رواية لماذا انا الفصل التاسع 9 بقلم عبير السراي

الى ان يوم اندك باب الغرفة ودخلت. ريهام...

تفاجات.... ريهام ... تفضلي...

ريهام:: مرحبا.ادخل لو تطرديني..

اية:: لا ليش اطردج.. هاي مو اخلاقي...تفضلي اهلا وسهلا... 

ريهام:: زاد فضلج... شنو علي طالع... 

اية :: ايي والله طالع... كعدت على الجرباية. وعيونهة تلعب منا ومنا.. تباوع على تفاصيل الغرفة... بس اني توترت

 لان ادري وراها شي مجاية خالية ..

ريهام:: شخبار الحمل وياج..

اية:: الحمد لله تمام... ماشي..

ريهام:: عرفتوا ولد بنية..

اية:: لا بعده ممبين بس نبضه بين ..

ريهام:: بين نبضة ؟؟ ليش شكد عليج...

اية:: هاا... شهرين ...

ريهام :: شلون شهرين.. ليش صارلكم شكد متزوجين ....

اية::  تقريبا شهرين....

ريهام:: بس النبض ميبين من شهرين اقل شي شهرين ونص. .او 3 اشهر... وحتى طلعت عندج بطن مال وحدة داخلة بالثالث...مو بالثاني .. 

اية:: مممااعرف بعد...

ريهام :: تذكريني بسواية وحدة اجتي لبيت عيالها  وهي حامل... تصوري شكد.. منحطة.. 

اية بتوتر :: واني شدخلني بالوضوع....

ريهام:: منو كلج الج دخل دااكولج ذكرتيني...

اية:: اهااا...

ريهام :: اكولج اية...فدووة سؤال محيرني..

 ...مثلا اذا وحدة غلطت ويه واحد وتزوجها وحبلت قبل الزواج الطفل ابن حرام لو حلال... 

اية:: ضليت صافنه بوجههة .. معرفت شنو اجاوب ..فعلا خفت منهة ...

:: مااعرف.!!

 ريهام:: لازم واحد يسال... شتكولين.....

اية:: خفت احجي استفزهة وتجرحني بكلامهة ...سكتت.. ...هزيت راسي. بمعنى ايي..

 ورحت للثلاجه مالتي طلعت عصير وقدمته الها 

ماردتها تشوف ردت فعلي.. وتوتري...

ريهام:: اكولج علي فرحان بحملج..

اية:: شي اكيد ..يعني كيان مفرح من حبلتي برسل...

ريهام:: طاار من الفرحة.. فديته يمووت عليه .. يكلي انتي اشرف وحدة شفتها...

اية:: يعني قصدة من بيت اهلج اشرف وحدة لو شنو...

ريهام:: شنو تقصدين يعني اهلي ماعدهم شريفات...

اية؛: لا مو اني الكلت انتي الكلتي... اساسا كلامج مبي كل  ربط... عندج شي تردين تكولينه كولي وبلا لف ودوران...

ريهام:: اهاا يعني احنه مو شريفات..على الاقل..محد بينه سلمت نفسها لواحد غريب.. واخذ الي يريدة منها وستروهة.كووة واجتي حامل. من بيت اهلها.....

اية:: اطلعي برى.. لا اراويج. وجهي الحقيقي....

. تقربت عليها. 

ريهام:: بله راويني... شتسوين...؟؟ اراويج اني شسوي..

اية:: انتي شتردين مني  مايوم ضوجتج لو سمعتج حجاية... ... 

ريهام:: اخذتي علي من اختي ... وتدرين اختي تحبه...

اية:: واني شلون اعرف اختج تحبة...

ريهام::  اووك احنه بيها....هسة دريتي... 

اية:: اي وشنو...

ريهام ّ:: تطلبين الطلاق من علي..وترحين لاهلج ومعليج بالباقي... 

اية::واذا مسويت هيج...

ريهام:: فضيحتج توصل لعمج...

فكرت بكلامها... اذا طلبت الطلاق عمتي مستحيل تخليني.. ونوب حامل..مااكدر..واذا. رفضت. ممعقولة تفضحني 

... بس عمتي كالت متكدر تسوي شي..  

اية::واذا كتلج مااكدر اطلب الطلاق... 

طلعت من الغرفة... وصلت للباب دارت عليه وابتسمت...ابتسامتهة الحقيرة... بس تعدت الباب .. كامت تصيح.  وتدك على رأسها...

ريهام:: الحككككوووني... نفشت شعرها 

..

اني ابوع ومصدومة هاي شدتسوي... معقولة... لا مستحيل...طلعت وراها ... نزلت الدرج.وهي تصرخ

 التم البيت كله عمي وعمتي .. واحمد ومنى ومها بس

 زوجها جان نايم بالغرفة.فوق..

.. اني واكفه بداية الدرج من فوك واسمع ومرتبكه والخوف متملكني... معقولة نفضحت..

ام عمار :: هاا ريهام شكو ؟؟

ريهام:: جنتكم المصونه ... المدلله رحت اعتذر منها بكل نية صافية بهذلت احوالي وكفختني تكفخ.... الله يكسر ايدج

.. ان شاء الله ...يمه راح اموووت ضربتني على بطني ...واني شاكة  اني حامل... 

ام عمار:: بس على كيفج ...فهمينه اية ضربتج..

ابو عمار::،  بنتي هدي نفسج .. فهمينه  شنو القصة..

ريهام:: اكلكم اية ضربتني وتهجمت عليه... ملختني تملخ.

بهلاثناء دخل علي...

علي:: اصواتكم للشارع شكوو.؟؟

ريهام:: مرتك بنت الحسب والنسب شسوت بحالي... حسبي الله عليج...

 شفت علي صعد عليه  كلت اكيد راح يضربني على هالتمثيل مستحيل واحد ميصدك....

ام عمار:: معقولة اية هيج تسوي زين شنو السبب... خلي اصعد اشوفها...

اني شفت علي..  دخلت للغرفة بسرعه... دخل علي..واني عيوني مغورقة دموع...

علي:: اية شنو الصار.... فهميني...

بقيت ابجي وآشر براسي. ماكو شي...

علي :: لا تخافين فهميني شنو كلتلج حتى ضربتيها....

كمت ابجي بالزايد لان صدكوا ضربتها 

.. دخلت عمتي ام عمار ...

ام عمار:: اية شكوو....

اية:: يمه والله ماكو شي ...والله كولشي ممسويتلها

علي::على كيفج ليش هيج ترجفين...لا تخافين بس فهمينه شنو الصار....

اية:: والله مصار شي... هي اجتي للغرفة. كامت تسمعني

 كلام عل شرف ومعرف شنو وعلى تحبل قبل الزواج..وكلام  كله تلميحات الي... كتلهة انتي شتردين...

 تكولي ليش اخذتي علي من اختي .. لو تطلبين الطلاق 

لو افضحج واوصلها لعمج ... 

اباوع لكيت كيان زوجها واكف يم الباب من شافني....كال

كيان:: لا تكولينها... هاي ريهام هيج مسوية... 

محجيت شي ودنكت.. 

كيان؛: يمه هاي الهوسة الجوة من ريهام....

ام عمار:: اي يمه تكول اية كتلتني وملختني تملخ.

..وهاي  اية سمعت حجيها 

 اية:: وروح امي وابوية مواصلتلها ولا طخيتها....

علي:: كافي لا تبجين...

كيان:: اليوم اذا ماانعل والديها ...هالكلبة بنت الكلب....

وراح يركض ....وركض وراه علي وعمتي...

ولك يمه اوكف... ولك يمه... خلي نفتهم... واني هم ركضت نزلت وراهم....

 نزل عليها. كيان ودخل الها للغرفة.. اسمع بس الصياح وهو يصيح وهي تغلط عليه...

كيان:: احجي الصدك لا انعل والديج... انتي هيج مبتزتها... وتساومينها عل طلاق .. 

ريهام بصياح:: لا جذابة...

وجان البيت كلهة ملموم ..سحلهة من شعرهة وطلعها

 بالصاله الجنت واكفه بيها...يحاولون يوخرونها من ايدة مكدرواله..

اني اريد اسيطر على روحي مكدرت جسمي كله يرجف ومنتجية عل حايط .. صارت عندي لويات كوولش قوية ابطني...

ريهام:: انته تضربني على مود هاي الساقطة... لو بيهة خير ماعلاوي حصرها بالمدرسة واخذ اليريدة منها .. وسووها تصليح غلطة... 

كيان :: سدي حلكج...وكام يضرب بيها...

تنميت الكاع تنشك وتبلعني... منى راسا التفت الي بتعجب هي واحمد...ياارب لا ممعقولة  الداسمعه...سديت اذاني بأيدي وكعدت بالكاع وغمضت عيني....

مااتحمل بعد. اي نظرة او كلمه... حسيت الدنيا صفرررت .. حسيت بأيد لزمتني من كتفي باوعت مها...محبيت ارفع

 ايدي من اذني..

... شالتني وصعدتني للغرفة واني ساده اذاني بس اسمع هووسة خفيفة والاطفال تصرخ... بس اقنع نفسي اني مااسمع...

 دخلت الغرفة..ونمت عل جرباية وموخرت ايدي من اذاني حسيت جسمي كوله تشنج.. على على هل وضعيه..... والويات الي ابطني دتزيد. كوولش اذتني.. ..

مها تحجي وياي بس كولشي ماافتهم.من كلامها...

دخلت منى تبجي وتحجي وياي... بس هم كولشي ماافتهم....دخت كولش...لحد ماغمضت عيني وبعد محسيت بشي... ... 

فتحت عيني اضوية كولش قوية بعيني دااحاول اركز مكدرت... كوة ثبتت عيني...

اباوع عمتي.. منتجيه عل سدية.. ومخليه ايدهة على راسهة...

وعلي يروح ويجي بس ممنتبه الي... ..

لحد مباوع عليه واجه عليه...

علي:: هاا اية.. دتسمعيني.. 

ام عمار :: هاا يمه حمد الله على سلامتج...

اني مكدرت احجي..باوعت حوالي مستشفى

شجابني هنا معقولة محسيت بشي.. ..

ام عمار:: هاا يمه شلون صرتي... 

اية::اهز براسي بمعنى زينه....لان مابيه احجي..

.اجتي. دكتورة شافت ضغطي.. كالت 

الدكتورة ::لا هسة ضغطها تمام.. يخلص المغذي وتكدرون تطلعونهة.. بس ابتعدي عن التوتر حتى ميهبط ضغطج هيج مرة لخ... مااشي.. 

اسمع عمتي تخابر. بس بالي مو يمهة ...اكول معقولة الصار حلم لو صدك .. والله تهيت ..يربي.  

...خلص المغذي وحاولت اكوم  مكدرت  اجتي  عمتي.تكومني...وكفت على حيلي.. وصاح علي...

علي:: يممه... وياشر عل سدية(سرير المستسفى) 

ام عمار:: يااا وج اية ... شنو هااي...

..التفتت عل السدية... مكاني كله دم... ضليت مصدومه

 شنو هذا.. اباوع على عمتي .متعجبه. .....راسا حسيت بوجع ولوية قوية....

ام عمار:: امشي للحمام.... غسلي حتى تشوفج دكتورة...

دخلت للحمام غسلت ... وطلعت..رحنه على الدكتورة

....كالت هذا مو اختصاصي لازم تروح مستشفى نسائية.... بس اشوف عمتي تصوفرت. ....

اية:: عمة فدوة يعني شنو ماات الطفل....

ام عمار:: لا يمه ان شاء الله ماكو شي. ..

..طلعنه لعلي..جان  .اعصاب فووول ... اخذنه لمستشفى نسائية...  دخلنه اني وعمتي...  الدكتورة ....فحصت النبض مالطفل. ..

الدكتورة:: للاسف الطفل.مبي نبض...

اية::دكتورة شنو مبي نبض قبل اسبوعين سويت سونار. الطفل كولش زين شتكولين....

ام عمار:: لا حول ولا قوة الا بالله 

الدكتورة:: هاي قبل اسبوعين الحجي.ماما ..مأذية نفسج شايلة ثقل....؟؟

اية:: فدوة دكتورة تاكدي...الله يخليج...

الدكتورة:: اسفة صدكيني الطفل ميت... كولي الحمد لله على كل حال.... بعدج شابة والعمر كدامج.. لا تبجين ولا تنقهرين... باجر الصبح تجين .. حتى نسويلج عملية( كورتاج) حتى انزل الطفل... ... 

ام عمار؛: يصير خير دكتورة... مشكورة

كومتني عمتي تواسي بيه . ورادت اتطلعني... بس اني ابجي ابرود مااعرف ليش....قلبي محروك حرك على طفلي... واحس نار تطلع مني... يربي.  ...كل يوم ضربة على راسي... 

صح جنت مرايدة هذا الطفل... بس هسة تعلقت بيه... واريدة....تلكانه. علي واني امشي.. بدون وعي... صعدت السيارة....عمتي ضلت تحجي وياه....انتبهت.

 ...ضرب السيارة حيل بايدة... ويصيح....بس احس روحي صرت باردة حتى الدموع  توقف...

صعدت عمتي يمي وحضنتني... واني احس روحي بعالم ثاني.... 

الطريق كوله ..اني صافنه.. . مااعرف. بياعالم اني تفكيري وكف.. احس الحياة كلها   وكفت...

وصلنه للبيت .. وتلكنه البنات...وعمي.... واني اشوفهم بس مااحس بشي.. ولا اسمع شي... صعدت بوجهي للغرفة...كعدت عل جرباية... واحس حرب داخلي اريد ابجي اريد اصرخ

 بس مابيه....

دخلت عليه منى ومها يبجن ويحاولن يواسني...واني جسمي يمهم. بس عقلي وتفكيري متشتت...حاولن يوكلني... بس رفضت...درت وجهي عنهم وتمددت....غفيت... للصبح كعدتني عمتي...

ام عمار:: هاا يمه صباح الخير.. يله كومي نروح للمستشفى...

..كمت حتى بدون مااحجي...غسلت .. وبدلت ملابسي... ونزلت ...منتظرتهم ياخذوني... كعدت عل كرسي واحس روحي ميته...بجسد يتحرك   كلشي فقدت بهالحياة حتى الطفل الشي الوحيد الحبيته وتعلقت بي راح مني... 

ام عمار:: هاا يمه اية كومي عمج يريد يحجي وياج...

دخلت للاستقبال جان كاعد هو وعلي... كعدت بصفه...لزمني  وباسني من راسي... 

ابو عمار::  بووية الله يعوضج.. ان شاء الله...لا تنقهرين

 بعدج صغيرة والعمر كدامج...

اني بس اهز براسي.. علي راسا طلع من الاستقبال... بقى عمي يحجي وياي بس اني كلمه افهمهة و10 لا... اجتي. مها باستني.. واخذت من خاطري واجت ويانه للمستشفى.

. دخلنه لمستشفى كولش حلوة .اهليه...كعدنة بغرفة .. وعلي يكمل بالاجراءات...

اسمع عمتي تخابر وتنطي عنوان المستشفى...بس مفتهمت تحجي ويامن.... دقائق .ودخلت عمتي وعمي...

شفتهم حسيت روحي ردت...عمتي مبين من عيونها جانت شبعانة بجي... حضنتني وكامت تبجي..واني هم.طلعت حركتي كولها وبجيت ...

.عمي ياوسي بيه... ... دخل علي .... وياه دكتورة. 

 كتبتلي سونر.. وتحاليل... سويتهن كولهن ودخلوني غرفة 

العمليات..

اول عملية بحياتي اسويها....دخلت لغرفة العمليات مرعوبة...نسيت كل همي وافكر بالعملية وشراح يصير وياية ... خدروني .. 

.. ورى ماصحيت من البنج .. فتحت عيني كلهم حوالي.. عمتي وعمي وعمتي ام عمار ومنى بس علي..ماكو ومو

مهم... 

حسيتهم شكد يحبوني...فرحت بداخلي...رغم كولشي... ورى ساعات.. دخل علي.. واني كارهتة لان كل الصار بيه بسببه انفضحت وابني مات. بس هم لاحظته مكسور ومقهور على ابنه 

..عمي صاح علي تعال يم مرتك...وكف يمي وكام يمسح على راسي...واني مطايقته... بس لان عمي واكف ...

علي:: حمدالله على سلامتج...وباسني من راسي... 

هزيت براسي ودرت وجهي...بقوا يسولفون.. واني عقلي مو يمهم...حاولت عمتي تحجي وياي...بس اني بالي مو يمها... 

صار اليل واجتي الدكتور جيكتني وشافت ضغطي....كالت تكدرون تطلعونهة.... علي وعمي طلعوا برى حتى اغير ملابسي 

كمت على حيلي...وشفت صندوق صغير على الميز الجانبي...لفت انتباهي...سالت عمتي.. 

اية:: يمه شبي هذا الصندوق  ؟؟

عمتي::مابي شي يمه ...

اية:: لا يمه الله عليج...

ام عمار:: يمه غراض المستشفى... شعلينه بيهم... ....عمتي وعمتي ام عمار ..يحضرن بالغراض ويلمنها..

صار عندي فضول اعرف شنو هذا.. غافلت عمتي .. ورحت جبته.. وفتحته... 

لكيته طفلي... اني شفته... ورجليه مشالني كعدت بالكاع 

معقولة طفل كامل...ايدين ورجلين بس اصغر من الكف اني شفته.. وكمت.اصرخ وابجي ..لحد مافقدت....

عمتي ام عمار اخذت مني الصندوق..وعمتي ومها يسكتن بيه.....اني فقدت حسيت نفسي.انهاريت....

..دخل علي.. شالني.. وخلاني على الجرباية....كمت اضرب 

بيه على صدره 

:؛وخر عنييييي... كله منك ... كله منككك ...

. 

حضني وكام يبجي... بالبداية قاومته  وحاولت اوخره عني... بس بعدين سكتت 

.. شوية شوية بديت اهدئ... لان تعبت.. من البجي والهبطات... ...

طلع علي يجيب كرسي متحرك.. ..نزلوني ورجعنه للبيت بس عمتي وعمي طلبوا اروح وياهم...للبيت .. وصلونة علي وعمتي ومها ... طبيت لبيت عمي... تلكتني مرت عمي ... وبنات عمي محضراتلي الغرفة.. بوجهي دخلت للغرفة...ونمت بعد محسيت بروحي.... لحد ثاني يوم العصر ...كعدت حسيت نفسي جنت بغيبوبة تعجبت على نفسي نمت هلحد... اجتي عمتي...

 عمتي:: هاا يمه ايووو ... صح النوم

اية:: شكرا...ليش خليتيني نايمه هلكد...

عمتي:: انتي تعبانه... كلت خليهة على راحتهة ... 

مرت عمي:: صح النوم يحلوة... حمد الله على سلامتج ..

 حبيبتي. الله يعوضج ان شاء الله .. البارحه ملحكت اكولج. قبل نمتي...

اية:: تسلمين عمة ... ايي والله جنت تعبانه مووت... الحمد لله على كل حال. 

مرت عمي:: يمه رهوفة حضري غدة لاخيتج ....

اية:: لا مااشتهي..

عمتي:: شنو متشتهين من البارحة انتي مماكلة لا تسوين هيجي..

مرت عمي:: لاعمه شلون متاكلين حضرتلج ذيج الشوربه التستاهل حلكج... 

اية:: والله مااشتهي... 

مرت عمي:: فكي ريقج بهالشوربه .. لا تعاندين انتي هسة بحساب نفسة...

رهف:: يمه هلا.. اشرقت وانورت ... اخير الكمر كعد... 

اية :: هلا يعمري... وحضنتني حيل... اووف شكد جنت مشتاقتلج .. وين سالي..والبنات...

رهف::سالي تدرس كالعادة

 يعني شنو تتوقعين..غير الدراسة هسة حاصيحلهة يله احضرلج غدة واجيج...

مرت عمي (ام حسن):: بس والله الله يحفضه زوجج

.. كتل روحه كتل.من دخلوج للعمليات ..حار شيسوي.يطب منا ويطلع منا.. والتطب والتطلع يسالها عليج.. وكل شوي

 لازم وحدة منطيهة فلوس ..بس ديربالج على اية...

اية؛: اي.كدامك غير... 

ام حسن:: لا والله مو كدامنه.. بس اني ضليت اباوع علية لان شفته لزم وحدة مدري شبسبس وياهة.وانطاهة فلوس.. ورى شوية هم طلعت غير وحدة.. .هم لزمهة...وانطاهة فلوس. .. وكذا....

دخلت سالي بنت عمي تركض....

سالي:: ايووو يعمري... حمد الله على سلامتك يروحي... متشوفين شر...

اية:: تسلمين حبي...الشر مايجيج...

رهف:: وهاي شوربة لاحلى ايوو بالدنيا...

اية:: شكرا حبيبتي... 

كعدت اكل.. وعمتي ومرت عمي وبنات عمي يحاولن يغيرن من نفسيتي.. ويضحكن بيه... شوية وخابرت عمتي ام عمار. على عمتي... كلتلهة اليوم بالليل نجيكم..وسالت عليه.

. وسدته

 ولليل اجوي كلهم تقريبا عمتي وعمي ومها ومنى وعلي ومحمد... 

دخلت سلمت عليهم ...على عمي وعمتي وصلت المنى سلامهة كان مو مثل متوقعته ....نظراته غريبة ومتخلي عينهة بعيني... 

.عبرتهة وسلمت على مها.. ومحمد...

محمد.:: هلا والله بالضلعه...حمد الله على سلامتج خيتي..  وياشرلي بعيونه عل باب الجوة مالبيت....

اية:: الله يسلمك ...وضحكت.. لان ادري بي يحب رهف بنت عمي... 

..

وصلت لعلي.. 

 علي:: حمد الله على سلامتج.. ومد ايدة...

اني هم مفشلته.. ومديت ايدي.. جرني وكعدني بصفه... اووف ميتوب من هالتصرف.. 

بدوا عمي .عمي ابو عمار .سوالف وعمتي ام عمار.. هي وعمتي...

التفت عليه علي وبهمس..

علي:: شوكت ترجعين للبيت..؟.

اية:: يابيت..؟؟

علي:: شنو يابيت... بيتج ...

اية:: بدون مااباوع عليه... لا ماارجع بعد هذا هو...

 انته سترت عليه واتزوجتني وصلحت غلطتك. بعد شعندك وياي  والطفل وراح .. بعد على شنو ارجع...

علي:: ترجعين لبيتج  .. لزوجج.. واذا بالنسبة الج صلحت غلطتي.. فزواجي منج ماصلح غلطتي..من ترضين وتسامحيني ذيج الساعة اكول صلحت غلطتي ..

اية:: واني عمري مااسامحك... ولا يرف قلبي عليك.

..لان انته بالنسبة الي.. مااريد اكول هسة الناس كاعدة...

علي:: لا كولي... اني اريد اسمع شنو اني بالنسبة الج...

اية:: اني كتلك انته شنو بالنسبة الي... يوم الي ضربتني تذكر...وبعد كلام بداخلي... مااكدر احجي هسة...

علي:: اوك هذا الكلام من نرجع لبيتنه كله نحجي وكلمن

 يفتح قلبه للثاني...

اية:: لا حبيبي انسه... اسفة قصدي لا عيني... هذا الشي مستحي يصير...

علي::احلى كلمه حبيبي .. صح بالغلط بس من السانج تخبل..

اية:: كملت... رجعه الك ماارجع... وكلامك المعسول لا تحاول.وياي .. لان مستحيل اتقبل منك اي شي...فلا اتعب روحك...

علي:: باعي اني باجر اروح للدوام... ان شاء الله من ارجع بسلامه يصير خير 

اية:: اهاا هيج.واثق...نشوف.....