رواية المعلمة شيكا الفصل الرابع عشر
سنيه:
عايزني اهدي؟ هاتلي الحرامي اللي سرقني
الطبيب:
قولت ادوها حقنه مهديء ديه لاسعه علي الاخر، انتي ف مستشفى يا حلوه
اما ف الحاره:
ها هيا السيده نعمات ترتب اشياؤها مع بناتها استعداد للعمره
وهنا تسمع شيكا صوت كلكسات سيارات كثيره، لتنظر من الشرفه لتجد السقط واللقط قد احضرا سيارتين ميكروباص وعليها اعلام بيضاء كثيره، وجميع أهل الحاره معهم:
"لبيك اللهم لبيك، لبيك لا شريك لك لبيك، إن الحمد والنعمه لك والملك لا شريك لك لبيك"
شيكا:
انته يا واد انته، ايه اللي انتو عاملينه ده؟
سقط:
فرحانين للحجه، وديه العربيات اللي هتودينا المطار
شيكا:
كتر خيركم بس تقلقو منام الناس ليه؟
سقط:
وهيا اي حد ديه، خالتي ام المعلمه شيكا
شيكا:
تموتو انتو ف الهيصه، ياله يا بابا منك ليه، اركنو العربيات ديه علي جنب، مش حنه خالتك انته وهو
لقط:
متسيبنا نفرح، هو يعني كل يوم حد بيطلع عمره
شيكا:
نفرح اه، بس منزعجش حد
سماره (يصحى من النوم):
يخربيتكم انتو ايه، مبتناموش؟ عايز انام
سقط:
متروح تنام ف بيتكم
لقط:
هو انته متعرفش؟ مش مراته طردته من البيت وبقا يا عيني ملوش مكان ينام فيه
سماره:
جري ايه انتو هتقسمو عليا يا صبيان؟ المعلمه شيكا اهي، المعلمه هتطلع احسن منك، افتحي الشقه اللي تحت يا شيكا ينام فيها، عيب بردك اسطا قد الدنيا ينام ف الشارع
شيكا:
كتر خيرك يا بت الاصول
سماره:
والله لاروح معاكم اوصلكم للمطار
لقط:
لاء مافيش مكان، العربيات يادوب علي ادنا، خش نام احسن
شيكا:
لم دورك يا حلو، وقول يا صبح
شوقيه:
ياله يا شيكا احنا جهزنا، اندهي حد ينزل الشنط
نعمات:
هتوحشوني، والحته كلها هتوحشني
شيكا:
اوعي تنسيني ف الدعاء
نعمات:
دعيالك، وربنا عالم
شوقيه:
يا سلام، وانا؟
نعمات:
وانتي يا قلب امك، انا عندي غيركم؟ يا تحويشه العمر كله
شيكا:
اطلع يا حلو منك ليه، نزلو الشنط
(ينزلوا الشنط، وتنزل نعمات لابسه ابيض)
أهل الحاره:
الله اكبر
سقط:
خالتي الحجه، مايه زمزم اوعي تنسي
نعمات:
حاضر من عيوني
لقط:
سبحه وسجاده صلاه يا خالتي
سيده:
امانه عليكي يا حجه تجيبلي سدر من المدينه
أم صلاح:
امانه عليكي تمر المدينه
أم كرم:
ادعيلنا يا حجه وانتي ف اطهر مكان عند النبي العدنان
نعمات:
ربنا يوعدكم بزيارته جميعا
الجميع:
اللهم امين
شوقيه:
ياله يا اما عشان لسه في اجراءات ف المطار
محمد:
انا جهزت اهو
نادين:
هو انتي رايحه عند سيدنا محمد يا تيته؟
نعمات:
إن شاء الله
نادين:
طب ممكن تسلميلي عليه وتقوليله نادين بتحبك اوي يا اشرف خلق الله
(تحتضنها نعمات)
نعمات:
حاضر يا حبيبه ستك
(يركبوا العربيات ويغنوا، ثم يصلوا المطار وتسافر نعمات)
شيكا:
ربنا يوصلك بالسلامه يا اما
عمرو:
جري ايه يا خالتو، هيا تيته راكبه جمل؟ ديه طياره
شيكا:
والله ونطقت يا مقروض، فين يا نادين كانت ملجماك
نادين:
بس يا حبيبي متزعلش خالتو، اصلها قديمه من ايام الجمال
شيكا:
كده طيب انا بقي مخصماكو
نادين:
جري ايه يا شيكا احنا بنحاول نفكك
شوقيه:
انا هرتاح ساعتين تكون امي وصلت عشان نطمن عليها
شيكا:
ماشي ارتاحي، انتي وانا هقعد مع القرود دول
شوقيه:
هتعملو اكل ايه للماءده؟
شيكا:
سمك مشوي ورز ابيض وسلطه، انا بعت سقط امبارح وصي علي السمك والسلطات والحمدلله صورلي السمك حاجه كده ماشاءالله
شوقيه:
ربنا يكرمك يا اختي ويوسعها عليكي كمان وكمان زي ما بتطعمي الطعام
نادين:
طبعا اطعام الطعام ده عباده جميله اوي
شيكا:
ومن امته الايمان ده يا حجه؟ ومين اللي علمك كده؟
نادين:
صلاح طبعا
نادين:
أصله محترم اوي وكمان بيروح الجامع يحفظ قراءن وأحاديث
شيكا:
ماشاءالله، خلاص انتي كمان اعملي حسابك تروحي معاه انتي وعمرو، اقله لسانك يقصر شويه
نادين:
بجد؟
شيكا:
اه بجد
وبعد مرور ثلاث ساعات كانت السيده نعمات قد وصلت إلي الأراضي المقدسه، وساعدتها ام ساره في شراء خط، وها هيا تتصل علي شيكا
شيكا:
رقم سعودي، اكيد امي... ايوه يا اما حمد الله على السلامه
نعمات:
الله يسلمك، انتو كويسين؟
شيكا:
اه احنا بخير الحمدلله، خلي بس بالك انتي من نفسك
نعمات:
انا هطلع احط الشنط ف الفندق واجهز نفسي انزل اصلي العصر ف الحرم
شيكا:
ربنا يتقبل منك ياست الحبايب
وبعد أن أغلقت شيكا الهاتف مع والدتها:
شيكا:
حالا العصر، انزل اشوف الجماعه عملو الرز ولا لسه
(تنزل لتجد السيدات بيجهزوا)
شيكا:
خلصتو؟
ام كرم:
لسه فاضل كام حله، إنشاءالله هنخلص قبل قراءن المغرب
شيكا:
طاب انا هطلع اصلي العصر واناملي ساعه احسن مش شايفه قدامي
نعناعه:
اطلعي ارتاحي انتي وهنصحيكي علي قرءان المغرب
(تطلع شيكا، تصلي وتنام، وبعدها تصحى وقت المغرب)
شيكا:
(تنزل للحاره)
(تلاقي سقط واقف)
شيكا:
مالك يا سقط متنح ليه؟
سقط:
ها... لاء مافيش
لقط:
مش واخده بالك يا معلمه؟ الأبله سنيه مجاتش النهارده، تلاقيها بتلف علي المواءد وتشوف مين اللي عامل اكل احلي واكتر
سقط:
اللهم اني صايم
شيكا:
بس يا لقط
شيكا:
لكن صحيح هيا مجاتش النهارده ليه؟ يمكن معزومه عند حد... ياله اقعدو، المغرب هيدن، بس الاول واحد فيكم يروح ينده سماره
سقط:
والله انتي طيب اوي يا معلمه
شيكا:
رمضان كريم
سقط:
الله أكرم
اما سنيه:
فها هيا ف المستشفي، فبعد أن انتهت اثار المديء، ها هيا تصرخ كالعاده
الممرضه:
وبعدين معاكي بقي؟ اتهدي شويه، احنا صايمين وتعبانين، وله اديكي كهربا؟
سنيه:
فلوسي... دهبي... حاجتي يا ناس
الممرضه:
مخلاص بقي يا حلوه يعني انتي بشكلك ده حيتلك كام الفين تلاته
سنيه:
الفين تلاته ايه دول ١٥٠الف غير دهب بحوالي مليون جنيه دهب امي ودهب كت شارياه كت بحط القرش علي القرش كت بحرم نفسي من اللقمه والهدمه النضيفه عشان احوش
الممرضة:
طاب والله الله ينور علي الحرامي ده انتي وليه معفنه شوفي لابسه ايه فستان من سنه قوم واقعد لتنهار
سنيه:
الممرضة:
بقولك ايه بطلي ندب اقولك انا سايبه لك العنبر كله وقوقي براحتك
اما منجي:
فها يجلس وحيدا بعد تناول الإفطار ف حديقه فيلا نادر وماهر
ماهر:
مالك يا منجي في حاجه مزعلاك ده انته حتي مكلتش كويس
منجي:
مش عارف حاسس قلبي بيوجعني
ماهر:
سلامتك حالا هتصل بالدكتور
منجي:
مش الوجع ده وجع تاني
ماهر:
طاب احكيلي
ليقص عليه منجي حكايته مع شيكا
ماهر:
ده انته وقعت ولا حدش سما عليك انته بتحبها
منجي:
الظاهر كده
ماهر:
اللي زي ديه تمسك فيها باءيدك وسنانك بس يا نسيبي لازم لما ترجع الحاره تكون حاجه تانيه عشان محدش يقول انك طمعان فيها
منجي:
طمعان ايه ما انا الحمدلله ربنا كرمني
ليضحك عليه ماهر
ماهر:
انته المعلمه شيكا أو شكريه ثروتها اد ايه ديه مليونره يا ابني تحتكم علي فلوس وأملاك كتيره
منجي:
هو انته تعرفها
ماهر:
هاتلي تاجر مواشي ميعرفش المعلمه شيكا ادب واخلاق وكرم وبتساعد الغير ست بصحيح حافظت علي تجارتها وراعت ربنا فيها وبتطلع حق الغلابه
منجي:
ايه ده ده تعرفها بجد
ماهر:
امال مش بوردلها مواشي
منجي:
ايه ده بجد
ماهر:
اه والله احنا بقي لازم نغيرك من كله طريقه لبسك ولازم تشتغل وتكبر فلوسك عشان تليق بيها
منجي: انته شايف كده؟
ماهر: مافيش غير كده.
منجي: طاب واتغير ازاي؟
ماهر: بص بقي أنا اخوك ومش عايزك تتكسف مني، طريقه لبسك ديه اسمحلي موضه قديمه اوي ومش عايزك تزعل مني.
منجي: ازعل؟ ربنا يعلم انا بعتبرك اخويا.
(يخرج عليهم نادر)
نادر: طاب وانا ايه مش اخوك؟
منجي: لا اخويا طبعا.
ماهر: عارف منجي واقع لشوشته ف مين.
نادر: مين؟
ماهر: المعلمه شيكا.
نادر: شيكا؟ شيكا بتاعتنا؟
ماهر: اه اصله ساكن عندها.
نادر (بضحك): طاب وهيا معقوله تبصله؟ ديه يا ابني المعلمين بيترمو تحت رجليها.
ماهر: اه يا اخويا بتحبه ودايبه ف غرامه.
نادر: والله ست ونعم، فاكر يا ماهر الست اللي كانت بتبيع سقط ف المدبح وكانو بيغلسو عليها وعايزين يمشوها؟ ولما معرفوش مبقاش حد يقدر ينزلها بضاعه عشان خايفين من معلمين المدبح… فاكر شيكا عملت ايه؟
منجي: عملت ايه؟
ماهر: وقفت ف نص المدبح وقالت باعلي صوت:
"اللي هيتعرض ليها اوي لاءي واحده بتجري علي رزقها هنا حسابه هيكون معايا، واهي فرصه لسه سانه السكاكين والسواطير، وابقي اشوف بقي كلامي هيتسمع وله لاء."
والله معلمين المدبح ركبهم علي الجيران اللي ف اول الشارع.
نادر: يعني يا حلو لو زعلتها مش هنلاقيلك قطع غيار.
ماهر: لاء نبقي نديله كوارع العجل العفي اللي عندنا.
منجي (بيضحك): ههه بايخيين اوي.
ماهر: خلينا ف الجد، قولت ايه ف شغلنا مع بعض؟
منجي: موافق طبعا.
ماهر: طاب احنا الصبح إنشاءالله نظبطك وتنزل نشتري ونوزع البضاعه، اصل وشك حلو علينا، مطلوب ٢٠راس.
منجي: يعني ايه؟
ماهر: هما قعدتين تلاته وهتبقي سيد المعلمين.
منجي: طاب وموضوع الاستقالة؟
نادر: مخلص خلاص، انته من الاحرار يا علي.
منجي: مش فاهم.
نادر: وافقوا علي الاستقالة، لتنتقل من مدرس للدراسات الي معلم في سوق المواشي.
منجي: خفيف اوي… المهم لازم نكتب كتابكم علي البنات قبل امي متسافر عشان ميصحش يقعدو هنا كده او نرجع بيتنا.
ماهر: ابوس الدماغ الإلماظ ديه، احلي ابو نسب ف الدنيا… اما اروح افرح عروستي.
