رواية حين تتغير الاقدار الفصل الحادي عشر بقلم سناء الهموندي
شحلاتك من تگلي ولايتي بحضنك
وأسويلك وطن من ديرة ضلوعي❤️......
متناسبك الأماكن أنتَ بس يناسبك حضني.🔥♾
جوريه : محمد الحكليييي راح اموتن.
محمد : بخوف وارتباك اسم الله عليج كليبي لا تحجين هيج وتخوفيني.
جوريه : ولج يييمه وينج ولج يمه محتاجتججج .
محمد : بارتباك جوري على كيفج بس كليلي شسوي هسه أنا تره دخت .
جوريه : روح روححح لام علي هيه تعرف .
محمد : اي اي رايح أنا ، ركضت للباب ورجعت عليهه .
جوريه : بالم . شو رديت .
محمد : وانتي جوري شون اروحن واخليج بحيدج تتالمين .
جوريه : جا اذا ضليت تشيل وياي الالم .
محمد : لا طبعا .
جوريه : محمدددد روح صيح المره راح اموت من الوجع .
محمد : رحت بسرعه لبيت ابو علي همه شويه مسافه علينه لاكيت ابو علي بلبستان بطريق بيتهم يمشي هوه وابنه علي .
ابو علي : خيرك محمد اشوفنك ملهوف .
محمد: يرحم موتاك اذا مابيهه أمر حرمتك تجي عبن حرمتي عدهه ولاده ومالهه أحد وانت تعرف الوضع اذا ماكو زحمه وإذا متكدر بس دليني بيت جده وانا اروحن .
ابو علي : افااا عليك حرمتك اخيتي هسه ثواني روح انت وانا اجيبنهه واجي هيه والجده .
محمد : الف رحمه لموتاك أنا راد للبيت عبن البت ضلت لحالهه .
ابو علي : روح الله وياك..
محمد : رديت للبيت لكيت جوري تبجي بصوت ركضت لعدهه ها يروحي اتحملي هساع ام علي تجيب الجده وتجيج .
جوريه : يايمه ياجميله لحكيلييي ولج ضويه تعاي ليه وشوفي شحالي .
محمد : بخوف على كيفج أبويه انتي ااا اروحن اصيحن ام علي .
جوريه :بصوت جا مو صحتهه ..
محمد : اي اااي بس شو بطت .
جوريه :الحكلي محمد بعد ماتحمل احسن شي نزل بارتباك محمد فدوه تصرف مادري شنزل .
محمد : بخوف فتحت عيني وحجيت على كيف شنهيي شنزل جوري لا تسودنيني .
جوريه : اندك الباب .
محمد : اي ياالله اوكفي مكانج لا تتحركين اكيد ام علي جتي .
جوريه : راح محمد فتح الباب وطبت ام علي .
ام علي : خيرج يمعوده جا هاي انتي القويه واكولن عنج سبعه .
جوريه : طبت ام علي وراهه مره جبيره تمشي على كيفهه ذكرت هاي ام فرهد الرحنالهه أنا وحسنه صحت ام علي لحكيلي راح اموتن .
الجده ام فرهد : يا خايبه شمالج فوتي ام علي حضريلي ماي حار وفرشيلهه .
جوريه : محمد طلع وخطيه ام علي فرشتلي وراحت جابت ماي حار وانا الوجع مايفكني .
ام فرهد : خاله ددفعي شمالج راح تموتين الفريخ .
جوريه : ولججججج يمهههه .
ام فرهد : ذكري الله وكولي يا فضه فضيهه .
جوريه : طلوكه صعبه ومتعبه استمريت ساعتين اطلك وبعدني ام فرهد كالت مي الراس نازل بس توشلين ماي جيبين وانا روحي راحت وبعدني .
محمد : طلعت عبن صوت جوري وجر كلبي لكيت ابو علي كاعد جوه الشجره مسافه قريبه على بيتنه تمشيتله كتله تفضل ابو علي تعال جوه ليش هنا .
ابو علي : لا يخوي الجو حلو تعال اكعد يمي اذا تريد .
محمد : درت وجهي على البيت بالي عدهه .
ابو علي : بضحكه خفيفه تعال اكعد ولا تخاف تصير سوالف .
محمد : تقربت وكعدت يمه .
ابو علي : محمد تعرف معزتك بمعزت اخوتي .
محمد : وانت أكثر ابو علي الله شاهد .
ابو علي : جا احجيلي شسويت بيوم رحت صالح امك بيومهه جيت مغثوث وانا كلت اعوفنك براحتك .
محمد : حيييل شذكرك ابو علي السالفه مر عليهه اشهر .
ابو علي : براحتك اذا ماتحب تحجي.
محمد : لا ابو علي انت اعز من اخوي جريت حسره اوفف اوف من اخوي تذكر من كتلك اروحن أراضي امي عبنهه غضبت عليه .
ابو علي : اي هلحجي بعد ما رديت البيتك بأيام .
محمد : اي بوكتهه رحت لكيتههم مسوين ثواب وكلهم ملتمين رحت بس راس امي دفعتني وكالت أنا ماراضيه عليك عبنك كسرت بت عمك كتلهه يمه صفيه أنا اروحن اردهه هيه كل مره تزعل وتاخذلهه فتره وترد كالت أنا ما أرضه عنك اله تعوف بت الفصليه .
ابو علي : لا بربك هاي الحجيه امك شجالهه .
محمد : ماعرف ابو علي شغيرهه ماعرف المهم كامت تصيح جان يكوم صلاح اخوي كال اصلا امي تبرت منك وانت مالك كلشي ويانه .
ابو علي : لا تزعل مني بس صلاح مصلحجي ومايحب الاحد خير .
محمد : هزيت راسي ابو علي أنا ماهامني لا ورث ولا شي أنا اخوي طعني وأمي ماراضيه عليه كل هذا عبن دافعت للحق حجيت بعصبيه عمي يردوني اعوفن هليتيمه انت ترضاهه ..
ابو علي : والله زين مأسويت انت تخاف الله بهلبت والله مايعوف عبده .
ابو علي : جا وحرمتك بت عمك شسويت عليهه .
محمد : رحت مرتين لبيت عمي حتى اردهه وعمي حتى ميقبل يطلعلي تالي عفتهه على الله أنا لا اكدر أضحي بنت عمي ولا بهليتيمه ابو علي ثنينهن نسواني وانا ماكفرت من تزوجت والله يشهد ماردت الضر الاحد .
ابو علي : ونعم منك خويه محمد .
محمد : بارتباك اا اروحن اجيبلك ماي .
ابو علي : بضحكه جيبلي ماي لو تروح تطمن عبن اشوفنك كلبك لايب .
محمد : بضحكه ، اي والله عفت ابو علي وفتت سمعت طفل يبجي جمدت مكاني معقوله جابت جوريه جابت صحت بصوت ياللله تحمحمت استحيت اصيحن ام علي خطيه حست عليه طلعت كالت .
ام علي : كرت عينك خويه جابت ولد مثل الكمر .
تستمر القصة أدناه
محمد : لو ما عيب جان بجيت كدام المره كتلهه هيييه شونننها زينه .
ام علي : زينه لا تخاف هسه ابدل الولد واجيبلكيا .
محمد : بارتباك لا لا عوفي خافن يبرد .
ام علي : ابو علي بعده بره .
محمد : من الفرح نسيت الزلمه شكد عيب جاوبتهه اي هسه اصيحنه .
ام علي : لاله. أنا راح اطلع أحاجي طلعت لابو علي .
ابو علي : ها يمره خيرج بشري .
ام علي: كل الخير بس جيت اكلك اذا تكدر تجيب حليب وتذبح دجاجه وجيبهه عبن البت جايبه خطيه .
ابو علي: تامرين أمر .
محمد : جبت ماي من الحب جيت لكيت ابو علي يريد يروح كتله ها خويه وين .
ابو علي : شغله نص ساعه اكضيهه واجيك .
محمد : براحتك ابو علي تعبتك وياي .
ابو علي : لا تكول هيج اخوه أحنه .
جوريه : جبت بعد تعب وصلت للموت بس من شفت وجه السعد بوجهي نسيت كل وجعي حضنت الجاهل وأبوس بي .
ام فرهد : على كيفج ويه الفريخ بعده لحمه ترف لا تموتينه .
جوريه :بفرح أم علي صدك صرت ام .
ام علي : اي حبيبه كرت عينج .
جوريه : يعني هذا الجاهل صار الي .
ام فرهد : خايبه سكتين يو ارده .
جورية : باوعت لام علي وعلى ام فرهد وحضنت الولد حيل .
ام علي : بضحكه شمالج ويه الفرخه ياام فرهد خليهه فرحانه بضناهه .
ام فرهد : خلني ارد لبيتي احسلي كومي ام علي شوفيلي ياهو راح يردني .
ام علي: اوكفي اصيحلج واحد من الولد .
جوريه : راحت ام فرهد وصلهه محمد بعد ماخذت حقهه ..
محمد : رحت وصلت ام فرهد ورديت وكفت باب البيت استحي من ام علي افوت جوه ونفس الوكت ملهوف على جوري والولد على وكفتي اجه ابو علي ومحمل غراض هوه وابن اخو رحت تقدمتله شنهي هذني ابو علي .
ابو علي : صوغه لسلامه حرمتك .
محمد : بضوجه لا يبو علي ليش هيج اتسوي الحمدلله تراهه العيشه ميسوره .
ابو علي : شنهي تردني لا تضوجني الرسول قبل الهديه .
محمد : عليه افضل الصلاه والسلام تعالي فوت جوه ..
جوريه :خطيه ام علي الله يرضه عليهه كومتني غسلت وبدلت وغسلت للولد كاعده تكمط بي و سمعت صوت محمد : فوت فوت ابو علي البيت بيتك .
جوريه : ام علي كملت الكماط وراحت .
ام علي : كمت طلعت اشوفن ابو علي جاب الغراض .
ابو علي : بشريني ام علي شونهه بت العم .
ام علي : بخير وبركه جابت وليد مثل الكمر .
ابو علي : بابتسامه التفتت لمحمد يارب يتربه بعزكم بس ماكتلي شسمي حتى نصيحلك باسم ابنك..
محمد : أنا متفق ويه جوريه على اسم جدي الله يرحمه اسمي فالح .
ام علي : انشالله يتربه بعزكم .
محمد : الله ينطيج العافيه خويه ام علي تعبناج ويانه .
ام علي : جوري اختي وهذا واجب كل اخت لاختهه.
محمد: الله يرضه عليج .
ام علي : اخذت الغراض من ابو علي فورت حليب الجوريه وديته تشربه .
جوريه : كليلي ام علي بيش اجازيج .
ام علي : لا ضوجيني بحجيج هذا ياله اروحن للماي عبن هسه تلكينه فار .. رحت نضف الدجاجه وخليتهه بلتنور شويتهه صارت صلاة المغرب صلو ابو علي ومحمد ترخص مني وفات لجوريه عفتهم وطلعت استحيت ابقه .
محمد : ترخصت من ام علي وطبيت كلبي راح يطك على جوريه والولد فتت لكيتهه ترضع بلولد شافتني ستحت وخرته وبتسمتلي تقربت عليهه بسته براسهه إريد احجي ماكدر الساني نربط تعب اسنيني هذا صبري ودعائي لربي ماراح دموعي جمدن بعيني .
تستمر القصة أدناه
جوريه : مبروك يا ابو فالح ، اباوع محمد مثل المصدوم من الفرح عيونه مليانه دمع شافني
باوعتله دار وجهه مسح عينه ورجع باوعلي وكال.
محمد : جوريه الله عوضني بصبري شوفي شون
حلو فدوه لهل عيون .
جوريه: يحجي ملهوف شلت الولد وخليته بحضني باوعلي مصدوم عبن هوه مايشيل جاهل بهيج عمر .
محمد : ااا خاف أيده تنملخ ماعرف اشيلنه .
جوريه : مايرادله شي دشوفه شكدوته بتك ايد اشيلنه .
محمد : بضحكه اي صدك كلش صغير شونج انتي موجوعه تشكين من شي.
جوريه : الحمدلله بعافيه مابيه شي .
محمد : اروحن يم ابو علي عيب منهه عايفه وحيده .
جوريه : اي خطيه تعبوا هوه وام علي .
محمد : طلعت شفت ام علي لابسه عبايتهه واكفه يم الباب هيه وأبو علي كتله ها خويه خيرك .
ابو علي : احنه نروح هم ياله ضلمت الدنيه .
محمد : صدك جذب ابو علي عاد تعشوا وروحو .
ابو علي : متقصر خويه بس الجهال من الصبح عايفيهم يم نسوان عمامهم .
محمد : والله مو خوش طلعه بس شسويلك من تكول حجايه هاي هيه .
ابو علي : ياله في امان الله.
محمد : الله وياك خويه راحو بيت ابو علي وطبيت لجوريه لكيتهه واكفه رحت لزمتهه وين تردين يبعد بيتي .
جوريه : اصب عشه خطيه ام علي سوت بس أصبن.
محمد: اكعدي أبويه انتي أنا اجيبنه ونتعشه سوه لتعبين روحج .
جورية : خليني احرك روحي مابيه شي والله .
محمد : ميخالف عاد بس اليوم تحملي .
جوريه : جاب محمد العشه وكعدنه نتعشه كلت افتح الموضوع مادامه هادئ باوعتله ومتردده بلحجي.
محمد : بابتسامه احجي لا ضمين اعرفنج تلوبين وبعيونج حجي .
جوريه : بضحكه انا اكولن ليش متروح لامك ترضيهه وترد صفيه تره والله أنا احسن بذنب .
محمد : وانتي شلج غرض حبيبه انتي مالج دخل بشي .
جوريه : لا أنا حتى من احطن راسي على الفراش اكل بكلبي ومارتاح اله ابري ذمتي أمام الله .
محمد: وشنو المطلوب مني .
جورية : تروح تراضي امك وترد صفيه هيه بيتهه وانا بيتي وانشالله بعد ماكو مشاكل .
محمد : وانتي حسبالج مارحت .
جوريه : باوعتله متفاجاءه جا شو أنا مادري.
محمد : سالفه راحت اول ما طلعنه منهم رحتلهه واستسمحت منهه وهيه حلفت حته لجنازتهه ماحضر.
جوريه: ميخالف امك وتمون عليك اخذلهه فالح وروح هسه من تشوفه تفرح واذا تحب أنا هم اجي وياك.
محمد : بس انتي كومي على حيلج وانا عود اروح.
جوريه : مرت الايام وام علي كل يوم تمرلي هلمره مادري بيش اجازيهه فالح صار عمره سبوعين ومحمد تعلم يشيله ويلعبه فرحان بي اليوم وره صلاة الفجر طلع كال اروحن لبيت عمي اردن صفيه راح وانا التهيت ويه فالح والبيت اليوم تذكرت سوالفنه أنا وضويه من جنه صغار واشتاقيتلهه صار هواي مشايفتهه من موتت جده راح يصير بلخمس اشهر دنيه عصر الشمس بدت تغورب ومحمد بعده ما اجه نام فالح كمت سويت عشه سمعت صوت الباب باوعت شفت محمد بس شكله معصب نار كتله .
:- الله يساعدك .
جاوبني وفات للحمام كملت العشه شفته صله وكعد صبيت تعشينه بس هوه كلمه منطق بس بأس فالح وكعد يتعشه خلصنه شلت الصينيه شفته طلع انا هم فرشت وره نص ساعه رد اجه انجطل بصفي باوعلي وجر حسره .
تستمر القصة أدناه
محمد : رحت جوري لا امي القبلت تشوفني ولا عمي .
جوريه : يعني رحت لامك .
محمد : اي رحت ولاكاني صلاح كالي شجابك امي متبريه منك وموصيتنه من الشارع نطردك .
جوريه،: يا هذا شجا صلاح وانت شسويت.
محمد : تلاغيت ويا وفتت لكيت امي وكعت عليهه بست راسهه بس يجوري امي دارت راسهه وماقبلت تحاجيني وكالت طلعوا ماريدن اشوفنه انا هم درت راسي ورديت .
جورية: اوف اوف الله كريم الايام كفيله بلنسيان انشالله يحنن كلب امك عليك وصفيه .
محمد : رحت لبيت عمي طلعو ولد عمي استقبلوني بس عمي ماقبل يطلع زعلان مني كلت للولد وفتت لحجرت عمي سلمت عليه رد بكلمه هله كعدت وحجيت ويا وسولفتله كلشي كالي كلمه وما اثنيهه صفيه طول ما هيه ماتريدك أنا ما اجبرهه كتله خل تجي صفيه نتفاهم جتي صفيه وماعدهه غير طلكني ماضل اذا جريت حسره .
جوريه : اذا ما تعوفني مو .
محمد : اتخسه امشي بكلام مره أنا لا اعوفج ولا اعوفهه ثنينجن نسواني وعزيزات عليه .
جوريه : ونعم منك وتالي وين وصلت وياهه .
محمد : صفيه قافله لو انتي لو هيه انا هم كتله لعمي طلاك ماطلك وصفيه شوكت مترد بيتهه موجود وخليت ورديت .
جوريه : الله كريم ..... .
...............
ضويه : ردينه لبغداد ومرت عمي جتي عاشت ويانه كل همهه صلاتهه وصيامهه وجهالي تحبهم كلش مرت الايام والأشهر صادق تخرج واستقر بلمحل شغله خير من الله صار معروف بغداد باسم خياطه ابو انور وفرقد مرته جابت بنيه سموهه هاله ومستقرين بحياتهم فرقد اخر سنه اله ويتخرج ايامي مشت عاديه بيوم صادف جمعه كاعدين نتغده صادق يوم الجمعه استراحه اندك الباب طلع فرقد .
صادق : هلا خويه تفضل عمتك تحبك تونه صبينه..
فرقد : والله هوه خوش غده بس انا جيتك بغير موضوع وكلش مستعجل .
صادق : خير انشالله احجي تره قلقتني .
فرقد : باوعت على امي وحجيت ..ابوي اليوم اجه عدي وكال منطي فضه .
ام صادق : شنهي منطيهه ولك احجي عدل وفهمني .
فرقد : يمه قصدي مهدي ابن عمي طالبهه من ابوي وأبوي منطيهه اله .
ام صادق : يااااا كون صدك جا ابوك يريد يفرغله البيت ويه المساعده .
فرقد : هذا الصار يمه .
صادق : وهوه مهدي مو متزوج .
ام صادق : ابوك هم متزوج وتزوج.
صادق : يمه انطينه مجال نفتهم ابوي انجبر بس اريد افتهم مهدي شجابه صارله سنين هوه كاطع .
ضويه : يعني مهدي مالكه وحده يورطهه ويا غير فضه عمي شون يوافق عليه حتى لو اخوي أنا احجي الحق مهدي مامرتاحه لجيته مو عاد يطلب فضه.
صادق : فرقد امشينه نروح أحاجي ابوي هوه بيتك مو .
فرقد : اي بيتي .
ام صادق : اوكفولي اجي وياكم افتهم السالفه .
صادق : يمه خليج احنه نروح نحاجي ابوي ونرد .
ضويه : راحو وعمتي ضلت تلوب وتحجي على عمي وعلى ساعه الزوجته بيهه صار العصر وهمه ما اجو .
صادق : رحت لابوي سلمت عليه لكيته حاط بت فرقد بحضنه ويناغيلهه ها يبو صادق شخبارك .
ابو صادق : مو زين عبن محمد بيكم يجيني ويسأل عني .
فرقد : انت الخير والبركه بويه .
صادق : شنهي هلخبر السمعته الجديد صدك منطي فضه لمهدي .
ابو صادق : اي شنهي عندك عتراض مهدي سبع وصار اشهر هوه ويايه بلكياعين لازملي الشغل كله ومامقصر .
صادق : بويه أنا مشكلتي مو مهدي أنا مشكلتي مهدي متزوج وعنده جهالي شلون ترضاهه يعوف مرته وجهاله.
ابو صادق : هوه كال مطلك عبن صايره مشاكل ويه اهلهه وهيه مطيه بي كدام اهلهه وانا طلبت يردهه ويجيبهه هنا بلسلف يكعدهه.
صادق : بويه والله سالفه مراهمه فضه راح تنضلم .
ابو صادق : فضه لا اول ولا اخر وحده تزوج على ضره تتحمل عبن ابن عمهه وهوه اليصونهه.
فرقد : يعني فضه ماراضيه .
ابو صادق : أن رضت أو لا ابن أحق بيهه .
صادق : يأبه فضه اذا مراضيه زواجهم يصير باطل .
ابو صادق : رضت رضت ومو هلسبوع الورا مهدي ياخذهه عبن هوه حاجاني من سبوعين وانا نطيته حجايه وهوه راح اخذله كاع بطرف البستان قريب على بت عمك جوري وبناهه وماباقيله شي .
صادق : بانزعاج يعني ناهين الموضوع .
ابو صادق : اي واجيت انطيكم خبر هلسبوعين اخيتك تزوج ابن عمك .
صادق : كلام ابوي غثني كتله مره خصتك حجي وطلعت لحكني فرقد صاح وراي كتله أنا مراضي على الموضوع.
فرقد : ولا انا بس شبيدنه ابوك ناهي كلشي .
صادق : أنا رايح في امان الله.
فرقد : الله وياك .
ضويه : اجه صادق عمتي كاعده صلي ضل يتاف اف عمتي خلصت صلاة وحجت.
ام صادق : خيرك يا ابن حازم اشوفنك مغثوث .
صادق : يمه ابوي منطي فضه لمهدي وهلايام عرسهه.
ام صادق : شنهي انت شتحجي .
فضه : لطمت على صدري وكتله أنا كلبي لعب من ردت مهدي .
ام صادق : ولك يمه ابوك شجا جا هوه مو جان يكول مهدي مينشد الضهر بي عبن عاف خواته أنا اليوم اروحن العب لعب بابوك واجيبن بتي .
صادق : ميفيد يمه ابوي منطي حجايه ومهدي بأني بيت قريب على جوري .
ضويه : شودا هناك
صادق : تعرفين بعد طرف البستان تصير رخيصه فهناك ماخذ أنا افوتن اسبح حضريلي ملابس.
ضويه : كعدت عمتي تنوح وانا اواسيهه طلع صادق من الحمام اجه باس راس امه وكاللهه.
صادق : يمه فدوه اروحلج على كيفج ويه روحج فضه هاي قسمتهه وصح اني حجيت بس يبقى مهدي ابن عمنه .
ام صادق: الله كريم يمه .
صادق: إنشاءالله هلسبوع نروح للسلف علمود العرس .
ام صادق : الله وياكم يمه أنا حالفه ماطب هناك .
صادق: براحتج يمه ...عفتهه براحتهه خفت لا تجي وتصير هوسه هيه وأبوي كدام العالم .
ضويه : صبح الصبح عمتي ام صادق لبست عبايتهه وطلعت ..........
صلو على محمد وال محمد
الله اكبر
شكرا لزيارتكم عالم روايات سكيرهوم
