رواية قاتلة ابي الفصل الخامس والاربعون بقلم بنت الشيخ ترابية
ماهذهِ الأصّواتُ المُتضاربِة؟
هل هذهِ أصوات قَلبي؟
ولماذا يَنبضُ بهذهِ السُرعة؟
ليتني أستطيع تشديد نَفسي
( فاقد )
..................
شهل
باجر اهلي يسافرون وي عمي للبصره وبس انا ولباب نبقى حتى سدرة تروح وياهم .. وهسه سوالف العصرية كليچة وجاي وكعك وحـَب وسوالف
لباب: عمو احجيلنا موقف من مواقفك سابقًا
همست بأذني: راح يبلش چاي وجذب
گرصتها ووجهنا انظارنا ع ابويه
: ايي سابقًا جانوا يسموني ابو الشهم والهيبة
لباب: باع الجذب باع
خزرتها عوجت حلكها
: الي يوصلني من وحده يطير مايتحملون اعصابي
ابتهال: حجي وينك وين هذا الحجي بس يقصفون تختل جوه الدرج خليني ساكته لا تفتح المواجع
: افااا زين ماجنت اطلعلهم
ابتهال: چا مني جان يكلي جيبي صينيه وخليها ع روسنا راح ننهجم؟
شهل: الله بالخير يمعودين شسالفة سدو الموضوع
سدرة: تعالو نحجي عن الرسول واهل البيت « ع »
لباب: لكم اييي هاي الكعدات الحلوه
سدرة: تعرفون سبع الگنطره ياهو؟
ترانيم: سبع شنو؟
سدرة: الگنطره يعني السبع مالتهم قبل
شهل: ابا الفضل العباس .. گزبر جسمي
سدرة: حاجيتلكم هواي بس هسه مختصر نراجع بيه
النبي محمد مدينة العلم بابُها ياهو؟
شهل: عليًا بابُها
ترانيم: علي بن ابي طالب مو؟
سدرة: بـلي
ترانيم: سيد الكرار منو
سدرة: علي ابن ابي طالب ..
الامام الوحيد الي اله 99 اسم
ترانيم: انطيني واحد غير علي وكرار
سدرة: حيدر الكرار مو سيد الكرار هو
دنحجي ونستفسر دك تلفون لباب بسرعه كامت وكمت وراها اسمعها شنو تحجي بس الي استوقفني من كالت
لباب: فاقد الله يخليك لا تجي مو وكتك
ورجعت همست
: اهلي باجر يسافرون وتعال وشوفها بس هسه لا
هزت راسها وسدت التلفون واندارت شافتني
تخوصرت الها واشرت بيدي عليها
: منو هذا و وين يريد يجي؟
لباب: فاقد يريد يشوفج
: ومنو كلج اريد اشوفه حتى تكوليله تعال باجر؟
لباب: متأذي واسمع صوته مال واحد يبجي
: وناره تاكل حطبه اني شكو؟
لباب: ادري بيج تحبيه ليش تكابرين
نزلت ايدي وباوعت عليها بنظرة عتب
شهل: بس هو ميريدني وديرفضني بدون سبب مقنع
لباب: بس هو يحبج شهل
شهل: منو كال يحبني اذا رافضني ..؟
اكو واحد يحب ويرفض محبوبه وين صايره هاي ؟
لباب: بعد مادري حلوها بيناتكم
درت وجهي وشفت سدرة
انصدمت بوجودها وطابگه حواجبها وصافنه علينا
لباب: س سدرة
سدرة: شدسوون صارلكم نص ساعه
هنا عمي يريد چاي وينجن صدك جذب
زفرت الهوى بهدوء وراحه وربتت ع كتفها ورحت اسوي چاي
لباب: هبطتني بت الّذين أمنوا
شهل: شمعنى بت الّذين أمنوا؟
لباب: وعَملوا الصالحاتِ .. غير هي حوزه
شهل: اسمها سدرة لباب انتبهي لكلامج
لباب: لج ولله 24 ساعه تحجي بالدين اصلح اصير شيخ مُعمم هسه ع الافكار والمعلومات
شهل: وليش المفروض تفرحين لانو هيج تعرفين
لباب: افرح طبعا ليش لا بس عقلي متروس ماكو
هزيت راسي وايدي وهي طلعت من يمي
تصنف وتستدعي .. ااااخ منج يا لباب
...................................
هنادي
وصل النا اتصال وفاقد كام يصيح تخبل علينا
وهو عنده شقيقه بحيث كام يشيل بالغراض كلما يريد يركعهم يذكر هو مو ببيته ويرجعهم
شمر التلفون بالحايط وكعد بالكاع ولزم راسه
زين: ولك شكووو لا تخبلني
فاقد: ااااااااااخ رراااااح مني راااااااح
تخبلنا وياه مانعرف منو الراح وشبيه
كام فاقد يركع بالحايط من الشقيقة وزين يأشرلي بمعنى عوفي وخليج بعيده لتتأذين
صعدنا ببدايه الدرج انا وزينب نراقب
فاقد يشيل روحهه ويركعها بالكاع
شلون مصبر ع نفسه ومابجه مادري
مدري من الالم ميكدر يبجي اللهم اعلم
فاقد: ولكممم الله واكبر سنييييييين ادور عليه تالي بلمح البصر يختتتتتتفي هيج ماعندي حظ ويه الدنيا لو شنيييي؟؟؟
زين: بويه اهدى وگلي شكو ياعيني
فاقد دفع زين واخذ محفظته والجكاير وطلع يطوطخ ميمشي عدل بالكوه يسحل بروحه
صاح فاقد وهو يطلع
: تبقى يم البنات ولا تجي خليني اشوف شغلي
وطلع من البيت وسد الباب
زين: احنا شلون هسه اتلكاها منك من البدو من قهري
نزلت يمه
هنادي: زين غوحله يمعود
زين: يا اروحله هنادي لخاطر دينج ع هذا وضعه اذا رحت يشكني نصين غير ونوب يعصب اكثر
زينب: يعني شلون؟ اذا صار عليه شي وهو رايح ماندري وين وتلفونه مكسر ومماخذ وياه تلفون وهو مريض وشقيقه صوت ميتحمل مو نوب سيارة وشوارع روح وراه واتجفى الشر
زين: ولج شرووووح ماشفتي شلون يهدد،، وانتن؟
هنادي: والله افضل تغوحله لانو احنا هنا امان وبيت وماعندنا شي وهذا مغيض
هز راسه واخذ تلفونه وطلع
زينب: راح يعوفوني الوب شوف القهر
هزت راسها بـ لا وتضرب ع رجلها
دك تلفونها الافيفس؟
اخذته وردت وصدمتني من كالت
: هلا بدو الحمدلله انتَ شلونك، ايي طلعت هسه ببيت هنادي انا.. بعدنا منتظرين خبر منهم.. ان شاءالله مع السلامة.. الله وياك
بقيت باهته بوجهها
زينب: شكو؟
هنادي: زازا منو الافيفس؟
زينب: البدو فهد زوجي.. ليش؟
هنادي: هذا هم اسم؟
زينب: شنو مسميه عمو ايهم؟
هنادي: المُنقذي
زينب: هاي الرومانسيات ماتمشي يمنا خيه
هزيت ايدي ورحت للمطبخ اشرب ماي
ورجعت لكيتها تبجي بس شافتني صعدت فوك
خليتها ع راحتها هي من تحب تحجي تجيني
..........................
فاقد
دخلت اركض لزمت ضرغام من ياخته
ضرغام : وابو فاضل مانتبهت عليه غفل شرد مني
دفعته وكعدت بالكاع
فاقد : تعبي كله راح ماراح الكي متأكد مالگي
ضرغام : غفل الطلعه صارت مادري شلون حتى انه متأكد اخر مره رحت شربت ماي ورجعتله گالي هو افتح الباب مختنك وانه شفته مربط زين يعني متأكد من الامان فتحت الباب وطلعت شمرت العلاكه بره رجعت لكيته ماكو فاتح الحبل وشارد
فاقد: هذا مو وحده طالع هذا واحد مساعده مستحيل
ضرغام: اكيد چا شلون طلع بسهولة شسالفة
فاقد: اريدك تجيبه من جوه الكاع
ضرغام: صار بعيني
فاقد: واي شي يصير بلغني
هزلي راسه وانه رجعت للمستشفى
لكيت ايهم واكف مخلي ايده بجيوبه ومرجع راسه ع الحايط وعاگد حواجبه عرفت راسه يوجعه والجيوب الانفيه گبت عليه
انتبهلي
ايهم: ها فاقد
فاقد: اجيب البنات؟
ايهم: لا وين يبقن يبجن ويلطمن وممنوع
فاقد: بس هنادي
ايهم: اي هاي جيبها
فاقد: تموت عليها
زين: مو وكتك ولك جيوبه
فاقد: عرفته يلا رايح اجيب هدهد
هزلي راسه واتصلت عليها
فاقد: تجهزي يبعد اخوچ جايج
هنادي: ايهم موجود بالمستشفى؟
فاقد: اي موجود .. سديته ورحتلها والطريق كله افكر شلون انسحب منهم واروح لشهلي
..........................
هنادي
خابرني فاقد وكال راح يجيني
بدلت وزينب سألتني كلت الها للمستشفى
رادت تروح بس منعتها كلت خاف ميقبلون والا ليش فاقد كال جهزي نفسج ليش مو جهزوا نفسكم
هي اقتنعت ورجعت كعدت بس بالي يمها
اريد اعرف شبيها ليش من اتصل البدو بجت
لازم صاير شي ميحقلي اتدخل بس بجيها مو مال مشكله بين زوجين عادي لانو سمعتها تهمسله
: حرام عليك
وتوترت اكثر .. اجه فاقد صعدت سلمت ورد السلام
بس باله بالطريق صافن وكل شوي ينتبه
وكفنا بالتقاطع حط راسه ع الستيرن وذب حسره
: يلا فاقد الضوه اخضغ
تونا نريد نحرك ومانحس الا سيارة اجتنا صفح
حسيت باللحظه الاخيره الدم ينزل من كصتي وع عيوني واريد اصيح بأسم فاقد ماكدر غمضت عيني وحسيت بأيد وكعت بحضني وماحسيت بشي بعدها
..................................
اسراء :
نادي عليًا يامظهر العجائب تجدهُ عونًا في النوائب
زينب: غير افهم شبيج
اسراء: اتصل عليه ايهم يگلي وين صاروا فاقد وهنادي گلبي يلعب انوب اتصل عليهم مايردون اتصل ع جعفر يكول ماجو ياربي دخيلك
زينب: ترا عادي يجوز الخط مسدود
اسراء: مادري مادري
اجه جعفر يمي ويصيح ماما وماما
اسراء: هاا حبيبي ها يروح امك
جعفر: هاي رقية عفتني
ضربت ع رجلي وانا اتلوه من الموقف وهذول يتعاركون
اسراء: رقيييييية
رقية: نعم ماما
اسراء: شبيج وي اخوج عايزني انااااا؟؟؟
صوتكم ما اسممممعه خووووش
زينب: ع كيفج يمعوده شجاج
اخذت زينب الجهال كعدتهم ع القنفه كدامي
جعفر مدنك راسه ورقية كذلك وخانسين
رفع راسه جعفر اشر عليه
جعفر: ماما
يريد يحجي وخزرته
: اشششش
سكت ودنك راسه
زينب: مو هيج اسراء صح متوترين بس الجهال شعليهم صدك تحجين انتي
اسراء: اخذيهم ولهيهم اي شي گلبي مايتحمل
اخذت الجهال وطلعت وانا گلبي نار جمر
.........................
شهل
لباب: خلي نغني لساجده
شهل: اكعدي فدوه لعينج
لباب: ولج كلهم ساااااااافروو خلي نركص
شهل: اهووو لباب اكعدي كافي عاد
دنكت تلعب بأظافرها ورفعت راسها
لباب: عندي بدلات رقص
فتحت عيني مصدومه من كلامها
: شنووووو؟
لباب: اني وسدرة وترانيم اشتريناهم من البصره
لطمت ع خدي بخفه
: وابوي يدري امي تدري يااا ياااا
لباب: كومي خل نلبس ونركص عندي ام بي ثري
: تخبلتي لباب
جرتني من ايدي واخذتني للغرفة
طلعت ثنين مثل الدشدايش بس مخصره
انطتني وحده واخذت وحده وشدينا الشال ع الخصر
جرت كحله بعينها واني تخبلت ع واهسها جريت الكحل والحمره واخذنا علج نعلج بيه وننفخ ونطكطك
جابت الام بي ثري وسدت الباب وشغلت
خاله ويا خاله لساجدة عبيد
هزت شويه انصدمت بيها نوعًا ما
وبديت اهز وياها وانصدمت اكثر مني
راحت جابت ورق وگصگصته ع شكل مستطيل وركعت بالكاع وتشمر عليه وتصوفرلي ..
لباب: شد لك شددد
ونهز وماحسين بالوقت والجو
صار الليل طفينا الاغاني رحنا صلينا ورجعت شغلت اغنيه لنانسي عجرم اه ونص
وطلعت الملابس بالمعجنه وحطت الام بي ثري بالسطح
وكعدنا ننكث ملابس ونشر ونتمايل ع الاغنية ونغني
لباب: هجي ويجينا واحد من السطح يطفر ويسويلنا سبرايز گايز
شهل: هنا انتحر والله
لباب: ع كيفج يولو السياج عالي عالي
شهل: ولبلب جوه نعـ***
دمغتني ورجعنا نتمايل ع الاغنيه
ونرگص فرحانين عليش مندري
................................
اسراء
كاعده بالمطبخ منتظره الچاي يتهدر
وصافنه بالكاع
اجتني زينب تركض تبجي وتشهك بالكوه تحجي
تبجي بدون دموع وتأشر
: لججج شكووووو
زينب: ه هنااااادي هنااددديي وفاااقد سوو ححاددث
لطمت ع صدري وشهكت دفعتها وطلعت ادور ع تلفوني اريد اخابر بس لمنو مادري بس اريد احجي اريد افتهم .. اول ما اتصلت ع ماهر
مره مرتين بالثالثه رد عليه بصوت واحد تعبان وباجي
ماهر: ها اسراء
اسراء بخنكه: شكوو شصاير هنادي وين فاقد وين؟
ماهر: بالطوارئ وفاقد بالعمليات
اسراء: احجي شبيهمممم
ماهر: هنادي مضروبه وراسها مفتوح لو تطلع لو متطلع وفاقد ايده ورجله مكسرات وراسه من وره مفتوح وحديده صغيره داخله ببطنه
سكت وبجه
ماهر: اسراء هنادي حالتها اخطر من فاقد لو صار عليها شي مارجع للبيت اندفن وياها
اسراء: اششش اسم الله بس دزوا واحد من الولد حتى اجي وياكم مايصير كلكم زلم لازم واحد يجي هنا وانا اروح بمكانه تبادل يعني
ماهر: هسه ادز زين
اسراء: ماشي .. سديت الخط من الصدمه اريد ابجي ماكدر دموعي والغصه بنص بلعومي
ياربي دخيلك خالتي نوفه وهنادي وفاقد بنفس اليوم
بقيت ربع ساعة انتظر واندكت الباب
لبست حجابي وطلعت دخل زين بس روحه رايحه
اشرلي وهمس: روحي بدلي
دخلت بسرعه لبست جواريب وعبايه ولفيت الشال عدل وطلعت لكيته بالسيارة اول ماصعدت حرك السيارة ورحنا للمستشفى وماحجينا شي روحه بخشمه بس احجي كلمه يبجي .. نزلت دخلني جوه
شفت منظر الله ليشوفه لعدوي
ايهم كاعد بالكاع وحاضن نفسه يم الطوارئ
وماهر واكف مكتف ايده ويبجي وجعفر كاعد بالكاع وصافن ...
زين: جبتها
ودار وجهه وراح وشفته يمسح بعيونه وهو يمشي
عرفته بجه ماتحمل انداريت ورحت لماهر
بسرعه حضني وكان يشهك مثل الطفل
ابتعدت ورحت كعدت يم ايهم
رفعلي راسه يبجي وعيونه حمر دم
ايهم: كومي شوفيها وشوفي الاجهزه الي عليها
كمت وكفت يم الباب وباوعتلها صفررررره بمعنى الكلمه وجهها وملامحها مثل الي يتعاطى هيج
وراسها كله ملفوف لفم وعينها اليسرى ملفوفه
وايدها ورجلها هم والاجهزه تشتغل ويمها الدكاتره
رجعت يم ايهم
ايهم: حطولها صونده تخيلي بس
دنك ومسح دموعه
ايهم: فتاتي الصغيرة .. لو تطلع ميته لو تطلع عميه
مثل الصاعقه نزلت على راسي وحسيت بروده مشت بجسمي وابتعدت عن ايهم ماريد اصدك بكلامه
الفتت على ماهر وهمستله
: الي ديحجي من اثر صدمه لو شنو؟
هزلي راسه وشهك .. : ساعتين بس لو عميه لو ميته
كعدت بالكاع وصرت اهمس كلمات ممفهومه
واهمس هم : ياربي دخيلك لا لا ياربي
طلع دكتور فاقد من العمليات ايهم بقى كاعد وحاضن نفسه وماهر وجعفر طفرو يمه
الدكتور: الحمدلله على سلامته اولاً وثانيًا كدرنا نسيطر عليه لكن صارت شغله وهي احتمال مو تأكيد يعني لازم نتأكد بعد ميكعد المريض لكن احتمال من عندنا الدكاترة انو المريض يا اما يكعد صاحي بإذن الله او يكعد مشلول القدمين
باوعلي ايهم وابتسم بتعب وكال :
شفتي شكد سعيد بحياتي؟
.................
أرأيتّ؟
سَأنام الليلةً، أذ إني مُتعبّ
وغدًا مَع لٓعبةٌ صبرٍ أُخرى ...
ايهم
شكرا لزيارتكم عالم روايات سكيرهوم
