه
جان فستان النوم بيه شريط والشريط نصه يسحل بالكاع وشعري مكفش من الشسوار وسبحت والمسكاره ملطخه عيني ماتروح
وسحبني وخلصنا
همس بأذني وڪال :
رمش رمش احسب رموشج وبين ڪل رمش اصفن بعيونج ...
باس حنچي ورجع ڪال :
حصلتج وچني حصلت الجنة الي يحلم بيها ابن ادم ...
وإنتهت المخاوف
والحروب الداخلية
والمَشاعرّ المضطهدة
وانتهت ليلتي في حُضن الامانِ
............................
شهل
مر اسبوع ولباب بس يجيها اشعار تضحك
وتكوم من يمي .. واني يوم عن يوم اذبل اكثر
من اطلع للمحل احس بالمراقبه الشديده
واحس بيه موجود يمي بس هو ماكو
بيوم من الايام اندكت الباب
وطلعت لباب ورجعتلي
لباب: هاج تلفونج
: شنو هذا؟ ولمنو ومنو جابه اصلا؟
صفنت شويه وكالت
لباب: صديقتي تعرفج من زمان ومن خيطتي الها فستانها تذكرين؟ حبت تهديلج شي وجابته
شهل: بس اني ماخذ هيج شي مقابل الي سويته اعذريني
لباب: عاد هو الج وميرجع وطبج طوب
وعيبت عليه وضحكت وراحت
عفت التلفون وكمت لغرفتي اخذت ملابسي وصعدت اغسلهن واشرهن بالسطح ...
حسيت بشخص يباوعلي بس ما انتبهت عليه
من درت وجهي عليه هو بالشارع دار وجهه وصعد سيارته وراح ..
هزيت راسي مبعده الافكار الي اجتني ونزلت جوه
لباب: شنو لونج المفضل؟
شهل: الابيض ليش؟
لباب: لا بس هيج
وكامت ركض من يمي هاي خبله والله
..........................
هنادي
اليوم عرس فهد وزينب
بس زينب مو ع بعضها
احسها لو بيدها هسه تخرب الاول والتالي وتبطل
مو طبيعيه فرحانين ونرگصلها وهي بس تبتسم مجامله
طبعا انا وايهم انتقلنا لبيتنا
يجنن من حيث الترتيب والبناء والآثاث
نوفه: يمه زينب ام الصالون تحجي وياج
زينب: هاا العفو عيني تفضلي
ام الصالون: شعرج اميشه لو ابقي؟
زينب: لا بقي
هزت راسها ورجعت زينب لصفنتها
وام الصالون تشتغل الها وهي كل كلمه ترد بجواب واحد او تكول بكيفكم الي يعجبكم
وصار وقت العرس ...
