رواية لماذا انا الفصل الخامس بقلم عبير السراي
طلعت بوجهي للغرفة صاحت عليه منى مجاوبت عليها.. دخلت للغرفة واحس دمي يفور شنو هالصلافة .وقلة
الادب .. حتى لو كنتي تحبينه مااتصرف بهالاسلوب
... افتر بالغرفة .. ومااعرف شسوي فوق ضيمي تطلعلي هااي .. يربي شسوي لحظي اذا هو يحبها ليش هيج سوة وياي.. ليش دمرني ودمر نفسه .. ليش مراح الهة شجابة عليه.. .
سمعت اذان الظهر .. كمت اتوضيت .لازم ارجع للصلاة
لان تركتهة من صار الحادث لليوم ..كملت صلاتي
.. عدلت نفسي...
.اندك الباب ... فتحته..
منى :: شنو يابا اصيحلج متجاوبين صاير شي ..
عفت الباب مفتوح ودخلت ...
اية:: لا حبي ماكو شي ..
منى:: دشوفي حتى وضعيتج تخربطت ..
اية::لا حبيبتي سلامتج بس عندي دوخة ماذيتني..
منى :: ايي لان متاكلين .. دنزلي صبينه الغدة ...
اية:: لا حبي مااشتهي .. الف عافية ... حصرتني العبرة .. اختنكت.. الدمعة وصلت طرف عيني..
منى:: حبي صاير شي احد مسمعج كلمه.. جنتي كاعدة يم ريم. كلتلج شي ضوجج ...
باوعت عليهة ... حسيته تعرف شي بس متكدر تكول..
اية؛: ليش اكو شي حتى تكوله...
منى .:: خليج صريحه وياي حتى اني هم اكون صريحة وياج .. هاا... كولي .
اية :: اوك اذا تردين الصراحة ... بنت عمج هيج تكولي
.. (كذا وكذا ّ....) وكلتلهة على الحجته وياي...
منى:: شوفي اكولج شي اولا هي تحب علي من زمان
.. بس هو معتبرها مثل اخته... وممعبرهة.. لكن هي
سوت المستحيل حتى يتزوجها حتى أمها حجت
ويه علي وكلتله انته ابن عمها واولى بيها وهم رفضها
كللها اني اعتبرهة مثل منى ولمياء ولا يمكن افكر
بيها بغير شي.. .بس هم مستسلمن...
وعلي اساسا ميحب البنات وجان رافض فكرة الزواج
اطلاقا.. وشكد امي حاولت وياه يرفض بس انتي
سحرتي بجمالج .. وغمزتلي ..
لا تضوجين حبي خلي تولي لا تعبريها .. ..
اية::تمام..
منى :: يله كومي اتغدي.... لو اصيح لعلي هو يكومج ..
اية :: لا يمعودة .. فدوة لا تحجين اله اي شي تمام
منى:: تمام ... لا تشيلين هم.. يلة كومي منتظرينه...
نزلنه لكيتهم صابين الغدة .. الزلم وحدهم بالاستقبال.. والنسوان بالصالة...
ام عمار:: تعالن يمه.. تغدن ..
منى :: اي يمه جايين كعدنه بس اني مااشتهي اكل اي شي.. والدوخة ماذيتني بس مااكدر احجي .. استحي..
اباوع على ريم حتى منزلت تتغدة .. معبرتها
... ضليت اسولف ويه منى .خلصنه الغدةوطلعو.ا الخطار وكلمن صعد الغرفته
اني صعدت لغرفتي اتمدد.. لان تعبانه ومنايمه اليل كله...
شوية .. واندك الباب ودخل علي اني كعدت.. وانطيته
ضهري فتح الكنتور .. اخذ ملابس ودخل للحمام ... شوية وطلع لابس شورت وفانيلة مشط شعرة جر الفراش الجان نايم بي ... وتمدد ...اني اراقبه بس بطرف عيني ماابينله لان احاول ابين اني قوية كدامه حتى ميستضعفني...بس
بداخلي ارجف رجف...
باوعت عليه لكيته منطيني ضهرة... كلت همزين
حتى اخذ راحتي...
تمددت وحاولت استرخي بس مااكدر متوترة ... محسيت بنفسي غفيت... فزيت على صوته.يفتح الكنتور بس هي فزة هي كومه على حيلي.. باوع علية متفاجأ.. رجع ماعرف شيدور بالكنتور..
واحس قلبي راح يطلع من مكانه...
باوعت عل ساعة ب6:35 العصر معقولة محسيت بنفسي. كعدت
على الجرباية انتظرته يطلع... كمل لبس وشعرة وتعطر وطلع..
اني هم دخلت للحمام غسلت وبدلت ملابسي وعطرت نفسي ومكياج خفيف ... وطلعت وصلت يم الدرج وسمعت صوت ناس جوة وهوسة... استحيت انزل ... ضليت مترددة نزلت .. لكيت البنات كاعدات بالمطبخ سلمت وكعدت.. يمهن شويه بس بعدني مااعرفهن ...
سوينه العشة واجتمع الكل على السفرة .. ضليت مترددة ادخل يمهم.. صاحلي البنات دخلت ..
جان علي كاعد ومدنك عل سفرة و كاعد بصفه اخو احمد كالو لاحمد كوم خلي مرته تكعد بصفه كام احمد وكعد بغير مكان... كتلهم..
؛:: لا اريد اكعد يم البنات اريد اتعود عليهن...
رفع راسا وضل يباوع عليه... مهتميت ..
كعدت يم البنات اكلت كم لكمه وكمت.. عمتي كالت
وين اشو مااكلتي ...
مااشتهي..والله ...
ام عمار:: يمه نجيبلج غير شي ..
اية:: لا يمه هذا خير من الله .. بس اني مااشتهي
صدكيني ...
ام عمار :: على راحتج بس شوكت متجوعين هذا المطبخ... كدامج...
ابتسمت... وكعدت على صفحه... ضليت اراقب بي.. من جوة ليجوة مو حبا بي لكن حبيت احرجه كدام اهله ...و حبيت اغثة مثل مغثاني .خلص العشة وشربوا شاي وكعدوا يسولفون وعلي طلع...
واني شايله هم لليل... . ..صارت بالعشرة كولمن راح لغرفته...صعدت اني فتحت التلفزيون ضليت اتفرج ومتمددة.. لحد مااجه ... هم دك الباب دكه ودخل .. فزيت وعدلت حجابي ...
بدة ينزع ملابسة اني دورت وجهي.. للجهة الثانية .
. غير ملابسة. وجر الفراش .. وتمدد اني هم كمت طفيت التلفزيون.. وانتجيت على الجرباية ... خليت راسي على المخدة ورجليه لامتهن..
غمضت عيوني وبديت اغفة شويه وحسيت بنفس. قريبه عليه ....
صاح بأسمي بعصبية
علي:: ااية...
فتحت عيوني لكيته بوجهي وحيل قريب مني...
حسيت قلبي راح يوقف وكوة اخذ نفس..
علي:: اسمعيني عدل ... تردين تنامين فنامي وانتي
متطمنه.. لان اذا اريد اسوي شي الج ... فمراح انتظرج تنامين حتى اسوي .. صح؟؟
هزيت براسي بمعنى صح...
علي:: (بعصبية) انتي مكاعدة ويه غول ...افتهمتي... موكلما تحركت. وكمزتي جن شايفة بعبع...لا يمج ولا واصلج ولا راح اوصلج مااشي...
سكتت...
:: وياج احجي ...
اية ::مااشي ...وخر مني .. بس جسمي ضل يرجف اريد ابجي اريد اصرخ بس الخوف محوطني ومسيطر عليه.. معرفت شسوي ... غمضت عيني بس غصة بقلبي ... يااربي شيخلصهة ماادري
ثاني يوم كعدت ب9:30 ملكيته.. معقولة حسيت بامان ونمت بحيث محسيت بي من طلع... مااعرف ... لو من رعبة البارحة نمت بدون مااحس..
رتبت نفسي .ونزلت. صبحت علبنات.... ولكيته علي كاعد يم عمتي وعمي.. وديسولفون.. من شافوني سكتوا..
دخلت صبحت عليهم .. ردوا عادي.. كامت عمتي .كلتلي تعالي وراي.. وصاحت على علي ..تعال وراي .. ضليت متعجبه
دخلنه للغرفة الجوى.. جانت منى كاعدة بيها .. طلعتها
عمتي وكالت اكعدي... ودخل علي.. كالتله تعال اكعد يمه...
ام عمار:: اسمعوني اثنينكم..صح انتو مجبورين على
هالوضع وان شاء الله مسالة وقت وتتعودون على بعضكم بس باعو احنه لمينه الموضوع وخلص الحمد لله .. بقت يمكم..
اية :: يعني شلون بقت يمنه؟؟
ام عمار:: يعني ميحتاج كلهة تشوف اسلوبكم هذا.. من تطلعون من غرفتكم تصرفون طبيعي..مثل اي ثنين متزوجين ..وعرسان
باعي اية .. من تجين تكعدين يمنه.. لو نلتم على سفرة تكعدين بصف علي.. مااشي
اية ::. مااشي
ام عمار:: باع علي تتصرف طبيعي .. ميحتاج مغنتب اربع وعشرين ساعه تتصرف طبيعي..
تماام؟؟
علي:: تمام..
ومو.من تكعدون واحد منطي ضهرة للثاني
⚘⚘⚘
. مرت ايام واحنه على نفس المنوال اثنين اغراب يجمعهم عقد زواج ومجرد حيطان داير مدايرنه.... اني بعالم وهو بعالم ثاني ..
من نطلع من الغرفة احاول اكون طبيعية..بس مو بأيدي..ممتقبلته.. ابدد واسلوبه الحقير وياي اكرررهة.
اجه يوم السبعه لبست بدله عدلة ممنفوشة لون تركوازي ومرت حماي سوتلي المكياج والتسريحه بسيطه واني شعري سرح وطويل
واجوي اهلي.. جنت مشتاقتلهم موووت بنات عمي .. وعمتي ومرت عمي.. حسيت اريد اكلهم اكل بالسوالف... بس ضل عمو. مشتاقتله بس هو يخابرني ممنقطع عني ..بس اريد اشوفه....لزمتني عمتي.. ::هاا بشري..
::شبشر. ؟؟؟
:: كون ضربج ...او تقرب عليج..
:: لا ابددد ..كلمن بحاله... لاواصلتله ولا واصلي
..:: الحمد لله ...يعني مرتاحة محد ماذيج ..
:: الحمد لله البنات زينات. وياي وعمتي ورردة
::يعني اطمئن...
:: لا .. لا تتطمنين.. لان اني كل يوم انام بغرفة بيهة اكثر انسان اكرهة ومااطيقة ... ومتحملة على اعصابي...
::الله يقدم البي الخير.. ..
.
خلصت الحفلة ... ودعني ..عمتي ومرت عمي وبنات عمي... واكيد الدموع موجودة .. ضليت ابجي .. لحد مراحن.
..صعدت لغرفتي حتى اغير ملابسي ..فتحت الباب. لكيت علي متمدد عل جرباية ولازم الفون مالته . اتلبكت
.معرفت ادخل لو ارجع .. باوع عليه ودار وجهة
.. اني دخلت كلت كانما مموجود بحياتي كلهة
.. دخلت للحمام بوجهي .. حاولت افتح سحاب البدلة مكدرت ... طلعت صحت على منى.. اجتي كتلهة محتاجة مساعدة صغيرة .. دخلت وياي للحمام ..
اية:: الحكيني افتحيلي السحابة خنكتني البدلة...
منى:: امممم لعد وعلي شنو شغله وغمزتلي..
اية:: هاا .. بعدني ممتعودة عليه.. واستحي ..فتحت
السحابة واخذت البدلة طلعت.. ..
سبحت وكملت انتبهت مجايبه وياي ملابس ...
عزة شسوي هسة... ضليت افر براسي شسووي ماكو بس خاولي بالحمام... مااكدر اطلع ومااكدر اصيح على احد شسوي ..
خلي اشوفه بلكي طالع ...
فتحت الباب على كيف .. مديت راسي شوي شوي شفت رجليه .. سديت الباب ... شسوي يربي .. مااريد احجي وياه ... ضليت منتظرة بلكي يروح ضليت تقريبا ربع ساعه .. اختنكت ...الحمام مسدود وبوخة صارت..
شوي وندك الباب.. منوو ؟؟
مها:: هاا اية محتاجه مساعدة فتحت الباب كتله انقذيني....باوعت ملكيته ... كتلهة وين راح كالت طلع
... كتلهة الله جابج.. لفيت نفسي بالخاولي وطلعت.. مكدرت امشي وكفت بالباب لزمتني مها
معا:: هاا سلامتج..
اية:: تعبت اختنكت واحس دايخة... اخذت نفس.
. وكعدت عل جرباية .. طلعت ملابس.. وداالبس ..... كامت تضحك
مها:: بله اكو وحدة تدخل للحمام بدون متاخذ ملابس
اية::انتي شلون عرفتي؟؟
مها::علي اجاني وكلي.. اية بالحمام بس طولت حيل حتى ماكو صوت مي. وضل بالي. متشوفينه خاف محتاجة شي ..
.. واجيتج...
اية:: اهاا.......
⚘⚘⚘
مر اسبوع .. وصرنه اني ومنى صديقات كوولش هونت عليه هوااي شغلات .. كمت اضحك بعد مانسيت شنومعنى ضحكة...
لكن اني وعلي بيناتنا بس التجاهل...
مر على زواجنه اسبوعين .. حسيت نفسيتي تغيرت..تحسنت عن قبل ...الى ان يوم دنسوي اني ومنى العشة كنت واكفه حسيت الدنيا افترت بيه ... وجسمي كله خدر... وبعد محسيت بشي...
فتحت عيوني لكيت علي ديدخلني للسيارة واني الدنيا تفتر بيه ... مشت السيارة ... وصلنه للمستشفى.. نزلني واني ارجف ودايخة... جاب كرسي متحرك مال مستشفيات.. صعدني بي وهو وعمتي ام عمار لازمة ايدي دخلوني للطوارئ .. فحصتني الدكتورة .. كالت متزوجه .. عمتي جاوبت ..ايي متزوجه...
الدكتورة..:: حامل...؟؟
عمتي :: هاا..
الدكتورة.:: يعني ممسويلهة تحليل؟؟
عمتي:: لا دكتورة.. ممسوين .
الدكتورة:: اهاا.. ودوهة للمختبر.. تسوي هاي التحاليل..وتجيبيهة خلي نعلكلهة هذا المغذي ..
. اخذوني بالكرسي للمختبر ...سحبولي دم وطلعنه للردهة علكولي مغذي وضربتني ابرة.. ومتمددة وعمتي لازمة ايدي معافتهة....
ورى تقريبا ساعه اجتي الدكتورة .. جايبه التحاليل...
الدكتورة..:: عندي خبرين.. واحد حلو والثاني لا...
عمتي:: ياستار... ابدي بالموحلو حتى نختمهة بالخبر الحلوو
الدكتورة:: اولا عندج فقر دم حاد مخلي عندج الدوخة ..والرجفة والنحول لازم تاكلين اكل صحي .. وتكثرين عصاير.. والا تسوء حالتج اكثر... وراح انطيج علاج اله....
وثانيا الخبر الحلو... مبروووك انتي حامل...
