رواية لماذا انا الفصل السادس بقلم عبير السراي
مبرووووك حامل....
انصدمت..هااا . شلون دكتورة...
الدكتورة:: شنو شلون ..ليش انتي مو متزوجه.. ؟
ام عمار:: ايي دكتور متزوجه .. وهذا رجلهة ..
علي متفاجأ بس عمتي حاولت تكون طبيعية... ...
شنو حامل ... معقولة.. شلون ... عقلي وكف..
مكدرت احجي لان علي واكف..
كمت على حيلي عمتي وكفتني... والكانونة بأيدي. ..حاولت تكعدني عمتي ...شلعت الكانونة وكامت ايدي تجري دم.. حسيت الدنيا وكفت ... رحت بعالم ثاني. اردد بيني وبين نفسي.... شنو حامل .... شنو حامل...
انتبهت على ايدي تجري دم وعمتي تضغط عليهة... اجتي الممرضة.. لفت ايدي بقطن وشاش ...ومددني.. همست للدكتورةة.
اية:: فدووة دكتورة... زوجي ممتقربلي...
الدكتورةبتعجب:: معقولة...
ام عمار :: يمه علي عوفنه وحدنه ... طلع علي..
دكتورةقصدهة بس مرة وحدة متقربلها
الدكتورة:: اذا بس مرة وحدة عادي يصير حمل ...كافية انو تتلقح البيضة... بس لازم تراجعين طبيبة اختصاص نسائية حتى تنطيج العلاج المضبوط ...
ام عمار:: مشكورة خاله... ان شاء الله ناخذهة..
يله كومي يمه... خلي نرجع للبيت ...
طلعنه وصعدنه السيارة والكل ساكت ... لحد ماوصلنه.. قريب من البيت عمتي التفتت عليه
.:: يمه مو تكولين حامل ..نكول هابط ضغطج وفقر دم
.. لحد مانشوف شلون ندبرهة..
هزيت براسي بمعنى ايي...
نزلنه وتلكنه البنات... اني بالي مويمهم..طلعت بوجهي
للغرفة شسوي لحظي يعني راح يصير عندي طفل
يربطني بي طول العمر.....
يربي ليش هيج ديصير بيهة اسد صفحة تطلعلي صفحة ثانية.....
قفلت بابا الغرفة .. لان مردت احد يدخل عليه .ولا حبيت اشوف علي شكد ماجنت ااكرهة ..صرت اكرهة اكثر ..
مجرد فكرة انو ابطني طفل منه ... اشمئز من نفسي. شبعت بجي.... لحد مغفيت
شوية واندك الباب... سويت نفسي مااسمعه.. سكت الصوت... هم شوية وزاد دك الباب وصياح ... اااية .. اااية..... افتحي الباب..
كمت فتحته ومتفاجأة.. عمتي والبنات...
هاا وين جنتي..
::هاا.. جنت نايمه...؟؟
ام عمار:: لعد ليش قافلة الباب..
سكتت مجاوبت ...
مها ..:: خابرنه على علي يجي يكسر الباب عبالنه تخربطتي صار عليج شي..
اية:: لا سلامتج ماكوو شي بس جنت اغير ملابسي.. ونسيت افتح الباب وغفيت...
ام عمار:: شلون صرتي يمه؟
اية:: دنكت.. وحصرتني العبرة... الحمد لله
ام عمار:: يله بنات روحن عندي حجي ويه اية
اية:: تفضلي يمه...
ام عمار:: حزينة وحالتج حالة ليش يمه ...
اية:: يعني ليش ... من القهر اليجي فوك راسي... ممنطيني فكة اخذ نفس.منين طلعتلي سالفة الحمل وشلون صار اساسا... والله عقلي راح يوكف... واخاف احجي تزعلين.. وانتي كلتيلي اني مثل بنتج
ام عمار::لا ماازعل بنيتي... كولي..
اية:: مااريد شي يربطني بابنج لا حمل ولا زواج .. ..لا تشوفين دااتصرف طبيعي والله اموت باليوم مية موته..
من اشوفه اتذكر الحادث وكل تفصيل بي. من اسمع صوته اشمئز. واحس جسمي كله. يرجف...من اشوف ايده.. اتذكر شلون سد حلكي بيهة وخنكني وروحي جانت تريد تطلع .واني صايرة بي اديه ... مااتحمل بعد... ..
كرهت روحي... وكرهت اليوم الي رحت بي للمدرسة
.وفتت من ذاك الشارع البسببه سلبني حياتي ومستقبلي.
..ماادري شسوي لحياتي بيوم وليله انقلبت راسا
على عقب. ..
انتي تدرين اني من يوم الحادث .لليوم.واني بس انام
اشوفه يجيني ويهجم عليه...وافز مرعوبة وابجي..
.حضنتني....وكامت تبجي...
ام عمار ::..ادري ...كلي علي..كال كل يوم تفز تصرخ وتبجي لكن مااكدر احاجيها .. ولا اوصللها..أخاف من ردة فعلها
...
اية:: اي احسله لا يوصلني... انوب ابتليت بهذا الحمل
يربي.
ام عمار:: حبيبتي.. باعيلها من غير منظار ..ليش تشوفين
هذا الحمل نقمة عليج.. يجوز هذا الطفل من يجي راح
يغير حياتج .... راح تحبين الحياة وتتعلقين بيهة على مودة ...
احلى شعور بالدنيا انو تكونين ام طفل ينمو بين احشاءك ويطلع للدنيا وعينه بس عليج .. راح يملئ عليج حياتج ويحسسج بالامان... صدكيني... راح يكبر ابطنج وتحسبين ساعه ساعة حتى يجي للدنيا وتخلي بحضنج ... وتشبعينه بحنانج.. وكلي امرج لرب العالمين وهو يحلها من عندة.. ويقدم البي خير.. لا تنقهرين ولا تضوجين...
اية:: ..الله كريم....بس شلون عل عمي اذا درى شيسوي؟؟
ام عمار:: شيسوي قابل انتي متزوجه على سنه الله ورسوله.. .احنه منحجي هسة خلي يعدي اقل شي شهر على زواجكم...وذيج الساعه نكول حامل...
اية:: الله كريم
ام عمار:: يله يمه هسة انتي نامي.. وارتاحي والصباح رباح... تصبحين على خير...
اية:: وانتي من اهلو ...
طلعت عمتي وسدت الباب....تمددت وافكر بحياتي هم يجي يوم وتصفه واعيش حالي حال البنات... لازواج رايدته ولا الحمل رايدته... اووف ...
شوية ودخل علي.. اني غمضت سويت نفسي نايمه. دخل للحمام ..وضل يحوس بالغرفة اني غفيت محسيت بي بعد .
.ثاني يوم عمتي كالت اليوم نروح للدكتورة هم تشوف
الحمل والفقر دم وتنطيج علاج ..
العصر رحنه سويت سونار وشافته الدكتورة كالت بعدج.بداية الحمل حتى نبض بعدة مصاير بي انطتني علاج وطلعنه واني ابدد مفرحانه بالطفل .
.رجعنه للبيت المغرب وكعدت ويه البنات. دنسولف اجتي منى انطتني جنطة سودة جبيرة.. كتلهة شنو هااي
منى:: جنطة زوجج غير باجر يروح للدوام..خلصت الاجازة ..
ضليت متعجبه مكدرت اكوللهة دوام شنو مفتهمت.
.. ضليت ساكته..
اجتني المنقذة مها...
مها:: انطيني الجنطة.. امشي اني وياج نجهزهة بعدج متعرفين شتخلين بيها
سحبتني من ايدي. .وكالت .. انتي من دوني تضيعين
...هههه.
اية :: اي والنبي مثل الاطرش بالزفة..هههه
دخلنه للغرفة... كتلهة فهميني .. شنو القصة..
مها::اولا انتي تعرفين زوجج شيشتغل...
اية:: اممم..لا
مها.:: زوجج ضابط برتبة ملازم.. ..
اية:: رفعت حاجبي بتعجب..اهااا
مها::.. بس علي جان ماخذ اجازة شهر وراح يرجع للدوام ودوامه .. خمسة بخمسة.. يعني خمس ايام اهنا وخمسة يروح ...
اية:: اهاا يعني باجر يروح ويضل خمس ايام..
مها:: عفية عليج..
بداخلي فرحت راح اخلص منه ...اووف هم ونزاح..
. كعدت تكولي شنو لازم اخلي بجنطته خلصنه الجنطة .. وسديناهة وخليتهة على صفحه يم الباب حتى يشوفهة
ثاني يوم الصبح كعدت تقريبا ب8:30، ملكيته وملكيت الجنطة كلت اكيد راح ...
ضليت اكمز من الفرح حسيت مثل المسجون وفكوا سجنه... نزلت اول مرة احس نفسي مشتهية اكل... واسولف اني والبنات... عاادي جدا..
ريهام::اكولج اية تدرين اني اول مرة اشوف عروس
..مثلج
اية:: شلون يعني ..
ريهام::يعني من تزوجتوا ليهسة مشفنه منكم ايي شي يدل انكم عرسان.. يعني تتغازلون. تضحكون تسولفون سوة...
اية:: يعني شنو التقصدينة بكلامج..
ريهام:: لا مااقصد شي.. بس انتي اليوم يله شفناج فرحانه... ممعقولة فرحانه لان زوجج راح للدوام...
ام عمار:: شنو هالسوالف البايخة من الصبح كومن كلمن تشوف شغلهة..
كمت ..بس ضليت افكر بحجيهة .. صحيح بينت زيادة عن اللزوم... لازم اخذ حذري لان هي متعرف شي عن زواجي...
كملنه اليوم مثل كل يوم تغدينه وصبينه شاي.. وعزلت المطبخ اني ومنى .. بعدين منى دخلت تدرس والبنات كلمن اخذت اطفالهة ودخلت غرفتهة... اني هم صعدت
.لبست برمودة وتيشيرت. لان جنت محرومه من هالشي من جان علي موجود اخاف منه .واتفرجت عل تلفزيون
لحد الليل و الوضع تمام...
من دخلت للغرفة حتى انام مكدرت .. خفت لان ليل
و ضلمه مكدرت انام نزلت يم منى.. لكيت عمتي بعدهة كاعدة..
ام عمار:: ها يمة اية صاير شي..
اية:: لا يمه ماكو شي ..بسسس...
ام عمار:: بس شنو بيج شي... كولي لا تستحين...
اية:: ماادري بسسس... اخاف انام بالغرفة...
ام عمار:: ههههه .. كولي هيج
ايه:: ترى مو البالج .. ولا يمي الموضوع بس اني ممتعودة انام وحدي... لهذا اخاف....
ام عمار:: ايي يمه حقج روحي نامي يم منى .. بغرفته
ليش حايرة. بعد...
اية:: اممممم استحي منها
..
ام عمار:: على شنو تستحين انتن غير خواات صاحت على منى.. منى غرفتهة جوة
منى:: خير يمه شصاير...
ام عمار:: يمه اخذي مرت اخوج تخاف تنام وحدهة....
كلت بقلبي(الا تكولين مرت اخوج لازم تذكريني...)
دخلت يمهة ... ضلينه نسولف شووي لحد مانمنه ..
ثاني يوم راحت منى للمدرسة . كمت تريكت وبديت
اشتغل بالبيت ...علاقتي صارت قوية.. باخوان علي .وخصوصا محمد.. لان فكاهي ويحب يتشاقة ودائما نسولف للصبح اني وياه ومنى.. لان اضل وياهم .
. خلصت الخمس ايام مابين شغل البيت.وسوالفنه اني ومحمد ومنى.. وبين تلميحات ريهام .. واللعبان نفس ...
باجر يجي علي... واني لازمة قلبي بأيدي
...كعدت 8:00 تقريبا.. تريكت وصعدت. بس ضليت مرتبكة كل شوي اتسمع الصوت اخاف اجه علي...لان مها كالت الصبح يجي .. شوية وسمعت صوته ... قلبي كام يدك بسرعه
احسة راح يطلع من صدري جسمي يرجف..طبيت وسديت الباب...
تقريبا نص ساعه كاعدةة بالغرفة متوترة وخايفة ... وجان يندك الباب... وانفتح...
.دخلت مها...
كتلهة هااي انتي نخمش قلبي ...
مها:: كومي ايوو عمتي تريدج
اية:: هاا ششتريد
مها:: تكول عمتي تعالي سلمي على رجلج...
اية:: شنوووو. مستحيل .
مها::. باعي اية ترى ريهام جاي تنبش وراج.. وتحفر اذا عرفت بشي. اوو شكت راح تفضح السالفة فضيحة..واحنه بغنى عن هالشي كومي سلمي عليه من ورى خشمج
اية:: مستحيل شتكولين ...
مها:: ترى حتى عمي لزم علي هسة حجه وياه كلة تصرف طبيعي ويه مرتك كدام اخوانك والبنات..
الية:: اهاا يعني المفروض. .هو يقنعونه حتى يتصرف طبيعي وياي..
مها::هااا انتي شايفتهة هيج..
اية:: لان هي هيج..
مها ::هسة عوفي هالحجي... انزلي وفضيهة...
اية:: ماانزل ..ماانزل لو اموووت..
مها:: ليش تزعلينهم منج... دااكولج ريهام دتحفر وراج واكو شغلات انتي متعرفينهة لان دتنحجي وراج ... لا اتعبيني..
يله كوومي..
مدااكولج اخذي بالاحضان.. مجرد سلمي عليه بايدج ..وبوسيه بخدة..
اية:: يااا لا ..لا..انتي كلتي بس اسلم..هسة بوسيه. لا لو
يموت مااطخة...
لزمتني من ايدي... بربج اكو وحدة طبيعية وعروس تسلم على زوجهة بعد غياب خمس ايام بس بايدهة...
اية:: هههففف ... .والله مااكدر.. ليش مدتفهميني.
مها:: والله داافتهمج.. بس انتي مدتفهمين.. ترى ريهام
حية.. خاف بعدج متعرفينها...
اية:: يله تمام.. امري لله...
مها:: اني راح انزل وانزلي وراي..
اية:: اوكفي اجي وياج..
مها:: ههههه يله يالجبانة...
امشي ورى مها بس شنو التوتر فووول... نزلت.. الدرج سويته شطوله... جان كاعد بالصاله اليم الدرج.. اباوع عليه بطرف عيني جان يباوع عليه...وامه بصفه.. ومنى وريهام ومحمد وكيان ... عبالك كلهم يراقبوني .. حسيت جسمي يفوووررر والعرق يصب.. همستلي مها ... كوليله الله يساعدك...
حجيت بصوت ناصي ..
الله يساعدك... مديت ايدي.. هو وكف.. وانطاني ايده . وسحبني عليه .وتقرب ع
.. قرب راسه عليهة وخله خدة على خدي... وهمس.. بصوت ناصي...
