رواية طفلة وحيد الدباغ الفصل الاول
وفي حي السيده زينب بيت عيله الدباغ متكون من ست ادوار اول دورين معرض وورش النجاره مشهورين بصناعه اوض النوم والمطابخ والاطفال والانتريهات وثالث دور شقه الحاج حمدي الدباغ ومعاه مراته الحاجه انعام
والدور الرابع شقه ايمن الدباغ ومراته دعاء وعياله الشقه اللي قصادها لامين الدباغ ومراته ضحي وبناته
وخامس دور شقه وحيد الدباغ ومراته هدير واولاده التوام والدور السادس مقفول
صحي وحيد من النوم على صوت المنبه ودخل الحمام اخذ دش
وخرج شاف مراته نايمه وراح ناحيه الدولاب عشان يطلع هدومه
ولقى الهدوم كلها مش مكويه
اتضايق وقرب من السرير
وحيد قوم يا زفته
فتحت عينيها في ايه يا وحيد
وحيد
يعني مش عارفه في ايه ان هدومي مش مكويه ومحطوطه في الدولاب والشقه زريبه
هدير
يعني اعمل ايه العيال مطلعين عينيا طول النهار وبنزل عند امك بخدم
وحيد مسكها من شعرها بتخدمي ايه وعيال ايه اللي مطلعين عينيك امي اللي مخليه بالها من العيال ونسوان اخواتي هم اللي شايلين الشقه تحت انتي ما بتعمليش حاجه مش فالحه غير في المكياج ولبس الذهب بقول لك ايه انتي تقومي زي الجزمه تكويلي الطقم بتاعي وارجع النهارده الاقي الشقه نظيفه فاهمه ولا لا
خافت هدير حاضر
وهو قاعد على السرير وولع سيجاره وهي اخذت بنطلون وقميص وبدات تكوي فيهم
وبعد دقائق لبس هدومه وخرج بره الاوضه وهي اتنهدت بالراحه
وفي شقه الحاج حمدي كانت قاعده انعام بتعمل القهوه على السبرتايه للحاج حمدي
وخرج ضحى من المطبخ احط الفطار يا مرات عمي
انعام
ايوه يا بنتي عشان الرجاله زمانهم نازلين
ضحى
حاضر يا ماما
وخرج حمدي من الاوضه صباح الخير يا انعام
أنعام
صباح النور يا حاج تعالى اشرب القهوه بتاعتك
وقعد الحاج حمدي ومسك فنجان القهوه وبدا يشرب فيه
ونزل ايمن صباح الخير يا حاج صباح الخير يا حاجه
رد عليه صباح النور وقعد جنبهم
انعام
دعاء فين
ايمن
اهي نازله ورايا بس كانت بتلبس البنت
انعام
طيب يا حبيبي
ودخلت دعاء صباح الخير يا عمي صباح الخير يا مرات عمي
انعام صباح النور يا حبيبتي
دعاء مرات عمي خدي البنت بس عقبال ما اخش اساعد ضحى في الفطار
خرج الضحى ما تتعبيش نفسك يا دعاء انا خلاص خلصت كل حاجه
انعام
بردو يا ضحى خليها تساعدك ودعاء دخلت معاها
ودخل وحيد صباح الخير الكل رد عليه
حمدي
ايه اللي اخرك امبارح في الورشه يا وحيد
وحيد
ما انت عارف يا حاج اني ورايا شغل هسلمه النهارده عشان اقبض من المهندس واشوف الفيلا الثانيه اللي هعملها
حمدي
طيب يا وحيد ما تتعبش نفسك في الشغل يا ابني
انعام
ربنا يسهلها لكم ويفتحها في وشكم ويرزقكم بالرزق الحلال
الكل قال امين
ضحى يلا يا عم يلا يا مرات عمي الفطار جاهز
انعام
مراتك فين يا وحيد ما نزلتش ليه
وحيد
ما هي مش هتنزل النهارده ياما وراها حاجه بتعملها ما حدش يطلع يساعدها فاهمين
انعام
فهمت حاضر يا ابني المهم ما تزعلش نفسك طب العيال فين
وحيد
لسه نايمين اول ما هيصحوا هينزلوا لك يا حاجه بس ابقي فطريهم
انعام
من عيني يا حبيبي وقاعده بيفطروا
وفي شقه وحيد كانت قاعده هدير بتتكلم في التليفون مع امها وتحكي لها اللي حصل
رضا
انتي اللي غلطانه وانا كذا مره اقول لك خلي بالك من البيت عشان وحيد خلقه ضيق ومش هيسكت كثير
هدير
يعني اعمل ايه
رضا
ادلعي عليه يا بنت وكلي بعقله حلاوه
هدير
تفتكري ياما
رضا
طبعا الراجل بيحب الست ليه تدلع عليه
هدير
طيب ياما هقفل معاكي واقوم اعمل الشقه واجهز نفسي عشان لما يجي وكمان هطلب اغير الغوايش بتاعتي اصله هياخد فلوس النهارده من الشغلانه الجديده
رضا
طب ما تنسيش امك غويشه يا بت
ضحكه هدير من عينيا الاتنين ياما وقفلت معاها
وفي الورشه وحيد كان واقف مع الصنايعيه انا عايزكم تلمعوا الشغل كويس وكمان يتلف في ورق عشان التراب
وحيد دخل الورشه يشتغل معاهم
واقرب امين بقول لك ايه يا وحيد احنا عايزين فلوس علشان التاجر الخشب
وحيد
خش خد من الخزنه 20000 جنيه تحت الحساب وبنروح اديهم له وهات منه الخشب اللي هنحتاجه ولما ارجع بالليل ابقى اديك باقي الفلوس
امين
ماشي يا وحيد وخرج
وفي مكان بعيد فيلا جميله ما لهاش وصف فيله عيله ابو اليسر وكان واقف حكيم ابو اليسر يزعق يعني ايه يا عصام البنت المفعوصه ديت مكتوب لها كل حاجه
عصام
بقول لك ايه البنت دي لو ماتت ما حدش هيورثها غيرنا عشان انت عارف ان امها كانت من الملجا واخوك اتجوزها لما راح يتبرع للملجا
حكيم
معاك حق لازم نخلص منها في اقرب وقت
عصام
سهله قوي الليل ملهوش عيون ناخدها في حته مقطوعه ونقتلها ونبقى نبلغ البوليس باختفائها
حكيم
ماشي وانا معاك بس اعمل حسابك انا اللي همسك الشركه
عصام
ماشي وانا هاخد المصنع
حكيم تمام قوي
كل ده كانت سامعه زمرده وخافت وراحت على اوضتها
وبعد وقت في شقه حمدي الدباغ كانوا قاعدين بيتغدوا
وحيد انا هطلع اغير هدومي علشان اروح اودي العفش وتعالى معايا يا ايمن علشان ممكن ننصبه وهات معانا كم صنايعي
ايمن
من عيني الاتنين
حمدي
طب الراجل اللي هيجيب الخشب
وحيد
امين هيستلمه وهيحطه في المخزن اللي تحت
حمدي
طيب يا ابني واتغدوا وبعد وقت قاموا ركبوا العربيات وراح عشان يودوا العفش واقابل وحيد المهندس
المهندس
كويس ان انت جيت يا وحيد عايزك بقى تحط العفش مكانه وتنصبه
وحيد
انا عامل حسابي يا باشمهندس وجايب الصنايعيه معايا عشان نخلص الموضوع
المهندس
تمام قوي كده حسابك هيبقى كام
وحيد
بالقديم بكله
المهندس طبعا
وحيد 60 الف
المهندس طلع ظرف اتفضل وحيد 70000 مش 60 كمان عشان صاحب الفيلا كان مبسوط من الشغل وحاطه 10000 زياده
وحيد
شكرا يا باشمهندس ودخل يشتغل مع الرجاله
وبعد وقت طويل في فيله ابو اليسر طلع عصام اوضه بنت اخوه ودخل بالراحه وجاب منديل فيه مخدر واقرب من السرير وجاي يحط المنديل على مناخيرها
مسكت ايديه وهو كان اقوى منها ضربها بالقلم جامد وقعت ومسك شعرها وحط المنديل على مناخيرها وقعت من طولها واتخبطت راسها في السرير
و عصام شالها ونزل بيها على تحت واقابل
حكيم
ايه الدم ده كله
عصام
بنت الكلب كانت صاحيه وجيت احط المنديل مسكت ايديا فضربتها بالقلم وقعت على سن السرير
حكيم
طب يلا بسرعه اخلص منها
عصام حاضر ومشي بيها وحكيم نده عليه
وحكيم
اوعى تطلع من باب الفيلا اطلع من ورا وهتلاقي العربيه
عصام
ماشي وخرج بيها حطها في العربيه ومشي بيها
وبعد وقت وقف بالعربيه في حته تحت الانشاء ونزل شالها واخدها ناحيه فيلا وطلع المسدس كاتم الصوت وكان لسه هيضربها بس الكلاب هو هوت وجريوا عليه وهو هرب وركب العربيه ومشي
والبنت فضلت في مكانها نايمه بعد وقت
وعنده وحيد خلص الشغل وكانوا ماشيين العربيه الكاوتش ضرب في الحته مقطوعه
وحيد ايه اللي حصل يا ايمن
ايمن
شكل كده الكاوتش ضرب
وحيد
طب انزل انت واحد من الرجاله غيروه عقبال ما اروح افك ميه وارجع
ايمن
حاضر ونزل وحيد ومشي شويه ووقف علشان يعمل حمام سمع صوت قرب من الصوت واتفاجئ بنت مربوطه وبتزحف بضهرها علشان الكلب خايفه منه قرب مشى الكلب
وفتح كشاف التليفون وفك الحبل وقال لها انتي مين
البنت فضلت تعيط
وحيد طب ايه اللي جابك هنا فضلت تعيط صعبت عليه طب يلا تعالي معي خافت ورجعت بضهرها و
وحيد ما تخافيش انا مش هاذيكي انا ممكن اوديك قسم وهناك هيعرفوا يجيبوا اهلك
فضلت تعيط وحيد مسك ايديها وجت تقوم ما قدرتش تمشي هو شالها
وخرج بيها وراح عند العربيه وكان ايمن خلص واتفاجئ بالوحيد والبنت مين دي يا وحيد
وحيد
والله ما عارف انا لقيت الكلب بيقرب منها وكانت بتعيط وكمان شكلها خرسه مش عارفه تتكلم فقلت اخدها بدل ما نسيبها هنا
ايمن
بس البنت شكلها نضيف يعني اهلها مش هيسكتوا
وحيد
احنا نروح هنقدم بلاغ في القسم ان احنا لقيناها
ايمن
طب اسالها تكون عارفه مكان بيتها
وحيد
انتي تعرفي بيتك فين هزه راسها لا
ايمن
استنى البنت دي خرسه ازاي وهي بتفهم الكلام
وحيد
يمكن خايفه ومش عايزه تتكلم
ايمن
انا خايف ليكون وراها مصيبه تعالى نروح القسم احسن
وحيد
طب يلا نروح الوقت اتاخر والدنيا ضلمه واكيد البنت خايفه
ايمن
ربنا يستر
وعند حكيم عملت ايه يا عصام خلصت من البنت
خاف عصام وكدب ايوه خلصت منها واديتها رصاصه في قلبها
حكيم
اتنهد بالراحه الحمد لله كده بقى كل حاجه تبقى ملكنا ونعيش ملوك
وبعد وقت وصلوا وحيد بالعربيه ودخل البيت وهو شايلها وهي دفنه وشها في رقبته
وحيد السلام عليكم
رد الكل عليكم السلام
انعام مين دي يا ابني
وحيد
دي بنت يا حاجه
حمدي
يعني ايه بنت يعني بنت مين
ايمن
واحنا راجعين يا حاج الكاوتش ضرب ووقفنا عشان نغيره وحيد نازل عشان يفك ميه رجع بيها
انعام
طب يا ابني زمان ابوها وامها مقطعين نفسهم عليها
وحيد
مش عارفه يا حاجه البنت مش عارفه هي مين وكمان اللي كان رميها رابطها
انعام
يا قلب امك يا بنتي هاتها يا وحيد اشوفها واقرب وحيد وادى لها البنت واول ما انعام شافتها بسم الله ما شاء الله الله اكبر ايه الحلاوه ديت
حمدي
في ايه يا وليه
انعام بصي يا حاج البنت زي القمر ازاي
والكل بص حتى وحيد واتفاجئوا بجمال
ضحى
الله اكبر دي اموره قوي يا مرات عمي ينفع اخدها تعيش معايا
انعام
لا مش هتاخديها بقول لك ايه حاج انا ربنا ما رزقنيش ببنات ينفع تسيبها لي اربيها واكيد ما حدش هيسال عليها
حمدي
ما ينفعش يا حاجه افرضي اهلها دوروا عليها
انعام
لو دوروا عليها يبقى ياخدوها بس انا عايزاها تبقى معايا عشان خاطري يا حاج
حمدي
ماشي يا حاجه
وحيد
كان عينه على البنت اللي في حضن امه
وبصه انعام لضحى اطلعي هاتي لي ترنج من عندك علشان هي تلبسه لغايه الصبح وانا هروح اجيب لها هدوم
ضحى
حاضر يا مرات عمي
دعاء
هي عندها كم سنه يا مرات عمي
انعام
بصت لها ممكن يا 13 سنه اي 14 سنين كل ده وهي ساكته
وانعام تعالي يا حبيبتي اخش احميكي والبسك الترنج ده واجيب لك اكل
قامت معاها
وحيد
طب تصبح على خير انا هطلع انام
حمدي
ماشي يا ابني اطلع
وايمن
يلا يا دعاء خلينا نطلع
وضحى انا هطلع بقى يا عمي علشان امين زمانه جاي
قال لها ماشي يا بنتي
وفي شقه وحيد دخل لقى الدنيا نظيفه وهدير لابسه وقاعده مستنياه ايه يا وحيد اتاخرت ليه ما ردش عليها ودخل اوضه النوم اخذ ترنج ودخل الحمام ياخد دش وهي اتغاظت
اما تحت انعام خليتها تستحمى وكمان نظفت لها الجرح وعملت لها شعرها ضفير وبدات تاكلها وهي مبسوطه
زمرده ابتسمت علشان من ساعه موت ابوها وامها ما حدش اعملها حلو كله بيزعق لها وبيسيبوها بالايام جعانه
انعام
ايه حبيبتي ما بتتكلميش ليه
فضلت ساكته
انعام
تعالي اوريك الاوضه اللي هتنامي فيها
ودخلوا الاوضه انعام حطيتها في السرير وجت تقوم زمرده مسكت ايديها
انعام
انتي خايفه تنامي لوحدك
زمرده هزت براسها باه قعدت جنبها واخذتها في حضنها لغايه ما نامت وهي كمان نامت جنبها وعلى وشها ابتسامه
وعند وحيد خرج من الحمام وقعد على السرير هدير مالك يا وحيد انت لسه زعلان مني حقك عليا
وحيد
انتي عايزه ايه يا هدير جيبي من الاخر
قربت منه وحطت ايديها على صدره
هي الست بتعوز ايه من جوزها غير الحنيه والدلع
وحيد
وانا تعبان وعايز انام
هدير ماشي يا وحيد براحتك ونامت جنبه وكل شويه تخبط رجليها في رجليه وتقرب منه لغايه ما وحيد اتعدل وقرب منها بكل قوه وبعد وقت نامت من التعب وهو قام دخل الحمام اخذ دش وخرج لبس بنطلون قطن وكان عاري الصدر وراح ناحيه اوضه ولاده اللي كانوا نايمين وابتسم وغطاهم وخرج قعد في الصاله يشرب سجاير واول ما حس انه عايز ينام ودخل على السرير ونام وهو بيفكر في البنت ديت
وثاني يوم صحيت انعام على ايد حمدي
بتضحكي عليا تسيبيني امبارح انام لوحدي وتنامي جنبها من اولها كده
ابتسمت انعام اصل اخذت قلبي يا حاج شفت قد ايه حلوه وجميله ازاي
حمدي
فعلا معاكي حق بس البنت دي هتكون عايزه تخش المدرسه شكلها كده كبير
انعام
وايه المشكله يا حاج ما ندخلها كله بالفلوس بيتحل
حمدي
حاضر يا انعام هعمل لك اللي انتي عايزاه بس اعرفي انا لو اتقبض عليا هيكون بسببك انتي
انعام
ما تقولش كده يا حاج ربنا يخليك لينا وما يحرمناش منك ابدا
حمدي
طيب يا ستي ممكن بقى تقومي تعملي لي القهوه بتاعتي وكمان البت دعاء بره في المطبخ
انعام من عيني الاثنين وقامت بالراحه وخرجت
اما عند وحيد فصحي من النوم على صوت المنبه وقام لبس هدومه وخرجت شاف ولاده قاعدين قدام التلفزيون
وجريوا عليه صباح الخير يا بابا
ابتسم وحيد صباح النور ايه اللي مصحيكم بدري
ادم ماما قالت لي ان انا هروح الحضانه النهارده مع ولاد عمي
وحيد طب يلا البسه وتعالوا عشان ننزل تفطروا تحت
الولاد فرحوا ودخلوا الاوضه
وحيد دخل تاني اوضه النوم وقرب من هدير اصحي يا هدير
فتحت عينيها التعب نعم يا وحيد انا مش قادره
ابتسم بسخريه طب قومي شوفي العيال عشان يروحوا الحضانه وانزلي ساعديهم تحت احسن لك
هدير حاضر واتعدلت على السرير
وخرج وحيد من الاوضه
وهي رجعت تنام تاني
ووحيد نزل هو والولاد
اما عند انعام كانت واقفه في المطبخ بتعمل الفطار مع دعاء وضحى
ودخلت زمرده يتفتح عينيها بصعوبه وقربت من انعام وشده الجلابيه بتاعتها وانعام لفت وشها وشافتها ابتسمت وشالتها حطيتها على الترابيزه صباح الخير
زمرده ابتسمت
دعاء
هي لسه ما بتكلمش يا ماما اللي انا عرفته من ايمن انها بتفهم الكلام يبقى اكيد بتتكلم
انعام
وهي بتديها كوبايه العصير اكيد خايفه واول ما تحس بالامان هتتكلم صح يا صغنن
زمرده كانت خايفه
وحمدي من بره الفطار يا انعام
انعام طب يلا يا بنات عشان عمكو عايز ياكل
والبنات بداوا يطلعوا الاكل وزمرده وقفت قدام انعام عشان تاخد منها طبق وتطلع بيه
وابتسمت انعام وادتها الطبق
وبعد وبعد قرب كل قاعد على السفره وحيد عينيك كان على زمرده اللي انعام بتاكلها بحب ايه يا حاج هنروح القسم النهارده عشان نعمل بلاغ
زمروده خافت ومسكت في ايد انعام بقوه
حمدي
لا يا وحيد امك عايزه البنت وانا وفقت
ايمن
ازاي حاج البنت شكلها بنت ناس واكيد اهلها مش هيسكتوا وممكن لو لقوها عندنا يقولوا ان احنا خطفناها
زمرده كانت بتهز راسها بلا
انعام وقفت وماسكه ايد زمرده انا مستحيل اخليكم تاخدوا بنتي فاهم يا حاج ودخلت بزمرده الاوضه
حمدي خلاص يا ولاد ما تزعلوش امكم
ايمن طب يا حاج احنا ما نعرفش البنت اسمها ايه حتى واكيد عايزه تخش المدرسه
حمدي خلص الكلام ويلا انزلوا على شغلكم
قام حمدي ودخل الاوضه وشاف انعام نايمه على السرير وفي حضنها زمرده
