رواية لماذا انا الفصل الثامن بقلم عبير السراي
صعدت .. فتحت الباب مقفول....؟؟؟؟
ليش مقفول دكيت الباب... منفتح... دكيته اعلى..
..شوية .وانفتح ... علي لابس فانيله.. داخليه. وشورت..
بس باوع عليه ودنك ومفتح الباب كلة...
دفعت الباب ..وجان الكه ريم واكفه..وراه...
بقيت مصدوومه .... معرفت شكول......
ريم:: اية حبي لا تفهمينه غلط... ترى ماكو شي...
علي لزمهة من عكس ايدهة بقوة
علي بعصبية:: اطلعي برى...
ريم:: مااشي.. نتفاهم بعدين...
علي جرهة من شعرهة...
علي:: على شنو نتفاهم.. لا تخليني اسويلج فضيحه..هسة..
اووف شكد كرهتة .. يعني مستغل البنية ومدخلهة الغرفة وانوب انته تهددهة بالفضيحة.... شكد حقير....
اني محجيت اي شي... اكتفيت بالسكوت... لكن بداخلي بركااااان ...
طلعت ريم وتخزر بيه..
رفعت حاجبي .. وباوعتلها..
اية:: والله عجيب... فوق شينج قواة عينج...
.طلعت محجت شي... ..
دخلت للغرفة... اخذت ملابس من الكنتور وردت ادخل للحمام ... لزم ايدي...
علي:: اوكفي خلي نتفاهم..
اية:: على شنو نتفاهم...
علي:: انتي فاهمة غلط...الموضوع مو مثل البالج....
اية:: وانته منو كلك شنو الي ابالي ..وثانيا انته متعنيلي
شي حتى اتنرفز او اضوج... بالعكس.انته الصبح تكول
انو مو بارادتك. ومو بوعيك.. الي سويته بيه . وهسة تهدد بنت عمك بالفضيحة وانته مدخلهة غرفتك.هذا يثبتلي انو انته حيوان بشري قذر يتبع شهواته وغرائزة..وماعندك ذرة رجولة... ..
علي:: كملتي؟؟
اية:: لا.... وجان يضربني كف.. حسيت خدي اشتعل نااار... دخت وكعت بالكاع... ضليت اخذ نفس كووة...
دنك عليه...
علي:: مهما يكون بينا حوار اياج تتجاوزين حدج.. فهمتي.....
احجي وياج... فهمتي...
اية:: فهمت... عافني وركع الباب وطلع...
ضليت ابجي....ليش هيج يصير بيه... ليش ماارتاح بيوم..حتى لو احنه زواجنه عل ورق شلون يدخل ريم
للغرفة.. لا وفوق كل هذا هو يهددها. شنو من انسان
انته... ..
اني مااحبه واكرهة ومااطيقة لكن ميسوي هيج وبغرفتي .
..بعدين كلت مااسكت بعد... لبست حجابي ونزلت... رحت لعمتي لكيت باب غرفتهة مفتوح... دكيته.. وصحت عمتي ...طلعت عمتي وراهة علي....من شفته درت وجهي. ومشيت صاحتلي عمتي ووكفت...تعالي يمه... مالتفتت
اية :: لا عمة رايحة بعدين اجيج.. وامسح بدموعي
مااريدة يشوفني ابجي...
لزمتني من ايدي وجرتني...ودخلنه للاستقبال.... جان البيت كله نايم...
علي ضل واكف بالباب...
ام عمار :: كافي يمه لا تبجين.. امسحي دموعج...
حضنت عمتي وابجي ... لان تحبني وحنونه..كلش..
اني معرفت شنو احجي ...ضليت ساكته وابجي..وعمتي تحاول تهديني.. ..
ام عمار::يمه علي اطلع انته خلينه وحدنه... راد يطلع للغرفة ..عمتي منعته..
ام عمار:: يمه لاتطلع لغرفته لا تجي بت ابليس انوب تبليك بمصيبة... اطلع بالحديقة...
اسمعي يمه... اني ماابررلج الصار... لكن اني اعرف ريم...
من زمان حاطة عينها على علي ولا تستحي ولا تخجل... ..
بس علي هسة حلفلي بالقران.. انو هالبت ابليس اجت دخلت للغرفة حتى مدكت الباب وقفلته ...ودخلت عليه وضاله تبوس بايدة حتى يتزوجها حتى لو على راسج ... ..
اية:: يعني شنو
ام عمار:: يعني تكوله اخذني فوك مرتك... وضاربهة كف ... وطاردهة وهي عاصية ومتقبل وتهددة. اسويلك فضيحه.. ..
وانتي دخلتي عليهم...
اية:: يمه شنو تحجين... ليش متكولين هو الجراهة
ودخلها..
ام عمار:: زين تعالي بالعقل...شلون يدخلهة للغرفة..
لو بغرفتها اكول هو الداخل عليها... هي شعدهة بهاليل
تفتر.. لو بت اوادم متسويها...
اية:: يمه لا تبرريله ...الله يخليج...
ام عمار::مو ابرر يمه .....كله مني اني عرفت جيتها
وتبات مو منها لله المن عفتها... وهم مااكدر اروح احجي وياها هسة يفرن السالفة عليه.. ويركبن ابني الغلط... ..
بس يطلع الصبح لو لا... اني الهن
يله كومي يمه بطلي بجي وكومي لغرفتج...
اية :: لا ماادخل لهاي الغرفة لو امووت.. يمه هيج
يضربني
ام عمار : ميخالف انتي هم سمعتي كلام غثاه...
اية:: بس مو يضربني...
ام عمار:: هسة اصيحله يصالحج...
اية:: شنوو... لا.لا.. يمه لا مااريدة..
ام عمار::-لعد شتردين... كولي..
اية:: اريد انام بحضنج..
ام عمار:: يعمري انتي... هذا هو خلي اكول لعلي يصعد
للغرفة ينام وانتي تنامين يمي...
مااشي....طلعت لعلي ...بعدين اجت..
ام عمار:: يله يمه كومي...
دخلنه لغرفة منى جانت نايمة... فرشنه فراش ونمت بحضن عمتي .
كنت محتاجة حضن دافي يآويني .اريد ان اهرب من عالمي المليئ بالأم والاهات ...
غفيت ومحسيت بنفسي صحيت على صوت منى تسال عمتي عليه... كلتلها متعاركة هي وعلي... ونامت هنا.
. وراحت منى للدوام... كعدت... وجنت كارهة الدنيا.كلها... طلعت من الغرفة وداشوف عمتي بالمطبخ .. سمعت علي يحجي وياهة... ضليت واكفة ورى الباب...
علي::يمه والله كاعد بالغرفة وهي طبت عليه ....
ام عمار:: يعني انته ممنطيها ريك حلو. حتى هيج حبتك...
علي:: يمه شتعرفيني... هي دخلت عليه وقفلت الباب اني كل ضني اية.. بس من اجتي ولزمتني من رجلي طفرتني ..
ام عمار:: عزة بعينهة ان شاء الله ... شهالتربية...
علي:: يمه عرضت روحه عليه .. تكلي تعال شوف منو الاحلى اني لو مرتك... رادت تنزع ملابسها... وضربتها ... واجيت اطلعها ودكت الباب اية... وصار الصار...
ام عمار::اية مفاهمتهة هيج ... بعدهة متعرفك يمه
ولا تعرف طباعك...
علي:: هي شلون صارت..
ام عمار:: خطية ضلت تبجي لحد منامت.. والله كسرت خاطري...
علي:: شسوي يمه والله تعبت زين اكولج اريد اسوي شي....
اية:: سمعت باب انفتح رحت ركض للغرفة
...ااوففف .معرفت شيريد يسوي...
يعني معقولة هو مظلوم بهاي القصة مال ريم ...هي صح خفيفة وكلشي اتوقع منها الي اجت تكولي الله لا يوفقج اخذتي حبيبي .. وجانت مصباحيتي كولشي. تسوي
.. ..والله حيرة...
نزل احمد .ورى محمد . حتى يتريكون ويطلعون على شغلهم. ...
اني صبرت شوية وطلعت..لكيتهم .. كاعدين يتريكون بالمطبخ... عمتي وعلي واحمد ومحمد...
اية::صباح الخير..
الكل:: صباح النور..
محمد؛:هلا بالضلعة ...تعالي .
اية :: هلا بيك.. لا شكرا مااشتهي ... اريد اعزل البيت...
ام عمار :: وج يمه شغليج هسة ... دعوفي وتعالي تريكي...
اية:: صدكيني عمه مااشتهي ولعبانة نفسي...
ام عمار:: دتعالي اشربي حليب حتى تصير بيج روح شوية ... شو تمشي كووة...
اية:: اوك جاية... اول مضكت الحليب لعبت نفسي ركضت للحمام اتقيأ...
اجتني عمتي كالت
ام عمار::اليوم نعلن انتي حامل.. العصر نطلع ونكول جنه
عند الدكتورة...
اية:: ماااشي عمه..اكولج عمه ... على طاري الحمل ريهام تعرف كوولشي... والبارحة بينتلي.
ام عمار:: ادري ..كلتلي مها.. بس لا تخافين منها .. متكدر تسوي شي..
ااية:: والله مااعتقد... على الشفته البارحة منها ومن اختها... بس الله يستر منهن...
دنسولف اني وعمتي ..ونزلت رهام.. ..
ريهام:: صباح الخير..
عمتي ردت اني مرديت عليها...
ريهام:: شنو ااية ...السلام لله...
اية:: بقلبي قلت لليعرف الله ...صباح النور
ريهام:: شو شكلج مال وحدة الليل كوله منايمته..
خير صاير شي...
عمتي ردت عليها
ام عمار:: عرسان وعندج الحساب. معذورين...
ريهام:: والله جنها مو مال عرسان....
ام عمار:: هسة مال عرسان مو عرسان التهي بروحج
وبشغلج ومعليج بغيرج...
ريهام:: شنو عمة هسة قابل اني شحجيت...لو كلكم صايرين مدافعين مال ست ايو ...
ام عمار:: اني اروح اكعد زلمتي احسلي من هالحجي...
اني هم رحت للمطبخ....كعدت اتريك ... احمد ومحمد طلعوا للشغل.. ضليت بس اني وعلي..
علي:: سلامتج.. تقيأتي؟
باوعت عليه بخزرة.. ومجاوبته... شربت شاي وطلعت.. من المطبخ ..وصارت بوجهي ريم...
ريم :: صباح الخير...
اية:: والله اليصبح بوجهج وجه اختج مااعتقد يشوف الخير....
عفتهة وطلعت انظف الكراج .. والحديقة...وطولت بيها
مااريد ادخل واشوف هالشكولات...
مر تقريبا نص ساعه... لان الكراج والحديقة كبار .... دخلت للبيت..لكيتت عمتي تحجي ويه علي بصوت عالي...
ام عمار:: يمه بس كلي شكلتلك هسة تروح لأهلها
شتكللهم.. تركب الغلط عليك...
علي:: انعل أبوها لابو منين طلعت على هالتربية الجايفة... خلي تحجي بكلمه... وشوف شسوي بيها... اراويحهة علي شيسوي
ضليت واكفة ومتعجبة...
اية:: يمة شصاير...
ام عمار:: ماكو شي... وغمزتلي....
طلع علي من البيت...
اية::يمه فدوة شصار..
ام عمار:: هاي الماعدهة ذرة حياء بت ابليس.. مدري شكلت لعلي ميقبل يكلي ... ضربها .. وطردها..من البيت...
اية:: اوينها هسة...
نزلت ريم تدردم... هي ورهام...
ريم:: اراويكم النسوان شتسوي...اذا مندمتك ياعلي
وخليتك تبوس أيدي ما اطلع بت ابوي..
دخل. علي واحس وعيونه يطكن شرار...
علي:: ولج انتي تهددينمن...
ريم:: اذا ماخليتك تبوس ايدي ...وحجيك ويه ابوي...
علي:: تم ويه ابوج نتفاهم ... وهم عندي شغلات اريد
اراويها لابوج ..تذكريهن موو... ..
مو اني ساكت ليش تخليني احجي واخليج انتي تبوسين ايدي... اني ساكت ترى لان اكول بنت عمي مااريد افضحها
بلكي الله يهديهة..وتعقل... واخاف على عمي الله وكيلج. ... بس منا وجاي شوفي التصرف شلون يكون.... واراويج الزلم شتسوي
ريم ضلت ساكته بس وجهة صار اصفر....
ريهام:: علي شنو لازم على اختي..
ام عمار:: علي يمه فهمنه شصاير....
علي:: يمه عوفي هذا الحجي. .. المهم هي فهمتني...
ويباوع على ريم ويخزرها... ..
ريهام:: علي احجي وياك انته شلازم على اختي ..كووول...
علي:: اسالي اختج المصونة... يمكن تكدر تحجي...
ام عمار:: ريم اطلعي من بيتنه... وكفينه شرج وهذا البيت يتعذرج اني مااريد مشاكل.. فهمتي .. ولا تخافين ..
ولا محد يجيب طاريج بكلمه.... بس كفينه شرج ....
وانتي ريهام جري عدل لا والخلقج ..احجي لكيان على كل سوالفج . وتصير شحتج انتي واختج... فهمتي ...
.... طلعت ريم من البيت ..بس مخلت عينهة بعين احد.. وريهام صعدت لغرفتهة ...
وعلي دخل للاستقبال... بقيت اني وعمتي...
اية :: يمه شلازم عليها علي..
ام عمار:: يمه علمي علمج... بس اصبري خلي اروح اشوفه...
اني وكفت ورى الباب اتسنط عليهم ردت اعرف شنو الموضوع...
ام عمار::هاا يمه علي.. شني شلازم على بت عمك
علي:: ملازم شي ...ماكو شي ..
ام عمار:: شني. تقشمر عليه... لعد شلون لصمتها...
علي:: يمه كتلج ماكو شي...
ام عمار:: والله مااعوفك الاتكولي... شصاير...
علي:: ...قبل تقريبا سنتين ...لازمينه المكافحة هي وولد بسيارة بوضع مخل...وماخذينهة للمركز وخابرت عليه تعال الحكني...
همزين طلع الضابط اعرفه.. وخزتني كدامه ... طلعها .لخاطري . وكتلها اذا شفت عليج بعد شي والله
اموتج بمكانج....وهم ماتابت... اجتني بكل صلافة للمطبخ...وتهددني.. لو تزوجني لو. اكول انته البارحة
دخلتني للغرفة واخذت التريدة مني ...
ضربتهة وكتلها التكدرين عليه سوي .وشحتتها
...
ام عمار :: عززة بعينه...يووومه .. يمه صدك تحجي .. وشلون سكتت... غير توديهة لابوهة يكطعهة تكطع ...
علي:: خفت على عمي يروح يصير بي شي. من وراهة ...بس اني مقصرت وياهة ... صكطتهة ... خليتهة متندل دربها...
اية:: ضليت مصدومة معقولة اكو بنية هيج تسوي...
وبكل وقاحه جاية ذابة نفسها عليه.
⚘⚘⚘
اجتي منى.من الدوام....ورهام بعد منزلت..
لحد العصر رحنه اني وعمتي عساس للدكتور حتى تكول اني حامل... اخذنه علي .بسيارة ..فرانه بغداد كلهة .. لحد المغرب نزلنه بمطعم تعشينه... بس علي ابد محجه ... حتى من كعدنة بالمطعم..جان ساكت رغم عمتي شكد حاولت وياه حتى يحجي بس ابدد. لحد مارجعنه.للبيت... تلكتنه منى .. عمتي كلتلهة حامل.. طارت من الفرح.. بس ليش بس اني مداافرح... راسي احسه حينفجر من التفكير..
صعدت للغرفة.. واني افكر.. شجابني على هالمشاكل ...
ردت اكول لريم اخذي مااريده على شنو ذابحه نفسج عليه...... اشو كلامه.. شي وفعله شي ثاني ...ياارب شيخلصهة ... نوب الحمل الطلعلي صفح...
دك الباب علي...ودخل.. محجه شي.. جر الفراش مالته وتمدد ويكلب بالفون مالته ... ثاني يوم كعدت واني مالي خلك ارفع راسي...كرهت كلشي بالحياة... حسيت نفسي تكأبت اني كاعدة بس مكمت من فراشي حسيت بي كام .. وطلع من الغرفة... ورى شوية هم دخل.. وطلع واني مغمضة.. مااريد اكعد تعبت من كولشي... صارت11:30 ...أندك الباب..
دخلت عمتي...
ام عمار..:: هاا يمه صباح الخير...
اية:: صباح النور...
ام عمار؛: شنو اليوم متكعدين خيرج. اكو شي؟؟ يوجعج شي...
اية؛: لا يمه ...ميوجعني.شي... بس احس روحي تعبانة...
ام عمار:: دكومي اغسلي وصلي حتى ناكل لقمه ونطلع...
اية::وين نروح..؟
ام عمار::علي راح ياخذنه نزور ...لكربلاء وبعدين نتوجه للنجف هم نزور وهم ترحين تزورين ابوج وامج...
طفرت من الفراش .... صدك ..والله ...
ام عمار:: اي والله ..وان شاء الله من نرجع ويروح علي
للدوام اخذج يم اهلج ثلاثة ايام اربعه.. لو ممشتاقتلهم...
اية:: شلون ممشتاقتلهم... راح اطك على شوفتهم...
ام عمار:: لعد كومي يله.. جهزي نفسج...
كمت واني حسيت الدنيا مسايعتني. هم ازور وهم اروح اشوف بابا وماما....اووف صارلي شكد مرايحتلهم جان
لو عمو ياخذنه لو ماكو... وعمو دووم مشغول.. فقليل نروح...
سبحت وكملت وحضرت ملابسي بعدين صليت ورتبت نفسي. .. ونزلت حتى اتغدة مدري اتريك.....
لكيت عمتي والبنات بالمطبخ...سلمت... وعمتي كالت اكليلج لكمة .البسي علي راح يجي...
اية:: ليش وين هو...؟
ام عمار:: راح يترس سيارته بانزين. ويجي ...
يله يمه استعجلي...
منى:: ايي شعليج راح تطلعين وتزورين مو مثلي مقابله الكتب....
اية:: ليش متجين ويانه... نتونس وهم تغيرين جو
منى:: لا حبي. اشاقة وياج.. هو علي كال لامي ناخذها تزور اهل البيت عليهم السلام وتزور اهلهة وهم تغير جو..... روحي ترجعون بالسلامه...وادعيلنه. وياج...
اية:: اهاا... ان شاء الله ... ..
يالله يحب يعيش دور الطيب والمسكين واليفكر بغيرة...
بس هم اكرهك ومااطيقك.... ولو مهما تسوي مراح اتقبلك بيوم....
صعدت لغرفتي لبست ورتبت نفسي.. ولبست عباية اسلامية... ونزلت... لكيت عمتي متحضرة ومنتظرة علي ... دقائق واجه علي... تفاجأ من شافني عبالك اول مرى...
سلم ورديت عليه من ورى خشمي...
وطلعنه....من شفت سيارته ... وحسيت جسمي كوله كزبر... لان هاي السيارة.. الاخذني بيهة... اوووف شوكت ارتاح
ترددت اصعد عمتي صعدت بالصدر .. وصاحت عليه
ام عمار:: هاا يمه اصعدي...
فتحت الباب...بس كوة عليه... صعدت وانطلقنه تقريبا 3 ساعات ووصلنه لكربلاء...
واه ياكربلاء ...
جنة الله على الارض....دخلنه زرنا الامام الحسين عليه السلام... راحة نفسية.. صلينه وكملنه ودعيت انو يعدلي حياتي ويحلي العقدة الموراضية تنحل
وبجيت من كل قلبي ..وشلون اني مو ام دميعه ...
طلعنه من الامام الحسين... وتوجهنة لابو الفضل العباس عليه السلام .. اووف صدك ذبيت حسرة شكبرهة ..
. حسيت نفسي ارتاااحيت من صدوك. ... طلعنه ورحنه تغدينه..
.بعدين رحنه عل سوق اشترتلي عمتي هوااي شغلات واشترت العاب لاحفادهة ... .لحد الليل واحنه نفتر.. علي كال نبات هنا والصبح نطلع للنجف الاشرف...
وحجزالنه بفندق ..اني وعمتي بغرفة وهو بغرفة البصفنه... جنت ميته من التعب.. كعدنه الصبح ب7 توجهنة للنجف زرنه الامام عليه السلام .. وصلينه وكملنه.. ورحنه للمقابر...
رغم اني من وعيت ملكيت امي وابوية لكن من اشوف قبرهم اشبع بجي.... اندل قبرهم لان قريب عل شارع العام ميتيه ابد..
ضلينه بالساعه يمهم.قرينه قران. .وادعيه .بعدين عمتي راحت على امواتهة.. هم قرينالهم قران ...وخلينه بخور.. ومن هالسوالف ...
ورجعنه للبيت ميتين تعب.. عمتي قبل نامت... واني صعدت اسبح.. طلعت لكيت علي نايم.. ..نمت عل جرباية .. لليل يله كعدنه..
وجان ثاني يوم دوام علي.. كعدت حضرت جنطته وجهزتهة....وخليتهة على صفحه...
ثاني يوم كعدت ملكيته رايح للدوام .. رحت اركض لعمتي ...
اية:: صباح الخير..
ام عمار :: صباح النورّّ.....
اية:: هاا عمه اليوم تاخذيني لاهلي...
ام عمار::ايي يمه اخذج بس علة الاقل تريكي لو ترحين على لحم بطنج..ههههه
اية :: ههههه لا هسة اتريك... تدللين وتريكت بسرعه بسرعه...هاا عمه اكوم البس....
كامت تضحك عليهة ...يله كومي ...
رحت اركض للغرفة وعاطت بيه ..
ام عمار:: هاا يمه نسيتي نفسج .. نسيت انتي حامل...
اية::ايي اسفة يمه.. نسيت.ههههه.
بدلت ملابسي وكملت نزلت لكيت عمتي منتظرتني ... طبعا جان البيت كوله نايم... بس عمي كاعد استاذنت منه ورحن ...
اوف من دخلنه...عبالك سنه مشايفتهم...
بنات عمي وعمتي ومرت عمي توولني احضان وبوس ..اووف حتى بجيت...
ترخصت عمتي وراحت... واني ضليت من ايد عمتي لايد مرت عمي لايد بنات عمي....من عرفن بيه حامل.. طارن من الفرحه ...بس عمتي جانت تعرف بالموضوع...فمتفاجات ..
تغديت يمهم... ولزمت بنت عمي...
اية:: تعالي.. تعالي..عندي سالفة وياج..
رهف:: هاا خير. .جايبتلي عريس...
اية:: هههههنن شمدريج
رهف:: لا بربج..صدك..
اية:: ايي والنبي اكو معجب سري ...
رهف:: ياا صدك تحجين لو ناصبة عليه...
اية:: وداعتج احجي صدك...
رهف:: خجلتيني...
اية:: يووومه فديت الخجلان... اساليني منو ..شلون شافج وين شافج
رهف:: اممم ايي دجاوبي مدام انتي سالتي هههه .
اية:: حماي ..محمد..
رهف:: اممم منو منهم الحلو ابو عضلات...ههههه
اية:: ههههه عزة بعينج ياحلو ابو عضلات منين تعرفينه...
رهف::مو اعرفة ... بس بعرسكم..اكو واحد صار وجهي بوجهي اشو ضل فاك حلكة. مسطور... بوجهي.. دخلت.. من صعدتي للغرفة ونزلنه نتعشى .. كام يجيب اكل ويخلي كبالي ....وكل شويه. يصيح انو اخو العريس اتدللوا...ههههههه ... عرفته شافط مدري لاكف...
اية:: وج اثاري مو هينه..هههههه
رهف:: لعد شعبالج.... بس هو حجة وياج شيريد...
اية:: يريد يخطبج...
رهف:: يو يو وج والنبي سخنت... ميصير خبرين مااتحمل هم. عاشك وهم يخطب......
ههههههه ...
اية :: الله يجعلهة من نصيبج والنبي وردة مال الله ...
رهف :: الله كريم ...ضليت يم بيت عمي اربع ايام.. كضيتهة ضحك وسوالف ...وسهر للصبح ورجعت للبيت قبل يوم من جيت علي...
واجه علي .. وعلى نفس الروتين مبينه اي كلام حتى سلام ماكوو....علاقتي وياه تحت الصفر... كلمن بمكانه..
مر شهر وعلى نفس المنوال... ريم بعد ابد مااجت ولا سمعنه عنهة اخبار ...ريهام عازله نفسهة وخصوصا وياي .. حتى سلام متسلم عليه واني هم متجاهلتها...
صار على حملي شهرين ونص رحت للدكتورة.. وسمعتني نبضه..
اني سمعت نبضه ..وحسيت قلبي نبض وياه... شكد جنت كارهة الحمل بس من سمعت نبضه مااعرف شنو. الي اتغير بيه حسيته. جزء مني تعلقت بي... ...
الى ان يوم اندك باب الغرفة ودخلت. رهام...
تفاجات.... ريهام ... تفضلي...
