رواية ما ذنبي انا الفصل الرابع بقلم أحلام السعدي
الكِبر تبغضُهُ الكرامُ وكل من يبدي تواضعَهُ يَحبَّ ويحمَدُ خيرُ الدقيقِ من المناخلِ نازلٌ وأخسُّهُ وهي النخالةُ تصعدُ.
ــــــــــــــــــــــــــــــــــــــــــــــــــــ
طلعن البنات من يمي.جنت عطشانه مي.نزلت جوة دورت عالمطبخ.لكيت بنيه بتسمتلي.
عقدت حواجبي. وكالت شنو تحتاجين. اني هنا الخدامه.
..... اريد مي عفيه عطشانه.
دخلت للمطبخ..وجابتلي مي.دااطلع وشفت اصف توترت كلش.ومن غبائي تزحلكت.
ونجب نص المي عله آصف..من دايدخل.والله مجان قصدي صدك.يعني هيج تزحلكت.بلعت ريكي.
هو كام ومسح وجه بعصبية.
كمت بلكوه. جنت انتضر ردة فعل شنو راح يسوي والله العضيم مو عمدة.
آصف.....بحياتي محد تجرء وعمل الي عملتي.انتي شنو متكوليلي وافترين بالبيت عبالك بيت الخلفوج.
نزلت راسي.... ورفعتة مرة ثانية. واريد احجي قاطعني.
آصف..مثلهم طبق الاصل. اذا اهلج هيج سوو..فأكيد انتي مثلهم.
عصبت علية.... كلمن مااسوي شي يكول اهلج واهلج.
كتلة بعصبية.انت بس لو اعرف عليمن شايف نفسك.شهل غرور. يااخي بدون ماادري جبيت عليك مي. قابل شسويت يعني لو جابة عليك تيزاب لو شربت. شسويت بلة.دكافي عاد. عوفني اعتقني ورجعوني لااهلي.
دااطلع...صاح.
آصف..بعصبية....لج احجي عدل والله.
دايحجي وجتي.وسكتتة شمايل.
شمايل....خوية بدون ماتدري خلص احسبها علية.
باوع علة شمايل ...رجع يباوع علية.وجا قريب علية كال .انتي خدامة هنا وبس تفتهمين.
عصبت صدك منة.وباوعت عليه بستهزاء. وكتلة....انت ليش مفكر حالك الامبروطور.اني مو خدامة تفهم . يوم يومين وارجع لبيتنة . وراح اقدم دعوة ضدك لانك خطفتني.كافي عاد.تره زهكت منك.ولعبت نفسي منكم.
هو ضحك بستهزاء.مااحس غير اني واكعة ولازمة خدي.
آصف....مو اني الي بنت مثلج تعلي صوتها علية.ومارح ترجعين لبيتكم.وازيدج من شعر بيت.حتكونين خدامة هنا.تعرفين شنو خدامه.
اشر بأيده يعني تمسحين الكاع وتنضفين.
جتي.. هتوف..وكالت. خوية شبيك خليها ترجع لبيتهم حرام تسوي هيج.خطيه تقبل احد يخطف شمايل ويضربها.
آصف.... بعصبية.انتي شعليج. ليش تدخلين. مااريد احد يتدخل لاانتي ولاشمايل.
آصف....زفر بقوه.روحي منا.
....كافي عاد.اشر علة شمايل وهتوف..ياخذني للغرفة.
اخذوني للغرفة.
ضليت ملهوفه وتمر الايام وماكو احد يحاجيني واريد انهزم واحاول الحرس يلزموني ونااكدرت كلشي اسوي.
تعبت كلش.
مرة شهرين علة حالتي محد جا من عائلتي. ولا ادري بيهم شصاير.بس رب العالمين يدري شنو صار بحالتي هاي.
كمت مااكل علكد الغدة. تجبرني ام العم مالك. والعم مالك.
وآصف مشوفني الويل. يكعد ويكوم يحجي علية. وميخلي شي بأهلي ميحجي. ولمن احاول احجي واكلة لاتحجي عن اهلي.يحجي عله شرفي واسكت.شمايل تجي تاخذني من يمه وماتخليني احجي.الي مضايقني اكثر مااعرف ليش خاطفيني.
وحتة آصف . قسم يمين للي يحجي وياية. بعد مايحاجي طول عمري.
بهاي الشهرين محد يحجي وياية. حتة شمايل وهتوف. بس اشوفهم وينقهرون عليه. اني ابجي. اكللهم فدوه رجعوني.
اما عن ابن آصف محد يكدر يلمسة غير شمايل وآصف. بس همة الي يربو. وصار يزحف واني روحي تفرفح.علية اشتهي ابوسة عالجمالة. وضحكتة. اتمنة لو يكون عندي ابن مثلة كلش حلوو. مااقترب منه نهائي اخاف يصير بي شي ويذبونه صوج بيه.
واما ابناء أدم.فأموت عليهم داءما العب وياهم.لان محد يحجي وياية اكوم العب وياهم لانهم صغار ومفيهمون.
ماعرفت طعم النوم والراحة.. بس احاول اخفي كلشي عليهم وابتسم واكول راح ارجع لااهلي ايام وتعدي ان شاء الله.
. وحتة جتي ايام مااكل شي بيهم من ورة اوامر آصف..تعبت حالتي كلش وصرت اتمنة الموت .وحتة صرت انام وية الخدم .
بس قررت مااستسلم راح احاول انهزم.شنو هاي.هاي مو عيشه ..ومنا محد يكدر يساعدني.ومحد يكدر يحجي ويايه .قررت اني احجي وية آصف بس بهدوء.بلكت يرجعني.
هو جان بشغل ضليت انتضرة. واني الف فكرة تجي بالي. واكول مستحيل يقبل اصلا ليش يقبل. وهو يشوفني كاني اني قتلت ابو وامة.
الخدم يجهزون الاكل. واني انتضر عالدرج الطابق الثاني. لان هو اول مايجي يسلم. ويطلع بسرعة يغير ملابسة..ويرجع يتغدة .
انتضرت....فجأة دخل وعقد حواجبة. من شافني عالدرج.
مدري شصار بية..خفت منة مع انو ماسوالي شي وكلت.. بنفسي كلبي يكلي.(وليج يمصخمة شدسوين ارجعي احسلج ).
عقلي يكلي ...( لا كافي عاد الى متى اضل هيج اني اسيرة بيت عدوي لازم ارجع لااهلي لازم ).
شسوي كلت لا والله اليوم لازم احجي .ويا مشيت وية عقلي.
طلع الدرج الاول . شافني بس محجة شي.وراح للدرج الثاني.مر من يمي. صحت.
......آآصصف.
مسمعني ورجعت صحتلة. بس بصوت اعلة.
....آآصف.
باوع علية وعقد حواجبة. وكال شتريدين.
بلعت ريكي وكتلة .ممكن احجي وياك.
آصف...شتريدين اريد اروح اسبح.
كلت بكلبي الله ياخذك كون.ميصير الا تحجي بهل الاسلوب.
صحاني من شرودي صوتة القوي.
آصف....ها حتضلين صافنة شتريدين.
..من خوفي كلت ..اريد احجي وياك بس وحدنة..
عقد حواجبة وكال .تعالي فوك.
فرحت كلش.مع انو هو اول مرة يحجي ويايه بهدوء. واول مره راح اصعد لذاك الطابق.
آصف....تضلين واكفه امشي.انتضريني بالمكتب اليم غرفتي. شويه واجي.
رجع هو نزل للدرج . واني صعدت عالدرج. ورحت للمكتب.جان بي قصص واشكال والوان . اني من نوع الي احب كلش القصص. ضليت افتر بيهن.
دورت.... ولكيت هواية روايات عجبتني وحدة من روايات من اسمها..دااشيل الكتاب ومسمع غير صوت آصف.
آصف..بحده..ايدج تنكسر اذا تمدين ايدج عالكتاب.
بلعت ريكي... واحس اريد ابجي.شهل اسلوب هذا.
نداريت علية جان مرتجي عالباب.
....بهدوءاسفة بس خلص مااريد شي .نزلت راسي اريد ابجي معرف ليش ختنكت.
آصف....اي كولي شنو التريدين مني وروحي.
مكدرت احجي دموعي حينزلن.ومااريد يشوفهن ويكوم يضحك. ادري بي يحب يشوفني ابجي. بسرعة ركضت عالباب وهو تفاجأ مني. ولزمني قبل لا اطلع.
آصف.....شبيج احجي.
حجيت .....خلص مااريد شي.اسفه.وخرت ايدية ونزلت كبل.
ونزلن دموعي كمت اشهك.ياربي مااريد احد يشوفني بهل حاله.
نزلت .... هستوني دااسد الباب.علية. تفاجأت ايد فتحتها .
آصف.....ليش تبجين.شكووو.
......مماكو شي . واني اشهك وسادة حلكي.
وهو يباوع علية. ومصدوم.شكوووو شبيج.
لزمني من زنودي وهزني.
آصف....لج شبيج احجي ليش تبجين.
حجيت بين شهقاتي.ارريد اريد.ار.وح..لااهلي.
دفعني بالكاع. لمن سمعني كلت هيج. وكال طلعة ماكو.
كمت اشهك واحجي.....آصف شتريد مني . بس خليني شوف امي واختي واخويا.اتوسل الك ماما مريضه والله.
آصف.... اني كتلج مستحيل تشوفيهم. وانسيهم خلاص.
كمت من الكاع..تكدر تترك اهلك..تكدر تترك روحك .تكدر تترك بيتك بهيج طريقه واحد يخطفك وتضل شهرين بدون امك واخواتك.
. اني عفت امي. واختي .واخويا .ومدرستي .وخطيبي.
سكتني عن هاي الكلمة.
آصف..عقد حواجبة .خطيبج.شنووو.
.حجيت واني ابجي .اي هو اكيد دايدور علية ويه مهند.
آصف....انتي مخطوبة.
كمت ابجي واشهك. مجاوبتة.
دفعني ووكعت بالكاع.. لزمني من فكي وكال بعصبية .انتي مخطوبة جاوبي؟
احس رجلية نشلن من الخوف. وصوتة صار عالي واني اكول شبي ياربي.
جاوبتة....اي اي والله مخطوبة من ابن عمي ابراهيم.
آصف....ليش مجبتي سيرتة طول هالشهرين .بعصبية.كولي.
.بجيت وكتلة ....والله والله انت مخليت احد يحجي وياية لهذا مكلت الاحد.
آصف.بصوت ...انتي حتضلين هنا. وترجعين وتضلين يم خواتي. ومااريد اشوف وجهج بعد اليوم.
آصف .....كومي.
ردت اكوم بس خوف متملكني مكدر اكوم.
آصف..بصوت .لج كومي احجي وياج.
كمت ابجي..مااكدر اكوم.
كمت بس بلكوة نتجيت عالميز وكمت.لزمني من زندي ومشة وصلنة بالصالة..
وصاح بصوت رج المكان..شمايل .هتوف..
