رواية المعلمة شيكا الفصل الحادي عشر
وتتركها شيكا وهيا تضرب كفا بكف
ايه الوليه ديه
وهنا تدخل شيكا شقه الدور الأول
شيكا: ايه يا جماعه ايه الاخبار
ام صلاح: قربنا نخلص اه
شيكا: عيالك فين
ام صلاح: ف البيت
شيكا: يا وليه كتي جيبتيهم معاكي
ام صلاح: ما انا هخلص واروح اعمل فطار
شيكا: من أمته ده إنشاءالله كلنا هنفطر سوا
ام كرم: مش هينفع عشان الاستاذ محمد ياخد راحته
شيكا: ياريت الناس كلها زيه ده ابن بلد وبيحب اللمه من بعد خالتي وجوزها ما سلمو الامانه وهو ملوش حد غيرنا ودايما يقول أنا بتدفي بيكم أنا هبعت حد يجيبهم ومش عايزه اسمع الكلام ده تاني
بس اهي الست ام عمرو نزلت اهيه وكانت نادين تختبيء خلف والدتها
لتخرج نادين من خلف والدتها
اسمها ام نادين
شيكا: طيب ايه رءيك اجيبلك فاطمه وصلاح يلعبو معاكي
نادين: اه ياريت بس انا جعانه اوي هو لسه فاضل كتير علي الاكل وبعدين هو احنا بنصوم ليه وكمان عندنا اكل كتير اوي
شيكا: بنصوم عشان نحس بالفقرا وكمان عشان نقوم نفسنا ونعلمها أن مش كل حاجه تعوزها نجيبهالها يعني مثلا انتي لما تشوفي حد فقير جعان هتعملي ايه
نادين: هديله اكل طبعا
شيكا: شاطره ربنا سبحانه وتعالى خلانا نصوم بقي عشان نحس نفس شعور الفقير ونعطف عليه
نادين: خلاص فهمت هاتي بطه بقي وصلاح عشان نلعب بالفوانيس
شيكا: من عيني بس قوليلي يا شوقيه هو جوزك بيضايق من لمه الناس اهو هيضايق لو الجماعه فطرو معانا
شوقيه: بالعكس ده طيب جدا وبيحب الناس كلها
شيكا: صدقتي يا اختي المهم امك عامله حسابها ولا هنفطر علي الماءده وانا اللي فاتحه صدري ومعرضاها اوي
لتضحك عليها شوقيه
شوقيه: امك عامله ماءده هيا كمان ولما ساءلتها ليه الاكل ده كله قالتلي عشان الحبايب هيفطرو معانا
ام كرم: ربنا يخليكي لينا يا ست نعمات انتي والمعلمه شيكا كت ناعيه هم اني اول يوم رمضان افطر لوحدي
شيكا: ومين اللي كان هيسيبك تفطري لوحدك بقولكم ايه انا هطلع اتشطف واغير واقرء ف المصحف وساعه وهنزلكم عشان نوضب الماءده
اما ف بلده منجي فها هو منجي يتوضأ ليصلي العصر إماما بوالدته واخوته البنات
وبعد أن انتهى من الصلاه
منجي: اما هما الجماعه جايين أمته
صبحيه: خد رقم ماهر من تليفون امي وكلمه
حسنيه: يا سلام وميكلمش نادر ليه
منجي: بس ايه مالكو رمضان كريم هاتي يا اما رقم ماهر أكلمه واقوله اني وصلت واقوله كمان ييجو يقعدو معايا قبل الفطار احسن الواحد بيفطر من هنا ويتنح من هنا كاءن الاكل فيه بنج
ليتصل منجي علي ماهر وبعد التحيات والسلامات
منجي: هات نادر وتعالي نقعد شويه ف الأرض قبل الفطار
ماهر: بفرحه ثواني ونكون عندك سلام بقي
منجي: ايه هو مجنون وله ايه ده ما صدق
حسنيه: طبعا لازم يتهبل مش هيناسب الاستاذ منجي بحاله
منجي: اه يا بكاشه
صبحيه: هو احنا هنقعد معاكم وانتو بتفطرو وله هنفطر لوحدينا
حسنيه: هنقعد معاهم طبعا عشان نشوف طريقه العرسان ف اكلهم مش جايز يطلعو مفاجيع
منجي: لا والله عليا انا الام
ربنا يبختلكم ويسعدكم يا بناتي وعقبال منفرح بيك يا منجي يا ابني
وبعد عده دقائق يتصل ماهر علي منجي
ماهر: احنا ف الأرض اهو انا ونادر
منجي: طيب انا جاي حالا ايه ده هما لحقو اما قولتيلي هما ساكنين فين
حسنيه: جنب الأرض بتاعتنا وهما كمان اخوات بس مش من بلدنا هما من الزقازيق نفسها بس اشترو بيت عبده ابو حسين وعايشين فيه
منجي: اه وايه كمان
حسنيه: الله مش انته اللي ساءلت
منجي: انا رايح اقعد معاهم وهنيجي قبل الاذان تكونو وضبتو كل حاجه
صبحيه: متقلقش يا اخويا كل تحت السيطره
اما ف الحاره فكان سماره يجلس علي الماءده
سقط: بعد ذلك يا اسطا وسع بس شويه عشان ارض الاطباق
حلاوه: متقوم يا سماره خلي الواد يشوف شغله
ابوسريع: اروح اساعدهم يا معلم
حلاوه: ماشي بس من غير مشاكل اه
ابوسريع: حاضر يا معلمي
وهنا ينزل الاستاذ محمد بطبقا كبيرا السلطه
محمد: يا جماعه
لقط: هجيب لحضرتك الاطباق عشان نفضي السلطه
سماره: تسلم الايادي يا استاذ محمد
محمد: الله يكرمك
حلاوه: أنا بقي النهارده عليا الحاجه الساقعه عشان الناس تعرف تهضم الفته بس النهارده بس اه
محمد: يا عم كتر خيرك بس قولولي السلطه ديه هتكفي
سماره: اه هتكفي هما يعني كانو يحلمو يفطرو فته ولحمه وسلطه غير العصير والساقع
محمد: لاء يا اسطا احنا مش بنمن عليهم ده حقهم علينا ويا بخت من فطر صائم ده كفايه دعوتهم لينا بس
حلاوه: معلش يا استاذ أصله غشيم حلاق حمير
سماره: خلاص يا اخويا خليك ف حالك
وهنا تنزل شيكا
شيكا: ايه يا رجاله كله تمام
الجميع: اه تمام
لتقترب شيكا من سقط
شيكا: شوف مين جايه بعيد
سقط: ديه سنيه ايه اللي جابها
شيكا: جايه تفطر ف الماءده
سقط: ايه هيا محتاجه
شيكا: خلاص بقي ديه ضيفه مش هنردها الا قوللي صحيح عملت ايه ف الاستخاره
سقط: مش هتصدقي شوفتها جايه لابسه ابيض ف ابيض ومعها عيلين زي القمر وبتقوللي ربنا رزقنا بتؤم
شيكا: يبقي لبست يا معلم
سقط: والله ما انا عارف
شيكا: بقولك ايه ايه رءيك ف البت نسمه بت حلاوه
سقط: اوعي تكوني عايزه تجوزيهالي
شيكا: مش انته هجوزها لتوتوك
سقط: خليكي انتي اتنمري واتريقي علي خلق الله وانتي صايمه
شيكا: لا والله انا عايزه اجوزهاله بجد
سقط: ايوه بس ديه عامله زي العربية النقل
شيكا: مين بقي اللي بيتنمر يا حلو
ليضحك سقط
سقط: بس صدقي تبقي حاجه حلوه اوي عربيه نقل وتوكتوك ده احنا هنضحك ضحك
شيكا: خلاص يا حلو اظبط بقي الأبله قربت مننا خالص
سنيه: ازيكم
شيكا: اهلا يا ابله تعالي اتفضلي مكانك محجوز
سنيه: شكرا بس عايزه اساءلك سؤال
شيكا: اتفضلي
سنيه: انتو طابخين ايه
شيكا: فته ولحمه
سنيه: لحمه الله اصل الماءده اللي علي اول الشارع عاملين وراك ورز وبطاطس فقولت اجي اكل هنا
شيكا: لمؤاخذه يعني انتي بتلفي علي المواءد
سنيه: اه امال ايه وأشوف انهو اكل احسن واقعد افطر طاب بكره هتعملو ايه
شيكا: لا والله لسه مفكرناش بس ممكن يبقي لحمه وطبيخ
اما سقط فكان ينظر لها باستغراب ويتذكر حينما راءها اول مره عندما كان مارا أمام المدرسه وشعر وكاءن قلبه يرقص وأصبح يذهب كل يوم الي المدرسه ليراها دون أن يخبر أحدا ليقول في نفسه انا عارف من الاول أن مش العمل هو اللي وقعني فيكي بس ياربي يعني مافيش غير سنيه البخيله الجلده اللي احبها شكلك هتشوف أيام عنب يا سقط
سنيه: بقولك ايه يا ست شيكا بما انكم يعني عاملين ماءده افطار ياتري بقي عاملين كمان للسحور
شيكا: بغيظ شفاعتك يا رسول الله
سقط: عليه افضل الصلاه والسلام
شيكا: يا حزنك المغلي ف كنكه يا شيكا لاء يا ابله مش عاملين بس ممكن تطلعي علي اول الشارع اكيد هما عاملين
سنيه: طاب معلش يعني ابقو جهزولي كوبايه خشاف عشان افطر عليها اصلي بحب الخشاف اوي
شيكا: حاضر حاجه تاني
سنيه: اه زوديلي اللحمه خليهم كام حته حلوين كده عشان اشبع
شيكا: شفاعتك يارسول الله
سقط: عليه الصلاة والسلام
سقط: اقعدي يا ابله وكل طلباتك مجابه
شيكا: انا رايحه اشوف حالي احسن كده هفطر قبل المغرب
سقط: روحي يا معلمه وانا هشوف طلبات الماءده
اما منجي فها هو قد تعرف علي ماهر ونادر
منجي: أنا اتشرفت بيكم اوي صحيح ونعم الشباب
ماهر: واحنا كمان اتشرفنا بيك ايه رءيك نتشارك مع بعض ف تجاره المواشي ديه بتكسب دهب وسيب الوظيفه للي محتاجها
منجي: والله فكره حلوه بس انا مش بفهم حاجه ف التجاره
نادر: ومين كان بيفهم احنا بعد الفطار نروح المزرعه بتاعتنا وهناك المهندس هيشرحلك كل حاجه
منجي: تمام
ماهر: طاب وهنقرء الفاتحه أمته
منجي: بعد الفطار إنشاءالله
نادر: وبالمره نكتب العقد وفلوسك حاضره وكاش كمان
ليضحك منجي
منجي: سبحان الله ده انا من كام يوم مكنتش احتكم علي جنيه
ماهر: والدتك عرفتنا كل حاجه وانك مسؤل عنهم من بعد وفاه والدك لدرجه انك بتحول مرتبك كله ليهم
منجي: ده واجبي
ماهر: خلاص بقي ربنا فرجها
منجي: أنا بفكر استقيل
نادر: اكتب الاستقالة وهاتها والمهندس اللي عندنا والده وكيل أول وزارة التربية والتعليم هنخليه يوافق عليها من غير متروح ولا تيجي
منجي: الله يكرمك وفرت عليا المشوار
ياله بقي بينا قراءن المغرب بدء
وف الحاره كان الشباب يجهزون الماءده
شيكا: تمام كده في حاجه ناقصه
سنيه: فين الخشاف
سقط: مافيش اشربي عصير زي الناس ولا انتي علي رأسك ريشه
وهنا يصدح اذان المغرب
شيكا: نشرب بؤ مايه وتكسر صيامنا عليه اللهم لك صومت وعلي رزقك وحلالك أفطرت ذهب الظماء وابتلت العروق وثبت الاجر إنشاءالله يا واسع الفضل اهلا وسهلا بضيوف الرحمن اتفضلو باءلف هنا وشفا تقبل الله منا ومنكم صوما مقبولا وذنبا مغفورا وإفطار شهيا
ياله يا ولاد نروح احنا نفطر
لتتركهم شيكا والشباب ليذهبو لتناول الطعام
شيكا: اقعدو ياله ماشاء الله ايه ده كله يا ست نعمات
نعمات: الف هنا وشفا مطرح ما يسري يمري
سقط: تسلم ايدك يا خالتي
نعمات: تسلم يا حبيب خالتك متاكلو يا جماعه انتو محتاجين عزومه بيتكم ومطرحكم
لقط: المحشي طعمه يجنن معمول بفن ومخدوم
شوقيه: عمايل خالتك نعمات
نعمات: بس بقي يا ولاد كسفتوني والله انا بفكر اعمل بكره محشي علي الماءده
شيكا: ازاي يا اما ده هياخد غلبه كتير اوي وهنتعب
نعمات: مش مهم اهو نفرح الناس يا بتي
نعمات: هاتيلي انتي بس شوالين بتنجان وشوالين فلفل وحاجه المحشي ونبدء فيه بعد التراويح نقور البنتنجان ونفرم الطماطم ونوضب الخضرا ويبقي ناقص علي الحشو بس
أم كرم: ونعمل ورق عنب كمان
نعمات: ده احنا لو بدءنا فيه بعد التراويح نخلصه بعد العيد إنشاءالله
أم صلاح: لاء يا حجه ده ام كرم شاطره اوي فيه ديه بتعمل الكيلو ف ربع ساعه ايديها ايه تقوللي مكنه
ام كرم: مش كت شغاله ف مطعم قبل كده
شيكا: خلاص هجيبلكم الطلبات وانتو جهزو كل حاجه وانا هبقي اساعدكم
شوقيه: فاضل لحمه من العجل اللي دبحتيه للماءده
شيكا: اه فاضل لحمه تكفي يومين تلاته ماشاءالله العجل كان كبير وعفي بالهنا والشفا للي ياكل
اما منجي فكان يجلس مع عائلته وماهر ونادر يتناولون طعام الإفطار
ماهر: تسلم الايادي
صبحيه: عجبك الاكل
ماهر: زي العسل
حسنيه: احنا اللي عاملينه
نادر: عشان كده الاكل سكر
منجي: طاب كلو بقي وبلاش كلام
ماهر: انا شبعت ياله بقي نقرا الفاتحه
منجي: يا راجل كل هتقرءها بعد صلاه التراويح بس الاول هنذيع ف الجامع عشان أهل البلد كلهم يعرفو
نادر: كلامك صح يا ابو نسب
وهنا تزغرت والدتهم ليقبل منجي يديها
منجي: ربنا يخليكي لينا يا ست الكل
اما ف الحاره علي ماءده الرحمن كانت سنيه تاءكل بشراهه ثم تنظر حولها وتضع بعضا من الطعام في شنطه يديها وهيا تقول حلو اديني وفرت فطار وسحور النهارده ياسلام لو كل الشهور رمضان كان زماني معايا فلوس كتير اوي بس مش عارفه ليه حاسه ان الواد السقط ده واحشني مع اني لسه شايفاه والله شكله حلو وأيده فرطه طاب هو واحشني ليه اكمل اكل احسن الناس ابتدو يقومو احط حتتين لحمه كمان ف الشنطه محدش واخد باله
اما شيكا فها هيا قد تناولت أفطارها
شيكا: انا هخش اصلي المغرب وانتو كملو اكلكم براحتكم
شوقيه: يا بنتي انتي مكلتيش كويس
نعمات: هيا كده بس بتيجي علي الساعه ١٠تعملها طبق محترم وتاكله ف المحل
سقط: واحنا كمان بناكل معاها ونحلي ونحبس بالشاي
نعمات: متنساش يا سقط تجيبلنا حاجه فطار بكره انشاء الله
سقط: من عيوني يا خالتي
نعمات: وانته يا توكتوك عايزين شعله زياده عشان تسعفنا
لقط: مبلاش توكتوك ديه يا خالتي
نعمات: خس شويه وانا اقولك ياغزال
لقط: القصد هروح اجيبهالك من عند الاسطي سفروت عايزاها كام عين
نعمات: تلاته كبار
لقط: حاضر وهجيبلك كمان انبوبه كبيره مليانه حاجه تاني
نعمات: خد حتت البطه ديه من ايدي
محمد: انا شبعت الحمدلله وهنزل اصلي المغرب عايزين حاجه من تحت
شوقيه: خد عمرو معاك
نادين: وانا
شوقيه: انتي هتنزلي معانا نصلي التراويح
وينزل محمد وسقط وفي طريقهم الي الجامع ينظرون إلي الماءده
سقط: ايه ده انتي لسه قاعده ديه الناس كلها قامت يخربيتك انا لو اتجوزتك اكفيكي منين
ليضحك عليه محمد
محمد: ايه يا ابني بتكلم نفسك لسه بدري علي الجنان
اما السيده نجيه والدته منجي فكانت تعد لهم الشاي والحلويات
نجيه: خد يا منجي تعالي عايزاك
منجي: خير يا امي
نجيه: مش يصح برده نتكلم ف كل حاجه ده جواز يا ابني يعني نعرف هيدفعو مهر اد ايه وهيجيبو شبكه بكام وأخواتك هيسكنو فين
منجي: معاكي حق يا امي عن اذنك انا هدخل اتكلم معاهم ف كل التفاصيل ديه
اما ف الحاره فنجد أن سقط لايزال يقف وينظر إلى سنيه
محمد: ياله يا ابني نلحق الصلاه
سقط: ثواني بس يا ابوعمرو تعالي معايا نقف جنب الماءده
محمد: ليه
سقط: هقولك بعدين بس تعالي
وبعد أن اقتربو من الماءده
سقط: مش احنا بكره عاملين محشي ولحمه علي الفطار
محمد: ما انا عارف انته مجنون يا ابني
