رواية غيرة اختي الفصل الرابع بقلم جمانه السعيدي
غاده....كمل المغذي وحسين راح على مرتضى
حتى يجي يشيلها من ايدي
دخلو ثنيينهم يسولفون ويضحكون
وصل يم مرتضى اخذ ايدي حتى يشيل المغذي
مرتضى...شلون صرتي
غاده...الحمد لله
مرتضى....هاي اول مره لو صاير قبل ينزل عندج الضغط
امي...لا هاي اول مره اصلا غاده ما تتمرض ابد
بس صار يومين ما تاكل وتشكي من بطنها
مرتضى...ليش ما تسوين تحليل خاف عندج جرثومه
امي...اي اخءها للعياده اشوف دكتور زين
حتى اطمن على حالتها
غاده...باوع عليه مرتضى وكال اكلي موزين عليج تعوفين الاكل تر نزول الضغط موزين
غاده...هزيت راسي يعني اي
طلعنا من المستشفى للبيت
وصلنا دخلت غرفتي ماشفت هبه اصلا مااجت تشوفني لو تطمن عليه
شويه واجت للغرفه عبالك ماتشوفني
مااعرف ليش ما تحجي وياي اني اخذت حبيبها لو هيه اخذت حبيبي
على العموم اني بعد تصرفها الاخير وقبولها خطبة زيد
غسلت ايدي منها
ماكو هيج اخت لازم يكون عدها علم مثل ما باعني زيد راح يبيعها بيوم من الايام
لان الانسان الجذاب المراوغ ماتصيرله جاره
بديت احاول اتعفى شويه شويه اي كلام ماكو بيني وبين هبه
وهيه عناد بيه كل وقتها لازمه التليفون وتحجي ويااا
وكلمة حبيبي ماتوكع من السانها ابد
احسها تتعمد تقولها كدامي حتى اضوجني
اتفقو على العقد بعد اسبوع وبدت التحضيرات بلبيت
دزلها فلوس قليله حتى تشتري ذهب
وتفقو الملابس والمكياج بعدين
لان هو توا تخرج وبعده ما مشتغل
الفلوس يادوب جابت بيهن حلقه وتراجي وكلاده زغيره
واهلي شالو تكلفت المهر صالون وبدله وكيك وعصير
كلشي على اهلي
حفله زغيره على كد عائلتنا وعائلتهم
اني بقيت بلمطبخ ارتب واحضر مادخلت يمهم ابد
اسمع الهلاهل صوتها مزعج ينرفزني
بس مااريد اضعف وابجي
راسي صدع من اصواتهم عفت كلشي ودخلت غرفتي
مااكدر اتحمل ااكثر
لمن خلصت الحفله ولبيت فرغ يله طلعت
كل هذا واني مااحجي وياها ولاهيه تحجي وياي
بدا يجينا للبيت حتى يكعد ويا هبه
تلبس وتكشخ والعطر يترس البيت وتحير شجيب وتخلي
طايره ما مصدكه كدرت تاخذ زيد مني
طلعت النتيجه نجحت ولله الحمد معدلي ٧١
بلتسبه اليه زين هذا المعدل اشوف اي كليه تقبل معدلي واداوم
لازم احصل شهاده بعد ماكو واحد احسن من واحد
مااسمح الاي احد يضحك عليه وينتقص مني
عود هما عدهم شهايد واني ماعندي
من بعدها بشهر تقرببا امي بدت تشكي من حركه بلبول
والم بضهرها
اخذناها اني وابوي للدكتور
من وصلنا للعياده لكينا مرتضى هناك
عنده عيادة تمريض بس شافنا اجا علينا
سلام وترحيب مو طبيعي
بعدين التفت عليه وكال
مرتضى.....شلونج غاده
غاده...الحمد لله تمام انت شلونك
مرتضى.....الحمد لله صرتي احسن
غاده....اي صرت احسن
مرتضى...هسه راح اخليكم دخلون اول اسم
غاده...راح مرتضى وقدم الحجز وجابلنا مي
مرتضى...... تعالو انتظرونا هنا بعياداتي بارده ابرد من الممر
ابوي...تسلم الله يحفظك مانريد نعطلك عن شغلك
بقا يروح ويرجع علينا
حسيته مهتم الوجودي
يباوع عليه من جوه ليجوه
غاده...اباوع علي واكول سبحانه مغير الاحوال
شوف الهيبه والشخصيه الي يشوفه من جان زغير
شكد وكح يكول يطلع رئيس عصابه
شلون هادء ومرتب وشاطر الله يحفظه
ياترى يذكر شلون قبل ضربته وعضيته لو نسى
ااكيد نسى صار سنيين درس وتخرج وتعين
شلون يذكر هاي السوالف
جمانه السعيدي
شويه وسمعت اسم امي
اجينا ندخل مرتضى دخل قبلنا وبدا يشرح للدكتور الحاله
بعد ما سئل ابوي قبل لا ندخل
ووكف ويانا
أخذنا للتحليل وبقى منتظر لمن طلعت النتيجه
دخل على الدكتور سئله على وضع امي
رجع دخلنا للدكتور سجل علاج راح للصيدلية
نزل من سعر العلاج يمشي ويانا عبالك عائلته
منا لمن طلعنا من العياده
وصعدنا بلسياره يله راح
ابوي ...الله يحفظه ويستر علي شلون ولد
امي...اي ولله كله نخوه وغيره عايف عيادته ويركض ويانا
غاده....الي يشوفه مايصدك هذا مرتضى الوكح وما ينجرع
قبل عبالك واحد ثاني
امي....من زغير وحد وهسه كبر وفتهم وصار غير شي
رجعنا للبيت
بسبب مرض امي شغل البيت كله عليه
اما ست هبه
ماعدها شغل وشاغل غير زيد
شكال زيد وشحجا زيد
اني ليش تغيرت مشاعري اتجاها هو وهبه
ليش اكرهم ومااطيق اسمع اي شي عنهم
يمكن لان شفتهم على حقيقتهم جنت مخدوعه بيهم
ثاني يوم اتصل مرتضى على حسين يطمن على امي
مرتضى...شلون صارت اهم شي العلاج بمواعيده
حسين...ولله من امس بس تحجي بيك
موقفك ما ينسي ابد
امي...الف رحمه على والديك
حسين ..سمعتها
مرتضى.....ماسويت شي احنا جيران واهل
امي... خل يجي احنا عازمينا على العشى
حسين...اجتك عزيمه بعد شتريد
مرتضى....الله يسلمكم بيت العامر انشاء الله
من بعدها بأسبوع اندكت الباب
طلعت لكيته مرتضى شافني بدون حجاب دار وجها
صرت ورا الباب وكتله اهلا وسهلا
مرتضى....شلونج غاده
غاده...تمام الحمد لله انت شلونك
مرتضى....الحمد لله امج شلون صارت
غاده....شويه احسن
مرتضى....اسف اجيت من غير موعد بس اتصلت على حسين
ما يحاوب
هذا علاج جان ناقص ذاك اليوم
واليوم اجا بلصيدليه وجبته علمود امج
غاده...ليش تعبت نفسك
مرتضى...ماكو اي تعب
غاده...دقيقه خل اشوف امي تجي تسلم عليك
دخلت للبيت
غاده...يمه مرتضى بلباب جايب العلاج
امي....يااا ليش مادخلتي
غاده..تعالي انتي دخلي اني استحي
امي...خاله مرتضى تفضل ليش واكف بلباب
مرتضى..تسلمين خاله جبت العلاج شلون صرتي
امي.. الحمد لله شكد فلوسه
مرتضى...خاله شنو السالفه نمونه
امي...لا ولله مايصير
مرتضى....ازعل عليكم غير اهلي
امي.. الله يحفظك ويسلمك ياطيب
غاده.. أخذنا العلاج ودخلنا وامي بقت النهار كله تحجي بي
حسين رجع اتصل علي وتشكر منه
بعد اربع أشهر من ضهور مرتضى بحياتنا
وبعد ما انقبلت كلية تربيه وبديت اداوم
اجاوزت كلشي مر عليه
صرت وحده ثانيه مهتمه بدراستي ويس
اروح بطريقي وارجع بطريقي مالي شغل باي احد
اتصل مرتضى على حسين وطلب منه طلب ما متوقعينه ابد
جمانه جمانه
مرتضى...شلونك حسين
حسين.. هله والف هله شلونك انت
مرتضى...امك شلون صارت
حسين ....الحمد لله تمام
مرتضى...ماريد أطول عليك اني اليه عدكم طلب
حسين....طلب واحد اطلب براحتك
شنجازي منك اطلب ودلل
مرتضى.... اطلب ايد غاده للزواج اذا ماعدكم مانع
حسين.....النا الشرف عزيزي بس اسئل الاهل وإنشاء
الله خير
مرتضى.. اذا ماعدكم مانع اجيب اهلي ونجي نشرب جاي يمكم
حسين...كل الهلا ومرحبا اهلا وسهلا
مرتضى....اني عندي بيت باسمي جاهز من كلشي
بس غرفة النوم اذا صار النصيب
غاده تختارها على ذوقها
وعندي سياره وراتبي على العياده العصر
خير من الله
اطلبو براحتكم ماعندي مشكله
اني اشتري اهل مو زوجه
حسين.... ولله اني اكلك من هسه اني موافق
وين واحد يحصل اخ مثلك
مرتضى...الله يرضا عليك انتظر منك الرد
حسين...انشاء الله خير
غاده...حسين اجا طاير ما مصدك
حسين...عندي الكم خبر بمليون دينار
ابوي...خير انشاء الله
حسين...الضاهر راح نخلص من البنات ثنيينهم والبيت يبقى بس اليه
اعرس وأخلف براحتي
ابوي....يالله غاده نخطبت
حسين...اي ما تصدكون منو خطبها
وواحد. بالف رجال
امي...منو غير يحجي
حسين...مرتضى طلب ايدها
غاده.....اجتني لحظه صمت
ابوي...اي ولله هذا الولد حيل عاجبني
امي....الله يحبها غاده مرتضى معدل وابن ناس
ابوي....اي ولله مرتضى خوش ولد
حسين....اني موافق
امي...اني موافقه
ابوي....اني ابصم بلعشره
حسين....هاا غاده شنو رائيج شو سكتي
وافقي يحضي بيت وحدج وسياره يكول تطلب وتدلل
بس كون توافق
شبيج ساكته احجي
اكيد ما مصدكه مثلي اني هم ما مصدك
امي...اكيد توافق وين تلكه واحد احسن من مرتضى
ابوي...عوفوها براحتها هيه تقرير توافق لو لا
غاده....ما متوقعه مرتضى راح يطلبني للزواج
بقيت مصدومه من هذا الخبر
مااعرف أوافق لو ارفض
اهلي طايرين من الفرح ويشوفنه الإنسان المناسب
بس اني متردده
مااعرف أوافق لو ارفض
يمكن مرتضى فرصه بلنسبه اليه
لان ماناقصه شي
حسين.....شبيج احجي لا ترفضين
اذا رفضتي تخسرين احسن فرصه بحياتج
وافقي اني اشوفه مناسب وفرصه ما تتعوض
غاده....افكر اريد وقت افكر مااريد استعجل
هذا زواج مو لعبه
اريد اسبوع افكر وارجعلكم خبر
شكرا لزيارتكم عالم روايات سكيرهوم
