رواية ما ذنبي انا الفصل التاسع 9 بقلم أحلام السعدي

باوعت عالاسعاف شفت مرية.

لزمني دايطلعني. بس باوعت عالمرية من داينزلوها بنقاله ونصدمت من شفتها وكلبي وكع.. احس رجلي مداتشيلني.

حجيت بصوت عالي.آصف.عمة حوراء.ام هتوف.

باوع علية وكال.. شداتهذين  امشي امشي..

مشاني. واني أكله بس باوع عليها..عليك الله. والله هاي عمه حوراء. كمت ابجي واحجي.

احس ايدة كامت ترجف.ويكول اشششش مابيها شي هاي مو عمتي امشي.

لزمت ايدة حيل. وايدي اني ويا يرجفن. كتله. بس باوع فدوة.

... ماادري حسيته ميريد ينصدم. وميريد يباوع وميريد يعيش الواقع.

بس من نزلت وراها سيارة جانت بيها هتو ف تبجي.وتجر بالنقاله. ومنهارة كلش. عرفت انو صدك هية عمتي..

باوعت عالآصف واكف. ويباوع عليهم . و لازم ايدي حيل. وايده ترجف.

وخرت ايدة من أيدي. ورحت كبل عالهتوف. طبو لغرفة العمليات.

لكيتها كاعدة بااكاع ومنهارة بجي.ومرتجيه عالحايط.مشيت ورجلية ميحملني واسحل بيهن سحل.. هاي اول مرة اشوف انسان بهيج هيئه.نازل دم هواية منهم. وصوت الصريخ كلش قوي وصوت الصدى صياحهم  يتردد بأذاني..

ماادري المن اواسي.. اواسي نفسي إلى حنجن إذا بقيت هنا دقيقة.لان مااحب ابد المستشفى. لو اواسي  هتوف.

مشيت يمها وكعدت يمها.

باوعت علية وهية تشهك بجي.نيران شبت بكلبي لمن بجت..بسرعة شبكتني. احس ماعندي طاقة.ماعندي شي اكوله.الها حته اواسيها..يمكن فرصة نجاح عمتي ضئيله لأن رأسها كلة دم.ماحجيت شي غير بس تمنيت آصف يمها. ويحجي وياها شوية ويخفف عنها..ولو اني شفتها هيج وابجي و رجلية ميشيلني. الله يساعد هتوف لعد.حيل نقهرت عليها. مسويت شي غير بس خليت ايدي عالضهرها وشبكتها.

باوعت من جهة واني ابجي وياها صوت نحيبها وبجيها. يكطع الكلب.. تكول ماتت امي ماتت شادن.

لكيت آصف يباوعلنه..وهو حالته مو احسن منة..ومو مستوعب الي صار.. احس لسا منصدم من الي دايشوفه. مع انو هو ابد مايحترمها ولا يحبها.. بس مدري ليش هسة حسيت عبالك مثل أمة وأمة هي الي داتموت.

شاهد الله ابد ماشفت عليها شي. دائما زينة وية الكل حتة ويا أبناء ضرتها. اية من الجمال والأخلاق.وحنونه بشكل.

اول مشافني باوعت علية. راح مااعرف وين.

باوعت عالهتوف.كلها هتوف كومي كومي غسلي. ادعيلها الله يشافيها ويعافيها وان شاء الله مابيها شي. وتطلع بالسلامه.

... تحجي بصوت متكطع مافهمت منها شي.

بعد طول نص ساعة قنعتها تروح تغسل.

غسلت ورجعت.

طلع الدكتور من العمليات وكال.عدها ارتجاج بالراس وايدها مكسورة. ونزفت هواية دم نحتاج دم زمرتها o+.

كالت هتوف اني اني زمرتي نفس زمرتها.

راحت ويا.بعد اسئله الدكتور لأن مايصير يأخذون دم من وحدة مريضة أو بيها فقر دم أو حامل.واني ضليت واكفة يم الباب العمليات.

كلت بين متكمل اروح اشوف آصف.

دورت بالربع ساعة هواية ماكو بالمستشفى.والمستشفى جبيره وين الكا.

عاد طلعت من المستشفى مختنكة كلش وبس اكح. ريحة الدم وصلت لريتي.. أريد اتقيء.

لكيته كاعد عالكرسي يم المستشفى..

رحت يمة باوعت علية لكيت دموعة ينزلن. ومخلي ايده ثنينهن يم حلكة. ولا زمهن حيل.

انكسر كلبي من شفته هيج.رغم إلى سوة بية.

بدون وعي نزلن دموعي. مسحتهن  بسرعه وحجيت.

كلت بهدوء..... آصف..

اول مسمعني فز. ومسح دموعة.

كال بحدة.... شتسوين هنا روحي. يم اختي.لاتعوفيها.

..... اختك. حلوه هاي.

هو سكت.

عدت سؤالي. اختك مو.

هم ساكت.

......روح يمها واسيها احضنها خلي تعرف عدها اخوها سندها بدنيا.. من مات ابوك وهية مكسورة. تعرف البنية من يموت ابوها ينكسر ضهرها.

..... روح يمها خلي شوية تشبع من حضن اخوانها. قبل لاتزوج وتروح وماتشوفها بعد ولاتشوفون حنيتها.

...... راح اكلك شغلة ثانية. هية جانت مموافقة عله غسان من جا خطبها. بس تعرف ليش وافقت.. كالت حتة يخلصون مني. همة ميريدوني بيتهم وميحبوني. بس من وافقت حبته الغسان هواية. تعرف ليش حبته. لأن معدها احد غيرة.معدها احد تشكيله همها غيرة.معدها غير بس غسان بالحياة وامها وشمايل  كافي عاد تئذوها كافي شافت بما فية الكفاية منكم.

هية كلش تحبكم ودائما متفرق بينكم. مع انو هية ماشافت منكم غير بس الوجع.شكد احجي عليكم كدامها. وابد ماتقبل احجي عليكم وتضوج وتزعل.

آصف..... حجة بضعف.روحي سمها وعوفيني.

سكتت ورجعت حجيت.

...... اني حبيت انصحك.يوم راح تلكه كلهم ضدك وبس انت تحتاج من يرفع معنوياتك. تحتاج سند ومتلكه احد.. عود راح تذكرها وتذكر كلامي.

رحت من يمة واني اكول بس لو اعرف شهل اخوان..عوذه.

رجعت يمها واني حيلي كله مهدود. أريد ارتاح.

كعدت يمها جانت صافنة ولازمه ايديها.

خلت رأسها عالجتفي..

ورة بعشر دقايق. جا آصف يمها.

هية باوعت علية ودموع بعيونها. ورجعت نزلت راسها وخلت رأسها عالجتفي وصافنة.

شفته يباوع عليها.

دنه  يمها وكال لاتخافين مارح يصير بيها شي.

..... باوعت علية بعصبية. كلت بكلبي لاهاهية والله وصارت عندك حنيه استغفر الله حجا كلمتين عود دايهديها. والله ياربي.

هتوف باوعت علية وكامت تبجي بزايد وتشهك.

باوعت بعصبية عليه وأشارت براسي يحضنها.هو باوع علية وخنزرني..

صار يمسد عالراسها وكال  والله مابيها شي سألت الدكتور. وكال مابيها شي بس دخلت للعمليات لأن نزفت دم هواية.بس شويه ويستقر وضعها.

هية من سمعت هيج تبجي وتسد حلكها. تمنع شهقاتها.شكد كسرت خاطري..

هية نزلت للكاع وشبكته..

انصدم منها. بس بعدين كام يمسد عالشعرها. ويحجي وياها.بتسمت.

شوية ونامت بحضنة.

مناك شفنة مراد وأدم و شمايل جوي.

دايحجون. بس كال آصف. عالكيف  اشششش لا تحجون.مابيها شي.

آدم... آصف شلون صار الحادث.

آصف.... ماادري من ارجع للبيت اشوف الكاميرات مراقبة إلى بالسيارة..

مراد.... آصف انت روح انت وشادن واحنة نبقة هنا.

آصف.... اني راح اخذ هتوف وياية. بس ابدل وارجع..

آدم....لاتجي لهنا احنة هنا روحو ارتاحو.

آصف.... لا ابدل وارجع.

آدم..... لاتعاند ياآصف روح ارتاح. سكت ورجع حجة.. شلونها هتوف.

تنهد وكال مثل ماتشوف.صارلها بالساعة وهية تبجي.

كالي كومي البسي عباتج  زين. يلة نروح.

كمت بدون مااحجي. كلش تعبانة اريد بس انام. وارتاح..

راح وشال هتوف وخلاها بالسيارة.

ورجع عاقد حواجبة معصب.كال يلة امشي عبالي وياية طلعتي لساج ممتحركة.

حجيت بتعب. أي لاتصيح هاي مستشفى ترة.

آصف....بعصبية. امشي.

باوع عالمراد وكال. دير بالكم عليها.

مراد....بعيوني.

آدم.... خلص بعيونه.

شمايل... خوية دير بالك علة هتوف.

أصف... الله كريم ان شاء الله.

لبست عبايتي زين ومشيت بس عالكيفي وهو عبالك طاير.

باوع علية باوع يسرة يمنة. وكال بعصبية ترة جوانة طابق لتضلين تمشين عالكيف امشي سريع اريد اطلع من هاي المستشفى.

كتلة... أي تعبانة شسوي.

كال بايدة امشي.

صرت اني امشي بالبداية وهو وراية.

كال دخيل الله تعالى لشوف..

شالني وشهكت.كتلة نزلني شبيك..شداتسوي.

باوعت عالناس كلهم يباوعون عليه. يبو.

آصف نزلني..... هو يمشي واني ميته خجل منه ومن الناس.وهذا الي يكول الله يخليكم لبعض.والثاني يكون يربي فدوة لايكين كلش.

شكد كرهتهم. وجع شتعرفون حته تحجون هيج.

وصلنة للمصعد وهو مامنزلني. باوعت علية اول مرة اشوفه بهالقرب... ياربي بس لو يفك هالحواجب يصير حلو. نهار كله معصب.

حجيت بضعف واني اباوع لعيونه..آصف نزلني.

باوع علية وابتسم..مو كلتي تعبانة..

احس بتسامته دخلت كلبي اول مره اشوف ضحكته.حلو بس حجية ومنطقه مو حلو ابد..وعند كلمة إذا حجاها تتنفد.

رجع حجة.. لو مخليتج تمشين جان لساتنة يم الباب.

.... نزللللني عيب.

وكال.... اشششش والله راح اشمرج بالكاع.. اششش.شكد تلغين ددددددو يبو ماشبعتي من الحجي.

لزمته من ركبته حيل.وحجيت.شبيك انت..

.. نفتحت الباب مال المصعد. واحد يباوع علينة ويضحك.

باوعت عالآصف.مبتسم. يخربيت الحلاوة دي.

خليت وجهي عالصدرة حتة لشوف الناس.والله راح اموت من الخجل.

وصلنة يم السيارة. كتلة كافي نزلني.

بتسم ونزلني.

آصف.... لاتخافين قبل شوية هم باوعت الناس علييه من شلت هتوف..ماعدهم شغل وعمل بس يباوعون.

.... دخلت للسيارة وسديتها.والله مااعرفت اليوم شبي.هاي اول مرة اشوف هالحنية منه.وأول مرة يحجي ويايه زين.بدون صياح وعياط.

.

ساق السيارة.... ورة شوية وكف وسد الباب راح..شوية رجع وجايب بطل مي.

صعد للسيارة ونطاني مي. كال اشربي.

جنت صدك كلش عطشانة. شربت مي  باوعت علية.يسوق يباوع علية.

تلبكت وجهي صار طماطة. مباوعت بعد للمراية  بس دااحس لسا نضراته عليه..

وصلنة للبيت. ماكو احد نزل هتوف وشالها.

رحنة للغرفة خلاها بالسرير وغطاها. وباس رأسها..طفة الضوة وراح.

رحت ويا.وشهكت بسرعة..

آصف..... شبيج.

...... فففهد وينة.

آصف... لاتخافين يم شمايل.

.....عقدت حواجبي. شمايل مو رحت للمستشفى.

آصف.... خليني اكمل. سكتت. وكال بالغرفة نايم.

مشيت بخطوات سريعه.وهو باوع علية مستغرب.

رحت لكيته نايم بوسته وغطيته.

درت وجهي لكيته يباوع علية. بلعت ريكي. وعيونة غامضة.

حجة بهدوء......يلة عدنة شغل وتعرفين شنو شغلج.

حجيت عالكيفي..... فدوة آصف خليها باجر انشالله تعبانة.

آصف.. تؤؤ..  لا اليوم.

لزم ايدي ونزلني.

دموعي  كامن يجرن واني أكله والنبي باجر انشالله..

هو ساكت ومحجة شي.

طلعنة من البيت وتوجهنة بالكرفان  ورة البيت..مكان ينام بي الحرس.

فتح الباب.

باوعو علية.

جا مهند وكال لاتخافين مابينه شي.

باوعت عليهم ممضروبين بس مبينين تعبانين.

جا إبراهيم.وشبكني هنا نصدمت. أول مرة يسويها.. اباوع عالآصف نزل راسه بعصبيه.

دفعته بس عالكيفي.

باوعت عليهم وابجي..

..... ابراهيم.

إبراهيم...ياروح إبراهيم.

اول مرة يحجي هيج وأول مرة يشبكني شصاير ويا. ابوع عالآصف راح يخنكه بنضراتة.

نطيت ورقة.

...

إبراهيم أخذها مني وكال شنو هاي.

...... مسحت دموعي واني أكله ورقة طلاكنة.

ابوع علية ثنينهم منصدمين مهند وابراهيم..

ابراهيم....ها شداتحجين انتي.

...... أي ورقه طلاكنة. اني لازم اطلك اني. مااريدك..اني اصلا من البدايه ماقبلت بيك...بس انت اصريت.نزوج.

ابراهيم.... شداتحجين انتي تخبلتي.

..... حجيت بعصبية... أي مااريدك ووقع.

إبراهيم.... ياشادن..نجبي.شنو هالحجي.

مهند..... شادن خاف هذا الوراج هو الي جبرج كولي.

....لا بس وقع فدوه.

إبراهيم...... مستحيل مااوقع انتي الي. شداتحجين.

آصف  بتسم بستهزاء.

...... إبراهيم وقع عاااد.

بعد جدالات وحجي وعصبية قبل يوقع. وكال آصف لمهند كللها لاامك بنتج تزوجت آصف والوعد الي وعدلهيا نفذه. بس مهند حجة كال احنة بريئين منج. تفهمين.وضلي هنا اذا تريدين تزوجين هذا.

..

احس نفسي مكدر اتحرك لمن حجة هيج.لا فدوة مهند لاتعذبني.والله غصب عني والله.

مهند.... كلة من ايدج. روحي بريئين منج ومن افعالج.تنهزمين ويا مووو..وتطلكين من براهيم حته يحلالج الجو ويا.

رحت ركض للغرفة. كمت ابجي ليش هيج آصف ليش الله لايوفقك ولايوفقك الجان السبب.

جا آصف باوع علية.يريد يروح لزَمته من قميصة.. ودفعت وصرت اضرب عالصدر بعصبية ها رتاحيت هسة رتاحيت.

شكلت حته مهند يكول الي هذا الحجي انو اني نهزمت. واهلي يدرون انو اني نجبرت اجي وياك. شحجيت كوووول.