رواية قاتلة ابي الفصل التاسع والاربعون بقلم بنت الشيخ ترابية
طلعت وعيوني كأنما نايمة ماشوف شي
غير الظلام الداكن .. اتلمس بالحايط وخلص
التفت للجهه الثانية اتلمسها ماكو .. انا وين ياربي
رگضت وتعثرت و وكعت بالكاع
حسيت بطين على وجهي
وين جنت و وين صرت ليش هيج دخيلك يا اللهي
كمت ومديت ايدي وامشي واتلمس عسى ولعل
اكو فد شي الزمه ويوصلني لنهاية الشارع
وصلت وحسيت رجال واكف
معقوله هو؟ اكيد هو لانو كال ما اتأخر
تلمسته جان مخلي ايده بجيبه
سحبت ايده وحضنتها
: ايهم خلينا نرجع خايفه حيل خايفه
ماحجه شي بس هذا مو عطره؟
وايهم مالابس دشداشه
سحبت ايدي وردت امشي من يمه لزم ايدي
: وين رايحه تعالي اخذج للبيت هههههههه
دفعته حيل ماكو لازمني والساعة 2 ليل محد بالشارع
اريد اصيح سحبني وصار ظهري بصدره وسد حلكي بيده وشالني من خصري وبقيت اضرب برجلي بيه
واحاول ادفعه ماكدر ...
الى أن حسيت بضربه
هو وكع من طوله وانا صرت بحضن
(اخر مره اسوي هاي الفقرة 😔😂)
#الحاضر
كوثر: ييييحح ولج صرتتي عمييييه؟؟
ياااا ياااا چا خلي الرجال يتزوج شنو باقي ع وحده عاجزه وعميه؟ شتسوين تعرفين تخبزين تطبخين
اذا تمشين وتربدين الكدامج صدك جذب والله قهرتيني
وعفست ملامحها بحزن ولطمت ايد بأيد
باوعلها ايهم ورجع باوع لهنادي الي عيونها كامت تصب دموع .. شمر المشط بالكاع رفع شعره بيده ومسح وجهه واجه باتجاهنا يمشي
وكف كدامها ضيق عينه وحط ايده بجيوبه وباوعلها
ايهم: اضيفج؟
كوثر: والله ياريت واحد يحس بيكم شويه ولا واحد ضيفني من اجيت لهسه
عبرها ونزل وهي طلعت وراه وانا رحت اخذت هنادي لفراشها بقت تناشغ من البجي غطيتها وطلعت
شفته لازمها من طرف العباية ويحجي بعصبية
ايهم: خاف شفتيني مُثقف ومؤدب وابن ناس وماتقرب لمره والمسها بس من توصل لهنادي الايد اكصها والرجل احشها .. مال انه يمها وتگليلها العميه عيونچ تصير الها فاهمه .. ماحب اعارك نسوان لانو احس نفسي بلا رجوله وياج انتي واشباهج
ويأشر عليها
حط الجكاره بحلكه واشر الها بمعنى تعالي وراي
وطلع للطرمه وانا وكفت بالباب مال المطبخ اباوع
طلعت وراه فتح باب البيت وجتف ايده
بقت واكفه شمر الجكاره وكال
ايهم: طول ما انه بهذا البيت انتي تبقين خارجه
كوثر: بس ماكلت شي هنادي هي اص
ماخلاها تكمل كلامها وكاللها : هنادي اسيادچ
اندارتلي وباوعت لزينب وخزرتها وطلعت وطبك الباب وراها .. اشرلنا ندخل وهو دخل قبلنا وصعد فوك يم هنادي .. نزل ماهر
ماهر: هاا گتلها؟
اسراء: بس طردها
ماهر: حرامات والله
اسراء: كافي مشاكل اسكت وروح شوف الحجيه
هز راسه ودخل للغرفة مالتها
..................
متمددة بحضنه واللعب بأصابع ايده
عيني تتفصح الي كدامي بدون ماشوف
بمختصر عام اتلفت بعيني وكأنما ادور ع الشي الي حاضني ..
هنادي: كالتلي عميه شلون تكول انت ضعف نظر؟
ايهم: وخلي تكول زاد لو نقص منج؟
هنادي: بس هي وصفتني بالعميه ايهم
ايهم: وبالطكاك ليش مهتمه؟
همست : بس هي كالتلي عميه
ايهم: اسيادها هاي العميه
هنادي: الى متى؟
ايهم: عن قريب تنتهي المُعاناة
هنادي: وشلون؟
ايهم: لكُل صبرًا مُفتاح فَرج ، وكُل نهاية تَهون
هنادي: انا لا تفرج ولا تهون
ايهم: حلكج يوجعج؟
هنادي: ليش؟
همس وهو يعدل كعدته ...: حبيت اعدله
هنادي: تحبني؟
ايهم: شايفة حب العراقي للعود والچاي؟
انه اكثر منه بشويه
هنادي: يعني قليل
ايهم: انه المسدس وانتي رصاصته
هنادي: هم قليل
ايهم: انتي الشريان الي مانكدر نقطعه
هنادي: قليل
ايهم: چا شتردين بعد ماتكليلي
هنادي: متحبني
ايهم: ايي
هنادي: لا تسلك ..
حسيت بيه صفن رفعت وجهي انفاسه لاحتني يعني صافن عليه رفعت ايدي تلمسته جان يباوعلي وعاض شفايفه .. تلمست شفايفه وهمستله : لا تنچلب
ضحك بصوت عالي وگال : ولچ شو صايرة صلفة
هنادي: اعجبك
همسلي : عيني صلفة و وكحة
فصلتج تفصال وانتي مامنتبه
هنادي: انت من زمان صلف ترى
ايهم: من تعرفت عليچ تعلمت منچ هواي اشياء
هنادي: من ضمنهم؟
ايهم: الصلافة
هنادي: ايهم انا مو صلفة؟
ايهم: لعد منو ثاني يوم العرس كالت
اريد اسبح وياك واسبحك؟
هنادي: لتجذب محجيت هيج انا
ايهم: متذكرين ابويه انتي
هنادي: اريد انام كافي
ايهم: اي نامي چا ماتنامين
.....................
اسراء
: انزل اشوف الحجيه وارجع
هز راسه ودار وجهه
نزلت محد موجود كلها طاشه بالغرف بس صوت الساعة رفعت عيني عليها جانت ساعه 11 ليل
دخلت لغرفة الحجيه جان كاعده تون
بست راسها وايدها وكالت
نوفه: وينها هنادي
اسراء: نايمه حجيه
صاحت بتعب : انعمت عيني كون عليها
اسراء: اسم الله حجيه كولي يا الله
نوفه: عيني تعمى عليها
سكتت عنها جانت ضايجه ومقهورة ع هنادي حيل
ابنها اجه وضاج يريد يرجعها وياه ويكللها هذول غربه وشعندج كاعده يم ناس غربه وليش ماترجعين لبيتج طالعه علمود الخدم؟ مرتي موجوده وتخدمج
وهي رفضت تكله هذول ماعندهم ام واب وانه صرت الكل بالكل شوكت مارجع ارجع واصلا انه بالاسبوع مرتين اروح لبيتي وارجع هنا لا تدخل خليك بمرتك
بقيت يمها لحد مانامت وطلعت عنها شربت ماي وصعدت فوك لكيت ماهر بسابع حلم ..
رحت غطيته عدل وبسته وبقيت اللعب بشعره وصافنه بملامحه شكد متغير وكبران ..
سمعت صوت شي وكع جوه انداريت ع ماهر عفته وطلعت ونزلت جوه
الصالة مابيها شي رحت للمطبخ جان اكو كلاص واكع بالكاع والكاونتر مفتوح
انداريت ماكو احد دخلت للمطبخ الحراري هم ماكو
رجعت للصالة ماكو .. رجعت للمطبخ نظفته وسديت الكاونتر وكلت احتمال صاير ضغط من المواعين ومفتوح و واكع ... غسلت ايدي ونكثتها ورحت
صعدت اول درجايتين وسمعت الكاونتر انسد بابه
انصدمت وخفت بنفس الوقت
درت وجهي وتعوذت من الشيطان
و وكع كلاص ثاني .. هنا احس گلبي مات
رجلي ثگلت ونفسي ثگل وانا حامل حتى خفت اخترع ونوب اسقط .. رحت تمشيت بخوف للمطبخ
باوعت من طرف الباب
وباب الكاونتر ينفتح وينسد بشكل بطيء
ورجع وكع كلاص
وانسد باب المطبخ الحراري حيل انا انهبطت
وحسيت شي نزل عليه .. لزمتني دوخة قوية و وكعت
.............................
: وانتي منين جبتي غراضها؟
: اني اعرف وحده من الممرضات بالمستشفى العام
جانت مسجونه هنا وطلعت واصلا اعرفها من زمان
ف ذاك اليوم اجتني زيارة وسلمت عليه واني خليتها تراقب وتجيبلي غراضهم وغراضي
ف قبل فترة اجتي هاي الشرطية من كالت عندج مكالمة
: اي اذكر كملي
: اي هي جانت متصله عليه وكالت ترى دخلت للمستشفى والاهل كلهم هنا كلت الها جيبيلي من ملابسها واريد من غراضي ف رايحه بالليل باب بيتنا جان مفتوح دكته هي وطلبت غراض لهنادي من زينب جانت بالبيت ودخلت وياها ودخلت لغرفتي وجابت غراضي وغراض لهنادي وهذنياهن كلهن يمي من اجت زيارة البارحة انطتنياهن
: زين ولج انتبهي لا يشوفونج
: لا تخافين من الكل ينام اشتغل
: شنو غايتج؟
: الغاية اطلع من السجن واسلب كل الورث الي واخذ الاول والتالي واسافر واتزوج
: انتي متزوجة اصلا !!!!
: خلي يولي مايدري بيه وين اصلا
: وجهالج؟
حنان: هم اختاروا هنادي ف خليهم ياخذون العقاب وياها .. وابتسمت بخبث وشغلت الشمعة الرابعة الي قرت عليها ومادري شنو كتبت بيها
وگصت قطعه من بدي وخلتها فوك الشمعه حركتها وخلتها بالكاع وحطت فوكاها مدري شنو بس اسود
سألتها : هذا شنو؟
: السحر الاسود جبته من النجف وباقي عندي
: ومنين جبتي؟
: من سحارة هناك
: بس ماراح تستفادين ترى
: لا استفاد هواي لا تخافين
رجعت سكتت وبدت تقره
خفت منها وكمت عزلت نفسي عنها
اباوعلها مثل المخبله تهز براسها وتحجي
ومشعوذات تقراهن وحده وره الثانيه
..
..........................
كعدنا ع صوت ماهر يصيح لايهم
ايهم طفر مني وطلع ركض وانا بقيت وحدي وماشوف
كمت تلمست الحايط واصيح عليهم اريد افهم شكو
تلمست الحايط وصلت للمحچر لزمته وتحسست الارض برجلي وصرت انزل درجة درجة
هنادي: يمعودين شصاير شكو
اجت زينب صوتها مبحوح وتبجي : اسراء تنزف
ايهم: ما اتأخر صعدي نامي
كزبر جسمي من الخوف وبسرعه صحت عليها اريدها
كالت شالوها هسه وراح اطلع وراهم
راحت وياهم وبقيت بس انا وحجيه نوفه مخدره من العلاج نايمه متدري بشي ...
بقيت امشي وحسيت وصلت لباب لزمتها ودخلت
اعتقد هذا المطبخ
مشيت وسحكت ع كزاز عطت ورجعت لوره وكعت بالكاع .. كمت ودموعي نزلت ومشيت وحسيت ببرودة الجو يعني طلعت بره ومشيت لكدام وباب البيت مفتوح ردت اسده بس جانت اكو علاكه زبل يم الباب
شلتها وطلعت للشارع مشيت ومشيت اتلمس والحواية ماكو وتالي وصلت الها وسمعت صوت السيارة مشت ع الشارع العام يعني انا براس الشارع شجابني لهنا!!!!!
شلون ارجع!!!!!!!!!
مشيت دخلت لمكان صغير
طلعت وعيوني كأنما نايمة ماشوف شي
غير الظلام الداكن .. اتلمس بالحايط وخلص
التفت للجهه الثانية اتلمسها ماكو .. انا وين ياربي
رگضت وتعثرت و وكعت بالكاع
حسيت بطين على وجهي
وين جنت و وين صرت ليش هيج دخيلك يا اللهي
كمت ومديت ايدي وامشي واتلمس عسى ولعل
اكو فد شي الزمه ويوصلني لنهاية الشارع
وصلت وحسيت رجال واكف
معقوله هو؟ اكيد هو لانو كال ما اتأخر
تلمسته جان مخلي ايده بجيبه
سحبت ايده وحضنتها
: ايهم خلينا نرجع خايفه حيل خايفه
ماحجه شي بس هذا مو عطره؟
وايهم مالابس دشداشه
سحبت ايدي وردت امشي من يمه لزم ايدي
: وين رايحه تعالي اخذج للبيت هههههههه
دفعته حيل ماكو لازمني والساعة 2 ليل محد بالشارع
اريد اصيح سحبني وصار ظهري بصدره وسد حلكي بيده وشالني من خصري وبقيت اضرب برجلي بيه
واحاول ادفعه ماكدر ...
الى أن حسيت بضربه
هو وكع من طوله وانا صرت بحضن احد
نفس العطر ونفسه يصعد وينزل بسرعه
الرجال ماله حس بعد وانا انشاليت من الكاع ومشى بيه ماحجيت شي ... بقيت مخليه راسي ع صدره وابجي ...
حسيت بيه نزلني ع الجرباية
: هاي شوكت وصلنا
بقى ساكت ماجاوبني
اخذني للحمام غسلي وجاب ملابس ردت اخذهم منعني وبدلي ورجعنا للغرفة كعد يلم شعري
حجيت وياه ماكو مارد عاد عطت
: ايهم ليش ساكت جاوبني
عاط بيه
ايهم: انه مو كتلج صعدي لغرفتج ما اتأخر موووووو؟
: لا تصيح عليه، شلون رجعت
ايهم: لوما زينب ماجان رجعت وكليلي ليش طلعتي؟
: مشيت اريد اسد الباب مال البيت وجانت اكو زبل اخذتها اريد اذبها وتيهت
دنكت راسي وبجيت بدون صوت
سمعته استغفر وكعد كدامي ولزم ايدي
همس بهدوء: تخيلي لو ماجاي؟ شجان صارلج؟
حضنته وحجيت ... : خفت حيل ايهم
كام وسحبني لحضنه ومسد ع شعري
: وين اسراء؟
ايهم: اخذوها للمستشفى
: شصارلها؟
ايهم: واكعه وشافها ماهر تنزف
: خير ان شاءالله
ايهم: كاسرة گلبي والله كلما يصيرلها طفل يروح منها
: يارب ماتسقط هذا الطفل ويبقى بأحشائها
ايهم: امين ابوية انتي ، نامي يلا
غمضت عيني ونمت
.......................
شهل
كاعده بالصالة وانشمر شي ع باب البيت
ركضت خليت الحجاب ع راسي وطلعت اشوف منو بنص الليل شنو هذا الخبال اذا طلعوا ولد سامر اذبحهم
فتحت الباب لكيته منتجي ع سيارته ويدخن
باوعلي غمزلي وكال: ها يحلو
شهل: شنو هذا التصرف وين كاعدين بتركيا؟
بنص الليل جاي مو مسوي عمليه؟ شجابك؟
فاقد: جابني الشوك والله
شهل: احجي شتريد
فاقد: اريدج
شهل: فاقد لتثولها واحجي
شمر الجكاره سحك عليها وتقرب
فاقد: الخطبه الثلاثاء مو الاربعاء
شهل: وليش؟
فاقد: الاربعاء اسافر اسبوعين مو مال انتظر اسجلج بأسمي واروح وردت ابلغج بس تراجعت بالتلفون
شنو واجيت حتى هم اشوفج وهم ابلغج
شهل: ماشي بس روح هسه ابوي يكعد للصلاة
فاقد: رايح يلا بس دخلي جوه وقفلي الباب
دخلت وسديت الباب ورجعت جوه امي جانت واكفه متخوصره بالصالة
