رواية لماذا انا الفصل السابع 7 بقلم عبير السراي

حجيت بصوت ناصي .. 

الله يساعدك... مديت ايدي.. هو وكف.. وانطاني ايده . وسحبني عليه .وتقرب 

.. قرب راسه عليهة وخله خدة على خدي... 

 وهمس بصوت ناصي

.علي:: اني اسف...

اية.:: باوعت بتعجب... اول مرة تجي عيني بعينه. باسني

 من خدي غمضت عيوني

 .... سحبني من ايدي وخلاني بصفه وخله ايدة على كتفي.. اتمالكت نفسي بصعوبة.. بعدين كعد وهم جرني وكعدني يمه... ضل يسولف ويه اخوانه ويضحكون واني 

بعالم ثاني... 

اية::ليش كلي اسف .. قصدة لان اعتدة عليه بس هسة يله تذكر يعتذر  ... ...لو لان جراني..وباسني....شويه وجان  حسيته كرصني من ضهري... كمزت

وعمتي .. كالت

ام عمار:: شنو يمه وين صرتي.

اية:: هاا... 

ام عمار:: احجي وياج وانتي مو يمنه... وين رحتي.. 

اية:: لا وياج ... بس سرحت شوي...

ام عمار:: الماخذ عقلج... ؟؟،... كومي.يمه اصعدي حضري الحمام لزوجج خلي يسبح حتى نتغدة...

اية ::حاضر.. .ّّصعدت وحسيت  اريد انفجر.. من الغضب ... حضرت ملابسة والمنشفة..وعلكتهن بالحمام . شوية.. ودك الباب ودخل.. اني شفته واجيت اطلع لزمني من ايدي 

.

اية:: عوف ايدي...كتلك عوفني... واحاول اوخر ايدة .. هو يباوع عليه وساكت .. . كتلك وخر عني .. اذا تقربت مني .. اصرخ..والم البيت كوله عليك ... مو عبالك سلمت عليك .وخليتك تبوسني. وتلزمني ..عبالك مرتك وتلكتك

  ..لا عيوني ترى مطايقتك وعلى اعصابي وغصبا ماعليه

 ولا عبالك..  نسيت كولشي.سويته بيه..كتلك عووفني وكمت اصيح... بس لازم ايدي بقوة

علي:: خلصتي...؟

 اية:: شخلصت... ليكون عبالك اني ضعيفة وراح تتكاوة علية...ترى اذا سكتت مرى مرة الثانية مااسكت... فهمت.. والنبي.. 

علي:: هسة خلصتي...؟

.سكتت مجاوبته... بس متت من برودة اني مشتعلة 

بنار وهو بكل برد يكولي خلصتي

 ..علي:: هسة خلصتي..؟.

اية:: لا مخلصت .. شتريد تسوي... لاعبالك اني القديمه.. الضعيفة الي لا حول ولا قوة ترى......

علي بأبتسامه خفيفة :: تمام..فهمت.. ممكن احجي ..

اية:: عوف أيدي بالاول.. كامت توجعني..

علي :: اوك... اني اسف.

.اسف مو على السويته بيج بذاك اليوم ...لان ادري لا اعتذار ولا اسف. .ولاتبرير بالدنيا. يبرر. الي صار  لهذا اكتفيت بالسكوت  بس احب اكولج شي مثل ماانتي انجبرتي  على الصار اني هم انجبرت  مااكول اني ضحية لكن....صدكيني جنت مو بوعيي ولا بأرادتي  اني من عفتج على راحتج حتى مباوعت عليج ..لان مو بس خجلان منج لكن خجلان من نفسي.  

ادري بيج مجبورة نزلتي تسلمين عليه..وادري بيج متطيقيني  واني هم مجبور مثلج.مو لان مااطيقج. لكن مالي عيني اواجهج  وادري بيج متتحملين قربي منج ... اني اعتذر ..لان سحبتج يمي غصبا ماعليج..وبست خدج..وحطيت ايدي على كتفج... لكن كان لازم نتصرف هيج .. حتى نبعد الشكوك عنا....وايضا اسف على اسلوب ريم بنت عمي.. واني اضمنلج اني مراح تتعرضلج.

. 

اية ::تعجبت من اسلوبه.. ومنو كله على ريم اكيد منى...

::خلصت.كلامك....  اكولك شي كلامك كوله الكولته مراح 

 يهز شعرة من راسي..

 لا سامحتك ولا راح اسامحك بيوم...وتظل بالنسبة الي اكثر انسان اكرهة ومااطيقة ...والافضل نكمل حياتنه بنفس السكوت .. كلامك كله ميبرر انو انته دمرت حياتي وانهيت مستقبلي.. وبسببك وبسبب فعلتك بيه ..سويت اشياء مااريدهة اولا الزواج منك... خلاني اقرف من نفسي.. 

وثانيا.. الحمل ..اكثر شي كرهتة بعدك هو هذا الحمل مجرد تفكير انو ابطني طفل منك.. اشمئز من نفسي.. يعني حتلو حاولت بيوم انسى السويته بيه يضل هذا الطفل يذكرني بيك وبعملتك بيه ..

 فلا تتوقع بيوم اسامحك.. او اتقبلك .مو كزوج الي لا...لكن حتى مستحيل اتقبلك.. كانسان عادي بحياتي... تمام.

. .. عفته وطلعت. حسيت نفسي ارتاحيت وانطيته قيمته حتى لو كان مثل ميدعي انو مو بوعيه هم مستحيل اسامحه عل سواه...

نزلت ويه البنات.. حضرنه الغدة.. و اجتني ريهام الغثة

ريهام:: هاا اية لعد حبيبج وين.. 

اية:: عفته ديسبح.. ودرت وجهي عنها

 ...

ريهام:: امرج عجيب ياايه مدااكدر استوعبكم.. يعني انتو متزوجين على حب وعلاقة.. المفروض متتفاركون.. اشو ديصير العكس... 

التفتت الهة .بغضب.. مها اشرتلي عوفيهة.. مكدرت اسكت

اية::. اولا منو كلج  احنه على قصه حب وعلاقة... شنو هالحجي الزايد من حضرتج وثانيا ليش دائما تلمحين

 انو اكو شي بزواجي ليش تدخلين بحياتي منو سمحلج..

 اذا كنت متزوجه عن حب لو غصب لو مهما يكون انتي

 مالج علاقة بالموضوع .ولا حتى تنطين رائيج بالوضوع...

 دخلت عمتي وشافتني صوتي عالي.. والبنات حاولن يهدن الموضوع لكن اني نفجرت بوجهة.. وضلت بس تباوع عليه بتعجب مكدرت تحجي  

ام عمار::سلامات شصاير.. شكو اصواتجن عالية...هاا.

اشو هاي كامت تبجي..

 ريهام:: عمتي .والله محجيت وياهة شي.. سألتهة على

 علي .. اشو نفجرت بوجهي...عمتي ضلت تباوع عليه.. متعجبه سكتت لان نصدمت بهالحيالة هي   الي تبجي ومتأثرة ومسويه روحهة بريئة..

.اني طلعت.. من المطبخ.. واريد اصرخ طلعت بالحديقة....كعدت ابجي... 

شكد مااكول اكون قوية لكن دموعي مااسيطر عليهة...

اجتني مها.. كعدت بصفي.. 

مها:: اني مو كتلج هاي حية.. اخذي حذر منها.. بس عفيه عليج ،رديتيها.

اية::.والله تعبت... شسوي لحياتي حتى تستعدل كلما اكول عدلتهة.. ترجع تميل .

. اني عمري مااذيت احد ولا تدخلت بحياة احد.. حتى ريهام ... مايوم سمعتهة كلمة او غثيتهة اساسا ... 

مها:: هي تكرهج لان اخذتي علي...

اية:: وهي شعليهة بعلي...

مها:: مو اخته تحبه ... 

اية:: اختهة..؟؟ شنو اسمهة..

مها:: ريم...

اية:: لا يالله ..صدك تحجين ...ايي هسة فهمت.. 

مها::  شفهمتي.. ؟؟

اية:: اعرفهة ريم من اجت هي واهلهة .اجتي.حجت ويااي

مها بتعجب:: شحجت وياج...

اية:: تكولي الله لا يوفقج اخذتي مني... 

مها:: ههههههه والنبي ضحكتيني ....صدك تحجين..

 اجتج بكل وقاحة... 

اية:: ايي والله اجتني بس خوش رديتهة .. كوتلهة. ذاك هوة اخذي وابلاش.. ههههه 

اكولج مها.. فدوة زوجها  شلون متحملها

مها:: تدرين  هو اساس ميريدهة.. جان يحب وحدة وياه بالدوام .(يشتغل موظف بدائرة حكومية) و بس عمي رفض رفض قاطع.. فتزوجت حبيبته .. وخطية كيان تكأب

. وضل سنه كاملة ميحجي ويه ابوه .. لحد ماعمي وكع وصارت بي جلطة وكلة اذا تريد كلبي يرضى عليك

 اتزوج بنت عمك 

.. ووافق على هذا الاساس...  ويكون بمعلومج.. حتى علي .. عمي ضغط عليه هوواي حتى يتزوجهة لريم بس جان

 يكرها لان يشوف اختهة شلون تتصرف... فرفضهة

 وجان عند كلمته

اية:: حرامات .. لان تلوكله ويلوكلها.. نفس الشي

 اثنينهم...

مها ::لا تحكمين على علي. ترى انسان طيب.. 

ايةبأستهزاء::اايي. ادري بي..

مها:: لا متدرين بي.. الايام تثبتلج .. 

واحنه دنسولف اجه محمد من الشارع.. 

محمد:: السلام عليكم.. كعدتجن هااي مال غيبه.موو

 كولن.... لا تستحن.هههه

مها واية:: وعليكم السلام...

مها:: هههههه ايي دناخذ غيبتك... 

محمد:: قلبي يكلي تحجن على ريهام. هاا كولن لا...

احنه متنه ضحك ....كتله بضحك شنو تتصنط علينه..

محمد::هههه لا بس ماكو غثة غيرهة.. اكولج الزقجه 

.. علي وينه..

اية:: يوو عابتلك شنو زقجه.. اذا انته ابو طويله.. اني شسويلك .... يمكن هسة نزل لان عفته يسبح 

محمد :: لعد شعبالج الطول هيبه والكصر..... وياشر عليه... 

اية:: ايا خبيث اني خيبه قصدك ... هههههه موو 

مها:: يربي زعاطيط ويتناكرون... 

اجتي عمتي .ام عمار:: هاا كاعدات هناا.. هلا يمه حمودي قواك الله..

محمد:: هلا والله بالغالية.. شمسويتلنه غدا.. بروح ابوج ...

ام عمار:: دولمه تاكل اصابعك وراهة.. 

محمد.:: هلا والله .. اروحلج فدوة... ادري بيج لان علي جاي تسوينهة لان صارلي اسبوع اتوسل بيج مسويتيهة.. بس يله اقنع روحي انو سويتيهة لخاطري... فديتج امي الغالية

ام عمار :: دمشي ابو لسان...

دخلنه..لكينه منى وريهام مكملات تجهيز الغدة.. ..

وعلي جان كاعد ويه عمي..

كعدنة على الغدة  وريهام مشالت عينهة مني .

..حسيت بنظراتهة تهديد.. بس مهتميت الها.. 

كملنه غدة وعزلنه المطبخ اني ومنى وغسلنه المواعين...  بعدين صعدت للغرفة لكيت علي دينزل الفراش مالته ويريد ينام .. بس مالتفت الي ولا باوع باتجاهي.. 

تمدد وخله ايدة على عيونه ونام .. جنت واكفه عل مراية بس مركزة عليه... 

شفته نام..  شغلت التلفزيون. ونصيت الصوت...و تمددت

.صارت بالخمسة العصر....  

نزلت وجان انصدم ريم بنت عم علي موجودة...معقوله جاية بكل وقاحه مسلمت عليها طلعت بوجهي..لان جاية بس هي..دخلت للمطبخ لكيت منى دتحضر كيك..

اية:: هلاوو حبي.. اكولج .. هااي شجاية تسوي...

منى:: كيان قبل شوية راح لكربلاء ونجف يبات وخطية 

ريهام متكدر تنام وحدهة.. فاجابتهة  تآنس وحشتهة..

 ههههه 

اني مرتاحيت لجيتهة..بس شسوي .. 

دخلت ريهام::  للمطبخ.. صح النوم عروستنه.. 

اية:: شكرا ......صارلي تقريبا شهر ياعروسة.. 

ريهام:: حبي احنه عدنه العروس لحد متجيب اول طفل.

. تضل عروس يعني انتي منا ل8 اشهر.. يله نكوم منكلج عرووس...

انصدمت ... يعني شنو تعرف بموضوع حملي... شنو القصة... ضليت مرتبكة  حسيتهة تبتزني بكلامهة... بس معرفت شنو اجاوبهة ..

سكتت خزرتني بابتسامه حقيرة...   وراحت.

 منى:: هاا شبيهة مخرفة..الحمد لله على نعمه العقل ...

 ضليت اكل بروحي... شسوي اكول لعمتي ..ماكو غير اسال مها.. نزلت مها.. اشرت الهة حتى تجي... 

اية:: الحكيني... 

مها:: هاا شكو.. وجهج مصوفر صاير شي..

اية.:: اكولج فدوة.. منو يعرف بمسألة الحمل مالتي ...

مها:: هاا ..محد بس اني وعمتي...

اية:: لعد ريهام شلون عرفت... 

مها:: منو كلج رهام تعرف...

اية:: تعرف... هسة كلتلي(......كذا... وكذا)

مها:: لا مستحيل... منين تعرف ... معقولة تتصنط علينه.

..اني وعمتي.. اي هي عدهة هيج سوالف...

اية:: فددوة كوليلي شسوي...هذي شدت وياي اني اخاف 

منها

مها:: على شنو تخافين منهة لا تصيرين جبانة. اساسا متكدر تسوي اي شي... 

اية:: والله وكفتهة وحجيهة.. مو مال وحدة متكدر تسوي شي... 

مها:: انتي كوني طبيعية..لا تبينين انو اكو شي 

اية:: مااكدر.. خاايفة..

مها:: اية شبيج تماسكي..نفسج.. هسة راح احجي ويه عمتي وهي تتصرف...

اية.:: لا.لا .فدووة خاف تحقد عليه بالزايد... عووفيها

...

حضرنه العشة.. وتعشينه.. وبعدهة كعدنه نسولف اجه محمد تقريبا ب10 بالليل جنت كاعدة بالاستقبال...ويه البنات(منى ومها وريهام وريم)  وعمتي وعمي وعلي.. 

محمد::يعني شنو اليوم اية متسهرين ويانه.. 

اية::  لا ليش عادي اسهر وياكم...

محمد:: ايي مرخصتك علاوي ترى احنه كل يوم نسهر وضحك وسوالف .. يفوتك... اليوم تجي تسهر ويانه.. ويضحك ويغمزلي..

علي:: يعني انته ويامن تسهر؟؟

محمد:: اني واية ومنى. ومرات يجي احمد .....هاا نحسب حسابك..

علي:. لا حبيبي تعبان اريد اشبع نووم.. اسهروا انتم شباب سوة.. 

محمد::  وسفة ابو الشباب.. لك انته العلم. ابو حسين...

صعد علي.. ينام.. عمتي كالت اصعدي وراه ونوب انزلي 

وصدك صعدت .. وراه لكيته متمدد على الجرباية.. من شافني كعد..

علي:: راح تنامين.. لو تنزلين..

اية:: لا راح انزل.. 

علي::محتاجة شي...

اية:: هزيت راسي بمعنى لا.. ..وطلعت.. نزلت يم محمد ومنى... ريهام وريم صعدن فوك..لغرفتهة...ومها اخذت اطفالهة وصعدت لغرفتهم...

وكعدنه نضحك ونسولف ..ومحمد ساعه ينصب عليه 

وساعه على منى...

محمد:: مناوي.. اختي الغالية.. طلب..

منى:: كول حبيبي..

محمد:: مشتهي عصير برتقال.. من ايدج الطيبه... 

منى ::ادلل عساك على عصير...

محمد:: بعد قلبي خيتي... 

طلعت منى ... ومحمد يباوعلي بخجل .. 

اية:: هاا خير.. صاير شي...

محمد::عندي حجاية وياج بس اريدهة بيني وبينج... 

اية:: اي كول سرك ابير...

محمد:: الصراحة.... احم احم... اني.معجب بوحدة ..

. 

اية:: ايوواا ايوواا.. .. كوول بعد اختك...كوووول..

محمد:: اوكفي لا تاخذيني حاصل فاصل ترى استحي...هههههه.

اية:: ايي مبين عليك مستحي.... كمل...،

محمد::  انتي تعرفينهة... اجتي وياج بعرسكم حتى بالسبعه اجت ...

اية:: بالعرس والسبعه...بس بنات عمي... كولي اوصافهة.. وشلابسة حتى اكولك... منو هي..

محمد:: بالعرس جانت لابسة نفنوف للركبة بيجي.. وبنطرون يمكن جوزي.. وحجاب جووزي بس شنوو قطعه....ههههه 

اية:: عابتلك احجي بأدب. ... عرفتهة  ...امممم..بالسبعه شلابسة..

محمد:: لابسة فستان جويتي..وحجاب وردي.. اووف يربي...من اذكرهة.. قلبي يوجعني...

اية:: ياااا ولك هاي بنت عمي رهف...

محمد:: هلا هلا واسمهة رهف... 

اية:: ههههه شنو يعني هسة المطلوب شنو...

محمد :: شوفيلياهة...

اية؛: احترم نفسك ششوفلكياهة....ترى معدنه هالسوالف...

محمد:: دماغج وين راح ... قصدي شوفيهة اخاف مرتبطة قلبهة مو الهة...ويغمز... لان اريد احجي. وية امي

 تخطبلي بس مااعرف منو هي غير اتاكد بالاول... اذا اتقدم توافق...لا..

اية:: اذا هيج تمام... ولا تخاف قلبهة الهة...وغمزتله... ..وين نلكه احسن منك... بس انته شوف راي عمه يجوز عدهة

. راي ثاني ..

محمد :: اوك تمام... عندج صوره الهة...

ضربته. على كتفه .. احترم نفسك هههههه...

دااشاقة وياج شبيج لو غرتي على بنت عمج...

اية:: لا والنبي فرحت الكم ربي يجعلهة من نصيبك.. بس اكولك شلون تتزوج قبل اخوك الاكبر.. احمد..

محمد:: بربج. احمد مال زواج اني اكعد انتظرة... اني جاهز شغلي خير من الله. المن انتظر... 

اية:: بيهة الخير ان شاء الله...

منى ..:: شنو هي البيهة الخير .... وهذا العصير تفضلوا... 

اية :: سلامتج حياتي...  

شوية واجه احمد.. وسوالف وضحك... ا

نطتني منى العصير كتلهة مااريد .. لحت..عليه...

. محمد شاله ودينطينياه... اانكب عليه.. 

محمد:: اسف ..اسف... 

اية:: لا عادي مصار شي...خلي اكوم ابدل.. يله مرخصتكم .. تصبحون على خير.

الجميع.وانتي من اهلوو ....

صعدت ... فتحت الباب مقفول....؟؟؟؟

 ليش مقفول دكيت الباب... منفتح... دكيته اعلى....

..شوية .وانفتح ... علي لابس فانيله.. داخليه.  وشورت.. بس باوع عليه ودنك ومفتح الباب كولة... 

 دفعت الباب ..وجان الكه ريم واكفه..وراه....