رواية ورطة الفصل الأول 1 بقلم سما

شمس: ينهار ابيض اعمل ايه دلوقتى!!

مروان: افتحي الباب ده وإنزليلي..

شمس نزلت من العربيه وقالت: نعم!!

مروان: نعم الله عليكي..ايه اللي انتي عملتيه في العربيه ده..

شمس: فين ما العربيه زي الفل اهيه..

مروان: دنتي نهارك اسود..

شمس: نعم..ماتتكلم باحترام يا بني ادم انت..

مروان: احترام ايه انتي دمرتي العربيه دي لسه جديده يا شيخه منك لله..

شمس: مانت اللي وقفت..

مروان: بجد والله محدش قالك اننا بنقف لما الاشاره تنور احمر..

شمس: بجد كنت فاكره..لما تنور أخضر..

مروان: انتي ايه اللي ركبك عربيه اخرك تركبي عجله..

شمس: طب تصدق انك تستاهل..

مروان: يا بنتي متخلنيش اتعصب عليكي..

شمس: وريني كده..

مروان خبط علي عربيتها وقال: طب يلا امشي من قدامي..

شمس: متخبطش علي العربيه بايدك كده..

مروان: طب امشي من هنا يلا عشان مكسرهاش خالص.

شمس: انا همشي بس عشان مش خايفه منك..عشان ورايا ميعاد مهم بس..

مروان: يا شيخه امشي بقي..

شمس ركبت العربيه وقالت: دنا بهدلتله العربيه خالص..بس فداكي يا شموسه...

مروان بص عليها بغيظ بعد ما مشيت وقال: ناقصاكي بقي انت كمان..عربيتي حبيبتي حقك عليا...

««««««««««««««««»»»»»»»»»»»»»»»»

سلوي: مروان حبيبي تعالي اقعد..

مروان: خير يا ماما..

سلوي: عندي ليك خبر حلو..

مروان: امم انا عارف الداخله دي..

سلوي: عروسه زي القمر..

مروان: لا يا ماما..

سلوي: طب قابلها بس..

مروان: يا ماما انا عايز واحده انا اللي اختارها وابقي بحبها..

سلوي: يا حبيبي حبها في الخطوبه..

مروان: عرفتها منين دي يا ماما..

سلوي: جيراننا في الفيلا اللي جنبنا..

مروان: انتي لحقتي تتعرفي عليهم..

سلوي: هو انا شكلك ولا ايه..

مروان: طيب يا ماما هقابلها..

سلوي: برافو عليك انت كده ابن بار..

مروان: طيب..انا هطلع اوضتي..

سلوي: ماشي يا حبيبي..

««««««««««««««««»»»»»»»»»»»»»»»»

شمس: يا ماما لا مش بحب كده..

زينب: مش بتحبي ايه..انتي هتتقابلوا وتتكلموا وخلاص..

شمس: نفسي اعرف هو انتي اول ما تتعرفي علي حد جديد بتعرضيني للبيع..

زينب: تصدقي بقي صدفه..

شمس: اه انتي هتقوليلي..

زينب: طب قابليه بس وهتحبيه من اول مره..

شمس: ليه احمد عز..

زينب: يا بت متوجعيش قلبي بقي..

شمس: طيب هقابله وامري لله..

زينب: طول مانتي بتسمعي الكلام كده احبك..

شمس: طيب اهم حاجه انتي مرضيه..

زينب: هبقي مرضيه اكتر لو بقي فيه خطوبه..

شمس: انتي هتشتغلي من دلوقتي..لا انا قايمه..

زينب: يا بت خدي اوريكي صورته..

شمس: خليها مفجأه..

زينب: علي رأيك..

««««««««««««««««»»»»»»»»»»»»»»»»

هنا: البسي دريس احسن..

شمس: يا بنتي انا عايزه اطفشه..

هنا: ليه ما يمكن يطلع كويس..

شمس: لنفسه يستي..

هنا: امال هتلبسي ايه..؟!

شمس بابتسامة: ده..

هنا: انتي بتهزري صح..طيب اما انزل اقول لامك دلوقتي..

شمس: خلاص اسكتي انتي بقيتي عامله شكلها كده ليه..

هنا: البسي الدريس يلا..وطرحه سامره لا..

شمس: لا الا الطرحه السامره مش هلبس الوان انا..

هنا: يااا طنط زينب..

شمس: خلاص خلاص مش هلبسها..

هنا بابتسامة: ايوا كده..

بعد شويه..

شمس: ايه رايك بقي..

هنا: استني خدي البسي السلسله دي وهيبقي توحفه..

شمس: البسله سلسله كمان..

هنا: معلش تعالي علي نفسك..

شمس: ايه شكلي يتفتح النفس؟

هنا: اه جداا..

شمس: يخساره..

هنا: يلا بقي هتتاخري..

شمس: ما يستني وراه ايه..

مروان كان مستني وكل شويه يبص في الساعه..وطلع موبايله ورن علي مامته

سلوي: الو يا مروان..

مروان: ايه يا ماما هي فين انا مستني بقالي نص ساعه ليه هي وزيره..

سلوي: زمانها جايه..مش بنوته ولازم تجهز..

مروان: طيب ياماما اما اشوف اخرتها..

سلوي: اخرتها جواز ان شاء الله.

مروان: يلا سلام يا ماما..شكلها هي اللي جايه دي..

سلوي: عايزاك تشرفني يا مارو..

مروان: حاضر هرفع رأسك..

سلوي: حبيبي..

شمس كانت قربت منه..مروان بص عليها وحس انه شافها قبل كده..

مروان بصدمه: انتي تاني!!

شمس: ايه ده هو انت!!

مروان: انتي اللي زي القمر...

شمس: يعني انت اللي احمد عز..

مروان: انا مش هقدر اسامحك علي اللي عملتيه في عربيتي..

شمس: طب قولي اقعدي الاول وقوم اعدلي الكرسي كده من الذوق يعني..

مروان: انا شايف ايدك سليمه يعني..وبتخبطي عربيات الناس..

شمس: يادي العربيه اللي ماسكهالنا مكنتش BMW يعني..

مروان: عربيتي احلي منها ميت مره..

شمس: معلش..

مروان: انتي بقي جارتنا..

شمس: للأسف..

مروان: كلميني عنك..

شمس: لا انت متخيل اني هوافق وكده انسي..

مروان: يعني انا اللي مت في دباديبك..انا بس عايز الاقي اي حاجه مش عجباني عشان اعرف اقول لامي..

شمس: متتعبش نفسك مش هتلاقي..

مروان: ليه انتي من العشره المبشرين بالجنه ولا حاجه؟

شمس: دعواتك..

مروان: المهم باختصار انا كنت في كليه حقوق بس حاليا مش شغال بيها شغال في الديكور وكده..

شمس: يعني طلعت بتفهم اهوه؟

مروان: هو انتي لسانك بيحدف طوب..

شمس: هو انا قلت حاجه غلط دنا بمدحك حتي..

مروان: دي طريقتك اما تيجي تمدحي حد ده احنا رايحين في داهيه..

شمس: يابني انا لا اصلح للجواز والحوارات دي..

مروان: ليه معوقه؟!

شمس: انا فعلا معوقه اني جيت اقابلك والله..

مروان: بما ان اللي حصل حصل وانتي جيتي كلميني عنك..

شمس: بص يا سيدي انا لسه متخرجه من كليه حاسبات ومعلومات وشغاله حاليا في شركه كويسه..

مروان: هكر يعني؟

شمس: خلي بالك علي نفسك بقي...

مروان: لا لا خفت اوي..

شمس: لا خلاص متخفش مش هعملك حاجه..

مروان: انتي علي الله خالص..

شمس: يابني خليني ماشيه معاك بما يرضي الله..

مروان: طيب عندك كام سنه..

شمس: تديني كام؟

مروان: حاسك ٢٩ سنه..

شمس: ٢٩ عفريت لما..استغفر الله اهدي يا شمس..

مروان: كلام جد يعني ٢٢ سنه..

شمس : يعني قربت ٢٣..وانت؟

مروان: ٢٦ سنه..

شمس: حققت فيهم ايه..؟

مروان: راحه البال..

شمس: لا ودمك خفيف كمان..

مروان: اوعي تقعي في حبي بالغلط..

شمس: متخفش ماسكه في الكرسي..

مروان: جدعه..

شمس: يلا تعالي نقيم المقابله انا وانتي..

مروان: بصي انا تقييمي للمقابله دي ٣ من ١٠ انا كده كارمك علي فكره..

شمس: انا بقي واحد..

مروان: جايه علي نفسك ليه؟

شمس: الواحد ده بس عشان خاطر امك اللي قالت عليا زي القمر..

مروان: كمان!!

شمس: يلا إلي اللقاء..

مروان: ان شاء الله مفيش لقاء تاني..

شمس: عارف هتقول لامك ايه ولا احفظك..

مروان: لا متقلقيش هقول كتير اوي..

شمس: الا انت اسمك ايه صحيح؟

مروان: مروان..

شمس: وانا شمس..

مروان: وماله..

شمس: سلام يا مروان..

مروان: مع السلامه...