رواية مأمورية خارج السيطرة الفصل الخامس بقلم ياسمين رمضان
عمر فضل شايلها لحد ما طلعو قدام باب شقتها وهو مستمتع بكسوفها كسر الصمت ليندا قالت..
_ نزلني بقا مينفعش كدا يا عمر بيه ..
عمر بابتسامة نزلها بهدوء و قال...
_ نزلتك اهو يلا افتحي .
ليندا كانت واقفة مش عارفة تتمالك نفسها وقالت في سرها وهي بتطلع المفتاح من الشنطة..(كان لازم يعني لساني يفلت وأصر اعالج جروحو لكن لاااا لساني يسكت ابدا).
طلعت المفتاح و من توتر وقع منها ميلت عشان تجيبو و ميل هو كمان عشان يمسكو لكن أيديهم لمسو بعض وعيونهم قابلو بعض بس قطع لحظات توتر ليندا وقامت بسرعة ودخلت المفتاح في الباب و فتحتو ودخلت علي اوضتها وقفلت الباب...
عمر واقف مذهول من تصرفها و أبتسم وقال..
_ صدق المثل ال قال الهبل له ناسه.
دخل وقفل الباب و قعد علي الكرسي الي في الصالون مستنيها تخرج وفضل يتفرج علي الشقة...
ـــ***********ـــ
في اوضة ليندا كانت واقفة ورا الباب قلبها بيدق بعنف ومش عارفة تسيطر علي نفسها وقفت قدام مرايا وقالت..
_ اهدي يا ليندا مفيش حاجة فوقي كدا انتي الي قولتي يجي عشان تعالجي جروجو وبعدين هيمشي مش اكتر من كدا خدي نفس عميق شهيق زفير شهيق زفير....
بعد لحظات فتحت الباب وخرجت وهي ماسكة علبه الاسعافات شافتو قاعد ماسك في ايدو برواز فيها صور ليندا ومامتها وبابها زمان ، راحت لعندو انتبه ليها وقال بدهاء وهو مركز علي الصورة..
_ استجمعتي نفسك ولا لسة ....
ليندا بغيظ / كنت بدور علي علبة الاسعافات واي استجمعتي نفسك دي هو انا بقدم في شغل عندك..
عمر بصلها وقال بدهاء قا-تل ...
_امممم عشان كدة دخلتي بسرعة علي اوضتك عشان تجيبي علبة الاسعافات...
ليندا باندهاش / انت ازاي كدا اي التفكير دا!!
عمر بغرور / ال قدامك دا يبقا من أفضل الظباط الي في مصر اسالي عني بس في اي مكان وهتعرفي مين هو بظبط المقدم عمر العاصي...
ليند بغرور/ مش عايزة اسال انا ذات نفسي عرفتك في يومين..
عمر بصلها وقال بغموض ...
_ لسه هتقابلي حاجات كتير ...
ليندا بتعالي عليه ردت..
_ وانت لسة متعرفنيش كويس يا سيادة المقدم ..
عمر ابتسم وسكت لان شاف توترها اختفي وظهرت ثقتها و لمضتها من تاني ..
ليندا / هات ايدك يلا عشان اعالجها..
عمر بتعجب/ وانتي واقفة ؟؟..
ليندا بنفي/ لا اكيد تعالي اقعد علي الكنبه هنا عشان اعرف اقعد.
عمر قام وقعد علي الكنبه و وراها الشباك مفتوح و قعدت جنبو وفضلت تطلع الحجات من علبه ومسكت ايدو وبدأت تنضف الجر-ح ،، هو كان مركز علي شعرها ال بيطير مع الهواء وملامحها الهادية ومع تركيزها في التعقيم كان حاسس بشعور غريب بس مش فاهمو ولكن قاطعو صوتها قالت...
_عمر بيه ...
عمر بسرحان / اممم..
ليندا بتريقة / اي ال اممم خلصت ليك خلاص .
عمر فاق من ال كان في واتفاجئ انها لفت الشاش حاولين ايدو و قال بتساؤل وهو بيمسك برواز في صورة ليندا وباباها ومامتها...
_ دا انتي واهلك وانتي صغيرة..
ليندا بتنهيده/ اخر صورة تجمعنا سوي كان وقتها عندي ١٥ سنة..
عمر باندهاش / اخر صورة تجمعكو؟..هما اتوفو وانتي لسة طفلة وعايشة هنا لوحدك من زمن...
ليندا بجمود/ بابا اتوفي الاول بعد الصورة دي بكام يوم لكن ماما اتوفت وانا عندي ٢٠ سنة...
عمر بصلها باندهاش وقال بتساؤل اكبر...
_ ممكن افهم اتوفو ازاي دا لو حابه تقولي...
ليندا بهدوء/ الي اعرفو بابا اختفي وسابنا وبعدها سمعنا خبر انو اتوفي بس ازاي معرفش لكن ماما.. اتوفت بعد ٥ سنين من حزنها عليه بس و ياريت نغير الموضوع لان مش بحب افتكر اي حاجة تزعلني...
عمر بتفهم/ اسف اني فكرتك بيهم بس كنت عايز اقول اخر حاجة لو عايزة مساعدة في اي موضوع يخص بابكي أنا موجود.
ليندا بنفي/ لا شكرا يا سيادة المقدم انا مش عايزة اعرف حاجة عنو ...
عمر بهدوء/ خلاص الي تشوفي مناسب ليكي انا هقوم امشي الوقت اتاخر وابقي خدي بالك من نفسك..
ورفع صباعو ليها بتحذير.
ليندا بغيظ/ انا مش طفلة قدامك عشان تقعد تقولي كدا ...
عمر ببرود/ لما تفكري بعقلك كويس وساعتها تثبتيلي انك مش طفلة مش هقولك كدا...واه قبل ما امشي..
ليندا بسرعة/ ياريت مشوفش وشك تاني خلاص يا عمر بيه حفظتها..
عمر ابتسم علي خفتها وطريقتها التلقائية وخرج من الشقة ركب عربيته واتجه الي الفيلا ونزل بشموخ زي عادته ودخل وقبل ما يطلع الي اوضتو وقف علي صوت يعرفو كويس..
_ اهلا بسيادة المقدم العاق....
عمر بصلو وشافو وهو قاعد بهيبتو كالعادة وماسك سيجار من النوع الفاخر...
عمر ببرود/ سمعت انك تعبت بس ال شايفو غير كدة خالص يا سيادة العقيد ماهر...
قام ماهر بغرور كعادتة وقرب من عمر وقال...
_ مش قادر تقول بابا يا سيادة المقدم اي فاكر نفسك كبرت عليا ولا اي...
عمر بنفي / حاشا لله دي تربيتك يا ماهر بيه مش انت ال ربتني علي كدا عشان ابقا قدامك بشكل دا..
ماهر بخذلان / بقا دا ثمار تعبي عليك طول السنين دي لي انا عملت أي كل دا عشان اخليك راجل مش تبقي قاسي عليا بشكل دا لي دا انا ابوك يا عمر ..
عمر بهدوء/ الفضل يرجع ليك يا ماهر بيه متتطلبش مني اكتر من كدا انا طالع لاني عندي شغل بكرا ...
وطلع بدون اي نقاش...
ماهر بديق/ هرجعك لطوعي من تاني يا عمر بس اصبر عليا...
عمر دخل اوضتو وفتح الباب بديق لكن حس في حد مستخبي ولمحو في انعكاس المرايا...
عمر ارتسمت علي ملامحو الخبث وقال...
_ لما تعمل نفسك ذكي يبقا علي حد غيري يا مغفل...
وبسرعة عمر مسكو من وراه الباب وونعكش شعرو..
فارس بديق/ مش كل مرة كدا يا عمر بقا قولت ليك شعري برا عن هزارنا وكمان مفيش مرة انجح في اني افاجئك..
عمر وهو بيضحك علي اخو وقال...
ما لو اخويا الكبير عاقل مكانش اخو الصغير بيستقل منو كدا ...
فارس وهو بيقعد علي السرير و قال بفخر...
_ ال يشوفنا يقول عكس كدة ياعمر بيه يقول انك انت الأكبر مش انا بسم الله ما شاء الله طول وهيبه وعضلات أما أنا جسمي رشيق وطويل وكل حاجة بس اجي جانبك اي انت مفيش حد هيجي زي سيادة المقدم عمر العاصي..
عمر ضحك عليه من خفه دمه المعتادة وقعد جانبو مسكو من رقبته ب وحضنو بحب اخوي وقال...
_ متقولش كدا يا فارس انت احسن دكتور جراح وبسمع عنك كلام جميل ويفرح وكفاية البنات كلها بتجري وراك يعم...
فارس بتذكير/ اسكت فكرتني دا كنت انهاردة هروح فيها بكشف علي واحدة جوزها بيغير عليها من طوب الارض وكانت آخر حاله عندي ..
عمر سابو وبصلو باهتمام وهو بيحكي ...
_ كنت قاعد بكشف عليها لاقيتو عينو عليا في كل تحركاتي وانت عارف اني بتوتر من اي حاجة..
عمر بصلو وهو بيضحك لان عارف ال وراه حاجة كبيرة..
_ لسة يابني بحط ايدي علي بطنها عشان اشوف شغلي لقيت بقا ال وقف قصادي وقال انت بتعمل اي بتتحرش بمراتي.. دا انت يومك مش هيعدي .. لقيتها هي بتقولو بدلع اهدي يا حمدي سيب الدكتور يشوف شغلو دا شاطر وهيعرف يعالجني ... رد عليها قالها بيحط ايدو علي بطنك يا حمدي ... انا هنا وقفت شوية استوعب مين حمدي دا جالي لغبطة .. وقولت بنيه صافيه ... بقول حمدي مين تقصد مدام ايمان..
لقيتو عينو طلع منها دخان ومسك فيا وهي تحوشو عني وتقولو اهدي يا حمدي دا دكتور لازم يعرف اسمي مش هينفع اقولو حمدي ... انا قولت قوليلو فهمي عيب كدا يا استاذ حمدي انا دكتور وليا هيبتي مينفعش كدا... وفضلت تهدي لحد ما بعد عني و هي قالت بكسوف اسفة يا دكتور اصل هو غيور شويتين معلش ... قولت شويتين دا ناقص يبلعني... وهنا بقا لقيتها ضحكت وادراك بقا من ال حصل بعد كدة .. لقيت حاجات بتتحدف عليا و الممرضين بيحوشو ما بينا لاني انت عارف لما بتعصب مبشوفش قدامي و بالعافية سلكو بينا وطردتهم ميجوش تاني ...
عمر انفجر من الضحك علي الحصل لان دي مش اول مرة مواقف كتيرة حصلت معاه ...
فارس بضحك/ اضحك ما انت مفيش مرة تبقا جدع معايا وتجيلي هناك تبقا في ضهري كدا واتفشخر واقول اخويا مقدم قد الدنيا ...
عمر وهو بيكح من الضحك عليه وقال...
_ هيقولو جايب اخو الصغير بيتحاماه فيه يا عبيط وكمان علي مشكلة عادية بتحصل مع أي دكتور ..
فارس بضحك/ يعم ملكش دعوة انت تعالي بس وانا هسطير ..
عمر وهو بيقوم من مكانو قال بسخرية مضحكة..
طيب يا مسيطر اطلع بقا عشان هنام بكرا عندي شغل مهم...
فارس بجدية / قابلت ابوك يا عمر..
عمر بجمود / قابلتو وطلع ولا كان في حاجة هو زي ما هو...
فارس / مش خلاص بقا يا عمر كفاية كدا في الاول والاخر دا ابوك...
عمر بجمود/ فارس اقفل علي الموضوع وأخرج عشان هاخد دش وانام ...
فارس بخيبة أمل / تمام يا عمر صحيح ماما سالتك عليك قبل ما تنام ..
عمر / تمام يا فارس بكرا الصبح قبل ما امشي هشوفها ...
فارس بابتسامة/ تمام تصبح علي خير.
عمر / فارس..
فارس / نعم يا حبيبي..
عمر بهدوء/ عايزك تعرف كويس انك انت وماما اغلي حد عندي خليك عارف دا ..
فارس بابتسامة / عارف يا حبيب اخوك يلا تصبح علي خير...
عمر ابتسم و سابو ودخل الحمام وفارس خرج ...
*ــ***************ــ*
في اليوم التالي....
نزل عمر من فوق شاف مامتو و وفارس قاعدين سوي في الصالون بيضحكو سوي وقفو ضحك لما شافو عمر جي عليهم ..
عمر بابتسامة/ صباح النور يا ليلي هانم ...
ليلي ابتسمت ليه وقامت حضنتو وقالت...
_ صباح النور علي أوسم ابن في الدنيا...
عمر أبتسم وهو شايف اخو غيران من حضنها ليه..
عمر ضحك عليه وقال...
ليلي هانم كفاية حضن دكتور فارس غيران...
ليلي ضحكت عليه وقالت ....
_ دا المفروض انت ال تغير لان مش بشوفك غير الصبح أو بليل و لما بتيجي تنام.. وهو بشوفو اكتر ما بهتم بنفسي...
عمر ضحك ضحكة خفيفة وهو بيشوف فارس وهو غيران اكتر ...
فارس بمرح / حقك يعم انا أقدر أقول حاجة لسيادة المقدم بنفسو ..
عمر ابتسم ليه وقال...
_ طيب انا همشي بقا اشوفكو بليل.. سلام.
ليلي بزعل / يا عمر ملحقتش اشوفك اقعد افطر معايا طيب انا واخوك وبعدين امشي...
عمر وهو بيبوس ايديها وقال...
_ مقدرش اشوف العيون حلوة دي زعلانة...
ليلي ضحكت وقالت...
_ هتفضل تدلعني كدا لحد امتا دا انا خلاص عجزت...
عمر بحب/ عجزتي يا ماما دا انتي لسة زي القمر ..مش صح يا فارس ولا اي ...
فارس بضحكة عاليه/ قال عجزت قال دا احنا كنا ماشين امبارح لقيت واحد فضل يبصلها ويقول حضرتك مرتبطة الهانم قولت ليها كذا مرا تلبس حاجة عادية وهي ماشية كل شوية الاقي عروض جواز جيالي بسببها...
ليلي وعمر فضلو يضحكو جامد... عليه من خفة دمو..
وبعد لحظات فطرو سوي وكل واحد راح شغلو وهي ليلي راحت شركتها..
---***************---
**في محل الملابس**
ميار بسخرية/ بقا تقولك اديني مهلة يومين وانا هظبط كل حاجة والهانم لسة مجاتش لحد دلوقتي الساعة بقت ١٢ الظهر ومشرفتش..
البنات بصولها بلا مبالاة لأنهم متعودين علي كلامها ...
ليندا جات من وراها وهي شايله كذا حاجة في أيدها وقالت باستفزار...
_ بدل ما قاعدة بتتكلمي عليا كنتي اتصرفتي انتي و تورينا شطارتك يا ميار هانم..
ميار بسخرية/ علي الاقل مش انا ال اتسببت في ال حصل للمحل وكمان اي ال انتي جايبة معاكي دا ...
ليندا بسرعة / أمسكوا يا بنات الحجات دي مني عشان هركبها ..
البنات خدو منها الحاجة عبارة عن رينج لايت و معدات بتاعتها.. قالت داليا بفضول..
_ اي يا ليندا هتعملي اي ب الحاجات دي في حد مشهور جي ولا اي..
ليندا بغرور مزيف/ لي هو انا مشبهش ولا اي...
البنات ضحكوا عليها وهي قالت ...
_ انا ال هطلع لايف و هنسوق بنفسنا للمحل من تاني عشان يجو..
ميار بسخرية/ وانتي بقا فاهمة في لايفات وكمان هتسوقي ازاي يا ذكية...
ليندا بذكاء/ اهي دي بقا الخطة (ب) يا ميار كل واحدة فيكو هتلبس طقم مختلف وانا دوري ال هسوق للمنتج بطريقتي ...
ميار بنفي/ لا انا مليش دعوة انا هقعد هنا واتفرج عليكو بقا شكلها هتبقي مضحكة للكل ...
ليندا لسة هتتعصب عليها بس البنات مسكوها وقالو..
داليا/ تفكيرك حلو يا ليندا هنعمل ال قولتي...
سلمي/ هنبهرك متقلقيش..
روان بمرح/ سيبك منها يا ليندا احنا معاكي يلا...
ميار بضحك/ اهو انتي بذات ال هتحبي الموضوع دا عشان انتي اصلا استحالة تشتري فستان جديد...
ليندا بمرح عشان تهدي روان الي عيونها احمرو من العصبية وقالت ...
_ما بلاش نفتح في حاجات القديمة ليكي انتي مش قدها يا ميار عدي يومك كدا هاااا يلا يا روان روحي البسي اي فستان هيبقي تحفة عليكي يلا...
وسلمي خدتها بسرعة قبل ما يحصل حاجة..
داليا بحده/ ميار مدام مش هتعملي حاجة فا اسكتي بقا مش ناقصين احنا عايزين نخلص..
ميار سبتهم وقعدت علي الكرسي لحد ما تشوف العرض ال هيحصل قدامها....
ليندا بتركيز/ بصي يا داليا انا هظبط اهو لحد ما تجهزو كل واحدة فيكو تلبس فستان شكل عشان يشوفو تمام و انا هفتح الايف اول ما اقول اسم كل واحدة تطلع واحدة واحدة ماشي وتدخلوو علي طول تغيروا وتلبسو ال بعدو تمام..
داليا بتفهم/ فهمتك خلاص هروح البس اهو وانتي ابدئي بقا بطريقتك الحلوة..
ليندا بثقة / متقلقيش يلا روحي...
وبصت لميار بطرف عينها وبدأت تركز في ال بتعملوا...
--************--
3. 2. 1.
هاي انا ليندا معاكو من محل هويدا ستايل في حي المعادي... انا اول مرة اطلع لايف بس مش عارفة ابدا ازاي بس انا مش هكدب عليكو بصراحة المحل مفيش حد بيجي في خالص بسبب مشكلة احنا ملناش ذنب فيها والكل خايف يجي بسبب محاولة السرقة ال حصلت بس بجد يا جماعة خلاص المحل بقا امان و الشرطة تشكر بجد أنهم زودو أمن في الحي هنا ....
عمر كان قاعد في مكتبو بيشوف اخبار اليوم اي علي تيلفونو وشاف لايف علي الفيسبوك واتفاجئ انها ليندا ...دخل علي لايف وشاف هي بتعمل اي وقال في سره ...
_ بتعملي اي تاني يا ليندا...
وساب ال في ايدو وفضل مركز هتعمل اي ...
***************
في الايف كملت ليندا
_ ف أنا مش بستعطف عليكو لكن أنا هوريكو نبذة عن شكل الفساتين ال عندنا وانتو احكموا هنبدا ب اول فستان تعالي يا داليا ....
داليا دخلت بفستان ابيض ناعم ..
ليندا / دا فستان خامته تركي ينفع للخروجات مريح جداا... لفي يا داليا عشان يشوفو..
ولفت وراحت مشيت...
ميار بضحكة/ هههههههه.
ليندا اتمالكت أعصابها وكملت قالت بابتسامة...
_ تعالي يا سلمي ..
دخلت سلمي بفستان اسود سهرة ساق بيلمع ..
ليندا / دا فستان اسود ينفع ل اي مناسبة وبراند كمان ومريح بشكل ... شكرا يا سلمي ...
ميار بسخرية / بلاش تشوفو بقا روان يا جماعة هههههه..
ليندا بضحكة مزيفة / دي صحبتنا ميار بتحب تهزر يا جماعة ونيجي علي اخر فستان روعة هتنبهرو بيه فستان بقطعتين تعالي يا روان ...
روان دخلت بتوتر والفستان كان واسع عليها شوية بس كان جميل لونو بينك فاتح...
ليندا بتوتر خفي/ تعالي يا روان دا بقا فستان مناسب للكل ينفع للشغل وخروج ومناسبات ولكل حاجة ...
كدا خلصت معاكو واتمني يكون عاجبكوو وكمان اه عاملين خصم ٥٠٪ علي كل فستان .. العنوان...... وقبل ما تقفل الايف روان اتكعبلت وهي بتمشي وقعت الفساتين المتعلقة ...
ميار بضحك/ اقفلي بسرعة كل حاجة هتبوظ ..
ليندا بتوتر وضحكة مزيفة قالت...
_دا يا جماعة لزوم الشو مش اكتر ههههه ... وقفلت الايف وقبل ما تقفل شافت كومنتات ساخرة...
--********--
في مكتب عمر بعد ما ليندا قفلت الايف ...
عمر بابتسامة/ هيجو يا ليندا انا واثق..
وكمل شغلو..
--*********--
ليندا بديق/ اععع ...
سلمي و داليا وميار قومو روان وظبطو بسرعة الفساتين...
ميار قالت بسخرية/ قولت ليكي يا ليندا مش هينفع وانتي ال اتفشخرتي...
ليندا بصتلها بديق وقعدت علي الكرسي بتفكر يترا هيجو ولا لا زبائن...
روان / معلش يا ليندا انا ال لبست الفستان بسرعة محلقتش اغيرو لقيتك نديتي..
ليندا بتفهم/ ولا يهمك يا روان المهم بس الخطة تنجح وناس تيجي ...
داليا بأمل / هيجو أن شاء الله خفة دمك وكلامك هيخليهم يجو ...
وقعدو جنبها ومستنين...
ساعة عدت بقو ساعتين بقو ٣ .....
ميار بسخرية / مفيش فايدة خطتك فاشلة يا ليندا ....
ليندا مقدرتش تمسك اعصابها وهجمت عليها ومسكتها من شعرها وقالت ...
_ انا سكتالك من الصبح لكن لا بتزيطي فيها وانا مش هسكتلك تاني ها ... والبنات فضلوا يحوشو بينهم...
لكن المفاجأة شافو مجموعة بنات من برا بتدخل عليهم ولبسهم شيك ...واتفاجئوو من ال شافوه
ليندا والبنات واقفين كلهم بابتسامة عريضة وترحيب...
ليندا بابتسامة مرح/ اهلا بيكم في المحل هويدا ستايل اتفضلو ..
بنت منهم ضحكت وقالت ...
_ بصراحة أنا أول ما شوفت الايف بتاعك حبيتك تلقائيا كدا وطريقة عرضك للفساتين رائع احنا كنا محتارين نجيب فساتين منين لان فرح صحبتنا خلاص فضلوا اسبوع ف اول ما شوفنا الايف قولنا لازم نيجي هنا ...
ليندا بمرح/ جيتي للمكان الصح عندي ليكي انتي وصحابك فساتين انما اي بيرفكت..تعالي ...
و شاروت للبنات يشوفو بقيت صحاب البنت ..
وبعد مرور وقت البنات كلهم اشتروا وانبسطو منهم لكن ليندا بالاخص لأنها كان عندها اسلوب خاص ...
البنت بابتسامة/ بصراحة شكرا يا ليندا انتي وصحابك بجد هخلي الكل يجييلك هنا بجد تستاهلو كل حاجة حلوة ممكن اخد رقمك ..
ليندا بسرعة/ اه طبعا خدي اه******.
البنت/ تمام يا ليندا اشوفكو مرة تانية سلام...
البنات ردو السلام و اتكلمت داليا وهو عينها علي ميار وقالت بثقة وفخر....
_ خطتتك فاشلة يا ليندا هااا ..
ميار سكتت بحرج و مهتمتش .
وكلهم حضنو ليندا بحب ...، وزبائن بدأت تيجي من تاني هويدا فرحت بيهم وبالأخص ليندا.. وعدا اسبوع مفيش كلام بين ليندا وعمر كل واحد انشغل في شغلو ...
في المحل الملابس الساعة ٣ العصر
كانو قاعدين سوي وهويدا معاهم بيشربو عصير..
هويدا / مبسوطة بيكو يابنات المحل رجع احسن من الاول بجد .
داليا / ليندا تستاهل المكافئة بقا ...
ابتسمت ليندا لكن قطع كلامهم تليفون ليندا ...
قالت ليندا باستغراب..
_ مين الرقم الغريب دا ....
سلمي بتذكير / ردي يمكن البنت ال قالت هاتي رقمك من اسبوع ....
ليندا بصتلها بتذكير لكن ردت علي طول وقالت ..
الو...
البنت / ازيك انا سارة يا ليندا ال اخدت رقمك يوم عملتي الايف من اسبوع ...
ليندا بابتسامة / ايوا افتكرتك ازيك يا سارة ..
سارة / بصراحة عايزة منك طلب انتي وصحابك البنات ..
ليندا فتحت الاسيبكر وقالت ...
_ قولي اي هو الطلب...
_بصراحة صحبتنا العروسة مش عارفين نفرحها ملهاش غيرنا وانتي شوفتي احنا ٤ بس وملهاش حد وعيله العريس ما شاء الله اكتر ف كان نفسها كذا حد يجي من طرفها ...
هويدا ابتسمت وقالت.....
_ المكان فين يا سارة ....
البنات استغربوا !!!!..
_سارة في فندق*****..
هويدا بحب/ تمام يا سارة هما هيجوو وخلي العروسة تفرح...
سارة/ بفرحة شكرا جدا بجد هستناكو سلام....
روان بتساؤل/ طيب كدا حضرتك هتخصملنا اليوم لو روحنا...
كلهم انفجرو من الضحك عليها...
هويدا بضحكة/ دمك شربات يا جلدة..
روان بديق/ ما بلاش بقا كلام دا يا مدام هويدا...
ليندا بضحك/ خلاص يا مدام هويدا عشان متروحش زعلانة هههه ...
داليا بتفكير/ طيب احنا كدا مش جاهزين ل اي حاجة ...
هويدا بلطف / خدو من هنا الفستان ال يعجبكو ..
ليندا بنفي/ لا يا مدام هويدا مش هينفع..
هويدا / تعبتو معايا هنا لازم تنالو كفاءة تعبكو يلا مش عايزة جدال كل واحدة تنقي يلا ....
كلهم قامو حضنوها بحب واختارو الفساتين و قفلو المحل و داليا طلبت اوبر و وصلو قدام الفندق ..
شافوو سارة قدامهم ...
سارة حضنت ليندا بامتنان وقالت ....
_ شكرا بجد....
ليندا ابتسمت وقالت بمرح ....
_يلا ورينا العروسة فين ...
سارة خدتهم وطلعو علي فوق وكانو منبهرين بجمال الفندق المتزين بطريقة تحفة .... ودخلوا جناح ال في العروسة ...
سارة بمرح/ غادة شوفي مين معايااااا...
العروسة غادة لفت ليها وشافت ليندا وصحابها وفرحت بشدة وحضنت سارة قالت...
_ مش عارفة اقولك اي يا سارة بجد بحبك اوي...
سارة بحب/ وانا كمان يلا بلاش زعل بقا عشان سيادة الرائد ميحزنش ولا اي .....
ليندا بمرح / لا احنا عايزين ضحكة وزغاريط ودنيا يلا كدا وبعد لحظات قالت داليا ....
_ يابنات يلا نلبس الفساتين...
غادة/ اه يلا مفضلش غير ساعتين والكل يبدأ يجي..
البنات دخلو لبسو وبعد وقت خرجو..
وعيون صحاب غادة العروسة وهي كانو علي ليندا ..
فساتها خطف أنظارهم كان بينك بيلمع وساق ومحتشم وشعرها البني المفروض و التوكة الرقيقة علي شعرها وملامحها الهادية عكس شخصيتها تماما ...
ليندا بتوتر/ شكلي في حاجة ولا اي ادخل اظبط...
الكل بإعجاب/ لااااااا طالعة أميرة ...
ليندا اتكسفت من نظراتهم ولكن قطع لحظات لما أعجبوا بأصحابها ...
وعدا ساعة وخلاص كلو جهز ..
غادة وقفت قدامهم بتوتر قالت...
_ شكلي حلو..
البنات / زي القمر كانك ملكة ...
وقطع لحظتهم ماما غادة ...وقالت ...
_ بسم الله ما شاء الله اي القمر دا يا غادة اللهم بارك...
وباستها .. يلا المعازيم وصلو تحت و احمد مستني علي نار ...
غادة هزت راسها بخجل ... مسكت ايد مامتها ولسة بيمشو وقفو علي صوت ليندا ...
_ استنو معايا شال احمر كبير شفاف هنمسكوو كلنا من فوق ونمشي حواليها ...
سارة / فكرة جامدة يلا...
كل وحدة وقفت جانبها وخرجو بيها ونزلوا علي السلم تحت أنظار الجميع بدهشة وفرحة ...
في القاعة الزفاف
دخل عمر بكل هيبه مرتدي بدلة سوداء وقميص اسود وفاتح اول زرارين من القميص كان جان والعيون كلها كانت عليه وكان متجه الي احمد العريس وأصحابه وسلم عليه بترحيب وحضنو .. قال بابتسامة..
_مبروك يا عريس ربنا يتتملك علي خير ...
احمد بامتنان/ الله يبارك فيك يا اخويا شكرا انك جيت مع اني عارف انشغالك في شغلك منعك عننا ...
عمر ابتسم وقال...
_ مقدرش ماجيش دا فرح اخويا ولا مين ال هيرفعك زي ولا اي يارجالة...
كلهم ضحكوا سوي و واحد منهم اتكلم وقال...
_ يعم انت هتفضل كدا امتا بقا طاحن نفسك في الشغل عايزين نفرح بيك بقا دا انت خلاص بقا عندك ٣٠ سنه....
عمر ببرود/ مش في دماغي الموضوع دا دلوقتي شغلي اهم ومتنساش تحكي معايا برسمية لان انت عارف.... كمل بتهديد مزيف....
_ممكن ابيتك عندي انهاردة لو حابب ...
الكل ضحك مرة وحدة علي صاحبهم ال قلق من كلامه وقطع ضحكهم باب القاعة وهي بتتفتح ودخل منها ابو العريس ومامتو وشافو بسرعة وقال الاب ...
_ يلا احمد عروستك نازلة تعالي...
احمد سابهم وراح وقف أمام باب القاعة مع اهلو ومستنين غادة تنزل ... وبعد لحظات بيتفتح باب القاعة بهدوء وبتدخل غادة وهي ماسكة ايد مامتها والبنات كانو محاوطينها ب الشال من فوق كان منظر مبهج والكل سقف جامد وتصفير حار ولكن عمر عيونو كانت عليها ابتسم بتلقائية اول ما شافها كانت كالحورية قدامو معرفش يبعد عيونو عنها لحد ما قطع لحظات احمد وهو بياخد غادة من ايديها وبيرقصو سلو والبنات واقفو محاوطينهم ووبيسقفوو برفق عليهم وبتخلص الفقرة ...
والكل اتجمع ورقصوو سوي ليندا كانت مندمجة ب الأجواء لكن عيون عمر كانت عليها وفجاه اتفاجئت ب الواقف جنبها...
ليندا بصدمة/ عمر بيه بتعمل اي هنا ...
عمر بابتسامة/ المفروض أسألك انا سوال دا بتعملي اي هنا ....
ليندا / انا اتعزمت انا و صحابي قول انت بقا...
عمر بهدوء / العريس صاحبي...
ليندا بصتلو بنظرة غير مفهومة لعمر وقال...
_ اي النظرة دي مكنتيش عايزة تشوفيني ولا اي ...
ليندا بضحك/ اصل مش عارفة دا بيكون صدف ولا اي ...
عمر ببرود/ متضحكيش بس كدا دا هي كام ساعة وكل واحد يروح لحالة...
ليندا بغيظ/ يا اخي انت بتفصل مودي دايما كدا ....
راحت وقفت علي جنب تاني وسابتو و وهو واقف مستمتع بحركاتها...
وبعد وقت مره وحدة الكل بعد عن الاستدج وصوت الميكروفون رن و واحد اتكلم في و قال....
عايزين نسمع تصفيق حاررر للمقدم عمر و وليندا ب احلي رقصة ....
ليندا انصدمت واتكسفت جامد و عمر اتفاجئ وبص لصحابو وفهم أنهم هما ال عملوا كدا كلهم ضحكوا بصوت مكتوم و راحو لعندو وقفو عند الاستيدج و جريو عارفين هيحصل اي فيهم منو.. عمر سابهم بمزاجو،،
البنات بفرحة اخدو ليندا و وقفووها قصاد عمر .. وكانت بتبصلو بتوتر ولكن عمر بيبصلها بجمود...
كانت لسة هتمشي مسكها من دراعها وقربها ليه وقال بابتسامة... .
_ رايحة فين ...
ليندا بابتسامة/ اصل باين عليك مش عايز ف بختصر الموضوع قبل ما يبتدئ ..
عمر شاور لصحابو بإشارة وفهمو وبدأت القاعة تسقف بصوت عالي وحماس...
عمر بخبث وهو بيقرب من ودانها قال...
_ خليكي مركزة معايا اناا وبس..
ليندا ابتسمت ليه ومرة واحدة بداو الرقصة حاوطها من خصرها وهي ضعت ايديها علي كتفو عمر كان بيلفها كذا مرة وبيرجع يحاوطها من تاني كانهم في عالم لوحدهم... عيونهم كانت مبتسمة بطريقة مختلفة عن كل مره قابلو بعض فيها..
الجميع كان بيسقفو تسقيف حار وتصفير في الفرحان بيهم وفي ال كان بيحقد لكن عيونهم كانت بتحكي بدل لسانهم ..
--**********--
كان قاعد وسط الحاضرين وبينظر لهم من بعيد وبيتواعد ليهم قريبا...
--********--
الرقصة خلصت وعمر ساب ليندا وجريت بسرعة علي داليا وقالت هخرج برا محدش يلحقني جايه تاني... وطلعت برا القاعة بخجل شديد... من نظرات عمر ليها...
عمر ابتسم وراح لصحابو ال بيتواعد ليهم بعد ما يخلص اليوم...
في الخارج ...
كانت واقفة بتاخد نفسها لكن بيجي صوت من وراها وقالت بخبث و ابتسامة...
_واضح الحب مولع في درة يا ليندا دا بقا ال وقفنا الشغل عشانو...
ليندا ابتسمت ليها وقالت بابتسامة فيها غموض....
_ لسة اللعبه بتبدي يا ميار...
عايزة رايكو بقا علشان تعبت في والله.
شكرا لزيارتكم عالم روايات سكيرهوم
