رواية الدنيا دوارة الفصل الثامن بقلم ناريمان
كان عماد مخليني على راحتي وفي نفس الوقت مش مقصر يحاول يرضيني بكلماته ولمساته وانا قلت لما نشعفه
.
العصر نزلت عند العيلة
عمتي.. بنيتي وضعك كويس توا في الحمل
انا... اي الحمد لله الأسبوع الجاي بنمشي نشوف جنس العيل
عمتي.. ربي يرزقك بوليد
انا.. حتى البنوتة تهبل نبي بكري بنت
عمتي.. اعوذ بالله من فالك احنا نبو ولد يشيل اسم بوه والعيلة بنات لا جيبي ولد ولدين بعدي جيبي المحثن
انا.. وانا شن دخلي هذا امر ربي
عمتي.. انا قتلك بنت لا جيبي ولد
توا هاذي كيف بنتفاهم معاها
انا.. يصير خير
امنية.. كانت جنبنا وجوها عادي تلعب بفونها
انا.. حقا ياعميمة بش تتفضلوا الإربعاء على فاتحة خوتي
عمتي مبروك عليهم وربي يهنيهم
وانا من دون قصد جت عيني في عين امنية ونصدمت كانت قريب ادمع وجهها احمر وناصت بسرعة مشت لدارها عمتي ماركزتش وانا زي اللي شكيت
عمتي.. توا تقوليلنا على العرس
انا.. انت ادرى ياعميمة انا المدة هاذي كلها نمشي عند اماليا والحق العرس من الاول انه في الشهر هذا بس ماقررناش اي اسبوع الا توا... خلي نشوف امنية ترا شن نبي منها ومشيتلها لقيت الدار مفتوحة وهي عالسرير تبكي بحرقة.
جيتها انا.. منيوة خيرك حبيبتي شن صايرلك شن فيه
امنية.. شي مضايقة بس
انا.. نقولك مية مرة اعتبريني اختك وفضفضيلي
امنية.. مافي شي
انا.. انت تحبي يوسف
امنية😱
انا.. قوليلي مش عيب راه وماتتحشميش مني
امنية.. اي نحبه وحبه لازم يموت.
انا.. خيرك ماقلتيش من الأول راه درت راي راه ماخليتاش يخطب غيرك وانت تبيه وانا والله مانلقى خير منك خيرك ماقلتيش بس
امنية.. هو شافني وماعبرنيش خلاص كنت نبيه لما يشوفني يحس بالحب الشعور اللي حسيته انا لما شفته لكن هو مادورنيش معناها من الاساس مامليتش عينه معش نبيه يايحبني بروحه يا لا مانبيش حد يتوسطلي عنده 😭😭🤣 اااااه يارب برد ناري غزل هو يحبها ولا
انا😢😭.. لا شافها وعجباته خطبها طول بس مش حب
امنية.. شن ناقصني انا باه
انا.. نصيب ياحبيبتي
طلعت وخليتها وكان جوي شين وتنكدت عليها ووجعتني امنية حساسة هلبا وواضح انها تموت فيه اااخ خخخخ لو ماكنتش عريس يايوسف راه زبلتها عليك معناها هو اللي كلماته عالنت وقصة انها مش محترمة
حسيت الدم فار لراسي وعصبت وقعدت نسحن عليه وجعتني امنية زي نفسي تَالبنت لو يلف الكرة الأرضية مايلقى زيها
.
عماد في المحل
. كنت نشتغل على تحديثات جديدة لين جتني البنت هديكا وكانت مستكردتني
البنت.. السلام عليكم
عماد.. وعليكم السلام
البنت.. لو سمحت نبي سماعات لاب كويسات ونبي انزل كذا برنامج انتي فايروس
عماد.. تمام خللي جهازك وتقدري ترجعي تلقيه جاهز عند الحارث
البنت. َاوك
وطلعت
حسيت بشعور بايخ ان فاتتني
اصعب شي عاد راجل يحس ان المراة بدل ماكانت تبيه وبتهبل عليه تفوته مايحبوش شعور الرفض بكل
كملت شغلي ورجعت للحوش المغرب
.
لما تنكدت على امنية مشيت اتصلت بيوسف درتله عركة هكي وخلاص بلا سبب هزبته وسكرت
يوسف في باله انها حامل وممكن تتوحم مادورش
انا فشيت شوي في غلي وارتحت مشيت طيبت العشاء درت شكشوكة عماد يحبها هلبا وشوي ودخل وماعدلش عليا
عصبت في الاول بعدين قعدت نفكر لو بياخذ على قلتط وغيابي مش حانستمروا في علاقتنا لازم نتنازل شَوي نشوف شن قصته
بدل حوايجه وقعد عالسرير جيت حطيت ايدي على كتفه
انا.. عماد خيرك
عماد.. محتاجك جنبي
انا.. وانا جنبك ومعاك
عماد.. يعني سامحتيني
انا.. اي سامحتك لسببين الأول انك حكيتلي وواعدتني والثاني انك درت لنفسك حد ماتجاوزتاش بس ياعماد عالقدر اللي نسامح بيه اكبر منه نجفى الا الخيانة لا تغتفر لو خنتني مستحيل بنقعد معاك لان اللي يخون معناها يبيع شريكه وانا لو بعتني مستحيل مزال بنفكر فيك وحانمحي اسمك من حياتي
عماد.. بعيد السو علينا ماتصدقيش ياروحي قداش مستاحشك ❤️💋
.
عمتي.. ياحاج هيا امتا الفاتحة
عمي.. بنديروا عرس مرة وحدة
عمتي.. خايف تقول بالوسع
عمي.. واهو قلنا توا شن بيتغير
عمتي.. باهي امتا العرس
عمي.. كان هما جاهزين نديروا بعد اسبوعين
عمتي.. ووه مانلحقوش
عمي.. كلميهم قبل
.
امنية
نزل مستواها في القرايا وهي اخر سنة كانت تحسب في اليوم اللي بيتزوج فيه حبيبها وقررت انها تمشي وتشوفه معاها يمكن هكي تنساه وتحاول تحقد عليه
.
عامر ورحمة
عامر..ياحبي انت المهم جاهزة ولا
رحمة.. اي لكن مش راي هذا مفروض بالوسع هكي تجيني وتقولي بعد اسبوعين
عامر.. ماهو في الفضانية عطيتك فلوس العرس معناها بالوسع مفروض شريتي
رحمة.. يلا تمشي توا نضغط على روحي
عامر.. ايوا هكي الصح لان خلاص اسبوعين وتكوني في حوشي😍
.
وصل عرس محمد ويوسف
خطيبة يوسف اسمها امل نفس عكر امنية بس هي متخرجة من اللغة العربية
العرس كان مش زحمة هلبا لان احنا مانطلعوش للناس هلبا يعني مختصر على عمامي وخوالي وجيراننا وشوي اصحاب كلهم كلهم مايجوش 170 نفر ماما بحكم عاشت سنين في سوريا قعد فيعا طبع ماخلطتش هلبا عالناس وانا وغالية ديما نلوموا فيها
وخذينا كل شي على اصول اصوله ويوسف ومحمد جابو شركة خدمت الجنان وقلباته وانا وعماد 5 ايام نلفوا في المحلات لين شريت لبسات وقفطان سهرة حلو وبطني بدت تطلع شوي والحمد لله حملتي ساهلة ماتوحمتش هلبا ولا شي وشريت مكياج مش عارفة علاش مع ان بنمشي للمزين وغالية جايبة طقم شغالات من يوم الثلاثاء ليوم الخميس
وبدت اجواء العرس لميت دبشي كله وهاجرت عند اهلي وعزمت صاحباتي منى وسهى
يوم الاربعاء كان يوم القفة لبسنا ومشينا احنا وصبايا العيلة وكانوا حمودي واوسيفة لابسين زبون يجننوا طالعين وفرحتي مش سايعها شي اخيرا شفت خوتي عرسان وكانت عزمتنا الاربعاء لبست قفطاني لونه وردي فاتح ومخيط فيه ورد وخاص بالحوامل وشعري نفخته ودرته فلو ومشت للمزين ودرت مكياج نازك يمشي عالقفطان وطلعت نجنن وغالية لبست عالبوردو اللون مطلعها حلوة وقصت شعرها ومشينا لقينا الشغالات قايمات الواجب معاهم ماما وخالتي وجو منى وسهى كانو لابسات على سنقة 10 والحفلة تجنن كانت هدرزنا و رقصنا جبنا زمزمات وعماد يتصل بيا مارديتش ومنى كانت تتجاهل فيا ماعرفتش ليش ومش فاضية بش نسألها
💃💃💃💃💃
بعد ماروحوا الناس استعجلت امتا بدلت وكنت متكسرة ماتحملتش القفطان ورديت على عماد
عماد.. وينك مليون مرة نتصل
انا.. كنت مشغولة ودوشة ماسمعتش
عماد.. باهي نجيك نروح بيك
انا .. جنيت كيف نروح
عماد.. مستاحشك ونبي نشوفك بالقفطان😍
انا.. صحة النوم بدلت وغسلت
عماد.. تي علاش الهم علاش
انا.. عماد انا مش فاضية غدوا يتم العرس ونروح باي توا
وسكرت عليه وهو يغلي
ومحرفها من ليلة على عماد لانه رومنسي ويحب الاهتمام وغزولة المرة هاذي فاتاته
.
الخميس من الصبح لمينا الحوسة وجهزنا الكوشة ولبسنا وبدت الناس تجي
.
امنية.
كانت حايرة شن تلبس لان هذا اليوم اللي بتشوف فيه حبيبها ينزف لغيرها كان وضع امنية في النازل بس الشي الوحيد اللي كانت ادير فيه هو الدعاء في الصلاة كانت تدعي ان يوسف يكون نصيبها بس اهو توا نصيب غيرها
امنية.. الحمد لله على كل حال خيرتي مش فيه اكيد لو كان يناسبني كان ربي قربه ليا😭
وفي الأحير لبست بنطلون اسود وعليه بلوزة من غير كمام ترتبط في الرقبة وقامت شعرها ودارت ميكب خفيف وطلعت تحفة تجنن لانها مش من النوع اللي يمكيج ونادر تمشي لعرس يعني متغيرة هلبا
.
جت عمتي وامنية وقعمزوا مع ماما وانا وغالية قعدنا كل مرة نسايروا حد بس لما شفت امنية كيف لابسة زي الغزالة وباين عليها الحرن غمني قلبي وتمنيتها هي العروسة بس نصيب
وهكككككككي لين مشوا العرسلن وكشينا معاهم كانت رزان مرت محمد تهبل صح شكلها عادية بس روحها حلوة عاكسة عليها وهو فرحان قريب يطير ومشينا بعدين لأمل عروسة يوسف كان لوكها فخم وراقي بس كانت عابسة وتشوف للناس بتكبر مادورناهاش قلنا اكيد توتر عرس وهكي ويوسف كان فرحان
روحنا بيهم لحوشنا ودخلنا لفرحنا وانا لهيت نصور معاهم
امنية
. شافت يوسف وقلبها وجعها وهي تشوف لحلم حياتها يضيع قدامها ومن الصدفة ان يوسف جت عينه في عينها وقعد يشوفلها شوي وهي مانحتش عينها من عليه تشوفله وتحاول تحفظ كل جزء فيه لين كل واحد خذا عروسته ورح وهي روحت للحوش بكت كل لحظة فكرت فيه
.
الجمعة درنا محظر ويوسف ومحمد باين الراحة في عيونهم بعد اول ليلة ومحضرنا درناه في صالة ورقصنا وهيجنا اكثر من ايام العرس عمتي وامنية مابوش يحضروا لأنهم يجهزوا لعرس عامر الخميس الجاي
عماد زعلان مني وبعد الفترة هاذي عليا يطلع من الصبح يروح في الليل بس جاء الوقت اللي بنشوف فيه جنس البيبي مشيت انا وياه وبعد الف واسطة دخل معاي للدكتورة
الدكتورة.. شن تتوقعوا
انا.. مش عارفة اللي يجيبه ربي يامحلاه
عماد.. المهم الصحة والخلقة التامة
الدكتورة.. اووووو مبروك عليكم البنوتة السمحة
انا😍
عماد. 😍
الدكتورة.. وضعك كويس ياغزل والبنوتة صحتها كويسة التزمي بالأدوية والمراجعات
انا.. تمام
وروحنا
عماد.. الله بنوتة سمحة نسختك هذا اللي نبيه
انا.. توقعتك تزعل
عماد.. علاش
انا.. لان امك تبي ولد
عماد.. هذا ايام قبل توا مافيش فرق
انا.. باهي ماتقول لحد بالله عليك
عماد.. حاضر بس شن بنسموها
انا. َنسموها الماس خاطري فيه
عماد.. تم يا ام الماس.. نوصلك وبنرجع للمحل في شحنة جديدة بتوصل لازم نستلمها انا
انا.. تمام
وصلني ورجع لشغله وانا ركبت من غير مايحسوا بيا وطول رقدت
عماد
مشيت للمحل وقعدت نرتب في الباضعة جيهة البيع وجيهة الصيانة لين سمعت صوت نعرفه كويس وفكرت فيه هلبا
..... السلام عليكم
والتفت
