رواية المنتقبة التي اسرت القلوب الفصل الخامس
الحاجة سميرة كانت واقفة من بعيد بتفرك في إيدها بغل وهي شايفة مودة بتسيطر على قلب سليم وقررت إن الضربة الجاية لازم تكون أقوى.. ونهائية.
ثاني يوم الصبح سليم كان قاعد في المندرة
و عيونه ما شافتش النوم دخلت عليه مودة بخطوات واثقة لابسة نقابها وعبايتها السوداء كأنها ملكة متوجة في مملكتها.
سليم (بصوت رخيم فيه بحة وجع قال ):قُمتي بدري يعني.. والشنطة دي واخدة على وين؟ الكتب ولا الهدوم؟
مودة ردت عليه الطريقه ما كانش يتخيلها خالص وقالت:واخدة فيها كرامتي يا بشمهندس.. كتب الجامعة جاهزة وقلبي جاهز إنه يصد أي ضربة تانية.. أنت قولت هتوصلني بنفسك فـ يا ريت منتأخرش عشان المحاضرة الأولى ما تفوتنيش منها ولا حرف .
سليم (قام وقف على رجليه بجهد وسند على عكازه وهو بيقول):ماشي يا الحاج سعيد.. بس قبل ما نخطب خطوة برا السرايا فيه حساب لازم يتصفى قدام عينيكي.. عشان تعرفي إن سليم المنشاوي لما بيعرف ان في حد ليه حج بيبقى سيفو على رقبه الظالم.
(في صالة السرايا الكبيرة.. سميرة واقفة وفوزية أختها وزينة اللي الغفير جابها من قفاها هي وأمها)
سليم (بزئير هز نجف السرايا قال ): الكل يحضر اهنا دلوقت!
سليم (بص لسميرة بكسرة هو بيقول):يا أما.. انتي كبيرة الدار دي ومرات ولدك
كانت أمانة في رقبتك.. تقومي تتحالفي مع فوزية وبنتها عشان تلوثوا عرضي؟
سميرة (بتلجلج وهي بترد عليه وبتقول):يا ولدي.. أنا كنت خايفة على مالك.. البت دي غريبة و..
سليم (قاطعها بضربة عكاز على الرخام وهو بيقول):الغريبة دي طلعت أشرف من اللي من د'مي! فوزية.. أنتي وبنتك من اللحظة دي النجع ده محرم عليكم.. لو شفت ضل واحدة فيكم اهنا وفي اي حته في البلد قسماً بالله لهخلي عواد يدفنكم مكانكم.. والدار اللي قاعدين فيه ده ملكي ومن بكرة الصبح يفضى تروحوا تعيشوا في البندر عند اللي باعتينكم!
فوزية (بغل وصراخ هي بتقول لسليم):بتطرد خالتك يا ولد سميرة؟ عشان حتة بت منقبة كيف الشبح ولا راحت ولا جت؟ دي مسويه لك سحر مخلياك تمشي على كيفها وديها العينه بين!
سليم (بضحكة وجع هو بيقول): هي مسويه لي سحر مممم ما دام اللي انا فيه ده سحر انا رايده على طول مش رايد فوق منه وادي السحر خلاها تكون مكان بنتك اللي كانت ناويه تغدر بيا برااا! يا عواد! خد الحريم دول وارميهم برا البلد والبلد كلها تعرف إنهم مطرودين بـ فضيحة غدر!
بعد دقائق خد سليم مودة هو عند الجامعه
وسند على عكازه ولف فتح الباب لمودة.. الطلاب كلهم اتلموا يتفرجوا على المشهد اللي مبيحصلش كل يوم.
سليم (بصوت عالي مسموع لكل اللي واقفين قال):يا مودةارفعي راسك فوق انتي شايلة اسم سليم المنشاوي.. والجامعة دي كلها لو حد بس فكر يبصلك نظرة مش تمام هقفلها باللي فيها.
مودة (بصت له من ورا النقاب بحزن وقالت):سليم.. الجبروت ده مش هيخلي الناس تحبني هيخليهم يخافوا منك ممكن يبعدوا عني بسبب خوفهم.
سليم (همس جنب ودنها):الناس في بلادنا مبيحبوش غير اللي يقدر يدوس عليهم يا مودة.. وأنا هخليكي الهانم اللي الكل بيسولها الف حساب.. اطلعي محاضراتك وأنا مستنيكي اهنا.. مش هتحرك خطوة غير وأنتي في يدي.
في مخزن قديم على أطراف البلد عدلي كان قاعد بيدخن وشيطانه بيلعب في دماغه وفوزية جنبه بتولع نار.
فوزية:سليم طردنا يا عدلي.. رمى لحمه عشان خاطر مودة لو الواد اللي بعتناه الجامعة معرفش يكسر عينها يبقى لازم نلعب على تقيل.
عدلي (بخبث):الواد ده مجرد فكة يا فوزية.. التقيل جاي.. سليم بيحبها ودي نقطة ضعفه.. مودة هتروح الجامعة بكرة وبعده وفيه فيديو متفبرك هيتنشر على شاشات النجع كله بكرة بالليل في المولد.. فيديو يخلي سليم يقتـ ـل مودة وهو مغمي عينيه.
زينة (بغل):أنا اللي هسجل الصوت يا عدلي.. هخلي مودة تبان وهي بتخونه مع واحد صوته يشبه لواحد من رجالة منصور أخوها.. عشان نضرب الأخ في الأخت في سليم.. نخلص على الكل في خبطة واحدة لان منصور مش سهل ومش هيسيب خيتو تتاذي!
بعد الرجوع للسرايا مودة كانت قاعدة في الجناح وسليم دخل وحط عكازه جنبه وقعد على طرف السرير بتعب.. مودة قربت منه وبدأت تفك له زراير القميص وهي ساكتة.
سليم (مسك إيدها فجأة وثبتها وهو بيقول):مودة.. أنتي لسه رايدة الطلاق؟
مودة (بصت في عينيه وهي بتقول): سليم.. أنت النهاردة سويت اللي ما حدش يقدر يسويه وقفت قدام أهلك وعشيرتك عشاني.. بس الجرح لسه بينزف.. الشك اللي شوفتُه في عينيك امبارح لسه بيطاردني في أحلامي.
سليم (شدها لحضنه بقوة وهو بيقول):الجرح ده أنا اللي هداويه بيدي..يا مودة أنا اتخنت كتير، بس أنتي كنتي اليقين اللي رجعلي روحي.. لو رايده تمشي بجد امشي 💔علشان ما تعلقش فيك اكتر من أكده امشي من دلوقت انا بقيت حاسس اني بعشقك عشق ولو قعدت اكثر من أكده وياي مش هقدر استغنى عنك وانتي صغيره ولسه الدنيا قدامك بلاش تد'فني لحالك مع واحد كيفي ؟!
مودة (همست بصوت مكسور وهي بتقول):أنا مش رايده أمشي يا سليم.. أنا خايفة.. بس مش منك ؟!خايفة من العقارب اللي برا لكن انت مش رايده اهملك مش خابره ليه رايده اكون وياك في ضلك على طول؟!
سليم (رفع راسها وباس جبينها من فوق النقاب هو بيقول):محدش يقدر يلمس شعرة منك وأنا حي.. ومن بكرة الحراسة على السرايا هتزيد، والجامعة هبقى ظلك فيها.. أنتي ملكي يا مودة والمنشاوي مبيفرطش في حاجه امتلكها واصل.
اما عند الحاجة سميرة كانت واقفة في البلكونة بتشوف سليم وهو بيضحك لمودة ومسكت تليفونها وكلمت أختها فوزية
سميرة:سليم بقى خاتم في صباعها يا فوزية.. نفذي اللي قُلتي عليه.. بكرة في المولد لازم مودة تند'بح وتنفضح قدام النجع كله.. وأنا اللي هحط الحبايه لسليم في القهوة عشان ميفوقش غير وهي
مقـ ـتولة!
وبعد كده قفلت التليفون وثاني يوم سليم كان لابس جلبابه الصعيدي وشاله وبيرتب نفسه عشان ينزل المولد دخلت عليه الحاجة سميرة وفي إيدها صينية عليها فنجان قهوة .
سميرة (بصوت ناعم زي الحية اتكلمي بحنيه وقالت):اشرب قهوتك يا ولدي عشان تسند طولك في وسط الرجالة.. المولد السنادي كبير والكل مستني سليم المنشاوي.
سليم (بص لها بنظرة فاحصة وهو بيقول):من يد ما نعدمها يا أما.. بس مودة وين؟ مش عوايدها تتأخر وهي خابرة إني نازل.
سميرة (بارتباك ردت عليه وقالت):مودة في الاوضه بتلبس.. اشرب أنت بس عشان تلحق الموعد.
(سليم مسك الفنجان ورفعه لحد بقه ومودة دخلت في اللحظة دي وعينها وقعت على نظرة سميرة اللي بتبص الفنجان القهوة قلبها انقبض وحست بغدر من حماتها لجوزها )
مودة (بسرعة قالت):سليم! استنى!
سليم (استغرب بصلها وقال):فيه إيه يا مودة؟
مودة (قربت منه وأخدت الفنجان من إيده وهي بتقول):القهوة دي بردت اصبر هسوي لك واحدة غيرها أنا ميرضينيش تشرب حاجة من يد حد غيري النهاردة يا سيدي الرجاله💪؟!
سميرة (بزعيق فيها وهي بتقول):دي قهوة ولدي يا بت سعيد انتي رايده توقع بينا! أنتي رايده تسويله واحدة غيرها علشان تحطي له فيها العمل اللي انتي سويته له وكمان انتي كيف بتتحدتي عن قهوتيو انا ما فيش حد بيعرف يسوي قهوة كيف اللي انا بسويها ؟
مودة (بصت لسميرة بثبات مربع وقالت):التعليم في الصغر كالنقش على الحجر يا حاجة سميرة.. وأنا اتعلمت إن القهوة اللي بوش زيادة ساعات بيبقى وراها نية ناقصة.. اطلعي أنتي استريحي وأنا هجيب لسليم قهوته؟؟!
