رواية قاتلة ابي الفصل الثامن والاربعون بقلم بنت الشيخ ترابية
نايمه وفزيت وشفت الظلام .. گمت اصيح مثل المخبله
خفت حيل من الظلام خفت يجيني الوسواس
حسيت بأحد حضني حيل
ويمسد ع راسي ويهمس بـ: اشششش انه يمچ
هديت شويه وراها ارتاحيت
تلمست وجهه وهمست : شوكت نرجع
ايهم: اذا تردين نطلع اليوم عادي
: ايي اريد اليوم نطلع
ايهم: يا الله ليش تحجين بهمس لخاطر الله
مشيت ايدي من وجهه ونزلت لركبته اتلمسها
علت انفاسه بس بقى ساكت ..
همست : احلى الكلام بالهدوء احلى
هز راسه وبقى ساكت شوي ولزم ايدي وباسها
ايهم: لعني الشيطان ابويه انتي
حضنته وغمضت عيني من الظلام المحاوطني
للظلام الاعتيادي ...
هنادي: ايهم خايفه من الظلام اخاف اروح امشي وحدي بمكان مابيه بس انا ويصيرلي شي
ايهم: وليش تمشين وحدج؟
هنادي: خاف تعوفني وتروح
ايهم: ليش انا عفتچ سابقًا حتى اعوفچ هسه؟
هنادي: راح تبقى تحبني لو تبتعد لانو عميه؟
ايهم: كامله مكمله بعيني والكمال للـ الله ..
مو حاچه تشوفيني المهم انه اشوف عيونچ واشوفچ
هنادي: تحبني؟
ايهم: انتي شنو تكولين؟
هنادي: اكول لا
ايهم: نامي بويه
هنادي: بس لعبانه نفسي من نفسي
شلون راح ادبر اموري شلون ابدل اسبح اكل واشرب واطلع؟ شلون راح اسويهن كلهن هذني
ايهم: انه وياچ ماعوفچ
هنادي: حتى تسبحني ؟!!
ايهم: مُمكن
هنادي: عزه لا شنو؟ احترم نفسك لتشوفني عميه
ايهم: هو شنو احترم نفسك يعني انه موجود واخليج تسبحين وحدچ شسالفه؟ دخل الشامبو بعيونج؟ تزحلگتي؟.. وبعدين لتكولين عميه لانو انتي مو عميه مجرد ضعف نظر بعمليه ترجعين طبيعي
هنادي: ايهم اسكت عميه الضعف نظر يختلف عن العمى
سكت وكام يمسد ع شعري
دخلت الممرضة طلب منها تبقى يمي علمود يسويلي خروج اليوم وافقت هي وهو طلع علمود يسويلي خروج ..
الممرضة : هسه اذا اشغل شي قريب من عينج تشوفين
هزيت راسي بـ لا
الممرضة: بإذن الله العملية موجودة بالخارج ناجحة وقوية حيل اكثر من حالاتج هيج ونجحت وحتى من الولادة اكو وصارت وتنجح عمليتج بإذن الله
هنادي: ان شاءالله عمري انتي
الممرضة: بعدين انا اول مره اشوف عيون بهيج جمال
وكعدت تتغزل بيه وتغير من نفسيتي وتضحكني
رجع ايهم والعصر اطلع من المستشفى
مسويلي خروج الي ولحجيه نوفه ولفاقد
حالتنا صعبه بس نكدر نطلع ونكمل العلاج بالبيت
..............
شهل
رجعوا اهلي وكعدوا تريكوا وخلصوا
وبلشو يطلعون الغراض ويشوفونا شنو مشترين
عمي داز بيد ابويه تلفون الي ولسدرة
انطاني التلفون ابويه واخذته بدون نفس
كرهت التلفونات واهلهن
عيني ع اهلي وع لباب
وافكر معقوله واصل الهم شي وساكتين؟
اذا واصل الهموشي يبقوني عايشه مثلا؟
زين شلون اقنعهم اني بريئة وممسوية شي؟
اجت لباب واخذت التلفون مني
شوي ورجعت خلته بحضني
دقايق واجتني رسالة من رقم مُسمى بأسم
ففه ابو الشهل
منو هذا؟
الرسالة مكتوب بيها
: وأنتِ يابهجةَ الدُنيا وَزينتها ...
ڪالزَّهرِ ، ڪالعِطرِ ، مَن يلقاكِ يهواكِ ‟
دزيت ... : منو؟
: فاقد ياشهلتي .. ماعرفتيني؟
شهل: منو انطاك رقمي اصلا؟
فاقد: لباب ركضتلي وكالت جابولها تلفون ورقم
شهل: يعني لباب
فاقد: لا ابوها
شهل: بس لتحفظ الرقم يمك
فاقد: بابا بطرانه انه الاربعاء ببيتكم
وطلع من النت ..
يعني راح يخطبني؟
اليوم احد ! يعني الاربعاء يخطبني؟
زين والفيديو والصور؟ شسوي؟ لحد الان ماعندي فكره
كمت ركضت لـ لباب
لباب: ها شكو؟ ترى هو طلب الرقم
شهل: لج اششش .. الاربعاء يجي فاقد
لباب: وين يجي؟
شهل: يخطبني زين والفيديو والصور شسوي؟
لباب: شهل خليني اصارحه واحجيله والله هو يساعدج
شهل: شيساعد اسكتيييي ..
لباب: لج والله اذا متكليله راح يضوج من صدك
حتى لو يضوج من الصور وغيرها بس المهم يصيرله علم ويساعدنا
شهل: لا مستحيل ماسويها صعبه
لباب: لج شنو صعبه
شهل: منو كال اهلي يوافقون ع فاقد؟؟؟؟
حتى اشوفه صوري وفيديوهاتي بملابس الرقص؟
مو حراام؟؟؟
لباب: زين شلوووون؟ ماعندي حل بالنسبه الي غير هذا
عفتها وطلعت يم ترانيم
سألتها
شهل: ترانيم اذا اكو واحد يحبج تمام
بس دخل طرف ثالث ولازم عليج فد شي ويهددج بس تتزوجين ادز كل الي عندي لزوجج .. شنو تسوين؟
ترانيم: عروح ببلغ الشخص المقرب مني واليحبني
حتى بيكون عنده علم باللي عيصير حتى بعد زواجنا ماينصدم ويكون عنده علم ويساعدني ،، بس حسب الشخص اللي يحبك اذا كان صادق بحبو ونيتو زواج اوك ببلغو ليش لا
هزيت راسي وكملت شغل وياها وفكرت بالموضوع
اذا صارت قسمة بيناتنا لازم يعرف بالموضوع حتى يكدر يساعدني ،،،
بعد تفكير الي اخذ نص وقتي قررت ابلغ فاقد
لكن بعد مايخطب ويوافقون عليه حتى ارتاح واطمن
خلصت كل شغلي ورجعت للغرفة اهلي نايمين ولباب وسدرة نايمات بره وترانيم وجهالها هم نايمين
رحت بفراشي وغمضت عيوني مُبعدة الافكار عن تفكيري ومستسلمة للنوم ..
..................
هنادي
طلعنا من المستشفى وصعدنا بالسيارة
انا وفاقد كاعدين على كرسي متحرك مانكدر نمشي
وفاقد مايرفع عينه بعيني ولا يحجي وياي خجلان مني والذنب مو ذنبه هذا قضاء وقدر بس شامر اللوم ع نفسه ..
وصلنا للبيت وايهم شالني وصعدني فوك وجعفر جابلي الكرسي للغرفة وفاقد اخذوا لبيتهم وحجية نوفة بغرفتها نايمة من العلاج ... اندكت الباب فتحها ايهم زين جان واكف طلع بره ايهم ورد الباب ماسدها وسمعت زين يكله
زين: يكول صارت عميه بسببي ماكدر اشوفها بعد
ايهم: بس ياعيني قضاء وقدر شبيه فاقد لگف؟
زين: متأذي عليها اكثر من نفسه وميكدر يرفع عينه بعينها
ايهم: انه احجي وياه واقنعه معليك خليها عليه
زين: خوش اترخص انا واذا تردون شي بلغوني
ايهم: راح ترجع؟
زين: لا وين ابقى هنا علما يجي ماهر
ايهم: توكل ..
دخل ايهم وسد الباب حسيت بيه وكف يمي
باس راسي وراح .. فتح الكنتور وكال
ايهم: رايح اسبح ماطول دقايق بس اغسل جسمي
: تمام حبيبي
انفتحت باب وانسدت .. يعني دخل للحمام
بقيت اتلفت بعيني وكانو ادور على شي
بس انا متأكدة ماراح اشوف شي مجرد اوهم نفسي
واكول بنج ويفك عني بيوم ..
بدت تنزل دموعي شوي شوي
وصوت شهكتي بلش يوضح بهدوء
وانا اتلفت بمكاني وماشوف شي
حسيت احد واكف بس ماشوفه
صار صوت مشي خفيف واختفى .. عگدت حاجبي
وحسيت بأيد تفك بحواجبي بهدوء
وتقرب باسني من عيوني ومسح دموعي
ايهم: ليش تبجين؟
هنادي: شوكت طلعت؟
ايهم: مادخلت اصلا بقيت واكف
هنادي: حتى تشوف عجزي؟
ايهم: حتى اقرأ ملامحچ واشوف مدى خوفچ
هنادي .. بتحذير: ايهم
ايهم: روحه ،، اقرأ ملامحچ واشوف بيهم الخوف الي كلت الج ابتعدي عنه ولتخافين منه صح لو غلط؟
موكلت الج هذا الخوف ماريده انه يمج وماعوفچ؟
مو كلت الج ايدي بيدج وماكو شي اسمه عجز؟
ولو هذا عجز فراح يكون احلى عجز بحياتي صار من انخلقت لهسه
هنادي: ايهم والله احس نفسي ميته
صار هدوء .. حسيت بيه تقدم
وهو يحاوطني بيده ويطبع القُبلات الخفيفة ؏َ خدي
و؏َ يَدي و؏َ انحاء تقاسيم وجهي ..
أخذني لعالم وكأنو يگول هذا العالم خاص الي والچ
ماكو غيرنا بس انه وانتي
....................
اسراء
ماهر: مايقبل يجي
اسراء: ماحجيتوا وي ايهم؟
زين: حجيت وياه وكال انه احلها
ماهر: هسه انا لو انت؟ منو يروح يمهم ومنو يبقى
زين: انت ابقى انه ماكدر اخذ راحتي انت هنا مرتك واختك تاخذ راحتك اكثر وانه اروح يمهم
ماهر: خوش ،، اوصلك؟
زين: لا شسالفه .. بالليل اجيكم وبلكي اجيبه وياي
ماهر: خير إن شاءالله
طلع زين وبقى بس ماهر صافن
لزمت ايده وبستها سحبها وباس راسي وطلع جكاره ويدخن ..
اندارلي شافني اباوعله نفخ الدخان بوجهي وكرص خشمي
ماهر: شبيك ابني
اسراء: يعني هسه فاقد محمل اللوم ع نفسه
وهنادي تريد تحجي وي فاقد وتطمن عليه
شلون بهاي؟
ماهر: خليها عليه وع ايهم وع الله اولنا
اسراء: واذا ماقتنع
ماهر: مادري اسراء ماعرف احس مسؤولية جبيرة ع راسي وراس ايهم
ايهم عليه هنادي وهنادي تعرفين حالتها مبينه ميحتاج شرح .. وانا بركبتي فاقد وجعفر وزين وحجيه نوفه وانتي والجهال .. وفهد مسافر يعني حتى زينب عليه
شايفه الهوسه الصايره بمخي هسه
طفى الجكاره و ورث الثانيه ورجع كال
ماهر: لو عندي عصا سحريه هسه اگلب الدنيا والمصايب الي جاي تصير النا هنا بلحظه وحده
اسراء: زين عوفك من هذا كله ، نروح باجر للدكتورة؟ نشوف الجنين شلون وضعه؟
هز راسه وصفن بوجهي ورجع راسه ع الحايط
وراها رفع عينه للسقف يدخن وينفخ الدخان ويصفن
متغير حيل وكبران هم . كبران عمر مدري من المصايب
اندكت الباب ردت اكوم لزمني وكام بمكاني اخذ نفس اخير وطفاها وطلع
شوي واجاني اشرلي اطلع ومدنك راسه ويمشي
عرفته صداع صارله .. طلعت وشميت ريحة العطر تسطر سطر
شفتها كوثر حماتها لزينب؟ شدسوي هنا؟
اسراء: يا اهلا وسهلا كل الهلا حبيبتي
كوثر: هلا بيج
اسراء: چا ليش تدكين الباب دفري الباب وفوتي بيتج هذا .. ابتسمت صفح ودخلت جوه والله مريضه نفسيًا هل البت
اسراء: ما اجه واحد وياج؟
كوثر: لا بس اني اجيت بتكسي اشوف مرت اخويه
وتعلج بالعلج وتباوع صفح .. كعدت ع القنفه وحطت رجل ع رجل وماهر يباوعلها صفح يموت منها ومن اسلوبها يكرهها وماينلام ...
كوثر: الخطار هيج تهملو؟ لا ماي ولا شي؟ زين زينب وين؟ جيبولي جكليته ع الاقل؟
ماهر: من اهل البيت انتي مو خطار
كومي مدي ايدج واخذي خوي
كام صفك ايده باوعلها ورجع باوعلي وهز ايده وصعد
شوي ونزلت زينب جابت ماي وكولا وكرزات
كوثر: شلونها جنتنه
زينب.. بهدوء: الحمدلله
باوعتلي بنظرة متوسلة فهمت عليها متريد تروح وياها
كوثر: جهزي نفسج تروحين وياي
باوعتلي زينب وحجيت انا
اسراء: ماتكدر لانو انا حامل واحتاج واحد وياي
وهنادي مسويه حادث ومتأذيه ف ماكدر افرط بزينب
كوثر: وشبيها هنادي يمه؟
اسراء: من الحادث اصابت بالعمى
شهكت وكامت صعدت فوك وصعدنا وراها
فتحت الباب عليهم جانو سابحين وكاعد ينشف شعرها
باوعلها بصدمة وتعجب وهنادي تسأل شكو ومنو
صاحت بصوت
كوثر: ييييحح ولج صرتتي عمييييه؟؟
ياااا ياااا چا خلي الرجال يتزوج شنو باقي ع وحده عاجزه وعميه؟ شتسوين تعرفين تخبزين تطبخين
اذا تمشين وتربدين الكدامج صدك جذب والله قهرتيني
وعفست ملامحها بحزن ولطمت ايد بأيد
