رواية قاتلة ابي الفصل السادس والاربعون بقلم بنت الشيخ ترابية
في دَاخلي
صرخةٌ، غصةٌ، وجعةٌ
حَروبً قدّ أشبهتُها بالحرب العالميّة الثالثِة
ايهم ..
.............................
.............................
الدكتور: الحمدلله على سلامته اولاً وثانيًا كدرنا نسيطر عليه لكن صارت شغله وهي احتمال مو تأكيد يعني لازم نتأكد بعد ميكعد المريض لكن احتمال من عندنا الدكاترة انو المريض يا اما يكعد صاحي بإذن الله او يكعد مشلول القدمين
باوعلي ايهم وابتسم بتعب وكال :
شفتي شكد سعيد بحياتي؟
ربتت على متنة ورجع حضن نفسه بالكاع
جعفر: كوم ايهم نريدك تسندنا يمعود
ماجاوبه وبقى مدنك
مَرت ساعتين وطلعوا دكاترة هنادي
كمز ايهم من مكانه ولزم ايد الدكتور ويباوعله بنظرات متوسلة بس لا باليد حيله
كال خبر صدمنا كلنا
الدكتور : وضعها مانكدر نكول عنه تمام وخير
لانو بعدها بالعناية المركزة تنتظروها 48 ساعة
وتتحدد حالتها بس اكو شي لازم تخلوا على بالكم
ايهم: شبيها؟ شصاير
الدكتور : الشبيكة متأذية عندها ونازل بيها ماي
يا اما تعمى مدى الحياة او عملية
ايهم: يعني هسه هي عميه
دمعت عيون ايهم والدكتور هز راسه بيأس
وترخص وراح وايهم رجع كعد بالكاع ولزم راسه
ايهم : يعني هاي هي؟
تعبت عليها وعالجتها وكبرتها بيدي وتالي تعمى؟
صفن ورجع همس وهز راسه
: الحمدلله والشكر
بقينا كاعدين وسمحولنا ندخل لفاقد
جان غيبوبه مؤقته من البنج ..
اطرافه ترجف والدكتور كال عادي بسبب زيادة البنج راح يبدي يفكه واصلا هو مخيط بلش يحس بيهم
كعدنا يمه شويه وطلعنا وايهم ع كعدته
حاضن نفسه بالكاع ..
ومر وقت وخلص وقت وخلصنا 24 ساعة
...............................
شهل
لباب: فاقد ما اجه
شهل: وشسويله؟
باوعتلي ورجعت فتحت تلفونها مادري شدزت وسدته
ورجعت باوعتلي
لباب: صورتج
شهل: شنو؟
لباب: صورتج من تركصين وهيج نحتفظ بيهن
شهل: اكلج دحذفي ليوكع تلفونج بيد واحد
لباب: لا لتخافين ميوكع بيد واحد بيدي دومه
كامت لباب تدخل الملابس من السطح
واني كملت باقي التنظيف .. وجبت مدات فرشتهم
اجت وكعدنا نرتب الملابس ونعزل البيت
اهلي تالي الليل يرجعون .. صفنت لباب وعاطت
لباب :تلفوني بالسطح خرب
وراحت تركض سوت الدرج درجتين
وراحت تركض سوت الدرج درجتين
كملت التصفيه والتنظيف تمددت احس ظهري صار اربع اقسام .. نزلت لباب خلت تلفونها على الشحن وتمددت يمي ، تقربت من اذني وهمست
:تخيلي بعبع يطلع النا هسه من تحت الكبت
باوعتلها صفح وهزيت ايدي وغميتها
ورجعت اقره علم النفس .. باوعتلي وكالت: عود حلو؟
شهل : هذا الي ماعاجبج طور العالم
لباب: خلي يطورج ماريده يطورني
دارت وجهها تنام واني رجعت اقره
10د ورجعت اندارت عليه ، : فرضي هسه فاقد يخطبج توافقين؟
شهل: كرامتي والكبرياء الي عندي اعز منه
رفضني ورفض يتكلم ويايه وحتى من حجه ويايه كال اريد اختج يعني رفض قاطع گدامي مو لعبه عنده حتى اوا... وقاطعتني
رفعت ايدها بنص وجهي، : ديلا كافي اش خلي انام
همستلها : خبله ماعليج عتب
صارت ساعة 9 ليل وتلفون لباب دگ
كمت وشفت الاسم رجعت ندستها
لباب : خيررر
شهل : فاقد اتصل كوميله
بسرعه كمزت وفتحت الاتصال
كالت الو وصفنت وره شوي كالت : شبي صوتك؟
رفعت عينها بصدمه عليه وماكدرت تحجي
دقايق ورجعت كالت : اني ابلغها
وسدت التلفون وبجت
شهل: لج شبيجج شكووو
لباب: فاقد مسوي عمليه لانو سوه حادث اليوم
وكعدت تبجي شكيت بأمر اختي
ليش تبجي عليه؟
: لباب كوميلي
سحبتها من ايدها و وكفت كدامي
شهل: انتي تحبين فاقد؟
رفعت عينها عليه بصدمه وهزت راسها بنفي
لباب: مستحيل افكر بيه ولو شويه اخويه بالاسلام هذا يحب اخوي شلووون شلوووون ..
شهل:ليش بجيتي؟
لباب: هو قريب مني ماحاسه بشعور الاخ
فاقد جان اخويه يهتم بيه ويحبج الج
يسميني دلوعتي الصغيرة او اخت اخوها
فاقد يحبني ڪـ اخت واني متعلقه بيه كـ اخ
لزمت ايدي متوسله
: فدوه اروحلج اذا تقدملج وافقي
شهل : لا بالحلم فقط
لباب : جان ديفكر بيج وبموضوع شاغل باله
وانكلبت السيارة بيه وهسه هو بالمستشفى خلي نروح
شهل: ياااااا وين ترووووحين؟؟؟
لباب: حبابه نكول لخاله ام حسام تاخذنا
هي تطمطم لسوالفنه حبابه
شهل: لا ماكو طلعه اهلي مانعرف شوكت يرجعون
لباب: هسه اتصل ع ترانيم والله
راحت تتصل واني مصدومه بحركاتها
لباب: الو ترانيم ، شوكت تجون؟ ، طيب لا بس هيج
اوك باي حبيبتي
اجتني بسرعه ولزمت ايدي
: مايجون اليوم عكب باجر يجون لانو المصنع مسدود
حبابه امشي
شهل: مستحيييييل لتلحين
لباب: هوني عليه يريد يشوفج فدوه
شهل: لا حووول الله لباب كااافي
بعد ماحاولاتها كدرت تقنعني ولبسنا ورحنا لام حسام
حتى تاخذنا جانت عندها سيارة
ام حسام يطلع عمرها 36 هيج
اخذتنا ورحنا نزلنا يم المستشفى العام
دفعنا دخولية وسألنا عليه رفضوا ينطونا شي يخصه
لباب: عيني ليش تخليني امطلج هنا اني اخته وهاي خطيبته
: اهلا بيكم اعذروني بس لانو امور خاصه للمريض
المهم المريض فاقد ***** بغرفة رقم *** بالطابق الثاني
لباب: خوش
صعدنا بالمصعد حسيت ضغطي علك
دخت ولعبت نفسي واذني انسدت
اكره المصعد بسبب هاي السوالف
وصلنا وشفنا رجال كاعد بالكاع بين غرفتين
ومره وزلم ثنين واكفين .. راحت سلمت لباب عليهم
لباب: العفو بلا زحمه كالو غرفة المريض فاقد هنا
تندلوها
جعفر: اهلا بيج منو انتي؟
لباب: انتوا منو؟
جعفر: احنا اهله
لباب: كل الهلا ..
اندارتلي عرفتها راح تجفص ورجعت باوعت وحجت
: ءء اني اخت شهل هاي البنت الواكفه
وشهل وفاقد بينهم علاقه حب ع اساس يخطبها وصار الحادث حجه ويايه وطلب يشوفها وجبتها واجيت
رفع راسه الرجال الي جان كاعد بالكاع وعيونه حمر دم
ايهم: انا ماعندي علم؟
لباب: والله الموضوع صار بسرعه بسرعه
هز راسه واشر بمعنى دخلي
اجت سحبتني من ايدي ودخلنا
جان كاعد بس شافني رفعلي ايده السالمه
جرتني لباب جر وخلت ايدي بيده
ردت اسحبها ضغط عليها
تحمدت اله وترخصت وطلعت من الغرفة وبقينا وحدنا
فاقد : رجلي توجعني
شهل : انتظرها يومين وتهون
صفن وراها باوعلي وهمس بصوت ممزوج ببحه
: انتي صدك تحبيني؟
فهيت بوجهه اول مره انتبه لملامحه عدل
انسطرت ..
شهل : منو كال؟
فاقد: جاوبي لا سؤال بسؤال
دنكت راسي وبقيت العب بهدوء بالكانونه الي بيده
لانو لازم ايدي مقيدني ... ضحك وتأذه من بطنه
فاقد : عود ردت اخطبج وحظي الازرك صار زفت وياي
شهل : لا تخطب
باوعلي بعدم فهم تنهدت ورجعت حجيت
شهل : لانو ماراح اوافق عليك اعذرني
ضغط على ايدي ونظراته تحولت من حب وحنان
الى حزن وعتب وخوف
فاقد : ليش؟ ش شنو صاير؟ سسامعه شي؟
شهل : لا بس انت رفضتني بالبدايه شلون اوافق؟
تنهد براحه ورجع كال : لسبب معين والسبب رح تعرفي اول الناس اكيد بس وافقي وكلشي يهون
شهل: بس اني كبرياء وكرامه
فاقد: مو وياي فدوه اروحلج
دنكت ورجع همس .. : عيونچ هذني اخخ منهن
شهل: شبيهن؟
فاقد: صلفات مايستحن يذوبن رجال
ابتسمت وبقيت مدنكه راسي
اندكت الباب بخفه ودخلت لباب
سحبت ايدي من ايده
لباب: خاله ام حسام تكول ياريت تستعجلون شويه اريد اتسوك من السوبر ماركت
هزيت راسي وكمت
شهل: المهم تهون ويصير خير
والحمدلله ع سلامتك مره ثانيه
فاقد: يعني موافقه؟
شهل بابتسامه : دك الباب والله كريم يلا لبلب
طلعنا وسمعته يضحك ابتسمت ع ضحكته
اسراء: هاا حبيبه رايحين؟
لباب: ايي والله منتظرينا
اسراء: مودعين بعد عيني
طلعنا وصعدنا بالسيارة باوعت للباب
شهل: حاجيه شي لاسراء؟
لباب: يا اسراء لميتهم كلهم وحجيتلهم
شهل: انتي ماتعرفين تضمين شي وتسكتين؟
لباب:اجذب عليج اذا كلت لا
ام حسام: عندي بنتي لارا لسانها فالت ماتعرف تضملها حجايه ولباب ذكرتني بيها هسه
لباب: بنتج وينها
ام حسام: ببيت خالتها صارلها شهر
خاله ام حسام عندها ولد وبنت
زوجها شهيد وهي دكتورة نسائية
عندها ولد حسام الجبير عمره 19 سنة
رجال البيت ماخذ مكان ابوه
وبنتها لارا عمرها 16 سنة
متزوجة عن صغر والي يشوف اولادها ميصدك
................
اسراء
طلعوا البنات وسمعنا صوت فاقد يصيح ع ايهم
اشرلي ايهم ادخله ماله خلك يحجي
دخلت انا
فاقد: هلا خويه
كعد ويرفع بالغطى ويغطي نفسه
اسراء: الحمدلله ع سلامتك شلون صرت عساك بخير؟
فاقد: الحمدلله احسن ايهم وين؟
اسراء: كاعد بره
فاقد: هنادي شلونها؟
اسراء: بعدها والله
فاقد: شبعدها؟ شبيها؟
جهاز نبضات القلب تسرع بالصوت
سكتت خفت ليروح يصير بي شي نوب، كرر السؤال
اسراء: شبيك ياعيني نايمه هم رجلها مكسوره
هز راسه ودنك
فاقد: بسببي اقسم بالله بسببي
اسراء: ترا قضاء وقدر مو بسبب احد
دخل جعفر وراح باس راسه وكعد يمسح عيونه ويبتسم مبين لفاقد حالته لانو منريده يعرف
جعفر: ملعوووون تريد تتزوج واحنا اخر من يعلم
فاقد: حبيتها وابتعدت وصدفه صارت وطخت ببالي اخطبها ومن ردت ابلغكم صارت سالفة حجيه نوفه وراها حادثنا
جعفر: الي وياها اريدها
اسراء: حطيت عينك شيشيلها بعد
فاقد: بنت خالتها هاي،، اكللكم حجيه نوفه شلونها؟
اسراء: الحمدلله باجر يطلعوها من المستشفى
فاقد: زينب وين؟
اسراء: زينب وزين والجهال بالبيت
جعفر: فهيدان مارجع؟
اسراء: لا بعده
سكتو شوي ودخل ايهم شعره متخربط وعيونه حمر
ايهم: الحمدلله ع سلامتك ، ابني
صفن عليه فاقد ورد السلام وشوي وكال
: ليش عيونك حمر؟ شصاير؟ ضامين عليه شي؟
ايهم: شقيقه
جعفر: ففه تسكت لو الطمك راچدي؟
غير شقيقه تسوي نفسك غبي
فاقد: لا بس مادري .. وضحك
انفتح الباب مد راسه ماهر سلم ع فاقد واشرلي اطلعله
ماهر: الدكتور طلع وكال جيب صوندات الها
فَ بلغي ايهم رايح للصيدليه خوش؟
هزيت راسي وهو راح ودخلت شاورت ايهم وهز راسه
فاقد: ليش تشاوري؟
جعفر: شي خاص شعليك؟
فاقد: احجولي شصاير حتى ماكوم بنفسي اعرف
ايهم: ابني شبيك؟
فاقد: شصاير هنادي شبيها؟ احجولي شبيها؟
اسراء: مبيها يولو بس ارتاح شويه وناخذك الها
خزرني جعفر عرفت نفسي جفصت لانو يبقى بباله
هز راسه وسكت .. بس مبين عليه التوتر والقلق
دخلت الممرضه لغرفة فاقد وكالت
الممرضة: العفو منو بيكم ايهم؟
ايهم: تفضلي؟
الممرضة: المريضة هنادي كعدت من الغيبوبة وطلبتك
فاقد: ليش جانت بغيبوبه؟
الممرضة: اي نعم ،، بسبب العملية
باوعلنا فاقد بخزره ورجع كال: عمليه شنو؟
الممرضة: المريضة تعرضت لحادث وهذا الحادث أثر على شبكية العين سوينا عملية وتعرضت لضعف نظر أيّ اصابت بالعمى ..
