رواية ما ذنبي انا الفصل الثامن بقلم أحلام السعدي
قم يا صريع الوهم واسأل. بالنهى ما قيمة الإنسان ما يعليه واسمع تحدّثك الحياة فإنّها أستاذة التأديب والتّفقيه وانصب فمدرسة الحياة بليغة تملي الدروس و جلّ ما تمليه سلها وإن صمتت فصمت جلالها أجلى من التصريح والتنويه
ـــــــــــــــــــــــــــــــــــــــــــــــــــــــــــــ.
بلعت ريكي... وخليت فهد عالسرير يلعب.
سكتت واني اراقب بس حركاتة وخايفة منة .
باوع علية وجا قريب علية.كلما يتقرب عني خطوة ابتعد عنة خطوتين.
واني خايفة منة.
صار ضهري بالحايط. وماادري ليش تذكرت مراد بس.
جا قريب علية .
بلعت ريكي ووجي صار نار احسة بركان ردت اروح..
خلي ايدة عالحايط . من جهة الثانية. تلبكت كلش. عاد باوعتلة بضعف لعيونة عيونة جانت غامضة . مافتهمت شنو يريدة .
..................................................
نزلت جوة واني منصدمة. واكول لا اكيد آصف انجن.
اكيد لامحال..رحت للغرفة باوعت عالنفسي بالمراية شنو هاي.
وكمت ابجي ... هو ليش هيج يحتقرني دائما ليش.يضوجني ويجرح بيه.
.شنو ذنبي اني.وحتة ليهسة اني معرف شنو وليش اني هنا.
وهسة هو يريد مني شي ممعقول .
.ياربي صبرك..يالله.
...رحت غسلت. واني ضايجه من تصرفه ويايه.
توضيت وصليت صلات الليل ونمت.
عاد كعدت عالصوت دك الباب..شفتة ودنكت.
رفعت راسي عالعيونة غامضة كلش .. نفس ماكان البارحة..
جان شايل فهد.نطانيا بدون مايحجي شي.وراح.
عاد بوستة وهو يضحك ياربي.مدري ليش هذا الطفل احبة..رغم شسوة ابو بية بس احبة كلش لهطفل.
..
اكلتة وشبعتة ولعبتة. البيت جان هوسه عزلته شويه.وكلسا الاوع عليه الكا يلعب ويطشر بهالالعاب.
آه آه تذكرت امي واختي ومهند.كمت ابجي.شكد مشتاقتلهم ياربي شكد..بس رب العالمين يدري الحركة الي بكلبي .والله حرام عليهم هيج يسون بيه.
صارت ساعة وحدة ومحد منهم.جا.ولا اي واحد.حتة يونس هم ماشفته لان راح وية آصف.
اوووف ممل كلش هالبيت. كئيب من يوم الطبيت بي كرهتة وابد ماحبيته .
صالي يومين مماكلة كامت تبين علية اثار التعب كلش.
احس حتة مكدر اشيل رجلي .ميكدرن يحملني.
عاد اني وبالصالة لزمت فهد ونيمته ونمت ويا.مكدرت اروح للغرفة نمت عالقنفة .
ساعة اربعة سمعت صوت باب تنفتح مكدرت اكوم اتحرك تعبانة كلش.
لكيت آصف طب شافني ممدة عالقنفة كعد عالقنفة.
القنفة صغيرة واني نايمة راح اوكع بيها ومخلية فهد بالجهة الثانية الي بيها رجوة حتة ليوكع .
كام. صار يمي . اني جنت منجطلة من جهة فهد .
نزل شوية عالقنفه باوعت علية..خلة ايدة عالرجوة القنفة مال الضهر.وباس فهد .
صدرة طخ بأيدي..ولحيتة صارت يم وجهي .وريحتة تهف بوجهي.غمضت عيني مااريد اتنفس. شكد عيب.
ضل يبوس بفهد.كلت هذا شبي مفجوع عالبوس راح يكعد فهد.
كلبي كام يدك حيل وهو لسا يبوس بي. تلبكت كلش وصرت طماطية .وجهي نار شبت بي . كلت اكيد هذا متقصد يلبكني هيج. عالبارحة إلى سوة بية. بس اني الك يا اؤيصف.
متحملت قربة من يمي.نمت عالضهري ودفعتة حيل. راد يوكع بس كدر يتلازم نفسة..
عقد حواجبة و عصب ..هستوة دايحجي.
كلت واني اكوم من القنفه..لايكعد فهد شبيك . بلكوة نام .
آصف....وانتي شكو اني وابني.
......عقدت حواجبي وتخوصرت.وكلت اي لا اني انيم بي وتجي انت تكعدة ..ليش بله.
حسيت بية الكاع تهتز ودوران كلش قوي لزمت راسي حيل. باوعت علية.
فتح حلكة هستوة دايحجي..شافني هيج..
وكعت بسرعة عالايدة. جنت بين المغمضة وبين الكاعدة. اباوع علية شلون يحجي. وياي بس مداافتهم شدايحجي. محسيت الا واني بالمستشفى.
فتحت عيوني بتثاقل بلكوة فتحتها. باوعت هيج هيج اني وين.
لكيتة يباوع علية بعصبية.
آصف..... حسابج بعدين.
وطلع من الغرفة وسد الباب قوي.
باوعت هذا شبي شصايرلة.
رفعت نفسي ونتجبت عالمخدة.بس لساني حاسه بدوران براسي. ادري بنفسي عندي فقر دم. لأن مرت شهرين.. اني قل كلش اكلي. احس راسي مااكدر اشيلة ثگيل كلش.
ورة بربع ساعة.. جا دكتور. وهو هم دخل ويا..
جا فحصني وخلال كانولة. مدري كانونة..احنة نكول كانونه 😅 مدري انتو شتكولون.
الدكتور كال عندج فقر دم وإذا متتعالجين بسرعة راح يصير فقر دم حاد جدا.ومايتعالج هذا.انتي هم ضعيفة. ومراح تكدرين تعيشين. فلازم تاكلين معلاك هواية وكرفس كثري منة. ووبتعدي عن الكهوة وجاي والمشروبات الغازية وكثري مشروبات طبيعية.. نطا لآصف ورقة ويكول جيبلها هذن العلاج. ولازم كل وكت بوكتة.
آصف..... انشالله. شكرا دكتور عذبناك ويانة. تسلم.
الدكتور... لا شكر عال واجب..
طلع الدكتور . باوع علية وتنهد.. كال راح اروح اجيب العلاج وارجع حسج عينج اشوفج طالعة..دايحجي.
باوعت علية بملل. كتلة اي لاتخاف مستحيل اروح واترك اخوية وابن عمي محبوسين فلاتخاف اطمن..
درت وجهي عنة ودموع بعيوني.
جان ساكت. باوعت علية.بعصبيه..
آصف.... انتي ليش تريدين تموتين نفسج عود.
..... باوعت علية بحقد وكتلة.. أي اموت واخلص منك ومن الكل هم.اذا ماترجعني لااهلي
آصف..... وحجة بعصبية مكتومه. لاتستفزيني استغفر الله شنو من مصيبه هاي.
باوعت علية..(باوعت بحقد) تعرف شكد اكرهك.. ا... كرهك. ومكرهت بحياتي مثلك.يااخي اتركني.
درت وجهي. ودموعي نزلت..
لزم فكي حيل ودار وجهي علية.. كال ترة لازم نفسي عليج كوه.كلت مريضة. وكلت هاي مستشفى. لاتخليني هسة اهدم حياتج كبالج. فسكتي.
وخرت ايدة ودرت وجهي.
هم لزمني ودار وجهي علية.. فتهمتي.ابتعدي عني من اكون عصبي.
...... باوعت بحقد وهزيت راسي بمعنة اي. انت ياوكت مو عصبي
وخر ايدة ودنة علية حجة يم اذني. ترة إلي كلتة البارحة.مو دااخذ رأيج.. لا ياحلوة. بس دانطيج علم. وانتي مراح تكدرين تسوين شي يعني راح توفقين توفقين. لأن اخوج بأيدي.
رفع راسة ومشة.. نوب رجع وكال ها ومنو خطيبج هم بأيدي.
ولازم تقنعي واليوم.غمزلي وراح.
راح واني العنة ميت مرة.. ليش هيج ليش يسوي بية هيج والله مليت. أريد اطلع من عرينة..دعيت رب العالمين ياخذني. واخلص.لا والله ليش ياخذني خلي ياخذه اله.
ورة نص ساعة جاب ويا علاكتين وحدة دوة وحدة علاج..
آصف.... عفية تفهمين الدرس دائما ياحلوة.
درت وجهي عنة كعد وخلة الاكل عالطاولة مال السرير..
آصف.... يلة مدي ايدج.ومريد كلمة زايدة. فتهمتي.
أخذت نفس. اني جوعانة كلش. وفوكاها جايب كباب. وريحتة ملت الغرفة هيج فتح نفسيتي للاكل.
لزمت الخبز. وكمت اكل. واكل.واكل. واني ناسية آصف. احس نفسي مشايفة كمت اكل بشواها.
بقة آخر واحد كباب. مديت ايدي. تذكرت آصف..باوعت علية بصدمة نسيتة هنا.
هو جان مبتسم ويباوع علية. يبوووو شنو هاي الفاشلة يأربي. ياكاع انبلعي وشكيني. شكد خجلت.. وعضيت لساني.
آصف. بضحكة مكتومه. كملي بقة الأخير اكلي.
بلعت اللكمة. الي بحلكي وذ بيت الخبز خجلت.
آصف.... اكلي انتي لازم تتغذين.ماكو داعي تخجليت.
طلع وعافني.خرببب.
باوعت عالكباب. مرت الخ. واكلتة.واوو صدك كلش طيب..هاي اول مرة اكل هيج كباب كلش طيب.شنو خلولي مشهي بالمغذي..واني ماادري.
جا مرت الثانيه..ونزلت عيوني شكد خجلت.شكد عيب يربي.
نطاني مي وحبوب. شربتهن .
باوعت علية.... وحجيت بكلبي منيلك هالحنية معرفتك.
كال البسي الحجاب زين والبسي العباية ويلة نطلع من هاي المستشفى مااطيقها.
كمت لبستهته زين ومشينة..
احنة ودانمشي وصلنة يم الباب إلى يطلعون منها جوي أهل الحادث ويمشون بيهم. منعنعين تنعنع.. ومخليهن بنقالة باوعت عالآصف. كال لاتباوعين..لزم ايدية واني كلبي يرجف إلى شفته كلش خوفني. باوع علية وكال اهدئي لاتخافين..
سمعت كالو إسعاف إسعاف ثانية.
باوعت عالاسعاف شفت مرية..
لزمني دايطلعني.. بس باوعت عالمرية من داينزلوها بنقاله ونصدمت من شفتها وكلبي وكع.. احس رجلي مداتشيلني.
حجيت بصوت عالي.. آصف. هاي ام.
