رواية اسيرة عشقه القاسي الشخصيات
مراد الحديدي
في التلاتينات من عمره قوي الشخصية وبيتميز بالرزانة والحكمة والحدة في أوقات الجد ويعتبر راجل المواقف الصعبة من الطراز الأول وهو الملجأ والسند لكل أفراد عيلته.
------
حازم
عنده ٣٣ سنة اخو مراد الكبير من الأم وقريب جدا منه لكن عكس شخصيته تماما خفة دمه وروحه بتخليه محبوب من كل اللي حواليه.
------
شريفة
عمة مراد شخصية طيبة جدا وبتحب كل أحفاد العيلة وبتعتبرهم أولادها عندها بنت وحيدة وعد ودي بقا لا ينطبق عليها مثل اقلب القدرة على فومها تطلع البت لأمها لأن شخصيتها عكس والدتها تماما جواها حقد وغل كبير تجاه الكل باستثناء مراد طبعا لأنه هو اللي ساكن قلبها رغم تجاهله ليها.
-----
فريدة
ودي بقا نقول عليها منبع الشر في العيلة مرات عم مراد بتحب الشر لكل اللي حواليها وبتستمتع اوي وقت المشاكل والخناقات اللي بتحصل في العيلة عندها ولد وبنت
ابنها مازن عنده ٣٠ سنة دكتور وشخصيته عكس والدته تماما شخصية جادة الى حد ما وبيحب شغله جدا.
وبنتها لارين عندها ٢٢ سنة بنت جميلة ورقيقة وعكس شخصية والدتها وبعيدة كل البعد عن مامتها لأنها بتعاملها بقسوة وبتكره كل طرق والدتها واساليبها عشان تسيطر عليها.
------
خالد
خال مراد وحازم شخصية حقودة جدا وبيكره مراد وحازم لأنهم بينافسوه في شغله ومراد بيكرهه لأسباب غامضة هنعرفها ونشوفها سوا عنده ولد وبنت.
ابنه ادهم ٣٠ سنة من عمره ظابط وشخصيته جادة وحادة جدا وبيحب شغله جدا كمان.
وبنته رفيف بنت في العشرينات من عمرها بنت خال مراد وحازم وبتدرس في اخر سنة في كلية تجارة بنت في منتهى الجمال والرقة ولو هنقول اهم شخص في حياتها يبقى مين فبالأكيد اجابتها الوحيدة هتكون مراد الحديدي اللي ساكن قلبها من وقت ما كانت طفلة بضفاير.
