رواية حين تتغير الاقدار الفصل الخامس عشر بقلم سناء الهموندي
ان أجبرتك الحياة على التلون ..
فكن مثل الورود ..
وان أجبرتك على السقوط ..
فكن كزخات المطر ..
وان أجبرتك الظروف على الصمت ..
فكن كسكون الليل ..
وان أحرقوك ..
فكن كعود البخور ذو رائحة طيبة ..
وان اجبروك على الغياب ..
قل لهم : وهل يخفى القمر ..؟؟ #🌹🌹
جورية : كمت صحت ياهو .
محمد : أنا جوري فتحي الباب .
جوريه : فتحت الباب طب محمد مبتسم كال .
محمد : كعدتج حبيبه .
جوريه : ابتسمت له خير إنشاءالله دوم هلبتسامه .
محمد : جوري بعد كل هل صبر والتعب الله سبحانه اكرمني باولاد ثلاثه وبنت مثل الكمر .
جوريه : بفرح صفيه جابت .
محمد : هزيت راسي باي وتقربت حضنتهه جوري انتي وجه الخير عليه الله لا يحرمني منج .
جوريه : دوم هلفرح انشالله اله ماكتلي ليش ما ضليت عدهه خافن تريد شي تعرف المره من جيب تحب تدلل على رجلهه .
محمد : اله انتي يا جوري لا دللتي ولا حجيتي لا ديرين بال امهه واختهه يمهه وأمي هم تقربت بست الجهال وهمه نايمين غلام ضل ينوص بصوت ناصي بسبب اشواربي طبطبتله وكمت اذا تكدرين تحضريلي لكمه اكل واطلع تدرين عندي شغل لازم اكضي .
جورية: رحت حضرتله اكل وشرب جاي وطلع أنا هم ضليت كاعده شويه وإذن الفجر صليت وكمت عجنت وديت اكل للدجاج والبقره ورجعت كنست الحوش مالنه من طين بس اكنسنه وارشه شويه تطلع ريحه منه تخبل طلعت الخوص وضليت اشتغل أخذني الوكت وانا كمت أبدع بشغلي اسوي سلات و حتى مهفات تفيد للصيف ياكلنه الحرمز اختمر العجين كمت خبزت وخلصت مشت الايام والأشهر كبرو الجهال غلام عمره عشر اشهر توه يخطي الهايشه مالتي كبرت ام علي اقترحت عليه ابيتهه ويه هوايشهم حتى تخلف واستفاد من حليباتهه وهذا الصار خليتهه فتره عدهم وخلفت وكمت ابيع بحليبهه واسوي روبه وابيع مرت الايام والأشهر و السنين وطبينه بسنه 1958 كبرو الجهال محمد شغله بلكاع كلش تعبان بسبب القطاعيين مستحلين اراضي الفلح والكيعان يأخذون وارد الحصاد الهم ومينطون للفلح اله القليل بهل فتره هاجوا الثوار على حكومه عبدالاله ونوري سعيد ونقسم الشعب قسمين قسم مويدين وقسم ضد الحكم .
محمد : بيوم كاعد اشتغل بلكاع افتح العبره من البابيه البابيه عباره عن حوض تتفرع منه أنهر صغيره الكل بستان مرتبطه ب النهر الرئيسي أو الشط كل يوم او يومين لواحد يفتح المي ع زرعاته الي يزرع ويتعب وتالي تروح للقطاعيين والفلاح الفقير يادوب يطلع منه مخضر للبيت اهله واني افتح المي ع بستانه واسمعلك الناس تهوس وتركض واحد يبشر الثاني حتى يروح يسجل اسمه هاحجي ابو علي خيرك يابه شبيه الوادم تركض مخبوصه ..
ابو علي: ياخويه افتح المي البستانك وجيب دفتر الاحوال مالتك ومال عايلتك وخلينه نمشي يكلك يم تكان حجي مخلد يسجلون اسماء الفلح امشينه نفهم السالفه وصدك رحنه وسجلنه وراهه بفتره وزعوا لكل واحد سجلوله بستان شكد مساحته وشكد يزرع حكم عبد الكريم قاسم نصف الشعب وخله لناس بيوت وبساتين باسمهم كل واحد اله واذا عنده ولد هم نطاهم جم دونم شجع ع زراعه وقلل من هجرت الفلاح للمدينه هوايه عوائل رجعت ال كيعانهه الي تهجرت منه فترة عبد الاله الي كعد العراق ع حديده وبكل زمن لازم يطلع طاغيه وميخلي الشخص المناسب يفيد العراق لان العراق الإنكليزي وأعوانهم من ذاك الوكت ميردونه يوكف ع رجلينه واي انسان نزيه يصعد للحكم يسقطونه وعلى هلموال استمر الفساد والحروب بالعراق جيل بعد جيل يعاني من سوء الخدمات لحد ما استلم عبد الكريم قاسم الحكم طور هواي أمور الناس زرعت وطورت الزراعه بشكل سريع لان ارض العراق ومياهه ومناخه يساعد ع زراعه واني وحجي علي زرعنه كيعانه نخل وبرتقال ورمان تين وجميع الأشجار وحتى محاصيل الاذره زرعناه والوبيه والبانيه باكله مخلينه شي وزرعنه حلو ونضيف ومن كثر ما العالم كله زرعت صار فائض ب المحاصيل واسعار المنتجات الزراعيه مااستثمر ولا تصدر للخارج فاني رجعت اشتغل بترميم سكك القطار الي اشتغلناهه واحنه شباب وهسه رجعوا يرمموهه فاني كلت ارجع لشغله السكك احسن لان وارد الزرع هم رجع قل بسبب كثر المحاصيل ماشاء الله الله اكرمني بأطفال بعد صبر واليوم كاعدين أنا وأبو علي بلكهوه وكالي .
ابو علي : تعرف محمد أنا مايصرفلي شغل الكاع عبن دخله قليل فسويت ب بساتيني نبعيه....عباره عن حوض سمج ومتصل النهر مال البستان بالشط الي يغذي محافضتنه وهيج هم رزق وهم منظر الزرع والأشجار يفتح النفس.
محمد : احسن شي سويته الحمدلله هاي اول حاكم يحكم العراق بعدل وكلشي توفر هاي اكثر فتره ارتاحينه بيه تقريبا خمس سنوات تنعمنه بخير زرعاتنه والأمان وتم تبليط شوارع رئيسيه ومد سكة الحديد الي تربط شمال العراق بجنوبه وغربه شي مفرح وانت تشوف الازدهار أنا ويه شغل الكاع وشغل السكه الحديد وشغل جوريه حياتنه تحسنت .
جوريه : طبينه الستينات تغيرت هواي أمور بحياتي و بحياة العراقيين للأحسن خلفت بعد غلام ثنين بنات سلطانه وشمس سميتهه شمس لان وجهه خير علينه اشرق حياتنه اجت ويه ما عبد الكريم قاسم لزم الحكم وتحسن حالنه بعد مانطونه قطع اراضي ومحمد رجع لشغله بسكه الحديد ضويه كل فتره تجي اشوفنهه تبقى يمي جم يوم تجي محمله هدايه الجهال يفرحون بجيتهه خصوص فالح كلما يجون يجلب يريد يروح وياهم بس ابو ميقبل يكول زحمه اندك الباب طلعت هناء فتحته صاحت .
هناء : يمه جتي خاله ام علي .
جوريه : يا هلا باام علي تعالي .
ام علي : شونج خيه ام فالح .
جوريه : سويت ححصير لبيت ام ربيع وصتني على حصران قبل يومين واليوم كملتهن .
ام علي : الله يرزقج صدك ما سمعتي بلخبر الجديد والعالم كلهه مخبوصه بي يكلج فاتحين مشروع خط نفط والقريه كلهه راحت شافته .
جوريه : خيه ام علي ماتخلينه نروح نشوف خط النفط الي يحجون عليه .
ام علي : كومي خيه قبل مايردون زلمنه للغده نروح جوريه : وصدك نروح ونباوع من بعيد ونشوف كل الوادم ازغار وكبار ملتمه ونشوف الات وسيارات مشايفيهن كبل حفارات وبوري يكولون هذا الخط الستراتيجي الي يربط النفط من الآبار مالت البصره والمحافظات الجنوبيه ويتم نقله إلى حقول بشمال وبغداد حتى يتم تكريره واحنه مكيفين ونشوف خط النفط والانكليز الي يباوعولنه عبالك احنه من كوكب وهم من كوكب نظراتهم النه ع انو احنا شعب فقير وفعلا اغلبنه ميقره ولا يكتب ناس امينن بسبب الحكام الي يحكمونه اكلج خيه شنهي هاي عود صدك راح يمدون آبار النفط منا .
ام علي : اي خيه جا ماشوفين الالات والعمال .
جوريه : بفرح هيج الله والعراق يطور ونصير بخير .
ام علي : انشالله .
جورية : امشينه نرد الجهال ضلوا وحيدهم .
ام علي : بعتيهه الهايشه مالتج .
جوريه : اي بعت الامايه وبقيت الصغيره عبن كبرت وكلت استفاد منهه ومن حليباتهه .
ام علي : اي احسن .
جوريه : ردينه للبيت وسويت غده وكملت شغلي ام علي صار عدهه وره تمار توم وره التوم جابت بنيه سمتهه غاليه وهسه حامل وفضه صار عدهه بعد ولد وكعدت خطيه مهدي كلش هاملهه ومكضيتهه يمي وبلبيت نوبات تشتغل وياي بلخوص تسلي روحهه وهيج مضت الايام .
ضويه : مرت الايام والأشهر والسنين صادق تعين بأحد دوائر الدولة الحكوميه واستمر بشغله بمحل الخياطه وفرقد رد كعد بغداد و وصار اله مكانته عبن صار الناطق الرسمي باسم العراق صار الانقلاب على عبد الإله وتم اغتياله وتمثيل بجثمانه فرقد وصادق جانوا من مويدي لعبد الكريم قاسم وانتموا اله والحكمه حياتنه اتحسنت أكثر جالي كبرو صار عندي بنيه سميته نهله عمتي بقت عايشه ويانه صادق كل فتره يروح يودي مصرف لمرت ابو وأخو معافهم صادق وفرقد اطوعوا بمحو الاميه وتعليم الكبار بسبب جهل أهل قبل مجانوا يخلون جهالهم يكملون تعلومهم ومن ضمنهم أنا وجوري لا نقره ولا نكتب صادق اقترح عليه اسجل بلاميه بس ماقبلت عبن مالحك وانا بيت وخمس جهال .
ام صادق : يمه ضويه ماترحين بلعطله للسلف شو أنا كلش مشتاقه لفضه وبالي عدهه .
ضويه : اذا صادق ماعنده شي نخلي ياخذنه .
ام صادق : خايبه عليمن صادق يومين ويردنه نروح انا وياج والجهال .
ضويه : جا خلي اكله وأشوفن شيكول .
جوريه : بعد ما رجعت اراضينه كمت أنا وجهالي نشتغل بلزرع ويه ابوهم احضرلهم المخضر العصريه ومن الفجر ياخذو فالح وغلام يبيعون بلسوك ومحمد يطلع الشغله بلسكه مال قطار غلام أكثر حرص ومسواليه من فالح سبع واسوالفه اكبر من عمره رغم ميتجاوز ال 10سنه وفالح 13سنه وهناء 11 وسلطانه 7سنين وشمس 4سنين .
غلام : يمه يروحي انتي عوفي الشليف مال خضره أنا اسوي انتي تعبانه .
جوريه : لا يبعد بيتي أنا وأخواتك نتعاون عليه بس كلي اخوك وينه .
غلام : كال اروح يم بيت جدي .
جوريه : يروح للقال والقلت مايكعد ويجفي شر .
سلطانه : يمه اجيب الخوص نلف بي الخضره .
جوريه : اي وصيحي هناء طب فالح من الباب يباوع علينه تقدم وكال .
فالح : اريدن فلوس يمه .
جوريه : شسوي بيهن جا مو اخذتوا خرجيتكم البارحه .
غلام : اي صدك وين وديتهن مو هاي اني فلوسي ماصرفهن ماتكلي انت شسوي بيهن .
فالح : بنتره مالك دخل انت لا تصير براسي انت وبس .
غلام : باوعتله صفح وحجيت أنا رايح لبوي اساعده يمه .
جوريه : ولك يمه حجي اخيك صدك انت تلفس فلوسك هيج وهيج حتى مانعرف وين توديهه .
فالح : بصوت ماريد عمي حتى فلوس ماريد سويتوهه عليه سالفه .
جوريه : طلع وخلاني بقهري هلولد مادري عليمن طالع لا مسواليه ولا يحس بينه ودومه .
ضويه : مرت الايام واجت عطله الجهال كاعدين نتعشه وعمتي حجت .
ام صادق : يمه صادق شرايك أخذ الجهال وضويه واروحن للسلف اشوفن اخيتك وهم أخذ مصرف لمرت ابوك واخوك لا تنساهم .
صادق : روحوا يمه أنا تدرين شغلي لراسي ماكدر اجي .
ام صادق : جا حضري روحج عكب باجر نروح .
ضويه : خوش أنا ماعندي شي ..
جوريه : طلعنه من الصبح للزرع جو يرد الروح لازمه المنجل واحش بلخضره صاح محمد عليه .
محمد : ام فالح وينج .
جوريه : مدنجه بلزرع عالي من صاحني رفعت راسي حسيت بدوخه لزمتني هناء ومحمد اجه ركض .
محمد : سلامات أبويه انتي شصارلج .
جوريه : ابتسمت شغله عاديه ابو فالح .
محمد : شنهي العادي وانتي ردتي طيحين .
جوريه : حجيت بخجل موش أنا حبله .
محمد : بابتسامه اللهم صل على محمد وال جا ليش تعبين رويحتج .
جوريه : لاله أنا ارتاح على ريحت الزرع مشت الايام وام علي جابت ورحنالهه أنا وفضه وردينه بقت عندي فضه نشتغل أنا وياهه نسوي مكانيس ومهفات باوعت عليهه شفتهه مسويه مهفه على شكل مثلث كتلهه يااا خيه هاي شون مهفه حتى ماذب هوه هيج .
فضه : بضوجه هاي المهفه مثل اخوج مانستفاد منهه شي .
جوريه : بضحكه قويه عاد بهاي صدكتي جا مو كتلج عوفي .
فضه : خلي الهم بلكلب خيه لا تهيجين المواجيع شوفيهه شون مهفه حتى تعني العيون من الهوه .
جوريه : ضحكت اجت هناء جابت جاي وخبز عروك كعدنه نأكل وطب فالح وغلام من الشغل جوي فالح فات كبل بدون سلام وغلام كال .
غلام: سلام عليكم هلا بعمتي فضه شونج .
فضه : ياروح عمتك انت تعال احبنك عبنك رجال وأخو خيتك على السويته البارحه .
غلام : عيب عمه شنهي تحبيني قابل أنا صغير .
فضه : لا والله انت زلمه ونعم بس هم تعال احبنك .
جوريه : بضحكه عوفي البوس وكليلي شسوه وليدي البارحه جا شو ماكلتيلي .
فضه : موش البارحه تعارك ويه ابن حجي حماد عبن شافه كاعد بابنه كوم الولد من ياخته وكله شعندك هنا باب بيت خالي اذا شفتك بعد هنا امسح بيك الكاع من كلبي كتله عندك غيره علينه احسن من خالك ..
جوريه : يااااا وشعنده ابن حجي حماد بابكم وهوه القريه كلهه تحجي بمكسراته وسوالفه .
فضه : حضي حشاج خيه جابه عليه شاف بيت لا زلمه يجي لا زلمه يسأل .
جوريه : سوده عليه حضج مادري بيا مكان مدفون .
فضه : اله صدك اليوم هم ميجي رجلج للبيت .
جوريه : اي صارله سبوع يبات هناك اشوفنه بس بلكاع من نطلع نزرع .
فضه : هزيت ايدي وتحجين عليه خيه تره انتي حالج من حالي .
جوريه : لا ارحم أنا الحمدلله ...مرت الايام واليوم طلعت الصبح للزرع أنا وغلام وفالح الي بلكوه اخذه نشتغل وهوه مكضيهه تسخت اخذت بس شمس لان صغيره اخاف عليهه وعفت هناء وسلطانه مثل كل يوم تمار ابن ام علي يعوف كاع اهله ويجي يشتغل ويانه على واهس غلام عبن هوه وغلام روح بروح .
فالح : اجه الزكه ادري ميروح يشتغل ويه ابو شعنده بكاعنه .
غلام : تره مجاي عليك هوه .
جوريه : فالح احترم يمه الولد صديق اخوك وجاي على موده ويساعده .
فالح : انت راد للبيت اكل لكمه واجي جوعان صحت بصوت بويه تريد شي اجيبلك وياي من البيت .
محمد : وشعندك راد تره شغلنه بعده ما خلص .
فالح : اروحن اكل واجي مشيت من امي وهمست ميجي يشتغل ابن صفيه .
جوريه :بعصبيه شون بيك انت اله تموتني بسوالفك معليك انت بلوادم لا اخلي المنجل برأسك .
غلام : بضحكه تعال تموري .
فالح : اضحك اضحك بعدين نتحاسب .
تمار : غلام أنا اكول بعد ماجي لان كلما اجي اسببلك مشكله ويه اخوك .
غلام : لا تحجي هيج وضوجني هوه دومه هيج كالب وجهه .
تمار : هلا بشموسه شلتهه بستهه فدوه شون خدود حلوه .
غلام : بضحك ولك شنهي انت ماخذ راحتك زايد تره هاي عرضي وماقبل تبوسهه .
تمار : انت لا تدخل أنا هاي روحي احبنهه حتى أكثر من خواتي .
غلام : بضحك شوف الصلف هنوب عينك عينك يحجيهه .
تمار : بضحك جا من هسه خلي اطلبهه من عمي محمد شوف اكلك أنا شمس إليه وماتصير الغيري بعناد غلام .
محمد : بضحك وانا نطيتك يلسبع وين الكي مثلك رجال امن بنتي يمه .
جوريه : ياااا شوف شيحجون عمي البنيه حتى أربع سنوات ممكمله زواج ايش .
محمد : بضحك روح بويه تمار جيب ابوك وعمامك وتعال كبع وأخذ .
تمار : شدكولين شموس انروح أنا وياج انجيب عمامي .
شمس : بضحك ااااي .
جوريه : ولج اليوم اموتج .
شمس : ما .
جوريه : ضحكت على سوالفهم واشتغلنه وره تقريبا ساعتين اجه فالح يصيح يمه اجت خالتي ضويه وبيبي ام صادق .
جوريه : يا هلا بيهم .
محمد : روحي لخطارج حبيبه عيب منهم .
جوريه : اي رايحه ...رجعت للبيت أنا وشمس لكيت ضويه وعمتي ام صادق والجهال وحتى فضه جايه سلمت بلهفه عليهم لكيت فضه مسويه غده خطيه ومحضره .
ضويه : شنهي هاي صارلي ست اشهر مجايه عبالك ست اسنين .
جوريه : ليش خيه هوه احنه نفسنه وبيتنه نفسه هههه .
ضويه : احجي على البيوت البانيهه جديده وهاي الآلات والمعدات الحاطيهه بنهايه القريه شنو هاي .
جوريه : البيوت هاي العالم ردت لكيعانهه بعد ما عبد الكريم قاسم وزع الكيعان وبنوهه وكعدو وهاي المعدات آبار نفط .
ضويه : تهاني يمه جيبي الغراض الجبانهن لخالتج والعمتج .
جوريه : شني خيه كلما تجين محمله .
فضه : بضحكه اي صدك شنهي تجين محمله أنا تره ماقبل تحملون اريدن تشيلون وتجيبولي .
ضويه : بابتسامه تدللين عيوني انتي .
جوريه : ضلوا بيت ضويه يومين يمي بعدين راحو لبيت عمي وبيوم أنا خذتني نومه الصلاة الفجر كعدني غلام بفزعه .
غلام : يمه يييمه
الى هنا ونختم بارت اليوم انتضروني بالمفاجأة ...
