رواية المعلمة شيكا الفصل العاشر
المسحراتي: اصحي يا ست شيكا طعمه حلو ومزيكا
شيكا: ايه يا عم عليوه متروح تسحر باقي اهل الحاره
وهنا يقترب سماره منهم
سماره: لأ ما هو اصل السكر اتعقد تحت بيتك اما احنا مش مهم
شيكا: اللهم طولك ياروح انا بتخنق بسرعه وصابحين صايمين
نعمات: سيبك منه وتعالى نتسحر
وها هم يجلسون ليتناولو سحورهم
شوقيه: ايه ده يا اما في لسه في حد بيتسحر فول
نعمات: اه اختك
لتضحك شوقيه
شوقيه: عشان كده دماغها مصفحه
شيكا: يا بنتي الفول ده مسمار البطن وانا واقفه علي رجلي طول النهار
نغمات: انتي يا اختي اللي بتجري علي الشقا مترتاحي هو احنا يعني ناقصنا فلوس
شيكا: كل سنه وانتي طيبه يا اما
محمد: متسيبوها يا جماعه براحتها
شيكا: والله انته امير. وسيد الناس يا جوز اختي
محمد: طاب بما انك هاديه كده عندي ليكي عريس جاهز وزي الفل
شيكا: معلش ياجوز اختي مبفكرش ف الجواز دلوقت انا شبعت هعمل شاي تشربو معايا
نعمات: كملي اكلك انتي صابحه صايمه
شيكا: لاء خلاص الحمد لله شبعت
شوقيه: اعملي للكل بقي وتعالي نشربه ف البلاكونه
وبعد أن أعدت شيكا الشاي
شوقيه: انا هخش اشوف دماغها فيها ايه بنتك المجنونه ديه
وها هيا شيكا تقف ف البلاكونه تشاهد الحاره وجمالها قبل الفجر
لتدخل عليها شوقيه
شوقيه: وانتي يعني وبعدين معاكي يا ست شيكا
اما منجي فكان يجلس في بلاكونه شقته يشرب الشاي أيضا
شيكا: اما وبعدين ف ايه عايزه مني ايه
شوقيه: عايزين نفرح بيكي عاجبك يعني قعدتك ديه من غير جواز وبتحبيلي سي تحفس افندي استاذ التاريخ منجي افندي وهو لا من مقامك ولا من وءمك وفوق كل ده مش حاسس بيكي انتي فاكره اني معرفش انك بتساعديه بطريقه غير مباشره حسابات ايه اللي يظبطها لاء وايه مدياه مرتب تلت آلاف جنيه وهو كله ميسواش تلاته جنيه فوقي لنفسك ده مدهول علي عينه
شيكا: شوقيه انا مسمحلكيش وبعدين دية فلوسي وانا حره فيها انتي مش خدتي حقك كله
شوقيه: يا عبيطه حقي ايه وحقك ايه انا خايفه عليكي ده فلاح يعني ناصح ومدقدق
شيكا: خشي نامي رمضان كريم متخلينيش ازعل منك واروح اقعد لوحدي ف بيت السيده زينب
شوقيه: انتي كده اللي يدلك علي مصلحتك يبقي غلطان
شيكا: بحبه غصب عني الحب مش بأيدينا هو انتي يعني لما حبيتي محمد كان حد وقف ف طريقك
شوقيه: محمد مدرس وملو هدومه وعمره مقرب من جنيه من مالي وراجل ابن اصل وعنده اللي يكفينا وزياده
شيكا طاب يا ستي ربنا يغنيكو كمان وكمان وبعدين خدوهم فقرا يغنيكم الله
شوقيه الكلام ده لو هو حاسس بيكي
شيكا مسيره يحبني زي ما بحبه واكتر
شوقيه اه تكوني عجزتي ويسيبك ويروح يدور علي واحده صغيره
شيكا وبعدين بقي انا داخله انام عندي ماءده الصبح وهم ميتلم
شوقيه ياسلام يا اختي عايزه تاخدي الثواب لوحدك انا وماما هننزل معاكي
شيكا طاب الفطار هنا مين هيعمله
شوقيه امك عملت كل حاجه وسابتهم علي التسويه
شيكا ناصحه امك ديه
اما منجي فها هو قد سمع كل ما حدث بينهم ليقول في نفسه
معقوله المعلمه شيكا اللي ليها شنه ورنه ست الحي كله واجمل بنات اللي يتمناها الوزير والأمير بتحبني انا
شيكا اللي الكل بيعملها الف حساب ويتمنوليها الرضا ترضي بتحبني انا
انا كمان جوايا احساس حلو اوي ليها بس بكدب نفسي ايوه هيا فين وانا فين انا لازم مفكرش ف نفسي اخواتي اهم بكتير وبعدين ديه كمان بتعطف عليا ايوه ديه نظره أهلها ليا هتروح فين يا غلبان بس ايه اللي خلاها تحبني شافت فيا ايه وانا مدهول علي رءي اختها ياله اقوم البس عشان الحق اوصل بدري امي وحشتني
وبالفعل يرتدي منجي ملابسه وينزل من شقته قاصدا موقف السيارات وبعد ساعتين يصل منجي الي بلدته ومنزله
صبحيه: اخويا حبيبي وصل
اما: يا اما اخويا الاستاذ وصل
حسنيه: حمدالله على السلامه
ام منجي: نورت الدنيا يا ضنايا
منجي: منوره بيكم يا اما خدي يا صبحيه شيلي اللحمه ديه وانتي يا حسنيه سخنيلي شويت مايه عايز استحمي
حسنيه: من عيوني يا اخويا
منجي: خدي يا اما الفلوس ديه
والدته: ايه كل الفلوس ديه
منجي: اصلي اشتغلت مع المعلمه شيكا ف الدكاكين بتاعتها محاسب
ام منجي: ديه شكلها بتعزك اوي
منجي: اوي اوي يا اما
والدته: علي خيرت الله يبقي نخطبهالك علي العيد
منجي: منين بس يا اما
والدته: اه صح ده انا نسيت اقولك موضوع الأرض اتحل وفي مشتري عايز ياخدها بخمسه مليون جنيه
منجي: بجد يا اما
لتخرج عليهم حسنيه
حسنيه: اه يا اخويا بجد وقولنا لما تيجي نرد عليه
منجي: موافق طبعا
صبحيه: خلاص بعد الفطار ترن علي الراجل هو هيجي جاهز
حسنيه: وعنده طلب كمان
منجي: طلب ايه خير
والدته: والله يا ابني ده شاب يشرح القلب الحزين واخوه زيه بالضبط ونعم الناس
منجي: مش فاهم
حسنيه: اصلهم عايزين يتجوزونا انا واختي
منجي: وابن البقال
صبحيه: ده عايز واحده تصرف عليه هو وأهله
منجي: بس ابوه راجل طيب
والدته: لاء ماهو ابوه سابلهم البيت وعايش ف الدكان لوحده وهو اللي حذرنا منه
منجي: الحمدلله طاب والعرسان دول اخبارهم ايه
صبحيه: حلوين اوي
منجي: نعم
حسنيه: امي عزمتهم علي الفطار عندنا النهارده
منجي: طاب كتي عرفتيني يا اما كنت عملت حسابي
والدته: استلفت من خالتك قرشين واشتريت حاجه الفطور
منجي: طيب يا اما عملتي خير ابقي اطبخي اللحمه بتاعت المعلمه شيكا معاهم وانا هرتاح شويه وابقي اخر ج اشتري شويت حلويات
صبحيه: شكلها غاليه عندنا اوي الست شيكا
منجي: ياله يا حلوه من هنا ولا اقولك استني اما ابقي اديهم فلوس يشترو فساتين عشان يقابلو العرسان بيهم
حسنيه: ربنا يخليك لينا يا اخويا
صبحيه: تعيش لنا وربنا يسعدك مع المعلمه شيكا
منجي: اه شكلها مفيهاش نوم النهارده وقولتولي بقي العرسان شغالين ايه
والدته: تجار مواشي والبان وماشاء الله دول بيدو البهائم بتاعتهم مصر عشان تتباع هناك
ليضحك منجي
منجي: ياسلام عليكي يا اما وهيا مصر بعيده ديه كلها ساعتين خليتني احس انهم بيصدرو لا مريكا
ليضحك الجميع عليه
اما ف الحاره فها هيا شيكا تستيقظ من نومها وتنظر إلى ساعه يدها
يا ربي الساعه 11 اتاءخرت علي تجهيز الماءده اقوم اغسل وشي واصلي ركعتين وانزل استعنت بالله يا فتاح يا عليم يا رزاق يا كريم يا رب
وبعد أن انتهت شيكا من صلاتها ها هيا تنزل لتقف أمام شقه منجي
اكيد سافر
ثم تنزل مسرعه الي الشقه التي تضع بها ادوات المائده لتجد أن ام صلاح وام كرم وشفاعه ونعناعه ووالدتها واختها يجهزون طعام الماءده
شيكا: الله اكبر رمضان كريم عليكم
نعمات: لسه صاحيه يا ست البنات ده احنا قربنا نخلص
شيكا: ازاي وانتي يا ام صلاح جيتي ليه وانتي عيانه
ام صلاح: ده هو شهر ف السنه وبعدين انا بقيت كويسه
ثم يطرق عليهم سقط الباب
سقط: العيش بتاع الفته اهو يا خالتي
نعمات: جدع يا عين خالتك
شيكا: طاب ريحو انتو وانا اكمل
سقط: تكملي ايه يا معلمه المحل علي بعضه الناس طوابير
شيكا: عينك طيب هتجيبنا الأرض روح وانا جايه وراك
سقط: حاضر بس انا عيني بارده اه والله بارده
ام صلاح: انته كلك علي بعضك بارد
شيكا: اتكل بقي
ليخرج سقط ويتركهم
شيكا: ابعتلكم لحمه تاني
شوقيه: لاء ماشاءالله خير ربنا كتير
شوقيه: بقولكم ايه انا هطلع ارتاح بقي ده احنا قاعدين من بعد صلاه الفجر
نعمات: اطلعي مش فاضل غير صلصه الفته
شيكا: الله ينور عليكم هروح انا اشوف المحل واخلي العيال يظبطو العصاير
نعمات: ما انتي نمتي يا بختك العصاير كلها اتعملت وف التلاجه وجوز اختك بيعمل السلطه يا قلب أمه
شيكا: فين شوقيه
انتي مدخلتيش المطبخ ده شغال زينا بعد صلاه الفجر
شيكا: يعني انتو هتاخدو كل الثواب اروح شغلي احسن
وتتركهم شيكا وتذهب إلى دكانها
شيكا: ايه ده انتو مبتاكلوش لحمه غير ف رمضان كل سنه وانتم طيبين اللحمه سعرها هينزل ٥٠جنيه يعني الكيلو ب ٣٠٠جنيه
ليفرح الجميع
ربنا يخليكي لينا يا ست المعلمين
شيكا: تعالي يا لقط جهزلي لحمه المهندسه تقي عشان هتعدي تاخدها بعد الضهر
ويمر الوقت وها هو اذان العصر
شيكا: شطبو بقي واتشطفو عشان العصر وجب
وهنا تدخل عليهم سنيه
سنيه: السلام عليكم
شيكا: وعليكم السلام
ليراها سقط ويترك الدكان ويخرج
شيكا: تعالي اتفضلي كان نفسي اضايفك بس رمضان كريم
سنيه: الله أكرم
شيكا: خير
سنيه: أصلي سمعت انكم عاملين ماءده رحمن فقولت اجي اسلي نفسي وافطر عندكم
شيكا: تنوري بس يعني انتي جايه بدري اوي
سنيه: عشان احجز مكان
شيكا: طاب تعالي معايا
سنيه: فين
شيكا: تساعدي معانا ف تحضير الفطور
سنيه: انتو عاملين فطار ايه
شيكا: فته ولحمه وسلطه ومخلل بس قوليلي معلش يعني ف السؤال هو انتي محتاجه عشان تاكلي ف الماءده
سنيه: مش انتو عاملين ده عشان رمضان
شيكا: اه الغلابه أو حد اتاءخر علي الفطار أو حد محتاج
سنيه: ما هو انا منهم
شيكا: طيب هتيجي معايا
سنيه: لاء اصلي افتكرت حاجه هروح واجي قبل المغرب بشويه عشان احجز كرسي
شيكا: وماله
وتتركها شيكا وهيا تضرب كفا بكف
ايه الوليه ديه
