رواية ما ذنبي انا الفصل الخامس 5 بقلم أحلام السعدي

لا ريب في أن الحياةَ ثمينةٌ لكنَّ نفسَكَ من حياتِكَ أثمنُ.

ــــــــــــــــــــــــــــــــــــــــــــــــــــــــــــ

كمت بس بلكوة.. نتجيت عالميز وكمت. .لزمني من زندي ومشة وصلنة بالصالة..

وصاح بصوت رج المكان..شمايل .هتوف.

جني ثنيناتهن علة صياحة.

شمايل....شبيك آصف.ووليش داتبجي شادن.

آصف ...عقد حواجبة ..اسمها شادن.

حجيت بكلبي.واني اباوع عليه..لا والله.صدك.

هتوف.. حقك بس تعرف تعصبها وتهينها. وحتة مانعنة نحجي وياها.حقك والله.

عافني وراح عليها.... ولزم اذانها.

آصف.....لج من شوكت تعلين صوتج علية.هاي شبيج. تعلمتي منها مو بس اني اعلمجن. وخلي تفيدج هاي البنت عود.

هتوف.... فتهمت فتهمت بس عوفني فدوه.

شمايل....هاي شبيك.تأذي هاي وتأذي ذيج.شبيك آصف

عاف اذان هتوف.. ورحت يمها.

آصف....هاي متطلع من هذا البيت ابدا . اول شي. وثاني شي تخلوها تحت عيونكم . تضل يمكم بالغرفه.

ماحجن شي بس ضلن بكلبهن لان عاط عليهن.

جا علة شمايل وحضنها.وكال اسف شمايل لان صيحت عليج.

باوعت علة هتوف تطكطك باصابعها. وتريد تبجي.شكد كسرت خاطري .ليش هيج يعاملهاليش يفرق بينهن.واذا بنت ابو خوما بنت زنه.

ادري طول هشهرين شفت تصرفات أدم ومراد وآصف شلون يعاملون شمايل. وهتوف يعملوها بغيض وهية بس تنقهر ماتحجي شي.

لزمت ايديها باوعت علية.بتسمت.وهية بتسمت . مابية شي اطمني.

آصف باس راس شمايل وراح.

باوعت عليه.....اعوذ بالله من هيج اخو.

ضربتني شماييل علكيفها.لاتحجين عله اخويه. اضوج.

باوعت عليها وعوجت حلكي هو شلون اخ.

رحنة للغرفه...شفت هتوف تبجي.

شمايل.. والله كمت احس اني اكرهم لانهم يكرهونج .شسويلهم بالله.

......لاتبجين مايستاهلون دموعج.

باوعو ثنينهن عليه.

......اسفه.

رغم كل هذا بس ميقبلن احجي عله اخوانهم.

هتوف.. باوعت علية وكالت ..احنة اسفين ياشادن.شنو بأدينة احنه شنسوي مانكدر كلشي نسوي.

شمايل... حاولت احجي ويا يرجعج قافل. بلكت من يجي مراد يحجي ويا.

غمضت عيوني... طيب بس كولولي شمسويه اني.

ماحجن بهذا الموضوع.

كمنة نسولف شوي.

رحت للصالة .

دخل أدم جتي ام هتوف.. وكالت شو تأخرت يمة.

أدم .. ليش شدخلج اذا اطلع او اطب.مااعتقد يهمج بشي.

راح وعاف ام هتوف....هالبيت غريب كلش.. كل شخص عايش لمصلحتة.اعوذ بالله.

والله ردت ابجي من منضرها.جانت مقهورة كلش.

.جيت يمها وحجيت بهدوء ....والله همه الي خسرانين.هو اكو مثل طيبتج.

ام هتوف بتسمت.

.....خلص احجي.. لاتخافين حتة شمايل وهتوف كامن يحجن وياية.

عمتي....صدك.

....اي والله وهسة اكدر احجي وياكم. وتكدرون تحجون وياية.بس عمه عليج الله احجي وياهم خلي ارجع لااهلي والله هسه مااعرف شنو بيهم مابيهم.

عمتي....طيب حبيبتي.احجي وياهم ان شاء الله..ومسحت عالراسي بايدها. .والله تذكرني بأمي.

عمتي ... روحي يم البنات .يمة ليجي آصف..هذا مسودن.

...كعدو كلهم عالميز.الاكل.

ومراد اجا من بغداد.

مراد....ششادن تعالي صبيلي من ذاك الماعون.

ماكعدت يمهم ابد بس يحاولون ويايه تعالي اكعدي مااكعد. احسن واحد من اخوانه.

رحت قربت من يمة هو جان الكرسي بين آصف من جهة.وبين أدم من جهة.

رحت يمة.. ومجنت اكدر انوشة من يم أدم. .لازم اروح يم كرسي آصف..واني مااريد اندك بي .هسه يهيج مثل الثور.

بس شسوي امري لله رحت من يمة . آصف جان داياكل. وكف اكل لمن جيت يمة..نطاني الاكل من غير ميباوع علية..عاد صبيت لمراد .ووكفت.

صاحت مرت العم مالك..ملاك.طبعا اني وياها مو صحبة هية وحدة تحب المشاكل. لهذا بتعدت عنها.كلش اضوج منها.

ملاك....يا شادن تعالي اريد مي حار.مو بارد.

رحت للمطبخ..بالي جان شلون راح انهزم من هذا البيت.. ياربي شلون.

صبيت المي. ورجعت نطيتهيا. الها ووكفت يم بيبي.

اني جنت شاردة اخطط شوكت انهزم..ومسمع غير وحدة بس تكح.

ملاك..... كلهم جانو يباوعون عليها.

ملاك....لج انتي شمخليه بي تريدين تمواتيني.

باوعت عليها ورحت يمها كلت..شبيج عمة.شخليت هو مي.

ملاك....وعم عمة انشالله . شنو هذا جايبتليا من البوري.وهذا نار يجوي جوي.

.....ااسفة عمة والله مدري.

كامت تحجي علية. واني واكفة ومدنكة راسي والله اني جان رديتلها بس لخاطر عمي مالك وامه. ماحجيت شي.لان طبعا مااسكت.

رحت لكيت مي عالطاولة دااشربة.

كمت اشرب بي وجان تكول عمه ملاك. آصف اريد اشتكيلك عليها .

باوع آصف عليها..وحجه.هاا.

عمه ملاك...تسميك ال.حيوان.

هية كالت هيج.واني كمت اكح وعيوني تجري دموع.وخشمي طلع منة ماي.جانت حالتي يرثى لها.

واني اباوع عليهم الي كلهم.منصدمين ماعدة مراد.

لان جنت القبة كدامه.وهو يضحك.

.

واما آصف جان عاقد حواجبه ويباوع عليه بغضب.

كمت اخذ نفس واني اسمع..ملاك تكول حيل تستاهلين..كو تخنكين وتموتين. مثل ماخنكتيني هذيج الساع.

اما عن شمايل وهتوف ورتيل.. يضحكن عالمنضر عمه ملاك..وعصبيتها المفرطه لان آصف ماحجه عليه.

آصف باوع عليهن ويكول بعصبية..اكو شي يضحك.ضحكني وياجن.

هنة عاد سكتن بس كاتمات ضحكتهن.

شمايل... والله موعليك خويه.

عمه ملاك.... ها يعني تضحكن عليه.

شمايل.... لا عمه مانضحك عليح عله شادن.

بتسمت الهن.

واني من خجلي رحت من يمهم.طبيت بسرعة للمطبخ . يبو عالهل فشلة هسة هاي الحية شلون عرفت اني اسمي آصف حيوان.شعرفها.

نزيت لمن سمعت صوت.يعني صدك الي كالتة.

بلعت ريكي وباوع جان أدم..ياكاع انشكي وبلعيني . اصلا أدم الوحيد الي مااحاجي.

خجلت ونزلت راسي.بالشقه احجي.

أدم .....ضحك.

.....اني اسفة استاذ أدم.

أدم....لا عادي ا اول مرة اشوف آصف بهيج منضر..بس هم عيب تره.

.....ادري.اسفه.

أدم....وبعد عمتي ملاك حية.

خجلت ونزلت راسي.

أدم باوع علية وقرب مني... كال والله حسبتج مثل اختي.. .بس اتمنى تسامحيني.وانشالله اكدر ارجعج للبيتكم.

.....بتسمت عليك الله احجي ويا. اريد ارجع. والله تعبانه واريد ارتاح. شهرين مامرتاحه ولاذايقه طعم النوم.

أدم....الله كريم. واذا ماقبل بنفسي ارجعج. اني اترخص.

ماحجيت ويا. ومسحت دموعي.

طلع.ودخل مراد.يشرب مي.

كلت هاي فرصتي.واني عندي ميانه ويا..صحت مرادد.

مراد....نعم..امر.

......اريد احجي وياك.

مراد....احجي.

.....الامر جاد اريد احجي وياك بس مو هنا.

مراد..ماشي. اني راح اروح للحديقه اكعد تعالي انتي ورايه.

......صحت كلت لا لا بالحديقة. آصف ميخليني اطلع.

مراد....راح اروح لغرفت البنات.

......طيب. انتضرك هناك..لاتنسى.

مراد.....تحتاجين شي ثاني.

.....بتسمت هزيت راسي لا.

بتسم وراح .كعدت وضليت كاعده. مااكلت شي لاصبح ولا غدة وميتة جوع...بس كلت الاهم هو لازم اقنع مراد .

طلعت للغرفه.

لكيتة ينتضرني كاعد عالفراش.

مراد....هلا شادن شنو الموضوع.

كعدت عالجهة الثانية وكتلة .مراد عليك الله افهمني.

مراد...عقد حواجبة . شبيج بيج شي شنو الي تريدين تفتهمي..

......اني لازم اطلع من هذا البيت .واني مكدر احجي وية غيرك.انت بس الي اكدر احجي وياك .مراد محتاجة امي هواية. اريد اشوفها كلبي نار عليها. .وحتة ميان ومهند وبراهيم .

نزل راسة....مااكدر والله حاولت بكل الطرق ابعدج منا ماقبل آصف.

..... شوف لو بس اني اروح اشوفهم.وارجع خلص والله ارجع اواعدك.. بس اريد اشوفهم.

مراد...ومنو كلج اذا شافوج مارح يخلوج ترجعين.اكيد انتي مخبله حته تفكرين هيج.

. نتفضت وكتلة .اشوفهم من بعيد والله.

مراد... مااكدر والله والله والله ليش ماتفهمين.

بلعت ريكي .....ونزلت راسي . ادري بس لازم اشوفهم .كمت ابجي. مشتاقتلهم والله انت متعرف النار الي بكلبي.

مراد....بهدوء ....ادري وحاس بيج والله بس شنو بأيدي. راح اساعدج بس من بعيد تشوفيهم. وعدني راح ترجعين.

.....بتسمت ومسحت دموعي. وكتلة اواعدك راح ارجع .بس شلون من بعيد.

مراد....اذا نهزمتي تعرفين يعني شنو..يعني ياخذ اختج بدالج.

......كتلة بقهر..بس خلص اني راح ارجع وعدتك.ماعندك ثقة بية .

مراد....راح اساعدج .ونشوف.

.....بتسمت وكتلة اشكرك مراد. فضلك ماراح انسا طول عمري.

مراد ....لا عادي العفو.بتسم وحك لحيتة.

كام واني كمت هم من عالفراش وكال يلة اني اروح..

......مرخوص....

دايروح ورجع مرة ثانية. باوع علية بهدوء. باوعت علية احس تغيرت نضرتة .

جا قريب علية..واني اعقد حواجبي. وابلع ريكي وكلبي يدك قوي شبي هذا.

الي ان طخيت الحايط. ونحصرت بين ايدة والحايط

مراد .....متعرفين شكد جنت اراقبج وشكد جنت اباوع عليج..وابتسم مثل المخبل....وشكد احلم بيج .خرب.اول مره يصير هيج ويايه..

باوعت علية......هذا شدايجي..

مراد.... انتي بنيه حلوه ونقيه.

باوعت.....شدايحجي. وكت بطيخ..نصدمت منه...

نزلت راسي.

رفعلي راسي.

صارت شفتي قريبة من شفتة.

شكد حاولت ارجعة الوعية. وادفع بي بس صخر.

دايبوسني بس..